ယနေ့ခေတ်

11/08/2025

အမေရိကန်၏ အခွန်စည်းကြပ်မှုကို ကန့်ကွက်သည့်အနေဖြင့် McDonald's, Coca-Cola, Amazon နှင့် Apple တို့အပါအဝင် အမေရိကန်အခြေစိုက် နိုင်ငံစုံမှကုန်ပစ္စည်းများကို သပိတ်မှောက်ရန် ၀န်ကြီးချုပ် နာရင်ဒရာ မိုဒီကို ထောက်ခံသူများက တောင်းဆိုနေကြကြောင်း သိရသည်။...

အမေရိကန်၏ အခွန်စည်းကြပ်မှုကို ကန့်ကွက်သည့်အနေဖြင့် McDonald’s, Coca-Cola, Amazon နှင့် Apple တို့အပါအဝင် အမေရိကန်အခြေစိုက် နိုင....

11/08/2025

အိန္ဒိယတွင် ထရမ့်၏အခွန်စည်းကြပ်မှုကြောင့် အမေရိကန်ကုန်ပစ္စည်းများကို သပိတ်မှောက်ရန် တောင်းဆို

နယူးဒေလီ၊ သြဂုတ် ၁၁

အမေရိကန်၏ အခွန်စည်းကြပ်မှုကို ကန့်ကွက်သည့်အနေဖြင့် McDonald's, Coca-Cola, Amazon နှင့် Apple တို့အပါအဝင် အမေရိကန်အခြေစိုက် နိုင်ငံစုံမှကုန်ပစ္စည်းများကို သပိတ်မှောက်ရန် ဝန်ကြီးချုပ် နာရင်ဒရာ မိုဒီကို ထောက်ခံသူများက တောင်းဆိုနေကြကြောင်း သိရသည်။

ကမ္ဘာပေါ်တွင် လူဦးရေအများဆုံးနိုင်ငံဖြစ်သော အိန္ဒိယနိုင်ငံသည် ချမ်းသာကြွယ်ဝသောစားသုံးသူများ လျင်မြန်စွာကြီးထွားလာနေပြီး အမေရိကန်ကုန်အမှတ်တံဆိပ်များ ပစ်မှတ်ထားချဲ့ထွင်လာသော အဓိကစျေးကွက်တစ်ခုဖြစ် သည်။

ဥပမာအားဖြင့် အိန္ဒိယသည် Meta's WhatsApp အသုံးပြုသူများ၏ အကြီးဆုံး စျေးကွက်ဖြစ်ပြီး Domino's သည် နိုင်ငံအတွင်းရှိ အခြားအမှတ်တံဆိပ်များထက် စားသောက်ဆိုင်များ ပိုမိုများပြားသည်။ Pepsi နှင့် Coca-Cola ကဲ့သို့သော အဖျော်ယမကာများသည် စတိုးဆိုင်စင်များကို လွှမ်းမိုးထားလေ့ရှိပြီး Apple စတိုးအသစ်ဖွင့်လှစ်ချိန် သို့မဟုတ် Starbucks ကော်ဖီဆိုင်တွင် လျှော့ စျေးပေးဆောင်နေချိန်တွင် လူအများတန်းစီနေကြဆဲဖြစ်သည်။

အရောင်းအဝယ်ဖြစ်ခြင်းကို ချက်ချင်းလက်ငင်းဖော်ပြခြင်းမရှိသော်လည်း ဒေါ်နယ်ထရမ့်က အိန္ဒိယမှကုန်ပစ္စည်းများအပေါ် ၅၀% စည်းကြပ်ခွန်ကောက်ခံပြီးနောက် နယူးဒေလီနှင့် ဝါရှင်တန်ကြား ပို့ကုန်လုပ်ငန်းရှင်များနှင့်ဆက်ဆံရေးကို ထိခိုက်စေပြီးနောက် ပြည်တွင်းထုတ်ကုန်များကို ဝယ်ယူရန်၊ အမေရိကန်ထုတ်ကုန်များကို ဖယ်ထုတ်ရန် ဆိုရှယ်မီဒီယာအပါအဝင် ပြင်ပမှာပါ အပြောအဆိုများ မြင့်တက်လာနေသည်။

McDonald's, Coca-Cola, Amazon နှင့် Apple တို့သည် Reuters ၏မေး မြန်းချက်များကို ချက်ချင်းတုံ့ပြန်ခြင်းမရှိချေ။

"မိုင်ပေါင်းထောင်ချီဝေးတဲ့ ကုန်ပစ္စည်းတွေအတွက် ကျွန်တော်တို့တန်းစီပြီးပါပြီ။ ကျွန်တော်တို့ပိုင်ဆိုင်တဲ့ အမှတ်တံဆိပ်တွေအတွက် ဂုဏ်ယူစွာသုံးစွဲခဲ့ပြီး ကိုယ်ပိုင်ထုတ်လုပ်သူတွေက ကိုယ့်နိုင်ငံအတွက် အာရုံစိုက်ဖို့ တိုက်ပွဲဝင်နေကြပါတယ်" ဟု India's Wow Skin Science ၏ ပူးတွဲတည်ထောင်သူ Manish Chowdhary က ပြောကြားခဲ့သည်။

