Hteteaindralinn

15/07/2026

Roll on ဆိုမသုံးတာကလေ အရင်ပိုစ့်တုန်းကရေးဖူးလားတော့မသိဘူး၊ သူ့ fragrance, alcohol တွေက ဂျိုင်းသားညစ်တာတွေ ၊ အဝတ်အဖြူမှာဆို စွန်းတာတွေ ဝါတာတွေရယ် ချွေးနံ့မထွက်အောင်လုပ်တဲ့သဘောဆိုတော့ ချွေးပေါက်ပိတ်တာ၊ အဆီဖုထတာ၊ နေ့တိုင်းချေးမတွန်းဘူးရေကိုပြီးစလွယ်ချိုးရင် roll on သုံးချိန်ကျ ဆဲလ်သေတွေကြောင့် ဘတ်တီးရီးယားပိုပျံ့တာ၊ အဓိိကက aluminium ဒြပ်ပေါင်းကြောင့် ခုဏပြောတဲ့ clog pore ဖြစ်တာဘဲ။ ဒါမို့မသုံးတာ။
ဒါနဲ့နေကပူတဲ့နေ့ကျ cream ဘာညာနဲ့ကျ အလုပ်မဖြစ်၊ ကိုယ့်ပါကိုယ်လဲ insecure ဖြစ်နေတာနဲ့ပဲ mild ဖြစ်တဲ့ထဲက ရှာတော့ ဒါလေးတွေ့လာတယ်။ 😂
Organic Chamomile လိုမျိုး အသားအရေကို အေးမြသက်သာစေတဲ့ သဘာဝပစ္စည်းတွေပဲ အဓိက
သုံးထားပါတယ်တဲ့ (shave တာ နုတ်တာတို့ကြောင့်ဖြစ်တာလောက်ကိုပြောတာ သက်သာမယ်ပေါ့) ၊ Hyaluronic acid 8 မျိုးလဲပါတယ်တဲ့ ခြောက်”တင်း”ကြီးမဟုတ်ဘဲ အစိုဓါတ်ရှိနေမယ်ပေါ့လေ၊
အရမ်းချွေးထွက်လို့ ချွေးထိန်းချင်တာတွေ၊ ချိုင်းနံ့တအားနံတာတွေကျ အလုပ်ဖြစ်မယ်မထင်ဘူး။
ကိုယ့်လို mild ဖြစ်တာသုံးချင်သူကျ အိုကေတယ်။ စိုနေချိန်၊ချွေးထွက်ချိန်မလိမ်းဘဲ ခြောက်အောင်ထားပြီး သုံးပြီးလဲ ခနချိုင်းမြောက်ထားပြီးသုံးရင် ပိုအိုကေ၊
သူ့အနံ့ကတော့သူ့ပေါင်ဒါတွေ body wash တွေအနံ့ပါပဲ၊ ကလေးနံ့မကြိုက်ရင်တော့ မသုံးနဲ့၊ ကလေးတွေသုံးလိူ့ရလားဆို ၁၀/၁၁ ကစသုံးလိူ့ရလောက်မယ် (အရေပြားဆရာဝန်နဲ့ဆွေးနွေးတာပိုကောင်း) Dermatologically Tested ပါလို့အရေပြားယားယံတာ၊ အဖုအပိမ့်ထွက်တာမျိုး မဖြစ်စေစမ်းသပ်ထားပြီးသားလို့တော့ပြောထားတယ်။ 🤓
ဘေးက Hygine fan တွေတွက် အသစ်ထွက်တဲ့ mist လေးပါ၊အနံ့ကသူ့softener , အမွှေးဆီအနံ့ပါပဲ။ ဒါကျကြိုက်လို့ဝယ်တာ🥴

15/07/2026

dmp စွဲလမ်းနေသူတစ်ဦး😂
Body wash လဲ head to toe dmp
Lotion လဲ dmp🤪

26/06/2026

25/06/2026

ပျင်းလို့🥲

24/06/2026

အသီးဆိုစျေးကြီးတာတွေမဝယ်စားနိုင်တောင် ခရမ်းချဉ်သီးတော့စားတယ်ဖျော်ရည်လုပ်သောက်တယ်🤍

