Footy Biz

18/06/2026

#ကျွဲမြီးတိုစာစုများ

ညကပေါ်တူဂီပွဲကြည့်ပြီးတဲ့နောက် အင်တာနက်ပေါ် တက်ကို မလာချင်တော့ပါဘူး။ ဘာကြောင့်လဲဆိုတော့ ရော်နယ်လ်ဒိုကို အပြစ်တင်ကြတာတွေ၊ ဝေဖန်ထားကြတာတွေကို မမြင်ချင်၊ မဖတ်ချင်၊ မကြည့်ချင်လို့ပါ။ ဒါပေမယ့်လည်း အမှန်တရားကို သိတဲ့၊ တကယ်ဘောလုံးအကြောင်းကို နားလည်တဲ့ သူတွေကတော့ ပုဂ္ဂိုလ်စွဲတွေမပါဘဲ သုံးသပ်နိုင်ကြမယ်ထင်ပါတယ်။ အက်ဒ်မင်ကိုယ်တိုင်က ဒိုလေးဖန်ပါ။ ဒိုလေးဖန်မို့ မက်ဆီကို ဖောင်းထုမယ်မထင်ပါနဲ့။ မက်ဆီကိုလည်း သဘောကျတဲ့သူပါ။ ပိုအားပေးဖြစ်သွားတာ ဒိုလေးပဲဆိုပါတော့။ ဘာကြောင့်လည်းဆိုတော့ ပါရမီအပြည့်ပါသူနဲ့ ပါရမီအပြည့်မပါဘဲ ကျောထောက်နောက်ခံအားပေးမှုပါ အားနည်းခဲ့တဲ့ဒိုလေးက ကျွန်တော်တို့ခင်ဗျားတို့လို သာမန်လူတွေနဲ့ ပိုနီးစပ်လို့ပါ။ မက်ဆီဆိုလည်း ကြိုးစားအားထုတ်မှုက ဒိုလေးလောက်လူမသိကြရင်တောင် ဒိုလေးထက်တော့ မလျော့ဘူးဆိုတာ သိကြမှာပါ။ ဒါကြောင့် GOAT နှစ်ဦးလုံးကို အားပေးပါတယ်။