ဖုန်းခေါ်ဆိုမှုဝန်ဆောင်မှုပေးသည့် အိန္ဒိယ DriveU ၏ CEO ဖြစ်သူ Rahm Shastry က "အိန္ဒိယတွင် တရုတ်နိုင်ငံကဲ့သို့ ပြည်တွင်းသုံး Twitter/Google/YouTube/WhatsApp/FB ရှိသင့်သည်" ဟု LinkedIn တွင် ရေးသားခဲ့သည်။

တရားမျှတစွာပြောရလျှင် အိန္ဒိယလက်လီကုမ္ပဏီများသည် Starbucks ကဲ့သို့ နိုင်ငံခြားအမှတ်တံဆိပ်များကို ပြည်တွင်းဈေးကွက်တွင် ပြိုင်ဆိုင်မှုပြင်းထန်စွာ ပေးစွမ်းနိုင်သော်လည်း ကမ္ဘာလုံးဆိုင်ရာ စိန်ခေါ်မှုတစ်ခုဖြစ်သည်။

Credit: Reuters
#ယနေ့ခေတ်

https://t.me/yanaekhit/4012

11/08/2025

“နိုင်ငံနှစ်ခုဆိုတဲ့ ဖြေရှင်းချက်ဟာ အရှေ့အလယ်ပိုင်းမှာ အကြမ်းဖက်မှုသံသရာကို ဖြတ်ကျော်ဖို့နဲ့ ဂါဇာမှာရှိတဲ့ ပဋိပက္ခတွေ၊ ဆင်းရဲဒုက္ခတွေနဲ့ ငတ်မွတ်ခေါင်းပါးမှုကိုအဆုံး သတ်ဖို့ လူသားမျိုးနွယ်ရဲ့ အကောင်းဆုံးမျှော်လင့်ချက်ပါပဲ” ဟု ၎င်းက တနင်္လာနေ့တွင် ပြောကြားခဲ့သည်။...

“နိုင်ငံနှစ်ခုဆိုတဲ့ ဖြေရှင်းချက်ဟာ အရှေ့အလယ်ပိုင်းမှာ အကြမ်းဖက်မှုသံသရာကို ဖြတ်ကျော်ဖို့နဲ့ ဂါဇာမှာရှိ....

11/08/2025

ဩစတြေးလျသည် စက်တင်ဘာလတွင် ပါလက်စတိုင်းနိုင်ငံကို အသိအမှတ်ပြုမည်

ဆစ်ဒနီ၊ ဩဂုတ် ၁၁

ဗြိတိန်၊ ပြင်သစ်နှင့် ကနေဒါတို့က စက်တင်ဘာလ ကုလသမဂ္ဂအထွေထွေညီ လာခံတွင် ပါလက်စတိုင်းနိုင်ငံအဖြစ် အသိအမှတ်ပြုမည်ဖြစ်ကြောင်း ပြောကြားခဲ့ပြီးနောက် သြစတြေးလျဝန်ကြီးချုပ် အန်တိုနီအယ်လ်ဘန်နီက ယခုကဲ့သို့ ထုတ်ဖော်ပြောကြားခဲ့ခြင်းဖြစ်သည်။

အထွေထွေရွေးကောက်ပွဲများကျင်းပရန်နှင့် အစ္စရေး၏တည်ရှိခွင့်ကို ဆက်လက်အသိအမှတ်ပြုမည်ဟု ပါလက်စတိုင်းအာဏာပိုင်အဖွဲ့(PA)မှ ကတိကဝတ်များရ ရှိထားကြောင်း အယ်လ်ဘန်နီက ပြောကြားသည်။

“နိုင်ငံနှစ်ခုဆိုတဲ့ ဖြေရှင်းချက်ဟာ အရှေ့အလယ်ပိုင်းမှာ အကြမ်းဖက်မှုသံသရာကို ဖြတ်ကျော်ဖို့နဲ့ ဂါဇာမှာရှိတဲ့ ပဋိပက္ခတွေ၊ ဆင်းရဲဒုက္ခတွေနဲ့ ငတ်မွတ်ခေါင်း ပါးမှုကိုအဆုံးသတ်ဖို့ လူသားမျိုးနွယ်ရဲ့ အကောင်းဆုံးမျှော်လင့်ချက်ပါပဲ” ဟု ၎င်းက တနင်္လာနေ့တွင် ပြောကြားခဲ့သည်။

ဂါဇာတွင် စစ်ပွဲအဆုံးသတ်ရန် ဖိအားများတိုးမြင့်လာနေသည့်အစ္စရေးက ပါလက်စတိုင်းနိုင်ငံအား အသိအမှတ်ပြုခြင်းသည် အကြမ်းဖက်မှုကို ဆုလာဘ်ပေးခြင်းဖြစ်သည်ဟု ပြောကြားသည်။

ဂါဇာကမ်းမြောင်ဒေသတွင် စနေနေ့မှစ၍ ငတ်မွတ်ခေါင်းပါးမှုနှင့် အာဟာရချို့တဲ့မှုကြောင့် လူငါးဦးသေဆုံးခဲ့ပြီး စုစုပေါင်းသေဆုံးသူ ၂၁၇ ဦးအထိရှိလာခဲ့ကြောင်း ဟားမတ်စ်အဖွဲ့၏ ကျန်းမာရေးဝန်ကြီးဌာနက ပြောကြားသည်။