21/06/2026

Sunday လဲအိမ်မှာနေရင်း Sunscreen လိမ်းဖို့သတိရပါ🤍

Vitamin Dကအရိုးနဲ့သွားတွေအပြင် ခန္ဓာကိုယ်ရဲ့ ကိုယ်ခံအားစနစ်ပါကောင်းမွန်စေပါတယ်၊ V-Dနဲ့ မှန်ပြတင်းပေါက်-ခန္ဓာကိုယ်အတွက် လိုအပ်တဲ့ Vitamin D ရရှိဖို့ နေရောင်ခြည်ခံတဲ့အခါ ပြတင်းပေါက်မှန်ကတစ်ဆင့် ခံယူရင် လုံလောက်စွာမရရှိနိုင်ပါဘူး။ ဘာဖြစ်လို့လဲဆိုတော့ Vitamin D ကို ထုတ်လုပ်ပေးတဲ့ နေရောင်ခြည်ထဲက UVB လှိုင်းတွေကို အိမ်က မှန်ပြတင်းပေါက်တွေက အပြည့်အဝ ပိတ်ဆို့တားဆီးလိုက်လို့ ဖြစ်ပါတယ်။ ဒီလိုပြောလို့ ဒါဆို အိမ်ထဲနေရင် Sunscreen lotion လိမ်းစရာမလိုဘူးလို့ ထင်တတ်ကြပါတယ်။ နောက်ထပ်အိုမင်းနိုင်တဲ့သားကောင်က UVAပါ။ UVB လှိုင်းတွေကို မှန်က တားဆီးပေးနိုင်ပေမယ့် အရေးအကြောင်းဖြစ်စေပြီး အသားအရေကို အိုမင်းရင့်ရော်စေတဲ့ UVA လှိုင်းတွေကတော့ မှန်ပြတင်းပေါက်တွေကို အလွယ်တကူ ဖြတ်သန်းပြီး အိမ်ထဲအထိ တိုးဝင်ဖြာထွက်လာနိုင်ပါတယ်။ ဒါကြောင့် UVA လှိုင်းတွေဟာ သင့်အသားအရေဆီကို အမြဲရောက်ရှိနေပြီး၊ အသားအရေ ပျက်စီးတာ၊ တင်းတိပ်/မှဲ့ခြောက် စွန်းထင်းတာတွေ ဖြစ်လာစေနိုင်ပါတယ်။ ဒါကြောင့် အိမ်မှာနေရင်လည်း UVA ရော UVB ပါ ကာကွယ်ပေးနိုင်တဲ့ နေရောင်ခြည်ကာကွယ်ဒဏ်လိုးရှင်း Sunscreen ပေါ့ အဲ့ဒါကိုမဖြစ်မနေ လိမ်းပေးပါ။
နောက်တခုက SPF ပါဝင်မှုကို စစ်ကြည့်ပါ၊ အိမ်ထဲမှာနေတာဖြစ်စေ၊ အပြင်ခဏထွက်တာဖြစ်စေ SPF ပါဝင်တဲ့ အရည်အသွေးမှီ Lotion/Sunscreen ကို နေ့စဉ် ပုံမှန်လိမ်းပေးဖို့ လိုအပ်ပါတယ်။ ဒီနေရာမှာ SPF ဆိုတာ Sun Protection Factor (နေရောင်ခြည်ဒဏ် ကာကွယ်နိုင်မှုနှုန်း) ကိုဆိုလိုတာပါ။ သူ့ရဲ့ အဓိကအခန်းကဏ္ဍကတော့ အသားအရေကို နီမြန်းလောင်ကျွမ်းစေပြီး အရေပြားကင်ဆာအထိ ဖြစ်ပွားစေနိုင်တဲ့ UVB ရောင်ခြည်တွေကို ဘယ်လောက်အထိ ကာကွယ်ပေးနိုင်သလဲဆိုတဲ့ ပမာဏကို တိုင်းတာပြသတာ ဖြစ်ပါတယ်။ SPF ဘေးက ဂဏန်းတွေဟာ UVB ရောင်ခြည်ကို ရာခိုင်နှုန်းအားဖြင့် ဘယ်လောက်အထိ ကာကွယ်ပေးနိုင်မလဲဆိုတာကို ဖော်ပြနေတာဖြစ်ပါတယ်။ SPF 15ဆိုရင်UVB ရောင်ခြည်ရဲ့ ၉၃ ရာခိုင်နှုန်းလောက်ကို ကာကွယ်ပေးနိုင်ပါတယ်။ SPF 30ဆိုUVB ရောင်ခြည်ရဲ့ ၉၇ ရာခိုင်နှုန်းလောက် ကာကွယ်ပေးနိုင်ပါတယ်။ SPF 50ဆို UVB ရောင်ခြည်ရဲ့ ၉၈ ရာခိုင်နှုန်းလောက်ကို ကာကွယ်ပေးနိုင်ပါတယ်။ အရေးကြီးတာက SPF ဂဏန်း မြင့်လေလေ ကာကွယ်ပေးနိုင်စွမ်း ပိုကောင်းလေလေ ဖြစ်ပေမယ့် 100%အပြည့်အဝ ကာကွယ်ပေးနိုင်တဲ့ နေကာခရင်မ်ဆိုတာတော့ မရှိပါဘူး။
SPF က UVB (အသားလောင်ခြင်း) ကိုပဲ အဓိကကာကွယ်ပေးတာကြောင့် မှန်ပြတင်းပေါက်ကို ဖောက်ထွက်လာနိုင်တဲ့ UVA (အရေးအကြောင်းနှင့် အိုမင်းရင့်ရော်ခြင်း) ကိုပါ ကာကွယ်ဖို့ဆိုရင် နေကာလိုးရှင်းဝယ်တဲ့အခါ Broad-Spectrum မဟုတ်ရင် PA+++ဒီစာသားပါမှ UVA ရော UVB ရော နှစ်မျိုးလုံးကို ကာကွယ်ပေးနိုင်မှာ ဖြစ်ပါတယ်။ ခုနောက်ပိုင်း UVA,UVBနဲ့ SPF ဘယ်လောက်ဆိုပြီးဗူးခွံတွေမှာပြထားကြပါတယ်။ အပြင်ထွက်လဲ ၂ နာရီခြားတခါမှန်မှန်ပြန်လိမ်းပေးဖို့လိုပြီး အိမ်ထဲမှာနေလဲ နေပူထဲမထွက်ရဘူးဆိုပြီး မလိမ်းလိူ့မရပြန်ပါဘူး။ နေရောင်ခြည်ဒဏ်ကို ထိရောက်စွာ ကာကွယ်နိုင်ဖို့အတွက် ၂နာရီကနေ ၃နာရီတကြိမ် ထပ်လိမ်းပေးဖို့ လိုအပ်ပါတယ်။
ဒါကြောင့် အိမ်မှာပဲနေနေ၊ အပြင်ပဲသွားသွား အသားအရေ ပျက်စီးခြင်းကနေ ကာကွယ်ဖို့ SPF နဲ့ PA (Broad-Spectrum) သေချာပါဝင်တဲ့ နေကာလိုးရှင်းကို နေ့တိုင်းလိမ်းပေးဖို့လိုပါတယ်🤍

