https://www.facebook.com/354095258073348/

YUZU Mom, Yangon (2025)

23/09/2025

📌育成就労 (Ikusei Shuro) ဗီဇာဆိုတာ ဘာလဲ?

育成就労 (Ikusei Shuro) ဆိုတာက လက်ရှိ 外国人技能実習制度 (Foreigner Technical Intern Training Program)ကို အစားထိုးလိုက်တဲ့ စနစ်အသစ်တစ်ခုဖြစ်ပါတယ်။ ဒီစနစ်ကို ၂၀၂၇ ခုနှစ်မှာ စတင်အကောင်အထည်ဖော်ဖို့ စီစဉ်ထားပါတယ်။

အဓိကရည်ရွယ်ချက်ကတော့ ဂျပန်နိုင်ငံရဲ့ လူ့စွမ်းအားအရင်းအမြစ်လိုတဲ့ လုပ်ငန်းခွင်တွေမှာ လုပ်သားတွေ တာရှည်စွာ အလုပ်လုပ်ကိုင်နိုင်ဖို့အတွက် လိုအပ်တဲ့ ကျွမ်းကျင်မှုနဲ့ ဂျပန်စာစွမ်းရည်တွေကို ဖွံ့ဖြိုးတိုးတက်စေဖို့ဖြစ်ပါတယ်။

အဓိကပြောင်းလဲသွားတဲ့ အချက်တွေက ဘာတွေလဲ။

၁။ ရည်ရွယ်ချက်
လက်ရှိ 技能実習 (Ginou Jisshu): နိုင်ငံတကာပူးပေါင်းဆောင်ရွက်မှုအနေနဲ့ ဖွံ့ဖြိုးဆဲနိုင်ငံတွေဆီကို ဂျပန်ရဲ့ နည်းပညာတွေ ပြန်လည်မျှဝေပေးဖို့ ရည်ရွယ်ပါတယ်။

အသစ် 育成就労 (Ikusei Shuro): ဂျပန်နိုင်ငံရဲ့ လူ့စွမ်းအားအရင်းအမြစ်ကို ဖြည့်ဆည်းပေးဖို့နဲ့ လုပ်သားတွေရဲ့ ကျွမ်းကျင်မှုတွေကို ဖွံ့ဖြိုးတိုးတက်စေဖို့ ရည်ရွယ်ပါတယ်။

၂။ အလုပ်ပြောင်းလဲခွင့် (転籍)
လက်ရှိ 技能実習 (Ginou Jisshu): အကြောင်းပြချက် ခိုင်လုံမှုမရှိရင် အလုပ်ပြောင်းရွှေ့ဖို့ မဖြစ်နိုင်သလောက်ပါပဲ။

အသစ် 育成就労 (Ikusei Shuro): သတ်မှတ်ထားတဲ့ အခြေအနေတွေနဲ့ ပြည့်စုံရင် အလုပ်ပြောင်းလဲခွင့်ကို ခွင့်ပြုထားပါတယ်။ ဒါကြောင့် အဆင်မပြေတဲ့ လုပ်ငန်းခွင်ကနေ ပြောင်းရွှေ့ဖို့ အခွင့်အရေး ပိုများလာပါတယ်။

၃။ နေထိုင်ခွင့်ကာလ (在留期間):
လက်ရှိ 技能実習 (Ginou Jisshu): အများဆုံး ၅ နှစ်အထိ နေထိုင်နိုင်ပါတယ်။

အသစ် 育成就労 (Ikusei Shuro): အများဆုံး ၃ နှစ် နေထိုင်ခွင့်ရှိပြီး၊ ဒီကာလအတွင်း 特定技能 (Tokutei Gino) အဆင့်သို့ ရောက်ရှိအောင် ကျွမ်းကျင်မှုနဲ့ ဂျပန်စာကို သင်ယူရပါမယ်။

၄။ လိုအပ်တဲ့ ဂျပန်စာစွမ်းရည် (日本語能力):
လက်ရှိ 技能実習 (Ginou Jisshu): ဗီဇာလျှောက်ထားချိန်မှာ သတ်မှတ်ထားတဲ့ ဂျပန်စာအဆင့်အတန်း တရားဝင်မလိုအပ်ပါဘူး။

အသစ် 育成就労 (Ikusei Shuro): ဂျပန်ကို မလာခင်မှာ ဂျပန်စာ N5 အဆင့် ဒါမှမဟုတ် N5 နှင့် ညီမျှတဲ့ စာမေးပွဲတစ်ခုကို အောင်မြင်ဖို့ လိုအပ်ပါတယ်။ ဒါ့အပြင် ဂျပန်နိုင်ငံသို့ ရောက်ရှိပြီးနောက်မှာလည်း သင်ကြားမှုအစီအစဉ်တွေ ပါဝင်လာမှာဖြစ်ပါတယ်။

၅။ အခြားအဓိက အပြောင်းအလဲများ:
လစာ (昇給): လုပ်ငန်းခွင် ဒုတိယနှစ်သို့ ရောက်ရှိတဲ့အခါ အလုပ်ရှင်အနေနဲ့ လစာတိုးပေးဖို့ မဖြစ်မနေလိုအပ်လာပါတယ်။

လက်ခံတဲ့အဖွဲ့အစည်း (監理団体):
လက်ရှိ 監理団体 ကို 監理支援機関 (Kanri Shien Kikan) လို့ နာမည်ပြောင်းလဲခေါ်ဝေါ်ပြီး နိုင်ငံခြားသားလုပ်သားတွေကို ပိုမိုကောင်းမွန်စွာ ထောက်ပံ့ပေးနိုင်ဖို့ စနစ်ကို တိုးတက်ပြောင်းလဲထားပါတယ်။

ဘယ်လိုလုပ်ငန်းခွင်တွေမှာ အကျုံးဝင်မလဲ။
Ikusei Shuro စနစ်ဟာ 特定技能 (Tokutei Gino)စနစ်နဲ့ လုပ်ငန်းခွင်နယ်ပယ်တွေ တူညီပါတယ်။ အထူးသဖြင့် လုပ်သားအင်အား လိုအပ်နေတဲ့ နယ်ပယ်တွေဖြစ်တဲ့

