Seikku Cho Cho

29/07/2026

📚 ယခုရက်များအတွင်း လတ်တလော ဖြန့်ချိဖို့ စီစဉ်ထားရှိတဲ့ စာသင်သားသုံးနှင့် ကလေးဖတ်ပုံပြင်၊ သုတ၊ ကာတွန်း ရုပ်ပြစာအုပ်များကို မိတ်ဆက်ပေးပါမယ်ရှင်။

💥 ပုံတစ်ပုံချင်းစီရဲ့အောက်မှာ စာအညွှန်းလေးတွေ ထည့်ပေးထားပါတယ်ရှင်။

💥 ရရှိနိုင်တဲ့ စာအုပ်စာရင်းလေးကို https://drive.google.com/file/d/1OcMB3yHrwWi-QNmXZNf7skb-job4JH9W/view?fbclid=IwY2xjawTWjfJleHRuA2FlbQIxMABicmlkETFXRGFHRThhM213N0M2VnVoc3J0YwZhcHBfaWQQMjIyMDM5MTc4ODIwMDg5MgABHuLoBrjhyNE6Wc7MdHhFtu-MoswvWEGVZT_zatMo4PeU7tL148o4EdpZJVZc_aem_cvHCz69EFcUEfw3QOXuTog မှာ ဝင်ရောက်ကြည့်ရှုနိုင်ပါတယ်ရှင်။