20/06/2026

ဒီအပတ်ကတော့ ၂၀၂၃ ခုနှစ်လောက်က Netflix မှာ တင်ဆက်ခဲ့တဲ့ "Curry & C-nide: The Jolly Joseph Case" ဆိုတဲ့ ဖြစ်ရပ်မှန် ရာဇဝတ်မှု (True Crime) မှတ်တမ်းတင်ရုပ်ရှင်လေးကို ပြန်ပြောပြမယ်နော်။
#မိသားစုဝင်၆ဦးကို၁၄နှစ်အတွင်းတစ်ယောက်ပြီးတစ်ယောက်အသက်အန္တရာယ်ပြုခဲ့တဲ့သွေးအေးတရားခံ
ဒါဟာ ၂၀၂၃ ခုနှစ်မှာ Netflix Documentary အဖြစ် ထွက်ရှိလာပြီး အိန္ဒိယနိုင်ငံ၊ Kerala ပြည်နယ်က Jolly Joseph ရဲ့ ဖြစ်ရပ်မှန်ဖြစ်ပါတယ်။
Case (၆) ခုနှင့် ၁၄ နှစ်တာ ကာလ (၂၀၀၂ - ၂၀၁၆)
၂၀၀၂ (ယောက္ခမ) - Annamma Thomas အိမ်တွင်းစီးပွားရေးနှင့် ဆုံးဖြတ်ချက်အားလုံးကို ချုပ်ကိုင်ထားသူဖြစ်လို့ ပထမဆုံး ရှင်းလင်းခံရသူ။
၂၀၀၈ (ယောက္ခထီး) - Tom Thomas ပိုင်ဆိုင်မှုအာဏာတွေကို ရယူဖို့အတွက် ဒုတိယမြောက် ဖယ်ရှားခံရသူ။
၂၀၁၁ (ခင်ပွန်းဖြစ်သူ) - Roy Thomas ဂျော်လီရဲ့ လိမ်ညာမှုတွေကို ရိပ်မိလာပြီး စကားများရာကနေ ဆိတ်သားဟင်းထဲ ထည့်ကျွေးကာ အသက်ဆုံးရှုံးခဲ့ရသူ။
၂၀၁၄ (ခင်ပွန်းရဲ့ ဦးလေး) - Mathew Manjayadil ရွိုင်းရဲ့ ကွယ်လွန်မှုကို သံသယဝင်ပြီး Autopsyလုပ်ဖို့တိုက်တွန်းခဲ့သူဖြစ်လို့ အသက်အန္တရာယ်ပြုခံရသူ။
၂၀၁၄ (သူမနောက်ထပ် လက်ထပ်ချင်သူ၏ သမီးငယ်) - Alphine Shaju (အသက် ၂ နှစ်) သူမမျက်စိကျနေတဲ့ Shaju ဆိုသူနဲ့ လက်ထပ်နိုင်ဖို့ ထိုသူ၏ သမီးလေး။
၂၀၁၆ (Shaju ၏ ဇနီး) - Sily Shaju Shaju နဲ့ အတူနေနိုင်ဖို့အတွက် သူ့ရဲဇနီးကိုပါ နောက်ဆုံးပစ်မှတ်အဖြစ် ဖယ်ရှားခဲ့။

Jolly Joseph
Jolly ဟာ ကီရာလာပြည်နယ်၊ Idukki ခရိုင်က Vazhavatta ဆိုတဲ့ ကျေးလက်ဒေသက လယ်သမားမိသားစုကနေ မွေးဖွားလာခဲ့တာပါ။ သူမရဲ့ မိဘတွေဟာ စိုက်ပျိုးရေးနဲ့ အသက်မွေးတဲ့ ရိုးသားတဲ့ လယ်သမားတွေ ဖြစ်ကြပါတယ်။ ကတ်သလစ်ခရစ်ယာန်ဘာသာဝင်တွေဖြစ်ပြီး ဘာသာရေးလဲလိုက်စားကြပါတယ်။ သူမဟာ သာမန်လယ်သမားသမီးဘဝကို မလိုချင်ဘဲ မြို့ကြီးပြကြီးမှာ ပညာတတ် ဂုဏ်သရေရှိ လူတန်းစားအဖြစ် နေထိုင်ချင်တဲ့ စိတ် အရမ်းပြင်းပြခဲ့ပါတယ်။ ဒါကြောင့် သူမဟာ ပညာအရည်အချင်းနဲ့ ပတ်သက်ပြီး လိမ်ညာခဲ့ပါတယ်။ ရွိုင်းနဲ့အိမ်ထောင်ကျပြီး သား ၂ ယောက် မွေးခဲ့ပါတယ်။

