Yoyarlay

Yoyarlay သတင်းများစုစည်းရာ ရိုးရာလေးအွန်လိုင်းစာမျက်နှာ
(1153)

ရိုးရာလေး သတင်းစာမျက်နှာမှ စာပေ အနုပညာ မြတ်နိုးသူများ၊ မြန်မာ့အရေးနှင့် နိုင်ငံတကာအရေး စိတ်ဝင်စားသူများ၊ ကျန်းမာရေး လိုက်စားသူများ၊ ဖက်ရှင်နှင့် အလှဒီဇိုင်း ဖန်တီးသူများ၊ အိုင်တီ ပညာရှင်များ အားလုံးအတွက် အသုံးဝင်ပြီး အကျိုးရှိစေမည့် လတ်တလော သတင်းများကို သုတ ရသ ကဏ္ဍ စုံလင်စွာဖြင့် ထည့်သွင်းပေးထားပါသည်။

စီးပွားရေး လုပ်ငန်းရှင်များ အတွက် မိမိတို့ ပစ္စည်းများကို ဈေးကွက်၌ ရောင်းလိုအား ပိုမို ကောင်းမွန

်စေရန် အတွက် ကြော်ငြာ ထည့်သွင်းခြင်းများနှင့် မိမိတို့ လုပ်ငန်း အတွက် အလုပ်ကြော်ငြာ ထည့်သွင်းခြင်းများကိုလည်း ရိုးရာလေး သတင်းစာမျက်နှာရှိ ကြော်ငြာ ထည့်သွင်းမည့် နေရာများတွင် ကြော်ငြာ ထည့်သွင်းနိုင်ရန် ဖန်တီးပေးထားပါသည်။

အသုံးပြုသူများ အားလုံး တနေ့တာ စိတ်အပန်းဖြေ အမောပြေစေရန် အတွက် ရိုးရာလေး သတင်းစာမျက်နှာကို ဝင်ရောက် ကြည့်ရှုခြင်းဖြင့် သင့်ဘဝအတွက် အတွေးအမြင်သစ်များ တိုးတက်မှု ရရှိစေမှာဖြစ်ပါသည်။ ရိုးရာလေး သတင်းစာမျက်နှာမှ အားလုံးအတွက် အကျိုးရှိစေမည့် အစီအစဉ်များကို တင်ဆက်ပေးအုံးမှာဖြစ်လို့ အားပေးကြပါအုံးနော်။

Team (ရိုးရာလေး)
www.yoyarlay.com

ဇနီးရဲ့ဆန္ဒကြောင့် နာမည်ကြီး ရေအောက်ဓာတ်ပုံဆရာဖြစ်လာခဲ့သူသမုဒ္ဒရာကြီးက ဓာတ်ပုံဆရာတွေအတွက် အနုပညာဖန်တီးလို့ရတဲ့ အရာတစ်ခုလ...
09/08/2026

ဇနီးရဲ့ဆန္ဒကြောင့် နာမည်ကြီး ရေအောက်ဓာတ်ပုံဆရာဖြစ်လာခဲ့သူ

သမုဒ္ဒရာကြီးက ဓာတ်ပုံဆရာတွေအတွက် အနုပညာဖန်တီးလို့ရတဲ့ အရာတစ်ခုလို့ပြောနိုင်ပါတယ်။ ဟာဝိုင်ယီပြည်နယ်က ရေအောက်ရှုခင်းတွေကို ရိုက်ကူးတဲ့ဓာတ်ပုံဆရာ ကလက်ခ် လစ်တယ် ဆိုသူအမျိုးသားဟာ ရင်သပ်ရှုမောစေမယ့် ဓာတ်ပုံတွေရိုက်ကူးဖို့အတွက် အားပြင်းတဲ့လှိုင်းလုံးတွေအလယ်မှာ နေရတာကို ကြိုက်နှစ်သက်ပါတယ်။ သူ့ဇနီးကြောင့်သာ မဟုတ်ရင် ဒီလိုနာမည်ကြီးဓာတ်ပုံတွေလည်း ရှိလာမှာမဟုတ်ဘူးလို့ သိရပါတယ်။ သူ့ဇနီးရဲ့ဆန္ဒက သူ့ကို ရေအောင်ဓာတ်ပုံဆရာအဖြစ် ပြောင်းလဲသွားစေခဲ့တာပါ။

ကလက်ခ်က ကယ်လီဖိုးနီးယားပြည်နယ်မှာ ၁၉၆၈ခုနှစ်က မွေးဖွားခဲ့တာပါ။ သူ့မိသားစုက ဟာဝိုင်ယီပြည်နယ်က ကမ်းခြေတစ်ခုမှာ ပြောင်းရွေ့နေထိုင်ပြီး (၂) နှစ်အကြာမှာ သူ့အနာဂတ်ကို ပြောင်းလဲစေခဲ့ပါတယ်။ သူ့အသက် (၂၀) မှာ Waimea Bay မှာ ရေလွှာချောစီးရတာကို ကြိုက်နှစ်သက်ခဲ့ပြီး နောက်ပိုင်းမှာ ကျွမ်းကျင်တဲ့ ရေလွှာလှိုင်းစီးတဲ့သူ ဖြစ်လာခဲ့ပါတယ်။ ရေလွှာလှိုင်းစီးတဲ့သူကနေ ရေအောက်ဓာတ်ပုံဆရာဖြစ်အောင် သူ့ဇနီးပြောင်းလဲခဲ့ပါတော့တယ်။ ၂၀၀၇ခုနှစ်မှာ ကလက်ခ်ရဲ့ဇနီးက သူတို့အိမ်ခန်းနံရံမှာ ချိတ်ဖို့ သမုဒ္ဒရာဓာတ်ပုံကို ဝယ်ချင်ခဲ့တာပါ။ အဲဒီအချိန်မှာ ကလက်ခ်က သူကိုယ်တိုင် သမုဒ္ဒရာပုံတွေကို ရိုက်ပြီး နံရံမှာချိတ်လို့ရနိုင်တယ်လို့ တွေးမိခဲ့တာပါ။ အဲဒီနောက်မှာ ရေစိုခံကင်မရာတစ်လုံးကို ဝယ်ယူပြီး သမုဒ္ဒရာထဲကို ခုန်ချကာ ဓာတ်ပုံတွေ ရိုက်ဖြစ်ခဲ့ပါတော့တယ်။

အချိန်ခဏအတွင်းမှာပဲ ကလက်ခ်ရဲ့ဓာတ်ပုံတွေက ဂျပန်၊ ကနေဒါ၊ ဘရာဇီး၊ စပိန်နဲ့ အမေရိကန်တစ်ဝှမ်းရှိ ဓာတ်ပုံပြပွဲအပါအဝင် ကမ္ဘာ့တစ်ဝှမ်းမှာ ပျံ့နှံ့သွားခဲ့ပါတယ်။ ကလက်ခ်ရဲ့ဓာတ်ပုံတွေကို တစ်ခါတလေ လှိုင်းလုံးတွေကြားကနေ၊ တစ်ခါတလေ လှိုင်းလုံးတွေထဲကနေ ရိုက်ကူးရတာဖြစ်တဲ့အတွက် အန္တရာယ်များပါတယ်။ အဲဒါကြောင့်ပဲ မြေပြင်မှာပဲ ရိုက်တဲ့ဓာတ်ပုံတွေနဲ့ ယှဉ်လို့မရတာဖြစ်ပါတယ်။ သူ့ရဲ့ထင်ရှားတဲ့ဓာတ်ပုံတွေ ကမ်းစပ်နားလှိုင်းတွေနီးကပ်လာတဲ့ဓာတ်ပုံတွေလို့ ကလက်ခ်က ပြောပါတယ်။ ဓာတ်ပုံတွေက ရိုက်ရတဲ့ အန္တရာယ်များပေမယ့် အရမ်းလှပါတယ်။ ပြီးပြည့်စုံတဲ့ရိုက်ချက်ဖြစ်ဖို့အတွက် ကျောက်ဆောင်၊ သဲသောင်၊ အုန်းပင်နဲ့ နေရောင်ခြည်တွေနဲ့ ပေါင်းစပ်ဖန်တီးရတာဖြစ်ပါတယ်။

