Footy Biz

25/02/2026

"အိုနာနာက မန်ယူပြန်လာပြီး နံပါတ် ၁ နေရာ ပြန်ယူချင်တယ် 🤣"

ဒီသတင်းက မန်ယူဖန်တွေအတွက်တော့ သတင်းဆိုးဖြစ်မှာပါ။ အင်တာမီလန်မှာ ဆရာကြီးအနေနဲ့ ချန်ပီယံလိဂ်ဖိုင်နယ်အထိရောက်အောင် လက်စွမ်းပြခဲ့လို့ ဒီဂီယာနဲ့ခွာပြဲသွားတဲ့ မန်ယူက သူ့ကို အားကိုးတကြီးနဲ့ ဈေးကြီးပေးခေါ်ယူခဲ့တာပါ။ ဒါပေမယ့် စရောက်လာတည်းက ရယ်စရာအမှားများနဲ့ လက်စွမ်းမတည်ငြိမ်မှုကြောင့် အိုနာနာက ဘုန်းတစ်ဂိုးရှင်ဖြစ်လာခဲ့ပြီး ၁၉ သင်းဖန်တွေရဲ့ မေတ္တာကို အပြည့်ယူနိုင်ခဲ့ပေမယ့် မန်ယူပရိသတ်ကြီးကိုတော့ သွေးဆူစေခဲ့သူပါ။

ဒါကြောင့် အမော်ရင်မ်လက်ထက်မှာ သူ့ကို တူရကီကလပ် ထရာဇွန်စပေါ်ဆီ တစ်ရာသီအငှားချခဲ့ပြီး လူငယ်ဂိုးသမား ဆန်းလမ္မန်းစ်ကို ခေါ်ယူနေရာပေးခဲ့ပါတယ်။ ဒီလိုလုပ်ဆောင်ခဲ့မှုကြောင့် မန်ယူဂိုးပေါက်က အခုဆို အလွန်တည်ငြိမ်လာခဲ့ပြီး ကာရစ်လက်ထက်မှာ နိုင်ပွဲတွေပါ ဆက်လာခဲ့ပါပြီ။

ဒါပေမယ့် ဒါကို မနှစ်မြို့နိုင်တဲ့ အိုနာနာကတော့ ရာသီကုန်ရင် မန်ယူပြန်လာပြီး လမ္မန်းစ်ဆီက သူ့နေရာကို ပြန်ပြိုင်ဆိုင်အရယူသွားမယ်လို့ လေသံလွှင့်လိုက်ပါပြီ။ ဒါဟာ မန်ယူရဲ့ပြိုင်ဘက်အသင်းတိုင်းအတွက်တော့ သတင်းကောင်းဖြစ်ပေမယ့် မန်ယူရဲ့ လက်ရှိကစားသမားတွေ၊ ပရိသတ်တွေအားလုံးအတွက်တော့ ရတက်မအေးစရာပါပဲ။

ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။






#ဘောလုံး

25/02/2026

"အကောင်းဆုံးကွင်းလယ်ခံစစ်မှူး ၁၀ ဦး"

ဖော်ပြခဲ့ပြီးတဲ့ ကစားသမားတွေကတော့..
၁၀. ကက်စမဲရိုး >> https://web.facebook.com/share/v/17Hx8EkSJR/
၉. ဇာဘီအလွန်ဆို >> https://web.facebook.com/share/p/1JJsdhFtsq/
၈. ရွိုင်ကင်း >> https://web.facebook.com/share/p/1AnMY5gi86/

အခုဖော်ပြမှာကတော့ နံပါတ် ၇ ပေါ့။

၇. ရိုဒရီ

ဘလွန်ဒေါရဖူးတဲ့ ခံစစ်ကွင်းလယ်လူဆိုတာ မရှိသလောက်ရှားပါတယ်။ ၂၁ ရာစုမှာ ပရီးမီးယားလိဂ်မှာကစားရင်း ဘလွန်ဒေါရဖူးတာ ရော်နယ်လ်ဒို၊ အိုဝင်နဲ့ သူပဲရှိပါတယ်။ သူကစားရတဲ့နေရာကနေ ဒီဆုကိုရဖို့ဆိုတာ ပိုတောင် ခက်ခဲပါသေးတယ်။ ဒါကြောင့် သူ့ကောင်းကြောင်းတွေက သိပ်တောင် ပြောဖို့မလိုတော့ပါဘူး။ လက်ရှိတော့ ဒဏ်ရာကပြန်လာပြီးတည်းက အကောင်းဆုံးခြေစွမ်းပြန်ရဖို့ ရုန်းကန်နေဆဲပါပဲ။ မန်စီးတီးရဲ့ အောင်မြင်မှုတွေ၊ စပိန်ရဲ့ ယူရို ၂၀၂၄ အောင်မြင်မှုတွေအတွက် သူကအတော်လေး အရေးပါတဲ့သူပါ။ မန်စီးတီးပရိိတ်သတ်တွေအတွက်တော့ သူက သူရဲကောင်းပါပဲ။

