Yokeshin Taykabyar - ရုပ်ရှင်တေးကဗျာ

  • Home
  • Myanmar
  • Yangon
  • Yokeshin Taykabyar - ရုပ်ရှင်တေးကဗျာ

Yokeshin Taykabyar - ရုပ်ရှင်တေးကဗျာ Yokeshin Taykabyar is well-known art magazine in Myanmar with over 40 years of history as of 2023. Yokeshin Taykabyar literally means Movie, Music & Poem.

As the name goes, it covers the whole of Myanmar arts sphere. ရုပ်ရှင်တေးကဗျာမဂ္ဂဇင်းသည် ၂၀၂၁ ဖေဖော်ဝါရီလမှာ စတင်ပြီး ချစ်ပရိသတ်များနှင့် ခွဲခွာခဲ့ရပါသည်။ Covid-19 ရောဂါနှင့် အခြေအနေအရပ်ရပ်ကြောင့် ခေတ္တရပ်နားခဲ့ရပါသည်။ ရုပ်ရှင်တေးကဗျာ မွေးထုတ်ခဲ့သော စာနယ်ဇင်းဆရာ ဦးချစ်မောင် (အဝကျွန်း) လည်း ဆုံးပါးသွားခဲ့ရသည်။ ထို့ကြောင့် ရုပ်ရှင်တေးကဗျာမဂ္ဂဇင်းသည် ပရိသတ်နှင့် ခေတ္တခွဲခွာလိုက်ရခြင်း ဖြစ်ပါသည်။

ဦး

ချစ်မောင် (အဝကျွန်း) မရှိတော့သော်လည်း ကျန်ရစ်ခဲ့သော သူ၏မိသားစုနှင့် သူ၏ချစ်တပည့်ရင်းများက ရုပ်ရှင်တေးကဗျာမဂ္ဂဇင်းကို သက်ဝင်လှုပ်ရှားလာရန် ပြန်လည်ရုန်းထစေခဲ့ပါပြီ။

တကယ်တော့ ရုပ်ရှင်တေးကဗျာ စတင်ဖြစ်ပေါ်လာစတွင် မဂ္ဂဇင်းကြီးတစောင် မဖြစ်ခင် စာပေစိစစ်ရေးမှာ ကိုယ်ရေးကိုယ်ထုတ်ဘဝနှင့် စတင်ခဲ့ရပါသည်။ ထိုစဉ်က ရုပ်ရှင်ဆောင်းပါး၊ ရုပ်ရှင်သတင်းများသာ ဖော်ပြခဲ့ရသည်။

၁၉၈၇ ခုနှစ်တွင် ရုပ်ရှင်တေးကဗျာကို မဂ္ဂဇင်းတစောင်အဖြစ် ထုတ်ဝေခွင့်ရရှိခဲ့ပါသည်။ ထိုအချိန်မှစပြီး ကဗျာ၊ ဆောင်းပါး၊ ဝတ္ထုတို၊ ဝတ္ထုရှည်၊ စာပေဝေဖန်ရေး၊ ပြည်တွင်းရုပ်ရှင်၊ နိုင်ငံတကာရုပ်ရှင် စသည်ဖြင့် ဝေေ၀ဆာဆာ ဖော်ပြလာနိုင်ခဲ့ပါသည်။

ရုပ်ရှင်တေးကဗျာသည် လမ်းခရီးတွင် လဲကျခဲ့ရသည်မှာလည်း အကြိမ်ကြိမ်ဟု ဆိုရမည် ၁၉၇၈ တွင် စတင်ထုတ်ပြီး ၁၉၈၈ မှာ ရပ်နားခဲ့ရပါသည်။ ထိုကာလအပြီး စာပေစိစစ်ရေးမှ ငြိစွန်း၍ဟုဆိုကာ (၆) လ အပိတ်ခံခဲ့ရပါသေးသည်။ ဒဏ်ရာဒဏ်ချက် ဘယ်လောက်ပင် နာကျင်ပါစေ ပရိသတ်အကျိုးအတွက် ရသ သုတ တင်ဆက်လိုရင်း ရည်ရွယ်ချက်ကတော့ ပျောက်ကွယ်မသွားပါ။ ဇွဲနဘဲနှင့် လဲကျ၊ ပြန်လည်ရုန်းထရင်း ယခုဆိုလျှင် နှစ်ပေါင်းလေးဆယ်ကျော်ခဲ့ပါပြီ။

