Shan Books

06/10/2022

I am still learning
ၵဝ်တိုၵ်ႉလဵပ်ႈႁဵၼ်းယူႇ

✨ၶေႃႈၵႂၢမ်းၽူႈလူင်ႉလႅၼ်ႇပၢႆးၵေႃႇသၢင်ႈ (မႅၵ်ႇၵႄႇဢိင်ႇၵျႃႇလူဝ်ႇ) မိူဝ်ႈဢႃႇယူႉမၼ်းလႆႈ (87)ပီႊ ၼၼ်ႉယၢမ်ႈလၢတ်ႈဝႆႉၼင်ႇၼႆ……….

တွၼ်ႈတႃႇၵူၼ်းၼိူင်ႈၵေႃႉတေၶိုၼ်ႈယႂ်ႇၼႆႉမၼ်းတေလႆႈလဵပ်ႈႁဵၼ်းလႅၵ်ႈလၢႆႈယဝ်ႉမၼ်းၸင်ႇမႅၼ်ႈငၢမ်ႇၵၼ်ဢိူဝ်ႈ။
သင်ၸိူဝ်ႉဝႃႈၶၢဝ်းတၢင်းၼိူင်ႈဝၼ်းသူလဵပ်ႈႁဵၼ်းလွင်ႈၼိူင်ႈဢၼ်မႂ်ႇမႂ်ႇၼႆမၼ်းတေပဵၼ်လွင်ႈၵမ်ႉထႅမ်တႃႇသူၶိုၼ်ႈယႂ်ႇဢိူဝ်ႈ။

(Life Long Learning ) ဢမ်ႇၵိုတ်းလိုဝ်ႈလွင်ႈၵၢၼ်လဵပ်ႈႁဵၼ်းၼႆႉမၼ်းမီးယူႇသီႇယၢင်ႇ

1 ၵၢၼ်လဵပ်ႈႁဵၼ်းပိုၼ်ႉငဝ်ႈ (Formal learning )

မိူၼ်မိူဝ်ႈႁဝ်းတိုၵ်ႉလဵၵ်ႉမေႃသွၼ်ဢမ်ႇၼၼ်ဢူႈမႄႈႁဝ်းၶဝ်တေသွၼ်ဝႃႈလူဝ်ႇႁဵတ်းလႄႈဢမ်ႇၵိုင်ႇလီႁဵတ်းမိူၼ်ၼင်ႇတီႈႁူင်းႁဵၼ်းၶဝ်လႂ်။

2 ၵၢၼ်လဵပ်ႈႁဵၼ်းထၢၼ်ႈသုင် (Professional learning)

ၵၢၼ်လဵပ်ႈႁဵၼ်းၼႆႉၸမ်းမိူၼ်မိူဝ်ႈႁဝ်းၶဝ်ႈႁဵတ်းၵၢၼ်လူင်းတူဝ်ထူပ်းၼၼ်ႉလႆႈလဵပ်ႈႁဵၼ်းဝႃႈၸွင်ႇၵိုင်ႇႁဵတ်းဢမ်ႇၵိုင်ႇႁဵတ်းၸိူဝ်းၼၼ်ႉလႂ်။

3 ၵၢၼ်လဵပ်ႈႁဵၼ်းလွင်ႈဢၼ်ဢဝ်တွၼ်ႈသွၼ် (learn from mistake)

ၼႂ်းၼႃႈၵၢၼ်ဢၼ်ႁဝ်းႁဵတ်းၼႆႉမၼ်းၵေႃႈၸၢင်ႈၽိတ်းလႆႈယူႇ။သင်ဝႃႈမၼ်းၽိတ်းၵေႃႈယႃႇပေတူၵ်းၸႂ်လွင်ႈဝႃႈမၼ်းၽိတ်းလူဝ်ႇၶိုၼ်းမူၼ်ႉမႄးဝႃႈယႃႇပေႁႂ်ႈၽိတ်းထႅင်ႈပွၵ်ႈၵမ်းသွင်လူဝ်ႇမေႃဢဝ်တွၼ်ႈသွၼ်ၸိူင်ႉၼၼ်။

4 ၵၢၼ်လဵပ်ႈႁဵၼ်းႁူႉတီႈလွင်ႈတူဝ်ထူပ်း (learn from experience)

ဢဝ်တူဝ်ထူပ်းပိူၼ်ႈသေလဵပ်ႈႁဵၼ်းႁူႉဢဝ်။လွင်ႈလဵပ်ႈႁဵၼ်းဢၼ်ၼႆႉၸမ်းၾၢႆႈႁႃလွင်ႈသိူၵ်ႈပိုၼ်းၵူၼ်းၸိုဝ်ႈလိုဝ်းၶဝ်လႂ်ၾၢႆႈႁႃတီႈၵူၼ်းဢၼ်ၶိုၼ်ႈယႂ်ႇၸိူဝ်းၼၼ်ႉလႂ်ၸၢင်ႈဢဝ်လၢႆးတၢင်းၶဝ်သေလဵပ်ႈႁဵၼ်းလႆႈ။

ပိူင်လူင်မၼ်းၵူၼ်းႁဝ်းသမ်ႉယၢမ်ႈလဵပ်ႈႁဵၼ်းလီလီမႃးၼႆႉပဵၼ်ၶၵ်ႉမၢႆ (1)လႄႈၶၵ်ႉမၢႆ(2)ၸိူဝ်းၼၼ်ႉၵွၺ်း။

ၵူၺ်းၵႃႈတႃႇၸၢတ်ႈပၢၼ်ႁဝ်းၼႆႉႁဝ်းၵႆႉလူင်လိုမ်းလဵပ်ႈႁဵၼ်းၶၵ်ႉမၢႆ(3) learn from mistake လႄႈၶၵ်ႉ မၢႆ(4) learn from experience ၸိူဝ်းၼႆႉယဝ်ႉ။

ၵူၼ်းမၢင်ၸိူဝ်းၵႆႉမီးယူႇမိူဝ်ႈၵေႃႉလဵၵ်ႉတႄႉၶႅၼ်ႇလိၵ်ႈသေၵူၺ်းၵႃႈထိုင်ၵေႃႉယႂ်ႇမႃးသမ်ႉပဵၼ်ၵူၼ်းမိူၵ်ႈၵူၼ်းလိူင်း။

ယွၼ်ႉၼၼ်ၵၢၼ်လဵပ်ႈႁဵၼ်းဢၼ်လႆႈၸႂ်ႉၺၢၼ်ႇမိူၼ်ၼင်ႇၵၢၼ်လဵပ်ႈႁဵၼ်းၶၵ်ႉမၢႆ(3)လႄႈၶၵ်ႉမၢႆ(4)ၼၼ်ႉလူဝ်ႇလဵပ်ႈႁဵၼ်းဝႆႉတေႉတေႉ။

ၸူဝ်ႈၶၢဝ်းထူပ်းတၢင်းယၢပ်ႇၽိုတ်ႇၼၼ်ႉႁဝ်းၶဝ်တေၸၢင်ႈလဵပ်ႈႁဵၼ်းလႆႈဢၼ်လႂ်လႄႈတေလႆႈဢဝ်တူဝ်ထူပ်းၸိူင်ႉႁိုဝ်ၼႆႁဝ်းၶဝ်လူဝ်ႇမေႃလဵပ်ႈႁဵၼ်းဢဝ်ယဝ်ႉ။

​​ၵမ်းလိုၼ်းၼႆႉ ၶႂ်ႈႁၼ်​​ၶေႃႈတွပ်ႇ သူၶဝ်တီႈၼႂ်း Comment တႂ်ႈၼႆႉ မိူဝ်ႈၼႆႉလႆႈလဵပ်ႈႁဵၼ်းၼႂ်းၶၵ်ႉတွၼ်ႈလႂ်ယဝ်ႉလႃႇ?

​​ #ၶေႃႈၵႂၢမ်ႈ
#မႅၵ်ႇၵႄႇဢိင်ႇၵျႄလူဝ်ႇ


#ပိၼ်ႇတႅမ်ႈ #ယိင်းမွၼ်းသူၺ်ႇ(ၵျွၵ်းမႄး)


#တိုၵ်ႉလဵပ်ႈႁဵၼ်း #လဵပ်ႈႁဵၼ်း
#ႁဵၼ်း #သွၼ် #လိၵ်ႈ #တၢင်းႁူႉ #လွၼ်ႉမွၼ်း

04/10/2022

မိူင်းတႆးၼႆႉ ဢမ်ႇၸႂ်ႈမိူင်းတႂ်ႈမိုဝ်းမၢၼ်ႈ ၊ မိူင်းတႆးၼႆႉ ပဵၼ်ဝႆႉမိူင်းႁူမ်ႈတုမ် ၸိုင်ႈတႆး ႁင်းၶေႃ ၊ မိူင်းတႆးၼႆႉ ဢမ်ႇၶႂ်ႈ ႁူမ်ႈတင်းမၢၼ်ႈသေ ၶႂ်ႈဢဝ်လွင်ႈလွတ်ႈလႅဝ်းသဝ်းၶေႃ ႁင်းမၼ်းၵေႃႈ တိုၼ်းလႆႈ ၼင်ႇၼႆၼင်ႇၵဝ်ႇ မိူင်းၵယႃး ဢၼ် ပဵၼ်မိူင်းယၢင်းလႅင်ၼႆၵေႃႈ တိုၼ်းပဵၼ်ဝႆႉ မိူင်းလွတ်ႈလႅဝ်းထၢင်ႇႁၢင်ႈ ႁင်းမၼ်း။

မိူင်းႁူမ်ႈတုမ်ၾႅၻ်ႊၻရႄႊ မိူဝ်းၼႃႈ တၵ်းတေလႆႈမီး သုၼ်ႇၵၢၼ်မိူင်းၽဵင်ႇပဵင်း မိူၼ်ၵၼ်ၵူၺ်း ဢၼ်ဝႃႈၼၼ်ႉ ၵႃႈၸူဝ်ႈမၢၼ်ႈတင်းပိုၵ်းပႆႇယွမ်းႁပ်ႉ တိုၼ်းတေပႆႇတင်ႈပဵၼ်လႆႈ မိူင်းႁူမ်ႈတုမ်ၸိုၼ်ႈၸၢင်ႇ။

