Za Lat Ni - ဇလပ်နီစာပေ

03/09/2025

World War Z ဝတ္ထုနဲ့ ရုပ်ရှင် ဘာကွာလဲ

Zombie genere မှာ အကောင်းဆုံးဝတ္ထုတစ်ပုဒ်ဖြစ်တဲ့ World War Z ကိုရေးခဲ့သူ Max Brooks ကို Comic Con မှာ ပရိသတ်တွေမေးခဲ့ကြဖူးတယ်။ (Max Brooks က ကျန်းရိမိုရဲ့ The Great Wall ရုပ်ရှင်ရဲ့ ဇာတ်လမ်းပိုင်းနဲ့ တရုတ်ဒဏ္ဍာရီမှာတကယ်ရှိခဲ့တဲ့ ထောင်တိုင်သတ္တဝါတွေရဲ့ creature design ကို တာဝန်ယူပေးခဲ့သူ)

World War Z ရုပ်ရှင်ကိုကြည့်ပြီးပြီလား။ ဘယ်လိုသဘောရလဲ။ ဒီလိုမေးခွန်းတွေကို Max Brooks က ဒီလိုပြန်ဖြေတယ်။ ကြည့်လို့ကောင်းပါတယ်။ ဒါပေမဲ့ ကျွန်တော့်ဇာတ်လမ်းမဟုတ်ဘူး တဲ့။ သူဘာကြောင့်ဒီလိုပြောတာလဲဆိုတော့ World War Z ရုပ်ရှင်က မူရင်းဝတ္ထုနဲ့နာမည်ပဲတူတယ်လို့ ပြောရလောက်အောင်ကွဲလွဲနေလို့ပဲ။

ဘာတွေ မတူတာလဲ ဆိုရင်...

၁။ Brad Pitt ရဲ့ရုပ်ရှင်ထဲမှာ Zombie Virus ရဲ့ဇစ်မြစ်ကိုပြမထားဘူး။ မြောက်ကိုရီးယားမှာ စသလိုလို ဝေဝေဝါးဝါးလုပ်ထားတယ်။ ဝတ္ထုထဲမှာတော့ ဗိုင်းရပ်စဖြစ်လာပုံကိုရေးမထားပေမဲ့ လူနာသုညနဲ့ ကူးစက်မှုက ဘယ်မှာစဖြစ်ခဲ့လဲဆိုတာ အသေးစိတ်ပါပါတယ်။

၂။ ရုပ်ရှင်ထဲမှာက အဓိကဇာတ်ဆောင်က Gerry Lane ဖြစ်နေပေမဲ့ ဝတ္ထုထဲမှာတော့ အဓိကဇာတ်ဆောင်မရှိဘဲ ကမ္ဘာ့ဒေသအသီးသီးက ဇာတ်ကောင်မျိုးစုံရဲ့ အတွေ့အကြုံကိုဖတ်ရမှာပါ။ ဝတ္ထုတိုလေးတွေ၊ ဇာတ်လမ်းတွဲအပိုင်းလေးတွေကို ဖတ်ရ ကြည့်ရသလိုပဲ။

၃။ Word War Z ရုပ်ရှင်ထဲက Zombie တွေက သိပ်မြန်ပါတယ်။ ဒါကတော့ ဇာတ်လမ်းဆိုမြန်မြန်မှကြိုက်နေကြတဲ့ခေတ်မျိုးမှာ Zombie တွေနှေးနှေးလျှောက်နေရင် စိတ်ဝင်စားကြတော့မှာမဟုတ်ဘူး။ ရုပ်ရှင်အရတော့ ဒီလိုရွေးချယ်ခဲ့တာမှန်ကန်တယ်။ ဒါပေမဲ့ ဝတ္ထုထဲမှာတော့ Zombie တွေကနှေးပါတယ်။ Max Brooks ဟာ classic zombie ပရိသတ်တစ်ယောက်ဖြစ်တာကြောင့် သူ့Zombie တွေဟာ George A.Romero ရဲ့ zombie တွေအတိုင်းပါပဲ။ ဒါပေမဲ့ ဒီ Zombie တွေဟာ လူသားတွေရင်ဆိုင်နေရတဲ့ပြဿနာတွေကို ကိုယ်စားပြုတယ်လို့ဆိုတယ်။ တကယ်တမ်းမှာ ဘယ်ပြဿနာကမှ အစမပျိုးဘဲထဖြစ်တယ်ဆိုတာမရှိပါဘူး။ လူတွေကအမှုမဲ့အမှတ်မဲ့ပေါ့လျော့နေကြပြီး အဝိုင်းခံရမှ သိကြတာပါ။

၄။ World War Z ရုပ်ရှင်ဟာ ဖီလာဒဲလ်ဖီးယား၊ တောင်ကိုရီးယား၊ ဂျေရုဆလင်ကဇာတ်ဝင်ခန်းတွေကြောင့် ကျော်ကြားပါတယ်။ ဒါပေမဲ့ ဖုတ်ကောင်ကမ္ဘာစစ်လို့ပြောရလောက်တဲ့ တိုက်ပွဲခန်းတွေလို့မထင်ဘူး။ ဝတ္ထုထဲမှာ ဒီထက်ကြီးကျယ်တဲ့တိုက်ပွဲခန်းတွေပါတယ်။ ယွန်ကာတိုက်ပွဲ၊ ဟုပ်တိုက်ပွဲလို တိုက်ပွဲအကြီးကြီးတွေအပြင် မြေအောက်တိုက်ပွဲ၊ ရေအောက်တိုက်ပွဲလို ရုပ်ရှင်တွေမှာမမြင်ရသေးတဲ့ တိုက်ပွဲမျိုးတွေပါတယ်။ ရုပ်ရှင်ရိုက်ရင်အကောင်းဆုံးဇာတ်ဝင်ခန်းတွေဖြစ်လာနိုင်ပေမဲ့ ယူသုံးမထားတာတွေပါ။

ဒါအပေါ်ယံမြင်သာတဲ့အချက်တွေပဲရှိသေးတယ်။ World War Z ရုပ်ရှင်၊ဝတ္ထုနဲ့ ဂိမ်းက အရသာတစ်မျိုးစီ၊ ဟန်တစ်မျိုးစီ၊ တင်ပြပုံတစ်မျိုးစီကွဲနေတာပါ။ အဲဒါကလည်း တစ်မျိုးကောင်းတယ်လို့ပြောရလိမ့်မယ်။ ရုပ်ရှင်နဲ့ဝတ္ထုတူတာဆိုလို့
နာမည်ချင်းတူတယ်၊ ရုပ်ရှင်ထဲကအစ္စရေးဇာတ်ဝင်ခန်းမှာ
ယူဂင်ဝမ်းဘရန်ဆိုတဲ့နာမည်ယူသုံးထားတာရယ်၊ အစ္စရေးတွေရဲ့ ဆယ်ယောက်မြောက်လူစနစ်ကို ထည့်ပြောထားတာတစ်ခုပဲတူပါတယ်။ Narrative tone ကလည်း လုံးဝကွဲပြားတယ်။ World War Z ရုပ်ရှင်က action ဘက်နွယ်ပါတယ်။
ဝတ္ထုကတော့ ပိုလေးလေးနက်နက်ရှိပြီး Zombie Apocalypse ဝတ္ထုတစ်ပုဒ်ဆိုတာထက် လက်ရှိရပ်တည်မှုမျိုးတွေနဲ့သာဆိုရင် ကမ္ဘာမှာဖုတ်ကောင်ကပ်ဘေးဖြစ်လာရင် ဘာတွေဖြစ်ကုန်မလဲလို့ ကမ္ဘာ့နိုင်ငံရေး၊ လူမှုရေးအနှံ့ကို စိတ်ကူးယဥ်ကြည့်ထားတာပါ။

ဒီဝတ္ထုထဲမှာ ကျွန်တော်အကြိုက်ဆုံးအခန်းတွေကတော့
ယွန်ကာတိုက်ပွဲ၊ ဟုပ်တိုက်ပွဲ၊ တရုတ်ရေငုပ်သင်္ဘော တိုက်ပွဲခန်းတွေနဲ့ ဂျပန်နိုင်ငံရဲ့ဆုတ်ခွာမှုအတွင်းအဖြစ်အပျက်တွေ
၊ ဟိမဝန္တာတောင်ကြားအခန်း၊ လူနာသုညကို စတွေ့ခဲ့တဲ့အခန်း၊ အာကာသစခန်းက အဖြစ်အပျက်တွေကို ရေးထားတဲ့အခန်းတွေပါပဲ။

ဒီစာအုပ်ကို ဘာလို့ဘာသာပြန်ခဲ့တာလဲလို့မေးရင်
ဘယ်သူကြိုက်ကြိုက် မကြိုက်ကြိုက် ကျွန်တော်အတော်လေးကြိုက်လို့ပါ။😁 ကိုယ်ဖတ်လို့ရအောင် ချရေးရင်း ရေးမိသွားတာ။
#အဲလ်ဗစ်

✨ ကမ္ဘာဖျက်စစ်ပွဲ ဇီ (World War Z by Max Brooks )
🖋 အဲလ်ဗစ်
📖 စာမျက်နှာ... ၄၁၉ မျက်နှာ
💵 တန်ဖိုး... ၁၇၀၀၀ ကျပ်
◾ စာအုပ်ဆိုဒ် - ၆ × ၉ လက်မ
🗓 ပထမအကြိမ်၊ စက်တင်ဘာလ၊ ၂၀၂၃၊ ဇလပ်နီစာပေတိုက် ။

https://www.zalatnisarpay.com/books/kmbaapayaetsitpwezi

#ကမ္ဘာဖျက်စစ်ပွဲဇီ
#အဲလ်ဗစ်
်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီ

03/09/2025

World_War_Z (ကမ္ဘာဖျက်စစ်ပွဲ ဇီ)

✨Zombie တွေနဲ့ လူသားတွေရဲ့အကြားက သည်းသိမ့်ရင်တုန်စရာ တိုက်ပွဲတွေအကြောင်း✨

🔹 သေဆုံးခြင်းကနေ နိုးထရှင်ပြန်လာတဲ့ မကောင်းဆိုးဝါးတွေ ဆိုတာဟာ ကျွန်တော်တို့ရဲ့ စိတ်နှလုံးမှာ သယ်ဆောင်လာတဲ့ အရာတွေနဲ့ နှိုင်းယှဥ်ကြည့်ရင် ပမွှားမျှသာပါပဲ။

🔸 World War Z (ကမ္ဘာဖျက်စစ်ပွဲ ဇီ) ဝတ္ထုဟာ ၂၀၀၆ ခုနှစ်မှာ စတင်ထွက်ရှိခဲ့ပြီး အရောင်းရဆုံး စာရင်းဝင် စာအုပ်တအုပ် ဖြစ်ခဲ့ပါတယ်။

🔸 Apocalyptic and Post-apocalyptic Fiction အမျိုးအစားတွေအကြောင်း ပြောကြရင် Max Brooks ရဲ့ World War Z ဝတ္ထုဟာ ချန်ခဲ့လို့ မရတဲ့ ဝတ္ထုတပုဒ်ပဲ ဖြစ်ပါတယ်။

