Shine Htet Aung

16/12/2023

စာဖတ်ပါ
-------

ကမ္ဘာပတ်စရာမလိုဘူး ။
စာဖတ်ရုံနဲ့ အကုန်သိနိုင်တယ် ။

ပညာတတ်ပြီး စာမဖတ်ရင်
သင်တတ်ထားတဲ့ ပညာက အလကားပါပဲ ။

စာဖတ်ခြင်းသည် ဘဝတစ်ခုလုံးကို
ပြောင်းလဲစေနိုင်သည် ။

စာဖတ်ခြင်းဖြင့် အကောင်းအဆိုး
အကြောင်းအကျိုးကို ဝေဖန်ပိုင်းခြားနိုင်သည် ။

စာဖတ်ခြင်းသည် ဗဟုသုတ ရသကဲ့သို့
လူစိတ်ကိုလည်း ပြောင်းလဲစေနိုင်သည် ။

စာအုပ်စာပေ လူ့မိတ်ဆွေတဲ့
မိတ်ဆွေကောင်းထက် အသိပညာတွေပေးနိုင်တာ
စာပေ ပါပဲ ။

ဗဟုသုတ ၊ ရသ ၊ ကဗျာ ၊ ဟာသ စတဲ့
စာပေအားလုံးသည် ကဏ္ဍတစ်ခုချင်းစီတွင်
စာဖတ်သူအားလုံးကို အကျိုးပြုပါသည် ။

ထို့ကြောင့်
စာများများ ဖတ်ပါ ။
စာဖတ်ခြင်းသည် ဉာဏ်အလင်းကို ရစေပါသည် ။
ထမင်းမစားလျှင်
တစ်ရက်ပဲ ငတ်ပါမည် ။
စာမဖတ်လျှင်တော့
တစ်သက်လုံး ငတ်လိမ့်မည် ။

စာဖတ်ခြင်းရဲ့ခွန်အား
သင့်ဘ၀ကို တိုးပွါးစေနိုင်တယ် ။

အလိမ္မာ စာမှာရှိ
စာအရှိ အလိမ္မာ လက်ခံကျင့်သုံး ဖြန့်ဝေပါ ။
ဘဝကို အပင်လိုမျိူး
အပင်ရေလောင်း သီးပွင့်ကောင်း
လမ်းကြောင်းမှန်မည်ပင်

သီးပွင့်စားလို များထိုထို
အပင်ကို ရေလောင်းပါ ။
အနာဂတ်မှာ ချမ်းသာဖို့ရေး
စာပေများကို လေ့လာပေး ။

အသိရှိသူက အမြင့်ရောက်မှ
ကိုယ်ချင်းစာတရား ထားတတ်တယ် ။
ဘာစာပဲဖြစ်ဖြစ်
တွေ့ရင်ကောက်ယူ ဖတ်ကြပါ ။
စာဖတ်ခြင်းဟာ
သင့်ဘ၀ကို ပြောင်းလဲနိုင်တယ်ဆိုတာ
ယုံကြည်ပါ ။ လက်တွေ့ လုပ်ကြည့်ပါ ။

16/12/2023

15/12/2023

အသုံးတည့်တာကို ပေးပါ
▃▃▃▃▃▃▃▃▃▃▃▃▃▃▃▃▃

စီးပွားရေးလုပ်ငန်း တော်တော်များများဟာ အနည်းနဲ့ အများဆိုသလို Customer တွေကို Promotion Gift တွေ ပေးလေ့ရှိကြပါတယ်။ အဲလိုပေးတဲ့အခါ သတိထားစေချင်တဲ့ အချက် (၂) ချက် ကို ပြောပြချင်ပါတယ်။