၂၀၂၃ ခုနှစ်ကတည်းက အစ္စရေး၏ စစ်ရေးလှုပ်ရှားမှုကြောင့် အရပ်သားစုစု ပေါင်း ၆၁,၀၀၀ ကျော် သေဆုံးခဲ့သည်ဟု ၎င်းကဆိုသည်။

ဟားမတ်စ်ဦးဆောင်သည့် တိုက်ခိုက်မှုကို တုံ့ပြန်သည့်အနေနှင့် ၂၀၂၃ ခုနှစ်၊ အောက်တိုဘာ ၇ ရက်တွင် အစ္စရေးကထိုးစစ်ဆင်ခဲ့ပြီး လူပေါင်း ၁၂၀၀ ခန့်သေဆုံးပြီး၊ ၂၅၁ ဦးကို ဓားစာခံအဖြစ် ဖမ်းဆီးခဲ့သည်။

အစ္စရေးသိမ်းပိုက်ထားသော အနောက်ဘက်ကမ်း၏ အစိတ်အပိုင်းများကို ထိန်းချုပ်ထားသည့် ပါလက်စတိုင်းအာဏာပိုင်က နိုင်ငံအဖြစ်အသိအမှတ်ပြုခြင်းသည် ၎င်းတို့ပြည်သူများ၏ ကိုယ်ပိုင်ပြဋ္ဌာန်းခွင့်ကို ပိုမိုတိုးတက်ထောက်ခံကြောင်း ပြသခြင်းဖြစ်သည်ဟု အစောပိုင်းက ပြောကြားခဲ့သည်။

ပါလက်စတိုင်းအာဏာပိုင်အဖွဲ့သမ္မတ မာမွတ်အဘတ်စ်ထံမှ ကတိကဝတ်များရ ရှိပြီးနောက် ဟားမတ်စ်သည် အနာဂတ်နိုင်ငံတော်တွင် မည်သည့်အခန်းကဏ္ဍမှ ပါဝင်မည်မဟုတ်ကြောင်း အယ်လ်ဘန်နီက ပြောကြားခဲ့သည်။

ဗြိတိန်၊ ပြင်သစ်၊ နယူးဇီလန်နှင့် ဂျပန်တို့တွင် ပြီးခဲ့သောနှစ်ပတ်အတွင်း ၎င်း၏ လုပ်ဖော်ကိုင်ဖက်များနှင့် စကားပြောဆိုပြီးနောက် ယခုကဲ့သို့သဘောထားထွက် ပေါ်လာခြင်းဖြစ်သည်ဟု အယ်လ်ဘာနီက ပြောကြားသည်။

“ဒီမှာရှိတဲ့ အခိုက်အတန့်အခွင့်အရေးမှာ သြစတြေးလျအနေနဲ့ နိုင်ငံတကာအ သိုက်အဝန်းနဲ့ ပူးပေါင်းဆောင်ရွက်သွားမှာဖြစ်ပါတယ်” ဟု ၎င်းက မီဒီယာသို့ ပြောကြားခဲ့သည်။

ပြီးခဲ့သည့် တနင်္ဂနွေနေ့က ဆစ်ဒနီဆိပ်ကမ်းတံတားတွင် ပါလက်စတိုင်းလိုလားသောဆန္ဒပြပွဲအပြီး တစ်ရက်အကြာတွင် တရားရုံးက စီရင်ချက်ချခွင့်ပြုခဲ့သည်။

Credit: BBC News
#ယနေ့ခေတ်

https://t.me/yanaekhit/4010

11/08/2025

“သူကတော့ တစ်ခုခုလှမ်းယူရင်းနဲ့ ခြေချော်ပြီးပြုတ်ကျတယ်လို့တော့ ထင်တာပဲ။ ခုနှစ်လွှာပေါ်ကနေပြုတ်ကျတာ။ သူက ကိုယ်လက်အင်္ဂါမသန်စွမ်းတဲ့ပုံစံပဲ။ အသက်ကတော့ ၃၅ နှစ်။ မနက် ၆ နာရီ ၅၀ လောက်က ပြုတ်ကျတာလို့ပြောတယ်။” ဟု ဒေသခံလူမှုကူညီရေးအသင်းမှ အသင်းဝင်တစ်ဦးက ယနေ့ခေတ်သို့ ပြောသည်။...

“သူကတော့ တစ်ခုခုလှမ်းယူရင်းနဲ့ ခြေချော်ပြီးပြုတ်ကျတယ်လို့တော့ ထင်တာပဲ။ ခုနှစ်လွှာပေါ်ကနေပြုတ်ကျတာ။ သူက က...

11/08/2025

ကြည့်မြင်တိုင်မြို့နယ်တွင် မသန်စွမ်းအမျိုးသားတစ်ဦး တိုက်ပေါ်မှပြုတ်ကျသေဆုံး

ရန်ကုန်၊ ဩဂုတ် ၁၁

ရန်ကုန်တိုင်း၊ ကြည့်မြင်တိုင်မြို့နယ်တွင် မသန်စွမ်းအမျိုးသားတစ်ဦး ခုနှစ်လွှာတိုက်ပေါ်မှ ပြုတ်ကျသေဆုံးခဲ့ကြောင်း သိရသည်။

