https://sites.google.com/view/digital-business-agency/home

DBA Myanmar, Yangon (2025)

23/08/2025

လာရှိုးမြို့ ရပ်ကွက်(၅)တွင် သေနတ်ပစ်ဖောက်ပြီး ကားလုယက်ခံရ

(DBA) ဩဂုတ် - ၂၃

ရှမ်းပြည်နယ်မြောက်ပိုင်း လာရှိုးမြို့ ရပ်ကွက်(၅)တွင် ယနေ့ညနေ၆နာရီကျော်အချိန်က အမျိုးသား၂ဦး ဆိုင်ကယ် စီးလာပြီးနောက် ကားကိုရပ်ခိုင်းကာ သေနတ်ပစ်ဖောက်ပြီး ကားလုယက်ခဲ့မှုဖြစ်ပွားခဲ့ ပါတယ်။

ယနေ့ ဩဂုတ်၂၃ရက် ညနေပိုင်းက ကားပိုင်ရှင်အမျိုးသမီးကို သေနတ်ပြခြိမ်းခြောက်ပြီး ကားလုယက် ခဲ့တာဖြစ်ပြီး သေနတ်၂ချက်ပစ်ဖောက်ခဲ့တယ်လို့ ဒေသခံတစ်ဦးက ပြောပါတယ်။

စစ်တပ်ကလားရှိုးမြို့ကို ပြန်လည်ရယူထားပေမယ့် ခိုးမှုလုယက်မှုတွေကတော့ ဖြစ်ပွားနေဆဲဖြစ်တယ် လို့ ဒေသခံတွေကပြောပါတယ်။

23/08/2025

အာဏာသိမ်းစစ်တပ်က လေကြောင်းကနေဗုံးကြဲချလို့ နောင်ပိန်ရွာတွင် သေဆုံးသူ ၁၀ ဦးကျော်ရှိ

(DBA) ဩဂုတ် - ၂၃

ရှမ်းပြည်နယ်မြောက်ပိုင်း ကျောက်မဲမြို့နယ် နောင်ပိန်ရွာတွင် ယနေ့ ဩဂုတ်လ ၂၃ ရက် နေ့ခင်း ၁၁ နာရီ ဝန်းကျင်ခန့်က အာဏာသိမ်းစစ်တပ်က လေကြောင်း ထပ်မံဗုံးကြဲ တိုက်ခိုက်ခံရလို့ နေအိမ်‌တွေ တချို့ မီးလောင်သွားပါတယ်။

နှစ်ဖက် တိုက်ပွဲကြောင့် ကျောက်မဲမြို့နယ်က စစ်ဘေးရှောင်တသောင်းကျော်တယ်ရှိပြီး ရှောင်တိမ်းဖို့ အခက်အခဲကြောင့် လေကြောင်း ဗုံးကြဲမှုနဲ့ ကြုံခဲ့ကြရတာဖြစ်ပြီး ထိခိုက် ဒဏ်ရာသူ အယောက် ၄၀ ကျော်ထဲက ပြင်းထန် ဒဏ်ရာ အယောက် ၂၀ ရှိပြီး သေဆုံးသူ ၁၀ ယောက်ကျော်တယ်လို့ သိရပါတယ်။

နောင်ပိန် ၄ ရပ်ကွက်ကို ဂျက်ဖိုက်တာနဲ့ ဗုံးကြဲချသွားတဲ့အတွက် အိမ်ဆယ်လုံးလောက် ပျက်စီးပြီး မီးလောင်နေတယ် လို့ ဒေသခံတစ်ဦးက ပြောပါတယ်။

ရပ်ကွက်ထဲကိုလည်းဘယ်သူမှ ဝင်လိုမရတာကြောင့် လူထိခိုက်မှုကတော့ မသိရသေးသလို မနေ့ညနဲ့ ယနေ့နေ့လည် ဗုံးကြဲခံရတဲ့အတွက် မီးလောင် ထိခိုက်ပျက်စီးတာတွေ ဆယ်အိမ်ထက် မနည်း ရှိနိုင် တယ် လို့သိရပါတယ်။