လိၵ်ႈဢဝ်မႃးတီႈ⬇️

#သိုပ်ႇလူ>>> https://shannews.org/archives/37043?fbclid=IwAR0VmQ_br4le0SFDyu4dLUB16gaGLK_WjOZFCMjbKzRGIU_1P3PXchxca4Q

#ငိုၼ်း #ငိုၼ်းတႆး #တႆး #မိူင်းတႆး panglongaggreement #ပင်လုံစာချုပ်

28/09/2022

လၢႆးၸတ်းၵၢၼ်ၶၢဝ်းယၢမ်း ႁဵတ်းၵၢၼ်ႁႂ်ႈလႆႈၼမ်ႉတွၼ်းသုင် ပႃးရၢၵ်ႉ ဢူဝ်ႇပႃးမႃး
How to manage your time to be productive? Lesson learned from Barack Obama
---------------------------------------
ၵူႈဝၼ်းၼႆႉ ၵူႈၵေႃႉဝူၼ်ႉဝႃႈ တူဝ်ၵဝ်ႇၸတ်းၵၢၼ်ၶၢဝ်းယၢမ်းတူဝ်ၵဝ်ႇလႆႈ လီယူႇၶႃႈႁႃႉ

ၶႃႈမီးလွၵ်းလၢႆးၸတ်းၵၢၼ်ၶၢဝ်းယၢမ်းၵူၼ်းၸၢႆးၵေႃႉၼိုင်ႈ ဢၼ်ၶႃႈယုမ်ႇဝႃႈ မၼ်းပဵၼ်ၵူၼ်းၵေႃႉဢၼ် ၵၢၼ်ၼမ်လိူဝ်ပိူၼ်ႈသုတ်း တီႈၼႂ်းလူၵ်ႈၵေႃႉၼိုင်ႈမႃးၽၢၵ်ႇတွၼ်ႈပၼ်။ ၵွပ်ႈၼၼ် ၶႃႈဝူၼ်ႉဝႃႈ ဢမ်ႇမီးၶေႃႈဢၢင်ႈဢၼ်လႂ် ဢၼ်ၵူႈၵေႃႉတေဢမ်ႇႁဵတ်းလႆႈၸိူင်ႉၼင်ႇမၼ်း။

တေဢမ်ႇမီးၽႂ်ဢၼ်ၵၢၼ်ၼမ်လႄႈ လႆႈတႅပ်းတတ်းသဵၼ်ႈၸႂ် ႁဵတ်းသၢင်ႈၼႃႈၵၢၼ်ယၢပ်ႇယဵၼ်း ၼႂ်းၶၢဝ်းတၢင်းပႅတ်ႇပီ တႄႇဢဝ်မိူဝ်ႈမၼ်းၸၢႆး ယၢင်ႈၶဝ်ႈၼႂ်းႁိူၼ်းႁေႃလူင်သီၶၢဝ် (The white house) သေ ႁၢပ်ႇၵၢၼ်ပဵၼ်ၸွမ်ၸိုင်ႈ မိူင်းႁူမ်ႈတုမ်ဢမေႇရိၵႃးၼၼ်ႉ။

ၵူၼ်းၸၢႆးၵေႃႉၼၼ်ႉ ပဵၼ်ပႃးရၢၵ်ႉ ဢူဝ်ႇပႃးမႃးယဝ်ႉ။ လၢတ်ႈလႆႈဝႃႈ မၼ်းပဵၼ်ၵူၼ်းဢၼ်ယၢမ်ႈၼႃႈၵၢၼ်ၼမ်လိူၼ်ပိူၼ်ႈသုတ်း ၼႂ်းလူၵ်ႈၼႆၵေႃႈဝႃႈလႆႈ ၶႃႈဢေႃႈ။ မိူဝ်ႈလဵဝ်တႄႉ မၼ်းလိုဝ်ႈၼႃႈၵၢၼ်ပဵၼ်ၸွမ်ၸိုင်ႈသေ ႁႃႁဵတ်းၵၢၼ်ဢၼ်မၼ်းႁၵ်ႉ မိူၼ်ၼင်ႇၵၢၼ်ၸွႆႈထႅမ်တူင်ႇဝူင်းၵူၼ်းလႄႈ ​​ၵေႃႇတင်ႈၶူင်းၵၢၼ်ၸွႆႈထႅမ်ၵူၼ်းထူပ်းတၢင်းယၢပ်ႇၽိုတ်ႇၸိူဝ်းၼႆႉၵူၺ်းယဝ်ႉ။ ၼၼ်သေတႃႉ မွၵ်ႇၼႃႈ လွင်ႈပဵၼ်ၽူႈဢွၼ်ႁူဝ်မၼ်း၊ ၼႃႈၵၢၼ်ဢၼ်မီးယၢမ်ႈႁဵတ်းသၢင်ႈမႃးၸိူဝ်းၼၼ်ႉ ယင်းတိုၵ်ႉပဵၼ်လွင်ႈဢၼ်လီၶဝ်ႈၸႂ်လဵပ်ႈႁဵၼ်း တႃႇၵူၼ်းတင်းၼမ်ဝႆႉယူႇ။

ဢၼ်လီယုၵ်ႉယွင်ႈၼႃႇထႅင်ႈဢၼ်ၼိုင်ႈၸမ်ႉ ၼႃႈၵၢၼ်မၼ်းၼမ်တၢၼ်ႇၼၼ်ႉသေတႃႉ မၼ်းပၼ်ၶၢဝ်းယၢမ်း ၵိၼ်ၶဝ်ႈၶမ်ႈၸွမ်း လုၵ်ႈလၢင်းၼၢင်းမေးမၼ်း ၼိုင်ႈဝူင်ႈၼႆႉ ႁႃႈဝၼ်းလႆႈတႃႇသေႇၼၼ်ႉယဝ်ႉ။ ဢၼ်ၼႆႉ လီယုၵ်ႉယွင်ႈ။ မၼ်းႁဵတ်းလႆႈ ၸိူင်ႉၼင်ႇႁိုဝ်။

ဢွၼ်တၢင်းႁဝ်းဢမ်ႇပႆႇၵႂႃႇလၢတ်ႈထိုင် လွင်ႈၸတ်းၵၢၼ်ၶၢဝ်းယၢမ်းမၼ်းၼၼ်ႉ ႁဝ်းမႃးလၢတ်ႈထိုင် ၵၢၼ်တူင်ႉၼိုင်ၵူႈဝၼ်း ပႃးရၢၵ်ႉ ဢူဝ်ႇပႃးမႃး ဢိတ်းၼိုင်ႈၵွၼ်ႇ။

မၼ်းပဵၼ်ၵူၼ်းၼွၼ်းလိုၵ်း၊ ၵူၺ်းၵႃႈ တိုၼ်ႇၸဝ်ႉ မွၵ်ႈႁူၵ်းမူင်း ၸဵတ်းမူင်း။ ဢွၼ်တၢင်းသုတ်း ဢၼ်မၼ်းႁဵတ်းၼၼ်ႉ တိုၼ်ႇမႃးယဝ်ႉ ဢွၵ်ႇဢဵၼ်ႁႅင်း၊ ဢွၵ်ႇဢဵၼ်ႁႅင်းၵူႈဝၼ်း။ တေလႆႈႁၼ်ဝႃႈ တူဝ်ၶိင်းမၼ်းမင်ႈသင်ႈလီဝႆႉတေႉ။ ပေႃးမွၵ်ႈပႅတ်ႇမူင်းၶိုင်ႈ ၵဝ်ႈမူင်းၸိူဝ်းၼႆႉၵေႃႈ ထိုင်ၵႂႃႇတီႈႁိူၼ်းသီၶၢဝ်သေ တႄႇႁဵတ်းၵၢၼ်။ ၼႃႈၵၢၼ်ၵေႃႈ လႅပ်ႈတေၼမ်ၵူႈဝၼ်း။ ႁူၵ်းမူင်းၶိုင်ႈယဝ်ႉၵေႃႈလိုဝ်ႈၵၢၼ် ပွၵ်ႈဢွင်ႈတီႈလိုဝ်ႈသုၼ်ႇတူဝ်သေ ၵိၼ်ၶဝ်ႈၸွမ်းၵူၼ်းၼႂ်းၼႃႈႁိူၼ်း။ ဝၢႆးသေၼၼ်ႉၵေႃႈ တေသွၼ်လုၵ်ႈႁဵတ်း Homework၊ လူလိၵ်ႈပၼ်လုၵ်ႈမၼ်းထွမ်ႇႁႃႉ ၼႆၸိူဝ်းၼႆႉ။ မွၵ်ႈပႅတ်ႇမူင်းၶိုင်ႈၵဝ်ႈမူင်းၵေႃႈ ဢွၼ်လုၵ်ႈၶဝ်ႈၼွၼ်း။ ဝၢႆးၼၼ်ႉယဝ်ႉ တေသိုပ်ႇႁဵတ်းၵၢၼ်ဢၼ်ၵိုတ်းၶင်ႉဝႆႉ တေႃႇထိုင်မွၵ်ႈ 11 မူင်းၶိုင်ႈ ၸိူဝ်းၼႆႉ။ ဢွၼ်တၢင်းပႆႇၶဝ်ႈၼွၼ်းၼၼ်ႉ မၼ်းၸႂ်ႉၶၢဝ်းယၢမ်းလူလိၵ်ႈ မွၵ်ႈၶိုင်ႈၸူဝ်ႈမူင်း၊ ဢမ်ႇၼၼ် ၼိုင်ႈၸူဝ်ႈမူင်း။ သိပ်းသွင်မူင်းၶိုင်ႈ၊ ၼိုင်ႈမိူင်းၸိူဝ်းၼႆႉ ၸင်ႇၶဝ်ႈၼွၼ်း။ မၼ်းၼွၼ်းလိုၵ်း၊ ၵူၺ်းၵႃႈ လုၵ်ႈၸဝ်ႉ။ ဢမ်ႇၼွၼ်းၼမ် မွၵ်ႈႁႃႈၸူဝ်ႈမူင်း၊ ႁူၵ်းၸူဝ်ႈမူင်းၵူၺ်း။ ၼႆႉပဵၼ်လွင်ႈၵၢၼ်တူင်ႉၼိုင်မၼ်းၵူႈဝၼ်း။

