Pyone Play Sports

11/05/2026

မြန်မာ့ဘောလုံးလောကရဲ့ စံချိန်တင်ပြောင်းရွှေ့ကြေးနဲ့ အသင်းပြောင်းဖွယ်ရှိနေတဲ့ မင်းမော်ဦး

မြန်မာ့လက်ရွေးစင်အသင်း နဲ့ သစ္စာအားမာန်အသင်း ရဲ့ တောင်ပံတိုက်စစ်ကစားသမား မင်းမော်ဦး ကတော့ လာမယ့် မြန်မာနေရှင်နယ်လိဂ် ရာသီသစ်မစတင်ခင်မှာ အသင်းပြောင်းဖွယ်ရှိနေပြီး မြန်မာနေရှင်နယ်လိဂ် အသင်း (၄) သင်းက ခေါ်ယူဖို့စိတ်ဝင်စားနေတယ်လို့သိရှိရပါတယ်။ ​မင်းမော်ဦးရဲ့ပြောင်းရွှေ့ကြေးကတော့ မြန်မာနေရှင်နယ်လိဂ် ရဲ့ စံချိန်တင်ပြောင်းရွှေ့ကြေး သိန်း ၁,၀၀၀ နီးပါးနဲ့ ဖြစ်လာဖွယ်ရှိနေပါတယ်။ မင်းမော်ဦးကတော့ သစ္စာအားမာန်အသင်းအတွက် မြန်မာနေရှင်လိဂ်မှာ (၂) ရာသီဆက်ခြေစွမ်းပြကစားနိုင်ခဲ့သလို ပြီးခဲ့တဲ့ရာသီမှာလည်း အသင်းအတွက် သွင်းဂိုး (၅) ဂိုး သွင်းယူပေးနိုင်ခဲ့ပါတယ်။ လက်ရှိ မင်းမော်ဦးကိုတော့ သူနဲ့ အပြောင်းအရွှေ့သတင်းတွေ ကျယ်ကျယ်လောင်လောင်ထွက်ပေါ်နေကျ ရန်ကုန်ယူနိုက်တက်အသင်း၊ ဖြည့်တင်းမှု အကြီးစားတွေပြုလုပ်မယ့် တန်းတက် ရန်ကုန်စီးတီးအသင်း ၊ပိုင်ရှင်အပြောင်းအလဲနဲ့ လူသစ်တွေဆက်တိုက်ခေါ်ယူနေတဲ့ ရတနာပုံ အက်စ်စီ အသင်းနဲ့ အဓိကကစားသမားတွေလက်လွှတ်ထားခဲ့ရလို့ ဖြည့်တင်းမှုတွေ မဖြစ်မနေပြုလုပ်ဖို့လိုအပ်နေတဲ့ ရှမ်းယူနိုက်တက် အသင်းတို့ ကခေါ်ယူဖို့စိတ်ဝင်စားနေကြတာဖြစ်ပါတယ်။
ပရိသတ်တို့ကရော မင်းမော်ဦးအနေနဲ့ ​ဘယ်အသင်းဆီပြောင်းရွှေ့သွားလိမ့်မယ်လို့ ထင်မိပါသလဲ?

10/05/2026

Congratulations Van!🎉🎉🇲🇲

UFC ဖလိုင်းဝိတ်တန်းချန်ပီယံခါးပတ်ကာကွယ်ပွဲမှာ ဂျပန်နိုင်ငံသား တက်ဆူရို တိုင်ရာကို ငါးချီမြောက်မှာ ဒိုင်ပွဲရပ်ဖြင့် အနိုင်ယူပြီး ချန်ပီယံခါးပတ် ကို ကာကွယ်နိုင်ခဲ့တဲ့ မြန်မာ့ဂုဏ်ဆောင် ဂျိုရှုအာဗန်

09/05/2026

ယနေ့ Myanmar U-17 အမျိုးသား အုပ်စု ဒုတိယ ပွဲစဉ် ရှိသည်
Myanmar U-17 အမျိုးသား အသင်း Vs Tajikistan U-17 အမျိုးသားအသင်း
အချိန် - မေလ (၉) ရက်နေ့ ည (၁၂) နာရီ
တိုက်ရိုက် ကြည့်ရှုနိုင်မည့် နေရာ -

Enjoy the Full Group Stage Match between Myanmar and Tajikistan from matchday 2 of the AFC U17 Asian Cup™ Saudi Arabia 2026.🔔 All Match Highlights & Full Ma...

09/05/2026

The Mid-Day Report

- ဘုန်းမောက်အသင်းရဲ့ ညာနောက်ခံကစားသမား အဲလက်စ်ဂျီမီးနက်စ်ဟာ အသက် ၁၅ နှစ်အရွယ် မိန်းကလေးငယ်တစ်ဦးထံ မသင့်တော်တဲ့ စာသားများပါဝင်သည့် မက်ဆေ့စ်များ ပေးပို့ခဲ့တယ့် screen shot များထွက်ပေါ်လာပြီးနောက် အသင်းရဲ့ စုံစမ်းစစ်ဆေးမှုကို ခံနေရပါတယ်။ ဆိုရှယ်မီဒီယာပေါ်မှာ ပျံ့နှံ့နေတဲ့ အဆိုပါစာတွေထဲမှာ အသက် ၂၁ နှစ်အရွယ် ဂျီမင်းနက်စ်က အသက်မပြည့်သေးတဲ့ မိန်းကလေးနဲ့ တွေ့ဆုံ ချိန်းတွေ့ဖို့ ကြိုးပမ်းခဲ့တဲ့ အထောက်အထားတွေ ပါဝင်နေတာ ဖြစ်ပါတယ်။ ဒီဖြစ်ရပ်ကြောင့် ဘုန်းမောက်အသင်းက ဂျီမင်းနက်စ်ကို ဖူလ်ဟမ်နဲ့ကစားမယ့် ပရီးမီးယားလိဂ်ပွဲစဉ်အတွက် လူစာရင်းကနေ ချန်လှပ်ထားပြီး အခြေအနေမှန်ကို အသေးစိတ် စစ်ဆေးနေတာ ဖြစ်ပါတယ်။ အသင်းနည်းပြ အန်ဒိုနီ အီရီအိုလာကလည်း ဒါဟာ အလွန်လေးနက်တဲ့ ကိစ္စရပ်ဖြစ်ပြီး စုံစမ်းစစ်ဆေးမှု ရလဒ်ထွက်ပေါ်လာပြီးမှသာ ရှေ့ဆက်ရမယ့် အစီအစဉ်တွေကို ဆုံးဖြတ်သွားမှာ ဖြစ်ပါတယ်လို့ ပြောကြားခဲ့ပါတယ်။ လက်ရှိမှာတော့ ကစားသမားဘက်က တစ်စုံတစ်ရာ တုံ့ပြန်ပြောကြားခြင်း မရှိသေးဘဲ အသင်းကတော့ ဒီအမှုအပေါ် အထူးအလေးထား ကိုင်တွယ်နေတာ ဖြစ်ပါတယ်။