* စိုက်ပျိုးရေး (農業)
* ဆောက်လုပ်ရေး (建設)
* အစားအသောက် ထုတ်လုပ်ရေး (飲食料品製造業)
* စားသောက်ဆိုင်လုပ်ငန်း (外食業)
* သူနာပြုလုပ်ငန်း (介護)
* အခြား ကုန်ထုတ်လုပ်ငန်းများ (製造業)
အစရှိတဲ့ နယ်ပယ်များစွာ ပါဝင်ပါတယ်။

အကျိုးကျေးဇူးတွေက ဘာတွေလဲ။

Career: ၃ နှစ်အတွင်း သတ်မှတ်ထားတဲ့ ကျွမ်းကျင်မှုနဲ့ ဂျပန်စာကို သင်ယူပြီး "特定技能" ဗီဇာသို့ လွယ်ကူစွာ ပြောင်းလဲနိုင်ပါတယ်။

ရေရှည်နေထိုင်ခွင့် (Long-term Stay): 特定技能 ဗီဇာသို့ ပြောင်းပြီးနောက်မှာ ဂျပန်မှာ အချိန်ကြာမြင့်စွာ နေထိုင်ပြီး အလုပ်လုပ်ကိုင်နိုင်မည်။

လုပ်သားအခွင့်အရေး : အလုပ်ပြောင်းရွှေ့ခွင့်ကို ခွင့်ပြုထားတာကြောင့် လုပ်သားတွေရဲ့ အခွင့်အရေးကို ပိုမိုကာကွယ်ပေးပါတယ်။

Ikusei Shuro ဗီဇာဟာ အရင် Ginou Jisshu ထက် ဂျပန်နိုင်ငံမှာ အလုပ်လုပ်ချင်တဲ့ နိုင်ငံခြားသားတွေအတွက် ပိုမိုကောင်းမွန်တဲ့ လမ်းကြောင်းတစ်ခု ဖြစ်လာမှာပါ။ သတ်မှတ်ထားတဲ့ ကျွမ်းကျင်မှုနဲ့ ဂျပန်စာစွမ်းရည်ကို တိုးတက်အောင် သင်ယူပြီး Tokutei Gino ဗီဇာသို့ ကူးပြောင်းကာ ဂျပန်မှာ တာရှည်စွာ အလုပ်လုပ်နိုင်ဖို့အတွက် ရည်ရွယ်ထားတဲ့ စနစ်ဖြစ်ပါတယ်။

📝ယုဇုမေမေ

22/09/2025

ဂျပန်နိုင်ငံ၏ 高度専門職ビザ (Highly Skilled Professional Visa) ဗီဇာရဲ့ အကျိုးကျေးဇူးများနှင့်လျှောက်ထားရန်အတွက်လိုအပ်တဲ့အရည်အချင်းများ

နိုင်ငံရဲ့အနာဂတ်အတွက် အထောက်အကူပြုနိုင်သည့် အဆင့်မြင့်ကျွမ်းကျင်မှုရှိသော နိုင်ငံခြားသားပညာရှင်များကို လက်ခံရန် ရည်ရွယ်သည့် ဗီဇာအမျိုးအစားတစ်ခုဖြစ်သည်။ ဒီဗီဇာသည် သာမန်အလုပ်ဗီဇာများထက် အာသာချက်များစွာရှိပြီး ဗီဇာသက်တမ်း၊ အလုပ်ပြောင်းလဲနိုင်မှုနှင့် မိသားစုဝင်များကို ခေါ်ယူနိုင်မှုစသည်တို့တွင် ပိုမိုလွယ်ကူမှုရှိပါသည်။

🔸အကျိုးကျေးဇူးများ🔸
✅ဗီဇာသက်တမ်း (在留期間)
၅ နှစ်သက်တမ်းရှိဗီဇာတန်းရမည်ဖြစ်ပြီး၊ သုံးနှစ်ဆက်တိုက် အလုပ်လုပ်ပြီးပါက "အမြဲတမ်းနေထိုင်ခွင့်" (PR: 永住権) လျှောက်ထားနိုင်ပါသည်။

✅အလုပ်ပြောင်းလဲနိုင်မှု (複数の活動)
သာမန်ဗီဇာများကဲ့သို့ သတ်မှတ်ထားသော လုပ်ငန်းခွင်၌သာ လုပ်ကိုင်ရသည်မဟုတ်ဘဲ၊ ပညာရှင်များအနေဖြင့် ကုမ္ပဏီတစ်ခုတွင် အလုပ်လုပ်ကိုင်ရင်း မိမိ၏ကျွမ်းကျင်မှုနှင့် ကိုက်ညီသော အခြားလုပ်ငန်းများကိုလည်း လုပ်ကိုင်နိုင်ပါသည်။

✅မိသားစုဝင်များကို ခေါ်ယူနိုင်မှု (配偶者・子どもの帯同)
မိမိ၏ ဇနီး/ခင်ပွန်းနှင့် သားသမီးများကို အတူတကွ နေထိုင်ရန် ခေါ်ယူနိုင်ပါသည်။ ထို့အပြင် ၎င်းတို့သည်လည်း အလုပ်လုပ်ကိုင်နိုင်ပါသည်။

✅မိဘနှစ်ပါး ခေါ်ယူနိုင်မှု (親の帯同)
မိမိ၏ နှစ်ဖက်မိဘများကိုလည်း အခြေအနေအရ ခေါ်ယူနိုင်ပါသည်။

✅အိမ်အကူ ခေါ်ယူနိုင်မှု (家事使用人の帯同)
မိမိ၏ မိသားစုအတွက် အိမ်အကူကို ခေါ်ယူနိုင်ပါသည်။

🔸ဗီဇာလျှောက်ထားရန် လိုအပ်ချက်များ🔸
ဤဗီဇာကို လျှောက်ထားရာတွင် အဓိကအားဖြင့် "Point စနစ်" (ポイント制) ကို အခြေခံပါသည်။