🔸 တကယ်တော့ World War Z ဟာ ရုပ်ရှင်ချစ် ပရိသတ်များ၊ ထိတ်လန့်သည်းဖိုဇာတ်လမ်းမျိုးကို ကြိုက်နှစ်သက်တဲ့ စာဖတ်ပရိသတ်များအဖို့ အထူးတလည် ညွှန်းဆိုပေးနေစရာ မလိုတဲ့ စာအုပ်ကောင်း တအုပ်ဖြစ်ပါတယ်။

✨ ကမ္ဘာဖျက်စစ်ပွဲ ဇီ (World War Z by Max Brooks )
🖋 အဲလ်ဗစ်
📖 စာမျက်နှာ... ၄၁၉ မျက်နှာ
💵 တန်ဖိုး... ၁၇၀၀၀ ကျပ်
◾ စာအုပ်ဆိုဒ် - ၆ × ၉ လက်မ
🗓 ပထမအကြိမ်၊ စက်တင်ဘာလ၊ ၂၀၂၃၊ ဇလပ်နီစာပေတိုက် ။

https://www.zalatnisarpay.com/books/kmbaapayaetsitpwezi

📖စာမြည်း👉👉👉

စကားချီး
🔸 ဒီအဖြစ်ဆိုးကြီးကို နာမည်အမျိုးမျိုးနဲ့ ခေါ်ကြပါတယ်။ ကပ်ဘေးကြီး၊ အမှောင်ကာလ ကြီး၊ ဖုတ်ကောင်ကပ်ဆိုးကြီး အစရှိသဖြင့်ပေါ့။ အသစ်ဆုံး၊ အဆန်းဆုံး၊ လူအများစု နှုတ် အတွေ့ဆုံး နာမည်ကတော့ ကမ္ဘာဖျက် ဖုတ်ကောင်စစ်ပွဲ သို့မဟုတ် ဖုတ်ကောင်စစ်ပွဲ ဆိုတာပါပဲ။ ပထမဖုတ်ကောင်စစ်ပွဲလို့ နာမည်တပ်တာကို ကျွန်တော့်အနေနဲ့ ဘဝင် မကျလှပါ ဘူး။ ပထမစစ်ပွဲလို့ ဆိုလိုက်ရင် ဒုတိယစစ်ပွဲ ဖြစ်လာဦးမယ်လို့ နိမိတ်ဖတ်သလို ဖြစ်နေပါ တယ်။ ကျွန်တော်ကတော့ ဖုတ်ကောင်စစ်ပွဲလို့ပဲ သုံးနှုန်းလေ့ ရှိပါတယ်။ သိပ္ပံပညာရှင် အများစု ကတော့ ဖုတ်ကောင်ဆိုတဲ့ ဝေါဟာရကို လက်မခံကြသေးပါဘူး။ လူသားတွေကို မျိုးသုဉ်းလု နီးပါး ဖြစ်စေခဲ့တဲ့ ဒီသတ္တဝါတွေကို ဘယ်လို ခေါ်ဝေါ်သတ်မှတ်ရမလဲ သူတို့ မသိကြသေးဘူး။ ဖုတ်ကောင်ဆိုတဲ့ စကားလုံးကတော့ လူပေါင်းများစွာရဲ့ အမှတ်တရတွေ၊ ခံစားချက်တွေကို လှုပ်နှိုးတဲ့နေရာမှာ ပြိုင်ဘက်မရှိ ဖြစ်ခဲ့တဲ့၊ ပျက်သုဉ်းမှုကို ကိုယ်စားပြုတဲ့ စကားလုံး ဖြစ်ခဲ့ပါ တယ်။ ဒီအဖြစ်ဆိုးကို တွေ့ကြုံခံစားခဲ့ရသူတွေရဲ့ အမှတ်တရတွေ၊ ခံစားချက်တွေဟာ ဒီစာအုပ် ရဲ့ သန္ဓေပါ။

🔸 လူ့သမိုင်းမှာ အဆိုးဆုံးဖြစ်တဲ့ ဒီကပ်ဘေးမှတ်တမ်းနဲ့ ပတ်သက်ပြီး ကျွန်တော့် ထက် အရာရှိ ကုလသမဂ္ဂ စစ်ပြီးကာလ အစီရင်ခံစာများ ကော်မရှင်ဥက္ကဋ္ဌနဲ့ နှစ်ကိုယ်ကြား အချေအတင် ဖြစ်ခဲ့ကြရပါတယ်။ ကော်မရှင်အတွက် ပြုစုထားတဲ့ ကျွန်တော့်မှတ်တမ်းက ကျွန်တော်ကိုယ်တိုင် စိတ်ပါလက်ပါ စုံစမ်းခြေရာ ကောက်ထားခဲ့တာတွေပါ။ ခရီးစရိတ်၊ သွားလာစုံစမ်းခွင့် လက်မှတ်၊ လူစကားပြန်အတွက် စရိတ်နဲ့ စကားပြန်စက်အတွက် ဘတ္ထရီ တို့အပြင် စာရိုက်အနှေးဆုံး လူတစ်ယောက်အတွက် အကောင်းဆုံး လက်ဆောင်တစ်ခု ဖြစ်တဲ့ အသံဖမ်းစာမှတ်စက်တို့နဲ့အတူ ဒီမှတ်တမ်းအတွက် ကမ္ဘာပတ်ခဲ့ရတဲ့ ကြိုးစားမှုဟာ လေးစား မူလေးတော့ ရသင့်ပါတယ်။ အဲဒါ ကြောင့် နောက်ဆုံးအဆင့် တည်းဖြတ်မှုမှာ မှတ်တမ်းတွေကို တဝက်လောက် ဖြတ်တောက်ခံလိုက်ရတာဟာ ကျွန်တော့်ကို အကြီးအကျယ် အံ့ဩထိတ်လန့်သွားစေပါတယ်။

🔸 video call တွေမှာ ဆွေးနွေးကြရင်းနဲ့ တစ်ကြိမ်မှာ ကော်မရှင်ဥက္ကဋ္ဌက ရှင့်မှတ်တမ်း တွေက အတွင်းကျလွန်းတယ်လို့ ဝေဖန်တယ်။ ထင်မြင်ချက်တွေ၊ ခံစားချက်တွေ များလွန်း တယ်၊ အစီရင်ခံစာဆိုတာ ဒါတွေကို ဖော်ပြဖို့ မဟုတ်ဘူး၊ ရှင်းလင်းတဲ့ အချက်အလက်နဲ့ ကိန်းဂဏန်းတွေပဲ ပါရမှာ။ လူသားဆန်တဲ့ ခံစားချက်တွေ ပါဖို့ မသင့်ဘူးလို့ သူက ပြောတယ်။ သူ့စကား မှန်ပါတယ်။ တရားဝင် အစီရင်ခံစာဆိုတာ ဖြစ်ပြီးသား အချက်အလက်တွေကို တိတိကျကျ အချက်အလက် သက်သက်အဖြစ်နဲ့ စစ်ပြီးကာလ အစီရင်ခံစာအဖြစ် ကမ္ဘာ့ကပ်ဘေး ဆိုက်တဲ့ ၁ဝ နှစ်တာကို နောင်မျိုးဆက်တွေ လေ့လာဖို့ ချန်ခဲ့ရမှာပါ။

🔸 အထင်အမြင်တွေ၊ ခံစားချက်တွေ ပါလို့ မဖြစ်ပါဘူး။ ဒါပေမဲ့ ဒီခံစားချက်တွေကြောင့်ပဲ ကျွန်တော်တို့တွေ အတိတ် ကို နက်နက်ရှိုင်းရှိုင်းဖက်တွယ် နေကြတာ မဟုတ်လား။ သူတို့လိုပဲ လူသားဖြစ်ခဲ့သူတွေရဲ့ မှတ်တမ်းတွေ၊ သေဆုံးစာရင်းတွေကို မျိုးဆက်သစ်တွေ ဂရုစိုက်ကြပါ့မလား။ လူသားဆန်တဲ့ အတွေးအမြင်နဲ့ ခံစားချက်တွေကို မှတ်တမ်းထဲက ဖယ်ထုတ်တာဟာ သမိုင်းထဲက ပုဂ္ဂိုလ်စွဲကို ဖယ်ထုတ်ရာ ရောက်တဲ့အတွက် (ဖွဟဲ့) တစ်နေ့မှာ ဒီလိုအဖြစ်ဆိုးမျိုး ထပ်ကြုံလာအောင် ထိမ်ချန်ရာ မကျပေဘူးလား။ နောက်ဆုံးမှာ သက်ရှိ မကောင်းဆိုးဝါးတွေလို့ ခေါ်ကြတဲ့ ဖုတ်ကောင် တွေနဲ့ လူသားတွေကြား တကယ် ကွဲပြားစေခဲ့တာက လူသားဆန်မှုပဲ မဟုတ်လား။ ကျွန်တော့် အထက် အရာရှိကို ဒီလို နှုတ်ကျူးနှုတ်လွန် ပြန်ကန့်ကွက်ရင်းနဲ့ ဒီအဖြစ်မှန်တွေကို ကျွန်တော် မဖျောက်ဖျက်နိုင်ဘူးလို့ ပြောလိုက်တဲ့အခါ သူကလည်း မဖျောက်ဖျက်နဲ့လို့ ပြန်ပြောတယ်။ စာအုပ်တစ်အုပ်အဖြစ် ရေးလိုက်ပါ။ ရှင့်မှာ မှတ်စုတွေ ရှိတယ်။ တရားဝင် အသုံးပြုခွင့်လည်း ရှိတယ်။ ရှင့်ကိုယ်ပိုင်မှတ်တမ်းအဖြစ် ဒါတွေကို ပြန်ရေးတာကို ဘယ်သူ့မှာမှ တားပိုင်ခွင့် မရှိဘူးလို့ ဆိုပါတယ်။
ကမ္ဘာလုံးဆိုင်ရာ ပြဿနာကြီး အေးငြိမ်းစမှာ ဖုတ်ကောင်စစ်ပွဲ ကိုယ်တွေ့မှတ်တမ်း လို စာအုပ်မျိုး ထုတ်တာဟာ သေချာပေါက် ဝေဖန်ခံရမယ့် အလုပ်မျိုးပါ။ အမေရိကတိုက် ပြည်ထောင်စုကြီးမှာ အမေရိကအောင်ပွဲနေ့ ကြေညာခဲ့တာ ၁၂ နှစ် ကြာခဲ့ပေမယ့် နောက်ဆုံး ကမ္ဘာ့အင်အားကြီး နိုင်ငံတစ်ခုဖြစ်တဲ့ တရုတ်မှာ တရုတ်နိုင်ငံအောင်ပွဲနေ့ ကြေညာနိုင်ခဲ့တာ ၁ဝ စုနှစ် မပြည့်သေးပါဘူး။ တရုတ်နိုင်ငံ အောင်ပွဲနေ့ကမှ စစ်ပွဲရဲ့ တကယ့် အဆုံးသတ်လို့ အများစုက ယူဆနေကြတုန်းပါ။ ကုလသမဂ္ဂက ကျွန်တော့် လုပ်ဖော်ကိုင်ဖက် တစ်ယောက် ပြောသလို စစ်ပွဲရဲ့ ကြာချိန်နဲ့ ငြိမ်းချမ်းရေးရတဲ့ ကြာချိန်က ဆတူ ဖြစ်ခဲ့ပြီ ဆိုတာ မှန်ပါတယ်။ အခုလို ဆယ်စုနှစ်တစ်ခုစာ ငြိမ်းချမ်းတဲ့ကာလ ဖြစ်လာဖို့ တိုက်ခိုက် ကျော်ဖြတ်ခဲ့ရတဲ့ မျိုးဆက် အတွက် အချိန်ဟာ ရန်သူလည်း ဟုတ်၊ မိတ်ဆွေလည်း ဟုတ်ပါတယ်။ နောင်လာမယ့် နှစ်တွေ မှာ ဒီအတွေ့အကြုံတွေကို ပြန်လည်ဆင်ခြင်ကြပြီး အသိဉာဏ်ကြွယ်ဝ ရင့်ကျက်တဲ့ စစ်ပြီးကာလ လူ့အဖွဲ့အစည်း ဖြစ်လာမှာပါ။ ဒါပေမဲ့ ကိုယ့်အောင်ပွဲရဲ့ အသီးအပွင့်ကို မမြင်နိုင်လောက်အောင် စိတ်နဲ့ခန္ဓာ ပျက်စီးခဲ့ရသူ တချို့ကတော့ ဒီအချိန်ကို မမီနိုင်တော့ဘူး။ လက်ရှိ လူ့ သက်တမ်းဟာ ဖုတ်ကောင်စစ်ပွဲ မဖြစ်မီက လူ့သက်တမ်းနဲ့ တခြားစီ ဖြစ်နေပါပြီ။ အမေရိကန် ပြည်ထောင်စုမှာတောင် လေထုရေထု ညစ်ညမ်းမှု၊ အာဟာရချို့တဲ့မှုနဲ့ ရောဂါတွေ ကြီးစိုးနေပြီး နိုင်ငံရဲ့ လက်ရှိစီးပွားရေးနဲ့ ကျန်းမာရေး စောင့်ရှောက်နိုင်မှု အခြေအနေအရ ရုပ်ပိုင်း၊ စိတ်ပိုင်း ထိခိုက်ပျက်စီးမှုတွေကို ကုသဖို့ ရင်းမြစ်လုံလောက်မှု မရှိပါဘူး။ အတိတ်ကမ္ဘာကို ပြန်တွေးပြီး ရှင်သန်ကျန်ရစ်သူများ စာရင်းကို ထုတ်ဖို့ ကြိုးစားနေတဲ့ ကျွန်တော့်အတွက် ဒါတွေဟာ အတား အဆီးတွေပါပဲ။ နောင်ဆယ်စုနှစ် ၁ ခု၊ ၂ ခုလောက် ကြာရင်တော့ ဒီထက် ပိုရင့်ကျက်တဲ့၊ ဉာဏ်ပညာ ပိုပြည့်စုံတဲ့ ရှင်ကျန်သူတွေရဲ့ မှတ်တမ်းကို ပြုစုနိုင်လိမ့်မယ် ထင်ပါတယ်။ အဲဒီ လူတွေထဲမှာ ကျွန်တော်လည်း ပါနေနိုင်တယ်။