ဒဏ်ရာကပြန်ကောင်းလာပြီး အခုဆို တစ်ပွဲထက်တစ်ပွဲ ပုံစံကောင်းတွေ ပြန်ပြလာနိုင်လို့ ကံကောင်းရင် သူ့ခြေစွမ်းကောင်းတွေကို ဆက်တွေ့ရနိုင်ပါသေးတယ်။ သူ့ရဲ့သွေးအေးမှုနဲ့ တစ်ဘက်ခံစစ်ကို ဖရိုဖရဲဖြစ်သွားစေနိုင်တဲ့ ပေးပို့မှုတွေက သူဘယ်လောက်ကောင်းတယ်ဆိုတာရဲ့ တစ်စွန်းတစ်စကိုပဲ ဖော်ပြနိုင်တာပါ။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။

နောက်တစ်ပို့စ်မှာ နံပါတ် ၆ လာမယ်။

ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။






#ဘောလုံး


#မန်စီးတီး

24/02/2026

24/02/2026

"အကောင်းဆုံးကွင်းလယ်ခံစစ်မှူး ၁၀ ဦး"

ပြီးခဲ့တဲ့ပို့စ်မှာ ဇာဘီအလွန်ဆိုက နံပါတ် ၉ နေရာမှာ ရှိနေတယ်လို့ ဖော်ပြခဲ့ပါတယ်။ ဒီတော့ အခု နံပါတ် ၈ အလှည့်ပါ။

နံပါတ် ၈ အကြောင်း မပြောခင် နည်းနည်းပြန်နွှေးရရင်..

ကွင်းလယ်ခံစစ်မှူးတွေက ဂိုးတွေတစ်ဒိုင်းဒိုင်းသွင်းမနေသလို သတင်းခေါင်းစီးတွေမှာလည်း ပါလေ့မရှိပါဘူး။ ဒါပေမယ့် အသင်းတစ်သင်းအောင်မြင်ဖို့ သူတို့က အရေးအကြီးဆုံးနေရာကနေ ပါဝင်လေ့ရှိပါတယ်။ အသင်းအောင်မြင်ဖို့ လိုအပ်ရင် လူရိုက်ပေးရမလား၊ ခံစစ်မှူးတွေအရှေ့ကနေ တံတိုင်းတစ်ခုလို ကာဆီးပေးရမလား၊ ဘောလုံးကိုင်ပြီး ပွဲရဲ့အရှိန်ကို ထိန်းပေးရမလား.. စတဲ့အရေးပါတဲ့တာဝန်တွေကို သူတို့တွေက ယူထားပေမယ့် ပရိသတ်အမြင်မှာ သိပ်ထင်ပေါ်နေလေ့မရှိပါဘူး။

ဒါကြောင့် Footy Biz ပရိသတ်ကြီးအတွက် ဘောလုံးသမိုင်းမှာ အကောင်းဆုံးလို့ အချက်အလက်တွေအရရော၊ သူတို့ရဲ့ အရေးပါမှုအရပါ စစ်ထုတ်ပြုစုထားတဲ့ ထိပ်တန်းကွင်းလယ်ခံစစ်မှူး ၁၀ ဦးကို ဖော်ပြပေးလိုက်ပါတယ်။

၈. ရွိုင်ကင်း

"လူတွေကပြောလေ့ရှိတယ်.. ရေစီးနဲ့အသာလိုက်တဲ့ (go with the flow)။ အဲ့လိုရေစီးနဲ့လိုက်တာ ဘာတွေလဲ ခင်ဗျားတို့သိလား။ ငါးအသေတွေလေ။"
- ရွိုင်ကင်း

အရှုံးကို သူ့လောက်မုန်းတဲ့ ဘောလုံးသမားကို ရှာတွေ့ဖို့ ခက်ပါလိမ့်မယ်။ သူက ပွဲတိုင်းကို သေမြေကြီး ရှင်ရွှေထီးစိတ်ထားမျိုးနဲ့ ကစားတဲ့သူပါ။ သူ့မြင်ရင် ဆေးရုံကို မြင်နေရသလိုခံစားချက်မျိုးကို ပြိုင်ဘက်ကစားသမားတွေရင်ထဲ ရိုက်ထည့်ပေးနိုင်လောက်အောင် ဖိုက်တာဆန်ပြီး အထာမထားတဲ့သူပါ။ ဒီလိုပြောလို့ သူက နည်းစနစ်ပိုင်းမကောင်းဘူးလို့ မထင်ပါနဲ့၊ ဘောလုံးပေးပို့မှုက တိကျလွန်းပြီး လိုအပ်ရင် ဂိုးသွင်းနိုင်တဲ့ ရဲရဲတောက်အသင်းခေါင်းဆောင်ပါ။ သူက သူတစ်ဦးပဲ ချွန်ပြီးကောင်းနေတာမျိုးနဲ့တင် မကျေနပ်ဘဲ သူ့အသင်းဖော်တွေကိုပါ တောင်းဆိုမှုမြင့်မားတဲ့ ခေါင်းဆောင်ကောင်းမို့ မန်ယူရဲ့လူငယ်တွေ ကြောက်ပြီး အသားကုန်လိုက်ကြိုးစားခဲ့ရတာပါ။

