Better Day Media Services Co Ltd

04/12/2025

Taste Window ၂၀၂၅၊ စက်တင်ဘာလထုတ် မဂ္ဂဇင်း
စက်တင်ဘာလထုတ် Taste Window မဂ္ဂဇင်းမှာတော့ ချစ်စွာသောစာရှုသူ များနှစ်သက်စေမယ့် အကြောင်းအရာလေးများကို တင်ဆက်ပေးထားပါတယ်။ စက်တင်ဘာလထုတ်ရဲ့ Cover အနေနဲ့ မတင်တင်ဦးရဲ့ “ကျန်းမာအောင်စားကြမယ်” ထမင်း၊ဟင်းလျာ ၁၁ မျိုး အပြင်၊ ကော်ဖီတစ်ခွက်၊ နှေးကွေးမနက်ခင်းတစ်ခု၊ ကော်ဖီအရသာ၊ ကော်ဖီအေးနဲ့အအေးကော်ဖီဘာကွာသလဲ၊ ရွာထမင်းရွာဟင်း၊ အမှတ်ရစရာမိသားစုဟင်းလျာ၊ Master Chef Myanmar Season 1 Winner မတင်တင်ဦးနဲ့အင်တာဗျူး၊ စားသောက်ဆိုင်သုံးစဉ်တီတုံးများအရောင်ခွဲခြားပုံ၊ စမတ်ကျကျကာဗိုစားကြမယ် စတဲ့ အကြောင်းအရာများနဲ့အတူ ဟင်းချက်နည်း၊ မုန့်လုပ်နည်း များပါဝင်ပါတယ်။ မဂ္ဂဇင်းစာမျက်နှာတိုင်းကို ချစ်ခြင်းများစွာနဲ့ ကြိုးစားတင်ဆက်ထားပါတယ်။ ချစ်စွာသောစာရှုသူများရဲ့ အားပေးချစ်ခင်မှုက ဆက်လက်ထွက်ရှိမယ့် မဂ္ဂဇင်း တစ်အုပ်စီတိုင်းအတွက် အားဆေးတစ်ခုပါ။ မဂ္ဂဇင်းရဲ့ ဆိုရှယ်မီဒီယာ များမှာလည်း( Facebook, YouTube, Tiktok) နှစ်သက်ပါ၊ မျှဝေပေးပါ၊ မှတ်ချက်ပေး ကြပါအုံး။ ဒီလထုတ်မဂ္ဂဇင်းကလည်း အိမ်တိုင်းရဲ့မီးဖိုချောင်ထဲကို ပျော်ရွှင်မှုနဲ့ ကျန်းမာခြင်းတွေ ယူဆောင်ပေးနိုင်မယ်လို့ မျှော်လင့်ပါတယ်။
Taste Window Magazine ကိုတော့ သုံးလတစ်ကြိမ် ၂၇ ရက်တိုင်းအသစ်ထွက်ပါတယ်။ Taste Window Magazine များကိုတော့ အမြို့မြို့ အနယ်နယ်ရှိ စာအုပ်ဆိုင်များ နှင့် စီးတီးမတ်ဆိုင်ခွဲများ အားလုံးတွင် ဝယ်ယူရရှိနိုင်မှာ ဖြစ်ပါတယ်။ ကြိုတင်မှာယူချင်သူများအနေနဲ့လည်း Taste Window page Messenger တွင် အမည်၊ လိပ်စာအပြည့်အစုံ၊ ဖုန်းနံပတ်တို့ပေးပို့ပြီး မှာယူနိုင်ပါတယ်။

အမြို့မြို့အနယ်နယ်ရှိ စာဖတ်သူ ပရိသတ်တွေအတွက် စာတိုက်ကြီးမှတစ်ဆင့် ပို့ဆောင်ပေးနေပါတယ်။

မဂ္ဂဇင်းစာအုပ်အဖုံးတွင် ပါဝင်သော QR code ကို Scan ဖတ်၍ ထွက်ရှိပြီးသား Taste Window Magazine များကိုလည်း Ebook အနေဖြင့် အခမဲ့ ဖတ်ရှုနိုင်ပါတယ်။

