https://www.facebook.com/354095258073348/

YUZU Mom, Yangon (2025)

09/12/2025

Hokkaido မှ Chiba ပြည်နယ်အထိနေနောက်ထပ်ကြီးမားသည့်ငလျင်လှုပ်နိုင် 🚨

၂၀၂၅ ဒီဇင်ဘာ ၈ ရက်နေ့ ည ၁၁ နာရီ ၁၅ မိနစ်ခန့်တွင် Aomori ပြည်နယ် အရှေ့ပိုင်းကမ်းလွန်ကို ဗဟိုပြု၍ မက်ဂနီကျူ့ ၇.၅ အဆင့်ရှိ ငလျင်တစ်ခု လှုပ်ခတ်ခဲ့ပြီး Aomori ပြည်နယ်၊ Hachinohe မြို့တွင် အမြင့်ဆုံး ငလျင်ပြင်းအား ၆+ ကို မှတ်တမ်းတင်ခဲ့သည်။

မိုးလေဝသအေဂျင်စီက နောက်ထပ်ကြီးမားသည့်ငလျင်တစ်ခုလှုပ်ခတ်နိုင်သည့် အလားအလာသည် ပုံမှန်ထက်မြင့်မားနေသည်ဟု ပထမဆုံးအကြိမ်ထုတ်ပြန်ကြေညာခဲ့သည်။

သတိပေးချက် ထုတ်ပြန်သည့် နယ်မြေများမှာ Hokkaido မှ Chiba ပြည်နယ်အထိ မြို့နယ် ၁၈၂ ခု ပါဝင်သည်။ အစိုးရက နောက်လာမည့်တစ်ပတ်ခန့်အတွင်း ငလျင်နှင့် ဆူနာမီအတွက် ပြင်ဆင်ရန် အောက်ပါအတိုင်း တောင်းဆိုထားသည်။
🔺အိမ်တွင်ပင် ချက်ချင်းထွက်ပြေးနိုင်သည့် အဝတ်အစားများ ဝတ်ဆင်နေထိုင်ရန်
🔺အအေးဒဏ်ခံပစ္စည်းများ (防寒具) ကို ပြင်ဆင်ထားရန်
🔺အရေးပေါ်စားနပ်ရိက္ခာများ စသည်တို့ကို လက်လှမ်းမီအောင် ထားရှိရန်

အဆိုးဆုံးအခြေအနေတွင် ၂၀၁၁ မတ်လ ၁၁ ကဲ့သို့ ငလျင်မျိုး ဖြစ်ပွါးနိုင်ပြီး ထိုသို့သော အဖြစ်အပျက်မျိုး ထပ်မံမဖြစ်နိုင်ဟုမဆိုနိုင်သဖြင့်ကြိုတင်ပြင်ဆင်ထားရန် လိုအပ်ပါကြောင်းပြောကြာထားသည်။

ပထမဆုံးအကြိမ် ထုတ်ပြန်ခြင်းဖြစ်သောကြောင့် ရှုပ်ထွေးသွားသူများ ရှိနိုင်သော်လည်း၊ ဤအချက်အလက်သည် နောက်ထပ်ကြီးမားသော ငလျင်တစ်ခု လှုပ်ခတ်မည်ဟု သေချာပေါက် အတည်ပြုခြင်းမဟုတ်ပဲ စာရင်းအင်းအရ လှုပ်ခတ်နိုင်ခြေ မြင့်မားနေသည်ဟုဆိုလိုခြင်းဖြစ်ပြီး အေးဆေးတည်ငြိမ်စွာနေထိုင်ရန်တိုက်တွန်းထားသည်။

ဒီသတိပေးချက်ကို အကြိမ် ၁၀၀ ထုတ်ပြန်ရင်တောင်မှ တကယ်တမ်း ဧရာမငလျင်လှုပ်ခတ်ဖို့က ၁ ကြိမ်ခန့်ပဲ ရှိနိုင်တာကြောင့် ပစ္စည်းတွေကို အလွန်အကျွံ ဝယ်ယူစုဆောင်းတာ၊ သတင်းမှားတွေနဲ့ လွဲမှားတဲ့အချက်အလက်တွေကို ဖြန့်ဝေတာမျိုး မလုပ်ဖို့လည်း တိုက်တွန်းထားပါတယ်။ ကြိုတင်ပြီး ထွက်ခွာခိုလှုံဖို့ကိုတော့ တိုက်တွန်းမှာမဟုတ်ကြောင်းပြောကြားထားသည်။

📝ယုဇုမေမေ

08/12/2025

စိုက်ပျိုးရေး၊ သစ်တောနှင့် ငါးလုပ်ငန်းဝန်ကြီးဌာန (農林水産省/MAFF) သည် ပြီးခဲ့သည့် နိုဝင်ဘာလ ၂၄ ရက်မှ ၃၀ ရက်အထိ တစ်နိုင်ငံလုံးရှိ စူပါမားကတ် ၁၀၀၀ ခန့်တွင် ရောင်းချခဲ့သော ဆန် ၅ ကီလိုဂရမ်၏ ပျမ်းမျှလက်လီစျေးနှုန်း (အခွန်ပါဝင်) မှာ ယခင်အပတ်ထက် ၂၃ ယန်း တက်လာပြီး ၄,၃၃၅ ယန်း သို့ ရောက်ရှိကာ သမိုင်းတစ်လျှောက် အမြင့်ဆုံး စံချိန်တင်ခဲ့ကြောင်း ဒီဇင်ဘာ ၅ ရက်နေ့တွင် ကြေညာခဲ့သည်။