အချက်အလက်များကို အောက်ပါအတိုင်း အမှတ်ပေးပြီး စုစုပေါင်း အမှတ် ၇၀ နှင့်အထက် ရရှိမှသာ လျှောက်ထားနိုင်ပါသည်။

၁။ ပညာအရည်အချင်း (学歴)
📍ဒေါက်တာဘွဲ့ (博士号) သို့မဟုတ် MBA : ၃၀ မှတ်
📍မဟာဘွဲ့ (修士号) : ၂၀ မှတ်
📍တက္ကသိုလ်ဘွဲ့ (学士号) : ၁၀ မှတ်

၂။ အလုပ်အတွေ့အကြုံ (職歴)
📍လုပ်သက် ၁၀ နှစ်နှင့်အထက် : ၂၀ မှတ်
📍လုပ်သက် ၇ နှစ်မှ ၉ နှစ်အထိ : ၁၅ မှတ်
📍လုပ်သက် ၅ နှစ်မှ ၆ နှစ်အထိ : ၁၀ မှတ်
📍လုပ်သက် ၃ နှစ်မှ ၄ နှစ်အထိ : ၅ မှတ်

၃။ နှစ်စဉ်ဝင်ငွေ (年収)
📍တနှစ်ဝင်ငွေ ¥သောင်း ၁၀၀၀နှင့်အထက် : ၄၀ မှတ်
📍တနှစ်ဝင်ငွေ ¥သောင်း ၉၀၀~၁၀၀၀ : ၃၅ မှတ်
📍တနှစ်ဝင်ငွေ ¥သောင်း ၈၀၀~၉၀၀ : ၃၀ မှတ်
📍တနှစ်ဝင်ငွေ ¥သောင်း ၇၀၀~၈၀၀ : ၂၅ မှတ်
📍တနှစ်ဝင်ငွေ ¥သောင်း ၆၀၀~၇၀၀ : ၂၀ မှတ်
📍တနှစ်ဝင်ငွေ ¥သောင်း ၅၀၀~၆၀၀ : ၁၅ မှတ်

၄။ အသက်အရွယ် (年齢)
📍၃၀ နှစ်အောက် : ၁၅ မှတ်
📍၃၀ နှစ်မှ ၃၉ နှစ်အထိ : ၁၀ မှတ်
📍၄၀ နှစ်အထက် : ၅ မှတ်

၅။ ဂျပန်ဘာသာစကားကျွမ်းကျင်မှု (日本語能力)
📍JLPT N1 သို့မဟုတ် BJT စီးပွားရေးဂျပန်စာ စာမေးပွဲ ၄၈၀ မှတ်အထက် : ၁၅ မှတ်
📍JLPT N2 : ၁၀ မှတ်

၆။ ထပ်ဆောင်းအမှတ်များ (ボーナスポイント)
📍ဂျပန်နိုင်ငံရှိ တက္ကသိုလ်မှ ဘွဲ့ရရှိထားခြင်း : ၁၀ မှတ်
📍ဂျပန်နိုင်ငံ သို့မဟုတ် နိုင်ငံတကာ အဆင့်မြင့်တက္ကသိုလ် မှ ဘွဲ့ရရှိထားခြင်း : ၁၀ မှတ်
📍လုပ်ငန်းခွင်နှင့် ပတ်သက်သည့် အသိမှတ်ပြု လက်မှတ်ရရှိထားခြင်း : ၅ မှတ်

ဗီဇာဆိုင်ရာ စည်းမျဉ်းများသည် အမြဲတမ်းပြောင်းလဲနိုင်သောကြောင့် တရားဝင်အချက်အလက်များကို သက်ဆိုင်ရာ ဌာန၏ ဝဘ်ဆိုဒ်တွင် အမြဲစစ်ဆေးရန် လိုအပ်သည်။

ဒီဗီဇာလျှောက်ထားမှုသည် အသေးစိတ်ကျပြီး စာရွက်စာတမ်းများစွာ လိုအပ်သောကြောင့် ကျွမ်းကျင်သော ရှေ့နေ သို့မဟုတ် ဗီဇာလျှောက်ထားမှုဝန်ဆောင်မှုပေးသည့် ကုမ္ပဏီတစ်ခု၏ အကူအညီကို ရယူရန် အကြံပြုလိုပါသည်။

အရမ်းအရမ်းကိုမိုက်တဲ့ အမိုက်စားဗီဇာနော်😊

📝ယုဇုမေမေ

22/09/2025

技術・人文知識・国際業務 (Engineer/Specialist in Humanities/International Services) ဗီဇာလျှောက်ထားရန်အတွက်လိုအပ်တဲ့အရည်အချင်းများ

ကျွန်မတို့တွေအလွယ်တကူ Work Visa ခေါ်ကြပါတယ်။

ဗီဇာရရှိရန်အတွက် အဓိကအားဖြင့် အောက်ပါလိုအပ်ချက်များကို ပြည့်မီရပါမယ်။

သက်ဆိုင်ရာနယ်ပယ်မှ ကျွမ်းကျင်မှုကို သက်သေပြနိုင်မယ့် ဘွဲ့တစ်ခု သို့မဟုတ် သတ်မှတ်ထားတဲ့ နှစ်ကာလတစ်ခုအထိ အလုပ်အတွေ့အကြုံ ရှိရပါမယ်။

လုပ်ရမည်အလုပ်/တာဝန်သည်ကျွမ်းကျင်မှုနဲ့ အရည်အချင်းကို အသုံးချနိုင်တဲ့ အလုပ်မျိုးဖြစ်ရပါမယ်။

အလုပ်ခန့်မယ့် ကုမ္ပဏီမှာ လုပ်ငန်းတည်ငြိမ်မှုရှိရမယ့်အပြင်၊ လစာကလည်း အလားတူအလုပ်မျိုးလုပ်နေတဲ့ ဂျပန်နိုင်ငံသားတစ်ဦးရရှိတဲ့ လစာနဲ့ တူညီခြင်း သို့မဟုတ် ပိုများနေရပါမယ်။