ယနေ့ လက်ရှိအောင်မြင်သော ကဗျာဆရာ၊ စာရေးဆရာ၊ ပန်းချီဆရာ၊ ကာတွန်းဆရာ၊ ရုပ်ရှင်သရုပ်ဆောင် စသူတို့သည် ရုပ်ရှင်တေးကဗျာမဂ္ဂဇင်းနှင့် တနည်းမဟုတ်တနည်း ပတ်သက်ဆက်နွှယ်ခဲ့ရသူတွေ များသည်။

နှစ်ပေါင်း ၄၀ ကျော်ကြာသည်မှသည် နောင်နှစ်ပေါင်းများစွာလည်း သက်တမ်းရှည်အောင်၊ စာပေအရည်အသွေးလည်းမြင့်အောင်၊ ဖတ်ရသူပရိသတ်အကျိုးရှိအောင် ဆက်လက်ကြိုးပမ်းသွားရန် ရည်ရွယ်ပါသည်။ မဂ္ဂဇင်းဆိုသည်မှာ အများပရိသတ်နှင့်သာ သက်ဆိုင်သည်ဖြစ်၍ ပရိသတ်အားပေးလက်ခံမှုကိုလည်း အလေးထားပါသည်။
ဆက်လက်ကြိုးစားရန်မှာ ကျွန်တော်တို့ ဝိုင်းတော်သားများ၏ တာဝန်

အားပေးရန်မှာ တေးကဗျာပရိသတ်များ၏ တာဝန်ဖြစ်ပါကြောင်း . . . .

U-20 ကမ္ဘာ့ဖလားပြိုင်ပွဲဝင်ဂိုးသမား မျိုးမင်းလတ် အနားယူတော့မည်U-20 ကမ္ဘာ့ဖလားပြိုင်ပွဲဝင်ဂိုးသမား မျိုးမင်းလတ်က ကစားသမား...
27/07/2025

U-20 ကမ္ဘာ့ဖလားပြိုင်ပွဲဝင်ဂိုးသမား မျိုးမင်းလတ် အနားယူတော့မည်

U-20 ကမ္ဘာ့ဖလားပြိုင်ပွဲဝင်ဂိုးသမား မျိုးမင်းလတ်က ကစားသမားဘဝကနေ မကြာမီ အနားယူတော့မယ်လို့ဆိုပါတယ်။ ဒါနဲ့ပတ်သက်လို့ သူ့မှာ အနာဂတ်အတွက် ကြီးမားတဲ့ရည်မှန်းချက်တွေရှိနေတယ်လို့ ဆိုပါတယ်။

မျိုးမင်းလတ်ဟာ ၂၀၁၄ U-19 အာရှဖလားပြိုင်ပွဲမှာ အသင်းနဲ့လက်တွဲညီညီ လက်စွမ်းပြကစားနိုင်ခဲ့တဲ့ ကစားသမားတဦးဖြစ်ပါတယ်။

မြန်မာနိုင်ငံက အိမ်ရှင်အဖြစ် လက်ခံကျင်းပခဲ့တဲ့ ဒီပွဲမှာ အာရှရဲ့အသင်းကြီးတသင်းဖြစ်တဲ့ UAE ကို ကွာတားဖိုင်နယ်မှာအနိုင်ယူပြီး ဆီမီးဖိုင်နယ်အထိတက်လှမ်းနိုင်ခဲ့လို့ U-20 ကမ္ဘာ့ဖလားပြိုင်ပွဲ ဝင်ခွင့်ရရှိခဲ့ပါတယ်။

