30/03/2025
လူတစ်ယောက်ကို
မစွန့်လွှတ်နိုင်ရင်
ကိုယ့်ဖက်ကအရင်စပြီး ခေါ်ရတယ် တဲ့ ...
ခေါ်ပါတယ်
ဒါပေမယ့်
၀တ်ကျေတမ်းကျေ ပြောလာတဲ့
စကားလုံးတွေကို
နားထောင်နိုင်တဲ့ အင်အားတွေ
တဖြေးဖြေး နည်းလာခဲ့တာ ။
အားတက်သရော ပြောနေမိတဲ့
စကားတွေအဆုံးမှာ
ဘာပြောလိုက်တာလဲဆိုပြီး
ပြန်မေးခံရတဲ့ နာကျင်မှုတွေကို
ခံနိုင်ရည်ရှိမနေတော့တာ ။
အတည်ပေါက်ကြီး ပြောနေမိတဲ့
စကားတွေကို
ဟုတ်လား ဆိုတဲ့ မေးခွန်းမျိုးနဲ့
အလှောင်မခံချင်တော့တာ ။
ဆက်ပြီး ရပ်နေဖို့
ဘယ်လောက်ပဲ ရွေးရွေး
အေးသထက် အေးလာတဲ့ ဆက်ဆံရေးကို
ပြန်နွေးထွေးအောင် ကြိုးစားရင်း
တစ်ဖက်သတ် နာကျင်နေတဲ့
နေ့ရက်တွေကြားမှာ
ငါ လွမ်းနေမိတဲ့ စိတ်တွေက
အနှောင့်အယှက်လားဆိုတဲ့
အတွေးတွေ ၀င်လာနေမိတာလေ
ငါ ချစ်နေမိတာ
အပိုသက်သက်လားဆိုတဲ့ မေးခွန်းတွေ
ကိုယ့်ကိုယ်ကိုယ် ပြန်မေးနေမိတာ ။
တကယ်ချစ်ရင်
မရမက ဆက်သွယ်ရမှာပေါ့ တဲ့ ...
တစ်ဖက်က လိုလိုလားလားရှိမနေခဲ့ရင်ကော
ကျွန်တော်တို့ ... ဘာဆက်လုပ်ရမလဲ ဆိုတဲ့
အဖြေတွေ သိချင်တယ် ။
နောက်ဆုံး...
မချစ်နိုင်တော့လို့ဆိုပြီး
လမ်းခွဲသွားခြင်းတွေက
ဘာကို မျှော်လင့်ပြီး
ရပ်နေရသလဲဆိုတာ မသိခြင်းတွေထက်
ပို ခံသာပါတယ် ။
ခုတော့ ....
#ကျေးကို