ဩဂုတ်လ ၁၁ ရက်၊ ယနေ့နံနက် ၆ နာရီဝန်ကျင်က ကြည့်မြင်တိုင်မြို့နယ်၊ ပန်း လှိုင်အိမ်ရာတွင် အသက် ၃၀ ကျော်ရှိ မသန်စွမ်းအမျိုးသားတစ်ဦး ခုနှစ်လွှာတိုက်ပေါ်မှ ပြုတ်ကျသေဆုံးခဲ့ကြောင်း သိရသည်။

“သူကတော့ တစ်ခုခုလှမ်းယူရင်းနဲ့ ခြေချော်ပြီးပြုတ်ကျတယ်လို့တော့ ထင်တာပဲ။ ခုနှစ်လွှာပေါ်ကနေပြုတ်ကျတာ။ သူက ကိုယ်လက်အင်္ဂါမသန်စွမ်းတဲ့ပုံစံပဲ။ အသက်ကတော့ ၃၅ နှစ်။ မနက် ၆ နာရီ ၅၀ လောက်က ပြုတ်ကျတာလို့ပြောတယ်။” ဟု ဒေသခံလူမှုကူညီရေးအသင်းမှ အသင်းဝင်တစ်ဦးက ယနေ့ခေတ်သို့ ပြောသည်။

တိုက်ပေါ်မှ ပြုတ်ကျသေးဆုံးသွားသည့် အမျိုးသား၏ရုပ်အလောင်းကို အားမာန်လူငယ်ပရဟိတအသင်းမှ ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#ချစ်ချစ်ခိုင်
ဓာတ်ပုံ-အားမာန်လူငယ်ပရဟိတအသင်း
#ယနေ့ခေတ်

https://t.me/yanaekhit/4008

11/08/2025

“သတင်းတွေကို ပုံဖျက်ခြင်း သို့မဟုတ် လွဲမှားစွာဖော်ပြခြင်းမရှိဘဲ အမှန်တရားကိုဖော်ပြဖို့ ကျွန်တော်ဘယ်တော့မှ မတွန့်ဆုတ်ခဲ့ပါဘူး၊ ဘုရားသခင်က နှုတ်ဆိတ်နေတဲ့သူတွေ၊ သတ်ဖြတ်ခံနေရမှုကို လက်ခံသူတွေနဲ့ အသက်ရှုဖို့အတွက် မွန်းကြပ်နေတဲ့သူတွေကို ဘုရားသခင်က သက်သေခံမယ်လို့ မျှော်လင့်ပါတယ်” ဟု အယ်လ် ရှာရစ်ဖ်က သူမသေဆုံးမီ ဧပြီ ၆ ရက်နေ့က ရေးသားထားခဲ့သည်။...

“သတင်းတွေကို ပုံဖျက်ခြင်း သို့မဟုတ် လွဲမှားစွာဖော်ပြခြင်းမရှိဘဲ အမှန်တရားကိုဖော်ပြဖို့ ကျွန်တော်ဘယ်တော့....

11/08/2025

ဂါဇာတွင် အစ္စရေးတိုက်ခိုက်မှုအတွင်း အယ်လ်ဂျာဇီးရားသတင်းဌာနမှ သတင်း ထောက်ငါးဦး သေဆုံး

ဂါဇာ၊ ဩဂုတ် ၁၁

ဂါဇာမြို့ရှိ တဲအိမ်တစ်ခုအား အစ္စရေး၏ပစ်မှတ်ထားတိုက်ခိုက်ခဲ့မှုအတွင်း အယ်လ်ဂျာဇီးရားသတင်းဌာနမှ သတင်းထောက်ငါးဦးသေဆုံးခဲ့ကြောင်း သိရသည်။

မြို့တော်ဂါဇာတွင် ဩဂုတ်လ ၁၀ ရက်၊ တနင်္ဂနွေနေ့ညနေပိုင်းက အစ္စရေး၏ပစ် မှတ်ထားတိုက်ခိုက်ခဲ့မှုအတွင်း အယ်လ်ဂျာဇီးရားသတင်းထောက် အယ်လ်ရှာရစ်ဖ်သည် လုပ်ဖော်ကိုင်ဖက်လေးဦးနှင့်အတူ သေဆုံးခဲ့သည်။

ဂါဇာမြို့တော် အယ်လ်ရှီဖာဆေးရုံ၏ ဂိတ်ပေါက်အပြင်ဘက်ရှိတဲကို ဩဂုတ်လ ၁၀ ရက်၊ တနင်္ဂနွေနေ့ညနေပိုင်းက အစ္စရေး၏တိုက်ခိုက်မှုအတွင်း လူခုနစ်ဦးသေဆုံးခဲ့သည်။ ၎င်းတို့အထဲတွင် အယ်လ်ဂျာဇီးရားသတင်းထောက် မိုဟာမက် အိုရီကီ၊ ဓာတ်ပုံသတင်းထောက် မိုဟာမက် နော်ဖယ်နှင့် မိုမန် အလီဝါတို့လည်းပါဝင်သည်။

လူသိများသော အသက် ၂၈ နှစ်အရွယ် အယ်လ်ဂျာဇီရာအာရဗီသတင်းထောက် အယ်လ် ရှာရစ်ဖ်က ဂါဇာမြို့တော်၏အရှေ့ဘက်နှင့် တောင်ပိုင်းဒေသများတွင် ပြင်းထန်သောဗုံးကြဲတိုက်ခိုက်မှုကို အစ္စရေးကစတင်ခဲ့သည်ဟု အသတ်မခံရမီအချိန်က X တွင် ရေးသားခဲ့သည်။