🔸 ဒီစာအုပ်မှာ ရှင်ကျန်သူတွေရဲ့ အတွေ့အကြုံတွေ အဓိက ပါပေမယ့် ရောဂါနဲ့ ပတ်သက် တဲ့ အသေးစိတ် အချက်အလက်တွေ၊ နည်းပညာတွေ၊ လူမှုရေး၊ စီးပွားရေး အချက်အလက် တွေဟာ ကော်မရှင်အစီရင်ခံစာထဲက အတိုင်းပါပဲ။ အချက်အလက် သီးသန့် မဟုတ်ဘဲ ဖတ်ကြ ရမှာပဲ ကွာခြားပါတယ်။ အစီရင်ခံစာက ကော်မရှင်ပိုင် ဖြစ်ပြီး ဒီစာအုပ်ကတော့ ကျွန်တော့် အပိုင်ပါ။ ဒီစာအုပ်ထဲမှာ ကျွန်တော့်ရဲ့ အခန်းကဏ္ဍကို တတ်နိုင်သလောက် မပါအောင် လျှော့ချ ထားပါတယ်။ မေးထားတဲ့ မေးခွန်းတွေကလည်း စာဖတ်သူတွေ သိချင်မယ့် မေးခွန်းမျိုးတွေ ချည်းပါပဲ။ ကိစ္စတိုင်းကို ခပ်ပေါ့ပေါ့ ဝေဖန်၊ အကဲဖြတ်တာမျိုး မလုပ်မိအောင် ကျွန်တော် ကြိုးစား ထားပါတယ်။ ဖယ်ရှားသင့်တဲ့ အချက်အလက်တွေ ပါနေရင် ကျွန်တော်ပဲ ပြန်စိစစ်ပြီး ဖယ်ရှား ပါ့မယ်။

ဇလပ်နီစာပေတိုက်ထုတ် စာအုပ်များနှင့် အခြားတိုက်ထုတ် စာအုပ်များကို
🟢 Online က တဆင့် မှာယူလိုပါက...
* Website
* - zalatnisarpay.com ( 24 Hours)
* 09899640668
* 09447268267
* Za Lat Ni - ဇလပ်နီစာပေ ၏ Chat box
https://m.me/2193155520719889?source=qr_link_share
များသို့ ဆက်သွယ် မှာယူနိုင်ပါသည်။

🟢 လူကိုယ်တိုင် လာရောက် ဝယ်ယူလိုပါက-
* ဇလပ်နီစာပေ ၊ The Lantern House Classic Art Aera ၊ ဝန်ကြီးများရုံး၊ အနော်ရထားလမ်းနှင့် ဗိုလ်အောင်ကျော်လမ်းထောင့်၊ ဘိုတထောင်မြို့နယ်၊ ရန်ကုန်မြို့ တွင် လည်းကောင်း၊ (စနေ၊ တနင်္ဂနွေ)
* ဇလပ်နီစာပေ ၊ အမှတ် 132၊ ပထမထပ်၊ 27 လမ်း(အလယ်)၊ ပန်းဘဲတန်းမြို့နယ်၊ ရန်ကုန်မြို့(ယာယီ)တွင် လည်းကောင်း (အင်္ဂါ မှ သောကြာ) လာရောက် ဝယ်ယူနိုင်ပါသည်။

🟢 အရောင်းကိုယ်စားလှယ်များ၊ Online Shop များ၊ စာကြည့်တိုက်များကို အထူးနှုန်းဖြင့် စီမံပေးလျက် ရှိပါသည်။

🚚 ပို့ဆောင်ခ...
ဘယ်နှအုပ်မှာမှာ 👉 ➡️ ရန်ကုန်မြို့တွင်း - ၁၅၀၀ ကျပ်၊ ကျန်မြို့များ - ၃၀၀၀ ကျပ်သာ ကျသင့်ပါမယ်။
❌️ ထပ်တိုး အုပ်ရေများအတွက် ထပ်တိုး ပို့ဆောင်ခ ပေးရန် မလိုပါ။
🚎 ကားဂိတ်မှ အမှာများကတော့ ကားဂိတ်က ကောက်ခံသည့်အတိုင်း ကျသင့်မှာ ဖြစ်ပါတယ်။

#ကမ္ဘာဖျက်စစ်ပွဲ_ဇီ
#အဲလ်ဗစ်
‌alatni_ဇလပ်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီသို့

23/08/2025

PreOrder_Now

သတင်း ဟူသည် အချက်အလက် တိကျမှုကို အခြေခံသော စာပေအမျိုးအစား ဖြစ်သည်။

ဝတ္ထု ဟူသည် ခံစားမှုကို အခြေခံသော စာပေအမျိုးအစား ဖြစ်သည်။

ယင်း နှစ်ခုကို ပေါင်းစုသော သတင်းဝတ္ထု...။ ငယ်ငယ်တုန်းကတော့ သတင်းထောက်... တဲ့။ ရေးသားသူက မြန်မာ့သတင်းစာလောက၏ ပထမဦးဆုံးသော အမျိုးသမီး သတင်းထောက် ဖြစ်ခဲ့သူ ဆရာမကြီး စမ်းစမ်းနွဲ့ (သာယာဝတီ)။

စာပေလေ့လာသူများ ဖတ်ရှုလေ့လာသင့်သော စာအုပ်...။

ဇလပ်နီစာပေ၏ အုပ်ရေ (၁၀၀) ပြည့် အထိမ်းအမှတ် အဖြစ် ဂုဏ်ယူစွာ ထုတ်ဝေပါသည်။

* စာအုပ်အမည် - ငယ်ငယ်တုန်းကတော့ သတင်းထောက်
* စာရေးသူ - စမ်းစမ်းနွဲ့(သာယာဝတီ)
* စာမျက်နှာ - 96 မျက်နှာ
* ရောင်းဈေး - ၆၀၀၀ ကျပ်

◾️◾️◾️
ဇလပ်နီစာပေတိုက်ထုတ် စာအုပ်များနှင့် အခြားတိုက်ထုတ် စာအုပ်များကို
🟢 Online က တဆင့် မှာယူလိုပါက...
* Website
* - zalatnisarpay.com ( 24 Hours)
* 09899640668
* 09447268267
* Za Lat Ni - ဇလပ်နီစာပေ ၏ Chat box
https://m.me/2193155520719889?source=qr_link_share
များသို့ ဆက်သွယ် မှာယူနိုင်ပါသည်။

🟢 လူကိုယ်တိုင် လာရောက် ဝယ်ယူလိုပါက-
* ဇလပ်နီစာပေ ၊ The Lantern House Classic Art Aera ၊ ဝန်ကြီးများရုံး၊ အနော်ရထားလမ်းနှင့် ဗိုလ်အောင်ကျော်လမ်းထောင့်၊ ဘိုတထောင်မြို့နယ်၊ ရန်ကုန်မြို့ တွင် လည်းကောင်း၊ (စနေ၊ တနင်္ဂနွေ)
* ဇလပ်နီစာပေ ၊ အမှတ် 132၊ ပထမထပ်၊ 27 လမ်း(အလယ်)၊ ပန်းဘဲတန်းမြို့နယ်၊ ရန်ကုန်မြို့(ယာယီ)တွင် လည်းကောင်း (အင်္ဂါ မှ သောကြာ) လာရောက် ဝယ်ယူနိုင်ပါသည်။

🟢 အရောင်းကိုယ်စားလှယ်များ၊ Online Shop များ၊ စာကြည့်တိုက်များကို အထူးနှုန်းဖြင့် စီမံပေးလျက် ရှိပါသည်။

🚚 ပို့ဆောင်ခ...
ဘယ်နှအုပ်မှာမှာ 👉 ➡️ ရန်ကုန်မြို့တွင်း - ၁၅၀၀ ကျပ်၊ ကျန်မြို့များ - ၃၀၀၀ ကျပ်သာ ကျသင့်ပါမယ်။
❌️ ထပ်တိုး အုပ်ရေများအတွက် ထပ်တိုး ပို့ဆောင်ခ ပေးရန် မလိုပါ။
🚎 ကားဂိတ်မှ အမှာများကတော့ ကားဂိတ်က ကောက်ခံသည့်အတိုင်း ကျသင့်မှာ ဖြစ်ပါတယ်။