ကလက်ခ်က သူ့အလုပ်ကို ဘယ်အရာနဲ့မှ ပြောင်းလဲသွားစေမှာမဟုတ်ကြောင်းနဲ့ ရိုက်ကူးခဲ့တဲ့ အရာတွေကို မှတ်တမ်းတင်ထားရတာ သူ အရမ်းကံကောင်းကြောင်း ဖွင့်ဟထားပါတယ်။ ကလက်ခ်က ၂၀၁၁ခုနှစ်မှာ အနုပညာလက်ရာစာအုပ် (၃) အုပ်ကို ထုတ်ဝေခဲ့ပြီး ဟာဝိုင်ယီမှာလည်း Clark Little Gallery Haleiwa ဆိုတဲ့ ဓာတ်ပုံပြခန်းကို ဖွင့်ထားပါတယ်။ ၂၀၁၆ခုနှစ်မှာ SHOREBREAK: The Clark Little Story အမည်ရတဲ့ ဇာတ်ကားလည်း ထွက်ရှိခဲ့ပါတယ်။

Ref: How a Wife’s Simple Wish Turned a Man Into a Famous Ocean Photographer

Team (ရိုးရာလေး)

ပြည်ပဒိုင်လူကြီးတွေကို လိင်အပျော်အပါး ဝန်ဆောင်မှုပေးခဲ့တယ်ဆိုတဲ့ သတင်းအတွက် တောင်ကိုရီးယားဘောလုံးအဖွဲ့ချုပ် တောင်းပန်နို...
08/08/2026

ပြည်ပဒိုင်လူကြီးတွေကို လိင်အပျော်အပါး ဝန်ဆောင်မှုပေးခဲ့တယ်ဆိုတဲ့ သတင်းအတွက် တောင်ကိုရီးယားဘောလုံးအဖွဲ့ချုပ် တောင်းပန်

နိုင်ငံတကာပွဲစဉ်တွေ ကိုင်တွယ်ဖို့ ရောက်ရှိလာတဲ့ ပြည်ပဒိုင်လူကြီးတွေကို လိင်အပျော်အပါး ဝန်ဆောင်မှုပေးခဲ့တယ်ဆိုတဲ့ သတင်းဖော်ပြချက်တွေနဲ့ပတ်သက်ပြီး တောင်ကိုရီးယားဘောလုံးအဖွဲ့ချုပ်က တောင်းပန်ချက် ထုတ်ပြန်ခဲ့ပါတယ်။

၂၀၁၁ ခုနှစ် မတ်လမှ ၂၀၁၂ ခုနှစ် မတ်လကြားကာလအတွင်း ၂၀၁၄ ကမ္ဘာ့ဖလား ခြေစစ်ပွဲစဉ်တွေနဲ့ ၂၀၁၂ လန်ဒန်အိုလံပစ် ခြေစစ်ပွဲစဉ်တွေအတွက် တောင်ကိုရီးယားနိုင်ငံကို ရောက်ရှိလာတဲ့ ပြည်ပဒိုင်လူကြီးတွေကို လိင်အပျော်အပါး ဝန်ဆောင်မှုစရိတ်ပါတဲ့ အနှိပ်ခန်းတွေထံ ပို့ဆောင်ပေးမှု (၇)ကြိမ် ရှိခဲ့တယ်လို့တောင်ကိုရီးယားရုပ်သံလိုင်း JTBC က ဖော်ပြခဲ့တာပါ။

ဒီသတင်းဖော်ပြချက်နဲ့ပတ်သက်ပြီး တောင်ကိုရီးယားဘောလုံးအဖွဲ့ချုပ် (KFA) က အနူးအညွှတ် တောင်းပန်ကြောင်း၊ လက်ရှိအချိန်မှာ အလားတူဖြစ်ရပ်မျိုး ဖြစ်ပွားခြင်း လုံးဝမရှိကြောင်း ထုတ်ပြန်ခဲ့ပါတယ်။

Ref: Soccer South Korea association apologises over 'sexual services' allegations

Team (ရိုးရာလေး)

မုန်တိုင်းထန်တဲ့ညထဲက မေတ္တာတရားရဲ့ ပဲ့တင်ထပ်သံမုန်တိုင်းထန်တဲ့ညတစ်ည . . . ဟိုတယ်ခန်း လိုက်ရှာနေတဲ့ လင်မယားနှစ်ယောက် ဘယ်လ...
08/08/2026

မုန်တိုင်းထန်တဲ့ညထဲက မေတ္တာတရားရဲ့ ပဲ့တင်ထပ်သံ

မုန်တိုင်းထန်တဲ့ညတစ်ည . . . ဟိုတယ်ခန်း လိုက်ရှာနေတဲ့ လင်မယားနှစ်ယောက် ဘယ်လီဗူးဟိုတယ်ကို ရောက်လာတယ်။ ဒါပေမဲ့ ဟိုတယ်မှာ အခန်းလွတ်တစ်ခန်းမျှ မရှိတော့ဘူး။ ဖီလာဒဲဖီးယားမှာ နိုင်ငံတကာညီလာခံရှိနေလို့ ဒီညအတွက် သူတို့ဟိုတယ်အပြင် တမြို့လုံးက ဟိုတယ်တွေမှာ အခန်းတွေ ပြည့်နေပြီလို့ ဟိုတယ်စာရေး လူငယ်လေးက ပြောတယ်။

လင်မယားနှစ်ယောက်လုံးက အသက်ကြီးနေပြီး ရာသီဥတုကလည်း ဆိုးရွားနေချိန်ဖြစ်လို့ စာရေးလူငယ်လေးက သူတို့ကို အပြင်မထွက်စေချင်ဘူး။ ဒါကြောင့်ပဲ သူ အိပ်ရမယ့်အခန်းမှာ တည်းမလားလို့ မေးလိုက်တယ်။ " ဦးလေးတို့ကို အခန်းပေးလိုက်ရင် မောင်ရင်က ဘယ်မှာ အိပ်မှာလဲ " လို့ အမျိုးသားကြီးက ပြန်မေးတယ်။

" ကိစ္စမရှိပါဘူး ဦးလေး။ ကျွန်တော်က တစ်ကိုယ်ရေတစ်ကာယပဲလေ။ ဒီညတော့ ဧည့်ကြိုကောင်တာမှာပဲ အိပ်လိုက်မယ်။ မုန်တိုင်းတိုက်နေလို့ ဦးလေးတို့ကို ကျွန်တော် အပြင်ပြန်မထွက်စေချင်တော့ဘူး။ ဒီတော့ ကျွန်တော့်ရဲ့ ကမ်းလှမ်းမှုကို လက်ခံလိုက်ပါ " ။ လင်မယားနှစ်ယောက်ကလည်း တခြားရွေးချယ်စရာမရှိလို့ လူငယ်လေးရဲ့ ကမ်းလှမ်းမှုကို လက်ခံပြီး အဲဒီညက လူငယ်လေးရဲ့အခန်းမှာပဲ အိပ်လိုက်ကြတယ်။ နောက်နေ့နံနက်လင်းတော့ ဟိုတယ်ကနေ မပြန်ခင် လင်မယားနှစ်ယောက်က လူငယ်လေးကို ကျေးဇူးတင်လွန်းလို့ ငွေသားတော်တော်များများ လာပေးတယ်။

