http://myanmarswesonenewsagency.blogspot.com/

ၿမန္မာစြယ္စံုသတင္း, No 32, Mahabandola Road, Yangon (2025)

02/07/2025

လူတစ်ဦးမင်းရဲ့အကျင့်ကြောင့် မင်းကိုစွန့်ခွာသွားတဲ့အခါ
အဲ့ဒီသူကိုမင်းပြန်လိုချင်လို့မရတော့ဘူး
တန်ဖိုးကြီးတဲ့အရာတွေက
တစ်ကြိမ်တခါပဲအခွင့်အရေးအနေနဲ့မင်းဆီရောက်လာတယ်ဆိုတာ
တနေ့မင်းသိလာလိမ့်မယ်

01/07/2025

ဂျပန်မှာ အကြီးအကျယ် ဆန်မလုံလောက်မှု ဖြစ်နေပေမဲ့
အမေရိကန်ထုတ် ဆန်ပို့ကုန်ကို ဝယ်ယူဖို့ မလိုလားပါက
အခွန်ထပ်တိုးမည်ဟု ဂျပန်ကို ထရမ့်ပ် ခြိမ်းခြောက်

1.July, 2025

အမေရိကန်ထုတ် ဆန်ပို့ကုန်ကို ဝယ်ယူဖို့ မလိုလားတဲ့အတွက် ဂျပန်နိုင်ငံအပေါ် အခွန်တိုးကောက်မယ်ဆိုပြီး သမ္မတ ဒေါ်နယ်ထရမ့်ပ်က ခြိမ်းခြောက်လိုက်ပါတယ်။

“ဂျပန်မှာ အကြီးအကျယ် ဆန်မလုံလောက်မှု ဖြစ်နေပေမဲ့လည်း ကျနော်တို့ဆန်ကို သူတို့ မယူပါဘူး။ တနည်းပြောရရင် သူတို့ဆီ စာတစောင်ပို့ဖို့ ရှိပါတယ်။ နောင်လာမယ့် နှစ်တွေမှာလည်း ကုန်သွယ်ဖက်အဖြစ် ဆက်ရှိစေချင်ပါသေးတယ်” ဆိုပြီး ထရမ့်ပ်က သူပိုင်တဲ့ Truth Social ပေါ်မှာ ပို့စ်တင်ခဲ့တာပါ။

ဒါပေမဲ့လည်း ထရမ့်ပ်ရဲ့ ပြောဆိုချက်ဟာ မှန်ကန်ခြင်းမရှိဘဲ ပြီးခဲ့တဲ့နှစ်တုန်းက အမေရိကန်ရဲ့ ဒေါ်လာ ၂၉၈ သန်းဖိုး ဆန်တွေကို ဂျပန်အနေနဲ့ ဝယ်ယူခဲ့ပါတယ်။

အခုနှစ်ထဲမှာလည်း ဇန်နဝါရီလကနေ ဧပြီလအထိ ဒေါ်လာ ၁၁၄ သန်းဖိုး တန်ကြေးရှိတဲ့ ဆန်တွေကို ဝယ်ယူခဲ့ပါသေးတယ်။

၂၀၂၃ ခုနှစ်အတွင်း ဂျပန်နိုင်ငံမှာ ရာသီဥတု ဆိုးရွားမှုကြောင့် ဆန်အရည်အသွေးနဲ့ အထွက်နှုန်း ကျဆင်းခဲ့တဲ့အလျောက် ပြီးခဲ့တဲ့နှစ်က ဆန်ရှားပါးမှုကို ဖြစ်ပေါ်စေခဲ့ပြီး ဈေးနှစ်ဆနီးပါး တက်လာခဲ့ပါတယ်။

ဒါကြောင့် မတ်လကစပြီး စျေးပြန်ကျဖို့အတွက် အရေးပေါ် သိုလှောင်ထားတဲ့ ဆန်အားလုံးနီးပါးကို အစိုးရအနေနဲ့ ထုတ်ရောင်းခဲ့ရပါတယ်။

ဇူလိုင် ၉ ရက် အရောက်မှာတော့ သက်ဆိုင်ရာနိုင်ငံအလိုက် အမေရိကန်ရဲ့ သွင်းကုန်ခွန် စည်းကြပ်မှု စတင်ဖို့ရှိတာကြောင့် အခုလိုမျိုး သဘောတူညီချက် လိုလားနေတာလဲဖြစ်ပါတယ်။