🔹Engineer နှင့်Specialist in Humanities လုပ်ငန်းနယ်ပယ်အတွက်🔹

ဂျပန်နိုင်ငံမှ တက္ကသိုလ်တစ်ခု သို့မဟုတ် နိုင်ငံခြားတက္ကသိုလ်တစ်ခုမှ ဘွဲ့ရရှိထားသူဖြစ်ရမယ်။ (ဘွဲ့ သို့မဟုတ် ပိုမိုမြင့်မားတဲ့အဆင့်)

ဂျပန်နိုင်ငံရှိ သက်မွေးဝမ်းကျောင်းကောလိပ်(専門学校) တခုခုမှကျောင်းပြီးထားသူဖြစ်ရမည်။

သက်ဆိုင်ရာဘွဲ့မရှိဘူးဆိုရင်လုပ်ကိုင်မည်အလုပ်နဲ့ သက်ဆိုင်ရာနယ်ပယ်မှာ အနည်းဆုံး ၁၀ နှစ် အလုပ်အတွေ့အကြုံရှိရမယ်။

Engineer : ရူပဗေဒ၊ အင်ဂျင်နီယာ၊ သတင်းအချက်အလက်နည်းပညာစတဲ့ သဘာဝသိပ္ပံဘာသာရပ်တွေရဲ့ အထူးပြုကျွမ်းကျင်မှုနဲ့ နည်းပညာလိုအပ်တဲ့ အလုပ်များ။ (ဥပမာ- programmer၊ အင်ဂျင်နီယာများ)

Specialist in Humanities : ဥပဒေ၊ စီးပွားရေး၊ စီးပွားရေးစီမံခန့်ခွဲမှု၊ စာရင်းကိုင်ပညာစတဲ့ လူမှုသိပ္ပံဘာသာရပ်တွေရဲ့ အထူးပြုကျွမ်းကျင်မှုနဲ့ နည်းပညာလိုအပ်တဲ့ အလုပ်များ။ (ဥပမာ- စာရင်းကိုင်၊ ကုန်သွယ်ရေး၊ အကြံပေးလုပ်ငန်းများ)

🔹International Services နယ်ပယ်အတွက်အလုပ်အတွေ့အကြုံ🔹

လုပ်ကိုင်မယ့်အလုပ်နဲ့ သက်ဆိုင်တဲ့နယ်ပယ်မှာ အနည်းဆုံး ၃ နှစ် အလုပ်အတွေ့အကြုံရှိရမယ်။

🚨ခြွင်းချက်: ဘာသာပြန်၊ စကားပြန်၊ ဘာသာစကားသင်ကြားမှုလုပ်ငန်းများ လုပ်ကိုင်မယ်ဆိုရင် တက္ကသိုလ်ဘွဲ့ရရှိထားရင် အလုပ်အတွေ့အကြုံမလိုအပ်ပါ။

International Services: နိုင်ငံခြားယဉ်ကျေးမှုကို အခြေခံတဲ့ တွေးခေါ်မှုနှင့် ခံစားမှုလိုအပ်တဲ့ အလုပ်များ။ (ဥပမာ- စကားပြန်၊ ဘာသာပြန်၊ ဒီဇိုင်နာ၊ ဘာသာစကားသင်ကြားရေးဆရာ)

ဒီဗီဇာသည် အထူးပြုကျွမ်းကျင်မှုနှင့် နည်းပညာလိုအပ်တဲ့ အလုပ်များအတွက်ဖြစ်ပါတယ်။ ရိုးရှင်းတဲ့အလုပ်များကို လုပ်ကိုင်ခွင့်မပြုပါ။

💡 အရေးကြီးတဲ့အချက်: ကိုယ်ရဲ့ ပညာရေး/အလုပ်အတွေ့အကြုံနဲ့ ဂျပန်နိုင်ငံမှာ လုပ်ကိုင်မယ့်အလုပ်ရဲ့ ဆက်စပ်မှုက အရေးကြီးပါတယ်။ ဥပမာ- စီးပွားရေးဘာသာရပ်ကို အဓိကထားလေ့လာခဲ့တဲ့သူက စနစ်တိုးတက်ရေးအလုပ်ကို လုပ်ကိုင်မယ်ဆိုရင် ဆက်စပ်မှုမရှိလို့ ဗီဇာလျှောက်လွှာကို ပယ်ချခံရနိုင်ပါတယ်။

💰 လစာ: ရရှိမယ့်လစာဟာ အလားတူအလုပ်မျိုးလုပ်နေတဲ့ ဂျပန်နိုင်ငံသားတစ်ဦးရဲ့လစာနဲ့ တူညီခြင်း သို့မဟုတ် ပိုများရပါမယ်။ နိုင်ငံခြားသားဖြစ်တဲ့အတွက် လစာကို လျှော့ပေးခြင်းမျိုး ခွင့်မပြုပါ။

အလုပ်ခန့်ထားမှုစာချုပ်: အလုပ်ခန့်မယ့် ကုမ္ပဏီနဲ့ လုပ်ငန်းတည်ငြိမ်ပြီး ဆက်လက်လုပ်ကိုင်နိုင်မယ့် အလုပ်ခန့်ထားမှုစာချုပ် ချုပ်ဆိုထားရပါမယ်။

အခြားလိုအပ်ချက်များ
ကုမ္ပဏီတည်ငြိမ်မှု: အလုပ်ခန့်မယ့် ကုမ္ပဏီမှာ ငွေကြေးတည်ငြိမ်မှုရှိရပါမယ်။ ကုမ္ပဏီရဲ့အရွယ်အစားနဲ့ လုပ်ငန်းစွမ်းဆောင်ရည်ကိုလည်း စစ်ဆေးပါတယ်။

လျှောက်ထားသူရဲ့ အပြုအမူ: ပြစ်မှုမှတ်တမ်းမရှိခြင်း၊ ဂျပန်ပြည်တွင်းနေထိုင်သူဖြစ်ပါက အခွန်မှန််မှန်ပေးဆောင်ထားခြင်း အစရှိတဲ့လျှောက်ထားသူရဲ့ကိုယ်ရေးကိုယ်တာများကိုလည်း စစ်ဆေးသည်။