" ကျွန်တော့်ကို အနေရခက်အောင် မလုပ်ပါနဲ့ ဦးလေးရယ်။ ငွေရချင်လို့ ကျွန်တော့်အခန်းမှာ တည်းခွင့်ပေးခဲ့တာ မဟုတ်ပါဘူး။ ဦးလေးတို့ကို ကူညီပေးချင်တာပဲ ရှိပါတယ် " လို့ လူငယ်လေးက ပြောလိုက်တော့ အမျိုးသားကြီးလည်း လူငယ်လေးရဲ့ ရိုးသားမှုနဲ့ ကူညီတတ်တဲ့ စိတ်ထားကြောင့် ရင်ထဲ နွေးခနဲ ဖြစ်သွားတယ်။

" လူလေးက တကယ့်ကို လူကောင်းတစ်ယောက်ပဲကွယ်။ ဒီလို ဟိုတယ်သေးသေးလေးမှာ ဘာလို့ လုပ်နေတာလဲ။ လူလေးက ကမ္ဘာ့အကောင်းဆုံးဟိုတယ်မှာ မန်နေဂျာလုပ်ရမယ့်သူမျိုးကွ" " ဒီဟိုတယ်လေးမှာ အလုပ်လုပ်ရတာ ကျွန်တော် အလွန်ပျော်ပါတယ် ဦးလေး။ ပြီးတော့ ဒီထက်ကြီးတဲ့ ဟိုတယ်ကို စီမံခန့်ခွဲနိုင်မယ့် အရည်အချင်းလည်း ကျွန်တော့်မှာ မရှိပါဘူး။ ဘာပဲဖြစ်ဖြစ် ဦးလေးရဲ့ နူးညံ့ကြင်နာတဲ့ စကားလုံးတွေအတွက် ကျေးဇူးတင်ပါတယ် " ။

" တကယ်လို့ တစ်နေ့နေ့မှာ ဦးလေးက ကမ္ဘာ့အကောင်းဆုံးဟိုတယ် ဆောက်ပြီးသွားရင် ဦးလေးဆီလာပြီး အလုပ်လာလုပ်ပေးနိုင်မလား " လို့ အမျိုးသားကြီးက ပြုံးပြီး မေးလိုက်တယ်။ ဒါပေမဲ့ လူငယ်လေးရဲ့ စိတ်ထဲမှာတော့ ဒီလူကြီး စိတ်ခံစားမှု ပြင်းပြနေချိန်မို့လို့ အပျော်အပြက် ပြောနေတာဖြစ်မယ်လို့ပဲ သဘောထားခဲ့ပါတယ်။ " လာမှာပေါ့ ဦးလေးရယ်၊ ဦးလေးသာ ဟိုတယ်ဆောက်ပြီးလို့ကတော့ ကျွန်တော် သေချာပေါက် လာခဲ့ပါ့မယ် " လို့ ခပ်ပေါ့ပေါ့ ပြန်ဖြေလိုက်တယ်။ လူငယ်လေးက လုပ်စရာတွေ အရမ်းများနေလို့ မြန်မြန်စကားစဖြတ်တဲ့အနေနဲ့ အခုလို ပြောလိုက်တာပါ။

" ဂွတ်ဘိုင် လူလေး။ သိပ်မကြာခင် ဦးလေးဆီက သတင်းကြားရလိမ့်မယ် " " ဂွတ်ဘိုင် " ။ ဒီလိုနဲ့ အချိန် ၃ နှစ် ကုန်လွန်သွားပြီး လူငယ်လေးလည်း သူလုပ်နေတဲ့ ဟိုတယ်မှာ မန်နေဂျာအဖြစ် ရာထူးတိုးသွားပါပြီ။ တစ်နေ့မှာတော့ သူ့ဆီရောက်လာတဲ့ စာတွေကို စစ်ရင်း စာအိတ်တစ်လုံးကို ဖောက်လိုက်တော့ နယူးယော့ခ်ကို ပျံသန်းမယ့် လေယာဉ်လက်မှတ်တစ်စောင်ကို တွေ့ရတယ်။ ပြီးတော့ အခမ်းအနားတက်ဖို့ဖိတ်တဲ့ ဖိတ်စာတစ်စောင်လည်း တွေ့တယ်။ ဒါပေမဲ့ ဘာကြောင့် သူ့ကို ဖိတ်တာလဲဆိုတဲ့အကြောင်းတော့ မသိဘူး။

လူငယ်လေးကလည်း သိချင်စိတ်ပြင်းပြလာလို့ နယူးယော့ခ်ကို သွားဖို့ ဆုံးဖြတ်လိုက်တာပေါ့။ နယူးယော့ခ်ကို ရောက်တော့ သူ့ကို လူတစ်ယောက် လာကြိုပြီး မြို့လယ်ကို ခေါ်သွားတယ်။ မြို့လယ်ရောက်ချိန်မှာတော့ သူမြင်ဖူးသမျှထဲမှာ အကောင်းဆုံးဟိုတယ်ကြီးကို တွေ့လိုက်တယ်။ တစ်ဆက်တည်းမှာ " မောင်ရင် မန်နေဂျာလုပ်ဖို့ ဦးလေးဆောက်ထားတဲ့ ဟိုတယ်ပဲ " ဆိုတဲ့ စကားသံကို သူ ကြားလိုက်တယ်။ လွန်ခဲ့တဲ့ ၃ နှစ်က သူ့အခန်းမှာ တည်းသွားတဲ့ အမျိုးသားကြီး။

အဲဒီအမျိုးသားကြီးကတော့ အမေရိကန် စီးပွားရေး၊ နိုင်ငံရေးသမား ဝီလျံဝဲလ်ဒေါ့ဖ်ဖြစ်ပြီး လူငယ်လေးကတော့ ဂျော့စီဘို့တ်လို့ အမည်ရပါတယ်။ ဝီလျံဝဲလ်ဒေါ့ဖ်ရဲ့ Waldorf Astoria ဟိုတယ်ဟာ အထပ်တိုင်းမှာ လျှပ်စစ်မီးရတဲ့ ကမ္ဘာ့ပထမဆုံးဟိုတယ်ဖြစ်ပြီး သူ့ခေတ်သူ့အခါက ကမ္ဘာ့အကောင်းဆုံးဟိုတယ်စာရင်း ဝင်ခဲ့ပါတယ်။ ဂျော့စီဘို့တ်ကတော့ အဲဒီဟိုတယ်ရဲ့ ပထမဆုံးမန်နေဂျာအဖြစ် ၂၃ နှစ်ကြာ အလုပ်လုပ်ခဲ့ပါတယ်။

Ref: THE STORY OF WILLIAM WALDORF AND GEORGE C. BOLDT

Team (ရိုးရာလေး)

အချိန်ဇုန် ၁၂ ဇုန်အထိ ရှိနေတဲ့ ပြင်သစ်နိုင်ငံပြင်သစ်နိုင်ငံဟာ ကမ္ဘာပေါ်မှာ အချိန်ဇုန်အများဆုံး နိုင်ငံဖြစ်ပါတယ်။ အမေရိကန...
07/08/2026

အချိန်ဇုန် ၁၂ ဇုန်အထိ ရှိနေတဲ့ ပြင်သစ်နိုင်ငံ

ပြင်သစ်နိုင်ငံဟာ ကမ္ဘာပေါ်မှာ အချိန်ဇုန်အများဆုံး နိုင်ငံဖြစ်ပါတယ်။ အမေရိကန်၊ ရုရှားနိုင်ငံတွေလို ဧရိယာအကျယ်အဝန်း မကြီးမားပေမဲ့ ပစိဖိတ်၊ အတ္တလန္တိတ်၊ အိန္တိယသမုဒ္ဒရာတဝိုက်၊ တောင်အမေရိကနဲ့ ကာရေဘီယံပင်လယ်တဝိုက်မှာ ဖြန့်ကျက်ထားတဲ့ သူတို့ရဲ့ ရေမြေခြားပိုင်နက်တွေကြောင့် အချိန်ဇုန် ၁၂ ဇုန်အထိ ရှိနေတာ ဖြစ်ပါတယ်။