Source: Reuters

01/07/2025

ပဲခူးမြို့ရှိ အနိမ့်ပိုင်းရပ်ကွက်အချို့မှာ မြစ်ရေကြီးပြီး ရေစတင်ဝင်ရောက်လာ

1.July , 2025

ပဲခူးမြို့ အနိမ့်ပိုင်းရပ်ကွက်အချို့မှာ ဇွန် ၃၀ ရက် ညပိုင်းက စတင်ပြီး မြစ်ရေကြီးကာ ရပ်ကွက်ထဲ သိသိသာသာ ရေဝင်လာတယ်လို့ ဒေသခံတွေကပြောပါတယ်။

ပဲခူးမြို့ ကျောက်ကြီးစုရပ်ကွက်၊ ကန်သာယာရပ်ကွက်၊ ဇိုင်းတောင်ရပ်ကွက်၊ ဇိုင်းမြောက်ရပ်ကွက်၊ ကျောက်ကြီးစုရပ်ကွက်၊ ခေါင်းဆေးကျွန်းရပ်ကွက်၊ ရွာသစ်ရပ်ကွက်၊ စက်ပိုင်းရပ်ကွက်၊ ရွှေနံ့သာရပ်ကွက်၊ အိုးလေးစုရပ်ကွက်နဲ့ မြို့သစ် (င) ရပ်ကွက် စတဲ့ရပ်ကွက်တွေရဲ့ အနိမ့်ပိုင်းတွေမှာ ၁ ပေခွဲကနေ ၄ ပေခွဲခန့် အထိ ရေဝင်ရောက်လာတယ်လို့ ဒေသခံတယောက်က ပြောပါတယ်။

“မနေ့ညကစပြီး ရေဝင်လာတာ။ အနိမ့်ပိုင်းဖြစ်တဲ့အတွက် နည်းတယ်၊ များတယ်တော့ ပြောလို့မရဘူး။ ခုထိတော့ ရေက တက်နေတုန်း။ နောက်ထပ်လည်း တက်ဖို့ရှိတယ်လို့ မိုးဇလက ကြေညာထားတော့လေ။ ထပ်မကြီးရင်တော့ အကောင်းဆုံးပါ။” လတ်တလော စိုးရိမ်စရာ အခြေမနေတော့မရှိသေးဘူးလို့ ‌ ပဲခူးမြို့ခံတယောက်က ပြောပါတယ်။

“ခုလက်ရှိက မိုးမရွာဘဲ ရေကြီးတာ။ မြစ်ရတက်လို့ ရေကြီးတာ‌‌ပေါ့။ ပဲခူးမှာ အနိမ့်ပိုင်းရပ်ကွက်တွေက နှစ်စဉ်နှစ်တိုင်းလည်း ရေကြီးနေကျဆိုတော့ ရိုးရာလိုတောင်ဖြစ်နေပြီ။ လတ်တလောတော့ ရွှေ့ပြောင်းတာတွေဘာတွေ လုပ်စရာမလိုသေးဘူး။ ကြိုတင်ပြင်ဆင်စရာ ရှိတာတွေတော့ ပြင်ဆင်ရမှာပေါ့နော်။ ရေဒီထက်ပိုများလာမယ်ဆိုရင်တော့ ရေဘေးကယ်ဆယ်ရေးစခန်းတွေနဲ့ ကုန်းမြင့်တဲ့နေရာတွေ ဘေးကင်းတဲ့နေရာတွေဆီရွှေ့ရမှာပေါ့။”

ပဲခူးမြစ်ရေရဲ့ စိုးရိမ်ရေမှတ်က ၈၈၀ စင်တီမီတာရှိပြီး အခုလက်ရှိမှာ စိုးရိမ်ရေမှတ်အောက် ၁ ပေကျော်ကို‌ ရောက်ရှိနေပြီလို့ မိုးလေဝသနဲ့ဇလဗေဒညွှန်ကြားမှုဦးစီးဌာနက ဇူလိုင် ၁ ရက် မနက် ၈ နာရီမှာ ထုတ်ပြန်ထားပြီး မြစ်ကမ်းအနီးနဲ့ မြေနိမ့်ပိုင်း နေထိုင်သူတွေအနေနဲ့ မြစ်ရေ မြင့်တက်လာပါက ရှောင်ရှားဖို့ ထုတ်ပြန်ထားပါတယ်။

