https://www.facebook.com/232376043297163/

Xyra who Talks, Yangon (2025)

02/09/2025

အခုခေတ်လူငယ်တွေအတွက် Fashion ဆိုတာက အရေးပါတဲ့ အခန်းကဏ္ဍတစ်ခုလား။ 👔

အခုခေတ် generation Z & Alpha တွေကြားမှာ fashion ဆိုတာက အပြင်အဆင်တစ်ခုသပ်သပ် မဟုတ်တော့ဘဲ identity + self-expression လို အဓိက ဖြစ်နေပြီး၊ sneakers နဲ့ streetwear ကလည်း teen culture တစ်ခုလုံးကို define လုပ်နေတဲ့ power ဖြစ်လာပြီ။ ဒီနှစ်တွေအတွင်းမှာ sneakers culture ဟာ “အပြင်ထွက်တဲ့အချိန်၊ ဘယ် ဖိနပ်စီးရမလဲ?” ဆိုတာကို စဉ်းစားရတဲ့အထိ important ဖြစ်လာတယ်။

1️⃣ Sneakers = Personality

ပုံမှန်စကားနဲ့ ပြောရရင် အနည်းဆုံး sneakers တစ်ရံမရှိရင်ကို ခံစားချက်က incomplete ဖြစ်သလိုပဲ။ Sneaker choice တစ်ခုချင်းစီက meaning ကြီးကြီးမားမားနဲ့ ကိုယ့်ရဲ့ style ကို represent လုပ်နေတယ်။ ဥပမာ Nike Air Force 1 ဆိုရင် classic, clean, simple look ဖြစ်တဲ့ vibe ပေးတယ်။ Nike Dunks တွေဆိုရင် aesthetic, trends နောက်ကိုလိုက်သလိုဖြစ်စေပြီး Outfit တစ်ခုကို lit up လုပ်ပေးနိုင်တယ်။ Jordan 1s တွေဆိုရင် Street cred ဖြစ်စေပြီး OG vibes + basketball culture နဲ့ဆက်နွယ်နေစေတယ်။ Adidas Sambas ဆိုရင် Retro vibes, 90s + 2000s look တွေကို အခု Gen Z/Alpha တွေက လက်ခံပြီး minimal cool ဖြစ်စေတာကို ပြန်ပြီး show လုပ်နေကြပြီ။

2️⃣ Streetwear = Lifestyle

အခုနောက်ပိုင်းမှာ Streetwear ဆိုတာ clothes ပဲမဟုတ်တော့ပဲ “how you live, how you vibe” ဆိုတဲ့ lifestyle တစ်ခုဖြစ်သွားတယ်။

2025 Trend Fit Ideas တွေအနေနဲ့
Oversized Tee + Baggy Cargo Pants + Dunks = Street uniform
Hoodie + Loose Jeans + Jordans = Cozy + street flex
Minimal Tee + Shorts + Sambas = Chill + aesthetic တွေရှိတယ်။

Accessories are key!
Outfit တစ်ခုမှာ အင်္ကျီနဲ့ ဘောင်းဘီ အပြင် Hat, silver chain, tote bag, watch စတဲ့ပစ္စည်းတွေက fit တစ်ခုကို 0 ကနေ 100 လောက်အထိ upgrade လုပ်ပေးနိုင်တယ်။

3️⃣ Pop Culture Influence

Pop culture က fashion ကို ကြီးကြီးမားမား control လုပ်နေတာကိုတွေ့ရတယ်။
Travis Scott, Kanye (Ye), A$AP Rocky တို့က sneakers & streetwear ကို global stage ပေါ်မှာ hype up လုပ်ပေးနေတယ်။ ဒီအထဲမှာ K-pop idols တွေကလည်း influence ကြီးတယ်။ NewJeans, Stray Kids, G-Dragon တို့နဲ့ပေါင်းပြီး collab အမျိုးမျိုး release လုပ်ကြတယ်။

အခု teen generation အတွက် celebrity တွေက direct inspiration ဖြစ်နေတယ်။ IG, TikTok ပေါ်မှာ scroll လိုက်ရင်တော့ အများစုရဲ့ streetwear ideas ကို celeb fit တွေကပဲ ပေးနေတာ။

4️⃣ Fashion = Community

Sneakerhead community တွေ, streetwear group chat တွေ, page / TikTok group တွေမှာ vibe share လုပ်ကြတယ်။ Fashion choice က ကိုယ်နဲ့လိုက်လျောစေမယ့်အရာတင် မဟုတ်ပဲ၊ ကိုယ့်ရဲ့ individuality ကိုသိသိသာသာ ပြသနိုင်စေတဲ့အရာတစ်ခုဖြစ်လာတယ်။

ဆိုတော့ Gen Z နဲ့ Alpha မှာ fashion ဆိုတာ ဝတ်စုံအလှပ တစ်ခုသာ မဟုတ်တော့ဘဲ ကိုယ့်ကိုယ်ကိုယ် ဖော်ပြဖို့၊ identity နဲ့ self-expression အတွက် အဓိက အရာဖြစ်သွားပြီ။ Sneakers နဲ့ streetwear ကတော့ အခုခေတ်လူငယ်တွေအတွက် ဘာသာစကားတစ်မျိုးလိုပဲ။ စီးတဲ့ဖိနပ်တိုင်း၊ ဝတ်တဲ့ oversized fit တစ်ခုချင်းဆီတိုင်း၊ accessories တစ်ခုချင်းဆီတိုင်းက ကိုယ့်ရဲ့ vibe ကိုပြသနေတယ်။ Fashion ဆိုတာက အခုချိန်မှာ Style တစ်ခုသပ်သပ်မဟုတ်တော့ပဲ culture, lifestyle, and individuality ဖြစ်လာပြီဆိုတာ အသေအချာပဲ။

Xyra ပါ။ ပြန်တွေ့ကြပြီပေါ့။

13/08/2025

The Catcher In The Rye (သို့) လေလွင့်သူ🧳

Xyra ပါ။ ပြန်တွေ့ကြပြီပေါ့။

ပုံမှန်ဆိုရင်တော့ လူငယ်တွေစိတ်ဝင်စားစေမယ့် Sneakers တွေ Fragrance တွေ Fashion တွေနဲ့ တခြား Pop-culture တွေအကြောင်း ရေးဖြစ်တာများပါတယ်။ ဒါပေမယ့် ထူးထူးခြားခြား ကျွန်တော့်ရဲ့ အသက် ၁၃ နှစ်မှာ ပထမဆုံး အကြိုက်ဆုံးဖြစ်လာတဲ့ စာအုပ်တစ်အုပ်အကြောင်းကိုပြောကြပါမယ်။

ပြောရရင် ငယ်ငယ်က စာဖတ်ရတာမကြိုက်ဘူး။
စာကျက်ရတာဆိုပိုဆိုး။ အဲ့ဒီ စာဖတ်ပျင်းတဲ့သူရဲ့ အိမ်မှာမှ အဘဖြစ်သူရဲ့ စာအုပ်တွေဟာ အံ့ဩစရာကောင်းလောက်အောင် အများကြီး အုပ်ရေ ထောင်နဲ့ချီပြီးရှိနေတာပဲ။ ဘာစာအုပ်အမျိုးအစားဖတ်ချင်လဲ အကုန်ရှိတယ်။ အဘ၊ အဖွား၊ ဦးလေးနဲ့ မိဘတွေကလည်း စာပေဝါသနာရှင်တွေဆိုတော့ ကျွန်တော့ကိုလည်း ဇွတ်အတင်း ဇာတ်သွင်းတော့တာပါပဲ။ ကျွန်တော်ကလည်း စာဖတ်ဖို့ငပျင်း။ သုတရတနာသိုက်တွေဆိုလည်းပုံတွေပဲလိုက်ကြည့်တာ။ မွေးကတည်းက သူများတွေလို ဘိုဘိုတို့၊ တာရာပွကြီးတို့၊ ရွှေသွေးတို့လို စာအုပ်တွေလည်း မက်မက်မောမောနဲ့သေချာမဖတ်ဘူး။ စာအုပ်ဆိုရင် ဘာစာအုပ်မှကိုသေချာမဖတ်ချင်တာ။ မှတ်မှတ်ရရ ဆရာကြီးရွှေဥဒေါင်းရဲ့ စာအုပ်တွေနဲ့ ဆရာညီပုလေးရဲ့ “ထက်မြက်တဲ့ဓားသွားပေါ်ကချိုမြမြပျားရည်စက်” လောက်ပဲစိတ်ဝင်တစားဖတ်မိတယ်။ ပြီးတော့ “The 100” “ကျော်စွာ၁၀၀” ရယ်။ အဲ့လောက်ပဲ စိတ်ဝင်တစားဖတ်ဖူးတာ။ ဒါပေမယ့် သီချင်းစာသားတွေကိုတော့ လိုက်ဖတ်တယ်။