သူ့အသင်းဖော်တွေအကုန်လုံးက သတ်မှတ်ထားကြတဲ့ ကမ္ဘာ့အကောင်းဆုံးအသင်းခေါင်းဆောင်တွေထဲကတစ်ယောက်ဆိုရင်လည်း မမှားပါဘူး။ ပွဲထဲပဲ ပြိုင်ဆိုင်မှုပြင်းထန်တာမျိုးမဟုတ်ဘဲ လေ့ကျင့်ရေးကွင်းထဲမှာပါ ရေကုန်ရေခမ်းကစားတတ်တဲ့ ဖိုက်တာခေါင်းဆောင်ကြီးမို့ သူ့လက်ထက်မှာ ပေါ်ထွန်းခဲ့တဲ့ ကစားဖော်လူငယ်တွေဖြစ်တဲ့ ရော်နယ်လ်ဒို၊ ရွန်းနီ၊ အီဗရာ၊ ဖာဒီနန်၊ ဗီဒစ်တို့လို ကစားသမားတွေအကုန် စိတ်ဓာတ်ကောင်းမွန်ပြင်းထန်ပြီး ဘောလုံးသမိုင်းကို ထုဆစ်ခဲ့၊ ထုဆစ်ဆဲ အားကစားသမားကောင်းတွေအဖြစ် ထွန်းပေါက်လာကြတာပါ။ ဒီခေတ်မှာသာ သူကစားနေရင် အမြဲပွဲပယ်ခံရ၊ ကစားဖော်တွေရဲ့ အမြင်ကတ်ခြင်းကိုခံရဖို့များပါတယ်။

ဒါပေမယ့် မန်ယူဖန်တွေနဲ့ ကစားသမားဟောင်းတွေကို မေးကြည့်လိုက်တိုင်း အကောင်းဆုံးအသင်းခေါင်းဆောင်ဆို သူ့ကိုပဲ အတော်များများက လက်ခံထားကြပါတယ်။ ပြီးတော့ မသိစိတ်ထဲမှာ သူ့လိုအသင်းခေါင်းဆောင်မျိုးကို လက်ရှိမန်ယူအသင်းမှာ လိုအပ်နေ၊ လိုချင်နေကြတာဆိုလည်း မှားမယ်မထင်ပါဘူး။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။

နောက်တစ်ပို့စ်မှာ နံပါတ် ၇ လာမယ်။
ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Page ကို Like & Follow ထားကြဦးနော် ။






#ဘောလုံး

#မန်ယူ

21/02/2026

"အကောင်းဆုံးကွင်းလယ်ခံစစ်မှူး ၁၀ ဦး"

ပြီးခဲ့တဲ့ပို့စ်မှာ ကက်စမဲရိုးကို နံပါတ် ၁၀ နေရာမှာ ဖော်ပြခဲ့ပါတယ်။ အခုတော့ နံပါတ် ၉ အလှည့်ပါ။

၉. ဇာဘီအလွန်ဆို

"အတူကစားဖူးသမျှထဲ ဘောလုံးပေးပို့မှုအကောင်းဆုံးသူပဲ"

- ဆိုတဲ့စကားကိုပြောခဲ့တာက စခိုးလ်၊ ဘက်ခမ်၊ လမ်းပတ်တို့လို ဂရိတ်တွေနဲ့တွဲကစားခဲ့တဲ့ လီဗာပူးရဲ့သူရဲကောင်း ဂျရတ်ပါ။ သူက ဒီလိုပြောတာဆို အလွန်ဆိုဘယ်လောက်ကောင်းလဲ အထူးပြောဖို့ မလိုတော့ပါဘူး။ သူက ပွဲတိုင်းမှာ rating 7.5 အောက် မဆင်းခဲ့တဲ့ ခြေစွမ်းတည်ငြိမ်ပြီး သွေးအေးတဲ့ ကွင်းလယ်ခံစစ်မှူးပါ။ ဘယ်ရောညာရော သန်တဲ့၊ ကြံ့ခိုင်မှုကောင်းတဲ့၊ ဘောလုံးအမြင်စူးရှတဲ့ ဒီကစားသမားမျိုးက ကန်ချင်သေးရင် အခုထိ ရိုနယ်လ်ဒိုတို့လို ဆက်ကန်နေနိုင်ပေမယ့် တိုနီခရူးစ်လိုမျိုးပဲ အမြင့်ဆုံးခြေစွမ်းနဲ့ စောစောစီးစီးအနားယူသွားတာ နှမြောစရာပါ။ သူ့ရဲ့ကြံခိုင်မှုကတော့ နယ်သာလန်နဲ့ စပိန်ပွဲမှာ ရင်ဝတည့်တည့်ကို ကရာတေးကစ်နဲ့ အကန်ခံလိုက်ရပေမယ့် ဘာမှမဖြစ်သလို ပြန်ထလာပြီး တစ်ပွဲလုံး ခြေစွမ်းဆက်ပြသွားနိုင်တဲ့သူမျိုးပါ။ သူဘယ်လောက်ကောင်းတယ်ဆိုတာ လီဗာပူး၊ ရီးရဲလ်နဲ့၊ ဘိုင်ယန်အသင်းပရိသတ်တွေကိုသာ မေးကြည့်လိုက်ပါတော့။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။

နောက်တစ်ပို့စ်မှာ နံပါတ် ၈ လာမယ်။
ကူးယူဖော်ပြခွင့်မပြုပါ။

ဒီလိုပို့စ်တွေကို မြင်ရဖို့ Page ကို Like & Follow ထားကြဦးနော်။






#ဘောလုံး

16/02/2026

"အကောင်းဆုံးကွင်းလယ်ခံစစ်မှူး ၁၀ ဦး"