ယောက္ခမ Annamma Thomas (၂၀၀၂ ခုနှစ်)
အရာအားလုံးရဲ့အစကတော့ ယောက္ခမ ဖြစ်သူက သူမကို အလုပ်အတင်းရှာခိုင်းရာကနေ စတင်ခဲ့တာ ဖြစ်ပါတယ်။ ဂျော်လီဟာ အိမ်ထောင်ကျပြီးတဲ့နောက် အိမ်တွင်းစီးပွားရေးနဲ့ ဆုံးဖြတ်ချက်အားလုံးကို ချုပ်ကိုင်ထားတဲ့ ယောက္ခမနဲ့ အဆင်မပြေဖြစ်လာပါတယ်။ ယောက္ခမဖြစ်သူက ဂျော်လီကို Mcom ရထားပြီးအိမ်မှာ အလကားမနေဘဲ အလုပ်တစ်ခုခု ရှာလုပ်ဖို့ အမြဲတမ်း တိုက်တွန်း တွန်းအားပေးခဲ့ပါတယ်။ သူမဟာ မွေးကင်းစသားလေးကို အကြောင်းပြ၊ အလုပ်လည်းမလုပ်ချင်၊ ယောက္ခမကိုလည်း မလွန်ဆန်ရဲတဲ့အခါ ဉာဏ်ဆိုး သုံးပါတော့တယ်။ သူမဟာ အိန္ဒိယရဲ့ ထိပ်တန်းတက္ကသိုလ်ကြီးတစ်ခုဖြစ်တဲ့ NIT မှာ ပါမောက္ခအဖြစ် အလုပ်ရသွားပြီလို့ လိမ်ညာလိုက်ပါတယ်။ နေ့တိုင်း ကားတစ်စီး၊ ID ကတ်အတုတစ်ခုနဲ့ အလုပ်သွားသလိုမျိုး ဟန်ဆောင်ခဲ့တာပါ။ (တကယ်တော့ သူမဟာ ကောလိပ်ပထမနှစ်မှာတင် ကျောင်းထွက်ခဲ့သူ ဖြစ်ပါတယ်)။
အိမ်တွင်းအာဏာပိုင် ယောက္ခမဖြစ်တဲ့သူ (အလယ်တန်းပင်စင်စားကျောင်းအုပ်) က ဂျော်လီရဲ့ နောက်ကြောင်းနဲ့ ငွေစာရင်း (ကျောင်းလစာ၊ ဘဏ်စာအုပ်) တွေကို ပြခိုင်းကာ သူ့ချွေးမ Mcom ရထားသူတဦးရဲ့ပြောပုံဆိုပုံ၊ နေပုံထိုင်ပုံနဲ့ ဗဟုသုတတွေကို သံသယဝင်ပြီး လိုက်လံစုံစမ်းဖို့ ကြိုးစားလာပါတယ်။ အဲဒီအခါ ဂျော်လီဟာ သူမရဲ့ လိမ်ညာမှုတွေ ပေါ်သွားမှာစိုးလို့ ပထမဆုံးအစီအစဉ်ကို စတင်ပါတော့တယ်။ ၂၀၀၂ ခုနှစ်မှာ ယောက္ခမဖြစ်သူစားမယ့် ဆိတ်သားဟင်းချိုထဲကို ပြင်းထန်ဓာတုC-eထည့်ကျွေးပြီး ဇာတ်သိမ်းပေးခဲ့ပါတယ်။ ဒီလိုနဲ့ ပထမဆုံးအကြိမ်မှာ ဘယ်သူမှမရိပ်မိဘဲ အောင်မြင်သွားတဲ့အခါ ဂျော်လီရဲ့ သွေးအေးလှုပ်ရှားမှုကြီးဟာ တားမရဆီးမရ ဆက်လက်ကျယ်ပြန့်လာခဲ့ပါတယ်။

ယောက္ခထီးဖြစ်သူ Tom Thomas (၂၀၀၈ ခုနှစ်)
ယောက္ခထီးကတော့ အစိုးရရဲ့ စိုက်ပျိုးရေးဌာနက ပင်စင်စားအရာရှိကြီးတစ်ဦး ဖြစ်ပါတယ်။ သူကတော့ အစပိုင်းမှာဂျော်လီကို သမီးအရင်းလို အရမ်းချစ်ခဲ့တာပါ။ ဒါပေမဲ့ နောက်ပိုင်းမှာ ဂျော်လီရဲ့ ငွေကြေးသုံးစွဲမှုတွေ (သူမဟာ NIT ပါမောက္ခလို့ ဟန်ဆောင်ထားပေမယ့် လစာအမှန်တကယ်မရတဲ့အတွက် အမြဲတမ်း ငွေလိုနေပြီး အကြွေးတွေတင်နေခဲ့ပါတယ်) ကြောင့်သံသယဝင်လာပါတယ်။ သူမက ယောက္ခထီးရဲ့ ပိုင်ဆိုင်မှုနဲ့ မြေကွက်တွေကို သူမနာမည်ပြောင်းပေးဖို့ အတင်းပူဆာလာတဲ့အခါမှာတော့ Tom Thomas က ငြင်းဆန်ခဲ့ပါတယ်။ ဒါကြောင့် ၂၀၀၈ ခုနှစ်မှာ ဂျော်လီဟာ ပိုင်ဆိုင်မှုအာဏာတွေကို ရယူဖို့အတွက် ဒုတိယမြောက် ပစ်မှတ်အဖြစ် ယောက္ခထီးကိုပါ ထပ်မံရှင်းလင်းခဲ့ပါတယ်။