01/07/2025

ထိုင်းနိုင်ငံ ရနောင်းမြို့ လဝကအချုပ်ရုံးမှာ ပြစ်ဒဏ်ကျခံရတဲ့ မြန်မာနိုင်ငံသား ၉၈ ယောက် မြန်မာနိုင်ငံဘက်ကို ပြန်လည်ပို့ဆောင်ခဲ့ရ

1.July , 2025

ထိုင်းနိုင်ငံ၊ ရနောင်းမြို့ လဝကအချုပ်ရုံးမှာ ပြစ်ဒဏ်ကျခံရတဲ့ မြန်မာနိုင်ငံသား ၉၈ ယောက်ကို ဇွန် ၃၀ ရက် နေ့လယ် ၁၁ နာရီခွဲခန့်က မြန်မာနိုင်ငံဘက်ကို ပြန်လည်ပို့ဆောင်ခဲ့တယ်လို့ ရနောင်းမြို့ လူဝင်မှုကြီးကြပ်ရေးရုံးက ထုတ်ပြန်ပါတယ်။

အကြောင်းအမျိုးမျိုးကြောင့် ပြစ်ဒဏ်ကျခံရတဲ့ မြန်မာနိုင်ငံသား ၉၈ ယောက်ကို ရနောင်းမြို့၊ ပန်နားရပ်ကွက်ရှိ စူလ်ကာကော် လှေဆိပ်ကနေတဆင့် ကော့သောင်းမြို့လှေဆိပ်ကို ထိုင်း-မြန်မာ နှစ်နိုင်ငံ တာဝန်ရှိသူတွေက လွှဲပြောင်းပို့ဆောင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

အခု ဇွန် ၃၀ ရက်က နေရပ်ပြန်ပို့ခံရတဲ့ မြန်မာနိုင်ငံသား ၉၈ ယောက်ထဲမှာ အများစုဟာ အမျိုးသားတွေ ဖြစ်ကြပြီး ကျား၊ မ အရေအတွက်ကို အတိအကျ ဖော်ပြထားခြင်း မရှိဘူးလို့ ကော့သောင်းမြို့ခံ အမျိုးသမီးတယောက်က ပြောပါတယ်။

“ဒီတခေါက်ဆိုရင် တပတ်အတွင်း နှစ်ကြိမ်တောင် ပို့လိုက်တာပါ။ ဟိုဘက်က စစ်သားစုတာ ပို့တာလည်း သိတယ်။ လမ်းမှာ ပြေးကြတာလည်း သိတယ်။ လူဦးရေနဲ့ နေရာတွေသာ အတိအကျ မသိရတာပါ။”

ဇွန်လ နောက်ဆုံးအပတ်အတွင်းမှာ ပြစ်ဒဏ်ကျ မြန်မာတွေကို နှစ်ကြိမ်တိုင် ပို့ဆောင်ခဲ့ကာ ပြီးခဲ့တဲ့ ဇွန် ၂၅ ရက် နေ့လယ် ၁၁ နာရီခွဲက ထိုင်းမှာ ပြစ်ဒဏ်ကျခံရတဲ့ မြန်မာနိုင်ငံသားတွေဖြစ်တဲ့ အမျိုးသား ၁၀၄ ယောက်နဲ့ အမျိုးသမီး ၂၇ ယောက် စုစုပေါင်း ၁၃၁ ယောက်ကို နေရပ်ပြန်ပို့ပြီး နောက် ၅ ရက်အကြာမှာ ဒုတိယအကြိမ် ထပ်မံပို့ဆောင်လိုက်တာ ဖြစ်ပါတယ်။

အဆိုပါ ၁၃၁ ယောက်ထဲမှာ အသက် ၁၈ နှစ်နဲ့ ၃၅ ကြား အမျိုးသားတွေကို စစ်မှုထမ်း စုဆောင်းရေးထဲ ခေါ်ဆောင်သွားပြီး အမျိုးသမီးတွေကတော့ လွတ်မြောက်လာတယ်လို့ ကော့သောင်းမြို့ခံတွေကပြောပါတယ်။