သူတို့အကြောင်းမပြောခင် ကွင်းလယ်ခံစစ်မှူးတွေရဲ့အရေးပါပုံလေး အကျဉ်းချုပ်ပြောပါရစေ။ ပရိသတ်ကြီးလည်း သိမှာပါ။ ဘောလုံးမှာ နာမည်ကြီးလွယ်တာ တိုက်စစ်နဲ့ တိုက်စစ်အားသန်ကစားသမားတွေပါ။ နောက်တန်းတွေ၊ ကွင်းလယ်တွေလည်း နာမည်ရကြပေမယ့် ရှေ့တန်းကစားသမားတွေလောက်တော့ အသိအမှတ်ပြုခြင်းကို မရကြပါဘူး။ ဒါပေမယ့် အသင်းတစ်သင်းအောင်မြင်ဖို့အတွက် ကွင်းလယ်ခံစစ်မှူးတွေဟာ ရှေ့တန်းမှာ ဂိုးတွေ တစ်ဒိုင်းဒိုင်းသွင်းနေတဲ့တိုက်စစ်ကစားသမားတွေနဲ့တန်းတူအရေးပါပြီး အချို့အပိုင်းတွေမှာ သူတို့ထက်တောင် ပိုအရေးကြီးနေပါသေးတယ်။ နောက်တန်းနဲ့ရှေ့တန်းကို ချိတ်ဆက်ပေးတဲ့တာဝန်အပြင် ခံစစ်တန်းအရှေ့မှာ မားမားမတ်မတ်နဲ့ကာကွယ်ပေးတဲ့ကစားသမားမျိုးမို့ ပရိသတ်ကြီးအတွက် သိပ်မထင်ပေါ်ပေမယ့် နည်းပြနဲ့ကစားဖော်တွေအတွက်တော့ အင်မတန်အရေးပါတဲ့နေရာဖြစ်ပါတယ်။ ဒါကြောင့် Footy Biz ပရိသတ်ကြီးအတွက် အကောင်းဆုံးကွင်းလယ်ခံစစ်မှူး ၁၀ ဦးကို တစ်ယောက်ချင်းဖော်ပြသွားပါမယ်။

၁၀. ကက်စမဲရိုး

ဆရာသမားက ခြေစွမ်းကျဆင်းလာတာ ငြင်းဆန်မရပါဘူး။ ဒါပေမယ့် အခုတော့ ဇာမနီငှက်လို ပြန်တောက်ပလာတာ မန်ဖန်တွေ ကျေနပ်စရာပါ။ ခက်တာက အသင်းကထွက်တော့မယ်ဆိုတော့ လွမ်းစရာခြေစွမ်းတွေဖြစ်နေပါပြီ။ ဒီစာရင်းထဲပါလာရတာက သူဘယ်လောက်ကောင်းခဲ့လည်းဆိုတာအပြင် ပွဲကိုထိန်းချုပ်နိုင်တဲ့၊ လိုအပ်ရင်ရင်းရဲတဲ့ မော်ဒန်ကွင်းလယ်ခံစစ်မှူးတစ်ဦးဖြစ်နေလို့ပါ။ သူ မန်ယူမှာ အကောင်းဆုံးခြေစွမ်းတွေမရှိတော့တာ လက်ခံရမှာပါ။ ဒါပေမယ့် အဲဒါကြောင့်နဲ့ သူဘယ်လောက်ကောင်းခဲ့တယ်ဆိုတာကို ပြည်ဖုံးကားချလို့တော့ မရပါဘူး။ BBC က အရှေ့မှာကြမ်းချင်တိုင်းကြမ်းဖို့၊ ရာမို့စ်နဲ့ ပီပီ ရှေ့တန်းတက်ပြီး အပြိုင်ချဲဖို့ ကက်စမဲရိုးက ကွင်းလယ်ခံစစ်မှာ မဟာတံတိုင်းလုပ်ပေးခဲ့တာပါ။ သူက ဖိုက်တာရုပ်မဟုတ်ပေမယ့် ဖိုက်တာစိတ်ဓာတ်အပြည့်နဲ့ ကစားတဲ့သူမျိုး၊ သူ့ဘေးက အသင်းဖော်တွေကို စိတ်လုံခြုံမှုပေးနိုင်တဲ့ ကာကွယ်မှုမျိုးကို အမြဲရရှိစေနိုင်တဲ့အတွက် ကြံ့ခိုင်မှုပြည့်ဝနေတဲ့ ကက်စမဲရိုးဟာ အသင်းအတွက် ပတ္တမြားခဲပါပဲ။ ဘရာဇီးတန့်ကောင်ကြီးက ဗလကြီးကြီးမဟုတ်ပေမယ့် ဖိုက်တာစိတ်အပြည့်နဲ့ ဆရာကျတဲ့ပေးပို့မှုတွေကို လုပ်နိုင်တဲ့အပြင် အရေးကြီးရင် ဂိုးသွင်းပေးဖို့လည်း ဝန်မလေးပါဘူး။ ဒီခေတ်ရဲ့ လက်ကျန်ကွင်းလယ်ခံစစ်မှူးတစ်ဦးဆိုရင်လည်း မမှားပါဘူး။ ရီးရဲလ်ဖန်တွေလွမ်းနေရတဲ့ တန့်ကြီးကို ဒီရာသီကုန်ရင် မန်ယူဖန်တွေလည်း လွမ်းကျန်ရစ်တော့မှာပါ။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။