ဂျပန်စာကတော့ N-2 အထက်အောင်လက်မှတ်ရှိထားရင်အကောင်းဆုံးပါ

📝ယုဇုမေမေ

19/09/2025

ဂျပန်နိုင်ငံရေးပါတီတစ်ခုဖြစ်သည့် 日本維新の会 (Japan Innovation Party) မှ နိုင်ငံခြားသားမူဝါဒနဲ့ပတ်သတ်ပြီး အဆိုပြုထားသော သတင်းဆောင်းပါး

နိုင်ငံခြားသားများ လက်ခံမှုအပေါ် ဂျပန်နိုင်ငံ၏ လူဦးရေအချိုးအစားတစ်ခုထားရှိရန်။ အခုကနေစပြီး လက်ခံမဲ့ နိုင်ငံခြားသား အရေအတွက်ကို ထိန်းချုပ်ရန်။ (စင်္ကာပူအစိုးရလိုလုပ်ချင်တယ်လို့ထင်မိတယ်)

လက်ရှိတစ်နှစ်လျှင် နိုင်ငံခြားသားလက်ခံမှုနှုန်းသည် 300,000 ဝန်းကျင်ရှိနေပြီး ဒီအတိုင်းဆက်သွားပါက 2040 ခန့်မှာ ဂျပန်လူဦးရေ၏ 10% ကျော်ကနိုင်ငံခြားသား ဖြစ်သွားနိုင်ကြောင်းပြောထားပါတယ်။

ဂျပန်လူ့အဖွဲ့အစည်း၏ဖွဲ့စည်းပုံကိုလဲ အခြေခံကျကျတင်းကျပ်ပြောင်းလဲသွားမည့်လို့ပြောသွားပါတယ်။

ဂျပန်နိုင်ငံသားခံယူခြင်း(帰化)နှင့် အမြဲတမ်းနေထိုင်ခွင့်(永住権)စနစ်ကိုလဲပြန်လည်သုံးသပ်ပြီး အခုထပ်ပိုပြီးတင်းကျပ်သင့်ကြောင်း နှင့် ပြန်ရုပ်သိမ်းနိုင်သည့်စနစ်တစ်ခု ထားရှိသင့်ကြောင်းကိုလဲအဆိုတင်သွင်းထားပါတယ်။

အတိုချုပ်ပြောရရင်တော့ နိုင်ငံခြားသားတွေရဲ့ဗီဇာနှင့်နေထိုင်မှုကို အဖက်ဖက်ကနေအရင်ထပ်ပိုပြီးတင်းကျပ်မည့်သဘောပါပဲ။

ကလေးမမွေးနိုင်လို့ လူဦးရေမတိုးပေမဲ့လဲ သူတို့လူမျိုးကိုနိုင်ငံခြားသား ဝါးမျိုသွားမှာလဲ အရမ်းကြောက်နေကြသလိုပါပဲ။

📝ယုဇုမေမေ

17/09/2025

ဂျပန်ရဲ့အမြဲတမ်းနေထိုင်ခွင့် (PR : 永住権)) လျှောက်ထားခြင်းအတွက် လိုအပ်ချက်များ

📍ဂျပန်နိုင်ငံရဲ့ ဥပဒေတွေကို လေးစားလိုက်နာပြီး ပြစ်မှုမှတ်တမ်း မရှိခြင်း၊ ပြစ်မှုကျူးလွန်ဖူးခြင်း သို့မဟုတ် ဒဏ်ငွေရိုက်ခံရဖူးခြင်း မရှိရပါ။

📍အခွန်အခတွေ၊ ပင်စင်ကြေး (年金) နဲ့ ကျန်းမာရေးအာမခံကြေး (健康保険) ၊နေထိုင်ခွန် စတာတွေကို သတ်မှတ်ချိန်အတွင်း ပုံမှန် ပေးဆောင်ထားရပါမယ်။ အချိန်နောက်ကျပြီးမှ ပေးဆောင်တာမျိုးမရပါ။

📍ယာဉ်စည်းကမ်းဖောက်ဖျက်မှုမရှိရပါဘူး။

📍တစ်နှစ်ဝင်ငွေ(年収)သောင်း ၃၀၀ အထက်(အခွန်မဖြတ်ရသေးတဲ့ဝင်ငွေ) ရှိရမည်။ ၅ နှစ်လုံး သောင်း ၃၀၀ အထက်ဖြစ်ရမည်။ 扶養 ထည့်ထားတဲ့မိသားစုဝင်ရှိပါကအရေအတွက်အပေါ် မူတည်ပြီး လုံလောက်တဲ့ ဝင်ငွေ ရှိဖို့ လိုအပ်ပါတယ်။မှီခိုတစ်ယောက်ကို သောင်း ၅၀ ပေါင်းရပါတယ်။

📍ဂျပန်နိုင်ငံတွင် နေထိုင်သည့်ကာလကအနည်းဆုံး ၁၀ နှစ်ဆက်တိုက် ဂျပန်မှာ နေထိုင်ထားရပါမယ်။ အဲဒီ ၁၀ နှစ်အတွင်းမှာ ၅ နှစ်ဆက်တိုက်ကိုတော့ "技術・人文知識・国際業務 (Work Visa ) ဒါမှမဟုတ် 特定技能2号、介護福祉 စတဲ့ အလုပ်လုပ်ကိုင်ခွင့်ဗီဇာတစ်ခုခုနဲ့ အလုပ်လုပ်ထားရပါမယ်။

🚨 ခြွင်းချက် - ဂျပန်နိုင်ငံသား၊ အမြဲတမ်းနေထိုင်ခွင့်ရထားသူ သို့မဟုတ် အထူးအမြဲတမ်းနေထိုင်ခွင့်ရထားသူတို့ရဲ့ ခင်ပွန်း/ဇနီး (သို့) သား/သမီးများအတွက် နေထိုင်ရမယ့်ကာလက လျော့နည်းပါတယ်။

📍စုဆောင်းထားတဲ့ပိုက်ဆံ သို့မဟုတ် အိမ်ခြံမြေလိုမျိုး ပိုင်ဆိုင်မှုတွေ ရှိနေခြင်းကလည်းအထောက်အကူပြုပါတယ်။