သူမ၏ခင်ပွန်း Roy Thomas (၂၀၁၁ ခုနှစ်)
ဂျော်လီဟာ NIT တက္ကသိုလ်က ပါမောက္ခပါဆိုပြီး အိမ်ကထွက်သွားပေမယ့် အိမ်အတွက် ဝင်ငွေတစ်ပြားမှ မပြနိုင်တဲ့အပြင် အကြွေးတွေပါ ပတ်လည်ဝိုင်းနေတာကို ရွိုင်းက စတင်ရိပ်မိလာပါတယ်။ ဒါ့အပြင် ဂျော်လီဟာ အခြားအမျိုးသားတွေနဲ့ ဖုန်းအမြဲပြောနေတာကို သိသွားပြီး အိမ်ထောင်ရေးမှာ ပြင်းပြင်းထန်ထန် အဆင်မပြေ ဖြစ်လာပါတယ်။ တရက်မှာတော့ ဂျော်လီက ရွိုင်းအကြိုက်ဆုံး ဟင်းထဲကို Cထည့်ကျွေးခဲ့ပါတယ်။ ရွိုင်းဟာ စားပြီးပြီးချင်း ရေချိုးခန်းထဲမှာတင် လဲကျကွယ်လွန်သွားခဲ့ပါတယ်။ ဂျော်လီက ပတ်ဝန်းကျင်ကို ရွိုင်းက စီးပွားရေးအဆင်မပြေလို့ စိတ်ဓာတ်ကျပြီး မိမိအလိုအလျောက် အသက်ဘေးရှာသွားတာလို့ သတင်းလွှင့်ခဲ့ပါတယ်။

ခင်ပွန်း၏ ဦးလေး Mathew Manjayadil (၂၀၁၄ ခုနှစ်)
ဦးလေးဖြစ်သူ မက်သရူးဟာ ဒီအမှုကြီးပေါ်ပေါက်လာဖို့ ဖြစ်စေခဲ့တဲ့ အဓိကသော့ချက်ဖြစ်ပါတယ်။ ရွိုင်းဆုံးတုန်းက ဆရာဝန်တွေက ရင်ခွဲစစ်ဆေးဖို့ တိုက်တွန်းခဲ့ပါတယ်။ ဂျော်လီက အတင်းတားခဲ့ပေမယ့် ဦးလေးမက်သရူးက ဇွတ်အတင်းလုပ်ခိုင်းခဲ့လို့ ရွိုင်းရဲ့ ခန္ဓာကိုယ်ထဲမှာ Cဓာတ်ကြွင်းတွေ တွေ့ရှိခဲ့ပါတယ်။ ဒါပေမဲ့ ဂျော်လီက မိသားစုအရှက်ကွဲမှာစိုးလို့ သူ့အစီအစဉ်နဲ့သူသွားတာပဲ ထားလိုက်ပါဆိုပြီး ဖုံးကွယ်ခဲ့ပါတယ်။ နောက်ပိုင်းမှာ ဦးလေးဖြစ်သူက ဂျော်လီရဲ့ အနေအထိုင်တွေကို စောင့်ကြည့်ပြီး သံသယဝင်လာပါတယ်။ လင်ယောက်ျား ကွယ်လွန်မှုအပေါ် ဝမ်းနည်းပူဆွေးမှု မရှိတဲ့အပြင် Shaju က အိမ်ကိုအဝင်အထွက် ခဏခဏလုပ်ခြင်း၊ Shaju အိမ်သို့လည်း ခဏတိုင်းသွားခြင်းတွေကြောင့် ဦးလေးမက်သရူးဟာ ဂျော်လီ့ရဲ့ ဖုန်းမှတ်တမ်းတွေထိ လိုက်လံစုံစမ်းစစ်ဆေးခဲ့ပါတယ်။ ဂျော်လီဟာ သူမအတွက် အန္တရာယ်အရှိဆုံးဖြစ်တဲ့ ဦးလေးမက်သရူးကို ဖယ်ရှားဖို့ ဆုံးဖြတ်လိုက်ပါတယ်။ တရက်မှာ သူ့ကို အရက်နဲ့ အမြည်းကျွေးရင်း Cထည့်ခဲ့တာကြောင့် ဦးလေးဖြစ်သူပါ ထပ်မံလျှောခဲ့ရပါတယ်။

အသက် ၂ နှစ်အရွယ် ကလေးငယ် Alphine Shaju (၂၀၁၄ ခုနှစ်)
ဒီတခုကတော့ ဂျော်လီရဲ့ ရက်စက်မှုအရှိဆုံး လုပ်ရပ်ဖြစ်ပါတယ်။ ဂျော်လီဟာ ရွိုင်းဆုံးသွားပြီးနောက်ပိုင်း ရွိုင်းရဲ့ ဝမ်းကွဲတော်စပ်သူ Shaju ဆိုတဲ့ အမျိုးသားကို သဘောကျပြီး နောက်အိမ်ထောင်ပြုဖို့ ကြံစည်ပါတယ်။ ဒါပေမဲ့ Shaju မှာ ဇနီးနဲ့ သမီးလေး ရှိနေတာကြောင့် လမ်းကြောင်းရှင်းဖို့ ကြံစည်တာပါ။ အမျိုးအဆွေတွေ စုံညီတဲ့ စားသောက်ပွဲတစ်ခုမှာ အသက် ၂ နှစ်ပဲရှိသေးတဲ့ သမီးငယ်လေး Alphine ကို အသားဟင်းရည်ထဲ Cထည့်ထားတဲ့ ပေါင်မုန့်ကျွေးခဲ့ပါတယ်။ ကလေးငယ်ဟာ အဆိပ်တက်ပြီး လူမြင်ကွင်းမှာ တောင့်တင်းကာ နောက်ပြန်လန်ကျသွားခဲ့ပြီး ဆေးရုံမှာ ဆုံးပါးသွားခဲ့ပါတယ်။ ဂျော်လီကတော့ ကလေးက အစားအစာနင်ပြီး အတက်ရောဂါထတာဆိုပြီး အားလုံးကို လှည့်စားခဲ့ပါတယ်။