08/07/2025

ထွက်ရှိပြီးသော tastewindow magazine များ
tastewindow မဂ္ဂဇင်းက ပျော်ရွှင်တတ်ကြွတဲ့မိသားစုတိုင်းအတွက် ရည်ရွယ်တာကြောင့် ဟင်းလက်ရာ၊ မုန့်လက်ရာ၊ မှတ်သားစရာ၊ ဖတ်ချင်စရာ အစားအသောက်နှင့်သက်ဆိုင်တဲ့ သတင်း၊ ဆောင်းပါးများကို ဖော်ပြနေကြ ဖြစ်ပါတယ်။
Taste Window Magazine စာအုပ်များကို အမြို့မြို့ အနယ်နယ်ရှိ စာအုပ်ဆိုင်များ နှင့် စီးတီးမတ်ဆိုင်ခွဲများ အားလုံးတွင် ဝယ်ယူရရှိနိုင်မှာ ဖြစ်ပါတယ်။
Taste Window page Messenger တွင် အမည်၊ လိပ်စာအပြည့်အစုံ၊ ဖုန်းနံပတ်တို့ပေးပို့ပြီး မှာယူနိုင်သလို ဖုန်းနံပတ် ၀၉- ၂၅၄၀၀၆၀၄၉ သို့လည်း ဖုန်းဆက်မှာယူနိုင်ပါတယ်။
အမြို့မြို့အနယ်နယ်ရှိ စာဖတ်သူ ပရိသတ်တွေအတွက် စာတိုက်ကြီးမှတစ်ဆင့် ပို့ဆောင်ပေးနေပါတယ်။

10/07/2024

ပင်လယ်ရဲ့သီချင်း

“ပင်လယ်ရဲ့သီချင်း” ရုပ်ပြဇာတ်လမ်း စာအုပ်လက်ဆောင်❤️🎁
၂၀၁၄ ခုနှစ်က ထွက်ခဲ့တဲ့ ဆုရ ရုပ်ရှင် Song of The Sea ရုပ်ရှင်ကို ဆီလျော်အောင် ပြန်လည်တင်ပြထားတဲ့ ရုပ်ပြဇာတ်လမ်းစာအုပ်ကို ဘာသာပြန်ထုတ်ဝေခြင်း ဖြစ်ပါတယ်။ ရုပ်ရှင်ရဲ့ထူးခြားချက်က ကာတွန်းရုပ်ရှင်ဇာတ်လမ်းအများစုနဲ့မတူ ကွန်ပြူတာနည်းပညာ (CGI)မသုံးဘဲ ကာတွန်းဆရာ တွမ်မိုး ကိုယ်တိုင် ရေးပြီး ဖန်တီးခဲ့တာ ဖြစ်ပါတယ်။ အိုင်းရစ် ရိုးရာအနုပညာလက်ရာလွှမ်းမိုးနေတဲ့ သူ့ရဲ့ထူးခြားတဲ့ ဒီဇိုင်းအနုပညာလက်ရာကြောင့် ရုပ်ရှင်က တမူကွဲပြီး ကြည့်လို့ကောင်း၊ မြင်တာနဲ့ မှတ်မိစေပါတယ်။
အရောင်အတွဲအဖက်၊ အလင်းအမှောင် နဲ့ ရိုးရှင်းတဲ့မျဉ်းကွေးတွေက အံ့ဖွယ်ကမ္ဘာ တစ်ခုကိုရောက်သွားရသလို ခံစားရစေတာကြောင့် ဂန္ထဝင် ကာတွန်းရုပ်ရှင်လို့ ဆိုကြပါတယ်။ ဆမ်မြူရည်ဆာတင်က ဆီလျော်အောင်ပြန်လည်တင်ပြထားတဲ့ ရုပ်ပြဇတ်လမ်း စာအုပ်ကိုတော့ ၂၀၂၃ မှာ ထုတ်ဝေခဲ့ပါတယ်။ ကလေး၊ လူငယ်၊ လူကြီးမရွေးကြိုက်နှစ်သက်ကြပါတယ်။

မိခင်ကို ဆုံးရှုံးလိုက်ရပြီး နှစ်များစွာကြာတဲ့တိုင်အောင် ဘန်နဲ့စူးရှတို့မောင်နှမနှစ်ယောက်ဟာ လွမ်းဆွတ်တမ်းတနေဆဲ ဖြစ်ပါတယ်။ ထို့အတူ သူတို့ အဖေကလည်း ဇနီးဖြစ်သူကို မေ့မရဖြစ်နေဆဲပေါ့။ အစ်ကိုကြီး ဘန်က မိခင်ကိုဆုံးရှုံး လိုက်ရတာ ညီမငယ်စူးရှကြောင့်လို့ ထင်နေခဲ့တာပါ။ အသက်ခြောက်နှစ်ရှိပြီဖြစ်ပေမယ့် စကားမပြောတတ်သေးတဲ့ စူးရှက ပင်လယ်နတ်သမီးလေး ဆယ်ကီ ဖြစ်နေတာရယ်၊ သူတို့မေမေ ပြောပြတဲ့ အံ့ဖွယ်ကမ္ဘာကြီးရယ်က အမှန်တစ်ကယ်ရှိကြောင်း သူတို့မောင်နှမ နှစ်ယောက် ရှာဖွေတွေ့ရှိသွားတဲ့အခါမှာတော့ ပင်လယ် နတ်မျိုးစုကမ္ဘာကြီး မပျောက်ဆုံးသွားအောင် စွန့်စားကာကွယ်ကြပါတော့တယ်။
စိတ်ကူးယဉ်နဲ့လက်တွေ့ဘဝပေါင်းစပ်ရေးဖွဲ့ထားတဲ့ ဒီရုပ်ရှင်၊ ဒီစာအုပ်ဇာတ်လမ်းရဲ့ သတင်းစကားက မောင်နှမ နှစ်ယောက်ကြား ချစ်ခင်ကြင်နာမှု၊ ရုပ်ပြင်ဇာတ်လမ်းပြောပြခြင်းရဲ့ အရေးပါပုံနဲ့ ဘဝမှာ တွေ့ကြုံလာတဲ့ ပူဆွေးသောက၊ ဆုံးရှုံးမှုတွေကို လက်ခံတတ်ဖို့ ဖြစ်ပါတယ်။