高度専門職 လို့ခေါ်တဲ့ Highly skilled professionals တွေကတော့ ဂျပန်မှာ ၁ နှစ် သိုမဟုတ် ၃ နှစ်အလုပ်လုပ်ရုံနဲ့ PR ရနိုင်ပါတယ်။ ဒီအတွက်က Post သပ်သပ်တင်ပါမယ်။

📝ယုဇုမေမေ

15/09/2025

ဂျပန်လူမျိုး (Japan Citizen) သို့မဟုတ် ဂျပန် PR တစ်ဦး၏ အိမ်ထောင်ဖက်ရဲ့ ဗီဇာက 配偶者 Visa ဖြစ်ပါတယ်။

အိမ်ထောင်ဖက်ဗီဇာ(配偶者 Visa) ကနေ 永住権（PR） or 帰化（Citizen）ကိုအောက်ပါအချက်များပြည့်စုံပါက လျှောက်ထားနိုင်သည်။

📍အိမ်ထောင်သတ်တမ်း ၃ နှစ်အထက် ရှိသူ
📍ဂျပန်နိုင်ငံတွင် ၁ နှစ်အထက်နေထိုင်ပြီးသူ
📍အိမ်ထောင်ဖက်ဗီဇာရဲ့ 在留 Card သတ်တမ်းက ၃ နှစ် သို့မဟုတ် ၅ နှစ်ရှိရမည်

PR သို့မဟုတ် Citizen ယူထားပါက အိမ်ထောင်ဖက်နှင့် ကွာရှင်းခြင်း သို့မဟုတ် အိမ်ထောင်ဖက်သေဆုံးခြင်း ဖြစ်ခဲ့ရင် နေထိုင်မှုကဆုံးရှုံးမည်မဟုတ်ပါ။ အချက်အလက်တွေပြည့်စုံရင် မြန်မြန်ယူထားတာအကောင်းဆုံးပါ။

🚨လက်ထပ်နေတဲ့ကာလအတွင်းမှာပဲလျှောက်လို့ရမှာပါ။လျှောက်ထားမည်အချိန်မှာကွာရှင်းထားရင်လျှောက်လို့မရပါ။

အများအားဖြင့် PR ရဖို့ ၁၀ နှစ်စောင့်ရပေမဲ့ ဒီဗီဇာကိုင်ဆောင်ထားသူတွေကတော့ အထူးအခွင့်အရေးလိုခံစားမိပါတယ်။

အိမ်ထောင်ဖက်ဗီဇာ(配偶者 Visa)နဲ့ပတ်သတ်ပြီး အရင်ကရေးခဲ့ဖူးတဲ့ Post ပါ
https://www.facebook.com/share/14HJ8h12fTV/?mibextid=wwXIfr

📝ယုဇုမေမေ

14/09/2025

ဂျပန်မှာ အမြဲတမ်းနေထိုင်ခွင့် (PR : 永住権) လျှောက်ထားတဲ့အခါ လျှောက်ထားသူကို အာမခံပေးနိုင်တဲ့ ပုဂ္ဂိုလ်တစ်ဦး လိုအပ်ပါတယ်။ ဒါကို 身元保証人 (Mimato Hosho Nin) လို့ခေါ်ပါတယ်။

အာမခံသူဟာ ဂျပန်လူမျိုး ဖြစ်ရမယ်၊ ဒါမှမဟုတ် ဂျပန်နိုင်ငံမှာ အမြဲတမ်းနေထိုင်ခွင့် (PR : 永住権) ရထားတဲ့ နိုင်ငံခြားသား ဖြစ်ရမယ်။ အလုပ်လုပ်ကိုင်နေသူ ဖြစ်ပြီး ဝင်ငွေ တည်ငြိမ်သူ ဖြစ်ရမယ်။ သမာသမတ်ရှိသူ ဖြစ်ရမယ်။ အရင်က ပြစ်မှုမှတ်တမ်းတွေ မရှိသူ။

📍အာမခံပေးမည်သူကပေးရမည်စာရွက်စာတမ်းများ
身元保証書 (အာမခံပေးမည်စာရွက်)ကို Immigration
ဝဘ်ဆိုဒ်မှ ဒေါင်းလုဒ်လုပ်ပြီး အာမခံသူ၏အမည်၊ လိပ်စာ၊ အလုပ်အကိုင်နှင့် လျှောက်ထားသူနှင့် ဆက်နွယ်မှုကဲ့သို့သော အချက်အလက်များကို ထည့်သွင်းပါ။

အာမခံသူ၏ ယာဉ်မောင်းလိုင်စင်、My Number card 、在留カード、 Passport တခုခုရဲ့မိတ္တူလိုအပ်ပါတယ်။

ယခင်က ဝင်ငွေသက်သေခံစာရွက်များ(納税、課税証明書) 、နေထိုင်ကြောင်းထောက်ခံစာ(住民票) 、အ လုပ်လုပ်ကြောင်းထောက်ခံစာ စာရွက်စာတမ်းများကို လိုအပ်ခဲ့သော်လည်း၊ 2022 ခုနှစ် ဇွန်လနောက်ပိုင်း
မလိုအပ်တော့ပါ။

သို့သော်လည်းတစ်ဦးချင်းစီ၏ အခြေအနေပေါ်
မူတည်၍ နောက်ထပ်စာရွက်စာတမ်းများ တင်သွင်းရန် လိုအပ်နိုင်သည်အခြေအနေများလဲရှိတက်ပါသည်။

အများစုကတော့ လုပ်ငန်းခွင်က အထက်လူကြီး၊ ရင်းနှီးတဲ့ ဂျပန်မိတ်ဆွေ၊ ဒါမှမဟုတ် ဂျပန်နိုင်ငံမှာ တရားဝင် အမြဲတမ်းနေထိုင်ခွင့်ရထားတဲ့ ဆွေမျိုးရင်းချာတွေကို ရွေးချယ်တတ်ကြပါတယ်။

