17/06/2024
#ကိုယ်လက်ကိုက်_နှာစေး_ချောင်းခြောက်ဆိုးတဲ့_ဘာမှန်းမသိတဲ့အဖျားရောဂါ
ဒီရက်ပိုင်း ရာသီဥတုက အပူရှိန်အရမ်းပြင်းသလို မိုးကလည်း မပြောမဆို ထ ထ သည်းတဲ့အတွက်
- နှာစေး နှာမွှန် နှာပိတ်
- လည်ချောင်းနာ
- ချောင်းဆိုး
- ကိုယ်လက်ကိုက်
- ခေါင်းကိုက် ပြီး
- ကိုယ်အပူချိန်ပြင်းပြင်း တက်တဲ့ တုပ်ကွေးနဲ့ဆင်တူတဲ့ အဖျားရောဂါတစ်ခုဖြစ်ပွါးနေပါတယ်
အဖျား 101-102 လောက်အထိတက် တတ်ပြီး
၄-၅ ရက်လောက်ကြာတတ်လို့ Virus တစ်မျိုး လို့ပဲ ထင်မိပါတယ်
ထူးထူးခြားခြား နှာခေါင်းနှိုက်ဘာနှိုက် မစစ်ဆေးတာလည်း ပါတာပေါ့နော်
အဲ့လို ဖြစ်နေပါပြီ
👉 ရေ အများကြီးသောက်ပါ
- အာခေါင်ကို စိုစွတ်နေစေပြီး ချောင်းဆိုးခြင်း ၊ လည်ချောင်းနာခြင်းတို့ကို သက်သာစေပါတယ်
- ခန္ဓာကိုယ်အပူချိန်ကို ချပေးရာတွင်လည်း အကူညီဖြစ်စေပါတယ်
- ရေဓာတ်ပြည့်ဝ နေစေခြင်းဖြင့် ကိုယ်လက်ကိုက်ခဲခြင်း ၊ ခေါင်းကိုက်ခြင်းတို့ကိုလည်း သက်သာစေပါတယ်
👉 အာဟာရပြည့်ဝအောင် စားပေးပါ
- ကျွန်တော်တို့ လူမျိုးက နေမကောင်းရင် အစာဖြတ်တတ်ကြပါတယ်
- အာဟာရပြည့်ဝ မှ ကိုယ်ခံအားကောင်းပြီး ရောဂါပိုးကိုတွန်းလှန်နိုင်မှာပါ (ငဗစ်တုန်းက အတွေ့အကြုံရှိကြပြီးသားပဲ မလား)
- နေမကောင်းတဲ့အချိန် စားချင်သောက်ချင်စိတ်ပျက်တယ် ၊ အစာချေလည်းသိပ်မလွယ်တာကြောင့် ဆီကြော်တို့ ၊ ကောက်ညှင်းတို့ လေပွစာတို့တော့ ရှောင်ပေါ့
- ပွင့်ထွက်သွားအောင် အာပူရှာပူသောက်တယ်တို့ ဘာတို့ စတဲ့ ချဉ်လွန်းစပ်လွန်းတာတွေက အစာအိမ်နှင့်အူလမ်းကြောင်းကို ထိခိုက်စေလို့ (လုံးဝ) မလုပ်သင့်ပါဘူး
👉 ဆေးလိပ် ၊ အရက် ရှောင်ပါ
👉 ခန္ဓာကိုယ်ထဲရေဓာတ်ပြည့်ဝဖို့လိုတာကြောင့်ကော်ဖီ လက်ဖက်ရည်တွေ ကလည်း ဆီးသွားများစေတာကြောင့် တရားလွန်မသောက်သင့်ပါဘူး
👉 ဖျားရင် အားဆေးမသောက်ရဘူးဆိုတဲ့ လူတတ်ကြီးများရှိတတ်ပါတယ် (ပိုးတွေ အားရှိသွားမှာစိုးလို့လား မသိပါဘူးဗျာ 😅)
