https://sites.google.com/view/digital-business-agency/home

DBA Myanmar, Yangon (2026)

15/02/2026

မရမ်းကုန်းမြို့နယ် အမှတ်(၂)ရပ်ကွက် နေအိမ် မီးလောင်မှုဖြစ်ပွား အမျိုးသမီးနှစ်ယောက်သေဆုံးခဲ့

၁၄ ၊ ဖေဖော်ဝါရီ ၊ ၂၀၂၆ (Crime Media)

ရန်ကုန်တိုင်း၊ မရမ်းကုန်းမြို့နယ်၊ အမှတ်(၂)ရပ်ကွက်၊ အောက်ဗဟိုလမ်းရှိ နေအိမ်တစ်လုံး ယနေ့ မနက်ပိုင်း က မီးလောင်မှုဖြစ်ပွားခဲ့ပြီး အမျိုးသမီးနှစ်ယောက်သေဆုံးခဲ့ပါတယ်။

ယနေ့ ဖေဖော်ဝါရီ ၁၅ ရက်နေ့ မနက် ၃ နာရီ ခွဲကျော်အချိန်က စတိုးဆိုင်ဖွင့်ထားတဲ့ နေအိမ်မှ မီးလောင် ကျွမ်းမှုဖြစ်ပွားခဲ့တာဖြစ်ပြီး နေအိမ်ပိုင်ရှင်တွေဖြစ်တဲ့ အသက်ကြီးပိုင်း ညီအစ်မနှစ်ယောက် သေဆုံးခဲ့ တာဖြစ်တယ်လို့ သိရပါတယ်။

သေဆုံးသွားတဲ့ အမျိုးသမီးနှစ်ယောက်မှာ နေအိမ်အတွင်း သေဆုံးခဲ့တာဖြစ်ကြီး အသက် ၆၀ ကျော် အရွယ်ရှိကာ နေအိမ်အပေါ်ထပ်ကစတင်ပြီး မီးလောင်မှုဖြစ်ပွားခဲ့တာဖြစ်ပေမယ့် မီးလောင်မှုအကြောင်း အရင်းကိုတော့ စစ်ဆေးနေဆဲဖြစ်တယ်လို့ မီးသတ်ရဲဘော်တစ်ဦးက ပြောပါတယ်။

မီးလောင်မှုတွင် သေဆုံးခဲ့သူ အမျိုးသမီးနှစ်ယောက် ရုပ်အလောင်းကို အင်းစိန်ဆေးရုံကြီးသို့ ပို့ဆောင်ထား ပြီး မရမ်းကုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ်ယာဉ်(၁)စီး၊ လှိုင်မြို့နယ်မီးသတ် စခန်းမှ မီးသတ်ယာဉ်(၁)စီး နဲ့ ရွှေရောင်းသမိုင်းလူမှုကယ်ဆယ်ရေးအသင်းတို့က ပူးပေါင်းငြိမ်းသတ်ခဲ့ကြပါတယ်။

14/02/2026

ရန်ကုန်-မန္တလေးအမြန်လမ်းမကြီးပေါ်တွင် ကားတိုက်မှုဖြစ်ပွား ၁ ဦးသေဆုံး ၁၄ ဦးဒဏ်ရာရ

၁၄ ၊ ဖေဖော်ဝါရီ ၊ ၂၀၂၆ (Crime Media)

ရန်ကုန် - မန္တလေး အမြန်လမ်းမှာ ယနေ့ ဖေဖော်ဝါရီ ၁၄ ရက် မနက်ပိုင်းက ယာဉ်တိုက်မှု ဖြစ်ပွားခဲ့ပြီး ၁ ဦးသေဆုံးကာ ၁၄ ယောက် ဒဏ်ရာရရှိခဲ့ပါတယ်။

နံနက် ၁ နာရီ ၄၅ မိနစ်ခန့်က အိမ်စီးကားက Town Ace ကားနောက်ပိုင်းကို ဝင်တိုက်မှုဖြစ်ပွားခဲ့တာဖြစ်ပြီး အမြန်လမ်းမကြီးအတိုင်း ရန်ကုန်ဘက်မှ‌ နေပြည်တော်ဘက်သို့ Town Ace ကားသည် ညာဘက်ယာဉ် ကြောအတိုင်းမောင်းနှင်လာစဥ် မိုင်တိုင် အမှတ် ၁၄၂/၁ နှင့် ၁၄၂/၂ ကြားအရောက် နောက်မှလိုက်ပါလာတဲ့ အိမ်စီးကားကအရှိန်မထိန်းနိုင်ဘဲဝင်တိုက်မိခဲ့တာဖြစ်တယ်လို့ သိရပါတယ်။