#စိတ်ကူးချိုချို #စာပေ cho cho

29/07/2026

📚 မရဲတရဲ ဘာဝယ်မလဲရှင့်
🖊️ နုနုရည်အင်းဝ

✨ နွေပူပူ၊ မိုးသည်းသည်း၊ နှင်းပြိုက်ပြိုက် ကျနေပါစေ၊ မနက် အရုဏ်တက်ပြီဆိုလျှင် ငရုတ် ကြက်သွန်အိတ်များ၊ ငါးပိ ငါးခြောက်၊ လက်ဖက် အကြော်စုံအိတ်လေးများ၊ ပဲကြီး ကုလာပဲ ပဲမျိုးစုံအိတ်လေးများ၊ ဗမာဆေး ဆေးရွက်ကြီးနှင့် အိမ်သုံး တိုလီမိုလီပစ္စည်းများ၊ ရေနံဆီ ဓါတ်ဆီ အုန်းဆီ , ပုံးနှင့် ပုလင်း ခြင်တွယ်စရာလေးများ တင်ဆောင်ထားပြီး တစ်ခါတလေ ကျွက်ကျွက်ညံစွာ၊ တစ်ခါတစ်ရံ ငိုက်မျဥ်းနေကြသော တောဈေးသည်များ တင်ဆောင်လာသည့် တောဈေးကားအိုကြီးသည် အိပဲ့အိပဲ့ ဘယ်ညာလှုပ်ယမ်းရင်း စက်သံမျိုးစုံ အော်မြည်ကာ မြို့ကလေးမှ တောရွာဈေးများဆီသို့ ထွက်ခွာသွားသော ပုံရိပ်လွှာကို ဝတ္ထု အဖွင့်မှာပင် မြင်တွေ့ရပါမည်။
✨ ဆရာမနုနုရည်အင်းဝ လွန်ခဲ့သော နှစ် ၄၀ ကပထမဆုံး ရေးဖွဲ့ခဲ့သည့် အညာမြို့ကလေးဆီမှ အနီးဝန်းကျင် ကျေးလက်တောရွာဈေးလေးများသို့ ဈေးရောင်းထွက်သွားသည့် တောဈေးသည်များ၏ ဘဝနောက်ခံ လုံးချင်းဝတ္ထု ဖြစ်ပါသည်။ ၁၉၈၀ ဝန်းကျင်နှစ်များသည် တစ်ပါတီ အုပ်ချုပ်မှုအောက် စီးပွားရေး ကမောက်ကမဖြစ်ကာ ပြည်သူများပါ ချွတ်ခြုံကျ ဆင်းရဲကျပ်တည်းနေချိန် ဖြစ်သည်။ မန္တလေးနှင့် မနီးမဝေးမြို့ကလေးမှ ကျေးရွာများသို့ ဈေးရောင်းထွက်သူများမှာလည်း အဆင်ပြေကြသည်တော့ မဟုတ်၊ သည်အထဲ အေးစိုလည်း ပါ၏။
✨ အိမ်ထောင်ကွဲ ဖခင်နှင့် ကျန်ခဲ့သော အေးစို၊ အေးညို နှင့် ခွေးသိုးတို့မောင်နှမသုံးယောက်တွင် အေးစိုသည် အကြီးဖြစ်၍ အိမ်ထောင့်တာဝန်ယူရင်း တောစျေးလိုက်ရသော ဈေးသည်မလေး ဖြစ်ခဲ့ချေသည်။ ဆရာမ နုနုရည်အင်းဝသည် ငယ်စဥ်က ရင်းနှီးကျွမ်းဝင်ခဲ့သော ငါးရက်တစ်ဈေးနှင့် တောဈေး သည်လေးများဘဝကို အေးစိုအား အခြေပြု၍ ပီပြင်စွာ ရေးဖွဲ့ထားခဲ့သည်။
✨ အေးစိုလို ခက်ခဲပင်ပန်းသော ဘဝတူတွေအကြောင်း ဖော်ပြရင်း ထိုကာလက တိုင်းပြည်စီးပွားရေးတစ်စိတ်တစ်ပိုင်းကို မီးမောင်းထိုးပြ ခဲ့သည်။ တောဈေးသည်လေးများဘဝ ခြယ်မှုန်းဖော်ပြခြင်းဖြင့် သူတို့လေးတွေ၏ အမောတွေ သိခွင့် ရသလို စာနာ နားလည်ခွင့်လည်း ရလေသည်။ အေးစိုကို အခြေပြုရေးဖွဲ့သော ယခုဝတ္ထုတွင် ကုန်အမျိုးမျိုးရောင်းသည့် မိတ်ဆွေ ဈေးသည်များ၊ ဈေးကားလိုက်သော တစ်ရပ်တည်းနေ ကျော်သန်းနှင့် ဝင်းဖောင်၊ အေးစိုအပေါ် မေတ္တာသက်ဝင်နေသော မြင်းလှည်းသမား ကိုစံမောင်တို့လို ဇာတ်ဆောင်များဖြင့် ယှက်ဝန်းနွေးထွေးစွာ ဖတ်ရှုရပါမည်။
✨ တစ်ရက် အေးစိုတို့ တောဈေးထွက်ပြီး မြို့သို့အပြန် သူတို့မြို့ကလေး မီးဟုန်းဟုန်းတောက် လောင်ကျွမ်းနေကြောင်း မြင်လိုက်ရသောအခါ ...၊
ဝတ္ထုကိုဆက်ဖတ်ရန် မဝံ့မရဲ ဖြစ်ရသည်အထိ စာရေးသူ၏ အရေးအဖွဲ့က ဆွဲဆောင်မှု ရှိလှသည်။
✨ စာရေးသူသည် ထိုကာလက ဝတ္ထုတိုကလေးများ ရေးသားနေပြီ ဖြစ်သော်လည်း ဤဝတ္ထုရှည်ဖြင့်ပင် နုနုရည်အင်းဝ ဟု အထင်ကရ ဖြစ်ခဲ့ရလေသည်။ နှစ် ၄၀ က ဝတ္ထုဖြစ်ပါသည်။

29/07/2026

✨ 📚 ယခုရက်များအတွင်း လတ်တလော ဖြန့်ချိဖို့ စီစဉ်ထားရှိတဲ့ ဘာသာပြန်စာပဒေသာ၊ ကဗျာ နှင့် သုတစာအုပ်များကို ပထမအသုတ် မိတ်ဆက်ပေးပါမယ်ရှင်။ ✨ 📚

💥 ပုံတစ်ပုံချင်းစီရဲ့အောက်မှာ စာအညွှန်းလေးတွေ ထည့်ပေးထားပါတယ်ရှင်။

#စိတ်ကူးချိုချို #စာပေ cho cho

29/07/2026

✨ 📚 ယခုရက်များအတွင်း လတ်တလော ဖြန့်ချိဖို့ စီစဉ်ထားရှိတဲ့ စာပေ၊ ဘာသာရေးနှင့် ယဉ်ကျေးမှုဆိုင်ရာ၊ ဘဝမှတ်တမ်း စာအုပ်များကို ပထမအသုတ် မိတ်ဆက်ပေးပါမယ်ရှင်။ ✨ 📚