23/08/2025

တာချီလိတ်မြို့တွင် လိုက်လံတောင်းရမ်း နေသူများကို နေရပ်သို့ပြန်ပို့ရန် စီစဉ်
(DBA) ဩဂုတ် - ၂၃

ရှမ်းပြည်နယ် အရှေ့ပိုင်း တာချီလိတ်မြို့တွင် အများပြည်သူ သွားလာလေ့ရှိတဲ့ ဗိုလ်ချုပ် လမ်းမကြီးပေါ်ရှိ မီးပွိုင့်ထိပ်များ ကားဂိတ်များနဲ့ ရပ်ကွက်များတွင် မနက်မှညနက်သည်ထိ လိုက်လံတောင်းရမ်း စား သောက်နေသူများကို နေရပ်သို့ ပြန်ပို့နိုင်ရန် စီစဉ်နေပါတယ်။

ဩဂုတ် ၂၀ ရက်ညပိုင်းက သက်ဆိုင်ရာဌာနများ မှ လာရောက်တောင်းရမ်းစားသောက်သူ များကို ခေါ်ဆောင်ကာနေရပ်သို့ ပြန်ပို့ရန် စီစဉ်နေပြီး မြန်မာစကားကိုလုံးဝ မပြောတတ်တဲ့ တိုင်းရင်း သားများဖြစ်တယ်လို့ ဒေသခံတစ်ဦးက ပြောပါတယ်။

လာရောက်တောင်းရမ်းစားသောက်သူ အများစုမှာ တာချီလိတ်မြို့မှ မဟုတ်ဘဲ ရှမ်းအရှေ့ ကျိုင်းတုံ နှင့်တုံတာ မြို့နယ်ရှိ တောင်ပေါ်များမှ မြန်မာစကားလုံးဝ မတတ်သောတိုင်းရင်း သားများ ဖြစ်ကြ ပါတယ်။

နေ့လည်ပိုင်းတွင် လှည့်ပတ်တောင်းရမ်းပြီး ညဖက်တွင် လမ်းမဘေးရှိ မိုးလွတ်ရာ ပလက် ဖောင်းများ ပေါ်တွင် အိပ်စက်ကြပြီး အလေးအပေါ့ စွန့်ခြင်းများကိုလည်း လမ်းမဘေးတွင် ကြုံသလို စွန့်ကြတယ်လို့ ဒေသခံတစ်ဦးကပြောပါတယ်။

၂၀ ရက်နေ့ညပိုင်းက တောင်းရမ်းသူ စုစုပေါင်း ၅၀ ဦး (ကျား ၂ ဦး မ ၃၂ ဦး နဲ့ ကလေး ၁၆ ဦး)တို့ကို လူမှုကယ်ဆယ်ရေး နှင့် ပြန်လည်နေရာချထားရေးဝန်ကြီးဌာနတွင် တာဝန်ရှိ သူများက သက်ဆိုင် ရာနယ်မြေအလိုက် ချိတ်ဆက်ကာ နေရပ်သို့ ပြန်ပို့နိုင်ရန် စီစဉ်နေတာဖြစ်ပါတယ်။

23/08/2025

မုဒုံမြို့ ကန်ကြီးဘုရားလမ်းတွင် အမျိုးသားတစ်ဦး ဓားခုတ်ခံရ

(DBA) ဩဂုတ် - ၂၃

မွန်ပြည်နယ် မော်လမြိုင်မြို့နယ် မုဒုံမြို့ ကန်ကြီးဘုရားလမ်းတွင် အမျိုးသားတစ်ဦး ဓားခုတ်ခံရပြီး လက်နှစ်ဖက်လုံး ဒဏ်ရာရရှိခဲ့တယ်လို့ သိရပါတယ်။

