05/03/2020
တရုတ္ဘက္မွ ေျမထိန္းနံရံ တည္ေဆာက္ျခင္းေၾကာင့္ ျမန္မာ-တ႐ုတ္ နယ္နိမိတ္မွတ္တိုင္မ်ားအား သြားေရာက္စစ္ေဆး
:00pm
▪️ရွမ္းျပည္နယ္၊ “ဝ” ကိုယ္ပိုင္အုပ္ခ်ဳပ္ခြင့္ရတိုင္း၊ ဟိုပန္ခရိုင္၊ နမ့္တစ္ၿမိဳ့ (“ဝ” အထူး ေဒသ-၂)အတြင္းရွိ နယ္နိမိတ္မွတ္တိုင္ ၁၄၅(၁)အနီး နမ့္တိန္ေခ်ာင္းအတြင္းသို့ တ႐ုတ္ဘက္မွ ေက်ာက္တုံးႀကီးမ်ားခ်၍ တိုးခ်ဲ႕ေျမဖို့ကာ ေျမထိန္းနံရံ တည္ေဆာက္ျခင္း၊ လမ္းေဖာက္လုပ္ ျခင္းႏွင့္ နယ္နိမိတ္မွတ္တိုင္ ၁၅၈(၁) အနီး နမ့္ကြန္ေခ်ာင္းႏွင့္ ေခ်ာင္းလက္တက္ျဖစ္သည့္ နမ့္အစ္ေခ်ာင္းအတြင္း ေျမထိန္းနံရံ တည္ေဆာက္ျခင္းတို့ေၾကာင့္ ျမန္မာဘက္ကမ္းပါးမ်ား ေရတိုက္စားခံရၿပီး ၿပိဳက်ပ်က္စီးျခင္းမွ ကာကြယ္နိုင္ေရးအတြက္ ေျမထိန္းနံရံတည္ေဆာက္မည့္ ေနရာမ်ားႏွင့္ ေျမျပင္အေျခအေနတို့ကို သိရွိနိုင္ရန္ ေကာင္စစ္ေရးရာႏွင့္ ဥပေဒေရးရာဦးစီးဌာန၊ ညႊန္ၾကားေရးမွူးခ်ဳပ္ ဦးေအာင္ေက်ာ္ဇံ ဦးေဆာင္သည့္ ကြင္းဆင္းအဖြဲ႕သည္ ၂၀၂၀ ျပည့္ႏွစ္၊ ေဖေဖာ္ဝါရီလ ၂၉ ရက္ေန႔မွ မတ္လ ၄ ရက္ေန႔အထိ သက္ဆိုင္ရာနယ္ေျမသို့ သြားေရာက္ကြင္း ဆင္းစစ္ေဆးခဲ့ပါသည္။
ကြင္းဆင္းစစ္ေဆးေရးအဖြဲ႕သည္ “ဝ” ကိုယ္ပိုင္အုပ္ခ်ဳပ္ခြင့္ရ တိုင္းဦးစီးအဖြဲ႕၊ ဥကၠ႒ ဦးခြန္ထြန္းလူႏွင့္ လည္းေကာင္း၊ နမ့္တစ္ၿမိဳ့ ဒုတိယၿမိဳ့နယ္အုပ္ခ်ဳပ္ေရးမွူး ဦးလ်ဴေကာ္ရွင္းႏွင့္ လည္းေကာင္းေတြ႕ဆုံ၍ နယ္နိမိတ္ကိစၥအပါအဝင္ နယ္ေျမေဒသ ဖြံ့ၿဖိဳးတိုးတက္ေရးႏွင့္စပ္လ်ဥ္း၍ အျမင္ခ်င္းဖလွယ္ ေဆြးေႏြးခဲ့ၾကပါသည္။ ကြင္းဆင္းစစ္ေဆးရာတြင္ တ႐ုတ္နယ္ျခားေစာင့္ တပ္ဖြဲ႕မွ နယ္နိမိတ္မွတ္တိုင္ ၁၄၄-၃ ႏွင့္ ၁၄၄-၄ အၾကား ျမန္မာဘက္က စိုက္ထူထားေသာ နိုင္ငံေတာ္အလံအား ဖ်က္ဆီးခဲ့သည့္ ေနရာသို့လည္း သြားေရာက္ၾကည့္ရွုခဲ့ပါသည္။ ထို့ေနာက္ ကြင္းဆင္းအဖြဲ႕သည္ ေလာက္ကိုင္ၿမိဳ့၌ ကိုးကန္႔ကိုယ္ပိုင္အုပ္ခ်ဳပ္ခြင့္ရေဒသဦးစီးအဖြဲ႕၊ ဥကၠ႒ ဦးေက်ာက္တယ္ခ်န္ႏွင့္ေတြ႕ဆုံ၍ ကိုးကန္႔ ေဒသတြင္ အေကာင္အထည္ေဖာ္ရန္ရွိသည့္ နယ္စပ္စီးပြားေရးဇုန္ကိစၥႏွင့္ နယ္နိမိတ္မွတ္တိုင္မ်ား ထိန္းသိမ္းေရးဆိုင္ရာကိစၥရပ္မ်ားႏွင့္စပ္လ်ဥ္း၍ အျမင္ခ်င္းဖလွယ္ ေဆြးေႏြးခဲ့ၾကေၾကာင္း သိရွိရသည္။
-Zawgyi