တစ်နေ့တော့ ပျင်းပျင်းရှိတာနဲ့ ထူးထူးဆန်းဆန်း အိမ်မှာရှိတဲ့ စာအုပ်တစ်အုပ်ကို ကောက်ကိုင်ဖြစ်ခဲ့တယ်။ စာအုပ်နာမည်ကလည်း ခေတ်စားတဲ့ဗန်းစကားဖြစ်တဲ့ “လေလွင့်နေတာ” ဆိုသလို “လေလွင့်သူ” ဆိုတော့ အမှာစာဖတ်ကြည့်ရင်းနဲ့ မှစိတ်ဝင်စားစရာကောင်းတာနဲ့ ဆက်ဖတ်ကြည့်ဖြစ်ခဲ့တာ။ ၁၆နှစ်အရွယ်ကောင်လေးရဲ့အကြောင်းဆိုတော့ ကျွန်တော်လည်း မကြာခင်၁၆နှစ်သားဖြစ်တော့မယ်ဆိုတဲ့ အသိနဲ့ စိတ်ဝင်စားသွားမိတယ် ထင်ပါရဲ့။ အခုဆိုရင် ကြိုက်လွန်းလို့ ပြန်ပြန်ပြီးဖတ်တာ ၅ ခါ၊ ၆ ခါ လောက်ကိုရှိပြီ။ သူရဲ့ Original English Version ပါဝယ်ပြီးဖတ်ရတဲ့အထိကို ကြိုက်တာ။ ဒီ “လေလွင့်သူ” ဆိုတဲ့စာအုပ်ရဲ့ Original က 1951 ခုနှစ်ကထုတ်တဲ့ J. D. Salinger ရေးထားတဲ့ “The Catcher In The Rye”. ဒါကိုမှ ဆရာမြသန်းတင့်က မူရင်းစာအုပ်ရဲ့ အနှစ်သာရကိုမပျောက်ပျက်အောင် “လေလွင့်သူ” ဆိုပြီး ဘာသာပြန်စာအုပ် ထုတ်ထားတာ။

မူရင်းစာအုပ်ရဲ့နာမည်က “The Catcher In The Rye” “ဂျုံခင်းထဲမှာ လိုက်ဖမ်းသူ” ဆိုတော့နည်းနည်းဆန်းနေတယ်။ အဖုံးကလည်း ကောင်လေးတစ်ယောက် သားရေသေတ္တာကလေး လက်မှာဆွဲလို့။ အဖုံးမှာရေးထားတာက ၁၆ နှစ်အရွယ် လူငယ်လေးတစ်ယောက်ရဲ့ ဇာတ်လမ်းတဲ့။ “ဤစာအုပ်ကိုဖတ်၍ အလန့်တကြား ဖြစ်ကောင်းဖြစ်မည်၊ ရယ်ကောင်းရယ်ရမည်၊ ရင်နင့်အောင် ခံစားရကောင်းခံစားရမည်၊ သို့ရာတွင် ဘယ်တော့မျှ မေ့နိုင်မည် မဟုတ်သည်မှာကား သေချာသည်” လို့ ရေးထားတယ်။

စာအုပ်ရဲ့ နောက်ကျောဖုံးမှာလည်း “စာပေ လောကကို တုန်လှုပ်ချောက်ချားသွားစေမည့် စာပေ ဥက္ကောဋေယျ ဖြစ်မှုကြီး တစ်ရပ်၊ ယခုနှစ်များ အတွင်း အထူးခြားဆုံး စာအုပ်တစ်အုပ်၊ မိမိကိုယ်ကို မိမိ လိုက်လံရှာဖွေလိုသော အသက် ၁၆ နှစ်အရွယ် ဟိုလ်ဒင် ကောဖီး၏ ဇာတ်လမ်း၊ သူ့ဘဝတွင် နားမလည်သော အခြေအနေများကို ကြုံတွေ့ရသည့် အခါတွင် နယူးယော့ မြေအောက် လောကသို့ ၄၈ နာရီကြာ ရောက်သွားသည့် လူငယ်လေးတစ်ဦး၊ ပထမစာမျက်နှာကို ဖတ်လိုက်သည်နှင့် သူနှင့် အတူ စွဲမက်ဖွယ်ကောင်းသော ခပ်ရမ်းရမ်း စွန်စားခန်း ပြီးဆုံးသွားသည် အထိ လက်ကမချနိုင်သော စာအုပ်၊ ဖတ်ရင်း ရယ်ရမည်လော ငိုရမည်လော ဆိုသည်ကို မဝေခွဲနိုင် ဖြစ်ရသည်” လို့ ရေးထားတယ်။

စာအုပ်တွေဘာတွေမှာ ဒီလိုပဲ ရေးကြတာပဲ မဟုတ်လား။ သာမန် ရေးရိုးရေးစဉ်ပဲလို့ ထင်လိုက်တယ်။ စာအုပ်ရဲ့နာမည်နဲ့ ၁၆ နှစ်အရွယ် ကောင်လေးတစ်ယောာက်ရဲ့ ဇာတ်လမ်းဆိုတော့ နည်းနည်းတော့ စိတ်ဝင်စားသွားတာပေါ့။ ကိုယ်လည်းတစ်ခါမှမကြားဖူးတဲ့ စာအုပ်၊ ဆရာမြသန်းတင့်ရေးတာဆိုလို့ရှေ့မှာ “ဓားတောင်ကိုကျော်၍ မီးပင်လယ်ကိုဖြတ်မည်” တစ်အုပ်ပဲ ဖတ်ဖူးသေးတာ။ ဘာသာပြန်အနေနဲ့ တစ်ခါမှသူ့ရဲ့စာအုပ်တွေကို ဖတ်ဖူးတာမဟုတ်ဘူး။ သူ ဘာရေးမလဲ။ ၁၆ နှစ်အရွယ် ကောင်လေးတစ်ယောက် လမ်းသရဲ ဖြစ်သွားတယ်၊ ဒီလိုနဲ့ လူဆိုးကလေး တစ်ယောက် ဖြစ်သွားမယ်၊ ပြီးတော့ နောင်တရချင်ရမယ်ပေါ့၊ ဒီလိုပဲဖြစ်မှာပဲလို့ ထင်လိုက်မိတယ်။

စာအုပ်ကိုသေချာဆက်ပြီး ဖတ်ကြည့်လိုက်မှ ဒီစာအုပ်က ကျွန်တော်ထင်သလို လမ်းသရဲအကြောင်းကို ရေးထားတာလည်း မဟုတ်ဘူး။ နယူးယော့ မြေအောက်လောက အကြောင်းကို ရေးထားတာလည်းမဟုတ်ဘူး။ စာမေးပွဲကျလို့ ကျောင်းထုတ်ခံရတဲ့အတွက် အိမ်ကို မပြန်ရဲတဲ့ ကျောင်းသားတစ်ယောက် အကြောင်းရေးထားတာကို သိလိုက်ရတယ်။ အိမ်ကိုမပြန်ရဲတော့ နယူးယော့ မြို့ကြီးထဲမှာ ပါလာတဲ့ ပိုက်ဆံကလေး ကုန်အောင် လျှောက်သွား၊ ပြီးတော့ အိမ်ပြေးလုပ်မယ်လို့ စိတ်ကူးနေတဲ့ လူငယ်တစ်ယောက်။ ဒါပေမယ့် လမ်းသရဲလည်းမဟုတ်၊ အိမ်ပြေးလည်းမဟုတ်။ လောကကြီးကို မကျေနပ်နေတဲ့ ကောင်လေးတစ်ယောက်။

သူ့ရဲ့ မကျေနပ်ပုံက ကျွန်တော်တို့ လူငယ်တွေ လောကကြီးနဲ့ ပတ်ဝန်းကျင်ကို မကျေမနပ် ဖြစ်နေတာနဲ့ သွားပြီးတူနေတယ်။ နောက်တော့ အိမ်ကနေ မပြေးဖြစ်တော့ပဲ လောကကို သူသဘော ပေါက်သွားတယ်။ ပတ်ဝန်းကျင်နဲ့ လိုက်လျောညီထွေဖြစ်အောင် နေတတ်သွားတယ်။

လူငယ်တစ်ယောက်ရဲ့ ခံစားမှု၊ လူငယ်တစ်ယောက်ရဲ့ ပေါက်ကွဲမှု၊ လူငယ်တစ်ယောက်ရဲ့ မကျေနပ်မှု၊ လူငယ်တစ်ယောက်ရဲ့ ဘဝင်မြင့်မှု၊ လူငယ်တစ်ယောက်ရဲ့ ဘဝ အမြင် ပြောင်းမှု။ ဒါတွေ အားလုံးကို တွေ့နိုင်တယ်။

တချို့က ဒီစာအုပ်ဟာ လူငယ်တွေရဲ့ စိတ္တဗေဒကို ဖော်ပြတဲ့ စာအုပ်၊ တချို့က ဒီစာအုပ်ဟာ အခု ခေတ်စားနေတဲ့ ဘဝ ပဓာန ဝါဒရဲ့ အဓိပ္ပာယ်ကို ဖွင့်ထားတဲ့ စာအုပ်၊ တချို့ကလည်း ဒီစာအုပ်ဟာ လူငယ်ပြုပြင်ရေး စာအုပ်၊ တချို့ကလည်း ဒီစာအုပ်ဟာ အနုပညာ လက်ရာမြောက်တဲ့ ဝတ္ထုကောင်း တစ်ပုဒ်လို့ ပြောကြတယ်။