နံပါတ် (၁) အသုံးတည့်တာကို ပေးပါ
========================
ဘောပင်ပဲ ပေးပေး၊ စာအုပ်ပဲ ပေးပေး၊ အင်းကျီပဲ ပေးပေး ဘာပဲ ပေးပေး အရေးကြီးတာ အသုံးတည့်တာကို ပေးဖို့ပါ။ ဘောပင်ပေးတယ်ဆိုပါတော့ ကျွန်တော်လည်း အဲလို ဘောပင်တေ ရလေ့ရှိပါတယ်၊ တစ်ချို့ ဘောပင်တွေက ရေးလို့မကောင်းတာ၊ တစ်ချို့ဘောပင်တွေက ကိုင်ရတာ တအားကြီးနေတာ စသည်ဖြင့် အဆင်မပြေဖြစ်တတ်ပါတယ်။ အင်းကျီတို့ ဘာတို့လည်း ဒီအတိုင်းပါပဲ အရည်အသွေး တော်တော်လေး အားနည်းတာတွေလည်း ဖြစ်တတ်ပါတယ်။ ၁၀၀ တန်နဲ့ အသုံးမတည့်တဲ့ အခု ၁၀၀ မေးမလား ၂၀၀ တန်နဲ့ အသုံးတဲ့သူ ၅၀ ကို ပေးမလားဆိုတာ စဉ်းစားဖို့ လိုပါတယ်။ ကိုယ့်ရဲ့ objective က ဘာလဲ ဆိုတာကို သိဖို့ လိုပါတယ်။

နံပါတ် (၂) Brand ကို ပြူးနေအောင် မထည့်ပါနဲ့
================================
Promotion & Branding လုပ်ပါတယ်ဆိုမှ မထည့်လို့ရမလား လို့ စောဒဂ တက်နိုင်ပါတယ်။ ဟုတ်ပါတယ် ဒါပေမယ့်လည်း ကိုယ့်ရဲ့ customer တွေမှာ ဖီလင် အမျိုးမျိုး ရှိတတ်ကြပါတယ်။ ဆိုကြပါစို့ ကျွန်တော်တို့ CEC သင်တန်းကျောင်းက တီရှပ် လက်ဆောင်ပေးတယ်ပေါ့၊ ကျွန်တော့်် သင်တန်းကို ချစ်မြတ်နိုးလို့ကို ဒီသင်တန်းသား ဆိုတာကို proud ဖြစ်ပြီး ဝတ်ချင်တဲ့ သူမျိုးလည်း ရှိနိုင်သလို တစ်ချို့ကတော့ ချစ်လွန်းလို့ ရယ်တော့ မဟုတ်ဘူး တစ်ခါတစ်လေ ထုတ်ဝတ်တဲ့သူမျိုးလည်း ရှိနိုင်ပါတယ်။ ပထမ အမျိုးအစားအတွက် ကိုယ့်ရဲ့ Brand က ပြူးနေအောင် ဖော်ပြထားလည်း ကိစ္စမရှိပေမေယ့် ဒုတိယ အမျိုးအစားဆိုရင်တော့ အဲလို တံဆိပ်ကြီး ပြူးနေပြီးတော့ ဖုန်းနံပါတ်တွေရော လိပ်စာတွေ ရော ထည့်ထားတဲ့ တီရှပ်မျိုးကို ညဝတ်အိပ်တဲ့ အချိန်လောက်ပဲ သုံးပါလိမ့်မယ်။ ကျွန်တော် AELC မှာ တီရှပ်စပေးတော့ သင်တန်း လိုဂို ကို ပြူးနေအောင် မထည့််သလို ဖုန်းနံပါတ်၊ လိပ်စာတွေ မထည့်ဘဲ ရှေ့ဘက်မှာ 4 Skills အကြောင်းပုံလေးနဲ့ ကျောဘက်မှာ သင်တန်း လိုဂို ပဲ ပါပါတယ်။ သင်တန်းသား/သူ အများစု ကြိုက်ကြပါတယ်။ လက်ဆောင်ပေးတဲ့ တီရှပ် ဟောင်းသွားရင်တောင် အသစ်ဝယ်ပြီး ဝတ်ကြတဲ့အထိကို ကြိုက်ကြပါတယ်။

ပေးတာချင်းတူပေမယ့် ကိုယ့်အတွက်လည်း အကျိုးရှိ သူ့အတွက်လည်း အဆင်ပြေအောင် အသုံးတည့်တာကို ပေးပါ၊ သူတို့ ကြိုက်အောင် ဖန်တီးပြီး ပေးပါ လို့ အကြံပြုလိုက်ပါတယ်။

ကျေးဇူးပါ

အောင်ကိုဦး