စျေးနှုန်းတက်လာမှုသည် နှစ်ပတ်ဆက်တိုက်ဖြစ်ပြီး ၄,၀၀၀ ယန်းကျော် တန်ဖိုးရှိနေသည်မှာ ၁၃ ပတ်ဆက်တိုက်ရှိပြီဖြစ်သည်။

ယခုလို စံချိန်တင် အမြင့်ဆုံးသို့ ရောက်ရှိခြင်းမှာ နိုဝင်ဘာလ ၃ ရက်မှ ၉ ရက်အပတ်နောက်ပိုင်း သုံးပတ်အတွင်း ပထမဆုံးအကြိမ်ဖြစ်သည်။

စျေးနှုန်းမြင့်မားသော ဆန်သစ်များ ဈေးကွက်သို့ ရောက်ရှိလာခြင်းနှင့် အစိုးရ၏ သိုလှောင်ထားသော ဆန်များကို လွတ်လပ်စွာ စာချုပ်ချုပ်ဆို၍ ဖြန့်ဖြူးခြင်း ပမာဏ လျော့နည်းသွားခြင်းတို့ကြောင့် ဖြစ်သည်ဟု ယူဆရသည်။

အမျိုးအစားအလိုက် ပျမ်းမျှဈေးနှုန်း (၅ ကီလိုဂရမ်)
🔺နာမည်ကြီးဆန် (銘柄米) : ယခင်အပတ်ထက် ၅ ယန်း တက်လာပြီး ၄,၅၅၁ ယန်း ရှိသည်။ စျေးတက်ခြင်းမှာ နှစ်ပတ်ဆက်တိုက် ဖြစ်သည်။
🔺Brand ဆန် (ブランド米) : ယခင်အပတ်ထက် ၉၂ ယန်း တက်လာပြီး ၃,၈၇၀ ယန်း ရှိသည်။

အရန်ဆန် (備蓄米) နှင့် ပတ်သက်၍လည်း သီးခြားစာချုပ်ဖြင့် ရောင်းချသည့်ဆိုင်များတွင် အရန်ဆန် ၅ ကီလိုဂရမ်၏ ပျမ်းမျှစျေးနှုန်းမှာ ၄၁ ယန်းတက်၍ ၃,၅၀၉ ယန်း ဖြစ်သည်။ အရန်ဆန်သက်သက်မှာ ၅၈ ယန်းတက်၍ ၂,၁၄၆ ယန်း ဖြစ်သည်။

နိုဝင်ဘာလ ၃၀ ရက်အထိ စုစုပေါင်း အရန်ဆန်ရောင်းအားမှာ ၁၉၂,၇၇၈ တန် ရှိပြီး တိုကျိုက ၁၇,၅၀၀ တန်ဖြင့် အများဆုံးဖြစ်သည်။

農林水産省/MAFF သည် သီးခြားစာချုပ်ဖြင့် အရန်ဆန်ရောင်းချသည့်ဆိုင်များ၏ ပျမ်းမျှစျေးနှုန်းနှင့် ရောင်းအားတို့ကို ယနေ့ (ဒီဇင်ဘာ ၅ ရက်) တွင် နောက်ဆုံးအဖြစ် ထုတ်ပြန်ကြေညာခဲ့သည်။

📝ယုဇုမေမေ

08/12/2025

၂၀၂၅ ဒီဇင်ဘာ ၈ ရက် ၂၃:၁၅ ဝန်းကျင်တွင် Aomori ပြည်နယ် အရှေ့ဘက်ကမ်းရိုးတန်းတွင် ပြင်းအား ၇.၆ ရှိသော ငလျင်လှုပ်ခတ်ပြီး Aomori, Iwate နှင့် Hokkaido ပြည်နယ်များ၏ကမ်းခြေများတွင် ဆူနာမီ သတိပေးချက်များထုတ်ပြန်ထားပါသည် 🚨

ကမ်းခြေအနီးနေထိုင်သူများအနေဖြင့် မိမိနေထိုင်ရာဒေသရဲ့ ထုတ်ပြန်ချက်များကို ဂရုစိုက်နားထောင်ပြီး ပင်လယ်ကမ်းခြေနားသွားရောက်ခြင်းမပြုကြပါရန် 🙏

📝ယုဇုမေမေ

08/12/2025

ဆေးလိပ်ခွန်နှင့် ဝင်ငွေခွန်အပါအဝင်အခွန်ထပ်တိုးမယ် 🤦🏻‍♂️

ကာကွယ်ရေးစရိတ် တိုးမြှင့်ရန်အတွက် ဝင်ငွေခွန် တိုးမြှင့်ခြင်းကို ၂၀၂၇ ခုနှစ် ဇန်နဝါရီလမှ စတင် အကောင်အထည်ဖော်ရန် စီစဉ်နေသည်။

ကာကွယ်ရေးစရိတ်အတွက် ဘဏ္ဍာငွေကို ကော်ပိုရိတ်ခွန်၊ ဆေးလိပ်ခွန်နှင့် ဝင်ငွေခွန် တိုးမြှင့်ခြင်းဖြင့် ရယူမည်ဖြစ်ပြီး ကော်ပိုရိတ်ခွန်နှင့် ဆေးလိပ်ခွန်ကိုမူ ၂၀၂၆ ခုနှစ် ဧပြီလမှ စတင် တိုးမြှင့်ရန်ဆုံးဖြတ်ပြီဖြစ်သည်။