ယာဉ်တိုက်မှုတွင် အမျိုးသမီး တဦးဆေးရုံအရောက်မှာ သေဆုံးခဲ့ပြီး ဒဏ်ရာရရှိခဲ့သူများမှာ အမျိုးသား လေးဦးနဲ့ အမျိုးသမီး ၁၀ ဦး ဒဏ်ရာရရှိခဲ့တဲ့အတွက် တောင်ငူပြည်သူ့ဆေးရုံကို ပို့ဆောင်ထားပါတယ်။

ကားတိုက်မှုဖြစ်စဉ်တွင် လိုက်ထရပ် ကားပေါ်မှာ အမျိုးသား ၄ ဦး အမျိုးသမီး ၉ ဦး လိုက်ပါလာတာဖြစ်ပြီး ဆူဇူကီးကားပေါ်မှာတော့ အမျိုးသားတစ်ဦးနဲ့ အမျိုးသမီး တစ်ဦး လိုက်ပါလာတယ်လို့ သိရပါတယ်။

14/02/2026

မေတ္တာညွန့် ရပ်ကွက် စက်မှု(၁) လမ်းတွင် မီးပူပလပ်ထိုးထားရာမှ မီးလောင်မှုဖြစ်ပွား

၁၃ ၊ ဖေဖော်ဝါရီ ၊ ၂၀၂၆ (Crime Media)

ရန်ကုန်တိုင်း၊ တာမွေမြို့နယ်၊ မေတ္တာညွန့် ရပ်ကွက်၊ စက်မှု(၁) လမ်းတွင် အိပ်ခန်းအတွင်း မီးပူပလပ် ထိုးထားရာမှ အပူလွန်ကဲပြီး မီးလောင်မှု ဖေဖော်ဝါရီ ၁၃ ရက် ည (၈) နာရီ ခွဲကျော်အချိန်က မီးလောင်မှု ဖြစ်ပွားခဲ့ပါတယ်။

အဆိုပါ မီးလောင်ပြင်ကို Level 1အဆင့်သတ်မှတ်ပြီး မီးသတ်တပ်ဖွဲ့ ခရိုင်/မြိုနယ် မီးသတ်ယာဉ်(၁၂) စီး၊ ရေသယ် ယာဉ်(၃)စီး၊ အထောက်ကူပြုယာ ဉ်(၂)စီး၊ အုပ်ချုပ်မှုယာဉ်(၁)စီး၊ အပါအဝင် ဒေသခံ လူမှုကူညီ ရေးအဖွဲ့တို့သွား ရောက်ငြှိမ်းသတ်ခဲ့ရာ ည (၉ )နာရီ (၉) မိနစ်အချိန်တွင် မီးငြိမ်းသတ်နိုင်ခဲ့ကြောင်း
မြန်မာနိုင်ငံမီးသတ်တပ်ဖွဲ့ထံက သိရပါတယ်။

မီးလောင်ခံရတဲ့အတွက် အမှတ်(၁၁၁)မှ ၂ ထပ်အုတ်ပျဉ်(၁) လုံး၊ ၂ထပ်ပျဉ်(၁)လုံး၊ အမှတ်(၁၁၄) မှာ ထပ်ပျဉ်ထောင်(၂)လုံးစုစုပေါင်း အိမ်(၄)လုံးမီးလောင်ပျက်စီးဆုံးရှုးမှု တန်ဖိုး(၃၅၅၀၀၀၀)ကျပ်သတ်မှတ် မီးပေါ့ဆစွာအသုံးပြုသူဦးသီဟ(ခ) သက်ထွန်း ကို မြို့နယ်ရဲစခန်းတွင် အမှုဖွင့်စစ်ဆေးနေတယ် လို့ သိရ ပါတယ်။

မီးလောင်မှုတွင် လူထိခိုက်ဒဏ်ရာရရှိခဲ့မှု မရှိခဲ့ဘူးလို့ မီးငြိမ်းသတ်ရာတွင် ပါဝင်ကူညီပေးသူတစ်ဦးက ပြောပါတယ်။

13/02/2026

အမှိုက်ပုံထဲက ခြေနင်းမိုင်းကို ခဲနဲ့ထုခွဲကစားရာမှ ကလေးငယ် ၃ဦး ထိခိုက်ဒဏ်ရာရ ၁ဦးသေဆုံး

၁၃ ၊ ဖေဖော်ဝါရီ ၊ ၂၀၂၆ (Crime Media)