💥 ကလောင်စုံ (ဝတ္ထုရေးနည်း ဝတ္ထု) ကိုတော့ ယခင်ရက်များက တင်ထားပေးပြီးဖြစ်ပါတယ်ရှင်။

💥 ပုံတစ်ပုံချင်းစီရဲ့အောက်မှာ စာအညွှန်းလေးတွေ ထည့်ပေးထားပါတယ်ရှင်။

#စာပေ cho cho

28/07/2026

✨ 📚 လတ်တလော ဖြန့်ချိဖို့ စီစဉ်ထားရှိတဲ့ ပင်ကိုရေး ရသဝတ္ထုနှင့် ကဗျာများ အသစ်နှင့် အဟောင်း ပြန်လည်စီစဉ်သည်များကို ပထမအသုတ် မိတ်ဆက်ပေးပါမယ်ရှင်။ ✨ 📚

✨ ဆရာ မောင်ဝဏ္ဏရဲ့ မောင်၊ ဆရာသုမောင်ရဲ့ အချစ်၏ နောက်ဆုံးနေ့များ၊ ဗိုလ်တာရာ (ရဲဘော်သုံးကျိပ်)ရဲ့ မာန်စွယ်ဖွေးဖွေး (မုဆိုးမှတ်တမ်းများ) တို့ကိုတော့ ယခင်ရက်များက တင်ထားပေးပြီးဖြစ်ပါတယ်ရှင်။

💥 ပုံတစ်ပုံချင်းစီရဲ့အောက်မှာ စာအညွှန်းလေးတွေ ထည့်ပေးထားပါတယ်ရှင်။

#စာပေ cho cho

28/07/2026

✨ ကာတွန်းချစ်သူများအတွက် ဆရာအော်ပီကျယ်ရဲ့မဂ္ဂဇင်းကာတွန်းများ ဆက်လက်စုစည်းမှု စာအုပ်လေးတစ်အုပ်ဖြစ်တဲ့ #ဆဋ္ဌမအစု စာအုပ်လေး ကို ဆရာ့လက်မှတ်လေးနဲ့ အမှတ်တရ ဖတ်ချင်သူများ၊ သိမ်းဆည်းချင်သူများ အတွက် page cb မှာ မှာယူလို့ ရပါပီရှင် ✨

28/07/2026

✨ 📚လတ်တလော ဖြန့်ချိဖို့ ရှိနေတဲ့ ဘာသာပြန်ရသစာအုပ်ကလေးများ ပထမအသုတ်နဲ့ မိတ်ဆက်ပေးပါမယ်ရှင်။✨ 📚

💥 ဆရာ ကျော်လှိုင်ဦးရဲ့ တစ်ထောင့်တစ်ည ပုံပြင်ပေါင်းချုပ် နှစ်တွဲကတော့ ယခင်ရက်များက တင်ထားပေးပြီး ဖြစ်ပါတယ်ရှင်။

💥 ပုံတစ်ပုံချင်းစီရဲ့အောက်မှာ စာအညွှန်းလေးတွေ ထည့်ပေးထားပါတယ်ရှင်။

#စာပေ cho cho

27/07/2026

#စာအုပ်စာပေချစ်သူများ အားလုံးသို့ ကျန်းမာချမ်းသာ ရှိကြပါစေကြောင်း မေတ္တာပို့သအပ်ပါတယ်ရှင်။

💥 စိတ်၏ခွန်အား၊ ကိုယ်၏ ခွန်အား၊ ဉာဏ်ပညာ၏ ခွန်အားများနဲ့ ပြည့်စုံသန်မာရှိကြလိမ့်မယ်လို့လည်း မျှော်လင့်ယုံကြည်လျှက်ပါရှင် 🙏🙏🙏

✨📚 ပြုလုပ်နေကျ နှစ်လယ် ဈေးလျှော့နှုန်းနဲ့ စာအုပ်ရောင်းမယ့် အစီအစဉ်လေးပါရှင်။ ✨📚

📅 ပြုလုပ်မယ့်ရက်က လာမယ့် #ဇူလိုင်လ ၃၁ ရက် (သောကြာနေ့) မှ # သြဂုတ်လ ၁၂ ရက် (ဗုဒ္ဓဟူးနေ့) အထိ ဖြစ်ပြီး ရန်ကုန်နှင့် မန္တလေး စိတ်ကူးချိုချိုနဲ့ အပါးတော်မြဲစာအုပ်ဆိုင်များ၊ Online Page များ၊ တယ်လီဂရမ်ချန်နယ်များနဲ့ Viber အားလုံး ပါဝင်မှာ ဖြစ်ပါတယ်။