အခုလို နေရပ်ပြန်ပို့ခံရပြီး စစ်မှုထမ်းစုဆောင်းခံရတဲ့သူတွေဟာ ကော့သောင်းမြို့နယ် ခြောက်မိုင်ကျေးရွာ အခြေစိုက် ခလရ ၂၆၂ တပ်ရင်းထဲ ထိန်းသိမ်းခံရတာဖြစ်ပြီး တပ်ရင်းကနေ ထွက်ပြေးလွတ်မြောက်လာတဲ့သူတွေလည်း အများအပြားရှိနေတယ်လို့ တော်လှန်ရေး တပ်ဖွဲ့တွေဆီက သိရပါတယ်။

Photo: ရနောင်းခရိုင် လူဝင်မှုကြီးကြပ်ရေးရုံး

01/07/2025

သူနဲ့ပေါင်းလို့
ကိုယ်ပါပျက်စီးသွားတာမျိုး
မဖြစ်စေနဲ့
ကိုယ်နဲ့ပေါင်းလို့
သူကောင်းစားသွားတာမျိုးဖြစ်ပါစေ..

30/06/2025

ရန်ကုန်တိုင်း လသာမြို့နယ်ရှိ အမှိုက်ပုံးတခုတွင် မွေးကင်းစ ကလေးငယ်ရုပ်အလောင်း တွေ့ရှိ

ရန်ကုန်၊ ဇွန် ၃၀. ၂၀၂၅

ရန်ကုန်မြို့၊ လသာမြို့နယ်(၁၈)လမ်းထိပ်ရှိ အမှိုက်ပုံတွင်
ဒီကနေ့ ဇွန်လ ၃၀ရက်နေ့ နေ့လည်ပိုင်းက မွေးကင်းစကလေးငယ်ရဲ့ ရုပ်အလောင်းလာရောက်စွန့်ပစ်ခဲ့မှု ဖြစ်ပွားခဲ့တယ်လို့မြို့နေပြည်သူတွေကပြောပါတယ်။

"နေ့လည်၃နာရီကျော်လောက်ကပစ်သွားတာနေမယ်။ ဒီနေရာက လူသွားလူလာတော့မပြတ်ဘူး။ အမှိုက်ပုံဆိုတော့လည်းလူတိုင်း သေချာ မကြည့်ကြဘူး။ ဆိုင်တွေမှာတပ်ထားတဲ့ ကင်မရာတွေစစ်ကြည့်လိုက်ရင်တော့လာပစ်တဲ့သူကိုမိမှာပါ" လို့ ရပ်ကွက်နေ ပြည်သူတစ်ဦး ကပြောပါတယ်။

လသာမြို့နယ်(၁၈)လမ်းထိပ်က စည်ပင်အမှိုက်ပုံးအတွင်း ထဘီနဲ့ပတ်ကာ ကြွပ်ကြွပ်အိတ်နဲ့ ထုတ်လျက်သားမွေးကင်းစ မိန်းကလေးငယ်ရဲ့ ရုပ်အလောင်းကို အမှိုက်ပုံးထဲပစ်ခဲ့တာဖြစ်ပြီး ပလုံကောက်သူတစ်ဦးက စတင်တွေ့ရှိခဲ့တာလို့ဆိုပါတယ်။

"လူ့လောကထဲရောက်ခါစ သွေးမခြောက်သေးတဲ့ကလေးလေးကို စွန့်ပစ်ရက်ကြတယ်။ စွန့်ပစ်ခံရတဲ့ ကလေးက မိန်းကလေးပါ။ မွေးကင်းစ ကလေးငယ်ရုပ်အလောင်းလို့ဆိုပေမယ့် မသေခင်က ပစ်တယ်လို့ထင်မိပါတယ်။ ဒီလောက်နံစော်နေတဲ့ အမှိုက်ပုံးထဲမှာ ပလက်စတစ်တွေနဲ့ အထပ်ထပ်ခါခါချည်ထားလို့ သေသွားတာလို့ ယူဆမိတယ်။ ဒီရုပ်အလောင်းကို စည်ပင် အမှိုက်ပုံးအတွင်း အမှိုက်ကောက်သူတစ်ဦးက တွေ့ရှိခဲ့တာပါ"လို့ ရပ်ကွက်နေ ပြည်သူတစ်ဦးကဆိုပါတယ်။