- ရီးရဲလ်မက်ဒရစ်အသင်းဟာ သူတို့ရဲ့ နည်းပြသစ်အဖြစ် အသင်းနည်းပြဟောင်း ဂျိုဆေးမော်ရင်ဟိုကို ပြန်လည်ခန့်အပ်ဖို့အတွက် ဆွေးနွေးမှုတွေ စတင်ပြုလုပ်နေပြီ ဖြစ်ပါတယ်။ ဥက္ကဋ္ဌ ဖလော်ရန်တီးနိုးပီရက်ဇ်ဟာ ပြီးခဲ့တဲ့ဇန်နဝါရီလကမှ ခန့်အပ်ထားတဲ့ အာဘီလိုအာရဲ့နေရာမှာ အစားထိုးဖို့ မော်ရင်ဟိုကို အဓိကပစ်မှတ်ထားနေပြီး လက်ရှိမှာ အေးဂျင့်ဖြစ်သူ ဂျော့ချ်မန်ဒက်စ်နဲ့ ဆွေးနွေးမှုတွေ စတင်နေတာ ဖြစ်ပါတယ်။ ရီးရဲလ်အသင်းဟာ နှစ်ရာသီဆက်တိုက် ဆုဖလားလက်မဲ့ဖြစ်ခဲ့ရတဲ့အတွက် အသင်းရဲ့ အခြေအနေကို ပြန်လည်တည်ဆောက်ဖို့ ယခုလို စီစဉ်လာတာ ဖြစ်ပါတယ်။ လက်ရှိ ဘင်ဖီကာအသင်းကို ကိုင်တွယ်နေတဲ့ မော်ရင်ဟိုမှာ ယူရို ၃ သန်းတန် စာချုပ်ဖျက်သိမ်းကြေး ရှိနေတာကြောင့် ရီးရဲလ်ဘက်က ခေါ်ယူဖို့ အခွင့်အလမ်းများနေတာ ဖြစ်ပါတယ်။ ယခင်က ရီးရဲလ်ကို ၃ နှစ်ကြာ ကိုင်တွယ်ပြီး လာလီဂါဖလားအပါအဝင် ဆုဖလား ၃ လုံး ရယူပေးခဲ့ဖူးတဲ့ မော်ရင်ဟိုကိုယ်တိုင်ကလည်း ဘာနေဗျူးမြေဆီ ပြန်လည်လာရောက်ဖို့ စိတ်အားထက်သန်နေတာ ဖြစ်ပါတယ်။

- မန်ချက်စတာယူနိုက်တက်အသင်းရဲ့ ကပ္ပတိန် ဘရူနိုဖာနန်ဒက်စ်ဟာ ၂၀၂၅-၂၆ ရာသီအတွက် အင်္ဂလန်အားကစား ကလောင်ရှင်များအသင်း (FWA) က ပေးအပ်တဲ့ တစ်နှစ်တာအကောင်းဆုံး အမျိုးသားဘောလုံးသမားဆုကို ဆွတ်ခူးရရှိခဲ့ပါတယ်။ အသက် ၃၁ နှစ်အရွယ် ပေါ်တူဂီကွင်းလယ်လူဟာ အာဆင်နယ်အသင်းရဲ့ ကွင်းလယ်လူ ဒီကလန်ရိုက်စ်ကို ၂၈ မဲအသာနဲ့ ကျော်ဖြတ်ကာ ဒီဆုကို ရရှိခဲ့တာဖြစ်ပြီး မန်စီးတီးတိုက်စစ်မှူး ဟာလန်းကတော့ တတိယနေရာမှာ ရပ်တည်ခဲ့တာ ဖြစ်ပါတယ်။ ဖာနန်ဒက်စ်ဟာ ယခုရာသီမှာ သွင်းဂိုး ၈ ဂိုးနဲ့ ဂိုးဖန်တီးမှု ၂၀ ကြိမ်အထိ ပြုလုပ်ပေးထားပြီး လိဂ်အတွင်း ဂိုးသွင်းခွင့် ဖန်တီးမှု အများဆုံး ကစားသမားအဖြစ်လည်း ရပ်တည်နေတာ ဖြစ်ပါတယ်။ ဒါ့အပြင် သူဟာ ယူနိုက်တက်အသင်းအတွက် ၂၀၁၀ ပြည့်နှစ်က ဝိန်းရူနီနောက်ပိုင်း ဒီဆုကို ပထမဆုံးအကြိမ် ပြန်လည်ဆွတ်ခူးပေးနိုင်တဲ့ ကစားသမားလည်း ဖြစ်လာခဲ့တာ ဖြစ်ပါတယ်။ ယူနိုက်တက်အသင်းကို လာမယ့်ရာသီ ချန်ပီယံလိဂ်ဝင်ခွင့် ရရှိအောင် စွမ်းဆောင်ပေးနိုင်ခဲ့တဲ့ ဖာနန်ဒက်စ်ဟာ လက်ရှိမှာ တစ်ရာသီ ဂိုးဖန်တီးမှု စံချိန်ဟောင်း ၂၀ ကြိမ်ကို ကျော်ဖြတ်ဖို့လည်း တစ်ကြိမ်သာ လိုအပ်တော့တာ ဖြစ်ပါတယ်။

- ရီးရဲလ်မက်ဒရစ်အသင်းကတော့ အဝတ်လဲခန်းအတွင်း အချင်းချင်း ခိုက်ရန်ဖြစ်ခဲ့ကြတဲ့ ကွင်းလယ်လူ ဖက်ဒရီကို ဗယ်ဗားဒေးနဲ့ အော်ရီလီယန် ချူအာမေနီတို့ကို ယူရိုငါးသိန်းစီ ငွေဒဏ်ချမှတ်လိုက်ပါတယ် ။ လေ့ကျင့်ရေးကွင်းမှာ ဗယ်ဗားဒေးရဲ့ ပြင်းထန်တဲ့ ဖျတ်ထုတ်မှုကနေ စတင်ခဲ့တဲ့ အဆိုပါ အငြင်းပွားမှုဟာ အဝတ်လဲခန်းထဲမှာ ကိုယ်ထိလက်ရောက် ဖြစ်ပွားတဲ့အထိ ပြင်းထန်ခဲ့ပြီး ဗယ်ဗားဒေးအနေနဲ့ စားပွဲနဲ့ ခေါင်းတိုက်မိကာ ဒဏ်ရာရရှိခဲ့တာ ဖြစ်ပါတယ် ။ လက်ရှိမှာတော့ နှစ်ဦးစလုံးဟာ အသင်းရဲ့ စည်းကမ်းထိန်းသိမ်းရေး ကြားနာပွဲမှာ သူတို့ရဲ့ လုပ်ရပ်အတွက် အပြည့်အဝ နောင်တရကြောင်းနဲ့ အသင်းဖော်တွေအပြင် ပရိသတ်တွေကိုပါ ပြန်လည်တောင်းပန်ခဲ့ကြောင်း ​ပြောကြားခဲ့ပါတယ် ။ ဦးခေါင်းဒဏ်ရာရရှိခဲ့တဲ့ ဗယ်ဗားဒေးကတော့ ၁၀ ရက်ကနေ ၁၄ ရက်အထိ အနားယူရမှာဖြစ်ပါတယ် ။