ကချင်ပြည်နယ် ဖားကန့်မြို့ တောင်ပြိုရွာတွင် ယနေ့ မနက်ပိုင်းက ကလေးများ အမှိုက်ပုံထဲက ခြေနင်း မိုင်းကို ခဲနဲ့ထုခွဲကစားရာမှ ကလေးငယ် ၄ဦး ထိခိုက်ဒဏ်ရာရခဲ့တယ်လို့ ဒေသခံတစ်ဦးကပြောပါတယ်။

"မနက်ကတောင်ပြိုက ကလေးတွေက၄ယောက်စုဆော့နေတာ။အမှိုက်ပုံထဲကခြေနင်းမိုင်းကိုတွေ့လို့ ယူလာတာ။ကလေးတယောက်ကိုနည်းနည်းလှမ်းတဲ့နေရာကသဲသွားကျုံးခိုင်းလို့သွားတဲ့အချိန်မှာကျန် တဲ့၃ယောက်ကအဲမိုင်းကိုခဲနဲ့ထုခွဲတာတဲ့။ခုတော့မိဘတွေကဆေးကုဖို့ခေါ်သွားကြပြီ " လို့ သူကပြော ပါတယ်။

မိုင်းပေါက်ကွဲမှုမှာ သေဆုံးခဲ့တဲ့ ကလေးငယ်က အသက် ၈ နှစ်အရွယ် ရခိုင်တိုင်းရင်းသား ကလေးငယ် ဖြစ်ပြီး တယောက်က မစိုးရိမ်ရ ဒဏ်ရာရရှိခဲ့ပြီး ကျန်နှစ်ယောက်ကတော့ ဒဏ်ရာပြင်းထန်တဲ့အတွက် စိုးရိမ်ရတယ်လို့ သိရပါတယ်။

ထိခိုက်ဒဏ်ရာ ရရှိသူတွေထဲက စိုးရိမ်ရတဲ့ အသက် ၈ နှစ်အရွယ် မနန်းခိုင်စိုး နဲ့ အသက် ၁၁ နှစ်အရွယ် မောင်ဦးကိုလင်းတို့ကို ဆေးကုသဖို့အတွက် မြစ်ကြီးနားဆေးရုံကို ပို့ဆောင်ထားပါတယ်။

ထောင်မိုင်းဆိုရင် ရပ်ကွက်နေပြည်သူ လူထုကြား မထောင်ကြဖို့ ကျေးရွာနေပြည်သူတွေက နှစ်ဖက် အဖွဲ့အစည်းကို တောင်းပန်ထားပါတယ်။

ယခုလ ၅ ရက်နေ့ကလဲ တောင်ပြို မှော်မောင်း သွားလမ်းမှာ မကွဲပဲ မြေစိုက်နေတဲ့ လက်နက်ကြီးကျဉ်ကို ဒေသခံ လူကြီးတစ်ဦး သတိပေးပြီး လူမှုကွန်ရက်ပေါ်မှာ သတိပေးထားခဲ့ပါတယ်။

“ကလေးငယ်များဟာစစ်၏စတေးခံမဖြစ်ထိုက်ပါဘူး။လူနေရပ်ကွက်နဲ့ရွာများမှာမိုင်းထောင် မိုင်းဆွဲခြင်း ကိုအလျင်စလိုမလုပ်ကြဖို့တောင်းပန်အပ်ပါတယ်။မြေမြုတ်မိုင်းအန္တရာယ်နဲ့ မပေါက်ကွဲသေးတဲ့မိုင်းအန္တ ရာယ်တွေကိုကာကွယ်ရှောင်ရှားနိုင်ဖို့ကလေးသူငယ်တွေကိုအသိပညာပေးဖို့လိုပါပြီ” လို့ ဒေသခံ တစ်ဦးက ပြောပါ်တယ်။

စစ်ရေးတင်းမာပြီး မတည်ငြိမ်သေးတဲ့ ဒေသတွေမှာ မြေမြုတ်မိုင်းအန္တရာယ်၊ မပေါက်ကွဲသေးတဲ့ လက်နက် ကြီးအန္တရာယ်နဲ့ လေယာဉ်အန္တရာယ်တွေကို အထူးဂရုစိုက်ဖို့ လိုအပ်ပြီး အထူးသဖြင့် မိဘပြည်သူများအနေ နဲ့ မိမိတို့ရဲ့ သားသမီးတွေကို ဒီအန္တရာယ်တွေနဲ့ပါတ်သတ်ပြီး အသိပညာ ပေးရှင်းပြထားဖို့ လိုအပ်တယ်လို့ သူကပြောပါတယ်။