၎င်း၏နောက်ဆုံးထုတ်ပြန်ခဲ့သော ဗီဒီယိုတွင် အစ္စရေး၏ အပြင်းအထန်ဗုံးကြဲချမှုကြောင့် မဲမှောင်နေသောကောင်းကင်တွင် လိမ္မော်ရောင်အလင်းတန်းများကို မြင်တွေ့ရပြီး၊ ကျယ်လောင်သောအသံများကို ကြားနေရသည်။

“သတင်းတွေကို ပုံဖျက်ခြင်း သို့မဟုတ် လွဲမှားစွာဖော်ပြခြင်းမရှိဘဲ အမှန်တရားကိုဖော်ပြဖို့ ကျွန်တော်ဘယ်တော့မှ မတွန့်ဆုတ်ခဲ့ပါဘူး၊ ဘုရားသခင်က နှုတ် ဆိတ်နေတဲ့သူတွေ၊ သတ်ဖြတ်ခံနေရမှုကို လက်ခံသူတွေနဲ့ အသက်ရှုဖို့အတွက် မွန်းကြပ်နေတဲ့သူတွေကို ဘုရားသခင်က သက်သေခံမယ်လို့ မျှော်လင့်ပါတယ်” ဟု အယ်လ် ရှာရစ်ဖ်က သူမသေဆုံးမီ ဧပြီ ၆ ရက်နေ့က ရေးသားထားခဲ့သည်။

Al Jazeera Media Network မှ ထုတ်ပြန်ချက်တွင် အဆိုပါသတ်ဖြတ်မှုများကို “သတင်းလွတ်လပ်ခွင့်အတွက် နောက်ထပ် ပြောင်ပြောင်တင်းတင်းနှင့် ကြိုတင်ပြင်ဆင်ထားသောတိုက်ခိုက်မှု” အဖြစ် ရှုတ်ချခဲ့သည်။

“ဒီတိုက်ခိုက်မှုဟာ အရပ်သားတွေကို မညှာမတာသတ်ဖြတ်မှု၊ အတင်းအကြပ် ငတ်မွတ်ခေါင်းပါးစေမှု၊ လူမှုအသိုင်းအဝိုင်းတစ်ခုလုံးကို ချေမှုန်းဖျက်ဆီးမှုတွေနဲ့ ဂါဇာကမ်းမြောင်ဒေသအပေါ် အစ္စရေးရဲ့တိုက်ခိုက်မှုတွေက ထွက်ပေါ်လာတဲ့ ဆိုးရွားတဲ့အကျိုးဆက်တွေ” ဟု အဆိုပါကွန်ရက်က ပြောကြားသည်။

“ဆက်လက်ဖြစ်ပွားနေသော လူမျိုးတုံးသတ်ဖြတ်မှုကို ရပ်တန့်ရန်နှင့် ဂျာနယ်လစ်များအား တမင်ပစ်မှတ်ထားခြင်းကို အဆုံးသတ်ရန်၊ ပြတ်ပြတ်သားသားအ ရေးယူရန်” Al Jazeera သတင်းဌာနက နိုင်ငံတကာအသိုင်းအဝိုင်းနှင့် သက်ဆိုင်ရာအဖွဲ့အစည်းများအားလုံးကို တောင်းဆိုထားသည်။

“ကျူးလွန်သူအတွက် လွတ်ငြိမ်းချမ်းသာခွင့်နဲ့ တာဝန်မဲ့မှုက အစ္စရေးရဲ့လုပ်ရပ်တွေကို ခိုင်မာစေပြီး အမှန်တရားအတွက် သက်သေတွေအပေါ် ထပ်လောင်းဖိ နှိပ်မှုတွေကိုအားပေးကြောင်း အယ်လ်ဂျာဇီယာက အလေးပေးဖော်ပြပါတယ်” ဟု Al Jazeera Media Network က ပြောကြားသည်။

အယ်လ်ဂျာဇီးရားသတင်းထောက် ဟာနီ မာမွတ်က တိုက်ခိုက်မှုအတွင်း အယ်လ်ရှာရစ်ဖ်သေဆုံးမှုနှင့်ပတ်သက်၍ သတင်းတင်ဆက်ရခြင်းသည် ပြီးခဲ့သော ၂၂ လ စစ်ပွဲအတွင်းက သူလုပ်ဆောင်ရမည့် အခက်ခဲဆုံးအရာဖြစ်သည် ဟု ပြောကြားသည်။

Al Jazeera Media Network ၏ အင်္ဂလိပ်ရုပ်သံလိုင်းအတွက် အလုပ်လုပ်သော မာမွတ်က သတင်းထောက်များသည် ဂါဇာရှိ ပါလက်စတိုင်းတို့၏ ငတ်မွတ်ခေါင်းပါးမှုနှင့် အစာခေါင်းပါးမှုနှင့် အာဟာရချို့တဲ့မှုအပေါ် မညှာမတာ သ တင်းတင်ဆက်ခဲ့ခြင်းကြောင့် အသတ်ခံခဲ့ရသည်ဟု ပြောကြားသည်။

Credit: Al Jazeera English
#ယနေ့ခေတ်

https://t.me/yanaekhit/4005

10/08/2025

“မိုးကုတ်အရှေ့ပိုင်းက ကျောက်နဂါးကျေးရွာနားကိုကျတာ။ ညနေ ၆ နာရီကျော်လောက်ရှိမယ်ဗျ။ ကလေးငယ်နဲ့ သံဃာတော်လည်းပါတယ်။ ဗုံကျဲလို့သေတာ။ ဘုန်းကြီးကျောင်ပေါ်လည်းကျလို့ သံဃာတော်ပါး ပျံလွန်တော်မူပြီး တစ်ပါးဒဏ်ရာရတယ်။” ဟု ဒေသခံတစ်ဦးက ယနေ့ခေတ်သို့ ပြောသည်။...