ဒီအခိုက်အတန့်တွေဟာ မြန်မာဘောလုံးပရိသတ်တွေအတွက် မေ့လို့မရတဲ့ အခိုက်အတန့်တွေပဲ ဖြစ်ပါတယ်။

New Zealand U-20 World Cup ရောက် မြန်မာအသင်းနဲ့အတူတောက်ပခဲ့တဲ့ မျိုးမင်းလတ်က အောင်မြင်မှုအထွတ်အထိပ်ရောက်ခဲ့ချိန် အမှတ်တရများ၊ အနားယူဖို့ ဘာလို့ဆုံးဖြတ်လိုက်သလဲ၊ အနာဂတ်ရည်မှန်းချက်များနဲ့ပတ်သက်လို့ ပြောပြထားပါတယ်။

အင်တာဗျူးဗီဒီယိုကို Comment မှာ ကြည့်ရှုနိုင်ပါတယ်။

စာရေးဆရာ မောင်သာချို ဈာပနမြင်ကွင်း------ ------ ------ ----- -----မြန်မာစာပေလောကတွင် ထင်ရှားကျော်ကြားသည့် စာရေးဆရာနှင့်က...
12/07/2025

စာရေးဆရာ မောင်သာချို ဈာပနမြင်ကွင်း
------ ------ ------ ----- -----
မြန်မာစာပေလောကတွင် ထင်ရှားကျော်ကြားသည့် စာရေးဆရာနှင့်ကဗျာဆရာ မောင်သာချို၏ ဈာပန အခမ်းအနားကို ဇူလှိုင် ၁၂ (၁၂.၇.၂၀၂၅) ရက်နေ့ ညနေပိုင်းက ရန်ကုန်မြို့ ရေဝေးသုသာန်တွင် ပြုလုပ်ခဲ့သည်။

ဆရာ မောင်သာချို၏ ဈာပနသို့ ပြန်ကြားရေးဝန်ကြီးဟောင်း စာရေးဆရာ ဦးဖေမြင့်၊ စာရေးဆရာကြီး ချစ်ဦးညို၊ စာရေးဆရာမ သန်းမြင့်အောင်၊ ရုပ်ရှင်သရုပ်ဆောင် လူမင်း၊ တေးရေးဆရာ မြင့်မိုးအောင်အပါအဝင် အနုပညာလောကသာများ၊ စာဖတ်ပရိသတ်များက လိုက်ပါပို့ဆောင်ခဲ့ကြသည်။

ဆရာ မောင်သာချိုသည် ဇူလှိုင်လ ၁၀ ရက် နံနက် ၈ နာရီအချိန် ပင်လုံဆေးရုံတွင် ကွယ်လွန်သွားခဲ့ခြင်းဖြစ်ပြီး ကွယ်လွန်ချိန်တွင် အသက် ၆၈ နှစ်ရှိပြီဖြစ်သည်။

မြန်မာစာပါမောက္ခတဦးလည်းဖြစ်သည့် ဆရာ မောင်သာချိုကို ရန်ကုန်တိုင်း
ကွမ်းခြံကုန်းမြို့နယ်၊ သုံးခွကျေးရွာတွင် အဖ ဦးဝင်းသိန်း၊ အမိ တို့က ၁၉၅၈ ခု၊ မတ်လ ၁၁ ရက် အင်္ဂါနေ့တွင်မွေးဖွားခဲ့ပြီး အမည်အရင်းမှာ ဦးညွန့်သောင်းဖြစ်သည်။ ရန်ကုန် တက္ကသိုလ်မှ ၁၉၈၁ ခုနှစ်တွင် ဝိဇ္ဇာဘွဲ့၊ ၁၉၈၃ ခုနှစ်တွင် ဝိဇ္ဇာဂုဏ်ထူးဘွဲ့၊ ၁၉၈၈ တွင် မဟာဝိဇ္ဇာဘွဲ့များ ရရှိခဲ့သည်။