- ကနေဒါအသင်းခေါင်းဆောင် နဲ့ ဘိုင်ယန်မြူးနစ်အသင်းကစားသမား အယ်လ်ဖွန်ဆိုဒေးဗီးစ်ဟာ ပေါင်နောက်ကြောဒဏ်ရာ ရရှိသွားတာကြောင့် ကမ္ဘာ့ဖလားပြိုင်ပွဲမတိုင်ခင် သီတင်းပတ်အနည်းငယ်ကြာ အနားယူရတော့မှာ ဖြစ်ပါတယ် ။ အသက် ၂၅ နှစ်အရွယ် နောက်ခံလူဟာ ပီအက်စ်ဂျီနဲ့ကစားခဲ့တဲ့ ချန်ပီယံလိဂ်ပွဲစဉ်မှာ ဒဏ်ရာရရှိခဲ့တာဖြစ်ပြီး လာမယ့် ဇွန်လမှာကျင်းပမည့် ကမ္ဘာ့ဖလားအဖွင့်ပွဲစဉ်များအတွက် ပါဝင်နိုင်ဖို့ စိုးရိမ်စရာ အခြေအနေ ဖြစ်ပါတယ် ။ ကနေဒါဘောလုံးအဖွဲ့ချုပ်ကတော့ ဒေးဗီးစ် အမြန်ဆုံးပြန်လည်သက်သာလာစေဖို့ ဘိုင်ယန်ဆေးအဖွဲ့နဲ့ အနီးကပ် ချိတ်ဆက်ဆောင်ရွက်နေပြီး လိုအပ်တဲ့ အထူးကုသမှုတွေ ပံ့ပိုးပေးသွားမှာ ဖြစ်ပါတယ် ။ အိမ်ရှင်အဖြစ် လက်ခံကျင်းပမည့် ကနေဒါအသင်းအတွက် အဓိကအားထားရတဲ့ ကစားသမားဖြစ်တာကြောင့် ဒေးဗီးစ်ရဲ့ ဒဏ်ရာဟာ အသင်းအတွက် အလွန်ကြီးမားတဲ့ ထိုးနှက်ချက်တစ်ခုလည်း ဖြစ်ပါတယ် ။ လက်ရှိမှာတော့ ဒေးဗီးစ်အနေနဲ့ ဇွန်လ ၁၂ ရက်နေ့တွင် ကစားမည့် ဘော့စနီးယားနဲ့ အဖွင့်ပွဲစဉ်အမီ ကြံ့ခိုင်မှု ပြန်လည်ပြည့်ဝလာစေဖို့ ကြိုးစားရမှာ ဖြစ်ပါတယ် ။

- ဝုလ်ဗ်အသင်းရဲ့ ကွင်းလယ်လူ ဂျာအိုဂိုးမက်စ်ဟာ စပိန်ထိပ်သီးကလပ် အက်သလက်တီကို မက်ဒရစ်အသင်းဆီ ပြောင်းရွှေ့ဖို့ နီးစပ်နေပြီ ဖြစ်ပါတယ် ။ နှစ်ဦးနှစ်ဖက်ကြားမှာ ပြောင်းရွှေ့ကြေး ယူရို ၄၅ သန်းဝန်းကျင်နဲ့ နှုတ်အားဖြင့် သဘောတူညီမှု ရရှိရန် နီးစပ်နေပြီး အသက် ၂၅ နှစ်အရွယ် ဘရာဇီးလ်ကွင်းလယ်လူဟာ လာမယ့်နွေရာသီမှာ အသင်းသစ်ကိုပြောင်းရွှေ့တော့မှာ ဖြစ်ပါတယ် ။ ဝုလ်ဗ်အသင်းဟာ ယခုရာသီ ပရီးမီးယားလိဂ်ကနေ တန်းဆင်းသွားခဲ့ရတာကြောင့် အသင်းရဲ့ အဓိကကစားသမားတွေကို လက်လွှတ်ရဖို့ ရှိနေတာ ဖြစ်ပါတယ် ။ ဂျာအိုဂိုးမက်စ်ဟာ ဝုလ်ဗ်အသင်းအတွက် ပွဲပေါင်း ၁၃၀ နီးပါး ကစားပေးထားပြီး တန်းဆင်းသွားတဲ့ အသင်းကနေ ချန်ပီယံလိဂ်ဝင်ခွင့်ရ အသင်းကြီးဆီသို့ တက်လှမ်းနိုင်တော့မှာ ဖြစ်ပါတယ် ။

- ၂၀၂၆ ကမ္ဘာ့ဖလားပြိုင်ပွဲကို အိမ်ရှင်အဖြစ် လက်ခံကျင်းပမည့် ကနေဒါ၊ မက္ကဆီကိုနှင့် အမေရိကန်နိုင်ငံတို့ရှိ အဖွင့်ပွဲစဉ်တိုင်းတွင် ဖွင့်ပွဲအခမ်းအနားများ ခမ်းနားစွာ ထည့်သွင်းကျင်းပသွားမည် ဖြစ်ပြီး အဆိုပါအခမ်းအနားများတွင် ကေပေါ့ပ်စတား Blackpink အဖွဲ့ဝင် လီဆာ၊ ကေတီပယ်ရီ နှင့် မိုက်ကယ်ဘူဘယ် အစရှိသည့် ကမ္ဘာကျော်အနုပညာရှင်များစွာ ပါဝင်ဖျော်ဖြေကြရန် ဖီဖာက စီစဉ်ထားတာ ဖြစ်ပါတယ် ။ ထူးခြားချက်အနေဖြင့် ဇူလိုင်လ ၄ ရက်နေ့တွင် ကျရောက်မည့် အမေရိကန်နိုင်ငံ၏ နှစ် ၂၅၀ ပြည့် လွတ်လပ်ရေးနေ့ အထိမ်းအမှတ် ဂုဏ်ပြုပွဲများကိုလည်း ဟူစတန်နှင့် ဖီလာဒဲလ်ဖီးယားမြို့ရှိ ပွဲစဉ်များတွင် ထည့်သွင်းပြုလုပ်သွားမည် ဖြစ်ပါတယ် ။ အဖွင့်ပွဲစဉ်များအတွက် ဖျော်ဖြေရေးအစီအစဉ်များကို ပွဲမစမီ မိနစ် ၉၀ အလိုကတည်းက စတင်တင်ဆက်သွားရန် လျာထားတာ ဖြစ်ပါတယ် ။

- ပရီးမီးယားလိဂ် တန်းတက်ပလေးအော့ဖ် ဆီမီးဖိုင်နယ် ပွဲစဉ်မကစားမီ မစ်ဒယ်ဘရော့အသင်းရဲ့ လေ့ကျင့်ရေးကွင်းမှာ ဆောက်သမ်တန်အသင်းဘက်က တရားမဝင် လာရောက်ခိုးယူရိုက်ကူးခဲ့တယ်ဆိုတဲ့ တိုင်ကြားမှုကြောင့် အင်္ဂလန်ဘောလုံးလိဂ် (EFL) က ဆောက်သမ်တန်အသင်းကို စွဲချက်တင်လိုက်ပြီ ဖြစ်ပါတယ်။ မစ်ဒယ်ဘရော့အသင်းရဲ့ လေ့ကျင့်ရေးအစီအစဉ်ကို ဆောက်သမ်တန်အရာရှိတစ်ဦးက ဖုန်းနဲ့ လာရောက်ခိုးယူရိုက်ကူးနေတာကို ကွင်းအတွင်း တွေ့ရှိခဲ့ရတာ ဖြစ်ပါတယ်။ ဒီလုပ်ရပ်ဟာ ပွဲမတိုင်ခင် ၇၂ နာရီအတွင်း ပြိုင်ဘက်ရဲ့ လေ့ကျင့်ရေးကို ချောင်းမြောင်းခြင်းမပြုရဆိုတဲ့ စည်းမျဉ်းအပါအဝင် စည်းကမ်းချက် ၂ ခုကို ချိုးဖောက်ရာရောက်နေတာ ဖြစ်ပါတယ်။ ဆောက်သမ်တန်အသင်းဘက်ကတော့ ဒီစွပ်စွဲချက်ကို လက်ခံသိရှိထားပြီး အဖွဲ့ချုပ်ရဲ့ စုံစမ်းစစ်ဆေးမှုတွေမှာ အပြည့်အဝ ပူးပေါင်းဆောင်ရွက်သွားမှာ ဖြစ်ပါတယ်။ လက်ရှိမှာ ဒီအမှုကို လွတ်လပ်တဲ့ စည်းကမ်းထိန်းသိမ်းရေးကော်မရှင်ထံ လွှဲပြောင်းပေးထားပြီး အမြန်ဆုံး ကြားနာစစ်ဆေးသွားဖို့ စီစဉ်နေတာ ဖြစ်ပါတယ်။

08/05/2026

ပရိသတ်ကြီးတို့ရဲ့ အတွေးထဲက အဖြေတွေက ??? ဘယ်အဆင့်ထိရောက်လဲ???