လိုရင်းပြန်ပြောရရင် ဒိုလေးညကပွဲမှာညံ့တယ်ပြောနေကြတဲ့၊ တစ်သင်းလုံးအပြစ်ကို ခေါင်းပေါ်ပုံချခံနေရတဲ့အဖြစ်ကို အမြင်မတော်လို့ ဒီစာကိုရေးလိုက်တာပါပဲ။ ပေါ်တူဂီဆိုတာ အရင်က အလယ်အလတ်နိုင်ငံပါပဲ ဘောလုံးမှာ။ အခုလိုတစ်သင်းလုံးထိပ်သီးကစားသမားတွေပြည့်နေတဲ့အဖြစ်က အခုမှဖြစ်တာပါ။ အွန်နရီတောင်ပြောထားသေး.. ဒိုလေးအရွယ်ကောင်းမှာ ဒီလူစာရင်းဖြစ်ခဲ့လို့ကတော့ ကမ္ဘာ့ဖလားရဖို့ ၉၀% လောက် သေချာတယ်ဆိုတာ။ ဒိုလေးက အဲ့အဆင့်ရောက်ဖို့ အရင်းပြုခဲ့သူပါပဲ။ သူ့မတိုင်ခင်ကလည်း ဖီဂိုရှိခဲ့ပေမယ့် တစ်နိုင်ငံလုံးအပြင် တစ်ကမ္ဘာလုံးအပေါ်အကျိုးသက်ရောက်မှုနဲ့ ကွင်းတွင်းကွင်းပြင်လွှမ်းမိုးမှုက အကွာကြီးပါပဲ။ ဆိုတော့ ဒိုလေးကိုဗဟိုပြုပြီး တိုးတက်လာခဲ့တဲ့ဘောလုံးအသင်းမို့ တစ်ခုခုဆိုလည်း ဒိုလေးကိုပဲ မြင်နေကြပါတယ်။ ညကပွဲမှာ ဒိုလေးက ကွန်ဂိုနောက်တန်း အနည်းဆုံး ၂ ယောက် (တစ်ခါတစ်လေ ၃ ယောက်) လောက်ကို အလုပ်ရှုပ်နေစေခဲ့ပေမယ့် သူနဲ့တွဲဆော့မယ့်သူက မရှိ၊ သူ့ဆီလည်း ဘောလုံးမရောက်နဲ့ နောက်ဆုံး ကွင်းလယ်အထိပါ ဆင်းဆယ်ယူရ၊ တောင်ပံတွေပါ ထွက်လို့ထွက်နဲ့ ဒီအရွယ်နဲ့မလိုက်အောင် ရုန်းခဲ့ပါတယ်။ နည်းပြက သရေရရင် ကျေနပ်နေတဲ့အသင်းကို တိုက်စစ်မဖွင့်၊ တောင်ပံတွေမှာ လှုပ်မယ့်ကောင်တွေမထည့်ဘဲ ဒိုလေးကို ပင်လယ်ထဲက ကျွန်းဆွယ်လို တစ်ကောင်တည်းအဆက်ပြတ်နေတဲ့အကွက်ကြီးကို စောစောစီးစီးမပြင်ဆင်ခဲ့ဘဲ ကွင်းလယ်မှာပဲပေးပို့မှုတွေအိုင်နေတဲ့ ကမ္ဘာ့အကောင်းဆုံးကွင်းလယ်အထိုင်ကို မဖျက်ရဲခဲ့ပါဘူး။ ဟာလန်းတို့၊ မက်ဆီတို့ pressing မလုပ်လို့ အပြစ်မတင်ကြပေမယ့် ဒီအဘိုးကြီး pressing မလုပ်တာကိုတော့ အပြစ်ပြောချင်နေကြတာ ၂၀၂၃ လောက်တည်းကပါ။ ပေါ်တူဂီအသင်းသားတွေကိုကြည့်ရတာလည်း အသင်းမအောင်မြင်ရင် အပြစ်ပြောသမျှခေါင်းခံပေးမယ့် ဒိုလေးရှိနေတာကို အသုံးချနေကြသလိုပါပဲ။ လုံးဝကိုမမိုက်ပါဘူး။ ဒီပုံအတိုင်းဆို ဒိုလေးနောက်တစ်ခေါက်ငိုရဖို့များနေပါပြီ။ ရော်ဘတ်တိုမာတီးနက်ဇ်တစ်ယောက် ဒိုလေးကို ပံ့ပိုးမှုကောင်းကောင်းပေးနိုင်တဲ့ ကစားကွက်ဖော်ဆောင်ဖို့က အရေးကြီးနေပါပြီ။ Positional play အကောင်းဆုံး တိုက်စစ်မှူးတစ်ယောက်လုံးရှိနေတာကို အသုံးမချနိုင်တာတော့ နည်းပြရော ကျန်တဲ့အသင်းသားတွေပါ လိုအပ်နေတာပါပဲ။

ဘာပဲဖြစ်ဖြစ် GOAT ကြီးနှစ်ဦးလုံး ကမ္ဘာ့ဖလားရဖူးစေချင်တဲ့စိတ်ကြောင့်ရော ဒိုလေးဖြစ်နေလို့ကို ပေါ်တူဂီကို ဆက်အားပေးသွားမှာပါ။ ဘယ်တော့မှဇွဲမလျှော့တဲ့ ဒိုလေးပြန်လာမယ်ဆိုတာ ယုံကြည်လျှက်..😠