မောင်သာချိုကလောင်အပြင် ဂျက်(ကွမ်းခြံကုန်း) ဟူသည့် ကလောင်ခွဲကိုအသုံးပြု၍ သရော်စာပေါင်းများစွာကိုရေးခဲ့ရာ စာဖတ်ပရိသတ်ပေါ် အထူး လွှမ်းမိုးနိုင်ခဲ့သည်။ ဆရာသည် ၁၉၇၃ ခု၊ ဒီဇင်ဘာလထုတ် သောင်းပြောင်းထွေလာမဂ္ဂဇင်းတွင် "ခေတ်သစ် မေတ္တာ"ကဗျာဖြင့် စာပေလောကသို့ စတင် ဝင်ရောက်ခဲ့သည်။

ဆရာမောင်သာချိုသည် လုပ်သားကောလိပ်၊ ဒေသကောလိပ်၊ နိုင်ငံခြားဘာသာသိပ္ပံ၊ ရန်ကုန်တက္ကသိုလ်၊ တောင်ကုတ်တက္ကသိုလ်၊ မိတ္ထိလာ ဒီဂရီကောလိပ်၊ ဟင်္သာတကောလိပ်၊ ပညာရေးတက္ကသိုလ်တို့တွင် မြန်မာစာ နည်းပြ၊ ကထိကနှင့် ပါမောက္ခရာထူးများ အဆင့်ဆင့်တာဝန်ထမ်းဆောင်ခဲ့သည်။

၂၀၂၁ ခုနှစ် နိုင်ငံရေးအပြောင်းအလဲဖြစ်စဉ်တွင် အစောဆုံး ဖမ်းဆီးထိန်းသိမ်းခံရသူများထဲတွင် ဆရာမောင်သာချိုပါဝင်ခဲ့ပြီး ၂၀၂၂ ခုနှစ်၊ ဖေဖော်ဝါရီလတွင် ထောင်ဒဏ် ၂ နှစ်ချမှတ်ခံခဲ့ရကာ ယင်းနှစ် နိုဝင်ဘာလတွင် လွတ်ငြိမ်းချမ်းသာခွင့်ဖြင့် လွတ်မြောက်ခဲ့သည်။

ဓာတ်ပုံ - ရွှေဖီး

28/01/2025

မြန်မာပြည်မှာ ပြိုင်ဘက်ကင်း DI Export Fashion | Yankin Branch OPC
------ ------ ------ ------ ------
DI Export Quality Fashion ရဲ့ တတိယမြောက်ဖြစ်တဲ့ ရန်ကင်းဆိုင်ခွဲ ဖွင့်ပွဲအခမ်းအနား (Opening Ceremony) ကို ဇန်နဝါရီ ၂၇ ရက် မနက်ပိုင်းက ကျင်းပပြုလုပ်ခဲ့ပါတယ်။
DI ဆိုင်ခွဲအသစ်ရဲ့ လိပ်စာကတော့ အမှတ် 4(B) ၊ ကျောက်ကုန်းလမ်း ၊ ၁၄ရပ်ကွက် ၊ ရန်ကင်းမြို့နယ်မှာ ဖွင့်လှစ်လိုက်တာဖြစ်ပါတယ်။

DI Fashion Store မှာ Export Quality အမျိုးသားဝတ်၊ အမျိုးသမီးဝတ် အဝတ်အထည်မျိုးစုံကို ဈေးနှုန်းချိုသာစွာနဲ့ ဝယ်ယူရရှိနိုင်မှာဖြစ်သလို သံဃာအသုံးအဆောင်ပစ္စည်းများ၊ ကလေးသုံးပစ္စည်းများ၊ မြန်မာ့ရိုးရာအဝတ်အထည်များနဲ့ Handmade ပစ္စည်းအစုံအလင်ကိုလည်း တနေရာတည်းမှာ ဝယ်ယူရရှိနိုင်မှာဖြစ်ပါတယ်။