ကလေးငယ်တွေကို လမ်းဘေးဝဲယာ ခြုံနွယ်များကြား မဆော့ကစားစေဖို့နဲ့ မပေါက်ကွဲသေးတဲ့ မိုင်း(ဒါမှမ ဟုတ်) လက်နက်များတွေ့ရှိခဲ့ရင်လည်း မထိ မကိုင်တွယ်မိစေဖို့ ကြိုတင်အသိပေး တားမြစ်ပြီးဖြစ်သွား ခဲ့ရင် ဘယ်သူ့ကိုမှအပြစ်တင်လို့မရနိုင်တဲ့အတွက် ထိခိုက်နစ်နာသူက ပြည်သူ သာဖြစ်တယ်လို့ ဒေသခံတစ်ဦးက ပြောပါတယ်။

13/02/2026

အွန်လိုင်းဂိမ်းရှုံးပြီး ကြွေးမဆပ်နိုင်သူကို တရုတ်ပြည်ရောင်းစားဖို့ စီစဉ်တဲ့ အမျိုးသမီးနှစ်ဦးကို ထောင်(၁၀)နှစ် ချမှတ်

၁၃ ၊ ဖေဖော်ဝါရီ ၊ ၂၀၂၆ (Crime Media)

အွန်လိုင်းကျွဲဂိမ်းကစားပြီး ငွေကျပ်သိန်း (၃၀) အကြွေးတင်ကာ နေအိမ်အပေါင်ဆုံးတော့မယ့် မအူပင်မြို့က အမျိုးသမီးတစ်ဦးကို တရုတ်မယားအဖြစ် ပို့ဆောင်ရောင်းစားဖို့ စီစဉ်သူ အမျိုးသမီး နှစ်ဦးကို မူဆယ်ခရိုင် တရားရုံးက ထောင်ဒဏ် (၁၀)နှစ်စီ ချမှတ်လိုက်ပါတယ်။

ဧရာဝတီတိုင်း မအူပင်မြို့ အမှတ်(၂)ရပ်ကွက်မှာ နေထိုင်သူ အမျိုးသမီးတစ်ဦးမှာ အွန်လိုင်းကျွဲဂိမ်း ကစားခဲ့ရာမှ ကျပ်သိန်း ၃၀ အကြွေးတင်ခဲ့ပြီး မိခင်ဖြစ်သူနေအိမ်ကို ပေါင်နှံကာ အကြွေးဆပ်ခဲ့ပါတယ်။

အဆိုပါ အကြွေးကို ခြောက်လကြာချိန်ထိ ပြန်မဆပ်နိုင်သေးတဲ့အတွက် နေအိမ်အပေါင်ဆုံးတော့မှာ ဖြစ်တဲ့အတွက်ကြောင့် အလုပ်ရှာဖွေခဲ့ရာတွင် မူဆယ်မြို့မှာ နေထိုင်သူ မချိုမာစိန်(ခ)မဗိုက် နဲ့ မဇင်နွယ်လတ် (ခ)မဇင်တို့နှင့် ချိတ်ဆက်မိခဲ့ပါတယ်။

အဆိုပါအမျိုးသမီး ၂ ဦးက တရုတ်နိုင်ငံမှာ တရုတ်ယောက်ျားယူပါက ကျပ်သိန်း ၈၀ ရရှိမှာဖြစ်ပြီး တစ်နှစ် ပေါင်းသင်းနေထိုင်ရမယ်လို့ ပြောဆိုစည်းရုံးကာ မူဆယ်မြို့သို့လာရောက်ရန်အတွက် လမ်းခရီးစရိတ်များ ထုတ်ပေးပြီးခေါ်ဆောင်ခဲ့တယ်လို့ သိရပါတယ်။

မူဆယ်မြို့သို့ ရောက်ရှိသွားချိန်မှာ အမျိုးသမီးကို ဓာတ်ပုံ/ဗီဒီယိုများ ရိုက်ကူးပြီး တရုတ်နိုင်ငံ ရွှေလီ မြို့မှာနေထိုင်သူ ပွဲစား ဂျာဆိုင်(ခ)ကချင်မထံ ပို့ပေးခဲ့ကာ မူဆယ်မြို့ ဗဟိုဆေးရုံတွင် ဆေးစစ်ပေး ခဲ့ပါတယ်။

အမျိုးသမီးက တရုတ်နိုင်ငံတွင် တရုတ်ယောက်ျားယူပါက တရုတ်ရဲတပ်ဖွဲ့ဝင်များ ဖမ်းဆီးခံရမည်ကို ကြောက်လန့်တဲ့အတွက် မချိုမာစိန် (ခ)မဗိုက်ကိုပြောပြရာတွင် တရုတ်ယောက်ျား မယူနိုင်ပါက လမ်းခရီးကုန်ကျစရိတ်များ ပြန်လည် ပေးလျော်ရမှာဖြစ်တယ်လို့ ပြန်ပြောခဲ့ပါတယ်။