သြဂုတ်လ ၂၁ ရက် ညနေ ၆ နာရီကျော်အချိန်တွင် အမျိုးသားတစ်ဦး ဓားခုတ်ခံရတဲ့အတွက် ဒဏ်ရာ ပြင်းထန်တဲ့အတွက် မုဒုံဆေးရုံမှ မော်လမြိုင်ဆေးရုံကြီးသို့ လွဲပြောင်းပို့ဆောင်ပေးထားတယ်လို့ ကူညီကယ်ဆယ်ရေးတွင် ပါဝင်သူတစ်ဦးက ပြောပါတယ်။

လက်နှစ်ဖက်လုံးကို ဓားနဲ့အခုတ်ခံထားရတာဖြစ်ပြီး ဘာလို့အခုတ်ခံရလည်းဆိုတာကိုတော့ လူနာက မပြောပြတဲ့အတွက် မသိရသေးဘူးလို့ ဒေသခံတစ်ဦးကပြောပါတယ်။

ဓားခုတ်ခံရသူ အမျိုးသားမှာ မုဒုံမြို့ ကန်ကြီးရပ်တွင်နေထိုင်သူဖြစ်ပြီး အသက်(၂၂) နှစ်အရွယ်ရှိသူ ဖြစ်ပြီး လက်ရှိအချိန်မှာတော့ မော်လမြိုင်ပြည်သူ့ဆေးရုံကြီး အရေးပေါ်ဌာနမှာ ဆေးကုသနေတယ် လို့ သိရပါတယ်။

23/08/2025

ကြာအင်းဆိပ်ကြီးမြို့ DKBA အရာရှိနေအိမ် မီးလောင်မှုဖြစ်ပွား ဗိုလ်အဆင့်ရှိသူ တစ်ဦးသေဆုံး

(DBA) ဩဂုတ် - ၂၃

ကရင်ပြည်နယ် ကြာအင်းဆိပ်ကြီးမြို့မှာ ဒီမိုကရေစီအကျိုးပြု ကရင်တပ်မတော် (DKBA) အရာရှိတစ်ဦးရဲ့ နေအိမ်မီးလောင်မှုဖြစ်ပွားခဲ့ပြီး ဗိုလ်အဆင့်ရှိသူ တပ်ဖွဲ့ဝင်တစ်ဦးသေဆုံးသွားတယ်လို့ သိရပါတယ်။

သြဂုတ်လ ၂၁ ရက် ည ၇ နာရီခွဲဝန်းကျင်က ကြားအင်းဆိပ်ကြီးမြို့ အမှတ်( ၅) ရပ်ကွက် သီတာလမ်း မှာရှိတဲ့ DKBA တပ်ရဲ့ ဗိုလ်ကြီးအဆင့်ရှိသူ စောလေကပေါ်ထူးရဲ့ နေအိမ် မှာ မီးလောင်မှုဖြစ်ပွားခဲ့တာဖြစ်ပြီး သူက ကြာအင်းဆိပ်ကြီးမြို့ DKBA ရဲ့ ဆက်ဆံရေးတာဝန်ခံတစ်ဦးဖြစ်တယ်လို့ ဒေသခံတစ်ဦးကပြောပါတယ်။

မီးလောင်ခဲ့တဲ့ နေအိမ်မှာ နှစ်ထပ်အိမ်ဖြစ်ပြီးအိမ်စောင့်နေတဲ့ DKBAရိက္ခာမှူး ဗိုလ်မှဲ့ကြီးက မီးစက်နှိုးဖို့အတွက် ဓာတ်ဆီထည့်နေချိန် မီးထွန်းထားတဲ့ဖယောင်းတိုင်ကနေတဆင့် မီးကူးစက်ပြီး လောင်ကျွမ်းခဲ့တာဖြစ်ပြီး ည ၉ နာရီမှာတော့ငြိမ်းသတ်နိုင်ခဲ့ပြီး နေအိမ်နဲ့ ကပ်လျက်နေအိမ်တစ်လုံးလည်း မီးထဲပါသွားတယ်လို့ သိရပါတယ်။