ဒီ"ပင်လယ်ရဲ့သီချင်း" (ရုပ်ပြဇာတ်လမ်း)စာအုပ်ကို Taste Window Food Magazine ကို စီစဉ်ထားတဲ့ Better Day Media မှ ထုတ်လုပ်ဖြန့်ချိသွားမှာ ဖြစ်ပါတယ်။ ကဲ ဒီစာအုပ်လေးကို လက်ဆောင်လိုချင်တယ်ဆိုရင်တော့ Like and Share လုပ်ပြီး comment မှာ သူငယ်ချင်း ၃ ဦး ကို မန်ရှင်းခေါ်ပေးရမှာပါ။ အဲ့ဒီထဲကမှ ကံထူးရှင် ၅ ဦးကို မဲဖောက်ပြီး အိမ်အရောက် စာအုပ်လက်ဆောင်ပို့ပေးမှာ ဖြစ်လို့ ပါဝင်ကံစမ်းကြပါဦးနော်။
ကံစမ်းမဲပေါက်သူ (၅ ) ဦးကို ၁၆- ၇- ၂၀၂၄ ရက်နေ့မှာ Taste Window Food Magazine Page မှာ ကြေညာပေးသွားမှာ ဖြစ်ပါတယ်။ လက်ဆောင်ရတဲ့သူတွေက Page ရဲ့ Chat Box ကနေပြီးတော့ အမည်၊ လိပ်စာအပြည့်အစုံ၊ ဖုန်းနံပတ်တို့ ပေးပို့ရမှာ ဖြစ်ပြီး အိမ်အရောက်ပို့ဆောင်ပေးသွားမှာ ဖြစ်ပါတယ်။
ဒီစာအုပ်ကို ၂၂.၇.၂၀၂၄ နေ့မှာတော့ အမြို့မြို့အနယ်နယ်ရှိစာအုပ်ဆိုင်များနဲ့ စီးတီးမတ်စာအုပ်ဆိုင်များ၊ စူပါမားကတ်စာအုပ်ဆိုင်များမှာ ဝယ်ယူရရှိနိုင်ပါတယ်။ ဒါ့အပြင် Taste Window Food Magazine page ရဲ့ Messenger တွင်လည်း အမည်၊ လိပ်စာအပြည့်အစုံ၊ ဖုန်းနံပတ် ပေးပို့ပြီး မှာယူနိုင်သလို ဖုန်းနံပါတ် - ၀၉ ၂၅၄ ၀၀၆ ၀၄၉၊ ၀၉၇၆၅၀၃၃၉၄၁ သို့လည်း ဆက်သွယ်မှာယူနိုင်ပါတယ်။
အမြို့မြို့အနယ်နယ်ရှိ စာဖတ်သူ ပရိသတ်တွေအတွက် စာတိုက်ကြီးမှတစ်ဆင့် ပို့ဆောင်ပေးနေပါတယ်။

စာအုပ်အမည် - ပင်လယ်ရဲ့သီချင်း (ရုပ်ပြဇာတ်လမ်း)
ဘာသာပြန်သူ - ဧခိုင်၊ သုတ
စာအုပ်အရွယ်အစား - ၁၃.၉ စင်တီမီတာ၊ ၂၀.၈ စင်တီမီတာ
စာအုပ်တန်ဖိုး - ၁၇၀၀၀
စာမျက်နှာ - ၂၅၁
အင်္ဂလိပ်-မြန်မာ နှစ်ဘာသာဖြင့် ဖော်ပြထားပါသည်။