အချိန်ဇုန် ၁၂ ဇုန်အနက် ပြင်သစ်ကျွန်းမကြီးပေါ်မှာ အချိန်ဇုန် တစ်ခုတည်းသာ ရှိပြီး ကျန်တဲ့ အချိန်ဇုန်တွေကတော့ ရေမြေခြားပိုင်နက်တွေပေါ်က အချိန်ဇုန်တွေ ဖြစ်ပါတယ်။ ပြင်သစ်နိုင်ငံပိုင် ပိုလီနီရှားကျွန်းပေါ်မှ အချိန်ဇုန်ဟာ ဥရောပအလယ်ပိုင်းစံတော်ချိန်ထက် ၁၀ နာရီ နောက်ကျပြီး ဝီလီနဲ့ ဖူတူနာရဲ့ အချိန်ဇုန်ကတော့ ဥရောပအလယ်ပိုင်းစံတော်ချိန်ထက် ၁၂ နာရီ ပိုစောပါတယ်။

ပြင်သစ်နိုင်ငံပြီးရင် ကမ္ဘာပေါ်မှာ အချိန်ဇုန်အများဆုံးကတော့ အမေရိကန်နဲ့ ရုရှားနိုင်ငံတွေဖြစ်ပြီး အချိန်ဇုန် ၁၁ ဇုန်စီ ရှိပါတယ်။

Ref: Distribution of French Time Zones

Team (ရိုးရာလေး)

၂၀၂၆ ခုနှစ် Box Office မှာ ဝင်ငွေအများဆုံးမင်းသမီးဖြစ်လာတဲ့ ဇန်ဒါယာမင်းသမီး ဇန်ဒါယာဟာ အခုနှစ်ရုံတင်ပြသခဲ့တဲ့ ရုပ်ရှင်ကား...
07/08/2026

၂၀၂၆ ခုနှစ် Box Office မှာ ဝင်ငွေအများဆုံးမင်းသမီးဖြစ်လာတဲ့ ဇန်ဒါယာ

မင်းသမီး ဇန်ဒါယာဟာ အခုနှစ်ရုံတင်ပြသခဲ့တဲ့ ရုပ်ရှင်ကားတွေမှာ ပါဝင်ခဲ့ပြီးနောက် ကမ္ဘာ့တစ်ဝှမ်းမှာ ဒေါ်လာ ၂ ဘီလျံနီးပါးဝင်ခဲ့တာကြောင့် ၂၀၂၆ ခုနှစ် Box Office မှာ ဝင်ငွေအများဆုံးမင်းသမီးဖြစ်လာခဲ့ပါတယ်။

Spider-Man: Brand New Day, The Odyssey နဲ့ The Drama ဇာတ်ကားတွေဟာ သူ့ကို Box Office မှာ ကြီးမားတဲ့လွှမ်းမိုးမှုဖြစ်စေခဲ့ပါတယ်။ Spider-Man: Brand New Day က သမိုင်းဝင် အဖွင့်သီတင်းပါတ်နဲ့ ကမ္ဘာ့တစ်ဝှမ်းမှာ ဒေါ်လာ သန်း ၉၂၀ ကျော်ရရှိခဲ့ပါတယ်။ The Odyssey ဇာတ်ကားက ကမ္ဘာ့တစ်ဝှမ်းမှာ ဒေါ်လာ ၉၁၁ သန်းခန့်ရရှိခဲ့တာပါ။ The Drama ဇာတ်ကားက ဇန်ဒါယာရဲ့နှစ်စဉ်စုစုပေါင်းဝင်ငွေမှာ ဒေါ်လာ ၁၃၂ သန်းထပ်မံဖြည့်ပေးခဲ့ပါတယ်။

ဇန်ဒါယာ ပါဝင်သရုပ်ဆောင်ထားပြီး ၂၀၂၆ ခုနှစ်ကုန်ပိုင်းမှာ ရုံတင်ပြသဖို့ စီစဉ်ထားတဲ့ Dune: Part Three က သူ့ရဲ့ဝင်ငွေကို ဒီထက်ကျော်လွန်သွားအောင်လုပ်နိုင်ဦးမှာဖြစ်ပါတယ်။

Ref: Zendaya becomes highest grossing actor in the 2026 box office

Team (ရိုးရာလေး)

တစ်နပ်စာကို နှစ်ယောက်ခွဲစားပြီး ကလေးငယ် ၄၅၀ ကျော်အတွက် နှလုံးခွဲစိတ်စရိတ် လှူဒါန်းခဲ့တဲ့ ဇနီးမောင်နှံတုယင်းရုံနဲ့ လူစုယင...
07/08/2026

တစ်နပ်စာကို နှစ်ယောက်ခွဲစားပြီး ကလေးငယ် ၄၅၀ ကျော်အတွက် နှလုံးခွဲစိတ်စရိတ် လှူဒါန်းခဲ့တဲ့ ဇနီးမောင်နှံ

တုယင်းရုံနဲ့ လူစုယင်ဆိုတဲ့ တရုတ်ဇနီးမောင်နှံဟာ မထင်မရှား ရှင်သန်ခဲ့ကြပြီး မထင်မရှားဘဲ ကွယ်လွန်သွားခဲ့ကြတာပါ။ ဒါပေမဲ့ သူတို့အကြောင်း သိသွားချိန်မှာတော့ လူအများအပြား အံ့အားသင့်ခဲ့ကြပါတယ်။ သူတို့ ဇနီးမောင်နှံက ၁၈ ယွမ်( ၂ဒေါ်လာခွဲ)တန် တစ်နပ်စာကို ၂ ယောက်ခွဲစားကာ ချွေတာ စုဆောင်းခဲ့ကြပြီး နှလုံးခွဲစိတ်ဖို့ လိုအပ်နေတဲ့ ကလေးငယ် ၄၅၅ ယောက်အတွက် ခွဲစိတ်ကုသစရိတ် လှူဒါန်းပေးခဲ့တာပါ။

တုယင်းရုံက ကျောင်းဆရာတစ်ယောက်ဖြစ်ပြီး လူစုယင်ကတော့ ဆရာဝန်ပါ။ ၂၀၁၈ ခုနှစ်မှာ တုယင်းရုံက Shanghai Yoda Cardiothoracic ဆေးရုံရှေ့မှ ဖြတ်လျှောက်သွားတုန်း ပိုစတာတစ်ခု တွေ့လိုက်ပါတယ်။ မွေးရာပါ နှလုံးရောဂါရှိပေမဲ့ ခွဲစိတ်ကုသစရိတ် မတတ်နိုင်ကြတဲ့ ကလေးငယ်တွေရဲ့ မိသားစုတွေက အကူအညီတောင်းခံထားတဲ့ ပိုစတာပါ။ အဲဒီနောက်မှာတော့ တုယင်းရုံက အိမ်ပြန်လာပြီး ဇနီးသည်နဲ့တိုင်ပင်ခဲ့ကြပါတယ်။