အမေရိကန် တိုင်းမဂ္ဂဇင်းက နှစ်ဆယ်ရာစုရဲ့ အကောင်းဆုံး စာအုပ် တစ်ရာကို ရွေးခဲ့ပါတယ်။ နှစ်ဆယ်ရာစုအတွင်း ထွက်သမျှ စာအုပ်အမျိုးမျိုးထဲက ရွေးတာပါ။ အဲဒီ နှစ်ဆယ်ရာစုရဲ့ အကောင်းဆုံးစာအုပ်တွေထဲမှာ ဒီ “The Catcher In The Rye” ဆိုတဲ့ စာအုပ်က တစ်အုပ် အပါအဝင်ဖြစ်ခဲ့တယ်။ ဘာကြောင့်ဒီလောက်ကောင်းသလဲ၊ ဘာတွေကောင်းသလဲ ဆိုတာကိုတော့ ကိုယ်တိုင်ဖတ်ကြည့်ရင် သိပါလိမ့်မယ်။

မူရင်းစာရေးဆရာက ၁၉၁၉ ခုနှစ်မှာမွေးလို့ ၂၀၁၀ ခုနှစ်မှာတော့ ဆုံးသွားပါပြီ။ ဒီစာအုပ်ကို ရေးတုန်းက သူ့အသက် လေးဆယ်ကျော်လောက်ဖြစ်မယ်။ ဒါပေမယ့် သူ့ ဝတ္ထုကို ၁၆ နှစ်အရွယ် ကောင်လေးရဲ့ စကား၊ အဲ့ဒီ အတွေး၊ အဲဒီ ခံစားချက်နဲ့ ရေးထားတာပါ။ ဒါကလည်း ဒီစာအုပ်ရဲ့ ထူးခြားချက်တစ်ခုပဲ။ ၁၆ နှစ်အရွယ် ကောင်လေးတစ်ယောက်ရဲ့ စကားနဲ့ ရေးထားတာမလို့ အမေရိကန် လူငယ်တွေရဲ့ ဗန်းစကားတွေ အများကြီး ပါတယ်။ သူတို့ရဲ့ လေသံတွေလည်း ပါတယ်။

စာအုပ်ရဲ့အကြောင်း အသေးစိတ်ကိုတော့ spoil သလို ဖြစ်မှာဆိုးလို့ မပြောတော့ဘူး။ မူရင်း “The Catcher In The Rye” by J. D. Salinger (English version) နဲ့ “လေလွင့်သူ” ဆိုတဲ့ ဆရာမြသန်းတင့် ရဲ့ဘာသာပြန် လည်းရှိတယ်။ စိတ်ဝင်စားတယ်ဆိုရင် ဝယ်ပြီးဖတ်ကြည့်ပါ။ English version ဆိုရင် Google မှာ PDF ရှာပြီးဖတ်လို့လည်း ရတယ်။ မြန်မာလိုဖတ်ချင်တာဆိုရင်လည်း ဆရာမြသန်းတင့်က မူရင်းရသ မပျက်အောင် ဘာသာပြန်အရမ်းတော်လို့ တကယ်ကောင်းတာကို အာမခံတယ်။ ကျွန်တော့်လို စာဖတ်အရမ်းပျင်းတဲ့သူတောင် ထပ်ခါထပ်ခါ ပြန်ဖတ်တယ် ဆိုတော့ စဉ်းစားသာ ကြည့်ပါတော့။ အထူးသဖြင့် ကျွန်တော်တို့လို ဆယ်ကျော်သက် လူငယ်တွေ ဆိုရင် ပိုပြီးသဘောကျမှာ သေချာပါတယ်။ ဒါပေမယ့်လည်း အရက်သောက်တာ၊ ဆေးလိပ်သောက်တာ နဲ့ တခြား Explicit Content တချို့ပါတာမလို့ အသက် ၁၆ နှစ်နဲ့ အထက် လောက်မှဖတ်ဖို့ ပြောချင်ပါတယ်။ ကျွန်တော်ဖတ်တုန်းကတော့ ၁၃ နှစ်ပါ။

ဒီနေ့အတွက်ကတော့ ဒီလောက်ပါပဲ။ ဖတ်ပြီးတဲ့သူရှိရင်လည်း Review လေးတွေ လာပြောလို့ ရပါတယ်။

Xyra ပါ။ ပြန်တွေ့ကြတာပေါ့။ 👾

06/08/2025

Xyra ပါ ပြန်တွေ့ကြပြီပေါ့။ 👾

အခုဆိုရင် စာတွေမရေးဖြစ်တာ တစ်နှစ်လောက်တောင်ရှိသွားပြီ။ ကြားထဲမှာ Dm ကိုလာပြီး content တွေမတင်တော့ဘူးလားလို့ မေးတဲ့သူတွေလည်း ရှိတာကြောင့် content တွေ ပုံမှန်ပြန်တင်ပေးပါတော့မယ်။ ဒီနှစ်ပိုင်းအတွင်း လူငယ်တွေ Fragrance အကြောင်းကို ပိုပြီးစိတ်ဝင်စားလာကြတာကိုတွေ့ရလို့

ဒီနေ့တော့ နွေရာသီ နဲ့ ဆောင်းရာသီ၊ ရာသီနှစ်ခုလုံးမှာ ဆွတ်ရတဲ့ ရေမွှေးတွေအကြောင်းကိုပြောပါမယ်။ ရေမွှေးတွေမှာ ဘယ်အချိန် ဘယ်လိုနေရာမှာ မှဆွတ်လို့ရတယ်ဆိုပြီး သီးသန့်ခွဲခြားထားတာမျိုး မရှိပေမယ့် ကိုယ်သွားမယ့်နေရာ၊ ရာသီဥတု၊ အဝတ်အစားအပေါ် မူတည်ပြီး လိုက်ဖက်တဲ့ရေမွှေးကို ရွေးချယ်ပြီး ဆွတ်မယ်ဆိုရင်တော့ ပိုကောင်းတာပေါ့။

Summer fragrance တွေနဲ့ စကြရအောင်။ နွေရာသီမှာ ဆွတ်လို့ကောင်းတဲ့ ရေမွှေးတွေဆိုရင် များသောအားဖြင့် Louis Vuitton - Imagination, Jean Paul Gaultier - Le Beau Le Parfum, Jean Paul Gaultier - Paradise Garden, Versace - Dylan Blue, Acqua di Gio - Profumo တို့လို ပင်လယ်၊ သံပုရာ၊ အုန်းသီး စတဲ့ တခြား Fresh ဖြစ်စေတဲ့ note တွေနဲ့ ရေမွှေးတွေကိုရွေးချယ်သင့်တယ်။ ဒီလို ရေမွှေးတွေကို နွေရာသီ၊ ရာသီဥတုပူတဲ့အချိန်၊ ကမ်းခြေတို့လိုနေရာမျိုး သွားတဲ့အချိန်မှာ ဆွတ်ရင်အကောင်းဆုံးပဲ။ အရမ်းပူလို့ခေါင်းကိုက်နေချိန် အဲဒီလို fresh ဖြစ်စေမယ့် အနံံ့လေးနဲ့ဆိုရင် ဆွတ်ထားတဲ့သူကိုယ်တိုင်ပါ လန်းဆန်းနေမှာပါ။ အဲဒီလိုအချိန်မှာ တခြား ချိုအီနေတဲ့အနံ့မျိုး၊ ဆောင်းတွင်းမှာဆွတ်မှ လိုက်ဖက်တဲ့ To***co လိုအနံ့လိုမျိုးနဲ့ဆိုရင်တော့ ခေါင်းပိုကိုက်စေမယ့်အပြင် အခန့်မသင့်ရင် ကိုယ့်ဘေးကသူ ဆဲတာကိုပါ ခံရနိုင်တယ်။

Winter fragrance တွေမှာဆိုရင် Azzaro The Most Wanted - EDP Intense, Dior - Sauvage Elixir, Jean Paul Gaultier - Le Male Le Parfum, Parfums de Marly - Layton, Tom Ford - To***co Vanille တို့လို Vanilla, Cardamon, Cinnamon စတဲ့ notes တွေနဲ့ Warm, Spicy, Sweet ဖြစ်စေတဲ့ ရေမွှေးတွေကို ရွေးချယ်သင့်တယ်။ ဒီလို Winter fragrance တွေကို များသောအားဖြင့် Dinner, Night out တို့လို့ နေရာရာမျိုးတွေမှာ ဆွတ်ဖို့သင့်တော်တယ်။ အဲဒီလို Scent မျိုးနဲ့ Cologne တွေက ကိုယ့်ကို Sexy, Masculine ဖြစ်စေပါတယ်။ Dinner ပွဲလိုနေရာမျိုးကို အပေါ်မှာပြောခဲ့သလို Summer fragrance တွေဆွတ်ပြီးသွားမယ် ဆိုရင်တော့ Suit နဲ့သွားရမယ့်နေရာကို ကမ်းခြေသွားသလို ရှပ်အင်္ကျီ၊ ဘောင်းဘီတို၊ ခြေညှပ်ဖိနပ် တို့နဲ့သွားသလို ဖြစ်နေနိုင်တယ်။