“မိုးကုတ်အရှေ့ပိုင်းက ကျောက်နဂါးကျေးရွာနားကိုကျတာ။ ညနေ ၆ နာရီကျော်လောက်ရှိမယ်ဗျ။ ကလေးငယ်နဲ့ သံဃာတော်လည်း...

10/08/2025

TNLA ထိန်းချုပ်ထားသည့် မိုးကုတ်မြို့တွင် လေကြောင်းတိုက်ခိုက်မှုကြောင့် ငါးဦးသေဆုံး ဟုဆို

ရန်ကုန်၊ ဩဂုတ် ၁၀

TNLA ထိန်းချုပ်ထားသည့် မိုးကုတ်မြို့တွင် လေကြောင်းတိုက်ခိုက်မှုကြောင့် သံဃာတော်နှင့် ကလေးငယ်အပါအဝင် ငါးဦးသေဆုံးခဲ့ပြီး၊ သုံးဦးဒဏ်ရာရရှိခဲ့ကြောင်း သိရသည်။

ဩဂုတ်လ ၉ ရက်၊ ညနေ ၆ နာရီကျော်က မိုးကုတ်မြို့၊ ကျောက်နဂါးကျေးရွာတွင် လေကြောင်းတိုက်ခိုက်မှုဖြစ်ပေါ်ခဲ့ပြီးနောက် သဃာတော်နှင့် ကလေးငယ်အပါအဝင် ငါးဦးသေဆုံးခဲ့ပြီး၊ သုံးဦးဒဏ်ရာရရှိခဲ့ကြောင်း သိရသည်။

“မိုးကုတ်အရှေ့ပိုင်းက ကျောက်နဂါးကျေးရွာနားကိုကျတာ။ ညနေ ၆ နာရီကျော် လောက်ရှိမယ်ဗျ။ ကလေးငယ်နဲ့ သံဃာတော်လည်းပါတယ်။ ဗုံကျဲလို့သေတာ။ ဘုန်းကြီးကျောင်ပေါ်လည်းကျလို့ သံဃာတော်ပါး ပျံလွန်တော်မူပြီး တစ်ပါးဒဏ် ရာရတယ်။” ဟု ဒေသခံတစ်ဦးက ယနေ့ခေတ်သို့ ပြောသည်။

အဆိုပါ လေကြောင်းတိုက်ခိုက်မှုကြောင့် ကျောက်နဂါးကျေးရွာရှိ ဘုန်းကြီးကျောင်းအပါအဝင် နေအိမ်ငါးလုံးထက်မနည်း ပျက်စီးခဲ့ကြောင်း သိရသည်။

TNLA ထိန်းချုပ်ထားသည့် မိုးကုတ်မြို့တွင် ဇူလိုင်လနှင့် ဩဂုတ်လဆန်းပိုင်းတွင် လေကြောင်းတိုက်ခိုက်မှု ခြောက်ကြိမ်ဖြစ်ပေါ်ခဲ့ပြီး အရပ်သား ၁၀ ဦးထက်မနည်းသေဆုံးခဲ့ကာ၊ ဒဏ်ရာရရှိသူ ၃၀ ကျော်ရှိခဲ့ကြောင်း သိရသည်။

“မိုးကုတ် ပန်မထိပ်မှာဆို နှစ်ကြိမ်၊ မိုးကိုအနောက်ပိုင်းနဲ့ အရှေ့ပိုင်းမှာ နှစ်ကြိမ်စီကျဲတယ်။ သေးဆုံးတာတော့ ကလေးငယ်လေးတွေလည်းပါမယ်ဆို ၁၀ ယောက်ကျော်လောက်ရှိမယ်ဗျ။ ဒဏ်ရာရတာ အယောက် ၃၀ ကျော် ၄၀ ဆယ်လောက်ရှိမယ်။” ဟု ဒေသခံတစ်ဦးက ယနေ့ခေတ်သို့ ပြောသည်။

မိုးကုတ်မြို့တွင် လေးကြောင်းတိုက်ခိုက်မှုများကြောင့် ဘုန်းကြီးကျောင်းနှင့် ဒေ သခံများ၏ နေအိမ်အဆောက်အဦးများ၊ မော်တော်ယာဉ်များပါပျက်စီးခဲ့ကြောင်း သိရသည်။

မြောက်ပိုင်းမဟာမိတ်သုံးဖွဲ့၏ ၁၀၂၇ စစ်ဆင်ရေးဒုတိယပိုင်းတွင် TNLA က နောင်ချို၊ ကျောက်မဲ၊ သီပေါ၊ မိုးမိတ်နှင့် မိုးကုတ်မြို့များကို သိမ်းယူခဲ့သည်။