- ပုံမှန် ဇီဝဖြစ်စဉ်တွေအပြင် ပိုးတွေ နဲ့ တိုက်ပွဲဖြစ်ရတော့ Oxidation- ဓာတ်တိုးမှုတွေ Inflammation- ရောင်ရမ်းမှုတွေပိုဖြစ်လို့
- Anti-oxidant, anti-inflammatory တွေဖြစ်တဲ့ Vitamins တွေပိုလိုအပ်ပါတယ်
- သောက်နေကျ အားဆေးတွေ မရပ်ပါနဲ့ ဆက်သောက်ပါ
👉 ဆားရည် နဲ့ပါးလုတ်ကျင်းပါ
💊 အဖျားကျဆေး ကတော့ Paracetamol 500mg ကို (၆) နာရီခြား လေးကြိမ်သောက်ပါ
ပါးစပ်က မသောက်ချင်လို့ Suppository (ဂြိုလ်တု) ထည့်လိုကလည်း ထည့်နိုင်ပါတယ်
- ကိုယ်လက် ကိုက်ခဲ ၊ ခေါင်းကိုက်တာအတွက်လည်း Paracetamol က အဆင်ပြေပါတယ်
💊 ချောင်းဆိုးရင် ချောင်းဆိုးပျောက်ဆေးသောက်ပါ (dextromethorphan) ပါတဲ့ ဆေးသောက်ပါ တစ်နေ့ (၃) ကြိမ်ထိသောက်လို့ရပါတယ်
💊 နှာမွှန် နှာချေတာအတွက်ကတော့ (Burmeton, Cetrizine , Loratidine) အဆင်ပြေရာ တစ်မျိုးမျိုးသောက်ပေါ့
💊 လည်ချောင်းနာတာ/ယားတာ အတွက်ကတော့ ငုံဆေး (Lozenges) နှစ်သက်ရာငုံပါ (သကြားလုံးတွေတော့ မငုံနဲ့ပေါ့ 😅)
အရေးတကြီး မှာလိုတာကတော့ #ဆေးထိုးတာပါ လူလတ်ပိုင်းရောဂါအခံမရှိသူတွေက ပြဿနာအများကြီးမရှိပေမယ့်
- အသက် ၁၆ နှစ်အောက် ကလေးတွေ
- အသက် ၅၅ နှစ်အထက် လူကြီးတွေ
- ဆီးချိုရောဂါ ၊ အသည်းရောဂါ ၊ နှလုံးရောဂါရှိပြီး သွေးကြဲဆေးသောက်နေရသူတွေ
- ကျောက်ကပ်ရောဂါ
- အစာအိမ်ရောဂါ ရှိသူတွေ အနေနဲ့ ကတော့ (လုံးဝ) အကိုက်ခဲပျောက်ဆေး မထိုးသင့်ပါဘူးဗျာ
ပိုးသတ်ဆေး လိုအပ်မယ်လို့ ယူဆရင်တော့ ဆရာဝန်ပြသလိုက်ပါ သင့်တော်ရာပေးပါလိမ့်မယ်။
မိုးကလည်း သည်းသည်းမည်းမည်း ရွာနေတတ်တာမို့
မိုးမိပြီး မဖျားချင်ရင်
✅ စိုနေတဲ့ အဝတ်တွေ အမြန်ဆုံးလဲပါ
✅ တကိုယ်လုံး ခြောက်နေအောင် အမြန်သုတ်ပါ
✅ ကိုယ်အပူချိန် အမြန်တက်ရအောင် ရေနွေးနွေးသောက်ပေးတာ ၊ ရေဓာတ်ပြည့်ဝနေအောင် ရေများများသောက်တာ၊ စွပ်ပြုတ်ပူပူသောက်တာ စတာတွေ လုပ်ပါ။
(Photo Credit; MedicinePlus)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ
Dr. ဘုန်းစည်သူလွင်
(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )
