Duwun Sports, First Floor, Diamond Center Building E, Pyay Road, Kamaryut, Yangon (2025)

28/02/2025

“အာဖရိကဖလားပွဲက ကြီးကျယ်ခမ်းနားတဲ့ ပြိုင်ပွဲပါ၊ ယူရိုပြိုင်ပွဲလိုပါပဲ၊ ကျနော် ကစားပြီးတော့ အနိုင်ရခဲ့ဖူးတယ်၊ ကာရေဂါက ဒီပြိုင်ပွဲအပေါ် လေးစားမှုမရှိတဲ့ ဘဲပါ၊ သူကတော့ စတူဒီယိုထဲမှာ အပတ်တိုင်းထိုင်နေပြီး ပရီးမီးယားလိဂ်ဖလားကို ဘယ်လိုယူရမယ် ဘာညာဆိုတာကို နည်းပြတွေကို ပြန်သင်ပေးနေတာ၊ သူ့ကြည့်တော့ဖြင့် အဲဒီဖလားကို တခါမှရဖူးတာမဟုတ်ဘူး”

မီခေးလ်က ကာရေဂါကို ပြောလိုက်တာပါ။ ဆာလာနဲ့ပတ်သက်ပြီးတော့ ပြိုင်ပွဲကြီးတွေ မကစားဖူးဘူးလို့ ပြောခဲ့တာကြောင့် ကာရေဂါကို အာဖရိကသားတွေက ပြန်တုံ့ပြန်နေတာပါ။ အယ်လ်မိုရာမက်ဒီက ပြောပြီးနောက် မီခေးလ်ကပါ ထပ်ပြောခဲ့တာဖြစ်ပါတယ်။ ကာရေဂါကတော့ ပါးစပ်လေးပိတ်ထားတာာ ကောင်းမယ်ထင်တယ်။

28/02/2025

ကွန်ကာကပ်ဖလား ၁၆ သင်းအဆင့်မှာ အင်တာမိုင်ယာမီတို့ ဂျမေကာကလပ် ကာလာဗီယာနဲ့ ရင်ဆိုင်ရပါတော့မယ်။ ဒါကြောင့် မက်ဆီဟာ ကစားသမားဘ၀မှာ ပထမဆုံးအကြိမ် ဂျမေကာကို သွားကစားရတော့မှာပါ။

ကာလာဗီယာရဲ့ ကွင်းကတော့ ပရိသတ် ၃၀၀၀ သာ ဝင်ဆံ့တာပါ။ ဒါကြောင့် ဒီပွဲကို သူတို့က လက်ရွေးစင်အသင်းကြီးရဲ့ အိမ်ကွင်း အမျိုးသားကွင်းမှာ ပြောင်းကစားသွားမှာဖြစ်ပြီး ပရိသတ်ပေါင်း ၃၅၀၀၀ ဝင်ဆံ့တဲ့ကွင်းဖြစ်ပါတယ်။

ဂျမေကာပရိသတ်တွေကတော့ သူတို့မြေပေါ်မှာ ဂုတ်ကြီး လာကစားတာကို မျက်ဝါးထင်ထင်မြင်တွေ့ခွင့်ရတော့မှာဖြစ်ပါတယ်။

28/02/2025

ကျနော် ပွတ်စ်ကပ်ရှ်ဆုရပြီး သိပ်မကြာခင်ပေါ့၊ မနက် ၂နာရီလောက် အဖေ့ဆီကနေ ဖုန်းဝင်လာတယ်၊ သူ့ကို တံခါးဖွင့်ပေးဦးတဲ့။ ကျနော် တံခါးသွားဖွင့်တော့ အဖေ့ကို ဂွါဒီယိုလာ၊ စကားပြန်တဦးနဲ့အတူ တွေ့လိုက်ရတယ်။

ဂွါဒီယိုလာက “ငါ ဘယ်အသင်းကိုရောက်ရောက် မင်းကို စာချုပ်ချင်တယ်၊ မင်းကို ကမ္ဘာ့အကောင်းဆုံးဖြစ်လာအောင် ငါ လုပ်ပေးမယ်” ဆိုပြီး ပြောရော။ ပြီးတော့ စာရွက်တွေ ထုတ်ပြတယ်၊ သူ့ လက်ပ်တော့ကို ဖွင့်ပြီး ကျနော်ကစားရမယ့်နေရာကိုပါ ပြတယ်။

“တရာသီကို မင်း ဂိုး ၆ ၀မရရင် ငါ့နာမည်ကို ပြောင်းလဲမယ်ကွာ” တဲ့။ ဒါနဲ့ ကျနော်လည်း ဘယ်အသင်းလဲလို့ မေးတော့ “အခုတော့ ငါ မပြောနိုင်သေးဘူး၊ အတည်မပြုရသေးလို့” တဲ့။ သူ့ကို ကျနော်ယုံပါတယ်။ ဒီနောက်တော့ သူက ‘ငါ ဘိုင်ယန်ကို ပြောင်းမှာ အဲဒီမြို့က အေးပေမယ့် မင်းကို ငါ ဂရုစိုက်ပါ့မယ်” တဲ့။

ဒါပေမယ့် နောက်ဆုံးမှာတော့ ကျနော် ဘာစီလိုနာကိုပြောင်းဖို့ပဲ ဆုံးဖြတ်ခဲ့တယ်။

- နေမာ

28/02/2025

“ရီးရဲလ်က ကျနော့်ကို ရူးလောက်စရာ ထိပ်တန်းကမ်းလှမ်းမှုမျိုးနဲ့ ကမ်းလှမ်းခဲ့တာပါ။ သူတို့ လာပေးတာက ချက်လက်မှတ်အလွတ်ကြီးပါ။ ကျနော်ကြိုက်တဲ့ ငွေအမောင့်ကိုသာ ထည့်ရေးလိုက်လို့တောင် သူတို့က ပြောပါသေးတယ်”

“ကျနော် ပုံမှန်ထက် ငွေ (၃) ဆလောက် ပိုရနိုင်မယ့် အခွင့်အရေးရှိခဲ့တာပါ။ ရီးရဲလ်မက်ဒရစ်ဥက္ကဌ ပီရက်ဇ်ကလည်း ကျနော့်ကို အမြဲတမ်း သဘောကျခဲ့ပါတယ်။ ဒါပေမယ့် ကျနော့်နှလုံးသားနဲ့ပဲ ရွေးချယ်ခဲ့ပါတယ်”

“ဘာစီလိုနာမှာ ရော်နယ်ဒင်ဟိုလည်း ကစားခဲ့ဖူးပြီး ကျနော်ကိုယ်တိုင်ကလည်း မက်ဆီနဲ့တွဲကစားချင်လို့ ဘာစီလိုနာကိုပဲ ရွေးချယ်ခဲ့တာပါ”

-နေမာ

28/02/2025

“မက်ဆီ ပင်နယ်တီကန်ဖို့အတွက် ကျနော် တကယ်ကြီး ကူညီခဲ့ရတာပါ။ ကျနော်တို့ ထရိန်နင်ကွင်းမှာရှိနေတဲ့အချိန် မက်ဆီက ဒီလိုပင်နယ်တီမျိုးကို ဘယ်လိုကန်ရတာလဲဆိုပြီး ကျနော့်ကို လာမေးတာပါ”

“ကျနော်ကလည်း မင်းရူးနေတာလားကွာ။ မင်းက မက်ဆီလေ။ ငါတောင် လုပ်နိုင်ရင် မင်းလည်း လုပ်နိုင်တာပေါ့လို့ ပြန်ပြောခဲ့ရသေးတာ။ နောက်တော့ ကျနော် သူ့ကို အဲ့ဒီပင်နယ်တီ ကန်ပုံကန်နည်းကို သင်ပေးခဲ့ရပြီး သူကလည်း လိုက်လေ့ကျင့်ခဲ့ပါတယ်”

တစ်ချိန်တုန်းက သူနဲ့ မက်ဆီအကြား ပြောစကားတွေကို နေမာက ဖွင့်ဟခဲ့တာပါ။ မက်ဆီနဲ့ နေမာက ကွင်းတွင်းကွင်းပြင်မှာ ဘော်ဒါကောင်းတွေဖြစ်ခဲ့ပြီး ဘာစီလိုနာနဲ့ ပီအက်စ်ဂျီတို့မှာ အတူတူတွဲကစားခဲ့ဖူးကြပါတယ်။

28/02/2025

“ချန်ပီယံလိဂ်ပွဲတစ်ပွဲကို ယူရို (၃၀၀) ပေးပြီး လာကြည့်ရပေမယ့် အဲ့ဒီပွဲက ဂိုးမရှိသရေကျသွားတယ်ဗျာ။ အချို့ကတော့ ဒါမျိုးကို လိုချင်မှာ မဟုတ်ပါဘူး။ တကယ်လို့ ၀-၀ ဂိုးနဲ့သာ ပြီးတယ်ဆိုရင် အဲ့ဒီနှစ်သင်းစလုံးကို တစ်မှတ်မှမပေးဘဲ သုညပဲပေးရမှာပါ”

-ပီကေး

ဘာစီလိုနာနဲ့ စပိန်နောက်ခံလူဟောင်းကြီး ပီကေးကတော့ ဘောလုံးပွဲတွေနဲ့ ပတ်သက်လို့ သူ့ရဲ့အမြင်ကို ပြောလာခဲ့တာပါ။ ပုံမှန်အသုံးပြုနေကျ သရေကျရင် နှစ်သင်းစလုံး တစ်မှတ်ဆိုတဲ့ စည်းမျဉ်းအစား ဂိုးမသွင်းနိုင်ဘဲ သရေကျခဲ့ရင်တော့ နှစ်သင်းစလုံးကို တစ်မှတ်မှမပေးဖို့ ပြောခဲ့တာပါ။

ဒါက ရှုံးသွားသလို အနေအထားမျိုးဖြစ်ပြီး ပီကေးပြောစကားအပေါ် ပရိသတ်တွေကလည်း အမျိုးမျိုး ဝေဖန်နေကြပါတယ်။

27/02/2025

အာဆင်နယ်ကတော့ ဒီနောက်ပိုင်းပွဲတွေမှာ ဂိုးလည်းမသွင်းဘူး၊ အနိုင်လည်း မယူတော့ပါဘူး။ လက်စတာကို ကွင်းလယ်လူ မယ်ရီနိုရဲ့ သွင်းဂိုးနှစ်ဂိုးနဲ့ နိုင်ပြီးကတည်းက ပရီးမီးယားလိဂ် နောက်ဆုံးနှစ်ပွဲဆက်တိုက် ဂိုးမသွင်းနိုင်တော့တာပါ။

ဝက်စ်ဟမ်းကို အိမ်ကွင်းမှာ ၀-၁ ဂိုးနဲ့ ရှုံးခဲ့သလို မနေ့ကလည်း နော်တင်ဟမ်ဖောရက်စ်ကို အဝေးကွင်းမှာ ဂိုးမရှိသရေကျခဲ့ပါတယ်။ ဒီပွဲရလဒ်တွေကြောင့်လည်း လီဗာပူးထက် တစ်ပွဲလျော့နေသည့်တိုင် (၁၃) မှတ်အထိ ကွာဟသွားခဲ့ပါပြီ။

အာဆင်နယ်က တိုက်စစ်ပိုင်းမှာ လူမရှိဘဲ ဂိုးတစ်ဂိုးရဖို့တောင် ရုန်းကန်နေရချိန်မှာ လီဗာပူးကတော့ မန်စီးတီး၊ နယူးကာဆယ်တို့လို အသင်းတွေကို တည်တည်ငြိမ်ငြိမ်နဲ့ အနိုင်ကစားပြနေတာက ဒီရာသီ ချန်ပီယံဆုအတွက် အဆုံးအဖြတ်ပဲဖြစ်ပါတယ်။

27/02/2025

ယူနိုက်တက်မှာက အရာအားလုံး ပြောင်းပြန်ပါ။ တိုက်စစ်က ဟွိုက်လန်းနဲ့ ဇက်ဇီတို့ ဂိုးမသွင်းနိုင်တော့ မနေ့ကဆိုရင် ဒီလစ်ဂ်နဲ့ မက်ဂွိုင်းရားတို့ ရှေ့တက်ဂိုးသွင်းခဲ့ကြပါတယ်။ ရှုပ်ယှက်ခတ်နေတဲ့ အနေအထားကနေ ဒီလစ်ဂ်က ဒါလော့ကန်ချက် ပြန်ထွက်လာတာကို ပိတ်သွင်းခဲ့ပါတယ်။

မက်ဂွိုင်းရားကလည်း ထောင့်ကန်ဘောကနေ ခေါင်းတိုက်သွင်းယူပေးခဲ့ပြီး သူတို့နှစ်ယောက်စလုံးရဲ့ သွင်းဂိုးတွေက အသင်းကို ၂-၁၊ ၃-၂ နဲ့ ဦးဆောင်နိုင်စေခဲ့တဲ့ သွင်းဂိုးတွေပါပဲ။ Set-Piece တွေက တစ်ဆင့် ဂိုးတွေရခဲ့တာကပဲ ယူနိုက်တက်အတွက် ကံကောင်းခဲ့တယ် ပြောရပါမယ်။

ဒါပေမယ့်လည်း တန်းဆင်းရမယ့် အစ်ဆွစ်ချ်က ဒီလောက်ကြီး အသည်းအသန် ကန်နေရတာကလည်း ယူနိုက်တက်အတွက် ကောင်းမွန်တဲ့ လက္ခဏာ မဟုတ်ပါဘူး။

27/02/2025

အလွဲလေးမှ မလုပ်ရရင် ယူနိုက်တက်မပီသဘူး ပြောမှာစိုးလို့ ဒီလိုဂိုးမျိုးကလည်း ပေးရပါသေးတယ်။ ပွဲအစ (၄) မိနစ်ပဲရှိသေးတယ်၊ အိုနာနာနဲ့ ဒေါ်ဂူနဲ့ နှစ်ယောက် နားလည်မှုလွဲရာကနေ အစ်ဆွစ်ချ်က သာသာယာယာနဲ့ ဦးဆောင်ဂိုးသွင်းသွားတာပါ။