မီးလောင်ချိန်တွင် နေအိမ်အောက်ထပ် မီးဖိုခန်းထဲက ဂက်စ်အိုးပေါက်ကွဲမှုကြောင့် DKBA က ဗိုလ်အဆင့်ရှိတဲ့ ရိက္ခာမှူး ဦးမှဲ့ကြီး သေဆုံးသွားခဲ့ပြီး အခြားတပ်ဖွဲ့ဝင်တစ်ဦးလည်း ထိခိုက်ဒဏ်ရာရှိခဲ့ပါတယ်။

22/08/2025

စံရိပ်ငြိမ် ၅ လမ်းထဲတွင် လူငယ်အမျိုးသား ၁ ဦးကို အုပ်စုဖွဲ့ ထိုးကြိတ်ကာ ဖုန်းလုသွား

(DBA) ဩဂုတ် - ၂၂

ရန်ကုန်မြို့ ကမာရွတ်မြို့နယ် အမှတ်(၂)ရပ်ကွက် စံရိပ်ငြိမ် ၅ လမ်းထဲတွင် လူငယ်အမျိုးသား ၁ ဦးကို အုပ်စုဖွဲ့ ထိုးကြိတ်ကာ ဖုန်းလုယူသွားခဲ့တယ်လို့ ရပ်ကွက်နေပြည်သူတစ်ဦးက ပြောပါတယ်။

စံရိပ်ငြိမ် ၅ လမ်းထဲတွင် ဩဂုတ်လ ၂၁ ရက်နေ့ နေ့လည် ၁၂ နာရီဝန်ကျင်က အသက်၂၀ကျော်အရွယ် လူငယ်အမျိုးသား ၁ ဦးကို အုပ်စုဖွဲ့ ထိုးကြိတ်ပြီး ဖုန်းလုယူသွားကြတာ ဖြစ်တယ်လို့ သိရပါတယ်။

“လုတဲ့ကောင်လေးတွေကလည်းအသက်၂၀ကျော်အရွယ်တွေလောက်ပဲ။ဖုန်းပြခိုင်းပြီးမင်းလိုင်းပေါ်ကနေအာချောင်နေတာလားဆိုပြီးဝိုင်းရိုက်ကြတာ။ပြီးတော့မှဖုန်းကိုလုပြီးထွက်ပြေးသွားတာ။လုတဲ့ ကောင်တွေအကုန်လုံး၈ယောက်ပါတယ်” လို့ မျက်မြင်တွေ့သူတစ်ဦးက ပြောပါတယ်။

လူငယ်တစ်ဦး အင်းစိန်လမ်းမကနေ ပြည်လမ်းမသို့ လမ်းလျှောက်ထွက်စဉ် လူငယ် ၈ ဦး က ဝိုင်းထိုး ကြိတ်ကာ ဖုန်းလုယက်ထွက်ပြေးသွားခဲ့ကြတာဖြစ်ပြီး ဖမ်းဆီးရမိခဲ့တာမရှိဘူးလို့ သူကပြောပါတယ်။

လုယက်ခဲ့သူတွေက သင်တန်းကျောင်းတစ်ခုမှ အသက် ၂၀ အရွယ် လူငယ်(၈) ယောက်ဖြစ်ပြီး အဖြူ ရောင်အကျီဝတ်စုံတွေ စင်တူဝတ်ထားကြတယ်လို့ သိရပါတယ်။

22/08/2025

၁၂ ဘီးယာဉ် ဘရိတ်ပေါက်ပြီး ပန်ကွဲတောင်အဆင်းမှာမှောက်လို့ လူ ၂ ဦးဆေးရုံရောက်

(DBA) ဩဂုတ် - ၂၂

ရှမ်းပြည်နယ် အရှေ့ပိုင်း ကျိုင်းတုံ-တာချီလိတ်လမ်း ကျိုင်းတုံအဝင် ပန်ကွဲတောင်အဆင်း ၁၂ ဘီးယာဉ် ဘရိတ်ပေါက်ပြီး တိမ်းမှောက်ခဲ့လို့ အမျိုး သား၂ဦး ဆေးရုံပို့ထားရတယ်လို့ ဒေသခံတစ်ဦးက ပြောါတယ်။

