30/06/2021
UK မှာ လမ်းပျောက်နေတဲ့ Night Life Industry ကိုပြန်လည်အသက်သွင်းဖို့ အစိုးရကိုဆန္ဒပြ
UK မှာရှိတဲ့ Music Lovers တွေပေါင်းပြီး '' FREEDOM TO DANCE " ခေါင်းစဉ်နဲ့ အစိုးရရဲ့ Covid-19 ဆိုင်ရာ တင်းကြပ်မှုတွေကို ဖြေလျှော့ဖို့နဲ့ မည်သည့်အကြောင်းကြောင့်နဲ့မျှ ဆက်လက်ကြန့်ကြာမနေဖို့ သပိတ်ကြောင်းပုံစံချီတက်ကာ သီချင်းဖျော်ဖြေမှုတွေနဲ့အတူ လမ်းမထက်တွေမှာ စုဝေးဆန္ဒပြခဲ့ကြပါတယ်။
ဒီလှုပ်ရှားမှုကို Save Our Scene UK ဆိုတဲ့အဖွဲ့အစည်းက ဦးဆောင်ပြီး Music Industry ကိုပြန်လည်အသက်သွင်းနိုင်မယ့် Campaign ခေါင်းစဉ်တွေဖြစ်တဲ့ '' MEET ME AT THE CLUB " , " MUSIC IS FREEDOM " တို့နဲ့အတူ ဆန္ဒပြခဲ့တာပါ။
UK မှာရှိတဲ့ Musician တချို့နဲ့ Underground DJs တွေပေါင်းပြီး ၄င်းတို့ကိုယ်တိုင် ကားအမိုးပေါ်မှာ perform လုပ်ခြင်းဖြင့် ပါဝင်ခဲ့ကြပါတယ်။ ဒီဆန္ဒပြမှုဟာ Festival တစ်ခုစာ လူဦးရေ ထောင်ဂဏန်းလောက်ရှိပြီး Social Distancing နဲ့ Mask တပ်ဖို့ စတဲ့ စည်းကမ်းချက်တွေကို လိုက်နာထားခြင်းမရှိတာကြောင့်လည်း အပြင်းအထန်ဝေဖန်ခံနေရပါတယ်။
ဆန္ဒပြသူများရဲ့ရည်ရွယ်ချက်ဟာ အစိုးရကိုတောင်းဆိုပိုင်ခွင့်ရှိတဲ့ အချက်တချို့နဲ့ ရွေးချယ်မှုတချို့ကို တင်ပြဖို့ဖြစ်တယ်လို့ဆိုပါတယ်။ ဒီလှုပ်ရှားမှုကနေ ရရှိလာတဲ့ ရန်ပုံငွေတွေဟာ ဂီတလောကရဲ့ ပရဟိတအဖွဲ့အစည်းတွေဖြစ်တဲ့ '' Help Musicians , Save Night Life , We Make Event Official နဲ့ Music Venue Trust '' စတဲ့ အဖွဲ့အစည်းတွေကို တိုက်ရိုက်ရောက်ရှိမှာ ဖြစ်တယ်လို့ဆိုပါတယ်။
EDM DOPE Telegram : t.me/edmdope