#ပင်လယ်ရဲ့သီချင်း

31/03/2024

မြန်မာ့မုန့်ပဲ သရေစာများ
လူမျိုးတစ်မျိုးမှာ ရိုးရာစားစရာများ ကိုယ်စီကိုယ်ငှရှိကြမှာ ပါ။ အိန္ဒိယလူမျိုးတွေမှာ စမူဆာ၊ ပလာတာ၊ တရုတ်လူမျိုး တွေကျတော့ ပေါက်စီ၊ အသားပေါင်း၊ ပေါက်စီမှာ ဝက်သားပေါက်စီ၊ ကြက်သားပေါက်စီ၊ ပဲပေါက်စီ၊ အုန်းသီးပေါက်စီ၊ တီကေ့၊ အော်ကေ့ကြည်၊ ဝက်သားကောက်ညှင်းထုပ်၊ ကြက်သားကောက်ညှင်းထုပ် စသဖြင့် ရှိကြသလို ကျွန်မတို့ မြန်မာလူမျိုးများမှာတော့ စားစရာ "မြန်မာ့မုန့်ပဲ သရေစာ" များစွာရှိပါတယ်။
မြန်မာ့မုန့်ပဲသရေစာများကို အဆာပြေအနေနဲ့ မနက်အစောစာ၊ နေ့လယ်နေ့ခင်းတွေမှာ သရေစာအနေနဲ့ စားသုံးကြလေ့ရှိပါတယ်။ ဒါ့အပြင် သင်္ကြန်ကာလအခါသမယနဲ့ ဝါဆိုလပြည့်၊ သီတင်းကျွတ်၊ တန်ဆောင်မုန်းလပြည့်လို အခါကြီးရက်ကြီးများမှာဆိုရင်လည်း အိမ် အနီးအပါးက အိမ်နီးနားချင်းများ၊ ဆွေမျိုးမိတ်သင်္ဂဟများကို ဝေမျှကာ အလှူအတန်းပြုကြလေ့ရှိပါတယ်။
ရာသီမရွေး၊ အချိန်အခါမရွေး ပြုလုပ်စားသုံးနိုင်တဲ့ "မြန်မာ့ မုန့်ပဲသရေစာ"များကို အိမ်ရှင်မများ စီမံဖန်တီးစားသုံး နိုင်ကြပါစေကြောင်း စေတနာကောင်းနဲ့ စုစည်းတင်ပြလိုက်ရပါတယ်။
ဒီစာအုပ်မှာပါဝင်တဲ့ မြန်မာ့မုန့်ပဲ သရေစာများကတော့ -
၁။ ထိုးမုန့် ၂။ ကောက်ညှင်း ၃။ ထမနဲ
၄။ ကရေကရာ ၅။ ကောက်ညှင်းဆီထမင်း ၆။ ကောက်ညှင်းကင်
၇။ မုန့်လေပွေ ၈။ မုန့်ဖက်ထုပ် ၉။ ပုစွန်ကောက်ညှင်းပြန်ပေါင်းနဲ့ ရွှေချီအုန်းနို့ဆမ်း
၁၀။ ပြာရည်ထုပ်နှင့် အသားကောက်ညှင်းထုပ် ၁၁။ သရက်တောထိုးမုန့် ၁၂။ ဟာလဝါ
၁၃။ ရေမုန့်နှင့် ဘူးသီးကြော် ၁၄။ မုန့်လက်ဆောင်းနှင့် ရွှေရင်အေး ၁၅။ ဘိန်းမုန့်
၁၆။ မုန့်ပျားသလက် ၁၇။ မုန့်ဗိုင်းတောင့် ၁၈။ ထန်းသီးမုန့်
၁၉။ မုန့်စိမ်းပေါင်း ၂၀။ မုန့်လင်မယား ၂၁။ ခေါက်မုန့်
၂၂။ မုန့်ပေါင်း ၂၃။ မုန့်လုံးရေပေါ် ၂၄။ မုန့်ဆီကြော်နှင့် မုန့်လက်ကောက်
၂၅။ မုန့်ကြိုးလိမ်နှင့် မန်းမရွေး ၂၆။ မုန့်လုံးကြီးကြော်နှင့် မုန့်လုံးကြီးအုန်းနို့ဆမ်း ၂၇။ မုန့်သိုင်းခြုံ
၂၈။ မုန့်ကြာစေ့ ၂၉။ စလူမုန့် ၃၀။ ကောက်လှိုင်းတီမုန့်
၃၁။ အာလူးဆနွင်းမကင်း ၃၂။ သုံးထပ်ကျောက်ကျော ၃၃။ ပီလောပီနံဆနွင်းမကင်း
၃၄။ သာဂူ ၃၅။ ထန်းပင်မြစ်နှင့် ကန်စွန်းဥ ၃၆။ မြေပဲယိုနှင့် နှမ်းပျစ် တို့ ပါဝင်ပါတယ်။