ကျိုင်းတုံ-တာချီလိတ်လမ်း ကျိုင်းတုံအဝင် ပန်ကွဲတောင်အဆင်းမှာ ယနေ့ ဩဂုတ်၂၂ရက် မွန်းလွဲ ၂နာရီ ဝန်းကျင်က ၁၂ ဘီးယာဉ်မှာ ဘရိတ်ပေါက်ပြီး ကားမီးလောင်ပျက်စီးသွားတယ်လို့ ကျိုင်းတုံမြို့တွင် နေထိုင်သူတစ်ဦးက ပြောပါတယ်။

၁၂ဘီးယာဉ်မှာ ပန်းကွဲတောင်အဆင်း ကားရှိန်မထိန်းနိုင်ပဲ တိမ်းမှောက်ကာ မီးလောင်ခဲ့တဲ့အတွက် လူ ၂ ဦး ဒဏ်ရာရရှိခဲ့ပြီး လူနာများအား ကျိုင်းတုံဆေးရုံသို့ ကျိုင်းတုံမြို့လူမှုကူညီရေးအသင်း များမှ အရေးပေါ် ကူညီပို့ဆောင်ပေးခဲ့တယ်လို့ သိရပါတယ်။

22/08/2025

မြောက်ဥက္ကလာပမြို့နယ်တွင် သီလရှင်ဆရာလေးတစ်ပါး ရုတ်တရက်အမောဖောက် ကွယ်လွန်

(DBA) ဩဂုတ် - ၂၂

ရန်ကုန်တိုင်း မြောက်ဥက္ကလာပမြို့နယ်တွင် ဆွမ်းဆန်စိမ်းအလှူခံထွက်လာသူ သီလရှင်ဆရာလေး တစ်ပါး ရုတ်တရက်အမောဖောက်ပြီး ကွယ်လွန်သွားပါတယ်။

ဩဂုတ်လ ၂၁ ရက် ညနေ ၃ နာရီကျော်လောက်က မြောက်ဥက္ကလာပမြို့နယ်ရှိ ပိုင်ဇေ ကားတာယာအပို ပစ္စည်းဆိုင်ရှေ့တွင် အလှူခံနေစဉ် ရုတ်တရက်အမောဖောက်ကာ အသက်ရှူကြပ်ပြီး အနီးပတ် ဝန်းကျင် ရှိသူများက ဝိုင်းဝန်းပြုစုခဲ့ပေမယ့် ကွယ်လွန်သွားတာ ဖြစ်ပါတယ်။

အသက်ရှူကျပ်ပြီး လဲကျသွားတဲ့အတွက် ပက်လက်ကုလားထိုင်ပေါ် ထိုင်ခိုင်းပြီးဝိုင်းကူညီကြပေမယ့် ပျံလွန်တော်မူသွားခဲ့ပြီး သီလရှင်ဆရာလေးမှာ သက်တော် ၃၄ နှစ်အရွယ်ရှိ ဒေါ်ဝဏ္ဏစာရီ ဖြစ်ပြီး ဆွမ်းဆန်စိမ်းအလှူခံ ထွက်ရင်း ဦးနှောက်သွေးကြောပေါက်ကာ ရုတ်တရက်လဲကျသွားပြီးနောက် ကွယ်လွန်ခဲ့တာ ဖြစ်တယ်လို့ သိရပါတယ်။

22/08/2025

တာမွေမြို့နယ် မေတ္တာညွှန့်ရပ်ကွက် မြလေးရုံလမ်းတွင် မီးလောင်မှုဖြစ်ပွား အမျိုးသားတစ်ဦး ဒဏ်ရာရ

(DBA) ဩဂုတ် - ၂၂

ရန်ကုန်တိုင်း တာမွေမြို့နယ် မေတ္တာညွှန့်ရပ်ကွက် မြလေးရုံလမ်းတွင် ယနေ့မနက်ပိုင်းက မီးလောင်မှု ဖြစ်ပွားခဲ့ပြီး အမျိုးသားတစ်ဦး ထိခိုက်ဒဏ်ရာရရှိခဲ့ပါတယ်။

