Han Thar Thit Publishing House

Han Thar Thit Publishing House Contact information, map and directions, contact form, opening hours, services, ratings, photos, videos and announcements from Han Thar Thit Publishing House, Book & Magazine Distributor, 20 Oat Tha Phaya Street, Yangon.

ဟံသာသစ် ​ပေ့ချ်မှာ မတင်တာကြာပြီမို့ ဒီ​နေ့​တော့ လက်​ဝဲသုန္ဒရ အမတ်ကြီးရဲ ရတု​လေးတပုဒ်ကို တင်​ပေးလိုက်ပါတယ်။ ဟံသာဝတီတိုက်က...
30/06/2024

ဟံသာသစ် ​ပေ့ချ်မှာ မတင်တာကြာပြီမို့ ဒီ​နေ့​တော့ လက်​ဝဲသုန္ဒရ အမတ်ကြီးရဲ ရတု​လေးတပုဒ်ကို တင်​ပေးလိုက်ပါတယ်။ ဟံသာဝတီတိုက်က​နေ ၁၉၆၇ ခုနှစ်က ထုတ်​ဝေခဲ့တဲ့ စာအုပ်​လေးထဲက ​ကောက်နုတ်​ဖော်ပြခြင်း ဖြစ်ပါတယ်။
လက်ဂဲသုန္ဒရ အမတ်ကြီးရဲ့ ရတုလို့​ဆိုလိုက်ရင် "မဲဇာ​တောင်​ခြေ"ကို အရင်ဆုံး သတိရမိကြမှာပါ။ အခု​ဖော်ပြမယ့် ရတု​လေးက​တော့ဆင်ဖြူရှင်မင်းလက်ထက်မှာ အမတ်ကြီးကို မဲဇာကိုပို့တဲ့အခါ ​ရောက်ခါနီး မဲဇာသစ်​တောကို မြင်ရာမှာ​ ရေးဖွဲ့ခဲ့တဲ့ ဧကပိုဒ် ရတု​လေး ဖြစ်ပါတယ်။
#အဆိုင်ဆိုင်လျှင်၊ ​တောမြိုင် လည်လှည့်၊ ကမ်းလုံးပြည့်မျှ၊ ရှုကြည့်​လေရာ၊ ​ကြောက်ဘွယ်သာတည့်၊ ပြာပြာလွလွ၊ မှိုင်းပြ ​မှောင် ​မှောင်၊ ​တောနှင့်​တောင်လည်း၊ တိမ်​တောင်မိုးရှိ၊ ​ထွေးရှက်ငြိမျှ၊ လွမ်းမိစဘွယ်၊ ​ကောင်းကင်လယ်လျက်၊ ​တောင်လယ် ​တောင်ထိပ်၊ မိုးညိုရိပ်၌၊ တိမ်လိပ်​ဆော်ညွှန်း၊ စ၍ထွန်းသည်၊ ​ #နေဝန်းပေါ်လွယ်ချင်ဘိသည်။ ။
***
#လက်ဝဲသုန္ဒရအမတ်ကြီး
#ရတု
#ဧကပိုဒ်ရတု
#မဲဇာ
#ဟံသာဝတီ
#ဟံသာသစ်

အခု​ဖော်ပြတဲ့​ တေးထပ်​လေးက​တော့ စလင်းစုဘုရား​ရေးဖွဲ့ထားတာဖြစ်ပါတယ်။ စလင်းစုဘုရားက မင်းတုန်းမင်းကြီးရဲ့ သမီး​တော်ပါ။ စလင်...
25/11/2023

အခု​ဖော်ပြတဲ့​ တေးထပ်​လေးက​တော့ စလင်းစုဘုရား​ရေးဖွဲ့ထားတာဖြစ်ပါတယ်။

စလင်းစုဘုရားက မင်းတုန်းမင်းကြီးရဲ့ သမီး​တော်ပါ။ စလင်းမြို့ကို စားရတာ​ကြောင့် စလင်းစုဘုရားလို့ အမည်တွင်ပါတယ်။ သူဟာ ဖခင်ဖြစ်သူ မင်းတုန်းမင်းကြီး နတ်ရွာစံတာနဲ့ တပြိုင်နက် ဆံ​ကေသာပယ်ကာ သီလရှင်ဝတ်ခဲ့ပြီး ကွယ်လွန် သည်ထိ သီလရှင်ဘဝနဲ့ ​နေသွားခဲ့ပါတယ်။ သူ​ရေးတဲ့ တေးထပ်​လေးကို​ ဖတ်ကြည့်ကြပါဦး။
***
#စလင်းစုဘုရား​ရေး_​တေးထပ်
ကုသိုလ်ကံ​ပေးသမျှနှင့်၊ ​အေးကြမှ​တော်မယ်၊ ​ဘေးဘယ​ပေါ်လွယ်​အောင်၊ မ​လော်လယ်ချင်ဘူး။
သက်တမ်း​စေ့မ​နောကြည်​​အောင်၊ သင်္ဘောချည် ဝတ်မယ့် စိတ်ကူး။ ။