#ဆန်းဆန်းဦး(မြန်မာ့အသံ)
#မြန်မာ့မုန့်ပဲသရေစာများ

27/03/2024

ဦးစိုးညီညီ၏ စိတ်ကြိုက်ထမင်းကြော်လက်ရာများ စာအုပ် ဒုတိယအကြိမ်မြောက် ပြန်လည်ထွက်ရှိခြင်း
ထမင်းကြော်ဆိုရင် တော်တော်များများက ကြိုက်နှစ်သက်ကြတဲ့အထဲမှာ ပါပါတယ်။ အဲ့လိုကြိုက်နှစ်သက်တဲ့ ထမင်းကြော်ကို အရသာမျိုးစုံ၊ ပုံစံမျိုးစုံနဲ့ ကြော်ပြထားတဲ့ လက်ရာများကို ဒီစိတ်ကြိုက်ထမင်းကြော်လက်ရာများ စာအုပ်မှာ မြင်တွေ့ရမှာပဲ ဖြစ်ပါတယ်။ ဒီစာအုပ်ထဲမှာဆိုရင် ထမင်းကြော်တစ်ပွဲမှာ အရေးအကြီးဆုံးဖြစ်တဲ့ အရသာအကြောင်းနဲ့ ထမင်းကြော်ရဲ့ မူလဇစ်မြစ်အကြောင်းကိုလည်း ရေးသားဖော်ပြပေးထားပါတယ်။ အိမ်မှာချက်စားယုံသာမက တစ်နိုင်တစ်ပိုင်စီးပွားရေး လုပ်ချင်တဲ့ သူတွေအတွက်လည်း အရသာပြီးပြည့်စုံတဲ့ ဆိုင်ကြော် ထမင်းကြော်တစ်ပွဲဖြစ်ဖို့အတွက် သိသင့်တဲ့အကြောင်းအရာတွေကိုပါ ထည့်သွင်းဖော်ပြပေးထားလို့ တကယ့်ကို အသုံးဝင်စေမယ့် စာအုပ်လေးပဲ ဖြစ်ပါတယ်။ စာအုပ်ထဲမှာ ထမင်းကြော်နည်း အမျိုးပေါင်း ၉၃ မျိုး ပါဝင်ပြီး စာအုပ်အရွယ်အစားမှာ ၁၃.၉ စင်တီမီတာ x ၂၀.၈ စင်တီမီတာ ရှိပါတယ်။
ဦးစိုးညီညီ ပြောစကားအချို့
ကျွန်တော်က အခုအသက်အရွယ်အထိ ထမင်းကြော်မြောက်မြားစွာကို ကြော်ခဲ့ဖူးပါပြီ။ တီထွင်လည်း တီထွင်ခဲ့ဖူးပါပြီ။ အခုအသက်ကလည်း သုံးချိုးတစ်ချိုးကျော်နေပြီဆိုတော့ ကျန်တဲ့ သက်တမ်းလေးမှာ ကိုယ်တတ်တဲ့ပညာနဲ့ ဘာလုပ်ပေးရမလဲဆိုတာ စဉ်းစားတယ်။ အခုဆိုရင် ကျွန်တော့်အောက်မှာ ဝန်ထမ်း ၂၀၀၀ ရှိတယ်။ အဲဒီဝန်ထမ်းတွေနောက်မှာ သူ့မိသားစုကိုလည်း ကိုယ်စားပြုနေတဲ့ လူတစ်ယောက်ဖြစ်နေတယ်။ (ကျွန်တော်တို့ Feel က အစကတည်းက ကျန်းမာ
ရေးနဲ့ မသင့်တော်ဘူးဆိုရင် အဲဒီပစ္စည်းကို မသုံးပါဘူး။ အခုတောင် ကမ္ဘာပေါ်မှာ နောက်ဆုံးပေါ်နဲ့ အကောင်းဆုံးဖြစ်ပြီး ကျန်းမာရေးနဲ့ညီညွတ်တဲ့ ဆီဖြစ်တဲ့ Rice Bean Oil ကို ပြောင်းသုံးဖို့ စဉ်းစား နေပါတယ်။)
အခုထမင်းကြော်စာအုပ်လေးကို ရေးသားဖြစ်ရခြင်း အကြောင်းရင်းကတော့ တိုင်းရင်းသား လူမျိုးစုံလူအကြိုက်ပေါ်မှာ မူတည်ပြီး မတူညီတဲ့ ထမင်းကြော်နည်းတွေကို ပြောပြချင်ပါတယ်။
ဒါ့အပြင် ထမင်းကြော်ကောင်းကောင်း လုပ်စားမယ်ဆိုရင်လည်း ဒီစာအုပ်ထဲမှာ ပါဝင်တဲ့ အချိုး
အစားကို မူတည်ပြီး၊ အပေါ့၊ အငန်ကို စားသုံးသူရဲ့လျှာပေါ်မှာ မူတည်ပြီး လုပ်လို့ရပါတယ်။ အဓိက
ကတော့ ဒီစာအုပ်ကို ဖတ်ရင်း အားမရရင်၊ ဒီစာအုပ်ကို ဖတ်နေတဲ့ စားသုံးသူထဲက ဒီထက်ပိုပြီး
တော့ လေ့လာချင်တယ်ဆိုရင် ကျွန်တော့်ဆီမှာလာပြီးတော့ သင်ယူလို့ရပါတယ်။ လေ့လာလို့ရ
ပါတယ်။ ဆွေးနွေးလို့ရပါတယ်။
စိတ်ကြိုက်ထမင်းကြော်လက်ရာများ စာအုပ်ကို အမြို့မြို့ အနယ်နယ်ရှိ စာအုပ်ဆိုင်များ နှင့် စီးတီးမတ်ဆိုင်ခွဲများ အားလုံးတွင် ဝယ်ယူရရှိနိုင်ပါတယ်။ Taste Window page Messenger မှလည်း မှာယူနိုင်ပါတယ်။