စတင်မည့်အချိန် မသတ်မှတ်ရသေးသော ဝင်ငွေခွန် တိုးမြှင့်ခြင်းကို ၂၀၂၇ ခုနှစ် ဇန်နဝါရီလမှ စတင်ရန် ညှိနှိုင်းနေကြခြင်းဖြစ်သည်။

"ပြန်လည်ထူထောင်ရေး အထူးဝင်ငွေခွန်" နှုန်းထားကို လျှော့ချမည်ဖြစ်သောကြောင့် လက်ရှိတွင် အမှန်တကယ် အခွန်ဝန်ထုပ်ဝန်ပိုး ပြောင်းလဲမည်မဟုတ်သော်လည်း အခွန်ကောက်ခံသည့် ကာလကို တိုးချဲ့လိုက်သောကြောင့် ရေရှည်တွင် ဝန်ထုပ်ဝန်ပိုး တိုးလာမည် ဖြစ်သည်။

ထို့အပြင် Furusato Nozei (မိခင်ဇာတိသို့ အလှူငွေပေးခြင်းစနစ်) နှင့် ပတ်သက်၍လည်း ဝင်ငွေများသူများက ပိုမိုတန်ဖိုးကြီးသော လက်ဆောင်ပစ္စည်းများ ရရှိနေခြင်းကြောင့် ဝင်ငွေမြင့်သူများကို အထူးအခွင့်အရေးပေးသည်ဟု ဝေဖန်မှုများ ထွက်ပေါ်နေသဖြင့် အခွန်လျှော့ပေါ့မှု ပမာဏအပေါ် အမြင့်ဆုံးကန့်သတ်ချက် သတ်မှတ်ရန် စီစဉ်နေကြောင်း သိရသည်။

၂၀၂၆ ခုနှစ်ထဲမှာ ဆေးလိပ်ခွန်၊ ပြည်ပထွက်ခွါခွန်တွေတိုးလာပြီး လူပျိုခွန်လို့ လူသိများတဲ့ 独身税 ဆိုတာလည်း အသစ်ထပ်တိုးလာအုံးမှာဖြစ်ပါတယ်။

လူပျိုခွန်လို့ လူသိများတဲ့ 独身税 အကြောင်းကို သီးသန့်အသေးစိတ်ရေးတင်ပေးပါ့မယ်။

📝ယုဇုမေမေ

06/12/2025

ဂျပန်ဝန်ကြီးချုပ် Takaichi အပါအဝင်ဝန်ကြီး ၁၉ ဦး၏ ပိုင်ဆိုင်မှုများကို ထုတ်ပြန်ကြေညာခဲ့ပါတယ်။

အိမ်ခြံမြေနှင့် စပေါ်ငွေများ အပါအဝင် မိသားစုဝင်များ၏ ပိုင်ဆိုင်မှုအားလုံးပေါင်း၏ ပျမ်းမျှပိုင်ဆိုင်မှုသည် ယန်း ၆၆.၄၁ သန်းခန့် ဖြစ်သည်။

ပိုင်ဆိုင်မှု အများဆုံးမှာ ကာကွယ်ရေးဝန်ကြီး Koizumiဖြစ်သည်။(အဖေကလဲအရင်ဝန်ကြီးချုပ်ဟောင်း၊ အစ်ကိုက မင်းသား၊ နောက်ခံ Background တော်တော်ကြီးတဲ့မိသားစုဝင်တဦးဆိုတော့လဲ)

ပိုင်ဆိုင်မှု အများဆုံးမှာ ကာကွယ်ရေးဝန်ကြီး Koizumi ဖြစ်ပြီး ၎င်း၏ဇနီးဖြစ်သူ Takigawa Christel (Announcer, ပြင်သစ်ဂျပန်ကပြား)အမည်ဖြင့် ပိုင်ဆိုင်မှုအားလုံးပေါင်း ၂၇၂.၄၈ သန်း ရှိသည်။ ဒုတိယအများဆုံးမှာ နိုင်ငံခြားရေးဝန်ကြီး Motegi ဖြစ်ပြီး ယန်း ၁၉၃.၉၇ သန်း ဖြစ်ကာ၊ ဝန်ကြီးချုပ် Takaichi သည် ယန်း ၃၂.၀၆ သန်း ဖြင့် လူ ၁၉ ဦး အနက် အဆင့် ၁၀ နေရာတွင် ရှိသည်။

ဝန်ကြီးများ၏ ပိုင်ဆိုင်မှု ထုတ်ပြန်ကြေညာရာတွင် သာမန်အပ်ငွေ (Current Account/Ordinary Deposits) များ မပါဝင်သည့်အပြင်၊ ရှယ်ယာများကိုလည်း နာမည်နှင့် အရေအတွက်ကိုသာ ဖော်ပြရန် လိုအပ်သောကြောင့် "ထုတ်ပြန်ကြေညာလိုက်သော ပိုင်ဆိုင်မှုပမာဏသည် လက်တွေ့အခြေအနေကို ကိုယ်စားမပြု" ဟုလည်း ထောက်ပြပြောဆိုမှုများ ရှိနေသည်။