ပွဲ​တော်ချက် ဝက်သနီကို၊ မမက်ပြီ အထူး။
ကြက်အဆီ မလူးတဲ့၊ ဗူးဆိုများ ဟင်းချို။
တပြားတန် ကျွယ်ထမင်းငယ်နှင့်၊ သည်လည်ပင်း ကြိတ်လို့သာမျို။ ။

ရည်ရွယ်ရင်း စိတ်နဂိုမှာ၊ ဟိတ်မလိုချင်လှလို့၊ မရွှင်ပြ မျက်နှာ​တော်၊ ကြွား၍ မ​မော်။ ။
ခုများဖြင့် မြူမ​ပျော်တယ်၊ လူ​ခေါ်ရင် အ,ချင်ပ ​လေး။ ။
***

ဒဂုံခင်ခင်​လေး​ရေးတဲ့ အမျိုးသမီးအနုပညာရှင်များ စာအုပ်ထဲက ရာဇဓိရာဇ်က​တော် ​ရေးသားတဲ့ သုံး​ထောင့်အိုင်ချင်း​လေးကို ​ဖော်ပြ...
23/11/2023

ဒဂုံခင်ခင်​လေး​ရေးတဲ့ အမျိုးသမီးအနုပညာရှင်များ စာအုပ်ထဲက ရာဇဓိရာဇ်က​တော် ​ရေးသားတဲ့ သုံး​ထောင့်အိုင်ချင်း​လေးကို ​ဖော်ပြလိုက်ပါတယ်။ ၁၉၆၃ ဇန်နဝါရီလမှာ ဇွဲ စာ​ပေတိုက်က ထုတ်​ဝေပါတယ်။

သူငယ်ချင်းငယ်​ကောင်း၊ ​ယောင်းမသို့​လေး။ ။ တိမ်ခိုးငယ်မှ​ဝေ​ဝေ၊ ​နှောပင်ကြီး၊ ​နှောသီး​ကြွေ ​- လေ​ပွေတိုက်လို့ ဝဲတတ်တယ်။ ဥသျှစ်သီး ​မြေမှာမြှုပ်၊ ပြာဖုံးအုပ်လို့ မီးဖုတ်လိုက်ရင်၊ သီး​တော်ရယ်မှ သီးဘက်၊ အပင်ထက်မှာ၊ တက်တက်စင်။ မီးကင်သည့်နှယ် ကွဲတတ်တယ်။ စ​နေဂြိုဟ်စား၊ ကြိမ်ခိုက်များမှာ၊ ချယားသစ်ပင်၊ အိမ်​လှေကားတွင်၊ စိုက်ထားလျှင်မူ၊ အင်ခွင်ဥစ္စာ နည်းတတ်တယ်။
တံစက်​ရေနှင့် တွင်း​ရေမတူ၊ ​ရေကမိုး ​ရေချိုးသူ၊ ညှင်းဖြူပြိုး​ပြောက်စွဲတတ်တယ်။ ပဝါ​ပြောက် အ​ထောက်ကယ်မှမတန်၊ မျက်နှာသစ်လို့ အညစ်ခံ၊ ဝက်ခြံမှည့်လို့ မဲတတ်တယ်။ သနပ်ခါး ​ကျောက်ပြား​ပေါ်တွင်၊ ​​သောက်​ရေ​အေးနှင့်၊ ​ရော​သွေးလာလျှင်၊ နံ့သာအ​ပေါ် ကျဲတတ်တယ်။ မိုးချုပ်ကယ်မှ ​နေဝင်၊ မီးဖိုထဲ အမဲကင်၊ စုန်းမှင် နတ်တို့ ရဲတတ်တယ်။ ပန်းနီနီမပန်​လေနှင့်၊ အမယ်မှာ နတ်ပန်းပွင့်တဲ့၊ အတင့်ငယ်မှ ရဲချင်၊ ​ပျော်လိုအားနှင့် ​ခေါင်းဖျားတင်၊ အရင်လူနှင့် လွဲတတ်တယ်။
မိဘဘိုးဘွား၊ ဆိုစကားကို၊ နားမျှမဝင်၊ ထီမထင်ဘဲ၊ ကြို့ပင်ကြီး​မြောက်၊ ပိ​တောက်ပင်​တောင်၊ ​ညောင်ပင်ကြီးရင်း၊ ​ကောက်စိုက်ကယ်ပြန်၊ ထိမ်ကန်တွင်းမှာ၊ လာရင်းမျက်မြင်၊ ​နေမလှန်းတဲ့ ပန်းလွင်လွင်ကို၊ ရွှင်လို မြူးလို၊ ကစားလို၍၊ ဝါဆိုဦးက ပန်ဖူးတယ်။ အမယ်မင်း ဖြစ်ရ​လေခြင်း၊ ယင်းမာရယ်​ပေါ်၊ ​တော်သလင်းနှင့်၊ မိုးတွင်းဝါဝင်၊ ဟို​ဆောင်းဦးသို့ မကူးခင်က၊ အရင်လူနှင့် လွဲရတယ်ရှင်၊ အပျိုစင် ငယ်ကကျွမ်းပါတဲ့၊ လွမ်းတုံ့တင်​လေး။ ။
***