အဲဒီလိုမှမဟုတ်ဘူးဆိုရင် ရာသီဥတုမရွေး ဘယ်လိုနေရာမျိုးမှာမဆို ဆွတ်လို့သင့်တော်တဲ့ All Year Round Fragrance တွေဖြစ်တဲ့ Creed - Aventus, Bleu di Chanel - Eau De Parfum, တိုလို့ အရမ်းကြီးလည်း fresh မဖြစ်စေပဲ fruit notes တွေပါတဲ့ fragrance တွေလည်းရှိပါတယ်။ ဒီလိုမျိုးရေမွှေးတွေဆိုရင်တော့ တစ်ပုလင်းဝယ်ထားပြီး ရာသီဥတု၊ နေရာ၊ အဝတ်အစား၊ အချိန် မရွေးပဲ ဆွတ်လို့ရပါတယ်။ ပိုပြီးအဆင်ပြေတာတစ်ခုက 3ml, 5ml, 10ml , 20ml ဆိုပြီး Decant bottle တွေနဲ့ ခွဲပြီး ရောင်းပေးတဲ့ ဆိုင်တွေရှိနေတော့ ကိုယ်နဲ့လိုက်ဖက်တဲ့ရေမွှေးကို သေချာစမ်းသုံးကြည့်ပြီးတော့ ရွေးချယ်လို့ရတာပေါ့။

ကိုယ်ကြိုက်တဲ့အနံ့ကို ကိုယ်ကြိုက်သလို ဆွတ်လို့ရတယ်ဆိုပေမယ့် ကိုယ်သွားမယ့်နေရာအပေါ် ဝတ်ဆင်ထားတဲ့အပေါ်မူတည်ပြီး လိုက်ဖက်မယ့်ရေမွှေးကို ဆွတ်မယ်ဆိုရင်တော့ ပိုပြီးဆွဲဆောင်မှုရှိစေမှာ အသေအချာပဲ။ ကံကောင်းရင် ကိုယ့်ဘေးကသူ Compliment တာကိုပါ ခံရနိုင်ပါတယ်။ ဒီစာကိုဖတ်ပြီးတော့ ကိုယ့်နဲ့လိုက်ဖက်မယ့် ရေမွှေးကို အကြမ်းဖျင်း ရွေးချယ်နိုင်လိမ့်မယ်လို့ မျှော်လင့်ပါတယ်။ ရွေးချယ်မှုမှန်သွားလို့ ကောင်မလေးတွေ ဝိုင်းဝိုင်းလည်နေရင်တော့ ကျေးဇူးမမေ့နဲ့ပေါ့။

Xyra ပါ။ ပြန်တွေ့ကြတာပေါ့။ 👾

# #

08/06/2024

American Music Industry မှာ အရမ်းအပြောများတဲ့ Satanism ဆိုတာ ❓❓

Satanism ဆိုတာက Satan (နတ်ဆိုး) ကို ယုံကြည်သက်ဝင်ပြီး ကိုးကွယ်ကြတဲ့ ဘာသာတရားတစ်ခု လို့ပြောလို့ရတယ်။ ဒီအယူဝါဒမှာ Satan ကို ဘုရားသခင်လို ရိုသေထေရတဲ့ လူတစ်စုရှိနေတယ်။ Satanism ဟာ အမျိုးအစား မျိုးစုံရှိပြီး ယုံကြည်မှုနဲ့ ကျင့်ကြံမှုတွေလည်း ကွဲပြားကြပါတယ်။

Satanism ရဲ့ အမျိုးအစားတွေအနေနဲ့ Theistic Satanism နဲ့ LaVeyan Satanism ဆိုပြီး နှစ်မျိုးရှိပါတယ်။

Theistic Satanism က Satan ကို တကယ်တမ်းလက်တွေ့တည်ရှိတဲ့ နတ်ဆိုးအဖြစ် ယုံကြည်ထားကြပါ။ သူတို့အတွက် Satan က နတ်ဘုရားတစ်ပါးအဖြစ် ရှိပြီး သူ့ကို ကောင်းချီးမြှောက်၊ ဆုပန်တောင်းသလို ဘုရားကျောင်းတက်ရောက်ကြရပါတယ်။

LaVeyan Satanism ကတော့ Anton LaVey ဆိုတဲ့သူက ၁၉၆၆ ခုနှစ်မှာ Church of Satan ကို တည်ထောင်ပြီးနောက်ပိုင်း စတင်ခဲ့တဲ့ အယူဝါဒတစ်ခု ဖြစ်တယ်။ ဒီဝါဒမှာ Satan ကို နတ်ဆိုးအဖြစ် မဟုတ်ပဲ လူသားတွေရဲ့ ရုပ်ပိုင်းဆိုင်ရာ အလိုဆန္ဒတွေကို တန်ဖိုးထားပြီး လွတ်လပ်မှုနဲ့ ကိုယ်ကျေနပ်မှုကို အဓိကထားတတ်ကြပါတယ်။

၁၉၆၀ ပြည့်နှစ်လောက်မှာတော့ Satanism ဟာ အများဆုံးရေပန်းစားလာပြီး အထူးသဖြင့် Anton LaVey ရဲ့ Church of Satan တည်ထောင်မှုကြောင့် လူသိများလာခဲ့တာပါ။ LaVey ဟာ သူ့ရဲ့ စာအုပ် "The Satanic Bible" မှာ Satanism ရဲ့ အခြေခံအယူဝါဒတွေကို ဖော်ပြထားပြီး မိမိကိုယ်တိုင်ပိုင်နိုင်မှု၊ ကိုယ်ကျေနပ်မှု၊ လွတ်လပ်မှုတို့ကို အဓိကထားရမယ်ဆိုတဲ့ စိတ်ကူးအတိုင်း ကျင့်သုံးခဲ့တာ ဖြစ်တယ်။

Satanism ကအလွန်စိတ်ဝင်စားဖွယ်ရာ အယူဝါဒတစ်ခု ဖြစ်ပြီး သူတို့ရဲ့ သဘောထားနဲ့ ယုံကြည်မှုတွေကလည်း ထူးခြားစွာ ကွဲပြားကြပါတယ်။

American rap scene မှာ Satanism နဲ့ ဆက်စပ်ထားတတ်တဲ့ အနုပညာရှင်တွေ တချို့ ရှိပါတယ်။ သူတို့ဟာ Satanism ကို တကယ်ယုံကြည်သူတွေ ဖြစ်နိုင်သလို၊ Hit ဖြစ်ဖို့အတွက်ပဲ သူတို့ရဲ့ အနုပညာအတွင်းမှာ Satanism ရဲ့ သင်္ကေတတွေ၊ ဂီတဖန်တီးမှုတွေမှာ ထည့်သွင်းသုံးကြတာလည်း ဖြစ်နိုင်ပါတယ်။

Playboi Carti, Lil Nas X, Lil U*i Vert နဲ့တခြားသော rappers တွေက သူတို့ရဲ့ လုပ်ဆောင်ချက်တွေ၊ သီချင်းစာသားတွေမှာ Satanism နဲ့ ဆက်စပ်တဲ့အရာတွေ ထည့်သွင်းဖော်ပြတတ်ကြပါတယ်။

ကျွန်တော်တို့လို American Rapper တွေကိုကြိုက်ကြတဲ့ လူငယ်တွေကြားမှာတော့ Satanism၊ Satan ဆိုတဲ့ စကားလုံးက အခုချိန်ထိလူပြောများနေပြီး American နဲ့ တခြားနိုင်ငံတွေမှာလည်း Satanism ကို အခုချိန်ထိ သက်ဝင်ယုံကြည်နေကြသူတွေလည်း အများကြီးရှိနေဆဲပါပဲ။

Xyra ပါ။ ပြန်တွေ့ကြတာပေါ့။ 👾

31/05/2024

ဒေါ်လာမီလီယံနဲ့ချီပြီး ပေးဝယ်ရတဲ့ jpeg file များ🥲💸

NFTs (Non-Fungible Tokens) ဆိုတာ Blockchain နည်းပညာကို အသုံးပြုပြီး ထုတ်လုပ်ထားတဲ့ အထူးဒစ်ဂျစ်တယ်သက်သေခံလက်မှတ်တွေလို့ ပြောလို့ရပါတယ်။ Fungible (အလွယ်တကူ ပြန်လဲနိုင်သော) ပစ္စည်းတွေဖြစ်တဲ့ ငွေ၊ Bitcoin တို့နဲ့ မတူဘဲ၊ NFTs တွေက Non-Fungible (ပြန်လဲမရသော) ဖြစ်ပါတယ်။ ဒါကြောင့် NFTs တွေက သက်သေခံမှု၊ ပိုင်ဆိုင်မှု၊ အမူအနှစ် ရှိကြောင်းကို သက်သေပြနိုင်ပါတယ်။