ရန်ကုန်မြို့အတွင်း ယခုလို ကလေးလာရောက်စွန့်ပစ်မှုတွေနဲ့ မွေးကင်းစသေဆုံးအလောင်းတွေ လစဉ်စွန့်ပစ်မှုတွေရှိပေမယ့် ယနေ့အချိန်အထိ ထိရောက်တဲ့ ဖမ်းဆီးနိုင်မှု အရေးယူအပြစ်ပေးတာတွေတော့ မရှိသေးဘူးလို့ သိရပါတယ်။

ဓာတ်ပုံ-လူမူကွန်ရက်

#မြန်မာစွယ်စုံသတင်း #လသာ #မွေးကင်းစ #စွန့်ပစ်ခံရ

30/06/2025

ပဲခူးမြစ်ရေတက်လာနိုင်တာမို့ ပဲခူးမြို့ အနိမ့်ပိုင်းရပ်ကွက်မှာ နေထိုင်သူတွေအနေနဲ့ သတိထားစောင့်ကြည့် ပြင်ဆင်နေ

30.June , 2025

ပဲခူးမြို့တွင် မြစ်ရေတက်လာနိုင်တဲ့ သတိပေးချက်တွေကြောင့် အနိမ့်ပိုင်းရပ်ကွက်မှာ နေထိုင်သူတွေအနေနဲ့ သတိထားစောင့်ကြည့် ပြင်ဆင်နေကြရတယ်လို့ မြို့ခံတွေ
ကပြောပါတယ်။

ပဲခူးမြစ်ရေမှာ ဇွန် ၃၀ ရက် ညနေအထိ စိုးရိမ်ရေမှတ်အောက် ၂ ပေခွဲ ရှိနေပေမဲ့ လာမယ့် ၃၆ နာရီအတွင်း စိုးရိမ်ရေမှတ်ရောက်နိုင်တယ်လို့ စစ်ကောင်စီ မိုးဇလက သတိပေးထားတာကြောင့် ရေနစ်မြုပ်လေ့ရှိတဲ့ အနိမ့်ပိုင်းမှာ နေသူတွေ စိုးရိမ်မကင်းဖြစ်နေရတယ်လို့ ဆိုပါတယ်။

ကလျာဏီရပ်ကွက်မှာ နေသူတယောက်က “အခုတောင် တချို့အနိမ့်ပိုင်းတွေမှာ ရေစဝင်နေပြီလို့ ပြောတယ်။ ညအချိန်မတော်ကြီး ရေတက်လာမှာစိုးလို့ သတိနဲ့ နားစွင့်နေနေရတယ်။ တချို့ကတော့ ရေမဝင်အောင် သဲအိတ်ကာတာတွေ လုပ်နေတာရှိတယ်” လို့ ပြောပါတယ်။

ပဲခူးမြို့မှာ မိုးများပြီး မြစ်ရေတက်တာကြောင့် ၂ နှစ်ဆက်တိုက် တကြော့ပြန် ရေဘေးကြုံခဲ့ရသလို ဒီနှစ်မှာလည်း ထပ်မံ ရေဘေးသင့်မှာကို ဒေသခံတွေ စိုးရိမ်နေကြတာလို့ မြို့သစ်(င)ရပ်ကွက်မှာ နေထိုင်သူတယောက်က ပြောပါတယ်။

အခုလို မြစ်ရေတက်လာမဲ့အခြေအနေကြောင့် မြစ်ရေအခြေအနေစောင့်ကြည့်ကာ အချင်းချင်း သတိပေးလှုံ့ဆော်နေတာတွေ ရှိတယ်လို့လည်း မြို့ခံတွေက ဆိုပါတယ်။
စစ်ကောင်စီ မိုးဇလရဲ့ မနက်ဖြန်မနက်အထိ မိုးလေဝသခန့်မှန်းချက်ထဲ ပဲခူးတိုင်းမှာ နေရာကွက် မိုးကြီးနိုင်မယ်လို့ ထုတ်ပြန်ထားပါတယ်။

30/06/2025

သိုးယောင်ဆောင်တဲ့
ဝံပုလွေထက်
ရိုးယောင်ဆောင်တဲ့
လူတွေက
ပိုကြောက်စရာကောင်းတယ်

29/06/2025

ရှမ်းပြည်နယ်တောင်ပိုင်းမိုးဗြဲတွင် ထိတွေ့တိုက်ပွဲများ ဆက်လက်ပြင်းထန်နေပြီး ကာကွယ်ရေးဝန်ကြီးဌာန DMO ၁၁၀၆ တပ်ရင်းမှ ဒုတပ်စိတ်မှူး ကျဆုံး