DI Fashion ဆိုင်ကို ၁၉၉၈ ခုနှစ်ကတည်း စတင်ခဲ့တာဖြစ်ပြီး နှစ်ပေါင်း ၃၀ ခရီးကို ဂုဏ်သိက္ခာရှိရှိ အောင်မြင်စွာ ဖြတ်သန်းခဲ့ပြီးဖြစ်ပါတယ်။

DI Export Quality Fashion ရဲ့ အခြားဆိုင်ခွဲများကိုတော့ အမှတ် ၁၅၄/၁၅၈ ၊ စမ်းချောင်းလမ်း၊ စမ်းချောင်းမြို့နယ်နဲ့ အမှတ် ၆၇/၆၈၊ တပင်ရွှေထီးလမ်း၊ ၃၄ ရပ်ကွက်၊ မြောက်ဒဂုံမြို့နယ်တို့မှာ ဖွင့်လှစ်ထားပြီး ယခု ရန်ကင်းဆိုင်ခွဲကတော့ တတိယမြောက်ဆိုင်ခွဲပဲဖြစ်ပါတယ်။


မြန်မာစာပေပညာရှင်နှင့် စာရေးဆရာ မောင်ခင်မင်(ဓနုဖြူ) ကွယ်လွန်------ ------ ------ ------ ------မြန်မာစာပေပညာရှင်နှင့် စာရ...
28/01/2025

မြန်မာစာပေပညာရှင်နှင့် စာရေးဆရာ မောင်ခင်မင်(ဓနုဖြူ) ကွယ်လွန်
------ ------ ------ ------ ------

မြန်မာစာပေပညာရှင်နှင့် စာရေးဆရာမောင်ခင်မင်(ဓနုဖြူ) သည် ဇန်နဝါရီ ၂၈ ရက် မနက် ၀၀း၃၀ နာရီအချိန်တွင် လူကြီးရောဂါနှင့် ရုတ်တရက်ကွယ်လွန်သွားခဲ့ကြောင်း မိသားစုများထံမှ သိရသည်။

"ည ၁၂ နာရီခွဲမှာ ဖေဖေ ဦးခင်အေး (မောင်ခင်မင် ဓနုဖြူ) ရုတ်တရက်ကွယ်လွန်သွားပါပြီ”ဟု ဆရာကြီး မောင်ခင်မင် (ဓနုဖြူ) ၏ သမီးဖြစ်သူက ၎င်း၏လူမှုကွန်ရက်မှတဆင့် ရေးသားအသိပေးထားသည်။

ဆရာကြီး မောင်ခင်မင်(ဓနုဖြူ) သည် ရန်ကုန်တက္ကသိုလ် မြန်မာစာဌာနတွင် ပါမောက္ခ တာဝန်ထမ်းဆောင်ခဲ့သလို မြန်မာစာပေနှင့်ပတ်သက်ပြီး စာအုပ်စာတမ်းနှင့် ဆောင်းပါးပေါင်းများစွာကို ရေးသားခဲ့သည်။ အမျိုးသားစာပေဆု၊ စာပေဗိမာန်ဆု၊ ဂုဏ်ထူးဆောင်ပါရဂူဘွဲ့များရရှိခဲ့သည့် မြန်မာစာပေလောက၏ ဂန္ထဝင်တဦးဖြစ်သည်။

ဧရာဝတီတိုင်းသားဖြစ်သည့် ဆရာကြီး မောင်ခင်မင် (ဓနုဖြူ) ကို ၁၉၄၂ ခုနှစ်၊ ဇန်နဝါရီ ၂ ရက်နေ့တွင် အဖ ဦးရာမ ၊ အမိ ဒေါ်စောတင်တို့က ဓနုဖြူမြို့နယ်၊ ကျုံဒနီးကျေးရွာမှာမွေးဖွားခဲ့ပြီး အမည်အရင်းမှာ ဦးခင်အေးဖြစ်သည်။ ကွယ်လွန်ချိန်တွင် အသက် ၈၃ နှစ်ရှိပြီဖြစ်သည်။