#စိတ်ကြိုက်ထမင်းကြော်လက်ရာများ

10/03/2024

မင်းနန်သူ၏ ထွက်ရှိပြီးသော စာအုပ်များ
-နန်းဓ‌လေ့နှင့် မိဖုရားကြီးများ
- နန်းဓလေ့နှင့် ယမင်းပျိုများ

စာအုပ်များကို ဝယ်ယူချင်တယ်ဆိုရင်တော့ စီးတီးမတ်စာအုပ်ဆိုင်များ၊ စူပါမားကတ်စာအုပ်ဆိုင်များနှင့် အမြို့မြို့အနယ်နယ်ရှိ စာအုပ်အရောင်းဆိုင်များတွင် ဝယ်ယူရရှိနိုင်ပါတယ်။
Better Day Media Services Co Ltd Page ရဲ့ Messenger တွင်လည်း အမည်၊ လိပ်စာအပြည့်အစုံ၊ ဖုန်းနံပတ် ပေးပို့ပြီး မှာယူနိုင်သလို ဖုန်းနံပါတ် - ၀၉ ၂၅၄ ၀၀၆ ၀၄၉၊ ၀၉၇၆၅၀၃၃၉၄၁ သို့လည်း ဆက်သွယ်မှာယူနိုင်ပါတယ်။
အမြို့မြို့အနယ်နယ်ရှိ စာဖတ်သူ ပရိသတ်တွေအတွက် စာတိုက်ကြီးမှတစ်ဆင့် ပို့ဆောင်ပေးနေပါတယ်။

18/02/2024

စားဖိုမှူးကြီး စောဆာမူလား၏ ထွက်ရှိပြီးသော မုန့်လုပ်နည်း စာအုပ်များ
-စားဖိုမှူးကြီး စောဆာမူလား၏ မုန့်လုပ်နည်းများ
-စားဖိုမှူးကြီး စောဆာမူလား၏ မုန့်လုပ်နည်းများ (၂)
-ပေါင်မုန့်-ပေါင်မုန့်ဖုတ်ချင်သူများအတွက်လက်စွဲ
-ကိတ်မုန့်စာအုပ်
ဒီစာအုပ်များကိုတော့ အိမ်မှာကိုယ်တိုင် သန့်ရှင်းလတ်ဆက်တဲ့ မုန့်များကို စမ်းသပ်လုပ်ချင်သူများပဲဖြစ်ဖြစ်၊ Bakery ဆိုင်ဖွင့်ချင်လို့ပဲဖြစ်ဖြစ်၊ ကိတ်မုန့်၊ ပေါင်မုန့်၊ မုန့်လုပ်နည်းများကို ကြိုက်နှစ်သက်တဲ့ မည်သူမဆို အသုံးဝင်စေမယ့် စာအုပ်လေးတွေပဲ ဖြစ်ပါတယ်။

စာအုပ်လေးများကို ဝယ်ယူချင်တယ်ဆိုရင်တော့ စီးတီးမတ်စာအုပ်ဆိုင်များ၊ စူပါမားကတ်စာအုပ်ဆိုင်များနှင့် အမြို့မြို့အနယ်နယ်ရှိ စာအုပ်အရောင်းဆိုင်များတွင် ဝယ်ယူရရှိနိုင်ပါတယ်။
Better Day Media Services Co Ltd Page ရဲ့ Messenger တွင်လည်း အမည်၊ လိပ်စာအပြည့်အစုံ၊ ဖုန်းနံပတ် ပေးပို့ပြီး မှာယူနိုင်သလို ဖုန်းနံပါတ် - ၀၉ ၂၅၄ ၀၀၆ ၀၄၉၊ ၀၉၇၆၅၀၃၃၉၄၁ သို့လည်း ဆက်သွယ်မှာယူနိုင်ပါတယ်။
အမြို့မြို့အနယ်နယ်ရှိ စာဖတ်သူ ပရိသတ်တွေအတွက် စာတိုက်ကြီးမှတစ်ဆင့် ပို့ဆောင်ပေးနေပါတယ်။