၂၀၂၅ ခုနှစ်၊ ဇူလိုင် ၁၆ ရက်နေ့တွင် နစကတပ်များသည် TNLA ထိန်းချုပ်ထားသည့် နောင်ချိုမြို့ကို ပြန်လည်သိမ်းပိုက်ခဲ့ကြောင်း သိရသည်။

ယခုအခါ အစိုးရတပ်များသည် TNLA ထိန်းချုပ်ထားသည့် ကျောက်မဲ၊ သီပေါ၊ မိုးမိတ်နှင့် မိုးကုတ်မြို့များကို ပြန်လည်သိမ်းယူနိုင်ရေးအတွက် ထိုးစစ်ဆင်မှုများပြုလုပ်နေကြောင်း သိရသည်။

#ချစ်ချစ်ခိုင်
ဓာတ်ပုံ- ဒေသခံများ
#ယနေ့ခေတ်

https://t.me/yanaekhit/4001

10/08/2025

“ဒီမနက် လေးနာရီကျော်လောက်ကနေ မီးကစပျက်တာ။ အခုလိုမီးကြိုးပြတ်တာ သူတို့မှာတာဝန်ရှိတယ်လေ။ အခု သူတို့ကပိုက်ဆံကောက်ပေးပါတဲ့။ လျှပ်စစ်ကလာပြောတာ။ ပိုက်ဆံကောက်ပြီးရင် ပြင်ပေးမယ်တဲ့။ သူတို့ မှာကြိုးမရှိဘူးတဲ့။ ကြိုးဝယ်ပြီးလုပ်ပေးဆိုတော့ ကြိုးဘယ်ကရမလဲ။ ကြိုးလည်းမရှိဘူးပြောတယ်။ အခု မြို့နယ် EPC ရုံးဝန်ထမ်းက ကြိုးဖိုး ၁၁,၀၈၀၀၀ ကျမယ်တဲ့ သုံးလမ်းစာအတွက်လို့တော့ပြောတယ်။” ဟု ရပ်ကွက်နေပြည်သူများက ယနေ့ခေတ်သို့ ပြောသည်။...

“ဒီမနက် လေးနာရီကျော်လောက်ကနေ မီးကစပျက်တာ။ အခုလိုမီးကြိုးပြတ်တာ သူတို့မှာတာဝန်ရှိတယ်လေ။ အခု သူတို့ကပိုက်ဆ...

10/08/2025

ယုဇနဥယျာဉ်မြို့တော်တွင် အစိုးရလျှပ်စစ်မီးကြိုးများ မကြာခဏခိုးယူခံနေရပြီး ရပ်ကွက်နေပြည်သူများကသာ အကုန်ကျခံဖြေရှင်းနေရ ဟုဆို

ရန်ကုန်၊ ဩဂုတ် ၁၀

ရန်ကုန်တိုင်း၊ ဒဂုံဆိပ်ကမ်းမြို့နယ်၊ (၉၄) ရပ်ကွက်၊ ယုဇနဥယျာဉ်မြို့တော်တွင် အစိုးရလျှပ်စစ်မီးကြိုးများ မကြာခဏခိုးယူခံနေရမှုများဖြစ်ပေါ်နေပြီး အဆိုပါဖြစ်ရပ်အတွက် ကုန်ကျငွေမှန်သမျှကို ရပ်ကွက်နေပြည်သူများကသာ အကုန်အကျခံဖြေရှင်းနေကြောင်း သိရသည်။

ဩဂုတ်လ ၁၀ ရက်၊ နံနက်ပိုင်းက ဒဂုံဆိပ်ကမ်းမြို့နယ်၊ (၉၄) ရပ်ကွက်၊ ယုဇနဥယျာဉ်မြို့တော် C ၂ လမ်း၊ C ၃ လမ်းနှင့် C ၅ လမ်းတို့တွင် ဩဂုတ်လ ၉ ရက်ညပိုင်းက အစိုးရလျှပ်စစ်မီးကြိုးများ ခိုးယူးခံရပြီး လျှပ်စစ်မီးများပြတ်တောက်နေခဲ့ကြောင်း ယုဇနဥယျာဉ်မြို့တော်နေပြည်သူများက ယနေ့ခေတ်သို့ ပြောကြားသည်။

“ဒီမနက် လေးနာရီကျော်လောက်ကနေ မီးကစပျက်တာ။ အခုလိုမီးကြိုးပြတ်တာ သူတို့မှာတာဝန်ရှိတယ်လေ။ အခု သူတို့က ပိုက်ဆံကောက်ပေးပါတဲ့။ လျှပ်စစ်က လာပြောတာ။ ပိုက်ဆံကောက်ပြီးရင် ပြင်ပေးမယ်တဲ့။ သူတို့မှာ ကြိုးမရှိဘူးတဲ့။ ကြိုးဝယ်ပြီး လုပ်ပေးဆိုတော့ ကြိုးဘယ်ကရမလဲ။ ကြိုးလည်းမရှိဘူးပြောတယ်။ အခု မြို့နယ် EPC ရုံးဝန်ထမ်းက ကြိုးဖိုး ၁၁,၀၈၀၀၀ ကျမယ်တဲ့ သုံးလမ်းစာအတွက်လို့တော့ပြောတယ်။” ဟု ရပ်ကွက်နေပြည်သူများက ယနေ့ခေတ်သို့ ပြောသည်။