🎉 စာအုပ်များအားလုံးကို
🔸 တစ်ဦးချင်း ၂၀% ၊
🔸 ကိုယ်စားလှယ်နှင့် စာကြည့်တိုက်များ ၃၅% လျှော့ချပေးသွားမှာ ဖြစ်ပြီး၊
🔸 တစ်ဦးချင်း ကျပ် ငါးသောင်းဖိုး ဝယ်ယူမှုတိုင်းအတွက် ၄၀% လျှော့ဖြင့် စာအုပ်တစ်အုပ် ထပ်မံရောင်းချပေးမှာ ဖြစ်ပါတယ်ရှင်။

💥 ရရှိနိုင်တဲ့ စာအုပ်စာရင်းလေးကို https://drive.google.com/file/d/1OcMB3yHrwWi-QNmXZNf7skb-job4JH9W/view?usp=sharing မှာ ဝင်ရောက်ကြည့်ရှုနိုင်ပါတယ်ရှင်။

💥 စာအုပ်လေးတွေကတော့ အတော်များများ အဆင်သင့်ဖြစ်နေပြီး စာအုပ်အချို့တော့ စတင်ဖြန့်ချိထားပြီ ဖြစ်ပါတယ်။ စာအုပ်အညွှန်း လေးများကိုလည်း ဆက်တိုက်တင်ပေးနေပါ့မယ်ရှင်။

📍 SKCC နတ်ချောင်းရုံး: အမှတ် ၇/၈၊ မြန်မာသီရိလင်္ကာရာမကျာင်းလမ်း၊ နတ်ချောင်းရပ်ကွက်၊ တာမွေမြို့နယ်။ (အာယုဆေးရုံနှင့်တာမွေဗလီထိပ်မီးပွိုင့်ကြား Great Garden ဟိုတယ်ဘေးလမ်းသွယ်)
📍 အပါးတော်မြဲ ရေကျော်: အမှတ် ၄၈၊ ရေကျော်လမ်းမ (သံလမ်းအနီး) ပုဇွန်တောင်မြို့နယ်။
📍 SKCC လမ်း ၄၀: အမှတ် ၂၅၂၊ လမ်း ၄၀ အပေါ်ဘလောက်၊ ကျောက်တံတားမြို့နယ်။
📍 SKCC လှည်းတန်း: အမှတ် ၂၊ လှည်းတန်းစင်တာအနီး၊ လှည်းတန်း ၁ လမ်း၊ ကမာရွတ်မြို့နယ်။
📍 SKCC မန္တလေး: အမှတ် ၇/၈၊ ၃၂ လမ်း၊ ၇၃×၇၄ကြား၊ ကံသူရလက်ဖက်ရည်ဆိုင်ဘေး။
💻 Online မှ စာအုပ်မှာယူမှုများအတွက်
🌻စိတ်ကူးချိုချို Online page များ
Telegram:https://t.me/skccph

Viber: +959406300006
Facebook Messenger: http://m.me/skccmyanmarbook
🌻အပါးတော်မြဲOnline Online page များ
Telegram: https://t.me/aptmbookshouse

Viber: +959887668558
Facebook Messenger:
http://m.me/aptmbookhouse
🌻မန္တလေး Online အရောင်းဌာန
Telegram: https://t.me/skccmdy

Viber: +959250584452 +959777799401 +959777799402
Facebook Messenger:
https://m.me/SKCCMandalay See less

cho cho #စာအုပ်ဈေးရောင်းပွဲ #စာအုပ်ချစ်သူများ

Seikku Cho Cho is a publishing house.