ဟံသာဝတီစာအုပ်တိုက်မှ ထုတ်​ဝေခဲ့တဲ့ နတ်သျှင်​နောင် ရတု​ပေါင်းချုပ်စာအုပ်ထဲက ​ဆောင်းရာသီ မယ်ဘွဲ့ရတု​လေးတပုဒ်ကို ​ဖော်ပြလို...
21/11/2023

ဟံသာဝတီစာအုပ်တိုက်မှ ထုတ်​ဝေခဲ့တဲ့ နတ်သျှင်​နောင် ရတု​ပေါင်းချုပ်စာအုပ်ထဲက ​ဆောင်းရာသီ မယ်ဘွဲ့ရတု​လေးတပုဒ်ကို ​ဖော်ပြလိုက်ပါတယ်။

#ဆောင်းရာသီမယ်ဘွဲ့
***
မြမြ​မြှေး၍၊ ဆီး​သေးနှင်းဖြူ၊ မြူလည်း​ကြွေလင့်၊ မပွင့်​နေခြည်၊ မကြည်​ ကောင်းကင်၊ ထက်ခွင်အုံ့ပျ၊ ဆီးနှင်း ကျရွမ်း၊ ချမ်းတို့စွလည်း၊ ရင့်မျှကြာ​ညောင်း၊ တ​ပေါင်းရက်ကျူး၊ မဖူးရက်လ၊ ​ဟေမရာသီ၊ နာရီပွားတိုး၊ ​သောက်မိုးညဉ့်ရှည်၊ ​ဆောင်းခါလည်သည်။ ။ ချမ်းသည်​ရေးအဟန်တကား။
ပျပျမွှေး၍၊ ပိုက်​ထွေးရင်​ငွေ့၊ တူစက်​လေ့ကို၊ ​အောက်​မေ့မြင်​ယောင်၊ ရှင်​မောင် ​ခေါ်တမ်း၊ ​ဘော်ငယ်ကျွမ်းဟု၊ အလွမ်းရှည်မြင့်၊ ကြာသည်နှင့်​သော်၊ ထပ်ဆင့်ဗျာပါ၊ မ​ပျော်စွာ၍၊ အခါသရစ်၊ ​ဆောင်းမျိုးနှစ်လည်း၊ အဖြစ်သည့်နှယ်၊ မနှစ်ဘွယ်တည့်၊ သက်လှယ်​နှောင်နှင့်၊ ကြင်​ပေတင့်စွ၊ မျက်ပွင့်စံတည်၊ မျိုးချစ်ရည်သည်။ ။ လွမ်းသည်သူ မတန်တကား။
ရွရွ​ကွေး၍၊ ​မွှေး​မွှေးပျပျ၊ ရဲရဲလှသား၊ ခိုင်မြပွင့်ဖူး၊ ​ဆောင်းပန်းဦးလျှင်၊ တထူးသူနှင့်၊ မတင့်​​လေရာ၊ မယ်နှင့်သာလျှင်၊ ကြမ္မာဖန်ဆင့်၊ ရည်၍တင့်သား၊ သခင်ပန်ဘို့၊ စီရင်ပို့၍၊ စိမ်းညို့ရွက်ထပ်၊ ချယ်လှပ်ထွားထွား၊ တခြားထူး​ထွေ၊ ညှာတင့်​ခြေဝယ်၊ ငုံ​ပြေချပ်ဝန်း၊ တဆန်းထူးလည်၊ ပန်း​ရွှေရည်သည်။ ။ ကျွမ်းမည်သခင် ရန်တကား။

(မူရင်းသတ်ပုံအတိုင်း ဖြစ်ပါသည်။)

20/11/2023

ဟံသာသစ်စာ​ပေမှ
ကြိုဆိုပါတယ်

Address

20 Oat Tha Phaya Street
Yangon

Website

Alerts

Be the first to know and let us send you an email when Han Thar Thit Publishing House posts news and promotions. Your email address will not be used for any other purpose, and you can unsubscribe at any time.

Shortcuts

Share

Category