မှတ်ချက် - နောက်ပိုင်းမကျေမနပ်၊ ဘူပိတ်တာတွေရေးရင် ဒီ "ကျွဲမြီးတိုစာစုများ" ဆိုတဲ့ခေါင်းစဉ်နဲ့ပဲ ရေးတင်သွားပါမယ်။ များရော ဘောလုံးပရိသတ်များပါ Like/Follow လုပ်ထားပေးပါဗျ။






#ဘောလုံး



#ဆောင်းပါး
#ကမ္ဘာ့ဖလား

16/06/2026

16/06/2026

"အကောင်းဆုံးကွင်းလယ်ခံစစ်မှူး ၁၀ ဦး"

ကွင်းလယ်ခံစစ်မှူးတွေက ဂိုးတွေတစ်ဒိုင်းဒိုင်းသွင်းမနေသလို သတင်းခေါင်းစီးတွေမှာလည်း ပါလေ့မရှိပါဘူး။ ဒါပေမယ့် အသင်းတစ်သင်းအောင်မြင်ဖို့ သူတို့က အရေးအကြီးဆုံးနေရာကနေ ပါဝင်လေ့ရှိပါတယ်။ အသင်းအောင်မြင်ဖို့ လိုအပ်ရင် လူရိုက်ပေးရမလား၊ ခံစစ်မှူးတွေအရှေ့ကနေ တံတိုင်းတစ်ခုလို ကာဆီးပေးရမလား၊ ဘောလုံးကိုင်ပြီး ပွဲရဲ့အရှိန်ကို ထိန်းပေးရမလား.. စတဲ့အရေးပါတဲ့တာဝန်တွေကို သူတို့တွေက ယူထားပေမယ့် ပရိသတ်အမြင်မှာ သိပ်ထင်ပေါ်နေလေ့မရှိပါဘူး။

ဒါကြောင့် Footy Biz ပရိသတ်ကြီးအတွက် ဘောလုံးသမိုင်းမှာ အကောင်းဆုံးလို့ အချက်အလက်တွေအရရော၊ သူတို့ရဲ့ အရေးပါမှုအရပါ စစ်ထုတ်ပြုစုထားတဲ့ ထိပ်တန်းကွင်းလယ်ခံစစ်မှူး ၁၀ ဦးကို ဖော်ပြပေးနေတာ အခုဆို အဆင့် ၅ အထိ ပြီးသွားပါပြီ။ ဖော်ပြခဲ့ပြီးတဲ့ပို့စ်တွေကို အောက်ပါလင့်ခ်တွေမှာ ဝင်ရောက်ဖတ်ရှုနိုင်ပါတယ်။

၁၀. ကက်စမဲရိုး >> https://web.facebook.com/share/v/17Hx8EkSJR/
၉. ဇာဘီအလွန်ဆို >> https://web.facebook.com/share/p/1JJsdhFtsq/
၈. ရွိုင်ကင်း >> https://web.facebook.com/share/p/1AnMY5gi86/
၇. ရိုဒရီ >> https://www.facebook.com/share/p/1Ecf2yiHMt/
၆. မက်ခီလီလီ >> https://www.facebook.com/share/p/1D3BgKsf1n/
၅. ကန်တေ >> https://www.facebook.com/share/p/1c41nA5PSG/

အခုတော့ အဆင့် ၄ နေရာကို ဖော်ပြပေးသွားမှာပါ။ သူကတော့..