29.June , 2025

ရှမ်းပြည်နယ်တောင်ပိုင်းက မိုးဗြဲတိုက်ပွဲမှာ စစ်ကောင်စီနဲ့ တော်လှန်ရေးအင်အားစုကြား ထိတွေ့တိုက်ပွဲ ပြင်းထန်နေပြီး DMO ၁၁၀၆ တပ်ရင်းက ဒုတပ်စိတ်မှူး ကျဆုံးခဲ့တယ်လို့ တပ်ရင်းက ဇွန် ၂၈ ရက်မှာ ထုတ်ပြန်ပါတယ်။

အမျိုးသားညီညွတ်ရေးအစိုးရ NUG၊ ကာကွယ်ရေးဝန်ကြီးဌာန လက်အောက်၊ ရှမ်းတောင် (ကယား) ကရင်နီ တိုင်းစစ်ဌာန၊ အမှတ် ၁၁၀၆ တပ်ရင်းမှာ ဒုတပ်စိတ်မှူးအဖြစ် တာဝန်ထမ်းဆောင်နေတဲ့ ရဲဘော် ဂျွန်နယူးမင်းနဲနယ်(ခ) ဖားတီ(ကိုယ်ပိုင်အမှတ် P3-1106 146) ဟာ ဇွန် ၂၇ ရက်နေ့က မိုးဗြဲတိုက်ပွဲမှာ ကျဆုံးခဲ့ရတယ်လို့ သိရပါတယ်။

ရှေ့တန်းရောက်ရဲဘော်တယောက်က “တိုက်ပွဲကပြင်းထန်နေတယ်။ ဒရုန်းတွေနဲ့ ချနေတာ။ လက်နက်ကြီးပစ်၊ မီးလောင်ဗုံးတွေရော ပစ်တာမျိုးပေါ့” လို့ ပြောပါတယ်။

ရဲဘော် ဂျွန်နယူးမင်းနဲနယ်(ခ) ဖားတီက တပ်ရင်းက ပေးအပ်တဲ့တာဝန်ကိုကျေပွန်ပြီး တိုက်ပွဲများစွာကိုလည်း ပါဝင်တိုက်ခိုက်ခဲ့သူဖြစ်သလို သူကျဆုံးရတဲ့အတွက် မိသားစုနဲ့ ထပ်တူဝမ်းနည်းရပြီး အာဇာနည်သူရဲကောင်းအဖြစ် မှတ်တမ်းတင် ဦးညွတ်တယ်လို့ တပ်ရင်းက ဆိုပါတယ်။

မိုးဗြဲကို ပြန်ထိန်းချုပ်နိုင်ဖို့ စစ်ကောင်စီတပ်က စစ်ကြောင်းထိုးနေတာကြောင့် တော်လှန်ရေးအင်အားစုတွေနဲ့ ထိတွေ့တိုက်ပွဲတွေ ဆက်တိုက်ပြင်းထန်နေပြီး စစ်ကောင်စီတပ်က လေကြောင်းကနေ ဗုံးကြဲတာ၊ လက်နက်ကြီးနဲ့ ပစ်ခတ်တာ၊ ဒရုန်းဗုံးသီးချတိုက်ခိုက်တာတွေ ဆက်တိုက်ရှိနေတာပါ။

ပြီးခဲ့တဲ့ ၂၀၂၄ ခုနှစ် နိုဝင်ဘာလလောက်စလို့ နေ့တိုင်းနီးပါး ထိတွေ့တိုက်ပွဲတွေဖြစ်နေပြီး နှစ်ဖက်အထိအခိုက်အကျအဆုံးတွေလည်းရှိတယ်လို့ သိရပါတယ်။

https://t.me/myanmarswesonenewsagency/17065

29/06/2025

UFC မြန်မာဖိုက်တာ 🇲🇲 ဂျောရှုဝါဗန် အနိုင်ရရှိ ✊🎉

🇲🇲 မြန်မာဂုဏ်ဆောင် ချင်းဗိုက်တာ ဂျောရှုဝါဗန် မှ 🇺🇸 အမေရိကန် ဖိုက်တာကို အမှတ်ပေးစနစ် အနိုင်ရလဒ်အပြတ်အသတ်ဖြင့် အနိုင်ရရှိခဲ့တာပါ။

ချန်ပီယံခါးပတ် စိန်ခေါ်ခွင့် ရရှိသွားပြီဖြစ်ပါတယ် 👏👏👏👏 Congratulations Van 🎉

#မြန်မာစွယ်စုံသတင်း

29/06/2025

ရိုးသားပြီး ဆင်းရဲတဲ့ စျေးသည်တွေက အခွင့်အရေးသမားတွေအတွက် ပစ်မှတ်တခုဖြစ်နေတာလား?