လူကုန်ကူးမှုတားဆီးနှိမ်နင်းရေးရဲတပ်ဖွဲ့ Hot Line ဖုန်းနံပါတ်သို့ အမျိုးသမီးက ဆက်သွယ်အကူအညီ တောင်းခံခဲ့တဲ့အတွက် အမှတ် (၁၇) လူကုန်ကူးမှု တားဆီးနှိမ်နင်းရေးရဲတပ်ဖွဲ့စု(မူဆယ်)မှဖမ်းဆီးခဲ့ပြီး တရားလိုပြုလုပ်တိုင်တန်းခဲ့ရာ မူဆယ်မြို့မရဲစခန်း (ပ)၁၉၂/၂၀၂၅၊ လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၈(က)/၄၄ ဖြင့် အမှုဖွင့် တရားစွဲတင်ခဲ့ပါတယ်။

၂၀၂၆ ခုနှစ် ဖေဖော်ဝါရီ ၁၀ ရက်နေ့တွင် ဖမ်းမိတရားခံ မချိုမာစိန် (ခ)မဗိုက်နှင့် မဇင်နွယ်လတ် (ခ)မဇင်တို့ နှစ်ဦးကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈(က)အရ အလုပ်နှင့် ထောင် ဒဏ် (၁၀)နှစ်စီ ကျခံစေရန် အမိန့်ချမှတ်ခဲ့ပြီး ထွက်ပြေးတိမ်းရှောင်နေသူ တရားခံ ဂျာဆိုင်(ခ) ကချင်မကို ရာဇဝတ် ကျင့်ထုံး ဥပဒေပုဒ်မ ၈၇/၈၈ အတည်ပြုထုတ်ဆင့်ခဲ့တယ်လို့ သိရပါတယ်။

13/02/2026

မြောက်ဥက္ကလာပမြို့နယ် အဝိုင်းကြီးကားမှတ်တိုင်အနီးတွင် YBS ၄၂ မီးလောင်

၁၃ ၊ ဖေဖော်ဝါရီ ၊ ၂၀၂၆ (Crime Media)

ရန်ကုန်တိုင်း၊ မြောက်ဥက္ကလာပမြို့နယ်၊ (ဃ/တိုးချဲ့) ရပ်ကွက်၊ သုဓမ္မာလမ်း၊ အဝိုင်းကြီး ကားမှတ်တိုင် အနီးတွင် ယနေ့နေ့လည်ပိုင်းက YBS ၄၂ မီးလောင် မီးလောင်မှုဖြစ်ပွားခဲ့ပါတယ်။

ယနေ့ ဖေဖော်ဝါရီ ၁၃ ရက်နေ့ နေ့လည် ၁နာရီ ကျော်အချိန်က မီးလောင်ခဲ့တာဖြစ်ပြီး လူထိခိုက်ဒဏ်ရာ ရ သေဆုံးသူမရှိဘူးလို့ မျက်မြင်တွေ့သူတစ်ဦးက ပြောပါတယ်။

မော်တော်ယာဉ် မီးလောင်မှုဖြစ်ပွားကြောင်း သတင်းရရှိသဖြင့် မြောက်ဥက္ကလာပမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ နာ/ကူ(ရန်ကုန်)သီးသန့် မီးသတ်စခန်းမှ မီးသတ်ယာဉ် (၁)စီး ထွက်ခွာငြိမ်း သတ်ပေးခဲ့တယ်လို့ သိရပါတယ်။

13/02/2026

သန်လျင်ဂေါက်ကွင်းရေကန်မှာ ရေဆင်းကူးတဲ့ လူငယ်အမျိုးသားနှစ်ဦး ရေနစ်သေဆုံး

၁၃ ၊ ဖေဖော်ဝါရီ ၊ ၂၀၂၆ (Crime Media)

ရန်ကုန်တိုင်း၊ သန်လျင်မြို့နယ်၊ အောင်ချမ်းသာရပ်ကွက်၊ တပင်ရွှေထီးလမ်း၊ သန်လျင်ဂေါက်ကွင်း ကန်နီရေကန်တွင် အမျိုးသား(၂)ဦး ရေနစ်နေသေဆုံးခဲ့ပါတယ်။

ယနေ့ ဖေဖော်ဝါရီ ၁၃ ရက် နေ့လည် ၁၂ နာရီကျော်အချိန်က ရေနစ်သေဆုံးခဲ့တာဖြစ်ပြီး သန်လျင်မြို့ နယ် မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် ပတ်ဝန်းကျင်ပြည်သူများ လူမှုကူညီရေးအသင်းများက ရှာဖွေမှုတွေ လုပ်ခဲ့ကြပါတယ်။