ယခုကဲ့သို့ မီးပျက်နေသည့် လမ်းသုံးလမ်းနှင့်ပတ်သက်သည့်မီးလိုင်းကို ထိန်းချုပ်ထားသည့် ပင်မမီးခလုတ်ကို (EPC) တာဝန်ရှိသူများက ပိတ်ထားခဲ့ရာ ရပ် ကွက်နေပြည်သူများက အဆိုပါပင်မမီးခလုပ်ကို ပြန်ဖွင့်စစ်ဆေးပေးရန် တောင်းဆိုချက်ကိုလည်း (EPC) မှတာဝန်ရှိသူများက ငြင်းဆိုပြီး၊ ပိုက်ဆံပေးရန်သာ အ တင်းအကျပ် တောင်းဆိုနေသည်ဟု ရပ်ကွက်နေပြည်သူများက ယနေ့ခေတ်သို့ ပြောကြားသည်။

“လောလောဆယ် ရပ်ကွက်ကို ပိုက်ဆံမကောက်ရသေးဘူး။ သူတို့တွေက ဒီပိုက်ဆံရမှ မီးကြိုးကိုလာလုပ်ပေးမယ်ပြောတယ်။ ဦးတို့အနေနဲ့တောင်းဆိုတာ အဓိ ကဖြစ်တဲ့ မိန်းခလုပ်ကို တင်ပေးစေချင်တာ။ ဒါမှ ခိုးသွားတဲ့ကောင်က ဘယ်မိန်းကြိုးကိုမှားလုပ်လည်းဆိုတာသိရမှာ။ အဲ့တော့ ဘယ်လမ်းကကြိုးကိုဖြုတ်တယ်၊ မဖြုတ်ဘူးဆိုတာ သိရမှာလေ။ ပြီးရင် ဖြုတ်ခံရတဲ့လမ်းကို ဝိုင်းပြီးမျှကူညီလို့ရ အောင်ပါ။ အခုဟာက မိန်းလည်းမတင်ပေးဘူး။ ခိုးတဲ့ကောင်ကလည်း ခိုးသွားပြီဆိုတော့။ ဒါစဉ်းစားစရာပေါ့။” ဟု ရပ်ကွက်နေပြည်သူတစ်ဦးက ယနေ့ခေတ်သို့ ပြောသည်။

ယခုကဲ့သို့ မီးကြိုးဖြုတ်ခိုးခံရမှုများ မကြာခဏဖြစ်ပေါ်နေပြီး ရပ်ကွက်နေပြည်သူများက အမြဲတစေ ဝိုင်းဝန်းဖြေရှင်းနေရကြောင်း သိရသည်။

“မီးကြိုးတွေကို ခဏခဏခိုးတယ်။ ပြီးရင် ရပ်ကွက်ထဲက တစ်အိမ်ချင်းစီကငွေ ကောက်ပြီး ငွေရမှပြန်တပ်တယ်။ ပြီးရင် သိပ်မကြာဘူး ပြန်ခိုးခံရတယ်ဖြစ်ပြန်ရော။ အခုဟာကျတော့ လွန်လွန်းနေပြီ။ တစ်လမ်းလည်းမဟုတ်ဘူး။ သုံးလမ်းတောင်ဖြစ်တာ။ အရင်တစ်ခေါက် ခိုးတာကလည်း ပိတောက်လမ်း၊ အဲ့လမ်းဆို နှစ်ခါရှိပြီ။ အခု C ၂ လမ်း။ C ၃ လမ်း၊ C ၅ လမ်း၊ သုံးလမ်းစလုံးပါကိုဖြတ်တာ မ နက်ကတည်းက အခုထိမီးမလာတော့ဘူး။ ဘယ်လောက်ကြာမယ်ဆိုတာလဲ မ သိရဘူး။ အကုန်လုံးဒုက္ခရောက်ရတယ်။“ ဟု ရပ်ကွက်နေသူတစ်ဦးက ယနေ့ခေတ်သို့ ပြောသည်။

လျှပ်စစ်မီးကြိုးများ မကြာခဏခိုးယူခံနေရသော်လည်း (EPC) မှတာဝန်ရှိသူများနှင့် ရပ်ကွက််လုံခြုံရေးတာဝန်ရှိသူများမှာ မည်သို့မျှဖြေရှင်းပေးခြင်းမရှိကြဘဲ ပြန်လည်ပြင်ဆင်ပေးရေးအတွက် ငွေကြေးကောက်ခံရေးကိုသာ ပြုလုပ်နေကြကြောင်း ရပ်ကွက်နေပြည်သူများက ယနေ့ခေတ်သို့ ပြောကြားသည်။

ပြီးခဲ့သည့်၊ ဇူလိုင်လတွင်းကလည်း ဒဂုံဆိပ်ကမ်းမြို့၊ ယုဇနဥယျာဉ်မြို့တော်၊ C ၈ လမ်းတွင် လျှပ်စစ်မီးကြိုးများ ဖြုတ်ခိုးခံရမှုကြောင့် ရပ်ကွက်နေပြည်သူများထံမှကောက်ခံရသည့် ငွေကျပ်ရှစ်သိန်းကျော်ဖြင့် ပြန်လည်တပ်ဆင်ခဲ့ရကြောင်း သိရသည်။

#ချစ်ချစ်ခိုင်
ဓာတ်ပုံ-ယနေ့ခေတ်
#ယနေ့ခေတ်

https://t.me/yanaekhit/3998