ယနေ့ ဩဂုတ် ၂၂ ရက် မနက်၁၀နာရီကျော်အချိန်က မီးလောင်မှုဖြစ်ပွားခဲ့တာဖြစ်ပြီး အိမ်တွင်နေထိုင်သူ အမျိုးသားတစ်ဦး မီးလောင်ဒဏ်ရာရရှိခဲ့ပေမယ့် အချိန်မှီဆေးရုံကို တင်ပို့ပေးနိုင်ခဲ့တယ်လို့ ရပ်ကွက်နေ ပြည်သူတစ်ဦးက ပြောပါတယ်။

“မီးသတ်တွေပြောနေတာကြားတာတော့ခြင်ဆေးခွေကနေစပြီးမီးလောင်တယ်ပြောတယ်။မီးလောင်ခံရတော့အရေပြားတွေတော့ထိကုန်တယ်။အသက်အန္တရယ်တော့စိုးရိမ်စရာမရှိတော့ပါဘူး” လို့ ကူညီရေး တွင် ပါဝင်သူတစ်ဦးက ပြောပါတယ်။

မီးလောင်ပွားခဲ့တဲ့နေရာကို တာမွေမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး မင်္ဂလာတောင်ညွှန့် မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး ထွက်ခွာကူညီ ငြိမ်းသတ်ပေးခဲ့ပါတယ်။

22/08/2025

ရန်ကုန်မြို့ ပုဇွန်တောင်မြို့နယ် (၉)ရပ်ကွက်ရုံးတွင် ဗုံးတွေ့

(DBA) ဩဂုတ် - ၂၂

ရန်ကုန်မြို့ ပုဇွန်တောင်မြို့နယ် (၉) ရပ်ကွက်ရုံးတွင် ယနေ့ ဩဂုတ်လ ၂၂ ရက် မနက်ပိုင်းတွင် ဗုံးတွေ့ရှိခဲ့တယ်လို့ ရပ်ကွက်နေပြည်သူတွေက ပြောပါတယ်။

အာဏာသိမ်းစစ်ကောင်စီ တပ်ဖွဲ့ဝင်များ မနက် ၁၀ နာရီခွဲတွင် DC ၂ စီး ဆလွန်း ၁ စီးနဲ့ ၉ ရပ်ကွက်ရုံးသို့ ရောက်ရှိလာပြီးနောက် မနက် ၁၁ နာရီကျော်တွင် ရေကျော်လမ်း (ဗိုလ်ချုပ်လမ်းနှင့် ဦးရွှေဂွန်းလမ်းကြား ) ကို ပိတ်ချခဲ့ပါတယ်။

“၁နာရီကျော်လောက်တော့ကြာမယ်ထင်တယ်။ဗုံးတွေ့လိုဆိုပြီးလမ်းပိတ်ပြီးရှင်းနေကြတယ်။လမ်းတွေကတော့နေ့လည်၁၂ကျော်အချိန်မှပြန်ဖွင့်ပေးတယ်။ခုတော့အရင်လိုသွားလာနေကြပါပြီ” လို့ ရပ်ကွက် နေပြည်သူတစ်ဦးက ပြောပါတယ်။

စစ်ကောင်စီတပ်ဖွဲ့တွေက နေလည် ၁၁ နာရီခွဲအကျော်တွင် ဗုံးကို သိမ်းယူသွားကြပြီး နေ့လည် ၁၂ နာရီ ကျော်အချိန်တွင် ရေကျော်လမ်းကို ပြန်ဖွင့်ပေးလိုက်တယ်လို့ သိရပါတယ်။

ဓာတ်ပုံ ‌(ပုံဟောင်း)