ပန်းချီနဲ့ စာရေးဆရာ အောင်သျှန်ဝိုင်း (ကျိုက်မရော) ရဲ့ ဒုတိယအကြိမ်ပန်းချီပြပွဲ (Photo News)------ ------ ------ ------ --...
11/01/2025

ပန်းချီနဲ့ စာရေးဆရာ အောင်သျှန်ဝိုင်း (ကျိုက်မရော) ရဲ့ ဒုတိယအကြိမ်ပန်းချီပြပွဲ (Photo News)
------ ------ ------ ------ ------

အမျိုးသားစာပေဆုရှင် ပန်းချီနဲ့စာရေးဆရာ အောင်သျှန်ဝိုင်း (ကျိုက်မရော) ရဲ့ ဒုတိယအကြိမ်မြောက် ပန်းချီပြပွဲကို ရန်ကုန်မြို့၊ ဗိုလ်တထောင်မြို့နယ်၊ ၄၅ လမ်း အထက်ဘလောက်မှာရှိတဲ့ Coffee Color Art Gallery မှာ ဇန်နဝါရီ ၁၁ ရက်က စတင်ပြီး ကျင်းပလျှက်ရှိပါတယ်။

အဆိုပါပန်းချီပြပွဲကို ဇန်နဝါရီ ၁၃ ရက်အထိ မနက် ၁၀ နာရီမှ ညနေ၅နာရီအထိ ပြသွားမှာဖြစ်ပြီး စာပေ၊ ရုပ်ရှင်၊ ဂီတ အနုပညာလောကမှ ထင်ရှားကျော်ကြားသူတို့ရဲ့ ပုံတူများ၊ သဘာဝရှုခင်း ပန်းချီးလက်ရာများကို ခံစားကြည့်ရှုနိုင်လိမ့်မယ်ဖြစ်ကြောင်း ဆရာအောင်သျှန်ဝိုင်း (ကျိုက်မရော)က ပြောပါတယ်။

သူ၏ ပထမဆုံးအကြိမ် တကိုယ်တော်ပန်းချီပြပွဲကို ပြီးခဲ့တဲ့နှစ် ၂၀၂၄ ခုနှစ် ဒီဇင်ဘာလ ၁၈ ရက်က ရန်ကုန်မြို့ ဗိုလ်ချုပ်အောင်ဆန်းဈေးမှာ ၅ ရက်တာပြုလုပ်ခဲ့ပါတယ်။

ဓာတ်ပုံ - ရွှေဖီး

30/12/2024

Gym သွားဖို့ အဆင်မပြေဘူးလား No Problem Basic Street Workout by Sham Sham Htet
------ ------ ------ ----- -----
သင့်အနေနဲ့ ကိုယ်ကာယလေ့လကျင့်ခန်းလုပ်ဖို့ Gym မသွားနိုင်သေးဘုူး၊ သွားဖို့ အခွင့်အရေးမပေးသေးဘူးဆိုရင် ဒီဗီဒီယိုကို ကြည့်ပါ။ မိမိအနီးဝန်းကျင်မှာရှိတဲ့ ခုံလေးတွေ၊ တန်းလေတွေကိုအသုံးပြုပြီး ကျန်းမာရေးလေ့ကျင့်ခန်းတွေ လုပ်လို့ရတယ်ဆိုတာကို Fitness Instructor တဦးဖြစ်တဲ့ Sham Sham Htet က သရုပ်ပြသင်ပေးထားပါတယ်။ သူဟာ မိမိရဲ့ ခန္ဓာကိုယ်အလေးချိန်ကိုသုံးပြီးကစားတဲ့ Calisthenics နည်းစနစ်ကို ကစားလာတာ အချိန်အတော်ကြာပြီးဖြစ်ပါတယ်။ Calisthenics တခုတည်းသာမက အခြား ကိုယ်ကာယလေ့ကျင့်ခန်းတွေကို စနစ်တကျကစားချင်တယ်ဆိုရင်လည်း Sham Sham Htet က သင်ကြားပြသပေးနေပါတယ်။ အောက်မှာ Sham Sham Htet ရဲ့ ယူကျု၊ တစ်တော့နဲ့ ဖေ့စ်ဘုတ် လင့်ခ်တွေကို တပါတည်း ဖော်ပြပေးထားပါတယ်။