08/05/2026

The Mid-Day Report

- ဗယ်ဗာဒီနဲ့ ချူအာမေနီတို့ကြား တင်းမာမှုတွေဟာ ထပ်မံမြင့်တက်လာခဲ့ပြီး အဝတ်လဲခန်းအတွင်း ပြင်းထန်တဲ့ ခိုက်ရန်ဖြစ်ပွားမှုအထိ ဖြစ်ပေါ်ခဲ့တာ ဖြစ်ပါတယ်။ ဗယ်ဗာဒီက လက်ဆွဲနှုတ်ဆက်ဖို့ ငြင်းဆန်ရာကနေ အငြင်းပွားမှုစတင်ခဲ့ပြီး စားပွဲစောင်းနဲ့ ရိုက်မိကာ ဒဏ်ရာပြင်းထန်တာကြောင့် ဆေးရုံသို့ ထပ်မံပို့ဆောင်ခဲ့ရတာ ဖြစ်ပါတယ်။ အဆိုပါဖြစ်ရပ်ဟာ ကလပ်အသင်းသမိုင်းတစ်လျှောက် အဆိုးရွားဆုံး ပြဿနာတစ်ခုဖြစ်လို့ အသင်းတာဝန်ရှိသူတွေက ကစားသမားအားလုံးကို ခေါ်ယူပြီး အရေးပေါ်အစည်းအဝေး ပြုလုပ်ခဲ့တာ ဖြစ်ပါတယ်။ လက်ရှိမှာတော့ ရီးရဲလ်မက်ဒရစ်အသင်းဟာ ခိုက်ရန်ဖြစ်ပွားခဲ့တဲ့ ကစားသမားနှစ်ဦးစလုံးကို စည်းကမ်းပိုင်းဆိုင်ရာ အရေးယူမှုတွေနဲ့ ဒဏ်ကြေးချမှတ်တာတွေ ပြုလုပ်သွားမှာ ဖြစ်ပါတယ်။ အခုလိုဖြစ်ရပ်တွေကြောင့် အသင်းအတွင်း စည်းလုံးမှု ပျက်ပြားနေပြီး အခြေအနေကို အမြန်ဆုံး ထိန်းချုပ်နိုင်ဖို့ ကလပ်အသင်းဘက်က ကြိုးပမ်းနေတာ ဖြစ်ပါတယ်။

- ဗယ်ဗာဒီကတော့ လေ့ကျင့်ရေးကွင်းမှာ အသင်းဖော်နဲ့ စကားများခဲ့တာ မှန်ပေမဲ့ တစ်ယောက်နဲ့တစ်ယောက် ရိုက်နှက်ခဲ့တာမျိုး မရှိဘူးလို့ တရားဝင် ရှင်းလင်းလိုက်တာ ဖြစ်ပါတယ်။ အငြင်းပွားနေစဉ်အတွင်း စားပွဲတစ်ခုကို မတော်တဆ တိုက်မိခဲ့တာကြောင့် နဖူးမှာ ဒဏ်ရာရရှိခဲ့ပြီး ဆေးရုံတက်ခဲ့ရတာ ဖြစ်ပါတယ်။ အခုလို ပြဿနာဖြစ်ရတာဟာ ဆုဖလားလက်မဲ့ဖြစ်ခဲ့ရတဲ့ ရာသီအပေါ် စိတ်ပျက်မှုနဲ့ ပင်ပန်းနွမ်းနယ်မှုတွေကြောင့်ဖြစ်ပြီး အသင်းရဲ့ပုံရိပ်ကို ထိခိုက်စေတဲ့အတွက်လည်း တောင်းပန်ထားတာ ဖြစ်ပါတယ်။ ဒဏ်ရာကြောင့် လာမယ့်ပွဲစဉ်ကို လွဲချော်မှာဖြစ်ပေမဲ့ အသင်းရဲ့ စည်းကမ်းပိုင်းဆိုင်ရာ ဆုံးဖြတ်ချက်မှန်သမျှကို အပြည့်အဝ လက်ခံသွားမှာ ဖြစ်ပါတယ်။ ရီးရဲလ်မက်ဒရစ်အတွက် အမြဲတမ်း အကောင်းဆုံး ပေးဆပ်ကစားခဲ့သူဖြစ်လို့ အခုလို ကွင်းထဲမှာ မကူညီနိုင်တဲ့ အခြေအနေအပေါ် အလွန်ဝမ်းနည်းမိကြောင်းလည်း ဗယ်ဗာဒီက ပြောကြားခဲ့တာ ဖြစ်ပါတယ်။

- ကမ္ဘာကျာ်အနုပညာရှင် Kevin Hart နဲ့ ဘီယာ ကုမ္ပဏီ Michelob Ultra တို့ပူးပေါင်းပြီး ကမ္ဘာ့ဖလားဗိုလ်လုပွဲမှာ အကောင်းဆုံးကစားသမားဆုကို ပေးအပ်ဖို့အတွက် လစာ အမေရိကန်ဒေါ်လာ ၉၀,၀၀၀ ပေးမယ့် "Chief Trophy Officer" တစ်ဦးကို ခန့်အပ်သွားမှာ ဖြစ်ပါတယ်။ ဒီအလုပ်အတွက် ဇူလိုင်လ (၁၉) ရက်နေ့မှာ မိနစ် (၉၀) သာ အချိန်ပေးရမှာဖြစ်ပြီး ဗိုလ်လုပွဲကြည့်ရှုဖို့ လက်မှတ်နှစ်စောင်ကိုပါ အခမဲ့ ရရှိဦးမှာ ဖြစ်ပါတယ်။ အချိန်တိုအတွင်း ဝင်ငွေအမြောက်အမြားရရှိမယ့် ထူးခြားတဲ့ အလုပ်အကိုင် အခွင့်အလမ်းဖြစ်တာကြောင့် လူအများကြား စိတ်ဝင်စားမှု မြင့်တက်နေတာ ဖြစ်ပါတယ်။

- Instagram က အကောင့်တုတွေနဲ့ Bot အကောင့်တွေကို ဖယ်ရှားရှင်းလင်းလိုက်တာကြောင့် ကမ္ဘာကျော် ဘောလုံးသမား တွေဖြစ်တဲ့ ရော်နယ်ဒိုနဲ့ မက်ဆီ ရဲ့ Instagram Follower အရေအတွက်တွေ သိသိသာသာ လျော့ကျသွား ပါတယ်။ ခရစ်စတီယာနို ရော်နယ်လ်ဒိုဟာ Follower (၈) သန်းကျော်အထိ ဆုံးရှုံးခဲ့ရသလို လီယွန်နယ် မက်ဆီရဲ့ Follower အရေအတွက်ကလည်း (၅) သန်းခန့် လျော့နည်းသွားခဲ့တာ ဖြစ်ပါတယ်။