#ငယ်ငယ်တုန်းကတော့သတင်းထောက်
#စမ်းစမ်းနွဲ့
‌alatni_ဇလပ်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီသို့

23/08/2025

အားနှင့်မာန်နှင့် တောင်ဟုန်ဖွင့်နေဆဲ အမျိုးသမီး စာရေးဆရာ

🌟 ဆရာမကြီး စမ်းစမ်းနွဲ့(သာယာဝတီ) ၏ အတ္ထုပ္ပတ္တိအကျဉ်း 🌟

🌟 ၁၉၄၅ - စမ်းစမ်းနွဲ့(သာယာဝတီ)ကို ၁၉၄၅ ခုနှစ်၊ ဩဂုတ်လ ၂၈ ရက်၊ အင်္ဂါနေ့တွင် သာယာဝတီမြို့၌ အဖကုန်သည် ဦးတင်မောင်၊ အမိ ဒေါ်ပုစိန်တို့မှ မွေးဖွားခဲ့သည်။
* ၁၉၅၀ - ၁၉၅၈ - သာယာဝတီမြို့၊ ကွက်သစ်စံပြ အလယ် တန်းကျောင်းတွင် မူလတန်းမှ သတ္တမတန်း အောင်သည်အထိ ပညာ သင်ကြားခဲ့သည်။
* ၁၉၅၈ - ၁၉၆၁ - သာယာဝတီမြို့ အစိုးရ အထက်တန်း ကျောင်းတွင် အထက်တန်းပညာများ သင်ကြားရင်း ကဗျာများ စတင် ရေးသားခဲ့သည်။ တိုင်းရင်းမေဂျာနယ်၊ ကလေးဂျာနယ်၊ နော်ရထာ ဂျာနယ်တို့တွင် ကဗျာများ ရေးသားခဲ့သည်။ တိုင်းရင်းမေဂျာနယ်တွင် ဖော်ပြခံခဲ့ရသော 'လေပမာ တိမ်ပမာ ကဗျာမှာ ပထမဦးဆုံး ပုံနှိပ်စာမူ ဖြစ်သည်။
* ၁၉၆ဝ - ၁၉၆၄ - ဗိုလ်တထောင်၊ ပြည်သူ့အိုးဝေ၊ နိုင်ငံသစ်၊ အမျိုးသား သတင်းစာတို့တွင် သာယာဝတီမြို့နယ် သတင်းထောက် အဖြစ် ဆောင်ရွက်ရင်း ရှုမဝ၊ မြဝတီ၊ ငွေတာရီ၊ မိုးဝေ၊ ရုပ်ရှင်ပဒေသာ၊ ရှုဒေါင့်ဂျာနယ်၊ တိုင်းရင်းမေဂျာနယ်တို့တွင် ကဗျာများ ရေးသားခဲ့ သည်။
* ၁၉၆၂ - ရန်ကုန်မြို့၊ ကမ္ဘာအေးကုန်းမြေတွင် ဖွင့်လှစ်ခဲ့သော မြန်မာနိုင်ငံလုံးဆိုင်ရာ သတင်းထောက်များ ရက်တိုသင်တန်းတွင် တဦးတည်းသော အမျိုးသမီး သတင်းထောက်အဖြစ် တက်ရောက်ခဲ့သည်။
* ၁၉၆၄ - သလ္လာမြေယုလွင်၊ ဇင်မင်းခိုင်၊ သလ္လာမြေစောသူ၊ ဇော်ဝင်းသန့်တို့နှင့် တွဲ၍ ညီအစ်ကိုမောင်နှမ ကဗျာဝိုင်း အမည်ရှိ ကဗျာစာအုပ်အား ထုတ်ဝေခဲ့သည်။
* ၁၉၆၅ - စာရေးဆရာ ထွန်းညွန့်ဦးနှင့် အိမ်ထောင်ပြုသည်။ ၁၉၆၅ - ၁၉၆၉ - ကြို့ပင်ကောက်မြို့တွင် ကုန်သွယ်ရေး ဆိုင်ထိုင် အဖြစ် လုပ်ကိုင်ခဲ့သည်။
* ၁၉၇၄ - ပထမဦးဆုံး လုံးချင်းဝတ္ထု ‘မြမရှား စိန်မရှား အလွန်ပင်များပါရဲ့ ကို ရေးသား ထုတ်ဝေခဲ့သည်။
* ၁၉၈၀ - ၁၉၉၀ - လုံးချင်းဝတ္ထုများ၊ နှစ်ယောက်တွဲ လုံးချင်းများ ထုတ်ဝေခဲ့သည်။
* ၁၉၈ဝ - ၁၉၈၇ - မဂ္ဂဇင်းဝတ္ထုတို၊ ဝတ္ထုရှည်နှင့် ကဗျာများ စာနယ်ဇင်း များတွင် ရေးသားခဲ့သည်။
* ၁၉၈၂ - 'ခေါက်ထီးကလေး မလုံ့တလုံ ဝတ္ထုအား ဂျပန် - ဘာသာသို့ ပြန်ဆိုခြင်း ခံခဲ့ရသည်။
* ၁၉၈၈ အိပ်မက်ဖူး မဂ္ဂဇင်း၏ စာတည်းချုပ်နှင့် ဂီတပဒေသာမဂ္ဂဇင်း၏ စီစဉ်ဆောင်ရွက်မှု အယ်ဒီတာအဖြစ် လုပ်ဆောင်ခဲ့သည်။
* ၁၉၈၈ - အမျိုးသားဒီမိုကရေစီအဖွဲ့ချုပ်၏ တတ်သိပညာရှင် ဗဟိုအဖွဲ့ဝင်နှင့် ပဲခူးတိုင်း စည်းရုံးရေးမှူးအဖြစ် နိုင်ငံရေး လှုပ်ရှားမှု များတွင် ပါဝင်ဆောင်ရွက်ခဲ့သည်။
* ၁၉၈၈ - Pen Canada မှ ချီးမြှင့်သော Press Freedom Award ဆု ရရှိခဲ့သည်။
* ၁၉၈၉ ‘ကမ်းမမြင် လမ်းမမြင်’ မဂ္ဂဇင်းဝတ္ထုတိုအား မောင်သာရ ဝတ္ထုတိုဆု ချီးမြှင့်ခြင်း ခံခဲ့ရသည်။
* ၁၉၈၉ - ၁၉၉၀ - ပုဒ်မ ၁၀(က) ဖြင့် အင်းစိန်အကျဉ်းထောင် မ/ကျတိုက်တွင် (၁၀)လ အကျဉ်းချခံခဲ့ရသည်။
* ၁၉၉၄-၂၀၀၀ - ပုဒ်မ ၅(င)၊ ပုဒ်မ ၁၇(၁) တို့ဖြင့် အင်းစိန် အကျဉ်းထောင် မ/ကျတိုက်တွင် (၁၀)နှစ် အကျဉ်းချခံခဲ့ရသည်။
* ၁၉၉၉ - ပြင်သစ်အခြေစိုက် နယ်စည်းမထား သတင်း ထောက်များ အသင်းမှ သတင်းလွတ်လပ်ခွင့်ဆုနှင့် World Association of Newspaper & Golden Pen of Freedom ဆုများ ချီးမြှင့်ခဲ့သည်။ အပြည်ပြည်ဆိုင်ရာ လူ့အခွင့်အရေးကော်မတီမှ ချီးမြှင့်သော လူ့အခွင့်အရေးဆု ရရှိခဲ့သည်။
* ၂ဝဝ၁ - အင်းစိန် အကျဉ်းထောင်မှ ပြန်လည် လွတ်မြောက်လာခဲ့သည်။
* ၂ဝဝ၃ - မြရည်သီတာမဂ္ဂဇင်းတွင် စွန့်ပစ်ပစ္စည်း အမည်ရှိ မဂ္ဂဇင်း ဝတ္ထုဖြင့် စာပေ ပြန်လည်ရေးသားခဲ့ပြီး ယခုအချိန်အထိ ဝတ္ထုတို၊ ဝတ္ထုရှည်များ၊ ဆောင်းပါးများ ရေးသားလျက် ရှိသည်။

⭐ ရေးသား ထုတ်ဝေခဲ့သည့် စာအုပ်များ (၁၉၅၈ - ၂ဝ၂၅) ⭐

၁။ ညီအစ်ကိုမောင်နှမ ကဗျာဝိုင်း
၂။ မြမရှား စိန်မရှား အလွန်ပင် များပါရဲ့
၃။ ကမ္ဘာကြီးနဲ့ ကိုင်ပေါက်မယ်
၄။ မဟူရာ အကျဉ်းထောင်
၅။ နှစ်ဆယ်ရာစု ငြိမ်းငြိမ်းနု
၆။ ခေါက်ထီးကလေး မလုံ့တလုံ
၇။ ကိုကိုကံရာဇာ
၈။ ပုလဲသီ တကွဲစီ (ချစ်ဦးညိုနှင့် တွဲဖက်၍)
၉။ တခါတုန်းကတော့ မဟေသီ
၁၀။ ဘယ်သူလဲ၊ ဘာကြောင့်လဲ၊ ဘယ်လိုလဲ
၁၁။ ကေသွယ်အဏုမြူ
၁၂။ အေးစက်မာကျောတဲ့ အသည်းနှလုံးကို စကားမပြောနဲ့တဲ့
(ငြိမ်းကျော်နှင့် တွဲဖက်၍)
၁၃။ တကောင်တည်းပဲ ဒါပေမဲ့ ခြင်္သေ့
၁၄။ သတ္တိရှိရင် မြေကြီး နင်းကြည့်ပါလား
၁၅။ အားသစ်ယူ၍ လူဖြစ်စေသတည်း
(မောင်စိန်ဝင်း- ပုတီးကုန်းနှင့် တွဲဖက်၍)
၁၆။ နေပွင့်ပန်း၏ အပြာရောင် စာမျက်နှာသစ်
၁၇။ ဝတ္ထုဖတ်တဲ့ အားနွဲ့သူ တယောက်အကြောင်းနှင့် ဝတ္ထုစဉ်
(မြင့်မောင်မောင်၊ ငြိမ်းကျော်၊ မစန္ဒာတို့နှင့် တွဲဖက်၍)
၁၈။ သမုဒယ သုံးရာသီ
(မောင်စိန်ဝင်း-ပုတီးကုန်း၊ သိုး တို့နှင့် တွဲဖက်၍)
၁၉။ မဟေသီ ရီရီမြ
(မာန်-တောင်လုံးပြန်နှင့် တွဲဖက်၍)
၂၀။ ဝေါ(လ်)ဝိုက်(ဒ်)ဝက်(ဘ်)ထဲမှာ စက်လည်း ပျော်ပါနိုင်နှင့် မဂ္ဂဇင်း ဝတ္ထုရှည်များ
၂၁။ နိုင်ချင်လို့လား၊ မုန်းလို့လား
၂၂။ သတင်းဝတ္ထုနှင့် အခြား
၂၃။ သံသရာရေ တကျိုက်၊ နှစ်ကျိုက်နှင့် မဂ္ဂဇင်းဝတ္ထုတိုများ
၂၄။ စမ်းစမ်းနွဲ့ (သာယာဝတီ)နှင့် လင်းလွန်းခင်
၂၅။ သာယာဝတီ ရင်ပြင်နီနှင့် အခြားကဗျာများ
၂၆။ သမုဒယရာသီ
(မောင်စိန်ဝင်း-ပုတီးကုန်းနှင့် တွဲဖက်၍)
၂၇။ အနီတဝက် အနက်တခြမ်း
(သင်းရီ၊ ဝင်းဝင်းမြင့်-နန်းတော်ရှေ့တို့နှင့် တွဲဖက်၍)
၂၈။ စကားမပြောနဲ့တဲ့ မောင် (လေးကိုတင်နှင့် တွဲဖက်၍)
၂၉။ မဟေသီ အပုလေး ငွေအတို့မြေ (ခင်သန္တာနှင့် တွဲဖက်၍)
၃၀။ ရွက်လွှင့်ရေဆန် - ၇၅
၃၁။ နှင်းဆီကြေးမုံ မဂ္ဂဇင်းဝတ္ထုရှည်များ
၃၂။ စကားမပြောနဲ့တဲ့နှင့် မဂ္ဂဇင်းဝတ္ထုရှည်များ
၃၃။ သူ့ကို ကိုယ်ကြည့်၊ ကိုယ့်သူကြည့်နဲ့ မဂ္ဂဇင်းဝတ္ထုရှည်များ
၃၄။ ချစ်လက်စ မကုန်ချင်ဘူးကွယ် မဂ္ဂဇင်းဝတ္ထုတိုများ
၃၅။ ငယ်ငယ်တုန်းကတော့ သတင်းထောက် သတင်းဝတ္ထုများ
၃၆။ ငါယောကျ်ား (ရုပ်ပြ)
🌟 🌟 🌟