YouTube - https://www.youtube.com/
TikTok - https://www.tiktok.com/
Facebook - https://www.facebook.com/garottwentynine.shamshamhtet


29/11/2024

လူငယ်ဖန်တီးရှင် လှကျော်နေ သူ့ဘ၀ သူ့အနုပညာ (၂)
------ ------ ------ ------ ------
ကက်ဆက်ဇာတ်လမ်းခေတ်တကွေ့မှာ “လူငယ်ဖန်တီးရှင် လှကျော်နေ”ဆိုတဲ့ နာမည်တလုံးနဲ့ ပရိသတ်အကြား အခိုင်အမာနေရာယူခဲ့တဲ့ ဆရာ လှကျော်နေက သူ့ဘဝဖြတ်သန်းမှု အနုပညာနယ်ပယ်ထဲဝင်ရောက်လာပုံ လက်တွဲလုပ်ကိုင်ခဲ့သူများစသဖြင့် … ဇာတ်ညွှန်းသမားဘဝ၊ VCD ခေတ်ဦးအစ ဒါရိုက်တာဘဝ၊ ဒီနောက် စာနယ်ဇင်းသမားဘ၀ ဘဝပေါင်းစုံကျင်လည်ခဲ့သမျှ အိတ်သွန်ဖာမှောက် ပြောပြထားပါတယ်။


#လှကျော်နေ #အသံဇာတ်လမ်း
#ကက်ဆက်ဇာတ်လမ်း

11/11/2024

ထီး ဖိနပ်ပြင်တာ သမ္မာအာဇီဝအလုပ်ဖြစ်တဲ့အတွက် ဂုဏ်ယူပါတယ်
------ ------ ------ ----- -----
ရန်ကုန်မြို့ ကျောက်တံတားမြို့နယ် အနော်ရထာလမ်းမကြီးနဲ့ ဆိပ်ကမ်းသာလမ်းထောင့်မှာ နှစ်ပေါင်းများစွာ ထီးပြင် ဖိနပ်ပြင်အလုပ်နဲ့ အသက်မွေးဝမ်းကြောင်းမှုပြုနေသူတဦးရှိပါတယ်။ သူ့အမည်ကို အနီးဝန်းကျင်ကလူတွေနဲ့ ဖောက်သည်တွေက တရုတ်ကြီးလို့ပဲ ခေါ်ကြပါတယ်။ သူဟာ ဒီပညာကို ဖခင်ဖြစ်သူထံက လက်ဆင့်ကမ်းယူလာတာဖြစ်ပြီး သမ္မာအာဇီဝနဲ့ လုပ်ကိုင်စားသောက်ရတာကို ဂုဏ်ယူနေသူပါ။

15/10/2024

ပလုံကောက်တဲ့ ဂျက်မ
------ ------ ------ ----- -----
ရန်ကုန်မြို့လယ်ခေါင်လမ်းမတွေထက်မှာ ကလေးတသိုက်တင်ပြီး ဆိုက္ကားတစီးနဲ့ စုံဆန်သွားလာနေတဲ့ အမျိုးသမီးတဦးရှိပါတယ်။ လူမမယ်အရွယ် ကလေးငယ် ၄ ဦးနဲ့အတူ လောကဓံကို ရင်ဆိုင်အံတုနေတာပါ။