📝ယုဇုမေမေ

06/12/2025

ဂျပန်အစိုးရသည် နိုင်ငံခြားသားတွေ ဂျပန်နိုင်ငံသားအဖြစ် ခံယူနိုင်ဖို့ နေထိုင်ရမယ့်ကာလကို လက်ရှိ ၅ နှစ်ကနေ ၁၀ နှစ်အထက်အထိ တိုးမြှင့်ဖို့ဆောင်ရွက်နေကြောင်းအတည်ပြုထားသည်။

🔺 နိုင်ငံသားဖြစ်ခွင့်ရဖို့ လိုအပ်ချက်ဟာ အမြဲတမ်းနေထိုင်ခွင့် (PR) လိုအပ်ချက်ထက် ပိုမိုလွယ်ကူနေတယ်လို့ အစိုးရနဲ့ အုပ်ချုပ်ရေးပါတီက ယူဆကြပါတယ်။
🔺 နိုင်ငံသားဖြစ်ခွင့်ဥပဒေကိုမပြင်ဘဲ လက်တွေ့လုပ်ထုံးလုပ်နည်းအတိုင်းလုပ်ဆောင်မည်ဖြစ်ပြီး လျှောက်ထားသူအနေဖြင့် ဂျပန်နိုင်ငံတွင် ၁၀ နှစ်အထက် နေထိုင်ရမယ်ဆိုတဲ့အချက်ကိုပြင်ဆင်မယ်ဆိုပြီးစဉ်းစားနေတာပါ။
🔺 နိုင်ငံသားဖြစ်ခွင့်အတွက် နေထိုင်မှုကာလအပြင် "အကျင့်စာရိတ္တ ကောင်းမွန်ခြင်း"၊ "လျှောက်ထားသူ သို့မဟုတ် အိမ်ထောင်ဖက်၏ ပိုင်ဆိုင်မှု သို့မဟုတ် ကျွမ်းကျင်မှုဖြင့် တည်ငြိမ်သော ဘဝကို ဖြတ်သန်းနိုင်ခြင်း" ရှိမရှိ နှင့် နေ့စဉ်ဘဝမှာ အခက်အခဲမရှိတဲ့ ဂျပန်စကားပြောနိုင်ခြင်းရှိမရှိ စသည့်အချက်များကိုလည်း ထည့်သွင်းကြည့်ရှုရန် စဉ်းစားနေပါသည်။

အထက်ပါမူဝါဒပြောင်းလဲမှုကို ၂၀၂၆ ဇန်နဝါရီလတွင် အပြီးသတ်မည့် နိုင်ငံခြားသားများဆိုင်ရာ မူဝါဒမူဘောင် အခြေခံမူများထဲတွင် ထည့်သွင်းရန် ရည်ရွယ်ထားကြောင်းပြောဆိုထားပါတယ်။

📝ယုဇုမေမေ

05/12/2025

မြန်မာလူမျိုးတစ်ယောက်အနေနဲ့ ချီးကျူးပြောဆိုခံရတာ ဝမ်းသာဂုဏ်ယူမိပါတယ် ညီမလေးမေမြတ်နိုး 🇲🇲

ဂျပန်နိုင်ငံ၏ သူနာပြုစောင့်ရှောက်မှုလုပ်ငန်း (Nursing Care Industry) တွင် ဂျပန်လူငယ်လုပ်သား အလွန်နည်းပါးလာပြီး နိုင်ငံခြားသားလုပ်သားများအပေါ် အားထားလာရသည်မှာ ကြာမြင့်နေပြီဖြစ်ပြီး ယခုအခါတွင် အရည်အချင်းရှိသော နိုင်ငံခြားသားလုပ်သားများကို "အပြိုင်အဆိုင် လုယူခေါ်ဆောင်ခြင်း" များပြုလုပ်နေရသည်အထိလုပ်သားရှားပါးနေချိန်ဖြစ်သည်။

အဆိုပါထဲမှ Yamanashi ခရိုင် ရှိ ဘိုးဘွားစောင့်ရှောက်ရေးဂေဟာတစ်ခုမှာ (Dat Care Center) မှတ်စုစာအုပ်ကို ကိုင်ကာ အလုပ်ခွင်ထဲပြေးလွှားအလုပ်လုပ်နေသော မြန်မာအမျိုးသမီးတစ်ဦးအကြောင်းကို ဆောင်းပါးတစ်ခုမှာ ချီးကျူးပြောဆိုထားပါသည်။

ဂေဟာကိုနေ့စဉ် အသုံးပြုသူ ၄၇ ဦး လာရောက်ကြပြီး အသက် ၉၀ ကျော်အရွယ် အမျိုးသမီးအသုံးပြုသူတစ်ဦးက မြန်မာအမျိုးသမီးဝန်ထမ်း မေမြတ်နိုး (၂၆ နှစ်) အကြောင်းပြောပြထားတာကတော့

🇲🇲 "ဂျပန်လို ဘယ်လိုပြောရမှန်းမသိတဲ့အခါတွေ၊ ခက်ခဲတဲ့ Kanji စာလုံးတွေကို သူက ကျွန်မဆီ ခဏခဏ လာမေးတယ်"