သားသမီး မထွန်းကားတဲ့ သူတို့ဇနီးမောင်နှံဟာ သူတို့စုဆောင်းထားတဲ့ ယွမ် ၅ သိန်းကို လှူဒါန်းပေးခဲ့ပြီး အဲဒီငွေနဲ့ ကလေးငယ် ၁၀ ဦးကို နှလုံးခွဲစိတ်ပေးနိုင်ခဲ့ပါတယ်။ နောက်ပိုင်းနှစ်တွေမှာတော့ သူတို့ရဲ့ လှူဒါန်းမှုက စုစုပေါင်း ယွမ် ၅ သန်းအထိ ရှိလာခဲ့ပြီး ကလေးငယ် ၄၅၅ ဦးအတွက် ခွဲစိတ်မှုစရိတ်ကို ကျခံပေးခဲ့ပါတယ်။ ဒါပေမဲ့ သူတို့က ဒီအကြောင်းကို ထုတ်မပြောခဲ့ပါဘူး။

တုယင်းရုံဟာ ၂၀၁၈ ခုနှစ်က အသက် ၈၁ နှစ်အရွယ်မှာ ကွယ်လွန်ခဲ့ပြီး လူစုယင်ကတော့ မနှစ်တုန်းက အသက် ၉၂ အရွယ်မှာ ကွယ်လွန်ခဲ့တာပါ။ ပြီးခဲ့တဲ့သီတင်းပတ်တွေအတွင်း သူတို့ကို ရည်စူးပြီး ရှန်ဟိုင်းမှာ ပြုလုပ်ခဲ့တဲ့ ပရဟိတပြပွဲကျမှသာ လူအများစုက သူတို့ရဲ့ လှူဒါန်းမှုတွေအကြောင်း အကျယ်တဝင့် သိခဲ့ကြတာပါ။

Ref: Frugal, childless Chinese couple who split US$2.5 meals leave US$735,000 to sick children

Team (ရိုးရာလေး)

ရက်ရောတဲ့ တပည့်နဲ့ ကျောင်းအုပ်ကြီးလင်းပေါင်က မကြာခဏ ကျောင်းပျက်လေ့ရှိတယ်။ တစ်နေ့မှာတော့ ကျောင်းအုပ်ကြီးက လင်းပေါင်ကို ကျ...
07/08/2026

ရက်ရောတဲ့ တပည့်နဲ့ ကျောင်းအုပ်ကြီး

လင်းပေါင်က မကြာခဏ ကျောင်းပျက်လေ့ရှိတယ်။ တစ်နေ့မှာတော့ ကျောင်းအုပ်ကြီးက လင်းပေါင်ကို ကျောင်းထုတ်မယ်လို့ ဆုံးဖြတ်လိုက်ပြီး သူ့ရုံးခန်းကို ခေါ်ခိုင်းလိုက်တယ်။ကျောင်းအုပ်ကြီး နေ့လယ်စာစားမယ့်အချိန်ရောက်မှ လင်းပေါင် ရောက်လာတယ်။

" ဒီအချိန်မှ ကျောင်းလာရသလားကွ " ကျောင်းအုပ်ကြီးက ဟောက်လိုက်တယ်။

" ခွင့်လွှတ်ပေးပါ ဆရာရယ်။ ကျွန်တော် ဒီနေ့ လယ်ကွင်းထဲက ရွှေထုပ် ကောက်ရလို့ ကျောင်း နောက်ကျသွားတာပါ "

" ရွှေထုပ် ဟုတ်လား။ ရွှေထုပ် ကောက်ရတော့ မင်းဘာတွေသုံးမှာလဲ " ကျောင်းအုပ်ကြီးရဲ့မျက်လုံးတွေက အရောင်လက်လာတယ်။

" အိမ်ကြီးကြီး တစ်လုံးဆောက်မယ်။ မြေတွေဝယ်မယ်။ ကျွဲအုပ်၊ နွားအုပ်တွေ ဝယ်မယ်။ ပြီးတော့ ကျွန်တော့်ကို ဒုက္ခခံပြီး ပညာသင်ပေးခဲ့တဲ့ ဆရာ့ကိုလည်း ငွေကန်တော့ပါ့မယ် "

လင်းပေါင်ရဲ့အဖြေကို သဘောကျသွားတဲ့ ကျောင်းအုပ်ကြီးက သူနဲ့အတူတူ နေ့လယ်စာ စားဖို့ခေါ်တယ်။ လင်းပေါင်က ကျောင်းအုပ်ကြီး ချိုင့်ထဲက အစားအစာတွေကို မြိန်ရည်ယှက်ရည် စားနေပေမဲ့ ကျောင်းအုပ်ကြီးကတော့ " သူ့ကို လင်းပေါင် ဘယ်လောက်ပေးမလဲ " ၊ " အဲဒီငွေက သူလိုချင်နေတဲ့ ခြံကို ဝယ်ဖို့ လောက်ပါ့မလား " ဆိုတဲ့ အတွေးနဲ့ နစ်မျောနေလို့ ဘာမှ မစားဘူး။

" ဒါနဲ့ ရွှေထုပ်ကိုတော့ မင်း သေသေချာချာ သိမ်းထားတယ်မလား " လို့ ကျောင်းအုပ်ကြီးက ရုတ်တရက် မေးလိုက်တယ်။

" သိမ်းချိန် မရလိုက်ဘူး ဆရာ။ အမေက ကျွန်တော့်ကို လာနှိုးလိုက်တော့ ရွှေထုပ်လည်း ပျောက်သွားရော "

" ဘာကွ။ မင်းက အိပ်မက်ထဲကအကြောင်း လာပြောနေတာလား။ "

ကျောင်းအုပ်ကြီးမျက်နှာက ဒေါသကြောင့် နီနေပြီး မေးကျောကြီးတွေ ထောင်နေတယ်။

လင်းပေါင်ကလည်း ပါးလုပ်ပါးလောင်း စားနေရင်း မျက်နှာငယ်လေးနဲ့ ခေါင်းငြိမ့်ပြတယ်။

" အိပ်မက်ထဲမှာတောင် ငါ့ကို သတိရပေးလို့ ဝမ်းသာပါတယ်။ ရွှေထုပ် တကယ်ကောက်ရရင်လည်း သတိရဦးမယ်ထင်ပါတယ်။ ကဲ . . . အခု ကြွပေတော့။ "

ကျောင်းအုပ်ကြီးက ဒေါသကို ထိန်းရင်း ပြောလိုက်တယ်ဆိုရင်ပဲ လင်းပေါင်ကတော့ အခန်းထဲကနေ သုတ်ခြေတင် ထွက်သွားတော့တာပေါ့။

လင်းပေါင် ထွက်သွားမှ သူ့ကို ကျောင်းထုတ်ဖို့ အခန်းထဲ ခေါ်ထားတဲ့ အကြောင်းကျောင်းအုပ်ကြီး သတိရတော့တယ်။

ရယ်မောခြင်းဖြင့် ဘဝအမောများ ပြေပျောက်စေသော်

Team (ရိုးရာလေး)

နှလုံးကို ကိုယ်တိုင်ပြန်လည်ပြုပြင်နိုင်မည့် ဂျယ်တစ်မျိုးကို အာဂျင်တီးနားဇီဝဗေဒပညာရှင် စမ်းသပ်လုပ်ဆောင်နေအာဂျင်တီးနားနိုင...
06/08/2026

နှလုံးကို ကိုယ်တိုင်ပြန်လည်ပြုပြင်နိုင်မည့် ဂျယ်တစ်မျိုးကို အာဂျင်တီးနားဇီဝဗေဒပညာရှင် စမ်းသပ်လုပ်ဆောင်နေ

အာဂျင်တီးနားနိုင်ငံမှ အသက် ၂၅ နှစ်အရွယ် ဇီဝဗေဒပညာရှင်တစ်ယောက်ဟာ နှလုံးဖောက်မှု ကုသမှုပုံစံကို တော်လှန်ပြောင်းလဲနိုင်မယ့် ဂျယ်တစ်မျိုးကို စမ်းသပ်လုပ်ဆောင်လျက် ရှိပါတယ်။