ၵမ်းၼႆႉ ႁဝ်းမႃးဢွၼ်ၵၼ်တူၺ်းဝႃႈ မီးသင်ဢၼ်ႁဝ်းထုၵ်ႇလီလဵပ်ႈႁဵၼ်း ၵပ်းၵၢႆႇလူၺ်ႈလွင်ႈၸတ်းၵၢၼ်ၶၢဝ်းယၢမ်းမၼ်းသေ ႁဵတ်းၵၢၼ်ႁႂ်ႈပေႃးမီးလွင်ႈ တိူဝ်ႉယမ်ထိုင်တီႈလီလႄႈ ႁႂ်ႈလႆႈၼမ်ႉတွၼ်းၼမ်ၼၼ်ႉၵွၼ်ႇ။

(1) လုၵ်ႉၸဝ်ႉ

ၸိူင်ႉၼင်ႇလၢတ်ႈမႃးၼၼ်ႉယဝ်ႉၶႃႈ ဢူဝ်ႇပႃးၼႆႉ မၼ်းပဵၼ်ၵူၼ်းလုၵ်ႉၸဝ်ႉ။ တိုၼ်ႇမႃးယဝ်ႉသမ်ႉဢွၵ်ႇဢဵၼ်ႁႅင်းၵူႈဝၼ်း။ ၽွၼ်းလီ လွင်ႈဢွၵ်ႇဢဵၼ်ႁႅင်းၵူႈဝၼ်း မီးသင်ၼႆ - ဢွၼ်တၢင်းသုတ်းတႄႉ ပဵၼ်ပၢႆးယူႇလီ။ ဢၼ်လမ်ႇလွင်ႈသုတ်းမၼ်းၸမ်ႉ ဢူဝ်ႇပႃးမႃး ယၢမ်ႈတွပ်ႇ interview ဢၼ်ၼိုင်ႈဝႃႈ “မွၵ်ႈသူၶတ်းၸႂ်သူႈတေႃႇတၢင်းၶၢၼ်ႉ တၢင်းၶႂ်ႈၼွၼ်းသေ လုၵ်ႉမႃးၽိုၵ်းသၼ်း ဢွၵ်ႇဢဵၼ်ႁႅင်း၊ ႁဵတ်းသေလွင်ႈလွင်ႈ ႁႂ်ႈယဝ်ႉတူဝ်ႈၵႂႃႇၼၼ်ႉၵေႃႈ ပဵၼ်ႁႅင်းၸႂ် Motivation တႃႇသူယဝ်ႉ” ၼႆယူႇ။

ဢၼ်ၼႆႉၼႆႉ ပဵၼ်လွင်ႈပၼ်ႁႅင်းဢီးတေႃႇတူဝ်ၵဝ်ႇၶိုၼ်း ဢၼ်ၼိုင်ႈၶႃႈဢေႃႈ။ ၸိူင်ႉၼႆ ၶႃႈလႆႈၸႂ်မိူၼ်ၵၼ်ၶႃႈ။ ၵူၼ်းၸိူဝ်းဢၼ်တိုၼ်ႇၸဝ်ႉသေ လုၵ်ႉ လႅၼ်ႈဢွၵ်ႇဢဵၼ်ႁႅင်းၸိူဝ်းၼႆႉ တေလႆႈဝႃႈ ပဵၼ်ၵူၼ်းဢၼ်မီးပၵ်းပိူင်တူဝ်ၵဝ်ႇလႄႈ လီယုၵ်ႉယွင်ႈၼႃႇ။ ယဝ်ႉၵေႃႈ ထုၵ်ႇလီႁၢၼ်ႉၸႂ်ၼိူဝ်တူဝ်ၵဝ်ႇၶိုၼ်းတေႉတေႉ။

လွင်ႈလုၵ်ႉၸဝ်ႉၼႆႉ လမ်ႇလွင်ႈၼႃႇၶႃႈ။ ဝၼ်းလႂ်ဢၼ်ႁဝ်းလုၵ်ႉလႃႈ ၼွၼ်းပူၼ်ႉၶၢဝ်းယၢမ်းလိူဝ်ႁႅင်းသေ တိုၼ်ႇမႃးၼၼ်ႉ လႆႈၼွၼ်းၼမ်သေတႃႉ တေဢမ်ႇမဝ်တူဝ် မဝ်ၸႂ်။ တႃႇတေႁဵတ်းၵၢၼ် ဢၼ်လူဝ်ႇႁဵတ်းယူႇၸိူဝ်းၼၼ်ႉၵေႃႈ ဢွၵ်းဢေႃတေဢမ်ႇပၢင်ႇၸိုၼ်ႈလီ။ ၵွပ်ႈၼၼ် လွင်ႈလုၵ်ႉၸဝ်ႉၼႆႉၵေႃႈ လမ်ႇလွင်ႈတႃႇၼႃႈၵၢၼ်ဢၼ်တေႁဵတ်းၵႂႃႇတၢင်းဝၼ်းၼၼ်ႉတႄႉတႄႉ။

(2) မီး Agenda ၶပ်ႉမၢႆၼႃႈၵၢၼ် ဢၼ်လူဝ်ႇႁဵတ်းၵူႈဝၼ်း

ၶၢဝ်းယၢမ်းပႅတ်ႇမူင်းၶိုင်ႈ၊ ၵဝ်ႈမူင်းၼၼ်ႉ မၼ်းတႄႇႁဵတ်းၵၢၼ်။ မၢင်ၸေႈ ဢၼ်ဝၢင်းယူႇၼိူဝ်ၽိူၼ်ႁဵတ်းၵၢၼ်မၼ်းမၢင်ဢွၼ်တၢင်းသုတ်း ဢၼ်မၼ်းတူၺ်းၼၼ်ႉ ပဵၼ်သဵၼ်ႈမၢႆၼႃႈၵၢၼ် Agenda ဢၼ်လူဝ်ႇႁဵတ်းယဝ်ႉ။ တေမီးၽူႈၸွႆႈ ႁဵတ်းပၼ်ၶပ်ႉမၢႆၼႃႈၵၢၼ်ၵူႈဝၼ်းဝၼ်း။

လွင်ႈႁဵတ်းဝႆႉ သဵၼ်ႈမၢႆၼႃႈၵၢၼ် ဢၼ်လူဝ်ႇႁဵတ်းၼၼ်ႉလမ်ႇလွင်ႈတေႉတေႉ။ ၵွပ်ႈပိူဝ်ႈ မၼ်းႁဵတ်းႁႂ်ႈႁဝ်းႁူႉလႆႈဝႃႈ မိူဝ်ႈၼႆႉတူဝ်ၵဝ်ႇမီးၵၢၼ်သင်လၢႆလၢႆ လူဝ်ႇလႆႈႁဵတ်း။ လိူဝ်ၼၼ်ႉသမ်ႉ ဢၼ်လမ်ႇလွင်ႈသုတ်းမၼ်း ႁဝ်းတေၸၢင်ႈၶပ်ႉဝၢင်းၼႃႈၵၢၼ်ဢၼ်ႁဝ်းလူဝ်ႇႁဵတ်းၼၼ်ႉလႆႈ။ မၢႆၼိုင်ႈတေလႆႈႁဵတ်းသင်၊ သွင်တေလႆႈႁဵတ်းသင်၊ ၵၢၼ်ဢၼ်လႂ်လူဝ်ႇလႆႈႁဵတ်းႁႂ်ႈယဝ်ႉ မိူဝ်ႈၼႆႉ၊ ၵၢၼ်ဢၼ်လႂ်သမ်ႉ တေဝဵၼ်ႉဝႆႉတၢင်ႇဝၼ်းလႆႈ တေၵႂႃႇၸိူဝ်းၼႆႉ။

တႃႇတေႁဵတ်း ၶပ်ႉမၢႆၼႃႈၵၢၼ်ၵူႈဝၼ်းၼႆႉ ၵူၼ်းၵူႈၵေႃႉ ဢမ်ႇႁဵတ်းပဵၼ်လႆႈ။ မၢင်ပွၵ်ႈႁဝ်းဝူၼ်ႉဝႃႈ ႁဝ်းပဵၼ်ၵူၼ်းႁဵတ်းၵၢၼ်တေႉတေႉဝႃႈၵေႃႉၼိုင်ႈ။ ၵူၺ်းၵႃႈ ႁဝ်းဢမ်ႇၶပ်ႉဝၢင်းၼႃႈၵၢၼ် လမ်ႇလွင်ႈလႆႈ။ ဢၼ်လႂ်တေလႆႈႁဵတ်း ဢွၼ်တၢင်း၊ ဢၼ်လႂ်တေလႆႈႁဵတ်းလိုၼ်းလင် ဢမ်ႇႁူႉ။ ဢၼ်ဢမ်ႇႁဵတ်းပဵၼ်လႆႈၼၼ်ႉၵေႃႈ ၵွပ်ႈပိူဝ်ႈႁဝ်း ဢမ်ႇယၢမ်ႈတႅမ်ႈလူင်းၼိူဝ်မၢင်ၸေႈတူၺ်းသေ ထတ်းသၢင်ႈတူၺ်းသေပွၵ်ႈၼၼ်ႉၵူၺ်းၼင်ႇၵဝ်ႇ။