NFTs တွေကို Blockchain နည်းပညာ အပေါ်မှာ တည်ဆောက်ထားတာ ဖြစ်ပြီး Blockchain ဆိုတာက အချက်အလက်တွေကို စနစ်တကျ၊ လုံခြုံစွာ မှတ်တမ်းတင်ထားတဲ့ ဒေတာဘေ့စ်ဖြစ်ပြီး၊ ဒီနည်းပညာကို အခြေခံပြီး NFTs တွေကို ဖန်တီးထားပါတယ်။

NFT တစ်ခုစီမှာ အထူးအမှတ်အသားတွေရှိပြီး၊ ပိုင်ဆိုင်မှုကို Blockchain မှာ မှတ်တမ်းတင်ထားပါတယ်။ NFTs တစ်ခုချင်းစီမှာ metadata တွေ၊ Smart Contract တွေ ပါဝင်ပါတယ်။ NFTs တွေကို NFT Marketplace တွေဖြစ်တဲ့ Opensea၊ Koinect တို့ လိုwebsite တွေမှာ ဝယ်ယူ၊ ရောင်းချနိုင်ပါတယ်။

Bored Apes Yacht Club (BAYC) NFTs ဆိုတဲ့ NFTs ၁၀,၀၀၀ တည်းဟာ အလွန်ထူးခြားတဲ့ digital အနုပညာလက်ရာတွေဖြစ်ပါတယ်။ ဒီ NFTs တွေကို ၂၀၂၁ ခုနှစ် ဧပြီလမှာ Yuga Labs ဆိုတဲ့ ကုမ္ပဏီက စတင်ထုတ်လုပ်ခဲ့တာပါ။ Final Design နဲ့ တည်ဆောက်မှုတွေကို ၁၇၀ ကျော်တဲ့ အင်္ဂါရပ်တွေနဲ့ ဖန်တီးထားတာတွေပါ။

BAYC NFTs တွေဟာ တစ်ခုချင်းစီမှာ မတူညီတဲ့ ဖက်ရှင်၊ အရောင်၊ နှင့် အထူးအင်္ဂါရပ်များပါဝင်တဲ့အတွက် ပိုင်ဆိုင်သူတိုင်းက သူ့ရဲ့ မတူညီတဲ့ Bored Ape ကို ပိုင်ဆိုင်ကြပါတယ်။ BAYC NFTs တစ်ခုကို ပိုင်ဆိုင်တာနဲ့ "The Bathroom" လို့ခေါ်တဲ့ သီးသန့်ရုပ်ပြဗီဒီယိုအခန်းတွေကို အသုံးပြုခွင့်ရသွားပါတယ်။ ဒီ NFTs တွေဟာ သူတို့ရဲ့ ထူးခြားတဲ့ အနုပညာပုံစံတွေ၊ Celebrities တွေရဲ့ ထောက်ခံမှုတွေကြောင့် အလွန်ကျော်ကြားလာခဲ့ပြီး အချို့ NFTs တွေဟာ ဒေါ်လာသန်းပေါင်းများစွာနဲ့ ရောင်းချနိုင်ခဲ့ပါတယ်။

Bored Ape NFTs ရှိသူတိုင်းဟာ သူ့ရဲ့ NFT ပိုင်ဆိုင်မှုကနေ အကျိုးကျေးဇူးတွေလည်း ခံစားနိုင်ပါတယ်။

အောက်ကပုံက Murat Pak ဆိုတဲ့ Digital Artist က ရေးဆွဲထားတဲ့ Pak The Merge လို့ခေါ်တဲ့ USD 91.8 million တန်တဲ့ NFT ဖြစ်ပါတယ်။ သင့်အနေနဲ့ရော ဒီပုံကိုဝယ်ဖို့စိတ်ကူးရှိလား။ ဝယ်ပြီးရင် အနည်းဆုံးတော့ Pak The Merge ပုံအစစ်ရှိတယ် ဆိုပြီးကြွားလို့ရတာပေါ့။

Xyra ပါ။ ပြန်တွေ့ကြတာပေါ့။ 👾

DISCLAIMER: No Copyright Infringement caption intended. We do not own the image in this post. Image belongs to the rightful owner.

14/05/2024

ည ၂ နာရီ ၃ နာရီမှ အိပ်ရတဲ့အကြောင်းအရင်း⏰
Wee Hours Working

ဒီနေ့ကတော့ အိပ်ချိန်နဲ့ပတ်သက်တဲ့ Content ဖြစ်ပါတယ်။ ပုံမှန်ဆိုရင် ကျွန်တော်က ည ၂ နာရီ ၃ နာရီလောက်မှ အိပ်လေ့ရှိတယ်။ ဒီ Content ရေးတဲ့အချိန်ဆိုရင်လည်း ည ၂ နာရီခွဲနေပြီ။ ပြီးရင်တော့ လူကြီးတွေပြောကြသလို မနက် နေဖင်ထိုးမှထတာမျိုးပါ။

ကျွန်တော့်အနေနဲ့ ည ၁၂ နာရီနောက်ပိုင်းမှ အလုပ်လုပ်တာက ပုံမှန် အချိန်တွေမှာထက် အလုပ်ပိုပြီးတယ်လို့ ခံစားရတယ်။ အဲဒီအချိန်မှာ Content ရေးဖို့အတွက် Idea တွေရော၊ တခြားအတွက်ရော စဉ်းစားရတာ ပိုကောင်းတယ်။

ဒါပေမယ့် ဒါက ပုံမှန်စောစောထ အလုပ်သွား၊ ကျောင်းသွားနေတဲ့ သူတွေအတွက်ကတော့ ဒီ Habit ကအဆင်ပြေမှာ မဟုတ်ဘူး။ ဒီ Habit က ကျွန်တော့်ရဲ့ Personal အမြင်အရ ပဲပြောတာဖြစ်တယ်။

ပုံမှန်လူတွေအနေနဲ့ ည ၁၀ နာရီ ၁၁ နာရီ ဝန်းကျင်ဆိုရင် အိပ်ကြလေ့ရှိတယ် ဆိုပေမယ့် ည ၂ နာရီ ၃ နာရီမှအိပ်ကြတဲ့သူတွေလည်း ရှိပြန်တယ်။

တချို့က ဂိမ်းဆော့နေလို့၊ ဇာတ်ကားကြည့်လို့ကြောင့်သာ ၂ နာရီ ၃ နာရီမှ အိပ်ကြသလို တချို့ကြ အဲဒီအချိန်မှ အလုပ်လုပ်ကြတာမျိုးရှိတယ်။

အလုပ်လုပ်တယ်ဆိုတာ Content Writer, Video Editor, Web Developer လိုမျိုး သူတွေအနေနဲ့ သန်ခေါင်ကျော်အချိန်က တိတ်ဆိတ်ငြိမ်သက် နေတာဖြစ်တဲ့အတွက် ကိုယ့်အလုပ် အပေါ်မှာ Concentration ပိုပြီးလုပ်နိုင်တယ်။

Wee Hours မှာ Night Light လေးနဲ့ Earphone လေးတပ်၊ သီချင်းနားထောင်ပြီး Code ရေးရတဲ့ Vibe က တကယ်ကိုကောင်းတာ။ (Code Error တက်နေတယ်ဆိုရင်တော့ အဲဒီ Vibe လည်းပျောက်ရော)

နေ့အချိန်မှာ ကားသံတွေ လူသံတွေ တိရစ္ဆာန်သံတွေနဲ့ ဆူညံနေတာဖြစ်တဲ့အတွက် ကိုယ်လုပ်နေတဲ့ အလုပ်အပေါ် သေချာ Concentration မလုပ်နိုင်ပဲ အာရုံပြန့်လွင့်နေတတ်တော့ အလုပ်လည်းမပြီးဘူး။ Content ရေးဖို့ Topic စဉ်းစားနေရင်းနဲ့ တခြားအကြောင်းကို ရောက်သွားတာမျိုးတွေဖြစ်တယ်။

တစ်ခုမေးစရာရှိတာက ည ၂ နာရီ ၃ နာရီတွေမှ အိပ်တာများတော့ ဘာတွေဖြစ်လာလဲ၊ ဘာဆိုးကျိုးတွေ ကောင်းကျိုးတွေဖြစ်လာလဲ ဆိုတာကတော့ ChatGPT ကို မေးကြည့်ရသလောက်ကတော့ ည ၂ နာရီ ၃ နာရီမှ အိပ်တာ မကောင်းတဲ့အကျင့်၊ ပုံမှန်လူတစ်ယောက်အတွက် အိပ်သင့်တဲ့အချိန် မဟုတ်ဘူးလို့ဆိုပါတယ်။ ဒါက ChatGPT တင်မဟုတ်ပါဘူး။ ဆရာဝန်တွေ၊ ဆေးပညာရှင်တွေအကုန် ဒီတိုင်းပဲပြောကြတာပါပဲ။

