26/08/2024
🌿စိတ်ညစ်နေတဲ့အချိန် ဖတ်သင့်တာက ဆရာမနုနုရည်အင်းဝရဲ့ ဘဝသရုပ်ဖော်ဝတ္ထုတွေပါ။
ဪ ငါသူတို့လောက်မဆိုးသေးပါလားလို့ ကိုယ့်ကိုယ်ကိုယ်တန်ဖိုးထားတတ်လာမှာပါ။
🌿ဒါလေးက စာအုပ်နာမည်အတိုင်းပါပဲ...အိပ်နေရင် ညဖြစ်ပြီး နိုးလာရင် မနက်လို့ သိထားရတဲ့ အမှောင်ကမ္ဘာထဲက မျက်မမြင်တွေရဲ့ဘဝသရုပ်ကိုဖော်ညွှန်းထားတာပါ။
🌿ဂန္ဒီဆေးရုံကြီးမှာမွေးလို့ ဂန္ဒီလို့ ချစ်စနိုးနာမည်ပေးခံရတဲ့ ဂန္ဒီ၊ ကိုယ်တိုင်က မွေးရာပါ မျက်မမြင်ဖြစ်ပေမယ့် သားကလေးကိုတော့ မမြင်ဘူးပြောရင် စိတ်ဆိုးသူ။
🌿အင်္ကျီချုပ်ရိုးကို မှတ်ပြီး အထက်အောက်ဆင်တူမလွဲအောင် ဝတ်နိုင်တဲ့ အပျိုကြီးမမကြင်၊ အိမ်ထောင်စုနှစ်ဆယ်ထဲမှာ အချမ်းသာဆုံးအပျိုကြီး။
🌿ခရစ်ယာန်အိမ်တွေမှာ ဘုရားလိုက်ရှိခိုးပြီး ဓမ္မတေးဆို ဝမ်းစာရှာရတဲ့ ဖိုးကျော်နဲ့ အယ်နီ။
🌿ဓာတ်ပြားရ အဆိုတော် ချိုချိုအေးတဖြစ်လဲ ယောက်ျားကိုသိပ်ချစ်တဲ့ မချိုနဲ့ သမီးကလေးကို မွေးစားဖို့ပေးလိုက်ရလို့ ဝေဒနာတွေကိုကြိတ်ခံစားနေရရှာတဲ့ ကိုထွေး။
🌿ချစ်စရာကောင်းပြီး တက်ကြွတဲ့၊ တွေ့တဲ့လူတိုင်းက မွေးစားဖို့တောင်းခံရတဲ့ သားကလေးကို မမြင်နိုင်ရှာတဲ့ ကိုကံဦးနဲ့မညိုစိမ့်။
🌿အိမ်ထောင်စုနှစ်ဆယ်လုံးမှာ မရှိမဖြစ်အားကိုးရတဲ့ တစ်ဦးတည်းသောမြင်နိုင်တဲ့ ခေါင်းတွဲလေး။
🌿အကြောင်းအမျိုးမျိုးကြောင့် မျက်စိမမြင်နိုင်တော့တဲ့သူတွေ စုနေတဲ့ အလုပ်ရုံကြီးထဲက ဘဝပေးအခြေအနေတွေ၊ စားဝတ်နေရေးအခက်အခဲတွေ၊ လူသားဆန်တဲ့ ကူညီရိုင်းပင်းမှုတွေကို ဖတ်ရင်း မျက်ရည်ဝဲရမှာပါ။
🌿ဒီစာအုပ်ဖတ်ပြီးတော့မှ အရာအားလုံးကို ရှင်းရှင်းလင်းလင်းမြင်နေရသေးတဲ့ မျက်လုံးကို ပိုင်ဆိုင်ထားရတာ ကံကောင်းလိုက်ရတာလို့ တွေးမိတယ်။ မကောင်းတဲ့ကိစ္စတစ်ခုခုကြုံလာရတိုင်း ဘာလို့ငါ့မှာမှ ဖြစ်ရတာလဲဆိုတာထက် ငါ့ထက်အခြေအနေဆိုးတဲ့သူတွေ ရှိသေးပါလားလို့ တွေးမိစေမယ့်စာအုပ်ပါပဲ။
🌿ခုထိ စိတ်ထဲစွဲနေတာကတော့ တပေါက်ပေါက်ကျနေတဲ့မိုးရယ်၊ ဆောက်လက်စ အိမ်တွေရယ်၊ အလုပ်ရုံအိုကြီးရဲ့အထဲက ဝမ်းနည်းပူဆွေးနေတဲ့ မမြင်ရတဲ့မျက်ဝန်းတွေရဲ့အလယ်က အိမ်ထောင်စုနှစ်ဆယ်ရဲ့ အားကိုးရာမျှော်လင့်ချက်ကလေးရယ်ပါပဲ။
Review By Choi Vera
🌿တန်ဖိုး - ၆၅၀၀ ကျပ်
🍂စာအုပ်လေးကို သဘောကျ၍ ဖတ်ရှူ့လိုပါက Diary By Ah Hnin Page Messengerတွင် ဆက်သွယ်မှာယူနိုင်ပါတယ်ရှင့်🥰🩵
🕰️အချိန်နှင့်အမျှပြောင်းလဲနေတဲ့ Update Price List တွေအပြင် ရောင်းချလျက်ရှိတဲ့ 📚စာအုပ်လေးတွေနဲ့ပတ်သက်ပြီး Up to date သိရဖို့ Diary By Ah Hnin ရဲ့ Channel လေးတွေကို အခုထဲကမ Join ရသေးရင် Join ထားလိုက်ဦးနော်။
👉 Viber Link - https://bit.ly/3W09LAv
👉 Telegram Link - https://bit.ly/3RHSxGy
စာဖတ်ခြင်းဖြင့် ခဏတာ ဘဝအမောများ ပြေပျောက်ကြပါစေရှင်🩵🩵
#နုနုရည်အင်းဝ
#အိပ်နေရင်ညနိုးနေရင်နေ့