🇲🇲 "ဒီကလေးမလေးက မှတ်စုစာအုပ်ကို အမြဲဆောင်ထားပြီး ကျွန်မ သင်ပေးတဲ့စကားလုံးတွေကို ချရေးတယ်။ ဝေးလံတဲ့နိုင်ငံကနေ လာပြီး အထီးကျန်နေမှာကိုလည်း မမှုဘဲရိုးသားတယ်။ အရမ်းကြိုးစားတယ်။ ဂျပန်လူမျိုးတွေထက်တောင် ပိုပြီး တာဝန်ကျေတယ်လို့ ထင်တယ်"

မေမြတ်နိုး ဂျပန်သို့ ရောက်ရှိလာသည်မှာ ၂ နှစ်ရှိပြီဖြစ်ပြီး ကျွမ်းကျင်မှုသင်တန်းသားတစ်ဦးဖြစ်သည်။

ပူနွေးသော တိုင်းပြည်မှ လာခဲ့သည့် သူမအတွက် စရောက်ချိန်မှာ ဒီဇင်ဘာလဆိုတော့ အရမ်းအေးတဲ့အကြောင်း၊ လုပ်ငန်းတာဝန်များတွင် ရေချိုးခန်းကူညီစောင့်ရှောက်မှုသည် အခက်ခဲဆုံးဖြစ်ကြောင်း၊ အသုံးပြုသူများထဲတွင် အမျိုးသားများနှင့် ခန္ဓာကိုယ်ထွားကြိုင်းသူများလည်း ပါဝင်သဖြင့် မေမြတ်နိုးအတွက်လည်း တစ်ခါတစ်ရံ နှစ်ယောက်တွဲလုပ်ရပြီး "ခါးနာတယ်ခြင်း”၊ “လက်မောင်းနာခြင်း” များကြုံရသော်လည်း လူတွေကို ကူညီရတာကြိုက်တယ်လို့ ဒီအလုပ်ကို လုပ်ရတာသဘောကျတယ်လို့ မေမြတ်နိုး ကပြောဆိုခဲ့သည်။

သတင်းအပြည့်အစုံကိုဖတ်ချင်ရင်တော့ comment မှာ link ရေးထားပါတယ်။

📝ယုဇုမေမေ

05/12/2025

ဒီနေ့ သတင်းတပုဒ်ဖတ်လိုက်ရပြီး အကြောင်းအမျိုးမျိုးကြောင့်နိုင်ငံခြားမှာမွေးဖွားကြီးပြင်းကြတဲ့ကလေးတွေအတွက် ဖေဖေမေမေ တို့သတိလေးထားစေချင်လို့ ဒီ Post လေးကိုရေးလိုက်ရခြင်းဖြစ်ပါသည်။

သတင်းပါ အကျဉ်းချုပ်အကြောင်းအရာကတော့

ဒုတိယကမ္ဘာစစ်အတွင်း ဂျပန်စစ်သားဂျပန်လူမျိုး(အဖေ)နှင့် ဖိလစ်ပိုင်အမျိုးသမီး(အမေ)မှမွေးဖွားလာခဲ့ကြသော ကလေး (ကပြား) ၄ ဦး သည်ဂျပန်နိုင်ငံသားဖြစ်ခွင့်ကို တရားရုံးတွင် တောင်းဆိုခဲ့ကြပါသည်။ (လက်ရှိတွင့် အသက် ၈၀ ဝန်းကျင်ရှိပြီး ဒုတိယကမ္ဘာစစ်အပြီး ဖိလစ်ပိုင်မှာကျန်ရစ်ခဲ့သူတွေ)

တောင်းဆိုသူ ၄ ဦးရဲ့DNA နှင့်ဂျပန်ရှိ ဆွေမျိုးများ(ဖအေတူအမေကွဲမောင်နှမများ)နှင့် သွေးသားတော်စပ်ကြောင်းစစ်ဆေးမှုအရ ၉၈.၇% ဖြင့် သွေးသားတော်စပ်ကြောင်း အတည်ပြုနိုင်ခဲ့သော်လဲ တရားရုံးက ဂျပန်လူမျိုး အဖြစ်အသိအမှတ်မပြုပဲ ပယ်ချခြင်းခံခဲ့ရပါတယ်။

အကြောင်းပြချက်ကတော့ ဖခင်ဂျပန်နှင့်မိခင်ဖိလစ်ပိုင်အမျိုးသမီးကြားမှာ လင်မယားဖြစ်ခဲ့ကြောင်းစာရွက်စာတမ်းတွေမပြနိုင်လို့ပါတဲ့။( ဥပမာ: လက်ထပ်စာချုပ်/ အကြင်လင်မယားဖြစ်ကြောင်းထောက်ခံစာ)

သနားဖို့ကောင်းတာက သူတို့ ၄ဦးဟာ အသက် ၈၀ ကျော်နေပြီး အခုထိ နိုင်ငံမဲ့(statelessness / 無国籍)ဖြစ်နေတာပါ။