ကျွန်တော့်အတွက် ဒီလိုအချိန်မှအိပ်တာက ပုံမှနါလိုဖြစ်နေပြီး အခုချိန်ထိတော့ ဘာမှမဖြစ်ဘူး ဆိုပေမယ့် တခြားသူတွေ အတွက်ကတော့ ဒါဟာ ဆိုးကျိုးရှိတယ် ဆိုတာကို သိထားရမယ်။

ကျွန်တော့်ကတော့ နောက်ပိုင်းမှာလည်း ဘာမှမဖြစ်သရွေ့တော့ ဒီလိုအချိန်မှပဲ အိပ်ဖြစ်နေလိမ့်ဦးမယ်။ စောစောထပြီး အလုပ်မပြီးတာထက် နောက်ကျမှနိုးပြီး လုပ်ရမယ့်အလုပ်တွေ ပြီးမြောက်တာကပိုပြီး အဓိပ္ပာယ်ရှိတယ် လို့ထင်တယ်။

ဒါကတော့ စောစောအိပ်ပြီး စောစောထပါဆိုတဲ့အကျင့်နဲ့ အံဝင်ခွင်ကျမဖြစ်တဲ့သူတစ် ယောက်ရဲ့ Personal Content ဖြစ်ပါတယ်။ ကျွန်တော့်လိုပဲ Night Owl တွေရှိရင်လည်း Comment မှာရေးသွားလို့ ရပါတယ်။

Xyra ပါ။ ပြန်တွေ့ကြတာပေါ့။ 👾

10/05/2024

အမှောင်ထဲက Fashion (သို့) Gothic🌚

Hi Xyra ပါ။ ပြန်တွေ့ကြပြီပေါ့။ 👾

Gothic ဖက်ရှင်ဆိုတာ ၁၉၇၀ ပြည့်လွန်နှစ်
နောက်ပိုင်းနဲ့ ၁၉၈၀ ခုနှစ်အစောပိုင်းမှာ Culture တစ်ခုအဖြစ် ပေါ်ထွက်လာပြီး Gothic Literature၊ Horror Film၊ Post Punk နဲ့ Gothic Rock လို တခြားဂီတအမျိုးအစားတွေကနေ Inspire ယူခဲ့တယ်။

အဝတ်အစားတွေဆိုတာထက်၊ ဒါက ထူးခြားတဲ့ အလှတရားနဲ့ ကိုယ်ပိုင် Individuality ကို ပြသတဲ့ နည်းလမ်းတစ်ခုလို့ ယူဆထားခဲ့ကြတယ်။

Gothic ဖက်ရှင်ရဲ့ အဓိကအချက်ကတော့ အနက်ရောင်ပါပဲ။ အမြဲတမ်းလိုလို အနက်
ရောင်အဝတ်အစားတွေဝတ်ကြတယ်ဆိုပေမယ့် တစ်ခါတစ်လေမှာတော့ Deep Color တွေနဲ့ Combined လုပ်ထားတဲ့ Burgundy ဒါမှမဟုတ် ခရမ်းရောင်ကိုလည်း ဝတ်ကြတယ်။

Velvet၊ Lace Leather နဲ့ Ruffle ပါတဲ့ Satin-Like Fabrics, Corsets လို Small Details တွေ၊ Victorian-Inspired Silhouettes တွေကတော့ common အဖြစ်ဆုံးတွေပါပဲ။

Accessories တွေကလည်း Gothic Fashion တစ်ခု ပြီးပြည့်စုံဖို့အတွက် အရေးပါတဲ့အခန်းကဏ္ဍမှာပါဝင်နေတယ်။ Chunky Boots၊Platform Shoes၊ ချွန်ထွက်နေတဲ့ Jewelry၊ သတ္တုတုံး ဒါမှမဟုတ် သံကြိုးတွေနဲ့ အလှဆင်ထားတဲ့ ခါးပတ်တွေ ပါတယ်။

မိတ်ကပ်လိမ်းထားတာတွေက သိသိသာသာကြီးဖြစ်နေပြီး နက်မှောင်တဲ့ eyeliner၊ နီရဲတဲ့နှုတ်ခမ်းနီနဲ့ ခပ်ဖျော့ဖျော့ Foundation တို့က သိသိသာသာ Unique ဖြစ်အောင် ဖန်တီးပေးတယ်။

Gothic ဖက်ရှင်က စည်းမျဉ်းစည်းကမ်းတွေကို လိုက်နာရုံတင်မဟုတ်ပဲ မိမိကိုယ်ကို ထုတ်ဖော်မှုနဲ့ တီထွင်ဖန်တီးမှုတွေလည်း ပါဝင်ပတ်သက်နေတယ်။

အနက်ရောင်က လွှမ်းမိုးထားတယ်ဆိုပေမယ့် Goth တွေက Punk၊ Romantic Elements ဒါမှမဟုတ် စိတ်ကူးယဉ်ဆန်ပြီး Attractive ဖြစ်တဲ့ Outfits များ ပါဝင်ပြီး သူတို့ရဲ့ ကိုယ်ပိုင် Style နဲ့ သူတို့စိတ်ဝင်စားတဲ့ သဘောကျတဲ့ အရာတွေကို သူတို့ရဲ့ Outfits တွေမှာထည့်ပြီး ဝတ်လေ့ရှိကြတယ်။

Gothic ဖက်ရှင်ဆိုတာ လူတစ်ဦးချင်းစီကို သူတို့ရဲ့ ထူးခြားတဲ့ ကိုယ်ရည်ကိုယ်သွေး တွေကိုဖော်ပြဖို့၊ သမာရိုးကျအလှတရား နဲ့ Style Standards တွေကို Challenge လုပ်ပြီး လက်ခံသူတွေအတွက် ခွန်အားဖြစ်စေတဲ့ ပုံစံတစ်ခု ဖြစ်လာခဲ့ပါတယ်။

ဒီနေ့အတွက်ကတော့ဒီလောက်ပါပဲ။

Due to topic issue, I couldn’t write for long time and sorry for that if you were waiting for my contents! You can freely write which topic you want to read about in comment section as well since topic suggestions help me a lot and boost me to be able to upload contents regularly. 🙏🏼

ကျွန်တော့်အနေနဲ့ Content တွေကို ပုံမှန်တင်ချင်ပေမယ့် ဘယ် Topic ရေးရမယ်မှန်း မသိတာရယ် ရေးချင်တဲ့ Topic ဆိုရင် Raw ရှာဖို့ခက်တာရယ်ကြောင့် တစ်ခါတစ်လေမှာ တစ်ပုဒ်နဲ့တစ်ပုဒ် ကြားမှာတော်တော်ကွာသွားတာမျိုး ဖြစ်တတ်ပါတယ်။ အဲ့တာကြောင့် ကိုယ်သိချင်တဲ့ ဖတ်ချင်တဲ့ Topic ကို Comment မှာရေးခဲ့ပေးလို့ ရပါတယ်။ (Plus: Only from the industry of Brands, Sneakers, Fashion, Streetwears, NFTs, Pop-Culture)

Xyra ပါ။ ပြန်တွေ့ကြတာပေါ့။ 👾

10/04/2024

Wrong concepts and sights on Exotic Pet by burmese adults 🫡

ကျွန်တော်တို့မြန်မာတွေက တော်တော်ကို အယူသီး၊ အယူအဆအမှားတွေ ရှိတဲ့နိုင်ငံ လို့ပြောရမယ်။ ငယ်ငယ်ထဲက ညဘက်မှာ လက်သည်းမညှပ်ကောင်းဘူး၊ ညှပ်စရာမရှိပဲ ကတ်ကြေးကိုဆော့ရင် မိဘတွေ ရန်ဖြစ်တတ်တယ်၊ စလောင်းနှစ်ချပ်တီးရင် ကျားကိုက်တတ်တယ်၊ ညဘက်ပုန်းရင် နတ်ဖွက်တတ်တယ်၊ ပန်းကန်ထဲစားစရာမရှိပဲ ဇွန်းနဲ့ခေါက်ရင် ဆင်းရဲတတ်တယ် ဆိုတဲ့ စကားတွေနဲ့ ကလေးတွေကို ခြောက်တတ်ကြတာက Brain Wash လုပ်သလိုကို ဖြစ်သွားကြတယ်။

အဲဒီလိုမျိုးတွေအပြင် အိမ်ထဲကို ဖွတ်ဝင်ရင် လာဘ်တိတ်တယ်၊ အိမ်မြှောင်ကိုက်ခံရရင် လာဘ်တတ်တယ်၊ ကျီးကန်းတွေ လင်းတတွေက လာဘ်တိတ်စေတယ်၊ တောက်တဲ့ကပ်ရင် မိုးကြိုးပစ်မှ ခွာလို့ရတယ် တို့ဆိုတဲ့ တိရစ္ဆာန်တွေနဲ့ ပက်သက်တဲ့ အယူအဆအမှားတွေလည်း မနည်းဘူး။