နောက်တစ်ပို့စ်မှာ နံပါတ် ၉ လာမယ်။

ကူးယူဖော်ပြခွင့်မပြုပါ။


#ကက်စမဲရိုး




#ဘောလုံး

12/02/2026

"မန်ယူ ၅ ပွဲဆက် မနိုင်ပေမယ့် မရှုံးဘူး"

တွေးကြည့်ပါ.. ခင်ဗျားတို့ပြောနေတဲ့ ရာသီကုန်ရင်တန်းဆင်းမလားတောင်မသိဘူးဆိုတဲ့ မန်ယူက အခုတော့ တစ်သွေးတစ်မွေးနဲ့ တိုက်ပွဲဝင်စိတ်ဓာတ်ကို ပြသပြီး ဖာဂီတိုင််းမ်တွေမှာ ဂိုးတွေသွင်းနေဆဲပဲ။ သေချာတာက ကာရစ်ကို အထင်မကြီးလို့ ရသေးပေမယ့် အထင်တော့ ဆက်သေးလို့ မရတော့တာပဲ။ သူက မီဒီယာတွေကျလောက်အောင်လည်း နေထိုင်နေတာမျိုးမဟုတ်ဘူး။ အလုပ်ကြိုးစားတဲ့ လူငယ်မန်နေဂျာတစ်ယောက်လိုပဲ နေ့စဉ်ဖြတ်သန်းနေတယ်။ သူ့ရည်ရွယ်ချက်က ရှင်းတယ်။ အသင်းကို ကူညီဖို့ပဲ။ သူရထားတဲ့တာဝန်ကို သူတန်ဖိုးထားတယ်။ သူက အန်ဆလော့တီလိုမျိုးလည်း အသင်းသားတွေရဲ့စိတ်ဓာတ်ကို မြှင့်တင်ပေးနိုင်သလို ခံစားမှုကောင်းတွေကိုလည်း ယူဆောင်ပေးနိုင်တယ်။ တစ်ချိန်တည်းမှာ ဇာဘီအလွန်ဆိုတို့ ဇီဒန်းတို့လောက်မဟုတ်ရင်တောင် ဘောလုံးကွင်းထဲမှာခြေစွမ်းပြခဲ့တဲ့ ကစားသမားတစ်ယောက်ဖြစ်နေတဲ့အတွက် နည်းဗျူဟာတွေကို ခေတ်မီနည်းစနစ်တွေနဲ့ကိုက်ညီအောင်လည်း ညွှန်ကြားပေးနိုင်တယ်။ သူက ဇာဗီတို့၊ ဇီဒန်းတို့၊ ဇာဘီအလွန်ဆိုတို့လို မအောင်မြင်သေးပေမယ့် ကျရှုံးမနေတာတော့ သေချာတယ်။ ပိုကောင်းတာက သူ့မှာ ဖိအားမရှိဘူး။ နာမည်ကြီးနည်းပြတစ်ဦးဟုတ်မနေလို့ သူက ဖိအားကင်းကင်းနဲ့ ရှေ့ဆက်နိုင်တယ်။ ရာသီကုန်လို့ သူအသင်းက ထွက်သွားရရင်တောင် သူက ခေါင်းမော့ရင်ကော့ပြီး ထွက်သွားမယ့်သူမျိုးပဲ။ မန်ယူပရိသတ်တွေက ဒေးဗစ်မွိုက်စ်တို့၊ ဗန်ဟားလ်တို့ကို ဒီလိုမျိုးမျှော်လင့်ခဲ့ကြတာ။ အခုတော့ မျှော်လင့်မထားတဲ့သူရဲကောင်းလို ပေါ်လာတာက ကာရစ်ဖြစ်နေပြီ။ သေချာတာက အခုဆို နည်းပြဖြုတ်လိုက်တဲ့ အလယ်အလတ်အသင်းအချို့ (စပါးပေါ့ ဥပမာ) က ကာရစ်ကို သူတို့ရေဒါထဲ ထည့်ထားလိုက်ပြီဆိုတာပဲ။

ဝက်စ်ဟမ်းပွဲသုံးသပ်ချက်အကျဉ်းချုပ်
- ရှက်စ်ကိုက ယုံကြည်မှုနဲ့ ပွဲထွက်ချိန်ပိုရသင့်လာပြီ (စုစုပေါင်း ၂၇ မိနစ်မှာ ၄ ဂိုးဆိုတာ မသိချင်ယောင်ဆောင်ထားလို့ကို မရတော့တာ)
- ဂိုးပေါက်တည့်ကန်ချက် ၂ ကြိမ်ပဲရှိတာက အမော်ရင်လက်ထက်ကို ပြန်သတိရစေတယ်
- အစောပိုင်း (ပြီးခဲ့တဲ့လေးပွဲအရှိန်နဲ့) ခနရှိန်နေခဲ့တာကလွဲရင် တန်းဆင်းဇုံနားက ဝက်စ်ဟမ်းကလည်း သူတို့ကွင်းမှာ မန်ယူကို အစွယ်မရှိတဲ့မြွေလိုပဲ သဘောထားပြီး ကန်သွားတယ် (ဖာဂီခေတ်လွန်မန်ယူပေါ့)
- ဝမ်ဘစ်ဆာခါက မန်ယူကို အငြိုးနဲ့ကို ခြေစွမ်းပြသွားတယ်
- ကာရစ်ကျေနပ်သင့်တဲ့ ရလဒ်ပဲ ၁-၁ ဆိုတာ