ၶပ်ႉမၢႆၼႃႈၵၢၼ်ၵူႈဝၼ်းၼႆႉ လမ်ႇလွင်ႈလႄႈလူဝ်ႇလႆႈႁဵတ်း။ ႁဵတ်းဢွၼ်တၢင်းမိူဝ်ႈပႆႇၶဝ်ႈၼွၼ်းၵေႃႈလီ၊ ဢမ်ႇၼၼ် တိုၼ်ႇမႃးႁဵတ်းၵၢင်ၼႂ် ၽွၵ်းဢွၵ်းဢေႃပၢင်ႇ သႂ်ၼၼ်ႉၵေႃႈလႆႈ။

ၵူၼ်းႁဝ်းၼႆႉ တီႈဢေႇသုတ်းမၼ်း ၼႃႈၵၢၼ်ဢၼ်လမ်ႇလွင်ႈ လူဝ်ႇႁဵတ်းႁႂ်ႈယဝ်ႉၼႆႉ ၼိုင်ႈဝၼ်းၼၼ်ႉ တိုၼ်းလူဝ်ႇမီးယူႇမွၵ်ႈသွင်သၢမ်လွင်ႈ။ ၵူႈၵေႃႉမိူၼ်ႁိုဝ်တႄႉ ဢမ်ႇႁူႉၶႃႈ။ ၶႃႈတႄႉ ၼိုင်ႈဝၼ်းၼိုင်ႈဝၼ်းၼႆႉ ပေႃးဢမ်ႇလႆႈႁဵတ်းသင်သေ ယူႇလၢႆလၢႆၼႆ ပဵၼ်လွင်ႈတိပ်ႇၸႂ်ဝႆႉၶႃႈဢေႃႈ။ ၵွပ်ႈၼၼ် မၼ်းတၵ်းလႆႈမီးယူႇသေလွင်ႈလွင်ႈ ဢၼ်ႁဝ်းၶႂ်ႈႁဵတ်းႁႂ်ႈမၼ်းယဝ်ႉ။

(3) ႁႅင်းတႅပ်းတတ်းသဵၼ်ႈၸႂ် Decision making energy

ၸႂ်ႉႁႅင်းတႅပ်းတတ်းသဵၼ်ႈၸႂ် တႃႇၼႃႈၵၢၼ်ဢၼ်လမ်ႇလွင်ႈ။ ဢူဝ်ႇပႃးမႃးၼႆႉ မၼ်းဢမ်ႇပေႃးသႂ်ႇၸႂ်ဝႃႈ ၼႂ်ႈတူႈသိူဝ်ႈၶူဝ်းမၼ်းၼၼ်ႉ မီးသိူဝ်ႈၶူဝ်းသင်လၢႆလၢႆ တႃႇၼုင်ႈ။ ၵူႈဝၼ်းဝၼ်းၼႆႉ တေလႆႈၵိၼ်တၢင်းၵိၼ်သင် တေၵႂႃႇၸိူဝ်းၼႆႉ မၼ်းဢမ်ႇပေႃးဝႆႉလမ်ႇလွင်ႈၵႃႈႁိုဝ်။ မၼ်းလၢတ်ႈဝႃႈ မၼ်းပဵၼ်လွင်ႈသဵင်ႈၶၢဝ်းယၢမ်းလၢႆလၢႆ ဢၼ်ၼိုင်ႈၵူၺ်းၼႆယဝ်ႉ။ ႁဝ်းတေလႆႈႁၼ်ဝႃႈ သိူဝ်ႈၶူဝ်းဢၼ် မၼ်းသႂ်ႇၵေႃႈ တေပဵၼ်သိူဝ်ႈသုတ်ႉ သီၶၢဝ်၊ သီလမ်၊ သီမူၼ်ႇ လႄႈ တၢႆႈၶေႃး လမ် လႅင် သွမ်ႇ မွၵ်ႈၸိူဝ်းၼႆႉၵူၺ်း။ မၼ်းလၢတ်ႈဝႃႈ မၼ်းဢမ်ႇၶႂ်ႈသဵင်ႈၶၢဝ်းယၢမ်းၸွမ်း ၵၢၼ်လဵၵ်ႉလဵၵ်ႉၸိူဝ်းၼႆႉ၊ မၼ်းလူဝ်ႇလႆႈၸႂ်ႉဢဵၼ်ႁႅင်းမၼ်းသေ တႅပ်းတတ်းၼႃႈၵၢၼ်လမ်ႇလွင်ႈ တႃႇၸိုင်ႈမိူင်း၊ တႃႇၵူၼ်းတင်းလုမ်ႈၾႃႉ ၸိူဝ်းၼႆႉၵူၺ်း ၼႆယဝ်ႉ။

(4) တႅပ်းတတ်းသဵၼ်ႈၸႂ်ဝႆး

ဢူဝ်ႇပႃးမႃးၼႆႉ ၼႃႈၵၢၼ်ဢၼ်မၼ်းလူဝ်ႇလႆႈတႅပ်းတတ်းသဵၼ်ႈၸႂ်ၵူႈဝၼ်းၼၼ်ႉ ၼမ်ၼႃႇ။ တႃႇတေတႅပ်းတတ်းသဵၼ်ႈၸႂ် ၼႃႈၵၢၼ်ၼိုင်ႈလွင်ႈၼၼ်ႉ ပေႃးလႆႈၸႂ်ႉၶၢဝ်းယၢမ်းၼမ်ၸိုင် ၸၢင်ႈပဵၼ်လွင်ႈသဵင်ႈၶၢဝ်းယၢမ်းသေ ၵၢၼ်ဢၼ်လူဝ်ႇလႆႈႁဵတ်းႁႂ်ႈယဝ်ႉၵေႃႈ တေဢမ်ႇယဝ်ႉလႆႈ။

မၼ်းလၢတ်ႈဝႃႈ ဢမ်ႇမီးၼႃႈၵၢၼ်ဢၼ်လႂ် ဢၼ်ႁွတ်ႈမႃးတီႈၽိူၼ်ႁဵတ်းၵၢၼ်မၼ်းသေယဝ်ႉ ပွႆႇပူၼ်ႉၵႂႃႇလႆႈငၢႆႈငၢႆႈငႅမ်ႈငႅမ်ႈ။ ပဵၼ်ၵၢၼ်ဢၼ်ယၢပ်ႇလွၼ်ႉလွၼ်ႉ ၼႆယဝ်ႉ။ ပၼ်ႁႃလွင်ႈသုၵ်ႉယုင်ႈၵူႈလွင်ႈၼႆႉ ယၢပ်ႇမူတ်း။ ၵွပ်ႈၸိူင်ႉၼၼ်လႄႈ ပုၼ်ႈၽွၼ်းမၼ်းၼႆႉ ၵၢၼ်ဢၼ်လႅပ်ႈပဵၼ်လႆႈ မွၵ်ႈ 30 - 40 ပိူဝ်းသႅၼ်ႉၼၼ်ႉ မၼ်းတၵ်းလႆႈတႅပ်းတတ်းသဵၼ်ႈၸႂ်ယဝ်ႉ ၼႆယူႇ။

CEO ႁူင်းၵၢၼ်လူင်ၶဝ်ၵမ်ႈၼမ်ၵေႃႈ လၢတ်ႈဝႃႈ “သူတေဢမ်ႇၸၢင်ႈပႂ်ႉ တေႃႇၶေႃႈမုၼ်းတဵမ်ထူၼ်ႈ 90 ပိူဝ်းသႅၼ်ႉယဝ်ႉ ၸင်ႇတေတႅပ်းတတ်းသဵၼ်ႈၸႂ်၊ လွင်ႈပႂ်ႉၶေႃႈမုၼ်းတဵမ်ထူၼ်ႈၼၼ်ႉ ဢမ်ႇၸႂ်ႈလွင်ႈတႅပ်းတတ်းသဵၼ်ႈၸႂ်၊ မၼ်းပဵၼ်လွင်ႈႁဵတ်းၸွမ်းၶေႃႈမုၼ်းၵူၺ်း၊ ၵၢၼ်ၵူႈဢၼ်ၼၼ်ႉ တၵ်းလႆႈၸႂ်ႉပႃး ၸႂ်ၶုၺ်ႉႁၼ် လႄႈ လွင်ႈၵႅၼ်ႇၶႅင်တူဝ်ၵဝ်ႇသေ တႅပ်းတတ်းၽွင်ႈ” ၼႆယဝ်ႉ။

Jeff bezos ၵေႃႈလၢတ်ႈဝႃႈ “ၵၢပ်ႈပၢၼ်ယၢမ်းလဵဝ်ၼႆႉ လွင်ႈတႅပ်းတတ်းသဵၼ်ႈၸႂ်သူၼၼ်ႉ တေမၢၼ်ႇမႅၼ်ႈသေတႃႉ၊ ၵူၺ်းၵႃႈ ၸၢင်ႈတေတူၵ်းလႃႈတူၵ်းလိုၼ်း ႁဵတ်းႁႂ်ႈသူလုတ်ႈႁၢမ်းမၢင်ဢၼ်မၢင်လွင်ႈၵႂႃႇပႅတ်ႈ” ၼႆၼင်ႇၵဝ်ႇ။ ဢၼ်ၼႆႉၵေႃႈ ပဵၼ်လွင်ႈၼိုင်ႈ လူဝ်ႇၽိုၵ်းတႅပ်းတတ်းသဵꧣ်ႈၸႂ် ႁႂ်ႈဝႆး ပုၼ်ႈတႃႇႁႂ်ႈသၢၵ်ႈသႃႇၶၢဝ်းယၢမ်း။ ပေႃးၵုမ်ႇပႂ်ႉတိၵ်း တေဢမ်ႇၸၢင်ႈလႆႈတႄႇသေပွၵ်ႈ။