ဖြစ်စဉ်က …

မော်လမြိုင်မြို့ ပန်းဘဲတန်းရပ်ကွက်က ဆေးခန်း
တခုရှေ့မှာ ပုံထဲကဦးလေးက တွန်းလှည်းလေးနဲ့ရေခဲမုန့်
ရောင်းနေပါတယ်။

အဲအချိန်မှာ ဆိုင်ကယ်နဲ့လူတယောက်က ရေခဲမုန့်သည်
ဦးလေးရှေ့မှာရပ်ပြီး"ရေခဲမုန့်တခွက်ဝယ်မယ် ဘယ်လောက်လဲ"လို့ မေးတယ်ရေခဲမုန့်သည် ဦးလေးက တခွက် (၅၀၀) လို့ ဖြေတော့

အဲဒီဆိုင်ကယ်နဲ့လူက လက်ထဲက (၁)သောင်းတန်ကို
ပြပြီး တခွက်ဝယ်မယ် ပြန်အမ်းနိုင်လားလို့ မေးပါတယ်
( ပိုက်ဆံကိုတော့ ပြပဲပြပြီး မပေးပဲ သူကိုင်ထားပါတယ် )

ရိုးသားတဲ့ ရေခဲမုန့်သည် ဦးလေးကြီးကလဲ
ရေခဲမုန့်နဲ့ အမ်းငွေ ပိုက်ဆံ(၉၅၀၀)ပြည့်အောင်
ရေတွက်ပြီး လှမ်းပေးလိုက်တော့ အဲလူက ဆိုင်ကယ်ပေါ်မှ
ပိုက်ဆံ ၁ သောင်းတန်ကို လှမ်းပေးတယ်။

သူပေးတဲ့ (၁)သောင်းတန်ကို ကြည့်လိုက်တော့
အကွက်တွေကွက်ပြီး သိသိသာသာထူထူကြီးနဲ့ ပုံမမှန်တာ တွေ့လို့ လှမ်းအော်ပြောတော့ ဆိုင်ကယ်ကို အတင်းမောင်း
ပြီး ထွက်ပြေးသွားပါတယ်။

ဖြစ်စဉ်ကို မြင်တဲ့ ဆေးခန်းက ဆရာဝန်မကြီးနဲ့
မိတ္တူ ဆိုင်က လူတွေလဲ ထွက်လာပြီး ပိုက်ဆံ(၁)သောင်း
တန်ကို စစ်ဆေးကြည့်တော့ ဆေးသားတွေကွက်ပြီး
ထူထူခေါက်ခေါက်ကြီးနဲ့ ဖြစ်နေတာကို တွေ့ရပါတယ်။

သေချာစဉ်းစားကြည့်ပါ။
ရေခဲမုန့်သည် ဦးလေးကြီးက တနေ့လုံးရောင်းမှ
(၉၅၀၀)ဖိုး ရချင်မှ ရပါမယ်။
ဒီရေခဲမုန့် ရောင်းရမှ မိသားစု အိမ်စာရိတ် ထမင်းဖိုး
ရမယ်ဆိုရင် ဘယ်လိုလုပ်မလဲ။
ကိုယ်ချင်းစာတရားတောင် မထားကြတော့ဘူး။
လမ်းဘေး ရေခဲမုန့်သည်ကိုတောင် မချန်တော့ဘူး။

ရောင်းအားကြီးတဲ့ စားသောက်ဆိုင်ကြီးတွေမှာ
သွားလုပ်လို့ လွတ်သွားရင်တောင် မပြောသေးပါဘူး။
ခုက လုပ်ထွက်ကြတယ်။

ဒီဖြစ်စဉ်ကို မြင်တဲ့ ဆေးခန်းမှ ဆရာဝန်မကြီးမှ
ရေခဲမုန့်သည်ကို စာနာစိတ်နဲ့ ပိုက်ဆံစိုက်လှူ ပေးပြီး
ကုသိုလ်ပြု လှူ ဒါန်းပေးလိုက်ပါတယ်။