ရေနစ်သေဆုံးသူ အမျိုးသား(၂)ဦးမှာ သန်လျင်ဂေါက်ကွင်းရေကန်မှာ ရေဆင်းကူးရာမှ ယနေ့နေ့လည်ပိုင်းက ရေနစ်သေဆုံးခဲ့တာဖြစ်ပြီး အလောင်းကိုတော့ မျိုးဆက်သစ်လူမှုကူညီရေးအသင်းမှ သူနာတင်ယာဉ်ဖြင့် သန်လျင်ဆေးရုံသို့ ကူညီပို့ဆောင်ပေးထားတယ်လို့ သိရပါတယ်။

ရေနစ်သေဆုံးခဲ့သူ အမျိုးသား၂ဦးမှာ အသက်(၁၇)နှစ်အရွယ် လူငယ်တစ်ဦးနဲ့ အသက် (၂၀)နှစ်အရွယ် လူငယ်တွေဖြစ်တယ်လို့ ကူညီရေးတွင် ပါဝင်သူတစ်ဦးက ပြောပါတယ်။

13/02/2026

သင်္ဃန်းကျွန်းမြို့နယ် ဆ/ခရပ်ကွက် သမာဓိ(၄)လမ်းတွင် မီးလောင်

၁၃ ၊ ဖေဖော်ဝါရီ ၊ ၂၀၂၆ (Crime Media)

ရန်ကုန်တိုင်း၊ သင်္ဃန်းကျွန်းမြို့နယ်၊ ဆ/ခရပ်ကွက်၊ သမာဓိ(၄)လမ်းတွင် ယနေ့နေ့လည်ပိုင်းအချိန်က နေအိမ်တစ်လုံး မီးလောင်မှုဖြစ်ပွားခဲ့ပါတယ်။

ယနေ့ ဖေဖော်ဝါရီ ၁၃ ရက် နေ့လည် ၁၁ နာရီခွဲကျော်အချိန်က မီးလောင်မှုဖြစ်ပွားခဲ့တာဖြစ်ပြီး လူထိ ခိုက်သေဆုံးမှု မရှိဘူးလို့ ရပ်ကွက်နေပြည်သူတစ်ဦးက ပြောပါတယ်။

မီးလောင်မှု ဖြစ်ပွားခဲ့တဲ့နေရာကို သင်္ဃန်းကျွန်းမြို့နယ် မီးသတ်စခန်းမှ မီးသတ်ယာဉ်များ လူမှုကူညီရေး အသင်းအဖွဲ့များ သွားရောက်ကူညီငြှိမ်းသတ်ပေးခဲ့ကြပြီး နေ့လည် ၁၂ နာရီခွဲဝန်းကျင်မှာတော့ မီးငြိမ်းသွား တယ်လို့ သိရပါတယ်။

မီးလောင်ရတဲ့အကြောင်းအရင်းနဲ့ ပျက်စီးဆုံးရှုံးမှုတန်ဖိုးကိုတော့ စစ်ဆေးတွက်ချက်နေဆဲဖြစ်တယ် လို့ မီးသတ်တပ်ဖွဲ့ဝင်တစ်ဦးက ပြောပါတယ်။

13/02/2026

ဖိုးဖိုးအောင်ဆန်း မွေးနေ့ မြေးဖြစ်သူ Kim Aris (ကိုထိန်လင်း) ဆုတောင်းစကားပြောကြား

၁၃ ၊ ဖေဖော်ဝါရီ ၊ ၂၀၂၆ (Crime Media)

ဖေဖော်ဝါရီလ ၁၃ ရက်နေ့ဟာ ဖိုးဖိုးအောင်ဆန်းရဲ့ မွေးနေ့ဖြစ်ပြီး မြန်မာနိုင်ငံရဲ့ ကလေးများနေ့လည်း ဖြစ်ပါတယ်။

နိုင်ငံရဲ့ အနာဂတ်ဟာ ကလေးများရဲ့ လက်ထဲမှာ ရှိနေတယ်လို့ ဖိုးဖိုးယုံကြည်ခဲ့ပါတယ်။ ယနေ့ကလေး များဟာ အကြမ်းဖက်မှုနဲ့ မလုံခြုံမှုတွေကြားမှာ ကြီးပြင်းနေရပါတယ်။

ဖိုးဖိုးရဲ့ ရည်ရွယ်မျှော်မှန်းချက်ကို ကျွန်တော်တို့ ဆက်လက်တာဝန်ယူ အကောင်အထည်ဖော်ရမယ်။ ဖိုးဖိုးရဲ့ အမွေအနှစ်ဖြစ်တဲ့ ဓားကိုလည်း တစ်နေ့ ပြန်လည်ရရှိမယ်လို့မျှော်လင့်ပါတယ်။

ကလေးတွေအတွက်။ အနာဂတ်အတွက်။ လွတ်လပ်မှု၊ ငြိမ်းချမ်းရေးနဲ့ တရားမျှတမှုအတွက်။

February 13 marks the birthday of my grandfather, Aung San, and Children’s Day in Burma. He believed the future rests in the hands of children, yet today many are growing up amid violence and uncertainty.