22/08/2025

မြောင်းမြမြို့ ဇလပ်ကွင်းအကျော်တွင် အမျိုးသားတစ်ဦး ယာဉ်တိုက်ခံရ ကားသမားထွက်ပြေး

(DBA) ဩဂုတ် - ၂၂

ယနေ့သြဂုတ် ၂၂ ရက် နံနက် ၅ နာရီကျော်အချိန်က ဧရာဝတီတိုင်း မြောင်းမြမြို့ ဇလပ်ကွင်း ကျေးရွာအကျော်တွင် အမျိုးသားတစ်ဦး ယာဉ်တိုက်ခံရပြီး နေရာတွင် သေဆုံးသွားပါတယ်။

ကားတိုက်ခံရသူ အမျိုးသားမှာ ဦး‌ခေါင်းထိကာ သေဆုံးခဲ့ပြီး ရုပ်အလောင်းကို မြို့ခံလူမှုကူညီ ရေးအသင်းမှ မြောင်းမြဆေးရုံရင်ခွဲရုံသို့ ပို့ဆောင်ပေးထားပါတယ်။

လူကိုဝင်တိုက်သွားတဲ့ ကားသမားကတော့ ထွက်ပြေးသွားတဲ့အတွက် ကာတိုက်ခဲ့တဲ့အနားမှာ မတွေ့တော့ဘူး လို့ မြေပြင်အားသွားရောက်ကူညီပေးခဲ့သူ တစ်ဦးကပြောပါတယ်။။

သေဆုံးခဲ့သူ အမျိုးသားမှာ အသက်(၅၀) ကျော်ရှိပြီး မြောင်းမြမြို့ ကွမ်းသီးပင်ဆိပ် ကျေးရွာတွင် နေထိုင်သူဖြစ်ကာ ရုပ်အလောင်းကို ဆေးရုံမှ နေအိမ်သို့ ပို့ဆောင်ပေးထားတယ်လို့ သိရပါတယ်။

22/08/2025

နေပြည်တော်ကောင်စီနယ်မြေ သဗ္ဗမင်္ဂလသိဒ္ဓိဘုရားကုန်းပေါ်တွင် ဒေါ်မူဒေါင်း အသတ်ခံရ

(DBA) ဩဂုတ် - ၂၂

နေပြည်တော်ကောင်စီနယ်မြေ ဇမ္ဗူသီရိမြို့နယ် သုခသိဒ္ဓိရပ်ကွက် သဗ္ဗမင်္ဂလသိဒ္ဓိဘုရားကုန်းပေါ်တွင် အသက် ၆၃ နှစ်အရွယ် ဒေါ်မူဒေါင်းသည် လည်ပင်းကတ်ကြေးထိုးသွင်း ဒဏ်ရာနဲ့ သေဆုံးခဲ့ပါတယ်။

သေဆုံးသူအလောင်းကိုတော့ ဩဂုတ်လ၂၁ရက်နေ့က တွေ့ရှိခဲ့တာဖြစ်ပြီး လူသတ်မှုကျူးလွန်သူကို ဖမ်းမိထားတာမရှိသေးဘူးလို့ ဒေသခံတစ်ဦးက ပြောပါတယ်။

“အ‌လောင်းတွေ့တော့မြင်တဲ့သူတွေကဖုန်းဆက်အကြောင်းကြားကြတယ်။ဘယ်လိုစဖြစ်တာလဲဆိုတာတော့ဘယ်သူမှမသိသေးဘူး။ဒဏ်ရာကတော့လည်ပင်းကိုထိလို့သေဆုံးသွားတာပါ” လို့ သူကပြောပါ တယ်။

လူသတ်မှုဖြစ်ပွားခဲ့တဲ့နေရာကို သက်ဆိုင်ရာဌာနတွေရောက်ရှိစစ်ဆေးခဲ့ပြီး အလောင်းကိုတော့ ဒေသခံ လူမှုကူညီရေးအသင်းကားနဲ့ ဆေးရုံကိုပို့ဆောင်ပေးထားတယ်လို့ သိရပါတယ်။

DBA Myanmar

23/08/2025

23/08/2025

23/08/2025

23/08/2025

23/08/2025

22/08/2025

22/08/2025

22/08/2025

22/08/2025

22/08/2025

22/08/2025

22/08/2025

Address

Website

Alerts

Shortcuts

Share

Category