- Andoni Iraola ဟာ Crystal Palace အသင်းရဲ့ နည်းပြသစ်ဖြစ်လာဖို့ သဘောတူညီမှု ရလုနီးပါး ဖြစ်နေတယ်ဆိုတဲ့ သတင်းတွေဟာ လက်ရှိမှာတော့ မမှန်ကန်သေးတာ ဖြစ်ပါတယ်။ Palace အသင်းအနေနဲ့ Iraola ကို အလိုချင်ဆုံး အဓိကပစ်မှတ်အဖြစ် သတ်မှတ်ထားပေမဲ့ လက်ရှိအချိန်အထိတော့ တစ်စုံတစ်ရာ ထူးထူးခြားခြား တိုးတက်မှု မရှိသေးတာ ဖြစ်ပါတယ်။ လက်ရှိ Bournemouth နည်းပြဟာ သူ့ရှေ့က ရွေးချယ်စရာ အခွင့်အလမ်းအားလုံးကို သေချာစွာ စဉ်းစားသုံးသပ်သွားမှာ ဖြစ်ပါတယ်။ ဒါ့အပြင် Chelsea အသင်းရဲ့ နည်းပြသစ်စာရင်းထဲမှာလည်း Iraola က တစ်ယောက်အပါအဝင် ဖြစ်နေတာ ဖြစ်ပါတယ်။

- မစ်ဒယ်ဘရော့အသင်းဟာ ဆောက်သမ်တန်အသင်းရဲ့ တာဝန်ရှိသူတစ်ဦးက လေ့ကျင့်ရေးအစီအစဉ်ကို ခိုးယူရိုက်ကူးခဲ့တယ်လို့ စွပ်စွဲပြီး အင်္ဂလန်ဘောလုံးလိဂ် (EFL) ထံ တရားဝင်တိုင်ကြားလိုက် ပါတယ်။ ပရီးမီးယားလိဂ်တက်ရောက်ခွင့်အတွက် အရေးပါတဲ့ ရှုံးထွက်ပွဲစဉ်မတိုင်ခင် အခုလို ထောက်လှမ်းမှုတွေ ပြုလုပ်ခဲ့တာကြောင့် (EFL)က စုံစမ်းစစ်ဆေးမှုတွေ စတင်ပြုလုပ်နေတာ ဖြစ်ပါတယ်။မစ်ဒယ်ဘရော့အသင်းဘက်က အဆိုပါပုဂ္ဂိုလ်ဟာ ဖုန်းနဲ့ခိုးယူရိုက်ကူးနေစဉ် လူမိသွားပြီး ထွက်ပြေးသွားခဲ့တာကို CCTV မှတ်တမ်းတွေနဲ့အတူ အထောက်အထားခိုင်လုံစွာ တိုင်ကြားခဲ့တာ ဖြစ်ပါတယ်။ အခုလိုဖြစ်ရပ်ဟာ ပြိုင်ဘက်အသင်းရဲ့ လေ့ကျင့်ရေးကို ကြိုတင်ကြည့်ရှုခွင့်ပိတ်ပင်ထားတဲ့ စည်းမျဉ်းကို ချိုးဖောက်ခြင်းဖြစ်လို့ ဆောက်သမ်တန်အသင်းအနေနဲ့ အရေးယူခံရဖို့ ရှိနေတာ ဖြစ်ပါတယ်။

- အာဆင်နယ်ပရိသတ်အဖွဲ့အစည်းဟာ ၂၀၂၆ ချန်ပီယံလိဂ်ဗိုလ်လုပွဲအတွက် UEFA ရဲ့ လက်မှတ်ခွဲတမ်းအပေါ် အလွန်အမင်း စိတ်ပျက်မိကြောင်း ထုတ်ဖော်ပြောကြားလိုက်ပါတယ်။ UEFA အနေနဲ့ ဗိုလ်လုပွဲတက်ရောက်လာတဲ့ အာဆင်နယ်နဲ့ PSG အသင်းတို့ကို တစ်သင်းလျှင် လက်မှတ်အရေအတွက် (၁၇,၂၀၀) စီသာ ခွဲတမ်းပေးခဲ့တာ ဖြစ်ပါတယ်။ အဆိုပါအရေအတွက်ဟာ ကွင်းဆံ့ပမာဏရဲ့ (၂၈) ရာခိုင်နှုန်းခန့်သာရှိလို့ ပရိသတ်တွေအပေါ် လေးစားမှုရှိဖို့ လိုအပ်တယ်လို့ အာဆင်နယ်ပရိသတ်များက ဝေဖန်နေကြတာ ဖြစ်ပါတယ်။ ဟန်ဂေရီနိုင်ငံရှိ Puskas Arena ကွင်းမှာ ကျင်းပမယ့် အဆိုပါပွဲစဉ်အတွက် လက်မှတ်မရရှိတဲ့ ပရိသတ်တွေအတွက် အဲမရိတ်ကွင်းအတွင်း တိုက်ရိုက်ထုတ်လွှင့်ပြသပေးသွားမှာ ဖြစ်ပါတယ်။ အာဆင်နယ်အသင်းဟာ အက်သလက်တီကိုကို အနိုင်ယူပြီး ၂၀၀၆ ခုနှစ်နောက်ပိုင်း ပထမဆုံးအကြိမ်အဖြစ် ချန်ပီယံလိဂ်ဗိုလ်လုပွဲသို့ တက်ရောက်နိုင်ခဲ့တာ ဖြစ်ပါတယ်။

- PSG အသင်း ချန်ပီယံလိဂ်ဗိုလ်လုပွဲ တက်ရောက်နိုင်ခဲ့ပြီးနောက် ပြင်သစ်နိုင်ငံ မြို့တော်အတွင်း ရုန်းရင်းဆန်ခတ်မှုများ ဖြစ်ပွားခဲ့ပြီး လူပေါင်း (၁၂၇) ဦးကို ဖမ်းဆီးအရေးယူခဲ့ရတာ ဖြစ်ပါတယ်။ ဘိုင်ယန်မြူးနစ်ကို ကျော်ဖြတ်ပြီး ဗိုလ်လုပွဲတက်ခဲ့တဲ့ PSG ပရိသတ် ထောင်ပေါင်းများစွာဟာ လမ်းမပေါ်ထွက် အောင်ပွဲခံရာကနေ မီးရှူးမီးပန်းတွေနဲ့ ပစ်ခတ်မှုကြောင့် ရဲအရာရှိ (၂၃) ဦး အပါအဝင် လူအများအပြား ဒဏ်ရာရရှိခဲ့တာ ဖြစ်ပါတယ်။ ပြင်သစ်ပြည်ထဲရေးဝန်ကြီးကတော့ အခုလို ဆူပူသောင်းကျန်းမှုတွေကို သည်းခံသွားမှာမဟုတ်ကြောင်းနဲ့ ဖမ်းဆီးရမိသူတွေကို စည်းကမ်းတကျ အရေးယူသွားမှာ ဖြစ်ပါတယ်။ PSG အသင်းဟာ ဘိုင်ယန်နဲ့ တစ်ဖက်တစ်ဂိုးစီ သရေကျခဲ့ပေမဲ့ နှစ်ကျော့ပေါင်းရလဒ် ၆ ဂိုး ၅ ဂိုးနဲ့ အနိုင်ရကာ ဗိုလ်လုပွဲသို့ ဒုတိယနှစ်ဆက်တိုက် တက်ရောက်နိုင်ခဲ့တာ ဖြစ်ပါတယ်။ လာမယ့် မေလ (၃၀) ရက်နေ့ ဟန်ဂေရီနိုင်ငံ ဘူဒါပက်မြို့မှာ ကျင်းပမယ့် ဗိုလ်လုပွဲမှာတော့ PSG အသင်းဟာ အာဆင်နယ်အသင်းနဲ့ ရင်ဆိုင်ကစားပြီး ချန်ပီယံဆုကို ကာကွယ်သွားရမှာ ဖြစ်ပါတယ်။