၄. ဗီအဲရာ

အာဆင်နယ်ဖန်တွေအတွက်တော့ အွန်နရီနဲ့တန်းတူ တန်ဖိုးထားခဲ့ရတဲ့ ကွင်းလယ်ဗိုလ်ကြီးပါ။ အကောင်ကြီးတယ်၊ လိုအပ်ရင် ညစ်တယ်။ မလိုအပ်လည်း ညစ်မှာပဲ။ ဒါပေမယ့် ညစ်ပြီး ဘာမှဖြစ်မလာတဲ့သူမျိုးမဟုတ်ဘူး။ ညစ်တယ်ဆိုတာလည်း ပညာပါပါပဲ ညစ်တာ။ တစ်ဘက်အသင်းအပေါ်လည်း မူတည်သေးတယ် ညစ်မယ်မညစ်ဘူးဆိုတာ။ အသင်းအတွက် ကွင်းလယ်မှာ ထိန်းကျောင်းဆော့ကစားနိုင်တဲ့၊ အမိန့်ပေးနိုင်တဲ့အပြင် ပြိုင်ဘက်ရော အသင်းဖော်တွေပါ ရှိန်ရတဲ့ဘဲကြီးဆို ဗီအဲရာပါပဲ။ အာဆင်နယ်ရွှေဖလားရခဲ့တဲ့အထဲ သူက နောက်ကွယ်ကဇာတ်လိုက်ပါပဲ။ ပွင့်ပွင့်လင်းလင်းပြောရရင် အခုထက်ထိကို သူ့နေရာကို ပြန်အစားမထိုးနိုင်သေးပါဘူး။

ပြင်သစ်ရွှေခေတ်မှာလည်း သူက တူညီတဲ့ခြေစွမ်းကို ပြသခဲ့တဲ့သူပါ။ အာကြီးဖန်တွေ အခုများ ဗီအဲရာ အသက် ၁၈ နှစ်လောက်ကို ပြန်ရလိုက်ရင် ကျွမ်းပစ်နေကြမှာပါ။ ဗီအဲရာနဲ့ ရွိုင်ကင်းဆိုတာ ကျွန်တော်တို့လို အိုကြီးအိုမဘောလုံးပရိတ်သတ်တွေ ကြွေခဲ့ရတဲ့ တစ်ခေတ်တောင် ဖြစ်ခဲ့ရလောက်အောင်ကို ကောင်းခဲ့ကြတာမို့ အခုလိုထိပ်တန်း ၁၀ ယောက်စာရင်းမှာလည်း ပါဝင်နေကြတာပါ။ ဘောလုံးကို ရင်ဘတ်နဲ့ကန်ခဲ့တဲ့ဘဲကြီးတွေဆိုတာ ဒီဘဲကြီးတွေမှ အစစ်။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။

နောက်ပို့စ်တွေက ထိပ်သီး ၃ ဦးပဲ ကျန်တော့တာမို့ ဘယ်သူတွေပါမယ်ထင်လဲဆိုတာ comment မှာ ဆွေးနွေးပေးသွားလို့ရပါတယ်။

ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။





#ဘောလုံး

13/06/2026

"အကောင်းဆုံးကွင်းလယ်ခံစစ်မှူး ၁၀ ဦး"
ဖော်ပြခဲ့ပြီးတဲ့ ကစားသမားတွေကတော့..
၁၀. ကက်စမဲရိုး >> https://web.facebook.com/share/v/17Hx8EkSJR/
၉. ဇာဘီအလွန်ဆို >> https://web.facebook.com/share/p/1JJsdhFtsq/
၈. ရွိုင်ကင်း >> https://web.facebook.com/share/p/1AnMY5gi86/
၇. ရိုဒရီ >> https://www.facebook.com/share/p/1Ecf2yiHMt/
၆. မက်ခီလီလီ >> https://www.facebook.com/share/p/1D3BgKsf1n/

အဆင့် ၅ နေရာကို အပိုင်ယူထားသူကတော့ ကြွက်မည်းလေးလို့အမည်ပြောင်ပေးခံထားရတဲ့..