22/08/2025

ဆရာမကြီး စမ်းစမ်းနွဲ့(သာယာဝတီ)၏ အသက် (၈၀) ပြည့် မွေးနေ့နှင့် ဇလပ်နီရာပြည့် (စာအုပ်အမှတ် ၁၀၀ ပြည့်) အထိမ်းအမှတ်အဖြစ် မကြာမီ ထွက်ရှိပါမည်။

#ဇလပ်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီသို့

20/08/2025

🔸 ဂျပန်နိုင်ငံရဲ့ ယဉ်ကျေးမှု ဓလေ့ထုံစံကို စိတ်ဝင်စားသူတိုင်း၊ ဂျပန်ကို သွားရောက်လိုသူတိုင်း ဖတ်ရှုသင့်တဲ့ စာအုပ်တအုပ်...။

🧿 ဂျပန်ကို သွားဖို့ ပြင်ဆင်နေပြီလား...။

🔸 ဂျပန်လူမျိုးတွေရဲ့ ယဉ်ကျေးမှု၊ ဓလေ့ဘာဝကို သိလိုသလား...။

🔸 ဂျပန်ဟာ မြန်မာနဲ့ ယဉ်ကျေးမှု ကူးလူးစပ်ယှက်မှုတွေ၊ ချစ်ကြည်ရင်းနှီးမှုတွေ ရှိတဲ့ နိုင်ငံ တနိုင်ငံပဲ ဖြစ်ပါတယ်။

🔸 အဲဒီလို ရင်းနှီးမှု ရှိပြီးဖြစ်တဲ့ ဂျပန်လူမျိုးတွေရဲ့ နေ့စဉ် လူနေမှု အမူအကျင့်၊ ဓလေ့စရိုက်၊ ယဉ်ကျေးမှုတွေ အကြောင်းကို ဂျပန်နိုင်ငံမှာ နှစ်ရှည်လများ နေထိုင်နေတဲ့ ဆရာ လူခါးက ကိုယ်တွေ့နဲ့ ယှဉ်လို့ ထဲထဲဝင်ဝင် ရေးသားထားတဲ့...

🔹 ဂျပန်များနှင့် နေထိုင်ခြင်း 🔹
🖋️ လူခါး
🗒 စာမျက်နှာ - 128
💸ရောင်းဈေး - 8000 ကျပ်
📃 စက္ကူ woodfree Paper 60gm

https://www.zalatnisarpay.com/books/gyapanmyaanhngundefined-netaaingkhyin

⭐ သင်တန်းကျောင်းများနှင့် အဖွဲ့အစည်းများမှ မှာယူလိုပါက ကြိုတင်မှာယူနိုင်ပါပြီ။ ဈေးနှုန်းကိုလည်းအထူးနှုန်းဖြင့် စီမံပေးလျက် ရှိပါသည်။ ⭐

🟢 Online က တဆင့် မှာယူလိုပါက...
* Website
* - zalatnisarpay.com ( 24 Hours)
* 09899640668
* 09447268267 (viber)
* Za Lat Ni - ဇလပ်နီစာပေ ၏ Chat box
https://m.me/2193155520719889?source=qr_link_share
များသို့ ဆက်သွယ် မှာယူနိုင်ပါသည်။

🟢 လူကိုယ်တိုင် လာရောက် ဝယ်ယူလိုပါက-
* ဇလပ်နီစာပေ ၊ The Lantern House Classic Art Aera ၊ ဝန်ကြီးများရုံး၊ အနော်ရထားလမ်းနှင့် ဗိုလ်အောင်ကျော်လမ်းထောင့်၊ ဘိုတထောင်မြို့နယ်၊ ရန်ကုန်မြို့ တွင် လည်းကောင်း၊ (စနေ၊ တနင်္ဂနွေ)
* ဇလပ်နီစာပေ ၊ အမှတ် 132၊ ပထမထပ်၊ 27 လမ်း(အလယ်)၊ ပန်းဘဲတန်းမြို့နယ်၊ ရန်ကုန်မြို့(ယာယီ)တွင် လည်းကောင်း (အင်္ဂါ မှ သောကြာ) လာရောက် ဝယ်ယူနိုင်ပါသည်။

🟢 အရောင်းကိုယ်စားလှယ်များ၊ Online Shop များ၊ စာကြည့်တိုက်များကို အထူးနှုန်းဖြင့် စီမံပေးလျက် ရှိပါသည်။

🚚 ပို့ဆောင်ခ...
ဘယ်နှအုပ်မှာမှာ 👉 ➡️ ရန်ကုန်မြို့တွင်း - ၁၅၀၀ ကျပ်၊ ကျန်မြို့များ - ၃၀၀၀ ကျပ်သာ ကျသင့်ပါမယ်။
❌️ ထပ်တိုး အုပ်ရေများအတွက် ထပ်တိုး ပို့ဆောင်ခ ပေးရန် မလိုပါ။
🚎 ကားဂိတ်မှ အမှာများကတော့ ကားဂိတ်က ကောက်ခံသည့်အတိုင်း ကျသင့်မှာ ဖြစ်ပါတယ်။

#ဂျပန်များနှင့်နေထိုင်ခြင်း
#လူခါး
‌alatni_ဇလပ်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီသို့

16/08/2025

အို အောင်ဩဇာရေ

ရန်ကုန်ကနေ ပစ္စည်းတွေကို သွားယူဖို့ ဖြစ်လာတဲ့နေရာက လေယာဉ်ကွင်းမှာ မဟုတ်ပါ။ လေယာဉ်နဲ့က ရက်တွေစောင့်ရမယ်ဆိုလို့ လူကြုံနဲ့ ပစ္စည်းတွေထည့်ပေးလိုက်တယ်ဆိုပြီး Bangkok က လိပ်စာတစ်ခုပဲ ပို့ပေးလာပြီး ကောင်မလေးက ‌စာမပြန်တော့။ ဖုန်းနံပါတ်ရော တခြားဘာအချက်အလက်မှ ထပ်မပါတာမို့လို့ လူက မလှုပ်ချင်တဲ့ကြားကနေ
ကိုယ်တိုင်သွားယူလိုက်ဖို့ကလွဲရင် ရွေးချယ်စရာမရှိ။ လိပ်စာထဲကနေရာကို ရောက်တော့ Hotel တစ်ခု.. အခန်းနံပါတ်ကို ပြောလိုက်တာနဲ့ Hotel က အကြောင်းကြားပေးပြီး bell boy ကအခန်းဆီကို လိုက်ပို့ပေးတယ်။ Lobby ကိုလာပေးလိုက်ရင် ရသားနဲ့လို့ တွေးမိပေမယ့် ကီလိုနှစ်ဆယ်ကိုတော့ အသာကလေးကျော်နေနိုင်လောက်တဲ့ ကိုယ့်ပစ္စည်းတွေကို ယူလာပေးတာကပဲ အားနာစရာ မဟုတ်လား။

အခန်းတံခါးကို ခေါက်လိုက်တော့ ထွက်လာတာက အောင်ဩဇာ။ ချက်ခြင်းလှည့်ပြီး ထွက်ပြေးတဲ့ကျမကို အောင်ဩဇာက အရုပ်တစ်ရုပ်လို ခါးကနေဆွဲပွေ့ပြီး အခန်းထဲကို ဆွဲထည့်လိုက်တယ်။ ပြီးတော့ အခန်းတံခါးကို သော့ခတ်၊ သူ့ကျောနဲ့ပါ မှီပိတ်ထားပြီး သူ့အခန်းထဲမှာ ဆောက်တည်ရာမရနဲ့ ထွက်ပြေးဖို့ လုပ်နေတဲ့ ကျမကို ငြိမ်ငြိမ်ကလေး ရပ်ကြည့်နေတယ်။

“တောင်းပန်ပါတယ် အောင်ဩဇာရဲ့ ငါနင့်ကို ကြောက်လို့ပါ.. ငါနင့်ကို မျက်နှာချင်း မဆိုင်ရဲလွန်းလို့ပါ..”

သူ့ရှေ့မှာ ဒူးထောက်ခွေကျရင်း ဗလုံးဗထွေးနဲ့ တောင်းပန်ငိုယိုနေတဲ့ ကျမကို အောင်ဩဇာက သူပါ ကြမ်းပြင်ပေါ်ကို ထိုင်ချပြီး ဘာမှမပြောဘဲ ငေးကြည့်နေတယ်။ သူ့မျက်လုံးထဲမှာမြင်ရတဲ့ နာကျင်မှုတွေက ကျမအသည်းနှလုံးတွေကို တလွှာချင်းဆွဲခွာနေသလိုမျိုး။

“ကျနော့်ကို မမြင်ချင်တော့ဘူးဆိုရင်လည်း အစ်မဒီလို ထွက်သွားစရာ မလိုအပ်ဘူးလေ အစ်မရယ်..”