ရေခဲမုန့်သည် ဦးလေးကြီးကလဲ စိတ်ထားလေးစားစရာပါ။
ဆရာဝန်မကြီးကို ကျေးဇူးအထပ်ထပ်တင်ရင်း ဖြစ်စဉ်ကို
အိမ်က သူ့မိန်းမကို ပြန်ပြောပြပြီး ငွေကို မီးရှို့လိုက်
ပါမယ်တဲ့။ တခြားသူတွေ သူ့လို မဖြစ်ရအောင်တဲ့။

ဒါကတော့ ယနေ့ မော်လမြိုင်မြို့မှာ ဖြစ်သွားတဲ့ ဖြစ်စဉ်
တခုပါ။ ခုတလော တကယ်လဲ (၁)သောင်းတန် ငွေတု
တွေ ပြန့်နေတာလဲ အားလုံးကြားမိကြမှာပါ။

ကျန်တဲ့သူတွေလဲ သတိထားနိုင်အောင် ကာယကံရှင်
တွေကို မေးမြန်းခွှင့်တောင်းပြီး တင်ပေးလိုက်ပါတယ်။

ခက်ခဲကြပ်တည်းကြတာချင်းအတူတူ လူသားချင်း
ကိုယ်ချင်းစာတရာနဲ့ စာနာနိုင်ကြပါစေ။

ရေခဲမုန့်သည် ဦးလေးကြီးလို စျေးသည်တွေလဲ
သတိထားနိုင်ကြပါစေ။

----------------------------------------------
ဇင်မိုး
မော်လမြိုင်မြို့

29/06/2025

မိမိ ကိုယ် ကို
မေတ္တာ ပို့ရတယ်..
ဘာလို့လဲ ဆိုတော့
ဒုက္ခ ပေးမှာ က
မိမိ ကိုယ်တိုင် ဖြစ်နေတာမို့..
ရန်သူ ဟာ
မိမိ ကိုယ်တိုင် ဖြစ်နေလို့ပဲ။

အပြင်မှာ တစ်ခါနိုင်တိုင်း
သံသရာ တစ်ခါ ရှုံးရလိမ့်ဦးမယ် ၊
ပစ္စုပ္ပန်မှာလည်း ကိုယ်မုန်းတဲ့လူတစ်ယောက်ကို
သတ်လိုက်ရလို့ ၊ရိုက်လိုက်ရလို့ ၊
ကိုယ်ကနိုင်တယ် မထင်ပါနဲ့ ။
ဒေါသက နိုင်သွားတာပါ ။

ခိုင်းသလို လုပ်လေ
ဒေါသက ရောင့်တက်လေ ၊
အပြင်မှာ တစ်ခါနိုင်
အတွင်းတစ်ခါရှုံး၊
ဒီနှုန်းနဲ့ သံသရာခရီးသွားခဲ့ကြလို့
အောက်ရပ် အပါယ်ဘုံတွေမှာ
ရေစုန်မျောနေတာ ၊

မကြိုက်စိတ် ဒေါသ ဖြစ်ပေါ်လာချိန်
သတိနဲ့သာစောင့်ပြီး အနိုင်သတ်နိုင်ရင်
အတွင်းရန် ဒေါသကိုလည်း
အောင်ပြီးသား ၊ အပြင်ရန်ကိုလည်း
အမုန်းပွားစရာ မလိုတော့လို့ အောင်ပြီးသား၊
အတွင်းအောင် အပြင်အောင်မှ
တကယ့် အောင်နိုင်သူ ။

#မဟာဗောဓိမြိုင်ဆရာတော်ကြီး
🙏🙏🙏🙏🙏🙏🙏🙏
#ကုသိုလ်ကောင်းမှုများကို မမေ့မလျော့ ပြု နိုင်ကြပါစေ။
🙏🙏🙏🙏🙏🙏

#မြန်မာစွယ်စုံသတင်း #မေတ္တာဖြင့်ပြန်လည်မျှဝေသည်

ၿမန္မာစြယ္စံုသတင္း

02/07/2025

01/07/2025

01/07/2025

01/07/2025

01/07/2025

30/06/2025

30/06/2025

30/06/2025

29/06/2025

29/06/2025

29/06/2025

29/06/2025

Address

Website

Alerts

Shortcuts

Share

Category