နောက်ပွဲဘယ်လိုလာမလဲ ကြည့်ကြတာပေါ့။

ဓာတ်ပုံ - Getty Images

29/05/2025

"၂၀၂၄-၂၅ ပရီးမီးယားလိဂ်ရဲ့ အကောင်းဆုံးနဲ့ အဆိုးဆုံးများ"

ကြည့်ချင်ရင်ကြည့်ဖို့ YouTube လင့်ခ်လေးတွေ ထည့်ပေးထားတယ် ဘော်ဒါတို့။

အကောင်းဆုံးကစားသမား - မိုဆာလာ
နံပါတ်တွေက လိမ်လို့မရဘူး။ ပရီးမီးယားလိဂ်မှာ ဂိုးပါဝင်ပတ်သက်မှု ၄၇ ခုဆိုတာနဲ့တင် ဒီအီဂျစ်သား လန်ထွက်နေအောင်ကောင်းတာ အသိသာကြီးပါ။ အသက်ကြီးလို့ ပျက်စီးမသွားဘူးဆိုတဲ့စာရင်းထဲ အနည်းဆုံး ဒီနှစ်တော့ သူ့ကို ထည့်ကိုထည့်ရတော့မယ်။
အက်ဒမင်ရဲ့အကောင်းဆုံးကစားသမား ၃ ယောက်စာရင်းကတော့ အောက်ပါအတိုင်းပါ -
၁ မိုဆာလာ (ပူးကြီး) https://youtu.be/OafcIPFrjfU?si=dm5xAKwzw7o12i7Q
၂ ဒက္ကလန်ရိုက်စ် (အာဖျင်ကျယ်) https://youtu.be/74b13Gzkgig?si=9LNEpOyDkzzt0y9I
၃ အီဆက်ခ် (ငှက်ကျား) https://youtu.be/82aUYRlIKUg?si=PX1dCSLUba2RjXiZ

အကောင်းဆုံးမန်နေဂျာ - အနဲဆလော့
ကလော့ပ်ဆီကရတဲ့လူစာရင်းအတိုင်းကိုမှ သိပ်အပြောင်းအလဲမလုပ်ဘဲ အမှတ်ပေးဖလားရအောင် ကိုင်တွယ်နိုင်တဲ့ ဆလော့က ဆရာကျလွန်းပါတယ်။ ကလော့ပ်လိုနာမည်ကြီးပြီး လူချစ်လူခင်များတဲ့သူရဲ့အရိုက်အရာကိုဆက်ခံရတာ တော်တော်မလွယ်တာပါ။ မန်ကျီးသီးရဲ့ကျရှုံးမှုနဲ့ အာဖျင်ကျယ်တို့ရဲ့ မီးမကူးတဲ့အမြှောက်ကြောင့်လို့ အကြောင်းပြလို့ရပေမယ့် ဒီလောက်လွယ်နေရင် ဂျာကြီးတိုင်းလုပ်နိုင်ရမှာပါ။ အချို့ဆို ၅/၆ တန်းတောင် မဝင်တော့ဘဲ ၁၅/၁၆ တန်းရောက်ကုန်ကြပါပြီ။ ဒါကြောင့် စာရင်းကတော့ အောက်ပါအတိုင်းပါပဲ -
၁ အနဲဆလော့ (ပူးကြီး)
၂ နူနိုဆန်တို (သစ်တော)
၃ ဒေးဗစ်မိုရက်စ် (အဲဗာတန်)

အမိုက်ဆုံးဂိုး - မိတိုးလေး (ဘရိုက်တန်)
ချက်ကြီးတို့ကို ဖေဖော်ဝါရီမှာ လှလှလေးသွင်းသွားတဲ့ ဂျပန်ကတုံးနဲ့တစ်နိုင်ငံတည်းသား မိတိုးလေးရဲ့ဂိုးကတော့ အက်ဒမင်ရဲ့ အမိုက်ဆုံးဂိုးပါပဲ။ ကျက်သရေမင်္ဂလာနဲ့ပြည့်စုံပြီး ဒင်းနစ်ဘားကမ့်အလား ပထမဆုံးဘောလုံးထိချက်ကစလို့ ဂိုးထဲရောက်သွားတဲ့အထိ ပါးစပ်ထဲယင်ကောင်ဝင်ရလောက်အောင် မိုက်တဲ့ဂိုးမို့လို့အပြင် တို့အာရှသားဖြစ်နေတာကြောင့်လည်း ပါပါတယ်။ ဟီးဟီး..
၁ မိတိုးလေး (ဘရိုက်တန် - ချက်ကြီး) https://youtu.be/zJFVTvSK_XU?si=nd4Xa6xrgsaWz96Z
၂ တာကောစကီး (အဲဗာတန် - ပူးကြီး) https://youtu.be/rWZuLNB4W68?si=DkIBNX5bAixQghLe
၃ မာမွတ်ရှ် (မန်ကျီးသီး - ဘုန်းမောက်) https://youtu.be/8MzYKynDstk?si=EnDCotzLBgkRML6x