(5) ပၼ်ၶၢဝ်းယၢမ်း ၵူၼ်းၼႂ်းၼႃႈႁိူၼ်း

ဢူဝ်ႇပႃးမႃးၼႆႉ ၶၢဝ်းယၢမ်းႁူဝ်ၶမ်ႈ ႁူၵ်းမူင်းၶိုင်ႈၵူႈဝၼ်းၼၼ်ႉ မၼ်းပၼ်ၶၢဝ်းယၢမ်းယူႇၸွမ်းၵူၼ်းၼႂ်းၼႃႈႁိူၼ်းမၼ်းယဝ်ႉ။ ၵူၼ်းႁဵတ်းၵၢၼ်ၸမ်ၸႂ် ဢူဝ်ႇပႃးမႃးလၢတ်ႈဝႃႈ ၶၢဝ်းယၢမ်းႁူဝ်ၶမ်ႈ ႁူၵ်းမူင်းၶိုင်ႈၼၼ်ႉ ဢူဝ်ႇပႃးမႃး တေဢွၵ်ႇတီႈႁိူၼ်းလူင်သီၶၢဝ်သေ မိူဝ်းတီႈႁိူၼ်းလိုဝ်ႈသုၼ်ႇတူဝ်မၼ်း ပုၼ်ႈတႃႇ ၵိၼ်ၶဝ်ႈၸွမ်း မေးၼၢင်းလႄႈလုၵ်ႈလၢင်းမၼ်း ၵူႈဝၼ်းၼႆယဝ်ႉ။ ၵွပ်ႈပိူဝ်ႈ တၢင်းဝၼ်းတၢင်းဝၼ်းၼၼ်ႉ မၼ်းဢမ်ႇမီးၶၢဝ်းယၢမ်း တႃႇတေလၢတ်ႈတေႃႇမေးၼၢင်းလႄႈ လုၵ်ႈလၢင်းမၼ်း။ ၵွပ်ႈၼၼ်လႄႈ မၼ်းလႆႈၸႂ်ႉၶၢဝ်းယၢမ်းဢၼ်ၼႆႉ ဝႆႉတႃႇၵူၼ်းၼႂ်းၼႃႈႁိူၼ်းမၼ်း။ ဝၢႆးၵိၼ်ၶဝ်ႈၶမ်ႈယဝ်ႉ မွၵ်ႈသွင်ၸူဝ်ႈမူင်းၵေႃႈ လႅပ်ႈတေၸွႆႈလုၵ်ႈမၼ်းႁဵတ်းႁူမ်းဝိူၵ်ႉ ဢမ်ႇၼၼ် လူလိၵ်ႈႁႂ်ႈထွမ်ႇတေၵႂႃႇၸိူဝ်းၼႆႉ ပုၼ်ႈတႃႇလႆႈၸႂ်ႉၶၢဝ်းယၢမ်းယူႇၸွမ်းၵူၼ်းၼႂ်းၼႃႈႁိူၼ်း ႁႂ်ႈလႆႈၼမ်တီႈသုတ်း။

ပေႃးထွမ်ႇတူၺ်း လႅပ်ႈတေငၢႆႈငၢႆႈၵူၺ်းသေတႃႉ ၵူၺ်းၵႃႈ မၼ်းဢမ်ႇငၢႆႈၶႃႈ။ ပွင်ႇဝႃႈ တႃႇမီးၶၢဝ်းယၢမ်း မိူဝ်းယူႇၸွမ်းၵူၼ်းၼႂ်းၼႃႈႁိူၼ်းၼၼ်ႉ ၼႃႈၵၢၼ်လမ်ႇလွင်ႈ ဢၼ်လူဝ်ႇႁဵတ်း ဢၼ်လူဝ်ႇတႅပ်းတတ်းသဵၼ်ႈၸႂ်ၼၼ်ႉ မၼ်းတၵ်းလႆႈႁဵတ်းႁႂ်ႈယဝ်ႉ ဢွၼ်တၢင်းပႆႇထိုင်ႁူၵ်းမူင်းယဝ်ႉ။ လွင်ႈပၼ်ၶၢဝ်းယၢမ်း ၵူၼ်းၼႂ်းၼႃႈႁိူၼ်းၼႆႉ ၵေႃႈ လမ်ႇလွင်ႈမိူၼ်ၵၼ်။ ပေႃးဢမ်ႇပၼ်ၶၢဝ်းယၢမ်းၵူၼ်းလမ်ႇလွင်ႈၼႂ်းၸူဝ်ႈပၢၼ်ႁဝ်းလႆႈၵေႃႈ ႁဝ်းတေဢမ်ႇၸၢင်ႈ ႁဵတ်းၵၢၼ်လႆႈလီမိူၼ်ၵၼ်ၶႃႈ။

(6) လူလိၵ်ႈဢွၼ်တၢင်းပႆႇၼွၼ်း တႃႇသေႇ

ဢွၼ်တၢင်းပႆႇၼွၼ်းၼၼ်ႉ ဢူဝ်ႇပႃးမႃး ဢမ်ႇတူၺ်းထီႇဝီႇ၊ ဢမ်ႇတူၺ်းၽူၼ်း။ မၼ်းၸႂ်ႉၶၢဝ်းယၢမ်းဢၼ်ၼၼ်ႉသေ လူလိၵ်ႈ ႁႃတၢင်းႁူႉ။ ၶေႃႈၼႆႉ လမ်ႇလွင်ႈတႃႇၵူၼ်းၼုမ်ႇႁဝ်း ၵၢပ်ႈပၢၼ်ယၢမ်းလဵဝ်ၼႃႇ။ ၵွပ်ႈပိူဝ်ႈႁဝ်းလူဝ်ႇလႆႈႁဵၼ်းႁူႉယူႇတႃႇသေႇ။ တူဝ်ၶႃႈၵေႃႈ ၵႄႈလိတ်ႈပႆႇလႆႈ လွင်ႈတီႉလၢႆႉယဝ်ႉ ၸင်ႇၼွၼ်းၼႆႉ။ ၽူၼ်းလႄႈပပ်ႉလိၵ်ႈ ဝၢင်းဝႆႉၸွမ်းၵၼ်ၼႆႉ တိုၼ်းလိူၵ်ႈယိပ်းဢဝ်ၽူၼ်းသေ မႃးတိလၢႆႉၵူၺ်းၵူၺ်းယဝ်ႉ။ ၵွပ်ႈပိူဝ်ႈ ၽူၼ်းၵၢပ်ႈပၢၼ်ယၢမ်းလဵဝ်ၼႆႉ မၼ်းမီးဢၼ်မႃးယွၵ်ႇမႃးၸၼ်ႁဝ်းၼမ်ၼႃႇ။ တီႈတေႉယဝ်ႉ လဵၼ်ႈၽူၼ်းသေၼွၼ်းၼႆႉ ဢမ်ႇလႆႈသင်ၼင်ႇၵဝ်ႇ။ ၵွပ်ႈၼၼ် ႁဝ်းလီဢွၼ်ၵၼ်ၽိုၵ်းလူလိၵ်ႈယဝ်ႉ ၸင်ႇၼွၼ်း။ ဢဝ်ၽူၼ်းသၢင်းႁႅင်းဝႆႉတီႈၵႆသေ ပိၵ်ႉ Do not disturb ယဝ်ႉ လူပပ်ႉလိၵ်ႈၶႃႈ။

ၸိူဝ်းၼႆႉ ပဵၼ်လွၵ်းလၢႆးၸတ်းၵၢၼ်ၶၢဝ်းယၢမ်း ဢူဝ်ႇပႃးမႃး ၸႂ်ႉတိုဝ်းပုၼ်ႈတႃႇႁဵတ်းႁႂ်ႈမၼ်းႁဵတ်းၵၢၼ်ထိုင်တီႈလႆႈလီငၢမ်း။ မိူၼ်ၼင်ႇ လွင်ႈလုၵ်ႉၸဝ်ႉ ဢွၵ်ႇဢဵၼ်ႁႅင်း၊ ႁဵတ်းၶပ်ႉမၢႆၼႃႈၵၢၼ်ဢၼ်လူဝ်ႇႁဵတ်း၊ ၸႂ်ႉဢဵၼ်ႁႅင်းတႅပ်းတပ်း သဵၼ်ႈၸႂ် တႃႇၼႃႈၵၢၼ်ဢၼ်လမ်ႇလွင်ႈ။ တႅပ်းတတ်းသဵၼ်ႈၸႂ်ဝႆး တႃႇသၢၵ်ႈသႃႇ ၶၢဝ်းယၢမ်း။ ပၼ်ၶၢဝ်းယၢမ်းၵူၼ်းၼႂ်းၼႃႈႁိူၼ်း လႄႈ လူလိၵ်ႈယဝ်ႉ ၸင်ႇၼွၼ်း ၸိူဝ်းၼႆႉ တူဝ်ၵဝ်ႇၸၢင်ႈဝူၼ်ႉဝႃႈ ဢမ်ႇၸႂ်ႈသင်လူင်လၢင်ၼႆၼင်ႇၵဝ်ႇ။

တီႈတေႉၸိုင် လွင်ႈဢၼ်ဝႃႈ တေယိပ်းၽူၼ်းၸူဝ်ႈၵႅပ်ႉၵူၺ်း ၵမ်ႉၵေႃႈၼွၼ်းယဝ်ႉ ၼႆၼၼ်ႉ ယၢမ်ႈမိူင်းလႅင်းမႃးလၢႆပွၵ်ႈယဝ်ႉၼႆ တူဝ်ၵဝ်ႇၵူၺ်း ဢၼ်ႁူႉလိူဝ်ပိူၼ်ႈ။

ၵွပ်ႈဢမ်ႇပၼ်ၶၢဝ်းယၢမ်းၵူၼ်းၼႂ်းၼႃႈႁိူၼ်းလႄႈ တူဝ်ၵဝ်ႇလႆႈၶိုၼ်းပဵၼ်လွင်ႈသုၵ်ႉၸႂ်ၶိုၼ်းႁင်းတူဝ်ၵဝ်ႇၵေႃႈ တေယၢမ်ႈမီးမႃးၼမ်ယဝ်ႉ။