I also hope one day to bring back his historic sword, an inheritance that symbolizes his legacy and our responsibility to continue his vision.

For the children. For the future. For freedom peace and justice.

12/02/2026

လမ်းမပေါ်တွင် စက်ပျက်ပြီးရပ်ထားတဲ့ ထွန်စက်တွဲကို ဆိုင်ကယ်နဲ့ ဝင်တိုက် လူ၂ဦးသေဆုံး တစ်ဦးဒဏ်ရာရ

၁၃ ၊ ဖေဖော်ဝါရီ ၊ ၂၀၂၆ (Crime Media)

မွန်ပြည်နယ် သထုံမြို့နယ် ရန်ကုန်–မော်လမြိုင် ဟိုင်းဝေးလမ်းမကြီး သုဝဏ္ဏဝတီမြို့အဝင်နား ငါးပိရုံ အရှေ့တွင် လမ်းမပေါ်မှာ စက်ပျက်နေပြီး ရပ်ထားတဲ့ ထွန်စက်တွဲတစ်စီးကို ဆိုင်ကယ်နဲ့ ဝင်တိုက်မိခဲ့ တဲ့အတွက် လူ၂ဦးသေဆုံးခဲ့ပြီး တစ်ဦးဒဏ်ရာရရှိခဲ့ပါတယ်။

ဖေဖော်ဝါရီ ၁၂ ရက် ည ၇ နာရီဝန်းကျင်က သထုံဘက်မှ လူသုံးယောက်စီး မောင်းနှင်လာတဲ့ ဆိုင်ကယ် မှ နောက်ကနေ ဝင်တိုက်မိခဲ့တဲ့အတွက် ဆိုင်ကယ်မောင်းသူ အမျိုးသားတစ်ဦးနဲ့ အမျိုးသမီးတစ်ဦး သေဆုံးခဲ့ပြီး အမျိုးသမီးတစ်ဦးမှာ ထိခိုက်ဒဏ်ရာရရှိခဲ့တယ်လို့ ပီတိနှလုံးသား (RESCUE) လူမှုကယ် ဆယ်ရေးနှင့် နာရေးကူညီမှုအသင်းမှ သိရပါတယ်။

သေဆုံးသွားသူ အမျိုးသားမှာ ဆိုင်ကယ်မောင်းသူ အသက်၆၂နှစ်အရွယ် ဦးအောင်မင်းသိန်း နဲ့ အလယ်မှ လိုက်ပါလာသူ အသက် ၄၂ နှစ်အရွယ် မစိုးအေး တို့မှာသေဆုံးခဲ့ပါတယ်။

နောက်ဆုံးမှ လိုက်ပါစီးနင်းခဲ့သူ အသက် ၅၃ နှစ်အရွယ် မမိအေး ကတော့ ညာဘက် ခြေဖဝါးကွဲသွားခဲ့ပေမယ့် စိုးရိမ်စရာ မရှိဘူးလို့ သိရပါတယ်။

ထိခိုက်ဒဏ်ရာ ရရှိခဲ့သူ အမျိုးသမီးနဲ့ သေဆုံးသွားသူ ၂ ဦးကို ပီတိနှလုံးသား (RESCUE) လူမှုကယ် ဆယ်ရေးနှင့် နာရေးကူညီမှုအသင်းက ဖြစ်စဉ်နေရာမှ သွားရောက်ကူညီကယ်ဆယ်ပေးခဲ့ပြီး သိမ်ဆိပ် ဆေးရုံသို့ ပို့ဆောင်ကူညီပေးထားပါတယ်။

12/02/2026

ကချင်ပြည်နယ် မိုးကောင်းမြို့နယ် နမ္မတီးမြို့မဈေးရှေ့တွင် မီးလောင်မှုဖြစ်ပွားနေ

၁၂ ၊ ဖေဖော်ဝါရီ ၊ ၂၀၂၆ (Crime Media)