အကောင်းဆုံးပွဲ - မန်ကျီးသီး ၂ - ၂ အာဖျင်ကျယ်
ပွဲဆူတယ်၊ နောက်ကျဂိုးသွင်းတယ်၊ အနီကတ်လည်း ပါတယ်၊ ပွဲကလည်း ဆရာဟောင်းနဲ့ တပည့်ပွဲ။ အများကြီးမပြောတော့ဘူး။ ဟိုက်လိုက်သာ ပြန်ကြည့်လိုက်တော့။
၁ မန်ကျီးသီး ၂ - ၂ အာဖျင်ကျယ် https://youtu.be/fX1-oKm1qXw?si=sfxNmbmqY87lGA_g
၂ အဲဗာတန် ၂ -၂ ပူးကြီး https://youtu.be/hrj2rAhVVX0?si=TAeDJ13StSp9qnHF
၃ ပူးကြီး ၂ - ၂ မန်ယူ https://youtu.be/o7IHGU4Gdxk?si=uoYEHyJbGcA64iNn

အကောင်းဆုံးခေါ်ယူမှု - ဟွိုက်ဆန် (ပေါင် ၁၂.၆ သန်း)
ဘုန်းမောက်ကတော့ ဂျူဗီကနေ မလိုက်တဲ့ လူငယ်နောက်တန်းလေးကို တစ်ရာသီအတွင်း မက်ဒွစ်ကို ပေါင်သန်း ၅၀ နဲ့ ပြန်ကင်လိုက်နိုင်ပါတယ်။ ဒီကောင်လေးက ခြေစွမ်းလည်း ရှယ်ပြတာ အရွယ်နဲ့မလိုက်ပါဘူး။ ဒါကြောင့်လည်း တိုင်ပတ်သွားတဲ့ မက်ဒွစ်က ချက်ချင်းလက်မနှေးဘဲ စာချုပ်လျော်ကြေးပေးပြီး မသွားတာပါ။ ဒီကောင်လေး ဘယ်လောက်တန်လာမလဲ စောင့်ကြည့်ရပါမယ်။ သေချာတာတော့ ဒီခြေစွမ်းသာ ဆက်တက်လာရင် မက်ဒွစ်တို့ ဟာကိမိကို ရောင်းစားခဲ့မိတာ ဖြေသိမ့်လို့ရပါပြီ။
၁ ဟွိုက်ဆန် (ဂျူဗီမှ ဘုန်းမောက်) https://youtu.be/uNCvKUc4_bc?si=BqTspwJjGDB0HYXK
၂ မီလင်ကိုဗစ် (ဖီအိုရင်တီးနားမှ သစ်တော) https://youtu.be/rGLN_jbqD2A?si=fknnNkTFZW94SuH3
၃ အီးလီးယော့အန်ဒါဆန် (ငှက်ကျားမှ သစ်တော) https://youtu.be/vTZZt5sesjk?si=Adf_4dwg_r_ubTXi

အညံ့ဆုံးကစားသမားများ
၁ ဟွိုက်လန်း
၂ စတာလင်
၃ ကယ်လ်ဗင်ဖိလစ်

အညံ့ဆုံးအသင်းများ (အရှိန်အဝါနှင့်ထိုက်တန်သောခြေစွမ်း ပြမပြအပေါ် တိုင်းတာသည်)
၁ မန်ယူ
၂ စပါး
၃ လက်စတာ

အညံ့ဆုံးဂျာကြီးများ (နာမည်ကြီးသလောက် အလုပ်ဖြစ်မဖြစ်အပေါ် တိုင်းတာသည်)
၁ အမော်ရင် (မန်ယူ)
၂ ဂယ်ရီအိုနီးလ် (ဝံပုလွေ)
၃ စတိဗ်ကူးပါး (လက်စတာ)

Page ကို Like ပြီး Follow ထားဖို့လည်း မမေ့ကြနဲ့ဦး ဘော်ဒါတို့။

30/04/2025

ပထမပိုင်းရလဒ်
ဘစီ ၂ - ၂ အိမ်သာ

30/04/2025

"သူကြီးဘစီနဲ့ အိမ်သာမီလန် ဘယ်သူနိုင်မလဲ"

ခဏနေရင် ဘစီတို့ အိမ်သာမီလန်ကို အိမ်ကွင်းမှာ တည်ခင်းဧည့်ခံပါတော့မယ်။ ပြီးခဲ့တဲ့ရက်ပိုင်းကမှ မက်ဒွစ်ကို အပီတီးပြီး ဖလားရထားတော့ ဘစီတို့မာန်တက်နေမှာ သေချာပါတယ်။ လာလီဂါမှာလည်း အခြေအနေကောင်းနေတော့ ဒီပွဲကို ယုံကြည်ချက်အပြည့်နဲ့ ကန်မှာပါ။

ဧည့်သည်အိမ်သာကလည်း တိုက်တိုက်ဆိုင်ဆိုင်ပဲ နောက်ဆုံးသုံးပွဲဆက် ဂိုးပေါက်ပျောက်ပြီး ရှုံးထားတော့ ဘစီတို့ ကြိတ်ပျော်နေမှာသေချာပါတယ်။ ဒါပေမယ့်လည်း ဒီအဆင့်ရောက်မှတော့ အသင်းတိုင်းက ဆြာကြီးတွေချည်းပါပဲ။ မညှာတမ်းပြောရရင် အိမ်သာမီလန်တို့ တစ်ကွက်ကောင်းနဲ့ သရေပိတ်ဆော့ဖို့ စဉ်းစားထားပါလိမ့်မယ်။ သူတို့ရည်မှန်းချက်က မရှုံးဖို့နဲ့ ရှုံးခဲ့ရင်တောင် အရှက်တစ်ကွဲရလဒ်မဖြစ်ဖို့လို့ ယူဆရပါတယ်။ သူတို့လည်း မက်ဒွစ်လိုပဲ ဒုတိယအကျော့မှ အိမ်ကွင်းမှာပြန်တီးမယ်ဆိုပြီး ကြိတ်ကြံနေကြလောက်ပါတယ်။