၅. ကန်တေ

လက်ရှိ ဖီနာဘာချီမှာ ကစားနေတဲ့ ပြင်သစ်သား ကြွက်မည်းလေးက မက်ခီလီလီအပေါ်မှာ နေရာရနေတာ နည်းနည်းတော့ အငြင်းပွားချင်စရာဖြစ်မှာပါ။ ဒါပေမယ့် သေချာစဉ်းစားကြည့်ရင် သူတို့က မတူညီတဲ့ကစားဟန်ကို အသက်သွင်းထားကြတာ သိရပါလိမ့်မယ်။ မက်ခီလီလီက ကစားပွဲတစ်ခုကို ဖတ်နိုင်ပါတယ်။ ကန်တေကတော့ ဆီမကုန်နိုင်တဲ့ တာဘိုအင်ဂျင်မျိုးပါ။ ဘောလုံးနောက်လိုက်ဖို့က သူ့တာဝန်။ သူ့ဖိအားပေးမှုက မော်ဒန်ဘောလုံးလောကမှာ ပိုကိုက်ညီပါတယ်။ ပြိုင်ဘက်ကစားသမားတွေက ကြွက်မည်းလာပြီဆို ပြာပြာသလဲဖြစ်ပြီး ဘောလုံးမှားပေးတာမျိုး၊ ဘောလုံးဆုံးရှုံးတာမျိုး ဖြစ်ကုန်ကြတာပါ။ မက်ခီလီလီက ရှေ့သိပ်မတက်ပေမယ့် ကန်တေက ရှေ့တက်လေ့ရှိပြီး တိုက်စစ်လိုက်ပါမှု ပိုများပါတယ်။ ကမ္ဘာ့ဖလားကို ပြင်သစ်အသင်း၂၀၁၈ မှာ ရခဲ့တာမှာ သူက အတော်လေးတန်ဖိုးရှိတဲ့ကစားသမားတစ်ဦးအနေနဲ့ ပြင်သစ်ကွင်းလယ်မှာ ပေါ့ဘာနဲ့အတူ ခြေစွမ်းပြခဲ့တာကြောင့် နည်းပြတိုင်းလိုချင်တဲ့ ကစားသမားတစ်ဦးဖြစ်ခဲ့တာပါ။

ကန်တေနဲ့ပတ်သက်ပြီး နောက်ထပ်ထူးခြားတာတစ်ခုက သူ့ကိုမုန်းတဲ့သူမရှိသလောက်ကို ရှားတာပါ။ ပြိုင်ဘက်ကစားသမားတွေကအစ သူ့ကိုဆို အငြိုးအတေးမရှိကြဘဲ ချစ်ခင်လေးစားကြလို့ ရော်နယ်ဒင်ညိုလိုပဲ အလွန်နှစ်လိုဖွယ်ကောင်းတဲ့ဘောလုံးသမားတစ်ဦးအဖြစ် သတ်မှတ်ထားကြပါတယ်။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။
နောက်တစ်ပို့စ်မှာ နံပါတ် ၄ လာမယ်။ သိပ်မကျန်တော့တဲ့ ကမ္ဘာ့အကောင်းဆုံးကွင်းလယ်လူစာရင်းမှာ ဘယ်သူတွေပါမယ်ထင်လဲဆိုတာ comment မှာ ဆွေးနွေးပေးသွားလို့ရပါတယ်။

ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။





#ဘောလုံး

12/06/2026

"အကောင်းဆုံးကွင်းလယ်ခံစစ်မှူး ၁၀ ဦး"
ဖော်ပြခဲ့ပြီးတဲ့ ကစားသမားတွေကတော့..
၁၀. ကက်စမဲရိုး >> https://web.facebook.com/share/v/17Hx8EkSJR/
၉. ဇာဘီအလွန်ဆို >> https://web.facebook.com/share/p/1JJsdhFtsq/
၈. ရွိုင်ကင်း >> https://web.facebook.com/share/p/1AnMY5gi86/
၇. ရိုဒရီ >> https://www.facebook.com/share/p/1Ecf2yiHMt/

အခုအလှည့်ကျသူကတော့..