31/01/2024

Cocktails & Mocktails
Leo phyo , Kelvin , Pyoneတို့ သုံးယောက်ဟာ ၂၀၁၄ ခုနှစ်ကတည်းက Food Magazine (ယခု Taste Window Magazine)တွင် ကော့တေး၊ မော့တေးအကြောင်းတွေကို လစဉ်မျှဝေပေးနေကြတာပါ။ ဝါသနာပါတဲ့အလုပ်ကို ပြန်လည်မျှ၊ဝေပေးနိုင်တဲ့ အခွင့်အရေးကို Food Magazineက ပေးခဲ့တာကြောင့် ကျေးဇူးတင်ပါတယ်။ မိမိတို့သုံးဦး လပေါင်းများစွာ လစဉ်ရေးထားတဲ့ ကော့တေး၊ မော့တေးအကြောင်းများကို စုစည်းကာ ဒီစာအုပ်ကို ၂၀၁၆ မှာ ပထမဆုံးအကြိမ်အဖြစ် ထုတ်၊ဝေခဲ့ကြပါတယ်။ မိမိထက်များစွာ တတ်ကျွမ်းပြီး အတွေ့အကြုံများစွာရှိတဲ့ ဆရာများစွာ မြန်မာပြည်မှာရှိတဲ့အတွက်ကြောင့် ဦးစွာပထမ မရဲမဝံ့ဖြစ်နေသော်လည်း အယ်ဒီတာအစ်ကိုနဲ့ ထုတ်ဝေသူရဲ့ အားပေးမှုကြောင့် ပထမအကြိမ် ကော့တေး၊ မော့တေး စာအုပ်ကို အောင်မြင်စွာ ထုတ်ဝေနိုင်ခဲ့ပါတယ်။ Bar နဲ့ပတ်သက်တဲ့ အခြေခံတွေကိုလည်း ထည့်သွင်းဖော်ပြထားတာမို့ ဒီစာအုပ်ကို ပြည်တွင်းရော ပြည်ပမှာရှိတဲ့ Bar မှာ အလုပ်လုပ်ကိုင်လိုတဲ့ လူငယ်တွေအပြင် ဝါသနာပါတဲ့ စာဖတ်သူတွေအတွက်ပါ တစ်ဖက် တစ်လမ်းက အထောက်အကူပေးနိုင်တာကို ကြားသိရတဲ့အတွက် အတိုင်းမသိ ဝမ်းသာမိပါတယ်။ နောက်ထပ် တောင်းဆို အမှာစာတွေ ရှိလာတဲ့အတွက် ဝမ်းမြောက်စွာပဲ ဒုတိယအကြိမ်အဖြစ် ထပ်မံထုတ်၊ဝေလိုက်ရပါတယ်။ နောက်တစ်ကြိမ် ထုတ်၊ဝေခွင့်ရခဲ့လျှင် ကော့တေး၊ မော့တေးနှင့်ပတ်သက်သော အသစ်အသစ်သော နည်းပညာများကိုပါ ထည့်သွင်းဖော်ပြပေးမှာမို့ စောင့်မျှော်အားပေးကြပါဦးလို့ စာဖတ်သူများကို ကျေးဇူးတင်စွာ အမှာစကားပါးလိုက်ပါရစေ။

စာအုပ်အမည် - Cocktails & Mocktails
စာရေးသူများ - Leo Phyo, Pyone, Kelvin
စာမျက်နှာ - ၂၅၆
စာအုပ်ဆိုဒ် - ၁၃ စင်တီမီတာ၊ ၁၉ စင်တီမီတာ
စာအုပ်တန်ဖိုး - ၁၂၀၀၀

30/01/2024

အံ့ဝင့်ထွဋ် - အကြော်ဟင်းလျာ
ဒီစာအုပ်ရဲ့ အဓိကရည်ရွယ်ချက်ကတော့ လွယ်ကူရမယ်၊ မြန်ဆန်ရမယ် အဲ့ဒါကြောင့် ကျွန်တော့်စာအုပ်ကို ဖတ်လိုက်တဲ့အခါမှာ ပရိသတ်တွေအနေနဲ့ လွယ်လွယ်ကူကူနဲ့ ချက်လို့ရအောင် ဒီ Stir-Fryဟင်းလျာတွေကို ရွေးချယ်ပေးထားတာ ဖြစ်ပါတယ်။ နောက်ပြီး ကျွန်တော်ဟင်းလျာတွေကို ဘောင်ခတ်ထားတာမျိုး မရှိတဲ့အတွက် ကိုယ်ကြိုက်နှစ်သက်သလို အသား၊ ငါး၊ ပင်လယ် စာ၊ အသီးအနှံ၊ အသီးအရွက်တွေကို စိတ်ကြိုက်ပြောင်းလဲ ချက်ပြုတ်လို့ရသလို ကိုယ့်စိတ်ကြိုက် အရသာမျိုးလည်း ပြောင်းလဲချက်ပြုတ်လို့ရပြီး ရုံးသမားတွေ ထမင်းချိုင့်ပြင်ဖို့ အတွက်ရော၊ ကလေးတွေ ထမင်းဘူးထည့်ဖို့အတွက်ရော၊ နောက်တစ်ခုက ဗိုက်ဆာတဲ့အခါမှာ မြန်မြန်ဆန်ဆန်နဲ့ ချက်စားလို့ရမယ့် နည်းလမ်းလေးတွေကို ရွေးချယ်ပေးထားတာဖြစ်တဲ့အတွက် ဒီဟင်းလျာတွေဟာ လွယ်ကူတယ်၊ ရိုးရှင်း တယ်၊ အချိန်ကုန်လည်း သက်သာစေတဲ့အတွက် ပရိသတ်ကြီး ကြိုက်နှစ်သက် မယ်လို့ ယုံကြည်မိပါတယ်။