တရုတ်ဘက်မှ မြေထိန်းနံရံ တည်ဆောက်ခြင်းကြောင့် မြန်မာ-တရုတ် နယ်နိမိတ်မှတ်တိုင်များအား သွားရောက်စစ်ဆေး
:00pm
▪️ရှမ်းပြည်နယ်၊ “ဝ” ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင်၊ နမ့်တစ်မြို့ (“ဝ” အထူး ဒေသ-၂)အတွင်းရှိ နယ်နိမိတ်မှတ်တိုင် ၁၄၅(၁)အနီး နမ့်တိန်ချောင်းအတွင်းသို့ တရုတ်ဘက်မှ ကျောက်တုံးကြီးများချ၍ တိုးချဲ့မြေဖို့ကာ မြေထိန်းနံရံ တည်ဆောက်ခြင်း၊ လမ်းဖောက်လုပ် ခြင်းနှင့် နယ်နိမိတ်မှတ်တိုင် ၁၅၈(၁) အနီး နမ့်ကွန်ချောင်းနှင့် ချောင်းလက်တက်ဖြစ်သည့် နမ့်အစ်ချောင်းအတွင်း မြေထိန်းနံရံ တည်ဆောက်ခြင်းတို့ကြောင့် မြန်မာဘက်ကမ်းပါးများ ရေတိုက်စားခံရပြီး ပြိုကျပျက်စီးခြင်းမှ ကာကွယ်နိုင်ရေးအတွက် မြေထိန်းနံရံတည်ဆောက်မည့် နေရာများနှင့် မြေပြင်အခြေအနေတို့ကို သိရှိနိုင်ရန် ကောင်စစ်ရေးရာနှင့် ဥပဒေရေးရာဦးစီးဌာန၊ ညွှန်ကြားရေးမှူးချုပ် ဦးအောင်ကျော်ဇံ ဦးဆောင်သည့် ကွင်းဆင်းအဖွဲ့သည် ၂၀၂၀ ပြည့်နှစ်၊ ဖေဖော်ဝါရီလ ၂၉ ရက်နေ့မှ မတ်လ ၄ ရက်နေ့အထိ သက်ဆိုင်ရာနယ်မြေသို့ သွားရောက်ကွင်း ဆင်းစစ်ဆေးခဲ့ပါသည်။
ကွင်းဆင်းစစ်ဆေးရေးအဖွဲ့သည် “ဝ” ကိုယ်ပိုင်အုပ်ချုပ်ခွင့်ရ တိုင်းဦးစီးအဖွဲ့၊ ဥက္ကဋ္ဌ ဦးခွန်ထွန်းလူနှင့် လည်းကောင်း၊ နမ့်တစ်မြို့ ဒုတိယမြို့နယ်အုပ်ချုပ်ရေးမှူး ဦးလျူကော်ရှင်းနှင့် လည်းကောင်းတွေ့ဆုံ၍ နယ်နိမိတ်ကိစ္စအပါအဝင် နယ်မြေဒေသ ဖွံ့ဖြိုးတိုးတက်ရေးနှင့်စပ်လျဉ်း၍ အမြင်ချင်းဖလှယ် ဆွေးနွေးခဲ့ကြပါသည်။ ကွင်းဆင်းစစ်ဆေးရာတွင် တရုတ်နယ်ခြားစောင့် တပ်ဖွဲ့မှ နယ်နိမိတ်မှတ်တိုင် ၁၄၄-၃ နှင့် ၁၄၄-၄ အကြား မြန်မာဘက်က စိုက်ထူထားသော နိုင်ငံတော်အလံအား ဖျက်ဆီးခဲ့သည့် နေရာသို့လည်း သွားရောက်ကြည့်ရှုခဲ့ပါသည်။ ထို့နောက် ကွင်းဆင်းအဖွဲ့သည် လောက်ကိုင်မြို့၌ ကိုးကန့်ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့၊ ဥက္ကဋ္ဌ ဦးကျောက်တယ်ချန်နှင့်တွေ့ဆုံ၍ ကိုးကန့် ဒေသတွင် အကောင်အထည်ဖော်ရန်ရှိသည့် နယ်စပ်စီးပွားရေးဇုန်ကိစ္စနှင့် နယ်နိမိတ်မှတ်တိုင်များ ထိန်းသိမ်းရေးဆိုင်ရာကိစ္စရပ်များနှင့်စပ်လျဉ်း၍ အမြင်ချင်းဖလှယ် ဆွေးနွေးခဲ့ကြကြောင်း သိရှိရသည်။
-Unicode
Ⓜ4