Universidad Favaloro မှ ဇီဝဗေဒသိပ္ပံဘွဲ့ ရရှိခဲ့တဲ့ ပီလာဖာရာ (Pilar Ferrer) ဟာ IMETTyB သုတေသနဌာနမှာ ဒေါက်တာဘွဲ့လွန် သုတေသနအဖွဲ့ဝင်တစ်ဦးဖြစ်ပြီး နှလုံးသွေးကြောဆိုင်ရာ ပြန်လည်ဆန်းသစ်ခြင်း ဆေးပညာဓာတ်ခွဲခန်း (Cardiovascular Regenerative Medicine Laboratory) မှာ လုပ်ကိုင်နေသူပါ။

ခန္ဓာကိုယ်မှာရှိတဲ့ အစိတ်အပိုင်းအများစုဟာ ထိခိုက်ဒဏ်ရာရပြီးတဲ့အခါ ပြန်လည်ပြုပြင်နိုင်စွမ်း အတိုင်းအတာတစ်ခု ရှိကြပေမဲ့ နှလုံးမှာတော့ အဲဒီစွမ်းရည် မရှိပါဘူး။ နှလုံးဖောက်ပြီး သွေးစီးဆင်းမှု ပြတ်တောက်သွားရင် ထိခိုက်မိတဲ့ နှလုံးကြွက်သားဆဲလ်တွေ သေဆုံးသွားပြီး ကြွက်သားတွေနေရာမှာ အမာရွတ်တစ်ရှူးတွေ အစားထိုးဝင်ရောက်လာလေ့ ရှိပါတယ်။

အဲဒီအမာရွတ်တစ်သျှူးတွေက ကျန်းမာတဲ့ နှလုံးကြွက်သားတွေလို ကျုံ့နိုင်ဆန့်နိုင်စွမ်း မရှိလို့ နှလုံးရဲ့ သွေးညှစ်ထုတ်နိုင်စွမ်း လျော့ကျသွားတတ်ပါတယ်။ ဒါဟာ အချိန်ကြာလာတဲ့အခါ နှလုံးပျက်စီးခြင်း (Heart Failure) ဖြစ်စေပြီး အလွန်ဆိုးရွားလာရင်တော့ နှလုံးအစားထိုးကုသခြင်း (Heart Transplant) ကသာ တစ်မျိုးတည်းသော ရွေးချယ်စရာ ဖြစ်နေပါတယ်။

ပီလာဖာရာတို့အဖွဲ့ကတော့ သဘာဝအနာကျက်စေတဲ့ အချင်းမြှေး (Amniotic Membrane) ကို အတုယူကာ ထိုးဆေးအဖြစ် အသုံးပြုနိုင်တဲ့ ဟိုက်ဒရိုဂျယ် (Hydrogel) တစ်မျိုးကို တီထွင်ခဲ့ကြတာပါ။ နှလုံးခွဲစိတ်မှု လုပ်ချိန်မှာ နှလုံးရဲ့ထိခိုက်မိတဲ့နေရာကို အဲဒီဂျယ်ထည့်သွင်းပေးတဲ့အခါ ငြမ်း (Scaffold) တစ်ခုလို အလုပ်လုပ်ပေးတာ တွေ့ရပါတယ်။ အဲဒီဂျယ်မှာ သက်ရှိဆဲလ်တွေ မပါဝင်ပေမဲ့ နှလုံးရဲ့ ကိုယ်ပိုင်ဆဲလ်အရေအတွက် တိုးပွားစေဖို့၊ ပြန်လည်ဖွဲ့စည်းမိစေဖို့၊ အမာရွတ် မဖြစ်သွားစေဘဲ တစ်သျှူးတွေ ပြန်လည်ဖြစ်တည်လာစေဖို့ တည်ဆောက်ပုံတစ်ခု ဖန်တီးပေးတာ တွေ့ရပါတယ်။

အဲဒီဂျယ်ကို လူသားတွေမှာ စမ်းသပ်နိုင်ခြင်း မရှိသေးပေမဲ့ လူသားရဲ့ နှလုံးအရွယ်အစား၊ တည်ဆောက်မှုပုံစံ အလွန်ဆင်တူတဲ့ သိုးတွေမှာ စမ်းသပ်မှုတွေ လုပ်ဆောင်လျက် ရှိပါတယ်။ စမ်းသပ်မှုတွေအရ အဲဒီဂျယ်ဟာ နှလုံးဖောက်မှုကြောင့် ထိခိုက်စေတဲ့ နေရာအရွယ်အစားကို လျှော့ချပေးနိုင်ပြီး ၂၈ ရက်အတွင်း နှလုံးရဲ့ သွေးညှစ်ထုတ်နိုင်စွမ်းကို သိသိသာသာ တိုးတက်ကောင်းမွန်စေတာ တွေ့ရတယ်လို့ ဆိုပါတယ်။

လူသားတွေကို ကုသပေးနိုင်ဖို့ စမ်းသပ်မှုတွေ၊ စည်းမျဉ်းစည်းကမ်းဆိုင်ရာ ကျော်ဖြတ်မှုတွေ အများကြီးလုပ်ဖို့ လိုနေသေးပေမဲ့ အောင်မြင်ခဲ့မယ်ဆိုရင် နှလုံးရောဂါဗေဒ (Cardiology) အတွက် မဟာဗျူဟာအသစ်တရပ် ဖြစ်လာမှာပါ။

Ref: Argentine biologist Pilar Ferrer is working on something that could change how doctors treat heart attacks.

Team (ရိုးရာလေး)

လိုအပ်နေသူတွေထံ ငွေသား ဒေါ်လာ ၅၅၀ စီ တိုက်ရိုက်ထောက်ပံ့မှုရဲ့ အံ့အားသင့်ဖွယ်ရလဒ်Canva ဒီဇိုင်းကုမ္ပဏီကို တည်ထောင်ခဲ့တဲ့ ...
06/08/2026

လိုအပ်နေသူတွေထံ ငွေသား ဒေါ်လာ ၅၅၀ စီ တိုက်ရိုက်ထောက်ပံ့မှုရဲ့ အံ့အားသင့်ဖွယ်ရလဒ်

Canva ဒီဇိုင်းကုမ္ပဏီကို တည်ထောင်ခဲ့တဲ့ သြစတြေးလျစုံတွဲဟာ မာလာဝီနိုင်ငံမှ နွမ်းပါးသူတွေကို တစ်ဦးလျှင် ငွေသားဒေါ်လာ ၅၅၀ စီ တိုက်ရိုက်ထောက်ပံ့ပေးခဲ့ပြီး နောက်ဆက်တွဲအခြေအနေတွေကို လေ့လာကြည့်တဲ့အခါ အံ့အားသင့်ဖွယ်ရလဒ် ထွက်ပေါ်ခဲ့တာ တွေ့ရပါတယ်။

မီလာနီပါကင်(Melanie Perkins)နဲ့ ကလစ်ဖ်အိုဘရက်ချ်( Cliff Obrecht) တို့ဟာ Canva Foundation မှတစ်ဆင့် အကျိုးအမြတ်မယူသောအဖွဲ့အစည်း GiveDirectly နဲ့ ပူးပေါင်းပြီး မာလာဝီနိုင်ငံမှ အဆင်းရဲဆုံး ကျေးရွာတွေမှ ပြည်သူတွေထံ တိုက်ရိုက်ငွေကြေး ထောက်ပံ့ခဲ့တာပါ။