သူတို့နှစ်သင်းအရင်တွေ့ခဲ့တဲ့နောက်ဆုံး ၅ ပွဲ

ဘစီနိုင် - ၂ ပွဲ
အိမ်သာနိုင် - ၁ ပွဲ
သရေ - ၂ ပွဲ

ခင်ဗျားတို့ရော အခု ဘယ်သူနိုင်မယ်ထင်လဲ။ 😏

29/04/2025

"အာတာတာနဲ့ အာကြီး ချန်ပလုံလိဂ်မှာ ဆော်ပလော်ဆက်တီးနိုင်မလား"

အာကြီးက ပြီးမီးယားလိဂ်ကို လက်လျှော့လိုက်ရပြီဆိုတော့ ချန်ပလုံလိဂ်ကိုပဲ အားအပြည့်ထည့်တော့မှာပါ။ ပြောရရင် ဒီနှစ်ချန်ပလုံလိဂ်မှာလည်း အာကြီးတို့ခြေစွမ်းက ပြောစမှတ်ပြုရလောက်အောင် ကောင်းလာပါတယ်။ အရင်လို အာဖျင်ကျယ်မဟုတ်တော့ဘဲ မက်ဒွစ်လိုလက်ရှိချန်ပလုံကို နှစ်ကျော့ပေါင်း ၅-၁၊ ပီအက်စ်ဗီလိုအသင်းကို စံချိန်ချိုး ၉-၃ နဲ့ ဖြုတ်လာခဲ့တဲ့အပြင်၊ အမှတ်ပေးအဆင့်မှာတုန်းကလည်း ၈ ပွဲမှာ ၆ ပွဲအနိုင်ကန်လာခဲ့တာပါ။ အဲ့အမှတ်ပေးအဆင့်မှာပဲ ပြင်သစ်သူဌေးသားအသင်းကို ၂-၀ နဲ့ နိုင်ခဲ့ပြီးသားပါ။ ဆိုတော့ကာ အာကြီးက စိတ်ဓာတ်အတက်ပိုင်းကို ရောက်နေပြီးသားပေါ့။

ခက်တာက ပြင်သစ်သူဌေးသားအသင်းကလည်း ဒီရာသီမှာ ကြယ်ပွင့်ကစားသမားတွေနဲ့ လမ်းခွဲပြီးတည်းက စည်းလုံးညီညာအောင်ကြောင်းဖြာနေတာ အာကြီးနဲ့ နင်လားငါလားပါပဲ။ နည်းပြကလည်း အာတာတာကစားသမားဘဝတည်းက နည်းပြလောကထဲ နာမည်ငါးလုံးနဲ့ (လူးဝစ်အင်းအင်းညှစ်) ဆရာဂိုဏ်းဝင်ပြီးသား နည်းပြဆိုတော့ အာကြီးတော့ အိမ်ကွင်းမှာ ထူးရှယ်ကစားနိုင်မှ တန်ကာကျမှာပါ။

၂၀၀၉ မှာ အကြိုဗိုလ်လုပွဲကနေ လှည့်ပြန်ခဲ့ရသလို လှည့်မပြန်ရဖို့ အာကြီးတော့ ရှယ်တီးမှရပါလိမ့်မယ်။ အဲ့တုန်းက အာကြီးကို ၄-၁ နဲ့ ဖြုတ်ခဲ့တာ အခုတိုင်ပတ်နေတာကြာပြီဖြစ်တဲ့ မန်မန်အသင်းပါတဲ့။ မန်မန်ဖန်တွေကြံဖန်ဂုဏ်ယူချင် ယူကြလို့ရအောင် ထည့်ရေးပေးလိုက်ပါတယ်။

ဒီညပွဲကတော့ ဂိုးမြူးဖို့ သေချာသလောက်ပါပဲ။

Like & Follow for more. 😏

26/04/2025

ကိုပါဒယ်ရေးဟန်ဆောင်ဒိုက်ဗင်ထိုးပွဲမှာ အချိန်ပိုကန်ရင်း ရေတိမ်နစ်သွားတဲ့ မက်ဒွစ်

သူကြီးဘစီ ၃ - ၂ မက်ဒွစ်

ဘစီအတွက်ဂိုးသွင်းတဲ့ကောင်တွေ
ပက်ဒွီ - ၂၈
ဖှာရန်တောရက်စ် - ၈၄
ခွန်ဒဲ - ၁၁၆

မက်ဒွစ်အတွက်သွင်းတဲ့ကောင်တွေ
လိပ်နင်ဂျာ - ၇၀
ချူရာမန္နီ - ၇၇

သူကြီးဘစီတို့ကတော့ ဖလားမသွားပါပြီ။ တစ်ချိန်တည်းမှာပဲ ဘိုးဘိုးအန်စလော့တီအလုပ်ပြုတ်ဖို့က ပိုနီးသွားပါပြီ။