စာအုပ်အမည် - အကြော်ဟင်းလျာ
စာရေးသူ - အံ့ဝင့်ထွဋ်
စာမျက်နှာ - ၁၁၂
စာအုပ်ဆိုဒ် - ၂၀.၈ စင်တီမီတာ၊ ၂၀.၈ စင်တီမီတာ
စာအုပ်တန်ဖိုး - ၁၀၀၀၀

29/01/2024

ဘဝသစ်ဦးအောင်ကျော်- ဘဝသစ်အင်္ဂလိပ်စာ စာစီစာကုံးများ
ဤစာအုပ်မှာ အင်္ဂလိပ်စာသင်ကြားရာတွင် နာမည်ကြီးခဲ့သော ဆရာကြီးဘ၀သစ် ဉီးအောင်ကျော် ပြုစုထားသော အင်္ဂလိပ်စာစီစာကုံးများနှင့် စာရေးသားဆက်သွယ်စာများကို စုစည်းထုတ်‌‌‌‌‌‌ဝေထားသော စာအုပ်ဖြစ်သည်။
ဘာသာစကားတစ်ခုကို သင်ယူခြင်းသည် ကလေးတစ်ယောက်လမ်းလျှောက်တတ်ဖို့ အဆင့်ဆင့် တိုးတက်မှုဖြစ်စဉ်နှင့် တူသည်။ ပက်လက်နေရာမှာ တဖြည်းဖြည်း မှောက်တတ်လာခြင်း၊ လေးဘက်တွားသွားခြင်း၊ လူကြီးလက်ကို ကိုင်၍ မတ်တပ်ရပ်ခြင်း၊ လမ်းလျှောက်ခြင်း စသည်ဖြင့် အဆင့်ဆင့် တိုးတက်လာရသည်။ ယင်းသဘောသဘာ၀ကို ဘ၀သစ်အင်္ဂလိပ်စာ စာစီစာကုံးပဒေသာတွင် တွေ့နိုင်သည်။ လွယ်ကူသော အင်္ဂလိပ် စာစီစာကုံးများမှ ပိုမိုခက်လာသော စာစီစာကုံးများသို့လည်းကောင်း၊ မြန်မာအဓိပ္ပါယ်ပေး၍ လက်တွဲခေါ်ရာမှ မိမိကိုယ်တိုင်အားထုတ်မှုဖြင့် ဖတ်ရသော အင်္ဂလိပ်စာများဆီသို့ လည်းကောင်း ဆွဲခေါ်ထားသော စာအုပ်ဖြစ်သည်။ အဆင့်လိုက် ဖတ်စရာအင်္ဂလိပ်စာ (English by Stages) ဟု ဆိုရမည်။
စာစီစာကုံးရေးရာမှာ (၁) အကြောင်းအရာရှာခြင်း၊ (၂) အကြောင်းအရာများမှ တူရာတူရာ စုစည်း၍ အပိုဒ်ခွဲခြင်း၊ (၃) ရေးလိုသော အကြောင်းအရာကို အင်္ဂလိပ်ဝါကျများ ဖွဲ့စည်းခြင်းဟူသော အဆင့်သုံးဆင့်ရှိရာ ပထမအဆင့်အတွက် လှမျိုးစုံလင်၊ ပန်းဉယျာဉ်မှ လိုရာပန်းကို ဆွတ်ခူးရနိုင်သည့် ဉယျာဉ်နှင့် နှိုင်းလောက်အောင် အကြောင်းအရာ စုံလင်သော စာအုပ်ဟု ဆိုနိုင်ပါသည်။

စာအုပ်အမည် - ဘဝသစ် အင်္ဂလိပ်စာ စာစီစာကုံးများ
စာရေးသူ - ဘဝသစ်ဦးအောင်ကျော်
စာမျက်နှာ - ၄၉၀
စာအုပ်ဆိုဒ် - ၁၅.၂၄ စင်တီမီတာ x ၂၁.၅၉ စင်တီမီတာ
စာအုပ်တန်ဖိုး - ၉၅၀၀