ဒီစီမံကိန်းဟာ ဝင်ငွေနည်းပါးတဲ့ နိုင်ငံတစ်နိုင်ငံမှာ ပြုလုပ်တဲ့ ကမ္ဘာ့အကြီးဆုံး "စည်းကမ်းသတ်မှတ်ချက်မရှိတဲ့ တိုက်ရိုက်ငွေသားထောက်ပံ့မှု" (Unconditional Cash Transfer) ဖြစ်ပါတယ်။ ကြားခံအဖွဲ့အစည်းတွေနဲ့ ချိတ်ဆက်ပြီး အဆင့်ဆင့် လုပ်ဆောင်မယ့်အစား ဆင်းရဲနွမ်းပါးသူတွေအနေနဲ့ သူတို့လိုအပ်ချက်ကို ကိုယ်တိုင်နားလည်လိမ့်မယ်လို့ ယုံကြည်မှုပေးပြီး လုပ်ဆောင်တဲ့ စီမံကိန်း ဖြစ်ပါတယ်။

ဆင်းရဲနွမ်းပါးသူတွေကို ငွေသား တိုက်ရိုက်ပေးလိုက်ရင် သူတို့တွေက ဖြုန်းတီးပစ်ကြလိမ့်မယ်လို့ ဆယ်စုနှစ်များစွာ ယူဆခဲ့ကြပေမဲ့ Canva တည်ထောင်သူနှစ်ဦးကတော့ ဒေါ်လာ ၁၀ သန်းနဲ့ ရှေ့ပြေးစီမံကိန်း စတင်ခဲ့ပြီးတဲ့နောက် ဒေါ်လာသန်း ၁၅၀ အထိ လှူဒါန်းမယ့် စီမံကိန်းကြီးကို အကောင်အထည် ဖော်ခဲ့ကြတာပါ။

ထောက်ပံ့ငွေ ဒေါ်လာ ၅၅၀ ပေးအပ်ခဲ့ပြီးနောက် သူတို့ရဲ့ လူနေမှုဘဝကို စောင့်ကြည့်လေ့လာခဲ့ရာ သုံးလအကြာမှာ အလှူငွေရရှိသူ ၉၀ ရာခိုင်နှုန်းဟာ အလွန်အမင်း ဆင်းရဲနွမ်းပါးမှုမျဉ်း (Extreme Poverty Line) အောက်မှ လွတ်မြောက်လာခဲ့ကြပါတယ်။ ဒါ့အပြင် ကလေးသူငယ် သေဆုံးမှုနှုန်း ၄၈ ရာခိုင်နှုန်း၊ ဖျားနာမှုနှုန်း ၂၇ ရာခိုင်နှုန်း ကျဆင်းသွားပြီး ကျောင်းအပ်နှံမှုနှုန်း ၂၃ ရာခိုင်နှုန်း မြင့်တက်လာခဲ့ပါတယ်။

ထောက်ပံ့ငွေ ရရှိသူတွေဟာ မိုးယိုတဲ့သွပ်တွေကို လဲလှယ်ဖို့ သွပ်အသစ်တွေ၊ ဝင်ငွေရစေမယ့် မွေးမြူရေးတိရစ္ဆာန်တွေ၊ စိုက်ပျိုးရေးအတွက် မျိုးစေ့နဲ့ မြေဩဇာတွေ ဝယ်ယူခဲ့ကြပြီး ကလေးတွေအတွက် ကျောင်းလခပေးတာ၊ အသေးစားစီးပွားရေးလုပ်ငန်းတွေအတွက် ကုန်ကြမ်းပစ္စည်း ဝယ်ယူတာမျိုးတွေ လုပ်ခဲ့ကြပါတယ်။ ဒီအချက်ကို ကြည့်ခြင်းအားဖြင့် အလွန်အမင်း ဆင်းရဲနွမ်းပါးစွာ နေထိုင်နေရသူတွေဟာ သူတို့ ဘာလိုအပ်သလဲဆိုတာကို ဝေခွဲမရ ဖြစ်နေတာမျိုး မဟုတ်ဘဲ သူတို့မှာ "မတည်ရင်းနှီးငွေ" (Capital) မရှိလို့သာ သိသိလျှက်နဲ့ မလုပ်နိုင်တာမျိုး ဖြစ်နေတာကို တွေ့ရပါတယ်။

မီလာနီပါကင်နဲ့ ကလစ်ဖ်အိုဘရက်ချ်တို့ရဲ့ လှူဒါန်းမှုဟာ GiveDirectly အဖွဲ့အစည်းသမိုင်းမှာ အကြီးမားဆုံးသော တစ်ကြိမ်တည်းလှူဒါန်းမှု ဖြစ်ပြီး အခုအချိန်မှာ လက်ဝယ်အရောက် ထောက်ပံ့နိုင်ခဲ့တဲ့ အလှူငွေ ဒေါ်လာ ၅၂.၅ သန်း ရှိပါပြီ။ ဒေါ်လာ သန်း ၁၅၀ အနက် ကျန်အလှူငွေတွေကိုတော့ လာမယ့် ၄ နှစ်အတွင်း ဆက်လက်ခွဲဝေပေးသွားမှာ ဖြစ်ပါတယ်။

ကလစ်ဖ်အိုဘရက်ချ်ဟာ ဘီလျံနာတွေရဲ့ အသုံးအဖြုန်းကြီးမှုကို အလွန်မုန်းတီးသူဖြစ်ပြီး သူကိုယ်တိုင်လည်း ဒေါ်လာ ၃၀ တန် လက်စွပ်လေးနဲ့ပဲ မီလာနီပါကင်ကို လက်ထပ်ခွင့်တောင်းခဲ့တာပါ။ သူတို့စုံတွဲဟာ ပိုင်ဆိုင်မှုအများစုကို ပြန်လည်လှူဒါန်းမယ်လို့ ကတိပြုထားကြပြီး မာလာဝီနိုင်ငံကတော့ သူတို့ရဲ့ ကတိကဝတ်တွေကို အကောင်အထည်ဖော်ရာ နေရာ ဖြစ်လာခဲ့ပါပြီ။

Ref: Why Canva's billionaire founders are giving away $550 cash payment to every adult in Malawi

Team (ရိုးရာလေး)

PUBG MOBILE မှ သမိုင်းတစ်လျှောက် ပထမဆုံးအကြိမ်အဖြစ် Yangon Galacticos (YG) အသင်း၏ In-Game Outfit ကို စတင်မိတ်ဆက် PUBG MO...
06/08/2026

PUBG MOBILE မှ သမိုင်းတစ်လျှောက် ပထမဆုံးအကြိမ်အဖြစ် Yangon Galacticos (YG) အသင်း၏ In-Game Outfit ကို စတင်မိတ်ဆက်

PUBG MOBILE က Yangon Galacticos (YG) အသင်းကို ဂုဏ်ပြုသည့်အနေဖြင့် တရားဝင် In-Game Outfit အသစ် ဖန်တီးပေးလိုက်ခြင်းဖြစ်ပြီး သြဂုတ်လ ၄ ရက်နေ့ မှစတင်၍ သြဂုတ်လ ၂၃ ရက်နေ့ထိ ကမ္ဘာတစ်ဝန်းရှိ PUBG MOBILE ကစားသမားများ ရရှိနိုင်မည်ဖြစ်သည်။

ကမ္ဘာတစ်ဝန်းမှ လူကြိုက်များသော နာမည်ကြီး Mobile Game တစ်ခုဖြစ်သည့် PUBG MOBILE သည် မြန်မာနိုင်ငံ၏ ထိပ်တန်း Esports အသင်းဖြစ်သော Yangon Galacticos (YG) ကို ဂုဏ်ပြုသောအားဖြင့် YG အသင်း၏ In-Game Outfit အသစ်ကို ကမ္ဘာတစ်ဝန်းလုံးတွင် စတင်မိတ်ဆက်ပေးလိုက်ပြီဖြစ်ကြောင်း ထုတ်ပြန်ကြေညာလိုက်သည်။