တႃႇတေၵႂႃႇၵၢၼ်ၼိုင်ႈပွၵ်ႈၵူၺ်း ယွၼ်ႉၶၢဝ်းယၢမ်းတႅပ်းတတ်းဝႃႈ တေဝႆႉၶူဝ်ႁူၼ်သတၢႆႇၸိူင်ႉႁိုဝ်၊ တေၼိုင်ႈသိူဝ်ႈၶူဝ်းသင်ၼႆသေ လႆႈတူၵ်းလိုၼ်းၶၢဝ်းယၢမ်းႁဵတ်းၵၢၼ်မႃး ၼႆၼၼ်ႉၵေႃႈ မီးတူဝ်ၵဝ်ႇၵူၺ်း ႁူႉလိူဝ်ပိူၼ်ႈ။

ၵွပ်ႈၼႆလႄႈ လွင်ႈၸိူဝ်းၼႆႉ တူဝ်ၵေႃႉပဵၼ်ၸွမ်ၸိုင်ႈလူင် မိူင်းဢမေႇရိၵၢၼ်ႇၼၼ်ႉ ယင်းဝႆႉၼမ်ႉၼၵ်း ပၵ်းၸႂ်ယူႇ၊ ၵူၼ်းယူဝ်းယူဝ်းၸိူင်ႉႁဝ်း ပေႃးဢမ်ႇသႂ်ႇၸႂ်လႆႈၸိုင် ၸူဝ်ႈပၢၼ်လႄႈ ၼႃႈၵၢၼ်ၼၼ်ႉ ၶေးတေဢမ်ႇၸၢင်ႈၽဵင်ႇၶိုင်ႈလႆႈသေပွၵ်ႈ။

ၼႂ်းၸိူဝ်းၼႆႉ တူဝ်ၵဝ်ႇႁဵတ်းလႆႈ ဢၼ်လႂ်ၽွင်ႈ၊ ဢၼ်လႂ်ဢမ်ႇပႆႇႁဵတ်းလႆႈ၊ ယွၼ်ႉသင်တေၵႂႃႇၸိူဝ်းၼႆႉ တႅမ်ႈၼႄတၢင်းႁၼ်သုၼ်ႇတူဝ်ဝႆႉ တီႈ comment ၼႆႉလႆႈယူႇၶႃႈ။

Mawn Khur
THE DAI STANDARD

25/09/2022

15/09/2022

ပၢင်ၵုမ်ၶွၼ်ႇၾရႅၼ်ႉ ၵၢၼ်ပူၵ်းပွင်ၶိုၼ်း ႁူင်းတူၺ်းလိၵ်ႈ ပုတ်ႉထၾသႃႇသၼႃႇ၊ တီႈၸၼ်ႉၸွမ်ပုတ်ႉမိူင်းတႆး။
International Conference on ‘Revival of Buddhist Libraries’, at SSBU on 29-30 October 2022.

13/09/2022

02/09/2022

🔰 ႁူင်းတူၺ်းလိၵ်ႈ

|ပဵၵ်ႉသမ်ႉဝႃႈသူဢမ်ႇၸွႆႈႁႂ်ႈထိုင်တီႈ ၶိုတ်းၸၼ်ႉလီမႃးလႆႈၼႆ​​သေတႃႉ​​ၵေႃႈ ၶတ်းၸႂ်ႁဵတ်းလွင်ႈလီလီ ဢိတ်းဢီႈတႃႇ လူၺ်ႈသဵၼ်ႈတၢင်းလွၵ်းလၢႆးတီႈလီလီၼၼ်ႉၵႂႃႇလႄႈ။

ၶဝ်ႈႁူမ်ႈပဵၼ်ၸဝ်ႈတႃႇၼႃႉပပ်ႉလိၵ်ႈလၢႆးတႆးတွၼ်ႈတႃႇတူင်ႇဝူင်းသင်ႇၶႃႇၸဝ်ႈၶဝ်တီႈ ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆးလႆႈတီႈ တႂ်ႈၼႆႉၶႃႈ

သင်ဝႃႈမီးၸဝ်ႈတႃႇၼၽူႈလႂ်ၽႂ်ဢမ်ႇဝႃႈၶႂ်ႈတမ်ႉထႅမ်ၵၢၼ် ႁႅင်းတၢင်းႁူႉပပ်ႉလိၵ်ႈတႆးဢမ်ႇဝႃႈပပ်ႉလိၵ်ႈၸိူင်ႉႁိုဝ်​​ၵေႃႈ ၵပ်းသိုပ်ႇလူႇတၢၼ်းမႃးလႆႈတီႈ ဢွင်ႈတႂ်ႈၼႆႉလႆႈယူႇ​​ဢေႃႈ ယွၼ်းႁႂ်ႈတၢင်းႁူႉလွၼ်ႉမွၼ်းပပ်ႉလိၵ်ႈသိုပ်ႇတၢမ်လၢမ်းပႆၵႂႃႇႁႂ်ႈၶိုတ်းၸၼ်ႉ ၸွမ်းပၢၼ်ၼႂ်းၵၢၼ်လဵပ်ႈႁဵၼ်းလူလိၵ်ႈ​​သေၵမ်း။

ၵပ်းသိုပ်ႇလူႇတၢၼ်းပပ်ႉလိၵ်ႈလႆႈတီႈ Page 2ဢၼ်ၽၢႆႇတၢင်းတႂ်ႈၼႆႉလႆႈယူႇ​​ဢေႃႈ⬇️

✅ဝတ်ႉပိတၵၢတ်ႈဝဵင်းပၢင်လူင်⬇️
https://www.facebook.com/profile.php?id=100063642920630

✅ႁူင်းတူၺ်းလိၵ်ႈ ဝိၸ်ၸႃဢုတပႃတိ ဝတ်ႉပိတၵၢတ်ႈ ဝဵင်းပၢင်လူင်⬇️
https://m.facebook.com/Pitakat-Library-Shan-Edition-104182718982438/
#ဝဵင်းပၢင်လူင် #ပိတၵၢတ်ႈ #ဝတ်ႉ #ၵျွင်း #ႁူင်းတူၺ်းလိၵ်ႈ #ႁူင်းလူလိၵ်ႈ #ပပ်ႉလိၵ်ႈတႆး #တိူၵ်ႈသွၼ်လိၵ်ႈ #ပပ်ႉလိၵ်ႈတႆး #ငဝ်ႈငုၼ်းမုၵ်ႉၸုမ်းလူင်သင်ႇၶႃႇၸိုင်ႈတႆး #တႃႇၼ #ပပ်ႉလိၵ်ႈ #စာကြည့်တိုက်

21/08/2022

12/07/2022

✨ပေႁႂ်ႈပဵၼ်ၼင်ႇၼႆ

🐝 ၼမ်ႉၽိုင်ႈ ၼိုင်ႈယွတ်ႇ🐝
မိူဝ်ႈၵူႈပွၵ်ႈ တီႈမိူင်းၼိုင်ႈၼၼ်ႉ မီးၶုၼ်ႁေႃၶမ်းဝႆႉပႃးၼိုင်ႈ။ ၶုၼ်ႁေႃၶမ်းပႃးၼႆႉ မီးဝႆႉတၢင်းယၢမ်ႈဢၼ်ၼိုင်ႈ။ တၢင်းယၢမ်ႈဢၼ်ၼၼ်ႉတႄႉ ဝၢႆးသေၵိၼ်ၶဝ်ႈယဝ်ႉ မၼ်းလႆႈၸႂ်လႅမ်ႉၵိၼ် ၼမ်ႉၽိုင်ႈတႃႇသေႇယဝ်ႉ။

မီးၼင်ႇဝၼ်းၼိုင်ႈ ဝၢႆးသေၶုၼ်ႁေႃၶမ်းပႃးၼၼ်ႉ ၵိၼ်ၶဝ်ႈယဝ်ႉ မၼ်းၸင်ႇမႃးလႅမ်ႉၵိၼ် ၼမ်ႉၽိုင်ႈမၼ်း မိူၼ်ၼင်ႇ ၵူႈဝၼ်းယဝ်ႉ။ မိူဝ်ႈယၢမ်းၼၼ်ႉ ၼမ်ႉၽိုင်ႈယွတ်ႇၼိုင်ႈသမ်ႉ ႁေႈတူၵ်းလူင်းၵႂႃႇ ၼိူဝ်ပိုၼ်ႉသိူဝ်ႇ ၼၼ်ႉယဝ်ႉ။

မႅင်းမူၼ်း ဢၼ်ယူႇႁိမ်းၼၼ်ႉသမ်ႉ လႆႈႁၼ်ၼမ်ႉၽိုင်ႈယွတ်ႇၼိုင်ႈ ယွတ်ႇတူၵ်းလူင်းမႃး ၼိူဝ်ပိုၼ်ႉသိူဝ်ႇၼၼ်ႉလႄႈ မၼ်းၸင်ႇၼႅတ်ႈမိၼ်မႃးၸုပ်ႇဢဝ် ၼမ်ႉၽိုင်ႈယွတ်ႇၼၼ်ႉ ၵမ်းလဵဝ်ယဝ်ႉ။

မိူဝ်ႈၽွင်းၼၼ်ႉ ၸိူင်ႉႁိူၼ်းတူဝ်ၼိုင်ႈ တိုၵ်ႉလၵ်ႉလွမ်တူၺ်း မႅင်းမူၼ်းတူဝ်ၼၼ်ႉဝႆႉယူႇ။ မိူဝ်ႈမၼ်းႁူႉဝႃႈ မႅင်းမူၼ်းတူဝ်ၼၼ်ႉ ဢမ်ႇႁၼ်မၼ်းယဝ်ႉၼႆၼၼ်ႉ မၼ်းၸင်ႇၶုၼ်ႇဝႅၼ် ၶဝ်ႈၵၢပ်ႈဢဝ် မႅင်းမူၼ်းတူဝ်ၼၼ်ႉ ၵမ်းလဵဝ်ယဝ်ႉ။