Shaju ၏ ဇနီး Sily Shaju (၂၀၁၆ ခုနှစ်)
သမီးလေး ဆုံးပါးသွားပြီး ၂ နှစ်အကြာမှာတော့ နောက်ဆုံးအတားအဆီးဖြစ်တဲ့ ဇနီးသည်ကို ဖယ်ရှားဖို့ အလှည့်ရောက်လာပါတယ်။ Shaju နဲ့ အိမ်ထောင်ပြုနိုင်ဖို့အတွက် ဇနီးဖြစ်သူ စီလီကိုပါ ထပ်မံရှင်းလင်းဖို့ ဆုံးဖြတ်ခဲ့တာပါ။ ဂျော်လီဟာ စီလီကို သွားဆရာဝန်ဆီ လိုက်ပို့ပေးခဲ့ပါတယ်။ ဆေးခန်းမှာ စောင့်နေတုန်း ဂျော်လီက စီလီ သောက်ဖို့အတွက် ရေတခွက်ယူပေးခဲ့ပြီး အဲဒီရေထဲမှာ အဆိပ် ထည့်ထားခဲ့တာပါ။ စီလီဟာ ရေသောက်ပြီးပြီးချင်း ဂျော်လီရဲ့ ရင်ခွင်ထဲမှာတင် သတိလစ်လဲကျပြီး ကွယ်လွန်သွားခဲ့ပါတယ်။

ဇနီးနဲ့ သမီးဖြစ်သူ ဆုံးပါးသွားပြီး ၁ နှစ်အကြာမှာတော့ ဂျော်လီဟာ သူမ မျှော်လင့်ထားတဲ့အတိုင်း Shaju နဲ့ အောင်အောင်မြင်မြင် လက်ထပ်နိုင်ခဲ့ပါတယ်။ မိသားစုဝင်တွေ တယောက်ပြီးတယောက် ထူးဆန်းစွာ တေဆုံးနေတာကို သံသယဝင်နေတဲ့ ရွိုင်းရဲ့ မောင်နှမတွေက စုံစမ်းစစ်ဆေးဖို့ ရဲကို တိုင်ကြားခဲ့ရာကနေ နောက်ဆုံး ၂၀၁၉ မှာ ၁၄ နှစ်ကြာ လျှို့ဝှက်ချက်ကြီး ပေါက်ကြားသွားခဲ့ရပါတော့တယ်။

အမှုက နှစ်အတော်ကြာ နစ်မြုပ်နေခဲ့ပေမယ့် ခင်ပွန်းဖြစ်သူ Roy Thomas ရဲ့ မောင်နှမတွေဖြစ်တဲ့ Rojo နဲ့ Renji တို့က တေဆုံးမှုအားလုံးမှာ Jolly တစ်ယောက်ပဲ ဘေးမှာရှိနေတာကို သံသယဝင်ရာကနေ စတင်ပါတယ်။ ၂၀၁၉ ခုနှစ်မှာ ရဲတပ်ဖွဲ့က အလောင်းတွေကို ပြန်လည်တူးဖော် စစ်ဆေးခဲ့ရာကနေ အဆိပ်ဓာတ်ကြွင်းတွေကို တွေ့ရှိခဲ့ပြီး Jolly Joseph နဲ့ သူမကို အဆိပ် ကူညီရှာဖွေပေးသူ ၂ ဦးကိုပါဖမ်းဆီးနိုင်ခဲ့ပါတယ်။

အမှုစတင်ဖော်ထုတ်ပုံ
ရွိုင်းရဲ့ မောင်ဖြစ်သူ Rojo ဟာ အမေရိကန်မှာ နေထိုင်သူဖြစ်ပြီး၊ အမ ဖြစ်သူ Renji ကတော့ သီးခြား ခွဲနေထိုင်သူ ဖြစ်ပါတယ်။ သူတို့ မောင်နှမနှစ်ယောက်လုံးဟာ ပညာတတ်တွေ ဖြစ်ကြပြီး ဂျော်လီ့ရဲ့ မာယာတွေနဲ့ မထင်ရင်မထင်သလို ပြောဆိုဆက်ဆံပုံတွေကို အစကတည်းက သဘောမကျခဲ့ကြပါဘူး။ သူတို့နှစ်ဦး အဓိက သံသယဝင်ခဲ့တဲ့ အချက်တွေကတော့ ရွိုင်းရဲ့ ရင်ခွဲစစ်ဆေးချက်ကို သိရှိသွားခြင်း ဖြစ်ပါတယ်။ ရွိုင်းဆုံးတုန်းက ဂျော်လီက နှလုံးရပ်ပြီး -တာလို့ လိမ်ခဲ့ပေမယ့် ဦးလေးမက်သရူး ဇွတ်လုပ်ခိုင်းခဲ့တဲ့ ရင်ခွဲစစ်ဆေးချက်ထဲမှာ Cတွေ့တယ်ဆိုတာကို Rojo က အမေရိကန်ကနေသိသွားခဲ့ပါတယ်။ ဂျော်လီကို မေးတဲ့အခါ ရွိုင်းက အကြွေးတင်လို့ စိတ်ဓာတ်ကျပြီး ကို့ပါကိုယ်-လုပ်သွားတာ၊ မိသားစုသိရင် အရှက်ကွဲမှာစိုးလို့ ဖုံးထားတာဆိုပြီး ထပ်မံ လိမ်ညာခဲ့ပါတယ်။ နောက်တခုက သေတမ်းစာအတု ပေါ်လာခြင်းဖြစ်ပြီး ယောက္ခထီးဆုံးပါးသွားပြီးနောက် ဂျော်လီက အိမ်နဲ့ မြေကွက်အားလုံးကို သူမတဦးတည်း အပိုင်ရပါမယ်ဆိုတဲ့ စာတခု ထုတ်ပြလာပါတယ်။ ဒါကို Rojo က စစ်ဆေးကြည့်တဲ့အခါ လက်မှတ်တွေက အတုဖြစ်နေတာကို တွေ့ရှိသွားပါတယ်။ နောက်တခုကတော့ ဆုံးပါးမှုတိုင်းမှာ ဂျော်လီ ရှိနေခြင်းဖြစ်ပြီး နောက်ဆုံး ၂၀၁၆ မှာ Shaju ရဲ့ ဇနီးပါ ထပ်မံကွယ်လွန်သွားတဲ့အခါ Renji နဲ့ Rojo တို့ဟာ ထိုင်ကြည့်နေလို့ မရတော့ပါဘူး။ မိသားစုဝင် ၆ ဦးလုံး ကွယ်လွန်ချိန်တိုင်းမှာ ဂျော်လီတဦးတည်းသာ အနားမှာ ရှိနေခဲ့တာကို သူတို့ မောင်နှမနှစ်ယောက်လုံးက ကွင်းဆက်ချိတ်မိသွားပါတယ်။