ယခုကဲ့သို့ Esports အသင်းတစ်သင်းအတွက် သီးသန့် In-Game Outfit ထုတ်လုပ်ပေးခြင်းသည် PUBG MOBILE ၏ သမိုင်းတစ်လျှောက်တွင် ပထမဆုံးအကြိမ် ပြုလုပ်ပေးခြင်းဖြစ်ပြီး YG အသင်း၏ ပြိုင်ပွဲအောင်မြင်မှုနှင့် မြန်မာ့ Esports ၏ ကမ္ဘာ့အဆင့်ရောက်ရှိမှုကို ဂုဏ်ပြုသည့် အထူးအစီအစဉ်တစ်ရပ်လည်းဖြစ်သည်။ အဆိုပါ သီးသန့် In-Game Outfit ကို သြဂုတ်လ ၄ ရက်နေ့ မှစတင်၍ သြဂုတ်လ ၂၃ ရက်နေ့ထိ ကမ္ဘာတစ်ဝန်းရှိ PUBG MOBILE ကစားသမားများအားလုံး In-Game ထဲတွင် ရရှိနိုင်မည်ဖြစ်သည်။

PUBG MOBILE ၏ Country Manager ဖြစ်သူ Aman Kumar က "PUBG MOBILE ရဲ့ သမိုင်းမှာ အသင်းတစ်သင်းအတွက် သီးသန့် In-Game Outfit ကို ပထမဆုံးအကြိမ်အဖြစ် Yangon Galacticos (YG) နဲ့ အတူ မိတ်ဆက်ပေးနိုင်ခဲ့တဲ့အတွက် အလွန်ပဲ ဝမ်းမြောက်ဂုဏ်ယူရပါတယ်။ YG အသင်းဟာ ဒေသတွင်းနဲ့ နိုင်ငံတကာ ပြိုင်ပွဲစဉ်တွေမှာ ထူးချွန်ထက်မြက်တဲ့ စွမ်းဆောင်ရည်တွေကို အစဉ်တစိုက် ပြသနိုင်ခဲ့တဲ့ အသင်းဖြစ်တာကြောင့် ခုလိုဂုဏ်ပြုဖန်တီးပေးခဲ့တာဖြစ်ပါတယ်။ ဒါဟာ မြန်မာ့ Esports အသိုက်အဝန်းအတွက် ဂုဏ်ပြုပံ့ပိုးပေးခြင်းဖြစ်သလို Esports အသင်းတွေ ရေရှည်တိုးတက်ဖွံ့ဖြိုးလာရေးအတွက် အစဉ်တစိုက် အားပေးကူညီသွားမယ်ဆိုတဲ့ PUBG MOBILE ရဲ့ ခိုင်မာတဲ့ ကတိကဝတ်ထဲက တစ်ခုကို သက်သေပြလိုက်တာပဲ ဖြစ်ပါတယ်" ဟု ပြောကြားခဲ့သည်။

PUBG MOBILE ၏ သမိုင်းဝင် In-Game Outfit မိတ်ဆက်မှုသည် YG အသင်းအတွက် ကြီးမားသည့် ဂုဏ်ယူဖွယ် မှတ်တိုင်တစ်ခုဖြစ်သကဲ့သို့ ကမ္ဘာ့အဆင့် Esports World Cup (EWC 2026) Paris ပြိုင်ပွဲကြီးသို့ Title Defender အဖြစ် မြန်မာနိုင်ငံကိုယ်စားပြု သွားရောက်ယှဉ်ပြိုင်လျက်ရှိသည့် YG အသင်းအား ကမ္ဘာတစ်ဝန်းရှိ ပရိသတ်များနှင့် မြန်မာ့ Esports အသိုင်းအဝိုင်းမှ တက်ကြွစွာ ပါဝင်အားပေးနိုင်ရန်အတွက်လည်း အကောင်းဆုံး ပံ့ပိုးမှုတစ်ခု ဖြစ်လာမည်ဖြစ်သည်။ YG သည် ၂၀၂၅ ခုနှစ်တွင် Esports World Cup (EWC 2025) ချန်ပီယံဆုကို ရရှိခဲ့ပြီးနောက် ယခုနှစ် ပြင်သစ်နိုင်ငံတွင် ကျင်းပမည့် Esports World Cup (EWC 2026) တွင် ချန်ပီယံဆုကို ကာကွယ်ရန် ပြန်လည်ယှဉ်ပြိုင်သွားမည်ဖြစ်သည်။

Yangon Galacticos (YG) အသင်း၏ Coach ဖြစ်သူ Nicky က “အခုလို PUBG MOBILE ကနေ ကျွန်တော်တို့ YG အတွက် ပထမဆုံး In-Game Outfit ကို ဖန်တီးဂုဏ်ပြုပေးခဲ့တဲ့အတွက် အလွန်ပဲ ကျေးဇူးတင်ဝမ်းမြောက်ဂုဏ်ယူမိပါတယ်။ ဒါဟာ YG အသင်းရဲ့ ကြိုးပမ်းမှုကို အသိအမှတ်ပြုခံရတာတင်မကဘဲ မြန်မာ Esports အသိုက်အဝန်းတစ်ခုလုံးရဲ့ အောင်မြင်မှုလဲ ဖြစ်ပါတယ်။ အခုလို ပံ့ပိုးပေးခဲ့တဲ့ အဖွဲ့အစည်း အသီးသီးကို ကျေးဇူးတင်ရှိပြီး အခု EWC 2026 Paris မှာလဲ Title Defender အဖြစ် မြန်မာနိုင်ငံအတွက် အစွမ်းကုန် ယှဉ်ပြိုင်သွားပါမယ်" ဟု ပြောကြားခဲ့သည်။

ယခုကဲ့သို့ PUBG MOBILE ၏ ပထမဆုံးအကြိမ် သမိုင်းဝင် In-Game Outfit မိတ်ဆက်နိုင်ခဲ့ခြင်းသည် မြန်မာလူငယ်များ၏ စွမ်းရည်ကို အသိအမှတ်ပြုခြင်းဖြစ်ပြီး မြန်မာ့ Esports ကဏ္ဍ ရေရှည်ဖွံ့ဖြိုးတိုးတက်ရေးအပေါ် ထားရှိသည့် PUBG MOBILE ၏ ခိုင်မာသော ကတိကဝတ်ကို ထင်ဟပ်ပြသလျက်ရှိသည်။ PUBG MOBILE အနေဖြင့် မြန်မာ့ Esports အသိုင်းအဝိုင်းတွင် ကမ္ဘာ့အဆင့် ချန်ပီယံသစ်များ ဆက်လက်ပေါ်ထွက်လာစေရေးနှင့် လူငယ်များ၏ စွမ်းရည်မြှင့်တင်ရေးအတွက် လိုအပ်သည့် ပံ့ပိုးကူညီမှုများကို ဆက်လက်ဖန်တီးပေးသွားမည်ဖြစ်ပြီး မြန်မာ့ Esports အဆင့်အတန်းကို ကမ္ဘာ့အလယ်တွင် ဆက်လက်ဝင့်ထည်စေရန် ကဏ္ဍစုံမှ အစဉ်တစိုက် ဝန်းရံကူညီသွားမည်ဖြစ်သည်။

Team (ရိုးရာလေး)

Address

No. 132, 7F, Anawrahta Road (Corner Of Bo Myat Tun St. ) Botahtaung Township
Yangon
11162

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:30

Telephone

+959400000661

Website

Alerts

Be the first to know and let us send you an email when Yoyarlay posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Yoyarlay:

Shortcuts

Share

Category