- ဒေါ့မွန်အသင်း နောက်ခံလူ နစ်ကလပ်စ်ဆူလီဟာ ဒဏ်ရာပြဿနာတွေကြောင့် အသက် (၃၀) အရွယ်မှာပဲ ဘောလုံးလောကကနေ အနားယူတော့မယ်လို့ ကြေညာလိုက်တာ ဖြစ်ပါတယ်။ ဘိုင်ယန်မြူးနစ်နောက်ခံလူဟောင်း ဆူလီဟာ ကစားသမားသက်တမ်းတစ်လျှောက် ပြင်းထန်တဲ့ ဒူးအရွတ်ပြဲဒဏ်ရာတွေနဲ့ မကြာခဏ ရင်ဆိုင်ခဲ့ရတာ ဖြစ်ပါတယ်။ ပြီးခဲ့တဲ့ ဧပြီလအတွင်းက ရရှိခဲ့တဲ့ ဒဏ်ရာဟာ အရင်ကလို ပြင်းထန်မှုမရှိပေမဲ့ ထပ်မံဖြစ်ပွားနိုင်တဲ့ စိုးရိမ်စိတ်ကြောင့် အခုလို အနားယူဖို့ ဆုံးဖြတ်ခဲ့တာ ဖြစ်ပါတယ်။ ဂျာမနီလက်ရွေးစင်အသင်းအတွက် (၄၉) ပွဲအထိ ကစားပေးခဲ့တဲ့ ဆူလီဟာ ဘိုင်ယန်မြူးနစ်နဲ့အတူ ဘွန်ဒက်လီဂါဖလား ငါးကြိမ်နဲ့ ချန်ပီယံလိဂ်ဖလားတစ်ကြိမ်တို့ကို ဆွတ်ခူးနိုင်ခဲ့တာ ဖြစ်ပါတယ်။

07/05/2026

၂၀၂၆ အာဆီယံ ယူ-၁၉ ချန်ပီယံရှစ် မဲခွဲမှုအပြီး မြန်မာအသင်း ဟာ အိမ်ရှင်အင်ဒိုနီးရှား၊ ဗီယက်နမ်တို့နှင့် အုပ်စု (A) တွင် ကျရောက်

၂၀၂၆ ခုနှစ်၊ ဇွန်လ ၁ ရက်နေ့မှ ၁၄ ရက်နေ့အထိ အင်ဒိုနီးရှားနိုင်ငံတွင် အိမ်ရှင်အဖြစ် ကျင်းပပြုလုပ်မည့် အာဆီယံ ယူ-၁၉ အမျိုးသားချန်ပီယံရှစ် ပြိုင်ပွဲအတွက် အုပ်စုမဲခွဲပွဲကို ကျင်းပပြုလုပ်ခဲ့ရာ မြန်မာ ယူ-၁၉ အသင်းသည် အင်ဒိုနီးရှား၊ ဗီယက်နမ်၊တီမောလက်စတေတို့နှင့် တစ်အုပ်စုတည်း ဆုံတွေ့နေသည်။

အုပ်စု (A) မဲခွဲမှုအခြေအနေ 🏆🇲🇲

မြန်မာအသင်း ကျရောက်နေသည့် အုပ်စု (A) တွင် အောက်ပါအသင်းများ ပါဝင်နေသည်။

• 🇮🇩 အင်ဒိုနီးရှား (အိမ်ရှင်)
• 🇻🇳 ဗီယက်နမ်
• 🇲🇲 မြန်မာ
• 🇹🇱 တီမောလက်စတေ

၂၀၂၆ အာဆီယံ ယူ-၁၉ ချန်ပီယံရှစ် ပြိုင်ပွဲကို လာမည့် ဇွန်လ ၁ ရက်နေ့မှ ၁၄ ရက်နေ့အထိ အင်ဒိုနီးရှားနိုင်ငံတွင် အိမ်ရှင်အဖြစ် လက်ခံကျင်းပသွားမည်ဖြစ်သည်။

အခြားအုပ်စုများ၏ မဲခွဲမှုရလဒ်

• အုပ်စု (B): ထိုင်း၊ မလေးရှား၊ စင်ကာပူ၊ ဘရူနိုင်း 🇹🇭🇲🇾🇸🇬🇧🇳
• အုပ်စု (C): သြစတြေးလျ၊ ကမ္ဘောဒီးယား၊ ဖိလစ်ပိုင် 🇦🇺🇰🇭🇵🇭

07/05/2026

ယနေ့ မြန်မာ ယူ (၁၇) အမျိုးသမီး အုပ်စု နောက်ဆုံး ပွဲစဉ် ရှိသည်

မြန်မာ ယူ (၁၇) အမျိုးသမီး အသင်း Vs ဗီယက်နမ် ယူ (၁၇) အမျိုးသမီး အသင်း

အချိန် - မေလ (၇) ရက်နေ့ ညနေ (၆) နာရီ

တိုက်ရိုက် ကြည့်ရှုနိုင်မည့် နေရာ -

Enjoy the Full Group Stage Match between Vietnam and Myanmar from matchday 3 of the AFC U17 Women's Asian Cup™ China 2026.🔔 All Match Highlights & Full Matc...

07/05/2026

The Mid-Day Report

- ရီးရဲလ်မက်ဒရစ်အသင်းရဲ့ လေ့ကျင့်ရေးကွင်းမှာ ဗယ်ဗာဒီနဲ့ ချူအာမေနီတို့ အကြီးအကျယ် စကားများပြီး ရန်ဖြစ်လုနီးပါး ဖြစ်ခဲ့တဲ့အတွက် အသင်းအတွင်းပိုင်း တင်းမာမှုတွေ မြင့်တက်နေပါတယ်။ ကစားသမားနှစ်ဦးဟာ တစ်ယောက်ကိုတစ်ယောက် တွန်းထိုးခဲ့ကြသလို အဝတ်လဲခန်းထဲအထိ အငြင်းပွားမှုတွေ ဆက်လက်ဖြစ်ပွားခဲ့တာဖြစ်ပါတယ်။ လက်ရှိမှာ ရီးရဲလ်ကစားသမားတွေအကြား စိတ်ဝမ်းကွဲမှုတွေရှိနေပြီး အချို့ကစားသမားတွေဆိုရင် နည်းပြ အာဘီလိုအာနဲ့ပါ စကားမပြောကြတဲ့အထိ အခြေအနေ ဆိုးရွားနေတာဖြစ်ပါတယ်။ ဒီလိုပြဿနာတွေဟာ ဘာစီလိုနာနဲ့ ကစားရမယ့် အယ်လ်ကလက်စီကို ပွဲစဉ်မတိုင်ခင်မှာ ဖြစ်ပေါ်လာတာဖြစ်လို့ အသင်းအတွက် ပိုမိုဖိအားများစေတာဖြစ်ပါတယ်။