စတင်တိုင်ချက်ဖွင့်ပြီး ဖမ်းမိခြင်း
၂၀၁၉ ခုနှစ်မှာ မောင်ဖြစ်သူ Rojo က အမေရိကန်ကနေ အိန္ဒိယကို ပြန်လာပြီး ကီရာလာပြည်နယ် ရဲတပ်ဖွဲ့ဆီကို မိသားစုဝင် ၆ ယောက်စလုံးရဲ့ ကွယ်လွန်မှုဟာ သဘာဝမကျဘူး၊ ဂျော်လီကို စုံစမ်းပေးဖို့အထောက်အထားတွေနဲ့တကွ ပထမဆုံး တိုင်ချက်ဖွင့်ခဲ့ပါတယ်။ ဒါကြောင့် ရဲတပ်ဖွဲ့က ရုပ်အလောင်းတွေကို ပြန်လည်တူးဖော်ခဲ့ပြီး ဂျော်လီရဲ့ ၁၄ နှစ်တာ သွေးအေးလှုပ်ရှားမှုကြီးကို အောင်အောင်မြင်မြင် အဆုံးသတ်ပေးနိုင်ခဲ့တာ ဖြစ်ပါတယ်။ Cကို ဘယ်ကရလဲဆိုတော့ သူ့ဒုတိယယောက်ျားအမျိုးဖြစ်တဲ့ ဂျော်လီနဲ့လဲ မရှင်းမရှင်းဖြစ်နေပြီး ရွှေပန်းတိမ်မှာ လုပ်ကိုင်နေတဲ့ အမျိုးသား၊ နောက်တဦးကတော့ သူ့သူငယ်ချင်း ရွှေပန်းတိမ်ဆရာဖြစ်ပြီး ထို ၂ ဦးကိုပါ တရားမဝင် လျှို့ဝှက်ရောင်းချမှုနဲ့ ဖမ်းဆီးရမိခဲ့ပါတယ်။

ကံကောင်းစွာ လွတ်မြောက်ခဲ့သူ: သားကြီး Remo
အမှုတွေဖြစ်ပွားနေတုန်းက သားကြီး Remo ဟာ အသက် ၁၅ / ၁၆ နှစ်အရွယ် ဆယ်ကျော်သက်အရွယ်ပဲ ရှိပါသေးတယ်။ အိမ်မှာ ဖြစ်ပျက်သမျှကို သူကတော်တော်များများ သတိထားမိခဲ့တာပါ။ အဖေဖြစ်သူ ဆုံးတုန်းကလည်း အဖေဟာ ဆိတ်သားဟင်းစားပြီး ရေချိုးခန်းထဲမှာ လဲကျကာ အသက်ပျောက်သွားချိန်မှာ အမေဖြစ်သူ ဂျော်လီက ပတ်ဝန်းကျင်ကို အဖေက နှလုံးရပ်တာလို့ ချက်ချင်းလိမ်ပေမယ့် သားဖြစ်သူကတော့ ရေချိုးခန်းထဲက ဆိတ်သားဟင်းအန်ဖတ်နံ့တွေနဲ့ အခြေအနေတွေကို ကြည့်ပြီး မသင်္ကာဖြစ်ခဲ့ပါတယ်။ဦးလေးမက်သရူး လဲကျချိန်မှာလည်း သားကြီး Remo က အနားမှာ ရှိနေခဲ့ပါတယ်။ အမေဖြစ်သူ ဂျော်လီက ရေတစ်ခွက်ပဲ ခပ်ပေးပြီး ဘာမှမလုပ်ဘဲ ထိုင်ကြည့်နေတာကိုမြင်ခဲ့ရလို့ သူ့စိတ်ထဲမှာ အမေဖြစ်သူအပေါ် သံသယတွေ ကြီးထွားလာခဲ့ပါတယ်။ စုံစမ်းစစ်ဆေးချက်တွေအရ ဂျော်လီဟာ Shaju နဲ့ အိမ်ထောင်ကျပြီးတဲ့နောက်ပိုင်း သူမရဲ့ လိမ်ညာမှုတွေကို ရိပ်မိနေတဲ့ သားကြီး Remo ကိုပါ တခါမက အစားအသောက်တွေထဲ Cထည့်ကျွေးပြီး ဖယ်ရှားဖို့ ကြံစည်ခဲ့ဖူးတယ်လို့ သားဖြစ်သူက ရဲတပ်ဖွဲ့ကို ထွက်ဆိုခဲ့ပါတယ်။ ဒါပေမဲ့ ကံကောင်းစွာနဲ့ Remo က မစားမိခဲ့လို့ အသက်ဘေးက လွတ်ခဲ့တာပါ။
၂၀၁၉ ခုနှစ်မှာ အမှုပေါ်ပေါက်လာပြီး ဂျော်လီ အဖမ်းခံရတဲ့အခါ သားဖြစ်သူ Remo ဟာ အမေဖြစ်သူဘက်ကနေ ကာကွယ်ပေးခြင်း လုံးဝမပြုလုပ်ခဲ့ပါဘူး။ သူက တရားခွင်မှာ အမေဖြစ်သူကို ဆန့်ကျင်ပြီး အဓိက သက်သေအဖြစ် ရပ်တည်ကာ ထွက်ဆိုပေးခဲ့ပါတယ်။