ကျမနဲ့အောင်ဩဇာ တစ်ယောက်ကိုတစ်ယောက် စကားမပြောကြဘဲ ကြမ်းပြင်မှာပဲ ထိုင်နေခဲ့ကြတယ်။ ကြမ်းပြင်ပေါ်မှာခင်းထားတဲ့ Hotel ကြမ်းခင်းကော်ဇောက အကွက်စိပ်ကလေးတွေကို အဓိပ္ပါယ်မဲ့ ရေတွက်နေမိခဲ့တာ အချိန်တွေဘယ်လောက် ကုန်ဆုံးသွားမှန်းကို မသိနိုင်တော့။ သူနဲ့ကျမကြားက တိတ်ဆိတ်မှုအလွှာပါးလေးဟာ အချိန်နဲ့အမျှ လေးလံထူထဲလာတယ်။

“ငါ ပန်သစ္စာကို ရှာတွေ့ခဲ့တယ်လို့ ထင်တယ် အောင်ဩဇာ..”

တိတ်ဆိတ်မှုကို ဖြိုခွဲလိုက်တဲ့ ကျမရဲ့စကားကို အောင်ဩဇာက အံ့ဩသွားပုံမရပါ။

“ဒေါ်ရူပါမြင့်မြင့်ဦးနဲ့ ဖေဖေ့ရဲ့ အလုပ်ခန်းထဲမှာ ငါ Pointe shoe တစ်ရံကို ငါရှာတွေ့ခဲ့တယ်..”

“အစ်မ‌က အဲ့ဒါကြောင့် ထွက်ပြေးသွားတာလား..”

“နင် ဒါတွေကို သိပြီးသားလား..”

“ကျနော်တို့ တစ်မိသားစုလုံး အဲ့ဒီအခန်းကို သိတယ်၊ ဆရာဦးကျော်မင်း နောက်ဆုံးဆွဲခဲ့တဲ့ ပန်းချီ အခုပြမယ့်ပွဲက Stockholm Syndrome ပုံအတွက် Model ထိုင်ပေးခဲ့တာက မကြီးပန်သစ္စာပဲ..”

ဘုရားရေ ဒါဆိုရင် ဒီပွဲမှာ အရူးမကြီးဖြစ်သွားတာက ကျမတစ်ယောက်တည်းပဲလား။

“အစ်မနဲ့ဒေါ်ရူပါတို့ ဆက်ဆံရေးသိပ်မကောင်းတာကတော့ ဖြစ်လေ့ဖြစ်ထရှိတတ်တဲ့ ကိစ္စဆိုပေမယ့် အစ်မ ဒီလောက်အတွေးခေါင်လိမ့်မယ်လို့ ကျနော်မထင်ထားခဲ့ဖူးဘူး… အစ်မတကယ်ရူးတာပဲ”

ရုတ်တရက်ကြီး စိတ်သက်သာသွားပုံရတဲ့ အောင်ဩဇာက ကျမကို ထရယ်တော့ ကျမမှာ တအုံနွေးနွေးနဲ့ တွေးပြီး ရှက်နေရတုန်း။ လူကြီးရှက်တော့ရယ် ဆိုတဲ့အတိုင်း ကျမပါလိုက်ရယ်ရင်းနဲ့ သူနဲ့ကျမကြားက တံတိုင်းကြီးက ပြိုကျသွားတယ်။ နှုတ်ခမ်းချင်းထိတွေ့မိမှ သူ့ကို ဘယ်လောက်တောင် လွမ်းဆွတ်နေရကြောင်း ကျမကိုယ်ကျမ သတိထားမိတော့တယ်။ အောင်ဩဇာက ကျမကို မလွှတ်တမ်းဖက်ထားရင်းကနေ ထွက်ပြေးသွားတဲ့ ကျမအကြောင်းကို စလို့၊ နောက်လို့ မဆုံးတော့။

Hotel ကနေ ကျမငှားထားတဲ့ Air bnb ကို အောင်ဩဇာက ပြောင်းလာတယ်။ ကျမအထုပ်အပိုးတွေချည့် သယ်လာရလို့ သူ့အသုံးအဆောင်တချို့ကို ဒီရောက်မှပဲ သွားဝယ်ကြတယ်။ ဒီမှာ တစ်ပတ်လောက်အတူနေပြီးရင် ကျမက Canberra ကို ပြန်ရမယ်၊ သူကတော့ Stockholm Syndrome ပြပွဲမတိုင်ခင် နှစ်ရက်လောက်ကြိုပြန်ပြီး ပြပွဲပြီးမှ Bangkok ကနေ Sydney ကို ပြန်မယ်။

သူအလုပ်လုပ်နေတဲ့ Sydney နဲ့ ကျမအလုပ်ရှိတဲ့ Canberra က ကားမောင်းသွားရင်လည်း သုံးနာရီလောက်ပဲ ကြာတာဆိုတော့ သူနဲ့ကျမ နှစ်ပတ်ကို တစ်ကြိမ်လောက်တော့ Weekend တွေမှာ အသွားအပြန်လုပ်ရင်း တွေ့လို့ရမယ်။

“အောင်ဩဇာ.. ငါလေ”

“ထွက်မပြေးခင် ညကလို မောင်လို့ ခေါ်စမ်းပါဆိုဗျာ.. ဒီတခါ အောင်ဩဇာလို့ ခေါ်ရင် မထူးဘူး”

အောင်ဩဇာက သူ့ဆန္ဒကို ဂျစ်တိုက်ဖော်ထုတ်ပေမယ့် ကျမကလည်း ကျမ၊ သူ့ကို မောင်လို့ ခေါ်ရမှာကို မခေါ်နိုင်အောင် ရှက်နေတုန်း။

“ဪ ငါပြောတာက ငါ့ဘာငါ တခြားနိုင်ငံတခုခုကို ဖြစ်ဖြစ် အစကတည်းက သွားလည်လိုက်ရင် အကောင်းသားလို့..”

“အဲ့လိုသွားလည်လိုက်ရင် ကျနော်နဲ့ ဘယ်‌တွေ့တော့မလဲဗျ..”

“နင်ပြောတော့ လွန်ခဲ့တဲ့ ဆယ့်ငါးနှစ်ကတည်းက ငါ့ကိုကြိုက်တာဆို.. တနိုင်ငံထဲမှာ အတူရှိနေကြတုန်းကတောင် လာမတွေ့ခဲ့ဘဲနဲ့များ..”

“အဲ့ဒီအချိန်တွေ ကျနော်လာတွေ့ခဲ့ရင်ရော အစ်မက ပြန်ကြိုက်မှာကျလို့ ငချွတ်ကလေးဆိုပြီး ဟားလွှတ်မယ့် မိန်းမကြီးကများ...”

အတူရှိရတဲ့နေ့ရက်တွေက ဘာလိုလိုနဲ့ မျက်စိတမှိတ်အတွင်း ကုန်ဆုံးသွားတော့မယ်။ မနက်ဖြန်ညနေဆိုရင် သူက အရင်ဆုံး ရန်ကုန်ကို ပြန်သွားမှာဖြစ်ပြီး ကျမကတော့ သဘက်ခါညမှ လေယာဉ်စီးရမယ်။

ညစာမစားခင် ရေကူးကန်မှာ ရေကူးရင်း အချိန်ဖြုန်းနေကြတုန်း ကျမဖုန်းထဲကို Email တစ်စောင်ဝင်လာတယ်။ ဖေဖေ့လက်ရာတွေကို ဝယ်ယူထားတဲ့ ပြင်သစ်က ပန်းချီပြခန်းပိုင်ရှင်ဆီကစာ။ သူ့ဆီကို ရန်ကုန်မှာကတည်းက စာပို့ထားခဲ့ပေမယ့် ပြန်စာက အခုမှရောက်လာတာ။ ပြန်စာနဲ့အတူ တွဲထားတဲ့ Attachment file တစ်ခု။

File ထဲမှာ လွန်ခဲ့တဲ့ ဆယ့်‌ခုနှစ်နှစ်က ဖေဖေ့ဆီကနေ သူဝယ်ယူထားခဲ့တဲ့ ဖေဖေ့ရဲ့ ပန်းချီကားတစ်ခုဖြစ်တဲ့ “The Crimson Pact” ဆိုတဲ့ ပန်းချီကားရဲ့အကြောင်း အသေးစိတ် ရှင်းလင်းချက်အပါအဝင် သူကနေ ဆက်သွယ်ပေးလို့ တခြားဝယ်ယူသွားတဲ့ ပန်းချီပြခန်းတွေကို ဆက်သွယ်ဖို့ အကြောင်းအရာတွေ။ File ထဲက အချက်အလက်တွေ နဲ့ ပြန်စာကိုဖတ်ပြီးတဲ့နောက်မှာ ကြည်လင်နေတဲ့ Bangkok မြို့ရဲ့ ကောင်းကင်ကြီးကပဲ ကျမဆီကို ဝုန်းကနဲ..ပြိုကျလာသလိုမျိုး။

အောင်ဩဇာနဲ့ကျမ တစ်ညလုံးမအိပ်ကြဘဲ ဖေဖေ့ရဲ့နောက်ခံအချက်အလက်တွေကို ရှာကြ၊ ပြင်သစ်နဲ့ အင်္ဂလန်က ဖေဖေနဲ့ပတ်သက်ဖူးတဲ့ ပန်းချီပန်းပု အဆက်အသွယ်တွေကို ရှာဖွေကြတယ်။ နောက်ဆုံးမှာတော့ ကိုဝေဠုရေးခဲ့တဲ့ ဖေဖေ့ရဲ့ Biography ထဲမှာ မပါတဲ့ ဖေဖေ့ရဲ့ သီးသန့်ပြပွဲတစ်ခု အကြောင်းကို ရှာတွေ့ခဲ့ပြီ။ ခက်ခက်ခဲခဲကြီး ရှာတွေ့တာတော့ မဟုတ်ပေမယ့် မျက်စိအောက်မှာတင် အဲ့ဒီအကြောင်းအရာက ပျောက်ဆုံးနေခဲ့တာ။ ဘာဖြစ်လို့လဲဆိုတော့ ဖေဖေက အဲ့ဒီပန်းချီကားတွေကို မြန်မာပြည်မှာ ရောင်းချခဲ့တာမဟုတ်ဘဲ ဖေဖေမကွယ်လွန်ခင် နှစ်နှစ်အလိုမှာ British ပန်းပုဆရာ Marc Quinn နဲ့ လန်ဒန်မှာသွားတွေ့ရင်း ရောင်းချဖြစ်ခဲ့တာ မို့လို့ပါပဲ။ ကျမရလာတဲ့ File တွေက အဲ့ဒီပန်းချီကားသုံးကားထဲက ပြင်သစ်က ပြခန်းတစ်ခုမှာရှိနေတဲ့ The Crimson Pact ဆိုတဲ့ ပန်းချီကားထဲက ပန်းချီဆေးသားတချို့ဟာ ပန်းချီဆေးတွေကို သွေးနဲ့အတူရောပြီး ရေးဆွဲခဲ့တာ ဆိုတဲ့ စစ်ဆေးချက်အဖြေတွေ ဖြစ်နေခဲ့ပါတယ်။ ပြီးတော့ ကျန်တဲ့ပန်းချီကားတွေထဲက ဘဲလေးကချေသည်ရဲ့ ပုံတွေဟာ ပန်သစ္စာပါလို့ မိသားစုဝင်အချင်းချင်းကသာ အတည်ပြုပေးနိုင်လောက်တဲ့ ပန်သစ္စာနဲ့တူတဲ့ ခန္ဓာကိုယ် အမှတ်အသားတွေ ပါဝင်နေခဲ့ပါတယ်။