- မန်ချက်စတာယူနိုက်တက်အသင်းဟာ လာမယ့်ရာသီမှာ ဝတ်ဆင်မယ့် အိမ်ကွင်းဝတ်စုံသစ်ကို အခုရာသီရဲ့ နောက်ဆုံးပွဲစဉ်နှစ်ပွဲဖြစ်တဲ့ နော်တင်ဟမ်ဖောရက်စ်၊ ဘရိုက်တန်တို့နဲ့ပွဲမှာ စတင်ဝတ်ဆင်ပြီး ပွဲထုတ်သွားမှာဖြစ်ပါတယ်။ ၁၉၇၀ ပြည့်လွန်နှစ်များက ဒီဇိုင်းကို အခြေခံထားတဲ့ အဆိုပါဝတ်စုံသစ်ကို ပရိသတ်တွေ ပိုမိုစိတ်ဝင်စားလာစေဖို့အတွက် ရာသီမပိတ်ခင် ကြိုတင်မိတ်ဆက်တာဖြစ်ပါတယ်။ ဒါ့အပြင် မန်ချက်စတာယူနိုက်တက်အသင်းဟာ လာမယ့်ရာသီကစပြီး အသင်းရဲ့ လေ့ကျင့်ရေးဝတ်စုံမှာ ဗြိတိန်လောင်းကစားကုမ္ပဏီတစ်ခုဖြစ်တဲ့ Betway ရဲ့ အမှတ်တံဆိပ်ကို အသုံးပြုဖို့အတွက် ဆွေးနွေးမှုတွေ ပြုလုပ်နေပါတယ်။ ဒီသဘောတူညီချက်ဟာ တစ်နှစ်ကို ပေါင် ၁၈ သန်းကျော် တန်ကြေးရှိနိုင်မှာဖြစ်ပြီး Tezos နဲ့ စာချုပ်သက်တမ်းကုန်ဆုံးပြီးနောက်ပိုင်း တစ်နှစ်ကျော်ကြာ စောင့်ဆိုင်းခဲ့ပြီးမှ အခုလို စီးပွားရေးအရ အကျိုးအမြတ်များမယ့် စာချုပ်သစ်ကို ချုပ်ဆိုဖို့ နီးစပ်လာတာဖြစ်ပါတယ်။ ပရီးမီးယားလိဂ်မှာ လာမယ့် ၂၀၂၆-၂၇ ရာသီကစပြီး ပြိုင်ပွဲဝင်ဝတ်စုံတွေမှာ လောင်းကစားအမှတ်တံဆိပ်တွေ အသုံးမပြုဖို့ ကန့်သတ်ချက်တွေ ရှိလာမှာဖြစ်လို့ အသင်းတွေအနေနဲ့ အခုလို လေ့ကျင့်ရေးဝတ်စုံဘက်ကို ပြောင်းလဲအာရုံစိုက်လာတာဖြစ်ပါတယ်။

- FOX ရုပ်သံလိုင်းကတော့ ၂၀၂၆ ကမ္ဘာ့ဖလားပြိုင်ပွဲအတွင်း ပွဲစဉ်ပေါင်း ၁၀၄ ပွဲစလုံးကို ကြည့်ရှုရမယ့် "Chief FIFA World Cup Watcher" ရာထူးအတွက် လုပ်ခလစာ အမေရိကန်ဒေါ်လာ ၅၀,၀၀၀ ပေးအပ်ပြီး ဝန်ထမ်းခေါ်ယူနေပါတယ်။ ဒီတာဝန်ကို ရရှိတဲ့သူဟာ နယူးယောက်မြို့ရှိ Times Square မှာရှိနေပြီး ပွဲစဉ်အားလုံးကို အချိန်ပြည့်စောင့်ကြည့်ရမှာဖြစ်ပါတယ်။

- အာဂျင်တီးနား တိုက်စစ်မှူး ပရက်စတီယန်နီကို ရီးရဲမက်ဒရစ် ကစားသမား ဗီနီစီးယက်စ်ကို စော်ကားခဲ့တဲ့ အပြုအမူကြောင့် ယူအီးအက်ဖ်အေက ချမှတ်ထားတဲ့ ပွဲပယ်ပြစ်ဒဏ်ကို ဖီဖာက ကမ္ဘာတစ်ဝန်း အကျိုးသက်ရောက်စေဖို့ တိုးမြှင့်သတ်မှတ်လိုက်ပါတယ်။ ဒီဆုံးဖြတ်ချက်ကြောင့် ဘင်ဖီကာတိုက်စစ်မှူးဟာ အာဂျင်တီးနားအသင်းနဲ့အတူ လာမယ့် ၂၀၂၆ ကမ္ဘာ့ဖလား အုပ်စုအဖွင့်ပွဲစဉ်နှစ်ပွဲကို လွဲချော်ရမယ့် အခြေအနေနဲ့ ရင်ဆိုင်နေရတာဖြစ်ပါတယ်။ အဆိုပါ ပြစ်ဒဏ်ဟာ ပြီးခဲ့တဲ့ ဖေဖော်ဝါရီလအတွင်း ချန်ပီယံလိဂ်ပွဲစဉ်မှာ ရီးရဲလ်မက်ဒရစ်တိုက်စစ်မှူး ဗီနီစီးယပ်စ်နဲ့ ဖြစ်ပွားခဲ့တဲ့ အငြင်းပွားမှုကနေ စတင်ခဲ့တာဖြစ်ပါတယ်။ ကစားသမားဘက်က ပြစ်မှု ကျူးလွန်မှုမရှိခဲ့ကြောင်း ငြင်းဆိုထားပေမယ့် UEFA က Homophobia Conduct စွဲချက်ဖြင့် ကလပ်ပွဲ ၆ ပွဲ ပယ် ပြစ်ဒဏ်ချထားခဲ့တာဖြစ်ပြီး ဖီဖာကတော့ စည်းကမ်းထိန်းသိမ်းရေးအရ ဒီပြစ်ဒဏ်ကို တိုးမြှင့်ကာ ကလပ်ပွဲတွေပဲ ပြစ်ဒဏ်ချမှတ်ခံရတာကနေ အခုလို နိုင်ငံတကာပွဲစဥ်တွေပါ ကစားခွင့်မရတဲ့ ပွဲပယ်ပြစ်ဒဏ်အဖြစ် ထပ်တိုးအတည်ပြု ချမှတ်လိုက်တာဖြစ်ပါတယ်။

- ဘရာဇီးလ်ကလပ် ဆန်းတို့စ်အသင်းရဲ့ လေ့ကျင့်ရေးကွင်းမှာ ဖြစ်ပွားခဲ့တဲ့ အချင်းများမှုအတွက် တိုက်စစ်မှူး နေမာက အသင်းဖော် ရော်ဘင်ဟိုဂျူနီယာကို ကိုယ်တိုင် ပြန်လည်တောင်းပန်ခဲ့ပါတယ်။ အသက် ၁၈ နှစ်အရွယ် ရော်ဘင်ဟိုဂျူနီယာဟာ နေမာရဲ့ စီနီယာအသင်းဖော်ဟောင်း ရော်ဘင်ဟိုရဲ့ သားဖြစ်ပြီး လေ့ကျင့်ခန်းဆင်းစဉ်အတွင်း သဘောထားကွဲလွဲရာကနေ အခုလို အငြင်းပွားမှု ဖြစ်ပွားခဲ့တာ ဖြစ်ပါတယ်။ နေမာက မိမိရဲ့ တုံ့ပြန်မှုဟာ အနည်းငယ် လွန်သွားခဲ့တဲ့အတွက် ကစားသမားနဲ့ မိသားစုဝင်တွေကို အဝတ်လဲခန်းထဲမှာ တောင်းပန်ခဲ့သလို နှစ်ဦးကြား နားလည်မှု ပြန်လည်ရယူနိုင်ခဲ့ပြီ ဖြစ်ပါတယ်။ ရော်ဘင်ဟိုဂျူနီယာကလည်း နေမာရဲ့ တောင်းပန်မှုကို လက်ခံခဲ့ပြီး ဒါဟာ ဘောလုံးလောကမှာ ဖြစ်လေ့ဖြစ်ထရှိတဲ့ သာမန်ကိစ္စတစ်ခုသာဖြစ်တယ်လို့ တုံ့ပြန်ခဲ့တာ ဖြစ်ပါတယ်။