အောက်ပါအချက်နဲ့ကိုက်ညီနေပါကဂျပန်လူမျိုးဖြစ်နေပါစေအာမခံပေးလို့မရပါ။
❌ အလုပ်လက်မဲ့
❌ အချိန်ပိုင်းအလုပ်ပဲလုပ်နေသူ
❌ အစိုးရဆီကထောက်ပံ့ကြေးနဲ့နေထိုင်သူ
❌ အသက်ကြီးရွယ်အိုပင်စင်စား

❌ ကျောင်းသားဗီဇာ၊ အလုပ်ဗီဇာနှင့် နေထိုင်သူများလဲ အာမခံပေးလို့မရပါ။

အာမခံသူရဲ့လိုအပ်တဲ့ စာရွက်စာတမ်းတွေဖြစ်တဲ့ အာမခံကတိလွှာ (身元保証書) နဲ့ သူ့ရဲ့ဝင်ငွေနဲ့ အလုပ်အခြေအနေကို ပြသတဲ့ စာရွက်စာတမ်းအချို့ကို ပူးတွဲတင်ပြပေးရပါတယ်။

နိဂုံးချုပ်ရရင် အာမခံသူဘက်ကမခိုင်ရင်လဲ PR ကမရဖြစ်တက်ပါတယ်။ ဒါကြောင့် အာမခံသူလဲ ကိုယ့်ရဲ့ PR လျှောက်ထားမှုအတွက် အရေးပါတဲ့ အစိတ်အပိုင်းတစ်ခုပါ။

📝ယုဇုမေမေ

13/09/2025

အခုနောက်ပိုင်း ဂျပန်မှာ ကိုယ့်နိုင်ငံအခြေအနေကြောင့် ဂျပန်ကို အလည်ဗီဇာနဲ့လာပြီး Katsudō Visa (ခိုလုံခွင့်ဗီဇာ) ပြောင်းလျှောက်ပြီး ဂျပန်မှာနေထိုင်နေကြတဲ့ သူတွေများလာတယ်

မြန်မာပြည်ရဲ့အခြေအနေကလဲ အမှန်အကန်မကောင်းတဲ့အတွက် ဒီဗီဇာက လျှောက်ရင် မရတဲ့သူမရှိဘူးလို့ထင်ပါတယ်။ အနည်းဆုံး ၆ လဗီဇာတော့ ရပါတယ်။ ၆ လဗီဇာကို ၃~၄ ခါလောက်သတ်တမ်းတိုးပြီးရင် ၁ နှစ်ဗီဇာရနိုင်ခြေလဲရှိပါတယ်။ ခိုင်မာတဲ့အကြောင်းပြချက်ရှိရင်တော့ စစချင်းမှာပဲ ၁ နှစ်ဗီဇာတန်းရတဲ့သူမျိုးတွေလဲရှိတက်ပါတယ်။

ဒီမှာ တခုပြောချင်တာက ဒီဗီဇာက ၁ နှစ်ထပ်ပိုမပေးပါဘူးနော်။ ၁ နှစ်ထပ်ပိုမရတဲ့အတွက် ဂျပန်မှာ အချိန်ဘယ်လောက်ကြာကြာနေနေ အခွန်ဘယ်လောက်ပဲမှန်မှန်ဆောင် PR, Citizen လျှောက်လို့မရတဲ့အတွက် ဒီဗီဇာကိုခဏပေါင်းကူးအနေနဲ့ပဲသဘောထားတာအကောင်းဆုံးပါ။ နောက်ပြီး ဒီဗီဇာက ဂျပန်အစိုးရကအချိန််မရွေး သူတို့သဘောကျပြောင်းလဲလို့ရတဲ့ဗီဇာမျိုးမို့ပါ။ မိသားစုကိုလဲ မှီခိုဗီဇာပေးလို့မရပါဘူးနော်။

ကိုယ်မှာ Work visa နှင့် အခြားတည်ငြိမ်တဲ့ ဗီဇာ တခုခု ပြောင်းဖို့အရည်အချင်းလဲရှိတယ် အခြေအနေလဲပေးတယ်ဆိုရင် အမြန်ဆုံးပြောင်းနိုင်အောင်ကြိုးစားပါလို့ပြောပါရစေ။ ဒါကဂျပန််မှာ ခိုင်မာတဲ့ဗီဇာနဲ့ ရေရှည်နေဖို့စဉ်းစားထားတဲ့သူတွေအတွက်ပါ။

ဂျပန်မှာ ခဏပဲနေပြီး တခြားနိုင်ငံကူးမှာတို့၊ ရသလောက်ပိုက်ဆံရှာပြီး မြန်မာပြည်ပြန်နေမှာဆိုရင်တော့ ဒီ Katsudō Visa နဲ့မှေးနေလဲကိစ္စမရှိပါဘူး။

ဆရာကြီးလဲမဟုတ်သလို ဆရာလုပ်တာလဲမဟုတ်ပါဘူးရှင့်။

📝ယုဇုမေမေ

12/09/2025

ဒီနေ့ကတော့ 司法書士 ဆရာနဲ့ Company ထောင်ချင်တဲ့ကိုယ်ရဲ့ Customer တွေအတွက် ဘယ်လိုမြန်မြန်နဲ့ Company Register လုပ်ပေးလို့ရမလဲအစည်းအဝေးလုပ်ခဲ့ပါတယ်။

12/09/2025

ဂျပန်နိုင်ငံရဲ့ "特定技能" (Tokutei Ginou) ဗီဇာ 1号နဲ့ 2号ရဲ့ အဓိက ကွာခြားချက်များ

🔹🔹特定技能1号 (Tokutei Ginou 1)🔹🔹
📌လုပ်ငန်းအတွေ့အကြုံနှင့် ကျွမ်းကျင်မှု
အထူးအတွေ့အကြုံမရှိသူတွေအတွက် ရည်ရွယ်ပါတယ်။ အခြေခံအသိပညာနဲ့ ကျွမ်းကျင်မှု အနည်းငယ်သာ လိုအပ်ပါတယ်။

📌နေထိုင်ခွင့်ကာလ
အများဆုံး ၅ နှစ် (စုစုပေါင်း) နေထိုင်ခွင့်ရပါတယ်။ တစ်နှစ်တစ်ခါ (သို့) ခြောက်လတစ်ခါ သက်တမ်းတိုးရပါတယ်။