ဒီမှာ ကျွန်မတို့သတိထားရမှာက ကျွန်မတို့မြန်မာလူမျိုးတွေအကြောင်းအမျိုးမျိုးကြောင့် နိုင်ငံခြားမှာထွက်နေကြပြီး နိုင်ငံခြားမှာ မွေးတဲ့ကလေးတွေများလာတယ်ထင်ပါတယ်။ နိုင်ငံခြားမှာ ကြီးပြင်းရမည့်ကိုယ်ရဲ့ကလေးအတွက် သူတို့နဲ့ဆိုင်မည့် မိဘတွေရဲ့ လက်ထပ်စာချုပ်၊ မွေးစာရင်း၊ အိမ်ထောင်စုစာရင်း၊ ပတ်စပို့ အစရှိတဲ့ အရေးကြီး စာရွက်စာတမ်းတွေကိုသေသေချာချာ ပြုလုပ်သိမ်းစည်းထားပေးသင့်ပါတယ်။ မတော်လို့များကိုယ်တွေက လူလောကထဲကအမှတ်မထင်ပျောက်ကွယ်သွားခဲ့ရင်ဆိုတဲ့စိတ်မျိုးနဲ့ အကုန်ပြင်ဆင်ပေးထားတာကောင်းပါတယ်ရှင့်။

နောက်ပြီး ကျွန်မ Customers တွေထဲမှာ ဂျပန်နိုင်ငံသားခံယူဖို့ စာရွက်တွေပြင်ရင် မြန်မာပြည်ဘက်ကစာရွက်စာတမ်းတွေကိုအစစ်တွေပြရမှာလား ခဏခဏအမေးခံရပါတယ်။ တခါတလေ ကျွန််မကအပိုပြောတဲ့လိုထင်တဲ့သူတွေလဲရှိပါတယ်။ ဒီသတင်းကိုကြည့်ရင်တောင် သူတို့သွေးသားပါနေတာတောင် စာရွက်မပြနိုင်လို့ပျယ်ချခံခဲ့ရတာပါ။ သူတို့သွေးမပါတဲ့ တခြားနိုင်ငံခြားသားတယောက်ဆိုရင် စာရွက်စာတမ်းကို ဘယ်လောက်အလေးထားကြည့်မလဲဆိုတာ သိစေချင်ပါတယ်ရှင့်

📝ယုဇုမေမေ

05/12/2025

ဂျပန်ရှိ နိုင်ငံခြားသားများ၏ ကျန်းမာရေးစရိတ်နှင့်ပတ်သက်၍ SNS တွင် ပျံ့နှံ့နေသော မှားယွင်းသည့်အချက်အလက်များကို အမျိုးသားလူမှုဖူလုံရေးနှင့် လူဦးရေပြဿနာသုတေသနအင်စတီကျုမှ Korekawa Yu က ရှင်းလင်းတင်ပြခဲ့သည်။

🔹တိုကျိုရှိ ကွန်ဒိုဈေးနှုန်းမြင့်တက်မှု
တိုကျို ၂၃ ခရိုင်တွင် နိုင်ငံခြားသားဝယ်ယူမှု တိုးလာသည်မှာ မှန်သော်လည်း ထိုင်ဝမ်မှ အများဆုံး (၁၉၂ ခု) ဝယ်ယူခြင်းဖြစ်ပြီး၊ တရုတ်နိုင်ငံမှ ဝယ်ယူမှုမှာ အနည်းငယ် (၃၀ ခု) သာရှိသည်။ ထို့အပြင် ပြန်လည်ရောင်းချသည့်နှုန်း (Transfer Rate) မှာ ၁.၃% သာရှိသည်။

🔹ဆေးရုံစရိတ် မပေးနိုင်မှုပြဿနာ
၂၀၂၃ ခုနှစ်တွင် ဆေးရုံများ၏ စုစုပေါင်း မရရှိသေးသော စရိတ် (ယန်း ၈၈.၁ ဘီလီယံ) အနက်၊ နိုင်ငံခြားသားများကြောင့် မရရှိသေးသောပမာဏမှာ ၁.၅% (ယန်း ၁.၃ ဘီလီယံ) သာရှိသည်။ ကျန် ၉၈.၅% မှာ ဂျပန်နိုင်ငံသားများ၏ မရရှိသေးသော စရိတ်များဖြစ်သည်။

ဂျပန်တွင် နိုင်ငံခြားသားများ၏ ရာခိုင်နှုန်း (၃%) နှင့် နှိုင်းယှဉ်ပါက၊ နိုင်ငံခြားသားများသည် ဂျပန်နိုင်ငံသားများထက် ပိုမိုစနစ်တကျ ပေးဆောင်ကြသည်ဟု ရှင်းပြသည်။

🔹အမျိုးသားကျန်းမာရေးအာမခံကြေး (National Health Insurance) ပေးဆောင်မှု
အုပ်ချုပ်ရေးဒေသ ၁၅၀ ခန့်ကို စစ်တမ်းကောက်ယူရာ၊ အာမခံထားသူ စုစုပေါင်း၏ ၄% မှာ နိုင်ငံခြားသားများဖြစ်သော်လည်း ၎င်းတို့အတွက် သုံးစွဲခဲ့ရသော စုစုပေါင်းကျန်းမာရေးစရိတ်မှာ ၁.၄% (ယန်း ၁၂၄ ဘီလီယံ) သာရှိသည်။ ဆိုလိုသည်မှာ နိုင်ငံခြားသားများသည် ကျန်းမာရေးစောင့်ရှောက်မှုကို အလွန်အကျွံမသုံးစွဲဘဲ ၎င်းတို့၏ အာမခံကြေးများက ဂျပန်နိုင်ငံသားများ၏ ကျန်းမာရေးစရိတ်ကိုပင် ထောက်ပံ့ပေးနေသည် ဟုဆိုနိုင်သည်။