-၂၀၂၆ ကမ္ဘာ့ဖလားကို ပူးတွဲအိမ်ရှင်အဖြစ် လက်ခံကျင်းပမယ့် မက္ကဆီကိုဘောလုံးအဖွဲ့ချုပ်ဟာ အသင်းရဲ့ လေ့ကျင့်ရေးစခန်းကို သတ်မှတ်ရက်အတိုင်း သတင်းမပို့တဲ့ ကစားသမားတွေကို လူစာရင်းကနေ အပြီးတိုင် ထုတ်ပယ်မယ်လို့ ခြိမ်းခြောက်လိုက်တာ ဖြစ်ပါတယ်။ ဒီလေ့ကျင့်ရေးစခန်းဟာ ဖီဖာရဲ့ နိုင်ငံတကာပွဲစဉ်ရက် မဟုတ်တဲ့အပြင် ပြည်တွင်းကလပ်အသင်းတွေရဲ့ အရေးကြီးတဲ့ ပွဲစဉ်တွေနဲ့ တိုက်ဆိုင်နေတာကြောင့် ကလပ်အသင်းတွေနဲ့ အဖွဲ့ချုပ်ကြား အငြင်းပွားမှုတွေ ပြင်းထန်နေတာ ဖြစ်ပါတယ်။ မက္ကဆီကိုနည်းပြ ဟာဗီယာ အဂူရီကတော့ အဆိုပါ လေ့ကျင့်ရေးအစီအစဉ်ဟာ ကြိုတင်သဘောတူညီမှု ရယူထားတာဖြစ်လို့ လေ့ကျင့်ရေးကို မလာရောက်တဲ့ ဘယ်ကစားသမားကိုမဆို ကမ္ဘာ့ဖလားပြိုင်ပွဲမှာ ထည့်သွင်းမှာ မဟုတ်ဘူးလို့ အခိုင်အမာ ပြောကြားထားတာ ဖြစ်ပါတယ်။

- မန်ချက်စတာစီးတီး အမျိုးသမီးအသင်းဟာ ၁၀ နှစ်တာအတွင်း ပထမဆုံးအကြိမ်အဖြစ် အမျိုးသမီးစူပါလိဂ် (WSL) ချန်ပီယံဖလားကို ထိုက်ထိုက်တန်တန် ဆွတ်ခူးနိုင်ခဲ့ပြီဖြစ်ပါတယ်။ အာဆင်နယ်အသင်း ဘရိုက်တန်နဲ့ သရေကျခဲ့တဲ့ ရလဒ်ကြောင့် မန်စီးတီးအသင်းဟာ ရာသီပိတ်ပွဲစဉ် တစ်ပွဲကျန်ရှိနေချိန်မှာတင် ရမှတ် ၅၁ မှတ်နဲ့ အာဆင်နယ်အသင်းကို ၂ ပွဲအသာ ၉ မှတ် ဖြတ်ပြီး ချန်ပီယံဆုကို အပြီးသတ် အတည်ပြုနိုင်ခဲ့တာဖြစ်ပါတယ်။

07/05/2026

ဖိလစ်ပိုင်လိဂ် ကနေ ပြန်လည်ရောက်ရှိလာပြီဖြစ်တဲ့ စန်းသော်နဲ့ဖြူဖွေး

ဖိလစ်ပိုင်ကလပ် စတာလီယံ လီဂူနာအသင်းမှာ အငှားသွားရောက်ကစားခဲ့တဲ့ ဧရာဝတီအမျိုးသမီးအသင်းရဲ့ ကစားသမားများ ဖြစ်ကြတဲ့ စန်းသော်‌သော် နဲ့ ဖြူဖွေးတို့ ဟာ မေလ(၆)ရက်နေ့က ရန်ကုန်မြို့ကို ပြန်လည်ရောက်ရှိလာခဲ့ပါတယ်။

#

06/05/2026

အပြည်ပြည်ဆိုင်ရာ ပိုက်ကျော်ခြင်းအဖွဲ့ချုပ် (ISTAF) မှ ကြီးမှူးပြီး မလေးရှားနိုင်ငံမှ အိမ်ရှင်အဖြစ် ကွာလာလမ်ပူမြို့မှာ မေလ (၁၆)ရက်နေ့ကနေ (၂၃)ရက်နေ့အထိ ကျင်းပပြုလုပ်မည့် ISTAF Sepaktakraw World Cup 2026 အတွက် မြန်မာ့ပိုက်ကျော်ခြင်းကစားသမားတွေက အပြင်းအထန်လေ့ကျင့်နေကြပါတယ်၊

ဒီပြိုင်ပွဲအတွက် စုစုပေါင်း ကစားသမား (၁၂)ယောက်နဲ့အတူ ရန်ကုန်မြို့ သုဝဏ္ဏမှာရှိတဲ့ မြန်မာနိုင်ငံပိုက်ကျော် ခြင်းအဖွဲ့ချုပ်မှာ စခန်းသွင်းလေ့ကျင့်နေကြတာဖြစ်ပါတယ်၊ပိုက်ကျော်ခြင်းအားကစားနည်းအတွက် ကမ္ဘာ့အဆင့်ပြိုင်ပွဲဖြစ်တဲ့ ISTAF World Cup မှာတော့ မြန်မာနိုင်ငံအနေနဲ့ အမျိုးသားအသင်းလိုက်ပြိုင်ပွဲ Men Team Regu ၊ သုံးယောက်တွဲ Regu နဲ့ လေးယောက်တွဲ Quardrant ပြိုင်ပွဲ စတဲ့ ပြိုင်ပွဲ (၃)မျိုးမှာ ဝင်ရောက် ယှဉ်ပြိုင်မှာဖြစ်ပါတယ်၊

ISTAF World Cup ကိုတော့ မနှစ်က အိန္ဒိယနိုင်ငံက အိမ်ရှင်အဖြစ်ကျင်းပခဲ့ပြီး မြန်မာအမျိုးသားနဲ့ အမျိုးသမီးပိုက်ကျော်ခြင်းကစားသမားတွေဟာ နှစ်ယောက်တွဲ ၊ သုံးယောက်တွဲ ၊ လေးယောက်တွဲနဲ့ ကျား/မ လေးယောက်တွဲပြိုင်ပွဲတွေမှာ ဝင်ပြိုင်ခဲ့ပြီး ရွှေတံဆိပ် (၁)ဆု ၊ငွေတံဆိပ်(၂) ဆု နဲ့ ကြေးတံဆိပ်(၁)ခု ဆွတ်ခူးရရှိခဲ့ပါတယ်။

​ ​ ​ ​ ​ ​ ​