၆. မက်ခီလီလီ

ကွင်းထဲက ကစားကွက်နေရာတစ်ခုကို သူ့နာမည်ပေးထားမှတော့ ဘာမှဆက်ပြောဖို့ကို မလိုတော့ပါဘူး။ သူက နေရာယူကစားတာ အထူးကောင်းမွန်တဲ့အပြင် ဘောလုံးနောက်လိုက်တဲ့ကစားဟန်ထက် စောင့်ပြီးဖျက်တဲ့ကစားဟန်ကို ကောင်းကောင်းအသုံးချနိုင်တဲ့ သွေးအေးခံစစ်ကွင်းလယ်လူပါ။ အကောင်မကြီးဘူး၊ ဗလမတောင့်ဘူး၊ ဒါပေမယ့် ဉာဏ်ကောင်းပြီး တိကျတယ်၊ လိုအပ်ရင် ရင်းရဲတယ်။ ဒါမက်ခီလီလီပဲ။ ရီးရဲလ်ရဲ့ ကြယ်စင်စုအသင်းမှာ ဒေါက်တိုင်တစ်ခုအနေနဲ့ ပါခဲ့ပြီး၊ ချယ်လ်ဆီးမှာ ပရီးမီးယားလိဂ်ဖလားတွေကို ပေးဂိုးအနည်းဆုံးအသင်းအနေနဲ့ ​ယူခဲ့တဲ့အထဲမှာ အဓိကလက်သည်က သူပါပဲ။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။
နောက်တစ်ပို့စ်မှာ နံပါတ် ၅ လာမယ်။
ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။





#ဘောလုံး

25/02/2026

"အိုနာနာက မန်ယူပြန်လာပြီး နံပါတ် ၁ နေရာ ပြန်ယူချင်တယ် 🤣"

ဒီသတင်းက မန်ယူဖန်တွေအတွက်တော့ သတင်းဆိုးဖြစ်မှာပါ။ အင်တာမီလန်မှာ ဆရာကြီးအနေနဲ့ ချန်ပီယံလိဂ်ဖိုင်နယ်အထိရောက်အောင် လက်စွမ်းပြခဲ့လို့ ဒီဂီယာနဲ့ခွာပြဲသွားတဲ့ မန်ယူက သူ့ကို အားကိုးတကြီးနဲ့ ဈေးကြီးပေးခေါ်ယူခဲ့တာပါ။ ဒါပေမယ့် စရောက်လာတည်းက ရယ်စရာအမှားများနဲ့ လက်စွမ်းမတည်ငြိမ်မှုကြောင့် အိုနာနာက ဘုန်းတစ်ဂိုးရှင်ဖြစ်လာခဲ့ပြီး ၁၉ သင်းဖန်တွေရဲ့ မေတ္တာကို အပြည့်ယူနိုင်ခဲ့ပေမယ့် မန်ယူပရိသတ်ကြီးကိုတော့ သွေးဆူစေခဲ့သူပါ။

ဒါကြောင့် အမော်ရင်မ်လက်ထက်မှာ သူ့ကို တူရကီကလပ် ထရာဇွန်စပေါ်ဆီ တစ်ရာသီအငှားချခဲ့ပြီး လူငယ်ဂိုးသမား ဆန်းလမ္မန်းစ်ကို ခေါ်ယူနေရာပေးခဲ့ပါတယ်။ ဒီလိုလုပ်ဆောင်ခဲ့မှုကြောင့် မန်ယူဂိုးပေါက်က အခုဆို အလွန်တည်ငြိမ်လာခဲ့ပြီး ကာရစ်လက်ထက်မှာ နိုင်ပွဲတွေပါ ဆက်လာခဲ့ပါပြီ။

ဒါပေမယ့် ဒါကို မနှစ်မြို့နိုင်တဲ့ အိုနာနာကတော့ ရာသီကုန်ရင် မန်ယူပြန်လာပြီး လမ္မန်းစ်ဆီက သူ့နေရာကို ပြန်ပြိုင်ဆိုင်အရယူသွားမယ်လို့ လေသံလွှင့်လိုက်ပါပြီ။ ဒါဟာ မန်ယူရဲ့ပြိုင်ဘက်အသင်းတိုင်းအတွက်တော့ သတင်းကောင်းဖြစ်ပေမယ့် မန်ယူရဲ့ လက်ရှိကစားသမားတွေ၊ ပရိသတ်တွေအားလုံးအတွက်တော့ ရတက်မအေးစရာပါပဲ။

ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။






#ဘောလုံး

25/02/2026

"အကောင်းဆုံးကွင်းလယ်ခံစစ်မှူး ၁၀ ဦး"

ဖော်ပြခဲ့ပြီးတဲ့ ကစားသမားတွေကတော့..
၁၀. ကက်စမဲရိုး >> https://web.facebook.com/share/v/17Hx8EkSJR/
၉. ဇာဘီအလွန်ဆို >> https://web.facebook.com/share/p/1JJsdhFtsq/
၈. ရွိုင်ကင်း >> https://web.facebook.com/share/p/1AnMY5gi86/

အခုဖော်ပြမှာကတော့ နံပါတ် ၇ ပေါ့။

၇. ရိုဒရီ

ဘလွန်ဒေါရဖူးတဲ့ ခံစစ်ကွင်းလယ်လူဆိုတာ မရှိသလောက်ရှားပါတယ်။ ၂၁ ရာစုမှာ ပရီးမီးယားလိဂ်မှာကစားရင်း ဘလွန်ဒေါရဖူးတာ ရော်နယ်လ်ဒို၊ အိုဝင်နဲ့ သူပဲရှိပါတယ်။ သူကစားရတဲ့နေရာကနေ ဒီဆုကိုရဖို့ဆိုတာ ပိုတောင် ခက်ခဲပါသေးတယ်။ ဒါကြောင့် သူ့ကောင်းကြောင်းတွေက သိပ်တောင် ပြောဖို့မလိုတော့ပါဘူး။ လက်ရှိတော့ ဒဏ်ရာကပြန်လာပြီးတည်းက အကောင်းဆုံးခြေစွမ်းပြန်ရဖို့ ရုန်းကန်နေဆဲပါပဲ။ မန်စီးတီးရဲ့ အောင်မြင်မှုတွေ၊ စပိန်ရဲ့ ယူရို ၂၀၂၄ အောင်မြင်မှုတွေအတွက် သူကအတော်လေး အရေးပါတဲ့သူပါ။ မန်စီးတီးပရိိတ်သတ်တွေအတွက်တော့ သူက သူရဲကောင်းပါပဲ။

ဒဏ်ရာကပြန်ကောင်းလာပြီး အခုဆို တစ်ပွဲထက်တစ်ပွဲ ပုံစံကောင်းတွေ ပြန်ပြလာနိုင်လို့ ကံကောင်းရင် သူ့ခြေစွမ်းကောင်းတွေကို ဆက်တွေ့ရနိုင်ပါသေးတယ်။ သူ့ရဲ့သွေးအေးမှုနဲ့ တစ်ဘက်ခံစစ်ကို ဖရိုဖရဲဖြစ်သွားစေနိုင်တဲ့ ပေးပို့မှုတွေက သူဘယ်လောက်ကောင်းတယ်ဆိုတာရဲ့ တစ်စွန်းတစ်စကိုပဲ ဖော်ပြနိုင်တာပါ။

မှတ်ချက် - ဒီစာရင်းက ကိုယ့်အမြင်နဲ့ကိုယ်မို့ အငြင်းပွားစရာတွေတော့ ဖြစ်လာနိုင်ပါတယ်။

နောက်တစ်ပို့စ်မှာ နံပါတ် ၆ လာမယ်။

ကူးယူဖော်ပြခွင့်မပြုပါ။
ဒီလိုပို့စ်တွေကို မြင်ရဖို့ Footy Biz ကို Like & Follow ထားကြဦးနော်။






#ဘောလုံး


#မန်စီးတီး