Korekawa Yu က မှားယွင်းသော အချက်အလက်များဖြင့် လမ်းလွဲမှုမဖြစ်စေရန်၊ အချက်အလက်နှင့် ကိန်းဂဏန်းများကို စနစ်တကျ ကြည့်ရှုရန် လိုအပ်ပြီး ကျန်းမာရေးဝန်ကြီးဌာနအနေဖြင့် မှားယွင်းသော သတင်းအချက်အလက်များကို ဦးဆောင်ဖြေရှင်းပေးရန် တောင်းဆိုထားသည်။

📝ယုဇုမေမေ

04/12/2025

နိုင်ငံခြားသားများအတွက် နေထိုင်ခွင့်ဗီဇာ (status of residence) စိစစ်မှုများကို တင်းကျပ်သွားမည်ဖြစ်ပြီး နေထိုင်ခွင့်မူဝါဒဆိုင်ရာ အခြေခံလမ်းညွှန်ချက်ကို ၂၀၂၆ ဇန်နဝါရီလတွင် အပြီးသတ်ရန် အစိုးရနှင့် LDP ပါတီတို့အကြား ဆွေးနွေးမှုများ ပြုလုပ်နေသည်။

🔺အမြဲတမ်းနေထိုင်ခွင့် (Permanent Resident) လျှောက်ထားရန်လိုအပ်ချက်များ တင်းကျပ်ခြင်း
အမြဲတမ်းနေထိုင်ခွင့် (Permanent Resident) ရရှိရန် လိုအပ်ချက်တစ်ခုအနေဖြင့် Resident card (Zairyu card) ၏ဗီဇာသက်တမ်းမှာ ၅ နှစ်ရှိရမည်ဖြစ်သော်လည်း လက်ရှိတွင် Resident card (Zairyu card) ၏ဗီဇာသက်တမ်း ၃ နှစ်ရှိသူများအား အမြဲတမ်းနေထိုင်ခွင့် (Permanent Resident) လျှောက်ထားခွင့်ပြုပေးထားသည့် အချက်ကို ဖျက်သိမ်းရန် စဉ်းစားနေသည်။

🔺ကျန်းမာရေးအာမခံ/ပင်စင်ခွန် (社会保険料) နှင့် အခွန်အခများပေးဆောင်မှုရှိမရှိစစ်ဆေးခြင်း
ကျန်းမာရေးအာမခံ/ပင်စင်ခွန် (社会保険料) နှင့် အခွန်အခများ မဆောင်ပါက နေထိုင်ခွင့်ဗီဇာ သက်တမ်းတိုးခြင်း သို့မဟုတ် အခြားဗီဇာအမျိုးအစားသို့ ပြောင်းလဲခြင်းကို ခွင့်မပြုသည့် အစီအစဉ်များ ချမှတ်သွားရန် စဉ်းစားနေသည်။

နိုင်ငံခြားသားများ၏ အမျိုးသားကျန်းမာရေးအာမခံ (National Health Insurance) ပေးသွင်းမှုနှုန်းသည် ၆၃% သာရှိပြီး ဂျပန်နိုင်ငံသားများအပါအဝင် စုစုပေါင်း ပေးသွင်းမှုနှုန်း (၉၃%) ထက် များစွာနိမ့်ကျနေသောကြောင့် ၂၀၂၇ ခုနှစ်နောက်ပိုင်းတွင် My Number စနစ်ကို အသုံးပြု၍ ကျန်းမာရေးအာမခံ/ပင်စင်ခွန် (社会保険料) နှင့် အခွန်အခ ပေးသွင်းမှု အချက်အလက်များကို လူဝင်မှုကြီးကြပ်ရေးနှင့်ချိတ်ဆက်စိစစ်သွားမည်ဖြစ်သည်။

🔺"နည်းပညာ/လူမှုဗဟုသုတ/နိုင်ငံတကာလုပ်ငန်း" (技人国 - Gijinkoku) ဗီဇာ စိစစ်မှု တင်းကျပ်ခြင်း
နေထိုင်ခွင့်များတွင် ဒုတိယအများဆုံး (၁၁.၆%) ဖြစ်ပြီး ၅ နှစ်အတွင်း ၁.၆ ဆ တိုးလာသည့် ဤပညာရှင်ဗီဇာကို စိစစ်သည့် နည်းလမ်းများကိုထည့်သွင်းရန်စီစဉ်ထားနေသည်။

အဆိုပါဗီဇာကို အသုံးပြု၍ ခွင့်ပြုချက်နှင့် မသက်ဆိုင်သော ရိုးရှင်းသည့်လုပ်ငန်းများတွင် နိုင်ငံခြားသားများကို ခိုင်းစေမှုများရှိနေသောကြောင့် ဖြစ်သည်။ လက်ခံမည့် ဦးရေ ကန့်သတ်ရန်လည်း LDP ပါတီအတွင်း အဆိုပြုချက်များ ရှိနေသည်။

🔺လူမှုပဋိပက္ခ စိုးရိမ်မှု
လက်ရှိ ဂျပန်လူဦးရေ၏ ၃% ရှိသော နိုင်ငံခြားသားများ၏ ရာခိုင်နှုန်းသည် အနာဂတ်တွင် ၁၀% သို့ ရောက်ရှိနိုင်ကြောင်း ခန့်မှန်းရပြီး ယင်းကြောင့် လူမှုပဋိပက္ခများနှင့် ပြဿနာများ ဖြစ်ပွားလာမည်ကို စိုးရိမ်ခြင်းကြောင့် စိစစ်မှုကို တင်းကျပ်ခြင်းဖြစ်သည်။