ယူနိုက်တက်ပရိသတ်တွေခမျာလည်း ဝဋ်ကြွေးကြီးမားလွန်းပါတယ်။ ဘောလုံးပွဲကြည့်တိုင်း ယူနိုက်တက်က ဘယ်သူကများ ထဖောက်လိုက်မလဲ၊ ဂိုးသမားပဲ လက်ထဲက လွတ်ကျမလား၊ နောက်တန်းကပဲ လူပေးမှားမလား၊ ရှေ့တန်းကပဲ အပိုင်အခွင့်အရေးကို မိုးပေါ်ထောင်ကန်ဦးမလားဆိုတာ မရိုးနိုင်တဲ့ ရသမျိုးစုံကို ရရှိနေတာပါ။

မနေ့ကဆိုလည်း ၃-၂ ဂိုးနဲ့ အစ်ဆွစ်ချ်ကို နိုင်ခဲ့ပေမယ့် ဒေါ်ဂူက ပြိုင်ဘက် ကစားသမားကို နင်းခဲ့မိလို့ ပထမပိုင်းမပြီးခင်မှာတင် တိုက်ရိုက်အနီကတ်ထိခဲ့ပြီး ရုန်းကန်ခဲ့ရတဲ့ နိုင်ပွဲတစ်ပွဲဖြစ်ခဲ့ပါတယ်။

26/02/2025

ဆာဂျီယိုရာမို့စ်နဲ့ မက္ကဆီကိုကလပ် မွန်တာရေးတို့ကြားက စာချုပ်ပါအချက်အလက်များ

- ကြိုက်တဲ့ပွဲ ဝင်ကစားနိုင်၊ မကစားလည်းရ
- တနှစ်လုပ်ခ ယူရို ၄ သန်း၊ စွမ်းဆောင်ရည်အလိုက် အပိုဆုကြေးခံစားခွင့်
- ၂၄ နာရီပတ်လုံး ကိုယ်ပိုင်ကားမောင်းသမားတဦးထားပေးထား
- အသင်းခေါင်းဆောင်အဖြစ် တောင်းဆိုပိုင်ခွင့်ရှိ
- ကလပ်ကမ္ဘာ့ဖလားပွဲမှာ တပွဲကစားတိုင်း ပွဲကစားကြေးခံစားခွင့်
- ဂျာစီရောင်းရငွေကနေ ၂% အထိ ခံစားခွင့်

26/02/2025

“ပရီးမီးယားလိဂ်ဖလားအတွက် လက်မလျှော့သေးပါဘူး၊ ကျနော်သေမှပဲ လက်လျှော့မှာပါ၊ ယုံကြည်ချက်မရှိတော့တဲ့အချိန် အိမ်ကိုပြန်ပါမယ်၊ သင်္ချာနည်းအရ အခုထိ ဖြစ်နိုင်တုန်းပါပဲ”

- အာတီတာ

26/02/2025

“ကျနော် ဘာစီလိုနာကို သူတို့အိမ်ကွင်းမှာတင် ဂိုးသွင်းနိုင်တာ လေးပွဲ မဟုတ်ရင် ငါးပွဲလောက်ရှိပြီထင်ပါတယ်။ ဒီနေ့ ကစားခဲ့တဲ့ပွဲမှာလည်း ကျနော် ဂိုးသွင်းနိုင်မယ်ဆိုတာကို မနက်အိပ်ရာနိုးကတည်းက သိခဲ့ပါတယ်”

-အက်သလက်တီကို တိုက်စစ်မှူး ဆိုလော့သ်

ဆိုလော့သ်ဟာ ဘာစီလိုနာ အိမ်ကွင်းမှာ နောက်ဆုံးနှစ်ပွဲဆက်တိုက် မိနစ် (၉၀) ရဲ့ နာကျင်အချိန်ပိုတွေမှာ ဂိုးသွင်းယူနိုင်ခဲ့ပါတယ်။ ရှေ့တစ်ပွဲတုန်းက အနိုင်ဂိုးကို သွင်းယူပေးခဲ့သလို အခု ဒီတစ်ပွဲမှာလည်း လေးဂိုးစီသရေကျစေမယ့် ချေပဂိုးကို နာကျင်အချိန်ပိုမှာ သွင်းယူပေးခဲ့တာဖြစ်ပါတယ်။

Duwun Sports

28/02/2025

28/02/2025

28/02/2025

28/02/2025

28/02/2025

28/02/2025

27/02/2025

27/02/2025

27/02/2025

26/02/2025

26/02/2025

26/02/2025

Address

Telephone

Website

Alerts

Contact The Business

Shortcuts

Share

Category

Duwun Sports - No.1 Digital Sports media in Myanmar