မိူဝ်ႈၼၼ်ႉ မႅဝ်းတူဝ်ၼိုင်ႈ ဢၼ်တိုၵ်ႉၼွၼ်းဝႆႉယူႇ တီႈႁိမ်းႁွမ်းၼၼ်ႉသမ်ႉ ႁၼ်မႅၼ်ႈၸိူင်ႉႁိူၼ်း ၶဝ်ႈမႃးမီးႁိမ်းၸမ်မၼ်းလႄႈ မၼ်းၵေႃႈၼႅတ်ႈၶုၼ်ႇဝႅၼ်ဝၵ်ႉဢဝ် ၸိူင်ႉႁိူၼ်းတူဝ်ၼၼ်ႉ ၵိၼ်ပႅတ်ႈထႅင်ႈယဝ်ႉ။

မိူဝ်ႈၽွင်း မႅဝ်းတူဝ်ၼၼ်ႉ တိုၵ်ႉဝႅၼ်ဝၵ်ႉဢဝ် ၸိူင်ႉႁိူၼ်းသေ ၵိၼ်ယူႇၼၼ်ႉ မႃတူဝ်ၼိုင်ႈ ဢၼ်ၽွင်းမိူင်းၵေႃႉၼိုင်ႈ လဵင်ႉဝႆႉၼၼ်ႉသမ်ႉ ႁၼ်မႅၼ်ႈမႅဝ်းတူဝ်ၼၼ်ႉလႄႈ ၸင်ႇလႅၼ်ႈၶဝ်ႈမႃး ၵၢပ်ႈဢဝ်မႅဝ်းတူဝ်ၼၼ်ႉ ဢွၵ်ႇၼွၵ်ႈဝၢင်းႁေႃ ၵႂႃႇသေ ၵႂႃႇၶူပ်းပႅတ်ႈမႅဝ်းတူဝ်ၼၼ်ႉ တၢႆပႅတ်ႈယဝ်ႉ။

မႅဝ်း ဢၼ်မႃၶူပ်းတၢႆၼၼ်ႉသမ်ႉ ပဵၼ်မႅဝ်းၽွင်းမိူင်းၵေႃႉၼိုင်ႈ လဵင်ႉဝႆႉမိူၼ်ၵၼ်ယဝ်ႉ။ ၽွင်းမိူင်းၵေႃႉၼၼ်ႉ မၼ်းႁၵ်ႉႁွမ် ၼိူဝ်မႅဝ်းမၼ်းတေႉတေႉ။ ၽိူဝ်ႇမၼ်းလႆႈႁူႉဝႃႈ မႅဝ်းမၼ်း ထုၵ်ႇမႃၽွင်းမိူင်းၵေႃႉၼိုင်ႈ ၶူပ်းတၢႆယဝ်ႉၼႆၵေႃႈ တင်းၸႂ်လမ်တေႃးသသေ ၵႂႃႇပၢၼ်းၽိတ်းမေႃးၵၼ်တင်း ၽွင်းမိူင်း ၵေႃႉပဵၼ်ၸဝ်ႈၶွင်မႃတူဝ်ၼၼ်ႉ ၵမ်းလဵဝ်ယဝ်ႉ။

ဢမ်ႇတၼ်းႁိုင်သင် ၽွင်းမိူင်း ၵေႃႉပဵၼ်ၸဝ်ႈၶွင်မႃၼၼ်ႉ ၸင်ႇဢဝ်ၽႃႉၽၼ်းပၼ် ၽွင်းမိူင်း ၵေႃႉပဵၼ်ၸဝ်ႈၶွင်မႅဝ်းၼၼ်ႉလႄႈ ႁဵတ်းႁႂ်ႈၸဝ်ႈၶွင်မႅဝ်းၵေႃႉၼၼ်ႉ တၢႆထၢင်တီႈၵမ်းလဵဝ်ယူႇယဝ်ႉ။

ၶၢဝ်ႇငဝ်း လွင်ႈၽွင်းမိူင်းၼင်ႇၵၼ် ႁႅမ်ၵၼ်တၢႆ ယွၼ်ႉသတ်းလဵင်ႉၼႆႉၵေႃႈ ၵိုင်ႉၵၢင်ႉ လိုဝ်းလင်ဢွၵ်ႇမႃး ၼင်ႇၾႆးမႆႈပႃႇထိူၼ်ႇၼၼ်ႉသေ ႁွတ်ႈထိုင်ၵႂႃႇၼႂ်းႁၢင်ႈ ၼႂ်းႁေႃပုၼ်ႉယဝ်ႉ။

မိူဝ်ႈလႆႈငိၼ်းၶၢဝ်ႇယဝ်ႉၼၼ်ႉ ပီႈၼွင်ႉၸိူဝ်ႉၶိူဝ်း ၸိူဝ်းပဵၼ်ၽၢႆႇၽွင်းမိူင်း ၵေႃႉဢၼ်ထုၵ်ႇ ဢဝ်ၽႃႉၽၼ်းတၢႆၼၼ်ႉ ဢွၼ်ၵၼ်လႅၼ်ႈမႃးႁႃ ၽွင်းမိူင်း ၵေႃႉဢၼ်ပဵၼ်ၸဝ်ႈၶွင်မႃၼၼ်ႉယဝ်ႉ။

ပီႈၼွင်ႉၸိူဝ်ႉၶိူဝ်း ၸိူဝ်းပဵၼ်ၽၢႆႇၽွင်းမိူင်း ၸဝ်ႈၶွင်မႃၼၼ်ႉၵေႃႈ သမ်ႉဢွၼ်ၵၼ်လႅၼ်ႈၵႂႃႇႁႃၸိူဝ်ႉၶိူဝ်းၽႂ်မၼ်းသေ ႁွင်ႉၵၼ်မႃးထႅင်ႈတင်းၼမ်ယဝ်ႉ။ ၼႂ်းဢမ်ႇႁိုင်သင်ၼၼ်ႉ ပီႈၼွင်ႉၸိူဝ်ႉၶိူဝ်းၽွင်းမိူင်း 2 ၵေႃႉၼၼ်ႉၵေႃႈ သိုပ်ႇၽိတ်းမေႃးၵၼ်၊ ၽၼ်းၵၼ်တၢႆထႅင်ႈယဝ်ႉ။

ၶၢဝ်ႇငဝ်းလွင်ႈၼႆႉၵေႃႈ သမ်ႉႁွတ်ႈၽႅဝ်ၵႂႃႇ ၼႂ်းႁေႃထႅင်ႈ ၼင်ႇၵဝ်ႇလႄႈ ၶုၼ်ႁေႃၶမ်း ၸင်ႇႁိပ်ႈၼႅတ်ႈ သူင်ႇၵူၼ်းသိုၵ်းမၼ်း မႃးၵႄႈလိတ်ႈပၼ်ၵမ်းလဵဝ်ယူႇ။ ၵူၺ်းၵႃႈ ဢမ်ႇၵႄႈလိတ်ႈပၼ်လႆႈ။

ထိုင်ၵမ်းလိုၼ်းမႃး တမ်တူဝ်ၶုၼ်ႁေႃၶမ်းၵေႃႈ ၺႃးၵူၼ်းမိူင်း ၸိူဝ်းပဵၼ်ပီႈၼွင်ႉ ၸိူဝ်ႉၶိူဝ်း ၽွင်းမိူင်းၸုမ်းၼိုင်ႈ ဢမ်ႇထၢင်ႇသေ လႆႈၽၼ်းၺႃး ၶုၼ်ႁေႃၶမ်းပႃးလႄႈ ယူႇဢမ်ႇႁိုင် ၶုၼ်ႁေႃၶမ်းပႃးၼၼ်ႉၵေႃႈ လႆႈၼွၼ်းၽေးၵႂႃႇထႅင်ႈယဝ်ႉ။

ႁဵတ်းၼႆသေ ပီႈၼွင်ႉၸိူဝ်ႉၶိူဝ်း ၽွင်းမိူင်း ထႅင်ႈၽၢႆႇၼိုင်ႈၼၼ်ႉ ၶဝ်ႈမႃးၵၢဝ်ႇၼႄး ဢဝ်တၢင်းၽိတ်းပူဝ်ႉသႂ်ႇပၼ် ထႅင်ႈၸုမ်းၼိုင်ႈၼၼ်ႉသေ လၢတ်ႈဝႃႈ "ၸိူဝ်းသူ ၶႂ်ႈလုၵ်ႉၽိုၼ်ႉ ၶုၼ်ႁေႃၶမ်းလႄႈ သူၸင်ႇႁူမ်ႈၵၼ် ဝၢင်းၽႅၼ် ႁၢင်ႈလွၵ်း ဢၼ်ၼႆႉ ဝႆႉဢိူဝ်ႈၼေႃႈ" ဝႃႈၼႆယဝ်ႉ။

ယၢမ်းၼၼ် ၸုမ်းၼၼ်ႉၵေႃႈ ယွၼ်ႉဢမ်ႇၶႂ်ႈၶၢမ်ႇ ၵႂၢမ်းၵၢဝ်ႇၼႄး တၢင်ႇတၢင်းၽိတ်းၼင်ႇၼၼ်လႄႈ ၸင်ႇဢွၼ်ၵၼ်လုၵ်ႉမႃး တွပ်ႇထဵင်ၶိုၼ်းတေႉတေႉဝႃႈဝႃႈ။ ၼႄးၵၼ်ၵႂႃႇ ၼႄးၵၼ်မႃး ၵမ်းလိုၼ်း လႆႈၽိတ်းမေႃး ၵၼ်ထႅင်ႈ ၼင်ႇႁၢဝ်ႉႁၢဝ်ႉႁႅင်းႁႅင်း။ လုၵ်ႉတီႈပၢင်ၽိတ်းမေႃးၵၼ်ၼႆႉသေ ဢဝ်ယဵၼ်းပဵၼ် ပၢင်တိုၵ်းၵၼ်မႃးယဝ်ႉ။