စီစဉ်ထားသမျှကိစ္စအားလုံးကိုဖျက်ပြီး ရန်ကုန်ကိုပြန်ဝင်ကြမယ်ဆိုတဲ့ ကျမရဲ့အစီအစဉ်ကို အောင်ဩဇာက လက်မခံဘူး။ ပန်သစ္စာဟာ ဖေဖေနဲ့ ဒေါ်ရူပါရဲ့ Victim တကယ်ပဲ ဖြစ်ခဲ့သလားဆိုတဲ့ ကိစ္စဟာ သူတို့မိသားစုနဲ့ ဖေဖေတို့ကြားက ပြဿနာပဲဖြစ်လို့ အောင်ဩဇာက ကျမကို ဝင်မပါစေချင်ဘူး။

အဖြေရှာနေခဲ့ကြတဲ့ နာရီပိုင်းအတွင်းမှာ အောင်ဩဇာရဲ့ ဝမ်းနည်းပြိုလဲမှုဟာ အထင်းသား။ “ဒီကိစ္စက အစ်မနဲ့ဘာမှမဆိုင်ဘူး၊ အစ်မဆီမှာ ဘာတာဝန်မှ မရှိဘူး..” လို့ကျမကို တတွတ်တွတ်နဲ့ သူပြောနေပေမယ့် ဒီလိပ်ပြာမလုံနိုင်မှုကြီးက ကျမတို့နှစ်ယောက်ကြားမှာ ဘယ်လိုနည်းနဲ့မှ ဖျောက်လို့မရတဲ့ အရိပ်မည်းတစ်ခုလို ရှိနေခဲ့တာကို သူရောကျမပါ သိနေခဲ့ကြပြီ။

“အနုပညာရှင်တွေက သူတို့ရဲ့ အသွေးအသားကို အနုပညာလို့ သဘောထားတတ်ကြတာ အစ်မလည်း သိသားပဲ၊ ဒီတော့ ဒါတွေက ဆရာဦးကျော်မင်းရဲ့ သွေးလည်းဖြစ်နေနိုင်တယ်။ ပြီးတော့ အဲ့ဒါတွေက မကြီးရဲ့သွေးလို့ တပ်အပ်မှ ကျနော်တို့ စစ်ဆေးလို့ မရနိုင်တာ။ စစ်လို့ရနိုင်တယ်ပဲ ထားပါဦး.. ဒီလောက်နှစ်ကာလတစ်ခုမှာ ပန်းချီဆေးလို chemical တွေလည်း ရောထားတော့ DNA တွေလည်း ပျောက်သွားလောက်ပြီ။ သူတို့ဖော်ပြချက်မှာတောင် Human blood လား၊ Animal blood လားလို့တောင် မကွဲပြားတဲ့ဟာ..စစ်နိုင်ခဲ့ရင်တောင် ကျနော်တို့တွေ အချိန်တွေရော ငွေတွေရော အများကြီးပေးရလိမ့်မယ်..”

ဒီစကားတွေက ကျမကိုရှင်းပြဖို့ ပြောနေတယ်လို့ ထင်ရပေမယ့် သူ့ဘာသူ နားလည်လက်ခံနိုင်ဖို့ နားချနေရတဲ့ စကားတွေဆိုတာကို ကျမတို့အချင်းချင်း ဖွင့်မပြောပေမဲ့ သိနေခဲ့ကြတယ်။

“ကျနော် အမေ့ကို ဘယ်ကနေဘယ်လို ပြောရမလဲ မသိဘူး အစ်မရယ်.. ပြီးတော့ ဒေါ်ရူပါမြင့်မြင့်ဦး ဝန်ခံလာအောင်ရော ဘယ်လိုနည်းနဲ့ လုပ်ရမှာလဲ၊ ကျနော်တို့မှာ အဲ့လောက်အထိ သက်သေမခိုင်လုံဘူး။ သူက ဘူးခံငြင်းရင် ကျနော်တို့ ဘာမှ မတတ်နိုင်ဘူး..”

ဒါကြောင့်မို့လို့ပဲ ကျမကို ဒေါ်ရူပါမြင့်မြင့်ဦးက တချို့အမှန်တရားတွေက ရင်ဆိုင်ရတာ လွယ်တယ်၊ လက်ခံရတာကပဲ ခက်ခဲတာလို့ ပြောခဲ့တာပဲ ဖြစ်မယ်။

“ဘာတွေပဲ ဖြစ်လာလာ အစ်မနဲ့ကျနော် လမ်းခွဲမှာ မဟုတ်ဘူးနော်၊ ဒါကို အစ်မ သိတယ် မဟုတ်လား..”

မနက်ကအထိ သူနဲ့ကျမစိတ်ကူးထားတဲ့ ပန်းခင်းကြီးဟာ တညနေအတွင်း မီးလောင်ပြင်တခုလို တအုံနွေးနွေး အငွေ့တလူလူအဖြစ်ကို ပြောင်းလဲသွားခဲ့ကြပြီ။ ကိစ္စတွေအားလုံးဟာ ကျမတို့ တွေးထင်ထားခဲ့သလိုမျိုးသာ မှန်နေခဲ့ရင် ကျမက ဘယ်လိုလုပ်ပြီး သူ့မျက်နှာကိုတသက်လုံး ကြည့်သွားနိုင်ပါ့မလဲ။ အခုလိုအသက်အရွယ်မှာ ချစ်တာသက်သက်နဲ့တော့ ဘဝကိုအတူတူရှေ့ဆက်လိုက်ကြဖို့ မဖြစ်နိုင်ဘူးဆိုတာကို ကျမတို့နှစ်ယောက်လုံး သိနေခဲ့ကြတယ်။

ညမအိပ်တဲ့မြို့လည်ခေါင်က အခန်းတစ်ခုထဲမှာ အိပ်မပျော်နိုင်တဲ့လူနှစ်ယောက်ရဲ့ အတွေးတွေကတော့ ဖြည်လို့မရတဲ့ ချည်ခင်ထွေးတွေလို အဆုံးအစမဲ့ရှည်လျားရှုပ်ထွေးနေတုန်း။

#မယ်လွင့်


The Collector
အခန်း..၉။ The Crimson Pact

13/08/2025

စကား ပြောခဲ့ကြသည်။

သံယောဇဉ်များ ချည်နှောင်ခဲ့ကြသည်။

လက်ဆောင်များ ဖလှယ်ခဲ့ကြသည်။

တယောက် ပြိုလဲသောအခါ တယောက်က ပြန်တည်ဆောက်ပေးကြသည်။

တယောက်ကို တယောက် ဒဏ်ရာများ ပေးခဲ့ကြသည်။ ထို့နောက် တယောက်ကို တယောက် ဆေး ပြန်ထည့်ပေးကြသည်။ ဒဏ်ရာများ ပြန်ချုပ်ပေးကြသည်။

ယခု ကိုယ့်လမ်း ကိုယ်လျှောက်ရန် ပြင်ဆင်စ ပြုနေလေပြီ။ မလွမ်းသော်လည်း သတိရရုံလေး သတိရမိသည်။ အတွေးများသည် ဆက်စပ်ကာ ရောထွေးလာသည်။ သူမ မဟုတ်သော အမျိုးသမီးငယ် တ​ယောက်၏ ပုံရိပ်သည် မြင်ကွင်းထဲတွင် ဖျတ်ခနဲ ပြေးသွားသည်။

သို့သော် နောက်တခေါက် ပြန်တွေးလို့ မရတော့ပေ။

▪▪▪

▪ အိုလီဗာ - နေ့အိပ်မက်ဒိုင်ယာရီ
▪ ဟန်ရုသ
▪ ၃၅၀၀ ကျပ်

#ဟန်ရုသ
#ဇလပ်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီသို့

12/08/2025

မိမိလူမျိုးကို ချစ်သူသည် မိမိတို့၏ ရိုးရာယဉ်ကျေးမှုကို စောင့်ရှောက် ထိန်းသိမ်းလေ့ ရှိသည်။

မိမိတို့၏ ရိုးရာယဉ်ကျေးမှုကို မြတ်နိုးတတ်သူလည်း မိမိတို့၏ လူမျိုးကို ချစ်သူ မည်ပေ၏။

▪ ရိုးရာမှသည် ခေတ်သစ်ဆီသို့ စာအုပ်မှ...

▪▪▪

ဆရာကြီး ဗဂျီအောင်စိုးရဲ့ စာအုပ်များကို စုစည်းဖော်ပြပေးလိုက်ပါတယ်။

၁။ ရိုးရာမှသည် ခေတ်သစ်ဆီသို့ - ၇၀၀၀ ကျပ်
၂။ စာပေါင်းစု - ၉၀၀၀ ကျပ်
၃။ စာမဲ့ကဗျာ - ၄၀၀၀ ကျပ်
၄။ Bagyi Aung Soe (1923- 2023) - ၈၀၀၀၀ ကျပ်

▪▪▪

မှာယူလိုပါက Page Messenger တွင် ဆက်သွယ် မှာယူနိုင်ပါတယ် ခင်ဗျာ။

#ဗဂျီအောင်စိုး

#ဇလပ်နီစာပေ
#စာအုပ်များနှင့်အတူ_စိမ်းလန်းငြိမ်းချမ်းသော_အနာဂတ်နေ့သစ်များဆီသို့

12/08/2025

🌟 စမ်းစမ်းနွဲ့(သာယာဝတီ) စာပေဆု
ဆန်ကာတင်စာရင်း (၁၅) ဦးအား ထုတ်ပြန်ကြေညာခြင်း 🌟
=== === ===

🖋️ ဆရာမကြီး စမ်းစမ်းနွဲ့(သာယာဝတီ) အသက်(၈၀) ပြည့် မွေးနေ့နှင့် စာရေးသက် (၆၀) ပြည့် အထိမ်းအမှတ် ဝတ္ထုတို စာပေဆုအတွက် အနယ်နယ် အရပ်ရပ်မှ စိတ်ပါဝင်စားစွာဖြင့် စာမူများ ပေးပို့ကြသည့် ဆရာ၊ ဆရာမများကို စာပေဆုရွေးချယ်ရေး အဖွဲ့မှ အထူးပင် ကျေးဇူးတင်ရှိပါသည်။

🖋️ ပေးပို့လာသော စာမူများကို The Lantern House Admin Team မှ တာဝန်ယူ လက်ခံခဲ့ပြီး #စာရေးသူများ၏_ကလောင်အမည်_အမည်အရင်း_နေရပ်လိပ်စာများကို_ကုတ်နံပါတ်များဖြင့်_အစားထိုး_သတ်မှတ်ခဲ့ပါသည်။ ထို့နောက် စာမူများအား ဆုရွေးချယ်ရေးအဖွဲ့ထံသို့ စည်းမျဉ်းစည်းကမ်းအတိုင်း စနစ်တကျ ပေးပို့ခဲ့ပါသည်။