ဂျပန်မှာရေရှည်နေထိုင်ဖို့စိတ်ကူးထားသူများအနေဖြင့် သတ်မှတ်ထားသော ကျန်းမာရေးအာမခံ/ပင်စင်ခွန် (社会保険料) နှင့် အခွန်အခများကိုပုံမှန်ပေးဆောင်ထားတာကောင်းမယ်လို့ထင်ပါတယ်။

📝ယုဇုမေမေ

04/12/2025

တစ်ခုပြီးတစ်ခုစျေးတက်နေသော ဂျပန်ပြည် 🇯🇵

Nissin Foods က ၂၀၂၆ ဧပြီလကစပြီး Cup Noodle နဲ့ Chicken Ramen အပါအဝင် ပစ္စည်း ၁၇၀ ခန့်ကို ဈေးနှုန်းတက်မယ်လို့ ကြေညာ 📈

🔸 Cup Noodle (ပုံမှန်) : အခွန်ပါပြီး ယန်း ၂၅၄ ကနေ ယန်း ၂၆၇ အထိ တက်မည်

🔸 Chicken Ramen (၅ထုပ်ပါ) : ယန်း ၇၃၄ ကနေ ယန်း ၇၈၈ အထိ တက်မည်

အချို့သော အထုပ်ခေါက်ဆွဲခြောက်တွေဟာလည်း ပမာဏကို ၇% ကနေ ၁၇% ထိ လျှော့ချမည်။ (တကယ်တမ်း ဈေးတက်တာပါပဲ)

ဈေးတက်ရတဲ့ အကြောင်းရင်းကတော့ ကုန်ကြမ်းပစ္စည်းတွေနဲ့ ထုပ်ပိုးပစ္စည်းတွေ ဈေးနှုန်းမြင့်တက်လာမှုအပြင် သယ်ယူပို့ဆောင်ရေးစရိတ်တွေ ဆက်တိုက်မြင့်တက်လာလို့ပါ။ ဈေးတက်နှုန်းဟာ အများဆုံး ၁၁% ခန့် ရှိမယ်လို့ သိရပါတယ်။

📝ယုဇုမေမေ

04/12/2025

နိုင်ငံတကာခရီးသွားအခွန် (ဂျပန်နိုင်ငံမှထွက်ခွာခွန်) ထပ်မံတိုးကောက်မည် 😱

ဂျပန်အစိုးရနှင့် အုပ်ချုပ်ရေးပါတီတို့သည် နိုင်ငံတကာခရီးသွားအခွန် (ဂျပန်နိုင်ငံမှ တခြားနိုင်ငံသို့ထွက်ခွါမှု/ခရီးသွားမှု) ကို လက်ရှိ ယန်း ၁,၀၀၀ မှ ယန်း ၃,၀၀၀ သို့မဟုတ် ထို့ထက်ပို၍ တိုးမြှင့်ရန် ညှိနှိုင်းဆောင်ရွက်နေသည်။

လက်ရှိကောက်ခံနေသောနှုန်းထား၏ သုံးဆကျော်တိုးမြှင့်ရန်စဉ်းစားနေခြင်းဖြစ်သည်။

ရည်ရွယ်ချက်မှာ ခရီးသွားလာမှု လွန်ကဲခြင်း (overtourism) ကို တိုက်ဖျက်ရန်နှင့် ၎င်းနှင့်ပတ်သက်သော ပြဿနာများ (လူများပြည့်ကျပ်ခြင်း၊ စည်းကမ်းချိုးဖောက်ခြင်း စသည်) ထိန်းချုပ်ရန်အတွက် ရန်ပုံငွေကိုတိုးချဲ့ရန် ဖြစ်သည်။

အဆိုပါ အခွန်သည် ဂျပန်နိုင်ငံမှ ထွက်ခွာသည့် နိုင်ငံခြားဧည့်သည်များနှင့် ဂျပန်နိုင်ငံသားများ နှစ်မျိုးလုံးနှင့် သက်ဆိုင်သောအခွန်ဖြစ်သည်။

စီးပွားရေးအတန်းအစား (business class) အထက် ခရီးသည်များအတွက် ယန်း ၅,၀၀၀ အထိ တိုးမြှင့်ရန်လည်း အဆိုပြုထားသည်။

အခွန်အသစ်ကို ၂၀၂၆ ဘဏ္ဍာရေးနှစ် အခွန်ပြုပြင်ပြောင်းလဲရေး မူဘောင် တွင် ထည့်သွင်းရန် ရည်ရွယ်ထားသည်။

တခုပြီးတခု အခွန်တွေတိုးကောက်နေတာ နောက်ထပ်ဘာတွေထပ်တိုးအုံးမလဲမသိဘူးနော် 🤷🏻‍♂️

📝ယုဇုမေမေ

YUZU Mom

09/12/2025

08/12/2025

08/12/2025

08/12/2025

06/12/2025

06/12/2025

05/12/2025

05/12/2025

05/12/2025

04/12/2025

04/12/2025

04/12/2025

Address

Telephone

Website

Alerts

Contact The Business

Shortcuts

Share

Category