ဟိုးငယ်ငယ်လေးကတည်းက ကျောင်းမှာစာမရတာတို့ ဆိုရင် ဆရာမတွေက ဖွတ်ချီးတို့ဘာတို့ ပြောတတ်ကြတယ်။ ဆိုင်တွေဘာတွေအရှေ့ကို ကျီးကန်းလာနားရင် လာဘ်တိတ်တယ် ဆိုတာမျိုးနဲ့ တိရစ္ဆာန်တွေကို ရှုံ့ချတဲ့ စကားမျိုးတွေကို ကြားခဲ့ကြရတယ်။

တကယ်တော့ ဖွတ်တို့ လင်းတတို့ ဆိုတာလည်း သာမန် အသားစားသတ္တဝါတစ်မျိုးပါပဲ။ အthayကောင် အပုပ်ကောင်ကို စားတယ်။ ပြောရရင် တချို့ လမ်းဘေးခွေးတွေဆိုလဲ အစာစားစရာမရှိ ငတ်ပြတ်နေတဲ့ အခါမျိုးမှာ အဲဒီလိုမျိုးစားကြတာ ပါပဲ။

ဒါပေမယ့် ခွေးကိုကြတော့ အိမ်မွေးတိရစ္ဆာအဖြစ် သတ်မှတ်ကြတယ်။ လမ်းဘေးခွေးဆိုရင်လည်း သနားလို့အစာခေါ်ကျွေးကြတာမျိုး ခေါ်မွေးကြတာမျိုး လုပ်ကြပေမယ့် ဖွတ်လို ကျီးကန်းလို တိရစ္ဆာန်မျိုးကိုကြတော့ အိမ်မွေးတိရစ္ဆာန်လို့ မသတ်မှတ်ကြတဲ့အပြင် တစ်ဆင့်နိမ့်တဲ့သတ္တဝါ၊ ယုတ်ညံ့တဲ့သတ္တဝါလို့ သတ်မှတ်ထားကြတဲ့ပုံပဲ။

တကယ်တမ်းတော့ အားလုံးက တန်းတူ တိရစ္ဆာန်တွေပါပဲ။ လူတွေကပဲ သတ်မှတ်နေကြတာပါ။

အနောက်တိုင်းနိုင်ငံတွေ၊ ထိုင်းနိုင်ငံနဲ့ တခြားနိုင်ငံတွေမှာ မြွေ၊ ဖွတ်၊ ဖား၊ လိပ်၊ ပင့်ကူ၊ တောက်တဲ့လို Exotic Pet တွေကို မွေးနေကြတဲ့အချိန် မြန်မာလူကြီးတွေက မမွေးကောင်းဘူး၊ မွေးရမယ့်တိရစ္ဆာန် မဟုတ်ဘူး၊ အိမ်မွေးတိရစ္ဆာန်မဟုတ်ဘူး ဆိုတဲ့ စကားမျိုးတွေနဲ့ လက်မခံကြသေးဘူး။ ခွေးတွေကြောင်တွေကိုတောင် မွေးကြပြီး မြွေကိုကြတော့ ဘာကြောင့်မွေးလို့မရသလဲ။

တကယ်တော့ Reptile တွေဆိုတာ ခွေးတွေကြောင်တွေလိုတောင်မှ အလုပ်ရှုပ်တဲ့ အိမ်မွေးတိရစ္ဆာန်မျိုး မဟုတ်ဘူး။ Cage ထဲမှာပဲနေ၊ တစ်ပတ်ကိုတစ်ခါ၊ တစ်လကိုနှစ်ခါလောက်ပဲ အစာကျွေးရတာ။ ခွေးတွေကြောင်တွေထက်လဲ အများကြီးအသက်ပိုရှည်တယ်။ ကိုက်တတ်တယ် ဆိုပေမယ့် ခွေးလည်းကိုက်တတ်တာပဲ။ သွားရှိတဲ့သတ္တဝါတိုင်း ကိုက်တတ်ကြပါတယ်။ မကိုက်ချင်လို့ မကိုက်တာပဲ ရှိတာပါ။

ကိုက်တယ်ဆိုပေမယ့်လည်း ခွေးလို ပြေးကိုက်တာမျိုး နောက်ကနေချောင်းကိုက်တာမျိုး မရှိဘူး။ ဘယ်သူပဲကိုင်ကိုင် သူ့အသားမနာရင်၊ သူ့ကိုအန္တရာယ်ပြုမယ့် ပုံမျိုးမဟုတ်ရင် လုံးဝကိုမကိုက်ဘူး။ ခွေးတွေလိုလည်း ဆူညံမနေဘူး။

အမေရိကန်မှာ အရင်က လူမဲ လူဖြူခွဲခြားရေးကြောင့် စစ်ဖြစ်ခဲ့ကြတယ်။ လူမဲဆိုရင်အကုန် ကျွန်လို့သတ်မှတ်ခဲ့ကြတယ်။ တကယ်တမ်းမှာ အားလုံးက အသွေးနဲ့အသားနဲ့လူတွေပဲ။ အသားရောင်ပဲ ကွဲပြားကြတာ။ တိရစ္ဆာန်တွေမှာလည်းဒီလိုပါပဲ။

သူ့အဆင့်နဲ့သူပဲ၊ ဖွတ်ကိုအိမ်မွေးတိရစ္ဆာန်လို့မသတ်မှတ်ဘူး၊ ယုတ်ညံ့တဲ့သတ္တဝါလို့ပဲ မြင်တယ်ဆိုရင် ကိုယ့်ကိုယ်ကို ဖွတ်နေရာမှာ မြင်ကြည့်ပါ။ လူတွေကို ဒုက္ခလိုက်ပေးနေတာလည်းမဟုတ်၊ ဖျက်ဆီးနေတာလည်း မဟုတ်ပဲ သပ်သပ်ကြီး အနှိမ်ခံနေရတာ။
မြန်မာတွေအနေနဲ့ အယူအစအမှားတွေ ဖျောက်ဖျက်ပစ်သင့်သလို တိရစ္ဆာန်ခွဲခြားရေးလည်း မလုပ်သင့်ဘူး။

တကယ်လို့ သင်သာ ကိုယ်ချင်စာနာမှု ရှိတဲ့သူ၊ စဥ်းစားတွေးခေါ်တတ်တဲ့သူ တစ်ယောက်သာဆိုရင် တိရစ္ဆာန်အားလုံးကိုတန်းတူညီမျှ ဆက်ဆံသင့်တယ်ဆိုတာ သိလိမ့်မယ်ထင်တယ်။

ဒီနေ့အတွက်တော့ ဒီလောက်ပါပဲ။
Xyra ပါ။ ပြန်တွေ့ကြတာပေါ့။ 👾

04/04/2024

ဟိုင်း၊ Xyra ပါ ပြန်တွေ့ကြပြီပေါ့။ 👾

ဒီနေ့တော့ blame ကြပါမယ်။ 🫡
စတာပါ။ မြန်မာက Local Brands တချို့ အကြောင်းလေးတွေ ပြောမှာပါ။

ခေတ်တွေကတိုးတက်လာတာနဲ့အမျှ တဖြေးဖြေးနဲ့ Fashion တွေ outfit တွေကလည်းပြောင်းလဲလာတယ်။ အရင်က Jean Pants တွေ Cargo တွေဝတ်တယ်။ အခုလည်းCargo တွေတစ်ခေတ်ပြန်ထလာပြန်တယ်။ Y2K တွေ UK Drip၊ US Drip တွေ Street fashion နဲ့ Ugly Fashion တွေလည်းပေါ်လာတယ်။ ဒီလိုပေါ်လာတဲ့အထဲမှာ Fashion အကြောင်းသေချာမသိ၊ သူများဝတ်တာ trend ဖြစ်တာဆိုရင် လိုက်ဝတ်တဲ့ကောင်တွေ ပါတစ်တွဲထဲ ပေါ်လာတယ်။

အဲ့တာကမြန်မာမှာ အဆိုးဆုံးပဲ 2023 မှာတော်တော်လေးပွဲဆူခဲ့တဲ့ Fashion ရှိတယ်။ Y2K ပါ။ UK တို့ US တို့မှာ တော်တော်လေးမိုက်တဲ့ Fashion လို့ပြောရမယ်။ ဒါပေမယ့် မြန်မာကိုရောက်လာတော့ ောက်ပေါ Y2K၊ Y2K fashion ဝတ်တာနဲ့ ောက်ပေါဆိုပြီး အဆဲခံရတဲ့အထိ ဆိုးခဲ့တယ်။

အဓိက ကတော့ ကိုယ်နေနေတဲ့ နိုင်ငံ၊ ပတ်ဝန်းကျင် ကိုမကြည့်ပဲ တခြားနိုင်ငံမှာ မိုက်တိုင်း HYPE တိုင်း လိုက်လုပ်တာပါပဲ။ သူများနိုင်ငံမှာ Y2K ဝတ်ရင် လှည့်ကြည့်ငေးခံရလောက်အောင်မိုက်ပေမယ့် မြန်မာမှာတော့ Cyber Y2K Pants ဝတ်ရုံနဲ့တောင် အဆဲခံခဲ့ရတာမျိုးထိတောင်ဖြစ်ခဲ့တယ်။