🖋️ ဆုရွေးချယ်ရေး အဖွဲ့ဝင်များက စိစစ်ဖတ်ရှု၍ အမှတ်ပေး စနစ်ဖြင့် ရွေးချယ်ခဲ့ပြီးနောက် ဩဂုတ်လ ၁၁ ရက်နေ့တွင် အစည်းအဝေး ပြုလုပ်ပြီး အောက်ပါ ဆန်ကာတင် (၁၅) ဦး စာရင်းကို ထုတ်ပြန်ကြေညာလိုက်ပါသည်။

• စာမူအမည် - လိပ်ပြာလေးတွေ မလုံ့တလုံ့
Code No- TLH_069
ကလောင်အမည် - တောပန်းစံပယ်

• စာမူအမည် - အမိုးဖွင့်အိမ်
Code No- TLH_199
ကလောင်အမည် - ခိုင်တာဇံ(ခေတ္တ မလေးရှား)

• စာမူအမည် - ကလိန်စေ့ ငြမ်းစင်
Code No- TLH_014
ကလောင်အမည် - မီးငှက်(မန္တလေး)

• စာမူအမည် - နှင်းဆီသုံးပွင့်
Code No- TLH_062
ကလောင်အမည် - အယ်မူ

• စာမူအမည် - အဆိုးကို အကောင်းဖြင့် အောင်နိုင်ခြင်း
Code No- TLH_026
ကလောင်အမည် - ခွန်စောလွင်

• စာမူအမည် - ကြွေးဟောင်းနွေးနွေး ဆပ်ခဲ့ပြီ
Code No- TLH_217
ကလောင်အမည် - နန်းမို့မို့ဦး(တောင်ငူ)

• စာမူအမည် - ကိုယ်တိုင်ရေးတဲ့ ကံကြမ္မာကတ်ပြားတွေ
Code No- TLH_012
ကလောင်အမည် - မောင်ပြည်သိမ်း(မကွေး)

• စာမူအမည် - ငိုချင်သောသူ
Code No- TLH_022
ကလောင်အမည် - ပြာလဲ့ရီဝေ

• စာမူအမည် - သစ်မရောက် ဝါးမကူနိုင်သေးသော်လည်း
Code No- TLH_232
ကလောင်အမည် - မင်းခိုင်

• စာမူအမည် - ဆုတောင်းနေလျက် ပြန်ဆုံရက်
Code No- TLH_018
ကလောင်အမည် - ခင်မောင်သိန်း

• စာမူအမည် - မရေးဖြစ်သော ဝတ္ထုများ
Code No- TLH_046
ကလောင်အမည် - သော်စိုးနေ

• စာမူအမည် - သားကောင်များ
Code No- TLH_070
ကလောင်အမည် - ဘကြီးထွန်း(စာပန်းအိမ်)

• စာမူအမည် - အဆုံးသတ်ခက်တဲ့ နိဂုံး
Code No- TLH_075
ကလောင်အမည် - ခင်ယုသွေး

• စာမူအမည် - မေရီ့လျှို့ဝှက်ချက်
Code No- TLH_194
ကလောင်အမည် - VON (ဗွန်)

• စာမူအမည် - ထပ်ညွှန်းကိန်း နှလုံးသား
Code No- TLH_202
ကလောင်အမည် - မောင်ငြိမ်းမွန်(ချောင်းဦး) တို့ ဖြစ်ပါသည်။

🖋️ အထက်ပါ ဆန်ကာတင် (၁၅) ဦးထဲမှ ပထမဆု၊ ဒုတိယဆု၊ တတိယဆုနှင့် အထူးဆုများကို ဆရာမကြီး စမ်းစမ်းနွဲ့(သာယာဝတီ)၏ မွေးနေ့အခမ်းအနားတွင် ရွေးချယ် ကြေညာပေးသွားမည် ဖြစ်ပါသည်။

🔴 ဆုချီးမြှင့်ခြင်း 🔴
ပထမဆု - ၁၀ သိန်းကျပ်
ဒုတိယဆု - ၇ သိန်းကျပ်
တတိယဆု - ၅ သိန်းကျပ်
အထူးဆု (၁၂) ဆု၊ တစ်ဆုလျှင် ၁ သိန်းကျပ်စီ ချီးမြှင့်မည် ဖြစ်ပါသည်။

🌟 အခမ်းအနား ကျင်းပမည့် နေ့ရက်၊ နေရာ၊ အချိန် 🌟
📅 ၂၈-၀၈-၂၀၂၅ (ကြာသပတေးနေ့) နေ့လယ် ၁ နာရီမှ ညနေ ၃ နာရီ အထိ 📆
The Lantern House (Classic Art Area)
အနော်ရထာလမ်းနှင့် ဗိုလ်အောင်ကျော်လမ်းထောင့် ဝန်ကြီးများရုံး။

The Lantern House ဆုပေးပွဲ ကျင်းပရေး အဖွဲ့

🌟 စမ်းစမ်းနွဲ့(သာယာဝတီ) စာပေဆု
ဆန်ခါတင်စာရင်း (၁၅) ဦးအား ထုတ်ပြန်ကြေညာခြင်း 🌟
=== === ===

🖋️ ဆရာမကြီး စမ်းစမ်းနွဲ့(သာယာဝတီ) အသက်(၈၀) ပြည့် မွေးနေ့နှင့် စာရေးသက် (၆၀) ပြည့် အထိမ်းအမှတ် ဝတ္ထုတို စာပေဆုအတွက် အနယ်နယ် အရပ်ရပ်မှ စိတ်ပါဝင်စားစွာဖြင့် စာမူများ ပေးပို့ကြသည့် ဆရာ၊ ဆရာမများကို စာပေဆုရွေးချယ်ရေး အဖွဲ့မှ အထူးပင် ကျေးဇူးတင်ရှိပါသည်။

🖋️ ပေးပို့လာသော စာမူများကို The Lantern House Admin Team မှ တာဝန်ယူ လက်ခံခဲ့ပြီး #စာရေးသူများ၏_ကလောင်အမည်_အမည်အရင်း_နေရပ်လိပ်စာများကို_ကုတ်နံပါတ်များဖြင့်_အစားထိုး_သတ်မှတ်ခဲ့ပါသည်။ ထို့နောက် စာမူများအား ဆုရွေးချယ်ရေးအဖွဲ့ထံသို့ စည်းမျဉ်းစည်းကမ်းအတိုင်း စနစ်တကျ ပေးပို့ခဲ့ပါသည်။

🖋️ ဆုရွေးချယ်ရေး အဖွဲ့ဝင်များက စိစစ်ဖတ်ရှု၍ အမှတ်ပေး စနစ်ဖြင့် ရွေးချယ်ခဲ့ပြီးနောက် ဩဂုတ်လ ၁၁ ရက်နေ့တွင် အစည်းအဝေး ပြုလုပ်ပြီး အောက်ပါ ဆန်ခါတင် (၁၅) ဦး စာရင်းကို ထုတ်ပြန်ကြေညာလိုက်ပါသည်။

• စာမူအမည် - လိပ်ပြာလေးတွေ မလုံ့တလုံ့
Code No- TLH_069
ကလောင်အမည် - တောပန်းစံပယ်

• စာမူအမည် - အမိုးဖွင့်အိမ်
Code No- TLH_199
ကလောင်အမည် - ခိုင်တာဇံ

• စာမူအမည် - ကလိန်စေ့ ငြမ်းစင်
Code No- TLH_014
ကလောင်အမည် - မီးငှက်(မန္တလေး)

• စာမူအမည် - နှင်းဆီသုံးပွင့်
Code No- TLH_062
ကလောင်အမည် - အယ်မူ

• စာမူအမည် - အဆိုးကို အကောင်းဖြင့် အောင်နိုင်ခြင်း
Code No- TLH_026
ကလောင်အမည် - ခွန်စောလွင်

• စာမူအမည် - ကြွေးဟောင်းနွေးနွေး ဆပ်ခဲ့ပြီ
Code No- TLH_217
ကလောင်အမည် - နန်းမို့မို့ဦး(တောင်ငူ)

• စာမူအမည် - ကိုယ်တိုင်ရေးတဲ့ ကံကြမ္မာကတ်ပြားတွေ
Code No- TLH_012
ကလောင်အမည် - မောင်ပြည်သိမ်း(မကွေး)

• စာမူအမည် - ငိုချင်သောသူ
Code No- TLH_022
ကလောင်အမည် - ပြာလဲ့ရီဝေ

• စာမူအမည် - သစ်မရောက် ဝါးမကူနိုင်သေးသော်လည်း
Code No- TLH_232
ကလောင်အမည် - မင်းခိုင်

• စာမူအမည် - ဆုတောင်းနေလျက် ပြန်ဆုံရက်
Code No- TLH_018
ကလောင်အမည် - ခင်မောင်သိန်း

• စာမူအမည် - မရေးဖြစ်သော ဝတ္ထုများ
Code No- TLH_046
ကလောင်အမည် - သော်စိုးနေ

• စာမူအမည် - သားကောင်များ
Code No- TLH_070
ကလောင်အမည် - ဘကြီးထွန်း(စာပန်းအိမ်)

• စာမူအမည် - အဆုံးသတ်ခက်တဲ့ နိဂုံး
Code No- TLH_075
ကလောင်အမည် - ခင်ယုသွေး

• စာမူအမည် - မေရီ့လျှို့ဝှက်ချက်
Code No- TLH_194
ကလောင်အမည် - VON (ဗွန်)

• စာမူအမည် - ထပ်ညွှန်းကိန်း နှလုံးသား
Code No- TLH_202
ကလောင်အမည် - မောင်ငြိမ်းမွန်(ချောင်းဦး) တို့ ဖြစ်ပါသည်။

🖋️ အထက်ပါ ဆန်ခါတင် (၁၅) ဦးထဲမှ ပထမဆု၊ ဒုတိယဆု၊ တတိယဆုနှင့် အထူးဆုများကို ဆရာမကြီး စမ်းစမ်းနွဲ့(သာယာဝတီ)၏ မွေးနေ့အခမ်းအနားတွင် ရွေးချယ် ကြေညာပေးသွားမည် ဖြစ်ပါသည်။

🔴 ဆုချီးမြှင့်ခြင်း 🔴
ပထမဆု - ၁၀ သိန်းကျပ်
ဒုတိယဆု - ၇ သိန်းကျပ်
တတိယဆု - ၅ သိန်းကျပ်
အထူးဆု (၁၂) ဆု၊ တစ်ဆုလျှင် ၁ သိန်းကျပ်စီ ချီးမြှင့်မည် ဖြစ်ပါသည်။

🌟 အခမ်းအနား ကျင်းပမည့် နေ့ရက်၊ နေရာ၊ အချိန် 🌟
📅 ၂၈-၀၈-၂၀၂၅ (ကြာသပတေးနေ့) နေ့လယ် ၁ နာရီမှ ညနေ ၃ နာရီ အထိ 📆
The Lantern House (Classic Art Area)
အနော်ရထာလမ်းနှင့် ဗိုလ်အောင်ကျော်လမ်းထောင့် ဝန်ကြီးများရုံး။

The Lantern House ဆုပေးပွဲ ကျင်းပရေး အဖွဲ့