ကချင်ပြည်နယ် မိုးကောင်းမြို့နယ် နမ္မတီးမြို့မဈေးရှေ့တွင် မီးလောင်မှုဖြစ်ပွားနေပြီး လက်ရှိအချိန်အထိ နေအိမ် ၃ လုံး မီးလောင်းဆုံးရှုံးခဲ့ပြီး မီးမှာငြိမ်းသတ်လို့မရသေးဘူးလို့ ဒေသခံတစ်ဦးက ပြောပါတယ်။

ယနေ့ ဖေဖော်ဝါရီ ၁၂ ရက်နေ့ ည ၈ နာရီခွဲကျော်အချိန်က မီးစတင်လောင်ကျွမ်း ခဲ့တာဖြစ်ပြီး မီးသတ် ကားတွေလာရောက် မီးငြိမ်းသတ်ကြပေမယ့် မီးများတဲ့အတွက် ငြိမ်းသတ်လို့မရသေးဘူးလို့ ဒေသခံ တစ်ဦးက ပြောပါတယ်။

မီးစတင်လောင်ကျွမ်းရတဲ့ အကြောင်းအရင်းနဲ့ လူထိခိုက်သေဆုံးမှု ရှိမရှိကိုတော့ မသိရသေးသလို မီးလောင်မှုကို ရက်ကွက်နေပြည်သူတွေနဲ့ မီးသတ်တပ်ဖွဲ့တွေ ဝိုင်းဝန်းငြိမ်းသတ်နေကြတယ်လို့ သိရပါတယ်။

12/02/2026

မြစ်ကြီးနားမြို့ လေဆိပ်နှင့် အဆောက်အဦးတချို့ ဒရုန်းထိမှန် လေယာဉ်ခရီးစဉ် အားလုံးရပ်နားထား

၁၂ ၊ ဖေဖော်ဝါရီ ၊ ၂၀၂၆ (Crime Media)

ကချင်ပြည်နယ် မြစ်ကြီးနား လေဆိပ်နှင့် အဆောက်အဦးတချို့ဒရုန်း ထိမှန်ခဲ့ပြီး လေယာဉ်ခရီးစဉ် အားလုံး ရပ်နားထားပါတယ်။

ယနေ့ ဖေဖော်ဝါရီလ ၁၂ ရက်နေ့ ညနေ ၆ နာရီကျော်ခန့်တွင် မြစ်ကြီးနား လေဆိပ်ကွင်းနှင့် အဆောက် အဦးကို ဒရုန်းများ ကျရောက်ပေါက်ကွဲခဲ့ပြီး လေယာဉ် ခရီးစဉ်အားလုံးကို ရပ်နားထားတာဖြစ်တယ်လို့ ဒေသခံတစ်ဦးက ပြောပါတယ်။

ဒရုန်းကျရောက်ပေါက်ကွဲမှုကြောင့် လေယာဉ်ပြေးလမ်းထိမှန်ခဲ့ပြီး အဆောက်အဦးတချို့ထိမှန်ခဲ့သလို jammer ထိမှန်ပြီး လေယာဉ် ပြေးလမ်းတွင် ပြုတ်ကျနေတဲ့ ဒရုန်း ၁ စီးကိုလည်း တွေ့မြင်ရပါတယ်။

ထိမှန်ခဲ့တဲ့ လက်နက်တွေမှာ ရှော့တိုက်ဒုံးထိတာလား ကာမီကာဇီ အသေခံ ဒရုန်းထိတာလား သေချာ မသိရသေးဘူးလို့ ဒေသခံတစ်ဦးက ပြောပါတယ်။

ကချင်ပြည်နယ် ဝိုင်းမော်မြို့တွင်လည်း တိုက်ပွဲများ ယနေ့ညနေပိုင်း ၆ နာရီခွဲကျော်မှာ ပြန်လည်ပြင်းထန်နေတယ်လို့ သိရပါတယ်။

မြစ်ကြီးနား လေဆိပ်သည် မြောက်ပိုင်းတိုင်းစစ်ဌာနချူပ်ထဲတွင် တည်ရှိပြီး ဒရုန်းများ ကျရောက် ပေါက်ကွဲပြီးနောက် ပျံသန်းမည့် ခရီးစဉ်အားလုံးကို ရပ်နားလိုက်ပြီး ပြန်လည် ဖွင့်လှစ်မည့်အချိန်ကို မသိရသေးဘူးလို့ ဒေသခံတစ်ဦးက ပြောပါတယ်။

DBA Myanmar

15/02/2026

14/02/2026

14/02/2026

13/02/2026

13/02/2026

13/02/2026

13/02/2026

13/02/2026

13/02/2026

12/02/2026

12/02/2026

12/02/2026

Address

Website

Alerts

Shortcuts

Share

Category