သူမမှာ ပိုင်ဆိုင်မှုရယ်လို့ မယ်မယ်ရရ ပြစရာမရှိပေမယ့် အလွယ်တကူ တောင်းရမ်းစားသောက်တာမျိုးတော့ မလုပ်ဘူးဆိုတဲ့ မာနတလုံးတော့ ရင်ဝယ်ပိုက်ထားတာပါ။

ပလုံကောက်တဲ့လုပ်ငန်းမှာလည်း ယခင်နဲ့မတူ ပြိုင်ဆိုင်မှု ပြင်းထန်လာနေတယ်လို့ မကေသွယ်ကဆိုပါတယ်။ ပလုံကောက်သူ တိုးပွားလာနေတဲ့အတွက် အလုအယက်ကောက်ရင်း ခိုက်ရန်ဖြစ်ပွားတာ၊ နယ်မြေလုတာတွေတောင်ရှိလာနေပြီလို့ သူမကဆိုပါတယ်။

မိဘတိုင်းနည်းတူ သားသမီးတွေရဲ့ ဘဝကို မြှင့်တင်ပေးချင်တဲ့စိတ်ဆန္ဒ သူမမှာ အပြည့်ရှိပေမယ့် ပကတိအခြေအနေကို လက်တွေ့ရင်ဆိုင်ရင်း လောကဓံကိုအံတုနေတဲ့ သားများမိခင်တဦးပဲဖြစ်ပါတယ်။

12/10/2024

ကိုယ့်ကိုယ်ကို အနုပညာရှင်လို့ အလွယ်တကူ မသမုတ်ကြပါနဲ့ ၊ စည်သူဒေါ်တင်တင်မြ
------ ------ ------ ----- -----

သီချင်း တပုဒ်နှစ်ပုဒ်လောက်ဆိုရုံနဲ့ မိမိကိုယ်ကိုယ် “ကျွန်တော်တို့ အနုပညာရှင်တွေက …”၊ “ကျွန်မတို့ အနုပညာရှင်တွေက …” လို့ အလွယ်တကူသမုတ်နေကြတဲ့ ယနေ့ခေတ်မှာ “အနုပညာ”နဲ့ “အနုပညာရှင်” ဆိုတဲ့ ဝေါဟာရနဲ့ အနှစ်သာရ တန်ဖိုးက ကျဆင်းသွားပါတယ်။

ဘယ်လောက်အထိ လေ့လာဆည်းပူး၊ ဖြတ်သန်းမှုအတိုင်းအတာဘယ်လောက်ရှိမှ အနုပညာရှင်အဆင့်ရောက်တာလဲ၊ အနုပညာရှင်ဆိုတာ ကိုယ့်ကိုယ့်ကိုယ်သတ်မှတ်လို့ရလား၊ ပရိသတ်ကသတ်မှတ်တာလားဆိုတဲ့ အမြင်တွေအပေါ် ဂန္ထဝင်အဆိုတော်ကြီး စည်သူ ဒေါ်တင်တင်မြက သူ့အမြင်ကို အခုလို ရှင်းရှင်းလင်းလင်း ပြောပြထားပါတယ်။


#တင်တင်မြ

19/09/2024

ရေဘေးသင့်ပြည်သူတွေအ​ပေါ် စစ်မှန်တဲ့စာနာစိတ်နဲ့ဆက်ဆံပါ


Address

Yangon
11182

Telephone

+951388763

Website

Alerts

Be the first to know and let us send you an email when Yokeshin Taykabyar - ရုပ်ရှင်တေးကဗျာ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Yokeshin Taykabyar - ရုပ်ရှင်တေးကဗျာ:

Shortcuts

Share

Category

News Watch Media

News Watch covers a wide range of topics from politics to entertainment, from insight analysis and commentary of various issues happenning around the world of today and yesteryear to interviews with celebrities and public figures. For more news and invaluable insights, please follow us on Facebook!