25/07/2026

📚 စာပေချစ်သူများအတွက် သတင်းကောင်းနှင့် Online Pre-order အထူးအစီအစဉ်လေး လာပါပြီရှင်။
✨Pre-Order 20% Off & Tote Bag Lucky Draw✨

📖 ဆရာဒေါက်တာစိုးသန်း ရဲ့ Social Media ပေါ်က အင်္ဂလိပ်-မြန်မာ နှစ်ဘာသာနဲ့ တင်ခဲ့သမျှ ဖတ်စရာ၊ မှတ်စရာ အက်ဆေးစာတိုလေးများ စုစည်းထားတဲ့ Literature with a small L (2) “စစ်မှန်တဲ့ဉာဏ်ပညာနဲ့ ဖတ်စေချင်သည့်စာတိုပေစများ (၂)” ဆိုတဲ့ စာအုပ်အသစ်လေး ထွက်ရှိလာတော့မှာ ဖြစ်ပါတယ်။
📖 ဒီစာအုပ်လေးဟာ အင်္ဂလိပ်စာ လေ့လာသူတွေအတွက်ရော၊ စာပေဝါသနာအိုးတွေအတွက်ပါ တွေးတွေးခေါ်ခေါ် အေးအေးလူလူ ဖတ်ရှုလို့ရမယ့် အကြောင်းအရာအစုံအလင် ပါဝင်တဲ့ Bilingual (နှစ်ဘာသာ) စာအုပ်ကောင်းလေးတစ်အုပ် ဖြစ်ပါတယ်။ ယခုအခါမှာတော့ စာအုပ်လေးကို Pre-Order 20% Off နဲ့မှာယူပြီး tote bag အိတ်လေးတွေ ကံစမ်းနိုင်မယ့် အစီအစဉ်လေးကို ဒေါက်တာစိုးသန်းရဲ့ စာချစ်သူများအတွက် စီစဉ်ပေးထားပါတယ်ရှင်။

Pre-order အထူးအစီအစဉ်
✨ စာအုပ်လေး မထွက်ခင် Pre-order အုပ်ရေ (၂၀၀) ကို ကန့်သတ်ကောက်ခံသွားမှာဖြစ်ပြီး ဒီအထဲကမှ ကံထူးရှင် အယောက် (၃၀) ကို အိတ် လှလှလေး အလုံး ၃၀ မဲဖောက်ပေးသွားမှာပဲ ဖြစ်ပါတယ်။
🗒️ Pre-order မှာယူနိုင်မည့်ရက် - ဇူလိုင် ၂၅ ရက်နေ့မှ ဇူလိုင် ၃၀ ရက်နေ့အထိ
📌 တန်ဖိုး - 18,000 ကျပ်
📌 Pre-Order 20% Off တန်ဖိုး - 14,400 ကျပ်
📍 မှာယူနိုင်သည့်နေရာများ
‌ - ရန်ကုန်စိတ်ကူးချိုချို အွန်လိုင်းအရောင်းဌာန
- အပါးတော်မြဲ အွန်လိုင်းအရောင်းဌာန
- မန္တလေးစိတ်ကူးချိုချို အွန်လိုင်းအရောင်းဌာန
‌ - ( Telegram မှ မှာယူမှုများ အကျုံးမဝင်ပါသဖြင့် သတ်မှတ်ထားသော Page များတွင်သာ မှာယူပေးပါရန်)

📖 အင်္ဂလိပ်စာလေ့လာသူ၊ ဘဝခရီးအတွက် အတွေးအမြင် စာပေဗဟုသုရှာဖွေသူတို့အနေနဲ့ ဆရာ့ရဲ့စာအုပ်လေးကို လက်ဝယ်ပိုင်ဆိုင်ရင်း Lucky Draw အိတ်ကလေးတွေကို ကံစမ်းနိုင်ပါပြီရှင်။