လုၵ်ႉတီႈ ၸုမ်းပီႈၼွင်ႉၸိူဝ်ႉၶိူဝ်း ၽွင်းမိူင်းၼင်ႇၵၼ် ပိုတ်ႇပၢင်တိုၵ်းၸူးၵၼ်ၼႆႉသေ ႁဵတ်းႁႂ်ႈဝၢၼ်ႈမိူင်း၊ ႁိူၼ်းယေး၊ တိူၵ်ႇႁႆႈလွၵ်းၼႃး လုၵွႆတင်းၼမ် တင်းလၢႆၵူၺ်းဢမ်ႇၵႃး ၵူၼ်းဝၢၼ်ႈ ၵူၼ်းမိူင်း လႄႈ ၵူၼ်းသိုၵ်းၵေႃႈ လႆႈလူမ်ႉတၢႆ ပဵၼ်ၵေႃႇပဵၼ်ၵွင် ယွၼ်ႉပၢင်တိုၵ်း သိုၵ်းသိူဝ်ၼႆႉသေ ယဵၼ်းပဵၼ်ဝၢၼ်ႈႁၢမ်း မိူင်းႁၢမ်းၵႂႃႇပႅတ်ႈ တင်းမိူင်းယဝ်ႉ။

ၶၢဝ်ႇငဝ်း လွင်ႈပီႈၼွင်ႉၸိူဝ်ႉၶိူဝ်း ၽွင်းမိူင်းၶဝ် ၽၢႆႇၼိုင်ႈလႄႈၽၢႆႇၼိုင်ႈ ပိုတ်ႇပၢင်တိုၵ်း သိုၵ်းသိူဝ်ၸူးၵၼ်ၼႆႉ လိုဝ်းလင် ႁွတ်ႈထိုင်ၵႂႃႇ တီႈႁူၶုၼ်ႁေႃၶမ်း ဢၼ်ယူႇႁိမ်းၵိၼ်ၸမ် မိူင်းၼၼ်ႉ ထႅင်ႈမိူင်းၼိုင်ႈယူႇယဝ်ႉ။

ၵွပ်ႈၼႆလႄႈ တင်ႈတႄႇဢဝ်ၸဵမ်မိူဝ်ႈ ၽွင်းမိူင်းၶဝ်ၼင်ႇၵၼ် တိုၵ်းယိုဝ်းၵၼ် ၽၼ်းၵၼ်ယူႇၼၼ်ႉ ၶုၼ်ႁေႃၶမ်းပႃးၼႆႉ လၵ်ႉလွမ်ပၵ်းတႃ ပႂ်ႉတူၺ်းၸွမ်း ငဝ်းလၢႆးမၼ်းယူႇတႃႇသေႇယဝ်ႉ။

ၶုၼ်ႁေႃၶမ်းပႃးၼႆႉ ပေႃးဝႃႈမၼ်းလႆႈၶၢဝ်ႇငဝ်းမႃးဝႃႈ ဝၢၼ်ႈမိူင်းၼၼ်ႉ ယဵၼ်းပဵၼ်ဝၢၼ်ႈမိူင်းႁၢမ်းၵႂႃႇပႅတ်ႈ တင်းဝၢၼ်ႈ တင်းမိူင်းယဝ်ႉၼႆၵေႃႈ မၼ်းၸင်ႇၼႅတ်ႈႁွင်ႉဢဝ် လုၵ်ႈသိုၵ်းမၼ်း ၶဝ်ႈမႃးဢုပ်ႉပိူင်ႇ ႁိမ်ၸိင်းဢဝ်ၵႂႃႇ ၼင်ႇငၢႆႈငၢႆႈလူမ်လူမ်ယူႇယဝ်ႉ။

ယွၼ်ႉၼမ်ႉၽိုင်ႈဢွၼ်ႇၼိုင်ႈယွတ်ႇၵူၺ်းသေ ႁဵတ်းႁႂ်ႈဝၢၼ်ႈမိူင်း ပေႃးလႆႈၵူၼ်ႇပၢင်း လုသုမ်းၵႂႃႇၼႆႉ ထုၵ်ႇလီဢဝ်ပဵၼ်တွၼ်ႈသွၼ် တႃႇလုၵ်ႈလၢၼ်ႁဝ်းမိူဝ်းၼႃႈတေႉတေႉဝႃႈဝႃႈယဝ်ႉ ၼႆ ၸဝ်ႈၽူႈမီးပၺ်ႇၺႃႇၶဝ်တေႉ သင်ႇလၢတ်ႈဝႆႉ ၼင်ႇၼႆယဝ်ႉ။

တိုၼ်းႁၢၼ် တေၸဝံသ
July 12, 2022

02/07/2022

ဢႁႅမ်ႉ!
ဢမ်ႇႁၼ်ၵၼ်ႁိုင်ယဝ်ႉ​​ၼေႃ
ယူႇလီၼွၼ်းဝၢၼ်​​ၼေႃႈ ?
ၸဝ်ႈၶိင်းလုင်းလၢၼ်ပႃႈၼႃႉဢႃဢူႈဢၢဝ်သၢဝ်ယိင်းၸၢႆးႁၢင်ႉမၢႆႈၶဵဝ်မူၵ်းႁဝ်းၶဝ်ၵူႈ​​ၵေႃႉ👋😅

02/07/2022

ထိုင်/ ​​ၵေႃႉလၵ်ႉပၢႆၵမ်
ဝႃႈၼႆ​​ႁေယဝ်ႉ🥴
#လၵ်ႉပၢႆၵမ်

02/07/2022

ပပ်ႉလိၵ်ႈတႆး

30/06/2022

24/06/2022

လီႁူႉလွင်ႈ လၢႆးတႅမ်ႈလိၵ်ႈ

06/06/2022

လွင်ႈထၢင်ႇထိူမ်
​​ၸၢင်ႈပိၼ်ႇလႅၵ်ႈပဵၼ်လွင်ႈၼႅင်ၸႂ်

ယႃႇပေဢဝ်လွင်ႈထၢင်ႇထိူမ်သေတႅပ်းတတ်း မၼ်းတေမီးလွင်ႈယၢပ်ႇၽိုတ်ႇဢၼ်သူဢမ်ႇႁၼ်လႆႈၼၼ်ႉဢိူဝ်ႈ။

ယႃႇပေဢဝ်လွင်ႈထၢင်ႇထိူမ်သေထတ်းသၢင် မၼ်းတေမီးလွင်ႈၶွင်ႈၶမ်ဢၼ်သူဢမ်ႇႁူႉလႆႈၼၼ်ႉဢိူဝ်ႈ။

ယႃႇပေဢဝ်လွင်ႈထၢင်ႇထိူမ်သေသႄႉသွမ်း မၼ်းတေမီးလွင်ႈမၢတ်ႉၸဵပ်းၼႂ်းၸူဝ်ႊပၢၼ်ဢၼ်သူဢမ်ႇယၢမ်ႈထူပ်းၼၼ်ႉဢိူဝ်ႈ။

ယႃႇပေဢဝ်လွင်ႈထၢင်ႇထိူမ်သေထတ်းသၢင် မၼ်းတေမီးလွင်ႈတၢင်းဢၼ်သူဢမ်ႇပွင်ႇၸႂ်လႆႈၼၼ်ႉဢိူဝ်ႈ။

ယႃႇပေဢဝ်လွင်ႈထၢင်ႇထိူမ်သေပၢႆႇပၢၵ်ႈပႅတ်ႈ မၼ်းတေမီးလွင်ႈတၢင်းၸဵပ်းသႅပ်ႇဢၼ်သူဢမ်ႇပွင်ႇၸႂ်လႆႈၼၼ်ႉဢိူဝ်ႈ။

ယႃႇပေဢဝ်လွင်ႈထၢင်ႇထိူမ်သေတုမ်ႉတွပ်ႇၶိုၼ်း မၼ်းတေမီးလွင်ႈမွင်ၸႂ်ဢၼ်ဢမ်ႇၸၢင်ႈလၢတ်ႈၼေသူၼၼ်ႉဢိူဝ်ႈ။

ယူဝ်သူဝ်ၶဝ်​​တေၵိုတ်းလွင်ႈၼႅင်ၸႂ်ဝၢႆးလင်လႄႈ မီးသင်​​ၵေႃႈထုၵ်ႇလီလႆႈပွင်ႇလႅင်းၸႅင်ႈၸႂ်ၼိူဝ်ၵၼ်ယဝ်ႉၵွၼ်ႇ ၸင်ႇလီသိုပ်ႇၶၢဝ်းတၢင်းဢၼ်ၶႂ်ႈႁွတ်ႈၼၼ်ႉလီယဝ်ႉ။
#ပိၼ်ႇတႅမ်ႈ #ယိင်းမွၼ်းသူၺ်ႇ
#ၼႅင်ၸႂ် #ထၢင်ႇထိူမ် #ယႃႇ​​ပေ

30/05/2022

|တေပဵၼ်ယွၼ်ႉပိူဝ်ႈႁဝ်းပႆႇ​​မေႃႁၵ်ႉ ၼၼ်ႉယဝ်ႉ ၵၢၼ်ႁၵ်ႉဢၼ်ဝႃႈၼႆႉ ဢမ်ႇတၢပ်ႈလူဝ်ႇလၢတ်ႈဝႃႈႁၵ်ႉ​​ၼႆ​​သေဢိတ်း​​ၵေႃႈလႆႈ သင်ၸိူဝ်ႉဝႃႈလွင်ႈႁဵတ်းသၢင်ႈမၼ်းဢွၵ်ႇၼႄဝႃႈမၼ်းႁၵ်ႉယူႇၼႆၸိုင် ႁႂ်ႈ​​မေႃႁၵ်ႉ​​သေၵမ်း🥰
#လုၵ်ႈၸၢႆႈမႄႈ #ႁၵ်ႉ #လိၵ်ႈလၢႆး #လူလိၵ်ႈ #ၸိူဝ်ႉၶိူဝ်း

28/05/2022

ႁဵၼ်းႁူႉလွင်ႈၵၢၼ်လူပပ်ႉလိၵ်ႈ