18/06/2026

#ရွှေဖရုံသီးမုန်လာဥ
it’s my very first time low quality editing skill

17/06/2026

နေ့စဉ်လုပ်ဖြစ်တဲ့ အမူအကျင့် သန့်ရှင်းရေးအသေးလေးတွေက စိတ်ကို တကယ်ကြည်လင်အေးချမ်းစေပါတယ်။ အိပ်ရာနိုးတာနဲ့ အိပ်ရာခင်းပေါ်က ဆံပင်တွေ၊ ဖုန်တွေကို တစ်ခါတည်း ခါထုတ်တာ၊ အိမ်ခန်းနဲ့ ခြံထဲကို ပုံမှန် တံမြတ်စည်းလှည်းတာ ဂေါ်ပြားကိုရေပြန်ဆေးချပြီး ထောင်ထားတာ၊ ရေချိုးပြီးတိုင်း ရေဆင်းပေါက်က ဆံချည်မျှင်တွေကို ဖယ်ရှားတာ၊Toilet ကိုနေ့စဉ် ပုံမှန်ဆေးကြောတာ၊ စားသောက်ပြီးရင် ဘေစင်မှာ စိမ်မထားဘဲ ချက်ချင်း ဆေးကြောတာ၊ ဟင်းချက်ပြီးတာနဲ့ လက်နှီးဝတ်၊ အဝတ်သုတ်တွေကို တခါတည်း လျှော်ဖွတ်တာ၊ ကော်ဖီသောက်ပြီးတိုင်း ခွက်ကို ဒီအတိုင်းမထားဘဲ ချက်ချင်း ဆေးကြောတာ၊ ရေခဲသေတ္တာထဲက မလိုအပ်တော့တဲ့ စားကြွင်းစားကျန်တွေကို ပုံမှန် ရှင်းထုတ်တာ၊ ညစာစားပြီးရင် မနက်မှဆေးမယ်ဆိုပြီး မထားဘဲ တခါတည်း အပြီးသတ် ဆေးကြောတာ၊
ဒီလို အလေ့အထလေးတွေက တစ်ယောက်တည်းနေသူအတွက်ရော၊ မိသားစုနဲ့ လူအများနဲ့ နေထိုင်သူတွေအတွက်ပါ စိတ်ကြည်လင်မှုကို ပေးစွမ်းနိုင်ပါတယ်။
နောက်ပြီး ထမင်းပေါင်းအိုးကို သေချာဆေးကြောဖို့ကလည်း တကယ့်ကို အရေးကြီးပါတယ်။ ကိုယ်ကတော့အိုးတွေကိုဆေးရင် စတီးခွေမသုံးဘဲ Spongeပဲသုံးပါတယ်။ ရွာမှာတော့ ထင်းမီးနဲ့ ချက်တတ်ကြလို့ စတီးခွေနဲ့တိုက်မှ ပြောင်တယ်ဆိုပြီး မိခင်ဖြစ်သူက သုံးလေ့ရှိပေမဲ့ ကိုယ်ကတော့ စတီးခွေကိုမသုံးပါဘူး။ ပေါင်းအိုးတွေ၊ ဟင်းအိုးတွေကို ဖော့နဲ့ပဲပြောင်အောင် ဆေးပါတယ်။ တကယ်လို့ ထမင်းကပ်နေရင် ဆားလေးနည်းနည်းထည့်ပြီး တိုက်ကြည့်ပါ တကယ်ကို ပြောင်စင်သွားတာပါ။ ထမင်းချက်ခါနီးအိုးမှာ ထမင်းစေ့အကျန်တွေ ကပ်နေတာမျိုး၊ စားမယ့် အိုးခွက်ပန်းကန်တွေ အနားပဲ့နေတာမျိုး မြင်ရင် စိတ်ထဲမှာ တစ်မျိုးကြီးနဲ့ ကသိကအောက် ဖြစ်ရတယ်။
ကိုယ်ကဟင်းချက်ပြင်ဆင်တဲ့အပိုင်းမှာ မတော်လို့ ဒီလို အလေ့အထလေးတွေနဲ့ နေ့စဉ်ဘဝမှာ စိတ်မရှုပ်ရအောင် နေထိုင်ဖြစ်ပါတယ်။ 🤍

15/06/2026

Color cosmetic သမားလဲမဟုတ်
Skin care ဆိုလဲ လိုတာပဲသုံးတယ် တမျိုးကုန်မှတမျိုးဝယ်တယ်၊ standby တောင်မထားဘူး၊ ဝယ်တုန်းတူတူမဝယ်ပါဘူး ကုန်ခါနီးကျ သူငယ်ချင်းတွေ တူတူကုန်ကြတော့မယ်🤧