ဒါပေမယ့် အဝတ်အများဆုံးကတော့ Streetwear။ Streetwear Brands တွေဖြစ်တဲ့ A Bathing Ape (BAPE)၊ Stüssy၊ Anti Social Social Club၊ Cactus Jack၊ Whole Lotta Red၊ SUPREME၊ Off-White လို Brands တွေတောင် မြန်မာကိုရောက်လာရင် အဆဲခံရရော။

2017/2018 ပိုင်းလောက်က မြန်မာမှာ FILA တို့ Tommy Jeans တို့နဲ့အတူ SUPREME က ခေတ်စားတဲ့ Brand တစ်ခုဖြစ်ခဲ့တယ်။ SUPREME ဆိုတဲ့နာမည်နဲ့ အတုတွေတင်မဟုတ်ပဲ Suprome တို့ SuperMe တို့ Suppe တို့ Surprise တို့ဆိုပြီးတော့ပါ ထွက်လာတယ်။ အဲ့တာကိုလည်း ဝယ်ဝတ်ခဲ့ကြတာပဲ။ အဲ့လိုနဲ့ SUPREME ဆိုတဲ့ Brand က တောကြိုက်ဖြစ်လာပြီး တော်တော်များများက မဝတ်ရဲကြတော့တဲ့ အထိကိုဖြစ်လာခဲ့တယ်။

Bape ဆိုရင်လဲဒီလိုပဲ။ Bape ဆိုတာဂျပန် ကတော်တော်လေးကို နာမည်ကြီးတဲ့ Brand တစ်ခု။ ဒါပေမယ့် မြန်မာကို Y2K ဆိုတဲ့ Fashion နဲ့အတူ တွဲပြီးရောက်လာတဲ့အချိန်မှာ Bape Shark Hoodie ဆိုရင် Y2K hoodie ဆိုပြီးခေါ်ကြတယ်။ အဲဒါနဲ့ Y2K မဟုတ်ပဲ ဒီတိုင်း Brand ကြိုက်တဲ့သူတွေကတောင် Y2K လို့ အခေါ်ခံရမှာဆိုးလို့ မဝတ်ရဲကြတော့ဘူး။ Stüssy၊ ASSC တို့ဆိုရင်လဲဒီလိုပဲ။

အခုနောက်ပိုင်း ပိုခေတ်စားပြီး Community ကြီးလာတာက Local Brand တွေ။ Local Brand ဆိုတဲ့နေရာမှာ NRF၊ Pulsa၊ IWYWH တွေလို Brands မျိုးတွေကိုပြောတာ။ ပြောရရင် သူတို့ကြတော့ Tommy Jeans၊ SuperMe တို့တုန်းကလို ဈေးပေါပေါနဲ့ မဟုတ်တော့ဘူး။ တစ်ထည်ကို တစ်သိန်းကျော် နှစ်သိန်းလောက်တွေ။

ပြောချင်တာက ကျွန်တော်တို့တွေဟာ အင်္ကျီတစ်ထည်ကို Material၊ Brands နဲ့ Concept တွေကိုသဘောကျလို့ ဒါမှမဟုတ် Art Work နဲ့ Color Pattern တွေကိုသဘောကျလို့ ဈေးကြီးပေးဝယ်တာ။ ဒါပေမယ့် အဲဒီ Brand တွေကြတော့ ဘာ Own Art Work မှမရှိ၊ Concept မရှိတဲ့ အပြင် Yeezus Album Cover၊ Travis Scott ASTROWORLD merch “I Wish You Were Here”၊ Pinterest က ပုံတွေကို Copy Paste ထားတဲ့ Brand က Product ကို ဈေးအဆမတန်ပေးပြီး ဝယ်ဝတ်ကြတာ ဘာကြောင့်လဲ။

ဒီ Brand ကြီးဝတ်လို့ RK CK လို့ ပြောတာခံချင်လို့လား၊ ဘယ်သူကတော့ NRF ကြီးဝတ်တာပဲ တစ်လကိုဘယ်လောက်ရလဲမသိဘူး ဆိုတာမျိုး ဖြစ်ချင်တာကြောင့်လား။ သေချာတာကတော့ NRF၊ IWYWH၊ Pulsa လို Brands မျိုးဝတ်ရင် Rk လို့ထင်နေကြတဲ့ ပြောနေကြတဲ့သူတွေဟာ Fashion အကြောင်း Branded တွေအကြောင်း Clothing တစ်ခုရဲ့ Core Value တွေကို နားမလည်တဲ့သူတစ်ယောက်ဆိုတာပဲ။

အင်္ကျီတစ်ထည်ပဲ၊ လှရင်ပြီးရောပေါ့ လို့ပြောကြလိမ့်မယ်။ မှန်ပါတယ်၊ လှတယ် ကိုယ်ကြိုက်တယ်ဆိုရင် ဝယ်ဝတ်မှာပဲ။ ဒါပေမယ့် Own Art Work မရှိ Concept မရှိတဲ့ အင်္ကျီတစ်ထည်က သိန်းဂဏန်းပေးပြီး ဝယ်ဝတ်ရလောက်အောင်တော့ မတန်ဘူး။ အများကြီးပေးရလောက်အောင်ထိ မတန်ဘူး။

တကယ်တော့ NRF ဝတ်ရင် Cool Kid လို့အပြောခံနေရတာ မြန်မာမှာပဲ။ Carhartt၊ Stone Island၊ Levi's လို Brand မျိုးကို သေချာမသိကြလို့။ လူကြိုက်များတယ် ဈေးများတယ် ဆိုတာနဲ့တင် မိုက်တယ်ထင်နေကြတဲ့လူတွေ။ NRF ကို အရမ်းမိုက်တယ် Hype တယ် ထင်နေကြတဲ့သူတွေကလည်း သူများယောင်လို့ လိုက်ယောင်တာမျိုးတွေပဲ။

သေချာစဥ်းစားတတ်တဲ့သူ တစ်ယောက်သာဆိုရင် Yeezus Album Cover ကြီးကို Tee ပေါ် Printရိုက်ထားပြီး Own Art Work၊ Concept မရှိတဲ့ Brand တွေကို အဲ့လောက်ဈေးကြီးပေးဝယ်ဝတ်ပြီး ဝတ်တိုင်း RK CK မဟုတ်မှန်းတော့ သိလိမ့်မယ် ထင်တယ်။

Local Brand ဆိုတဲ့ နေရာမှာ အကုန်လုံးကို မဆိုလိုဘူး။ Sisburma လို Brand မျိုးက Local Streetwear Brand တွေ အားလုံးထဲမှာ အဆင်ပြေတဲ့ Brand တွေထဲကတစ်ခု လို့ပြောရမယ်။ Own Art Work၊ Signature Material၊ Concept ရှိပြီး ပေးရတဲ့ ဈေးနဲ့မတန်ဘူး ဆိုရင်တောင် ဆိုးနေတဲ့အထဲကိုမပါဘူး။

Normal Quality Branded Replica Tee တစ်ထည်တောင် ၂ သောင်းကျော် ၃ သောင်းလောက်တွေ ဖြစ်နေချိန်မှာ Sisburma Air Layer Tee တစ်ထည်က ၃ သောင်းလောက်ဆိုတာ မများဘူးလို့ ပြောရမယ်။ မဆိုးဘူးပေါ့။

ဆိုတော့ NRF တို့ Pulsa တို့ IWYWH တို့လို Brand တွေက ပေးရတဲ့ ဈေးနဲ့ တန်မတန်ဆိုတာ ညဏ်ရှိသူတိုင်း စဥ်းစားနိုင်မယ်ထင်တယ်။ ဘယ်ဟာကဘယ်လို ဆိုတာရှင်းပြရုံံပါပဲ။ မဝတ်ပါနဲ့လို့ပြောနေတာ မဟုတ်သလို မရောင်းရအောင်ပြောနေတာလဲ မဟုတ်ဘူး။ Merch အားလုံးကိုလည်း မဆိုလိုဘူး။

စဥ်းစားတတ်အောင် ပြောပြရုံပဲ။ ကိုယ်တိုင်စဥ်းစား ချင့်ချိန်ပေါ့။ ဘယ်ဟာက ဘယ်ဟာကိုဘယ်လို copy ထားတယ်ဆိုတာကို ကိုယ်တိုင်ကြည့်လို့ရအောင် ပုံတွေကို Comment မှာ ထည့်ပေးထားပါမယ်။

Xyra ပါ။ ပြန်တွေ့ကြတာပေါ့။ 👾

Xyra who Talks

02/09/2025

13/08/2025

06/08/2025

08/06/2024

31/05/2024

14/05/2024

10/05/2024

10/04/2024

04/04/2024

Address

Website

Alerts

Shortcuts

Share

Category