24/07/2026

📒 မောင်
🖋️ မောင်ဝဏ္ဏ

🌻 ချမ်းသာပြည့်စုံသည့် မိသားစုတွင် ကြီးပြင်းလာပြီး အသက် ၁၈ နှစ်ကျော် တက္ကသိုလ်ကျောင်းသားဘဝ ရောက်ခါမှ မိမိသည် သားအရင်းမဟုတ်၊ မွေးစားသားသာ ဖြစ်ကြောင်း ရုတ်တရက် သိလိုက်ရချိန်တွင် မောင်နှမအရင်းအဖြစ် သိမှတ်ခဲ့သော၊ အစ်မအရင်းအဖြစ် ဆက်ဆံခဲ့သူ နှစ်ဦးကြား ခြားနားသွားသည့် အခြေအနေတစ်ရပ်နှင့် သိမ်မွေ့ နူးညံ့ပြီး နားလည်ရန်ခက်ခဲသော ချစ်ခြင်းမေတ္တာအကြောင်း ဖွဲ့ဆိုထားသည့် ဝတ္ထု ဖြစ်သည်။
🌻 အမည်ရင်း မောင်မောင်ဆွေ ဟုတွင်သော " မောင် " တွင် လူမှန်းမသိခင်ကပင် မွေးစားခဲ့သည့် အမေ ဒေါ်မေမေဦး၊ အိမ်ထောင်သည်အစ်မကြီး တင်သူဇာဆွေ၊ အစ်မ မလတ်တို့နှင့် ပြည့်စုံပျော်ရွှင်ဖွယ် မိသားစုကလေး ပိုင်ဆိုင်ခဲ့ဖူး၏။ အထက်အောက် မောင်နှမ မလတ်နှင့် မောင်မှာ ကလေးဘဝကပင် သံယောဇဉ်ကြီးခဲ့ကြ၊ မလတ် အိမ်ထောင်ပြုသည့်နေ့တွင် မမျှော်လင့်ဘဲ အဖြစ်အပျက်တစ်ခုကြောင့် မွေးစားသားမှန်း မောင် သိသွားခဲ့၊ မောင့်မှာ ကျိတ်ပုန်းချစ်နေသော တက္ကသိုလ်ဆရာမလေး မမနီနီလည်း ရှိပြန်၊ သို့သော် မမနီနီသည် မောင့်ကို ကလေးသာသာ သဘောထားလေသူ၊ အလိုရမ္မက်ကြီးသည့် ယောက်ျားကြောင့် အိမ်ထောင်ရေး မသာယာသော
မလတ်တစ်ယောက် မောင်က မမနီနီကို စွဲစွဲလမ်းလမ်းဖြစ်နေမှန်း သိသွားသည့်အခါ ယခင် သာယာစိုပြည်ခဲ့သော မိသားစုဘဝကလေး တစ်မျိုးတစ်ဖုံ ပြောင်းလဲသွားခဲ့၊ နားလည်ရန်ခက်ခဲသော ချစ်ခြင်းတရားကြား ပဟေဠိပုစ္ဆာ အဖြေထုတ်ရသလို မောင်နှင့်မလတ် မည်သို့ ခရီးဆက်ကြမလဲ။
🌻 ဆုံစည်းရန် ခက်ခဲသော ချစ်ခြင်းမေတ္တာဖြင့် ပန်းလျစွာ ဖွဲ့ဆိုထားသည့် ဆရာမောင်ဝဏ္ဏ၏ အရေးအဖွဲ့ကို " မောင်သည် သူ့မောင်အရင်းမဟုတ်။ မောင်နှင့် သူနှင့် သွေးမတော် သားမစပ်။ မလတ် ရင်တုန်လာသည်။ မောင့်ကို ကြည့်သည်။ အရင်က မောင် မဟုတ်တော့၊ ရုတ်ခြည်းပြောင်းလဲသွားသော မောင်၊ မောင်အရင်းမဟုတ်သော မောင်၊ ချစ်ရသော မောင်၊ မောင်အရင်းအဖြစ် ချစ်ခဲ့ရသော မောင် ...။
မောင်ကလည်း မလတ်ကိုကြည့်သည်။ သူ့ရင်၌လည်း တဆတ်ဆတ် ခုန်နေသည်။ မလတ်ကို အရင်တုန်းကလို မမြင်တော့။ သိပ်လှသော မလတ်၊ အစ်မအရင်း မဟုတ်သော မလတ်။ အတန်ကြာကြီး စိုက်ကြည့်နေမိကြသည်။ ထိုတဒင်္ဂသည် မောင်နှင့်မလတ်တို့၏ စိတ်နှလုံးကို အပြောင်းလဲကြီး ပြောင်းလဲပစ်လိုက်၏ " ဟု စာအုပ်တစ်နေရာတွင် ဖတ်ရပါမည်။
🌻 ၁၉၈၀ ပြည့်နှစ်က ပထမအကြိမ် ထုတ်ဝေခဲ့ပြီး နှစ် ၄၀ ကျော်ခါမှ ပြန်လည် ထွက်ရှိလာသည့်စာအုပ်ဖြစ်ရာ အသစ်သဖွယ် ဖတ်ရှုရပါမည်။