📌မိသားစုဝင်ကိုမှီခိုဗီဇာဖြင့်ခေါ်ယူနေထိုင်ခွင့်
မိသားစုဝင် (ဇနီး/ခင်ပွန်း၊ သားသမီး) ကို ဂျပန်ကို ခေါ်ယူခွင့်မရှိပါဘူး။

📌ဗီဇာပြောင်းလဲနိုင်မှု
特定技能2号 (Tokutei Ginou 2) ဗီဇာကို ပြောင်းနိုင်ဖို့အတွက် လိုအပ်တဲ့ စာမေးပွဲတွေနဲ့ စည်းမျဉ်းတွေကို ပြည့်မီအောင် ဖြည့်ဆည်းရပါမယ်။

🔹🔹特定技能2号 (Tokutei Ginou 2)🔹🔹
📌လုပ်ငန်းအတွေ့အကြုံနှင့် ကျွမ်းကျင်မှု
အလုပ်နယ်ပယ်နဲ့ ပတ်သက်တဲ့ အတွေ့အကြုံများစွာရှိပြီး ကျွမ်းကျင်မှု အဆင့်မြင့်တဲ့သူတွေအတွက် ရည်ရွယ်ပါတယ်။ ခေါင်းဆောင်မှု၊ စီမံခန့်ခွဲမှုဆိုင်ရာ အရည်အချင်းများရှိဖို့ လိုအပ်ပါတယ်။

📌နေထိုင်ခွင့်ကာလ
သက်တမ်း အကန့်အသတ်မရှိ နေထိုင်ခွင့်ရနိုင်ပါတယ်။ သုံးနှစ်၊ တစ်နှစ်၊ ခြောက်လ စသည်ဖြင့် သက်တမ်းတိုးပြီး အဆင့်မြင့်လာပါက အမြဲတမ်းနေထိုင်ခွင့် (Permanent Resident) ကိုပါ လျှောက်ထားနိုင်ပါတယ်။

📌မိသားစုဝင်ကိုမှီခိုဗီဇာဖြင့်ခေါ်ယူနေထိုင်ခွင့်
မိသားစုဝင် (ဇနီး/ခင်ပွန်း၊ သားသမီး) ကို ဂျပန်ကို ခေါ်ယူခွင့်ရှိပါတယ်။

📌ဗီဇာပြောင်းလဲနိုင်မှု
Tokutei Ginou 2 ဗီဇာဟာ အခြေအနေ ပြည့်စုံလာပါက ဂျပန်နိုင်ငံရဲ့ အမြဲတမ်းနေထိုင်ခွင့် (Permanent Resident) ဗီဇာကိုပါ လျှောက်ထားနိုင်ပါတယ်။

🚨အနှစ်ချုပ်အားဖြင့်🚨
Tokutei Ginou 1 ဟာ ဂျပန်ကို အလုပ်လာလုပ်ဖို့ ပထမဆုံးအဆင့်ပါ။ အချိန်အကန့်အသတ်နဲ့ဖြစ်ပြီး မိသားစုခေါ်ခွင့်မရှိပါဘူး။
Tokutei Ginou 2 ကတော့ ဂျပန်မှာ ရေရှည်နေထိုင်ဖို့နဲ့ အမြဲတမ်းအလုပ်လုပ်ကိုင်ဖို့အတွက် ဖြစ်ပါတယ်။ မိသားစုကိုလည်း ခေါ်ယူနိုင်ပြီး အမြဲတမ်းနေထိုင်
ခွင့် (PR) ပါလျှောက်ထားနိုင်ပါတယ်။

📝ယုဇုမေမေ

28/08/2025

မှီခိုဗီဇာအကြောင်းကို အသေးစိတ်ပြောထားတဲ့ Video လေးပါ။

ကျွန်မရဲ့ YouTube Channel မှာကြည့်နိုင်ပါရှင့်

23/08/2025

ဆိုးရွားသောလုပ်သားရှားပါးမှုဖြင့် ရင်ဆိုင်နေရသည့်ဂျပန်တွင် နိုင်ငံခြားအလုပ်သမားများသည် မရှိမဖြစ်လိုအပ်သော အရာတစ်ခုဖြစ်လာ

Tokyo Shoko Research မှ ပြုလုပ်သော နိုင်ငံတစ်ဝှမ်းရှိ ကုမ္ပဏီပေါင်း 6,459 ၏ စစ်တမ်းတစ်ခုအရ ကုမ္ပဏီများ၏ 21% ခန့်သည် နိုင်ငံခြားအလုပ်သမားများကို အချိန်ပြည့် အလုပ်ခန့်ထားကြသည်။ ထို့အပြင် နိုင်ငံခြားအလုပ်သမားများကို အလုပ်ခန့်ထားပြီးဖြစ်သည့် Company များမှာ လွန်ခဲ့သည့် ၃ နှစ်နှင့် နှိုင်းယှဉ်ပါက 53% တိုးလာသည်ဟု ဆိုသည်။ အစိုးရက နိုင်ငံခြားလုပ်သားလက်ခံမှုကို ကန့်သတ်လိုက်ပါက လုပ်ငန်းရဲ့ 52% ထိခိုက်နိုင်ဟုပြောကြား။

ဤစစ်တမ်းရလဒ်များအရ ဂျပန်နိုင်ငံ၏ လုပ်သားရှားပါးမှုကို ဖြည့်ဆည်းရန်အတွက် နိုင်ငံခြားအလုပ်သမားများ မရှိမဖြစ်လိုအပ်လာနေသည့် လက်ရှိအခြေအနေ။

News တခုမှကောက်နုတ်ထားသည်။
📝ယုဇုမေမ

YUZU Mom

23/09/2025

22/09/2025

22/09/2025

19/09/2025

17/09/2025

15/09/2025

14/09/2025

13/09/2025

12/09/2025

12/09/2025

28/08/2025

23/08/2025

Address

Telephone

Website

Alerts

Contact The Business

Shortcuts

Share

Category