27/11/2025
ထိုင်းနိုင်ငံ ရေကြီးရေလျှံမှု ကယ်ဆယ်ရေးကို အရှိန်မြှင့်တင်ရန် ဒရုန်းများအသုံးပြုမည်
ဟတ်ယိုင်၊ နိုဝင်ဘာ ၂၇
ထိုင်းနိုင်ငံတောင်ပိုင်းနှင့် အိမ်နီးချင်းမလေးရှားတို့တွင် ရေကြီးရေလျှံမှုများကြောင့် ရက်ပေါင်းများစွာ ပိတ်မိနေသူများကို ကယ်ဆယ်ရန် မျှော်လင့်ချက်များ ထွက်ပေါ်လာပြီး ထိုင်းနိုင်ငံမှ ကယ်ဆယ်ရေးသမားများသည် ကြာသပ တေးနေ့တွင် အစားအစာထုတ်များကို ဒရုန်းများဖြင့် လေကြောင်းမှပို့ဆောင်ရန် အသင့်ပြင်ထားကြသည်။ အင်ဒိုနီးရှားတွင် ဆိုင်ကလုန်းမုန်တိုင်းကြောင့် ၂၈ ဦး သေဆုံးခဲ့သည်။
မိုးသည်းထန်စွာရွာသွန်းပြီးနောက် ပြင်းထန်သော ရေကြီးရေလျှံမှုများကြောင့် ထိုင်းနိုင်ငံတွင် အနည်းဆုံး ၃၃ ဦး နှင့် အိမ်နီးချင်းမလေးရှားတွင် ၂ ဦးသေဆုံးခဲ့သည်။ ကယ်ဆယ်ရေးစခန်းများတွင် ထောင်ပေါင်းများစွာ စုဝေးနေထိုင်ကြပြီး အချို့မှာ ၂ မီတာအထိမြင့်သော ရေများကြောင့် ရက်ပေါင်းများစွာ အဆက်အ သွယ်ပြတ်တောက်ခဲ့ရသည်။
“အချိန်နှင့်လုပြီးလုပ်နေရခြင်းဖြစ်သည်” ဟု ထိုင်းအစိုးရပြောရေးဆိုခွင့်ရှိသူ Siripong Angkasakulkiat က ပြောကြားခဲ့ပြီး ဆက်သွယ်ရေးပြတ်တောက်မှုများကြောင့် ဂြိုဟ်တုအင်တာနက်ကိုအားကိုးကာ ကယ်ဆယ်ရေးအဖွဲ့များသည် အစားအစာထုတ်များပို့ဆောင်ရေးအတွက် ဒရုန်းများကိုအသုံးပြုရန်ပြင်ဆင်နေ ကြောင်း ဖြည့်စွက်ပြောကြားသည်။
“ကျွန်တော်တို့ သူတို့ကိုကူညီရမယ်” ဟု အာဏာပိုင်များက ဆိုသည်။ ကြာသပ တေးနေ့တွင် လူများကို ပိုမိုကယ်တင်နိုင်လိမ့်မည်ဟု မျှော်လင့်ကြောင်း ၎င်းက ထပ်လောင်းပြောကြားသည်။
ရေကြီးရေလျှံမှုများကြောင့် ထိုင်းနှင့် မလေးရှားရှိ သဘာဝဘေးအန္တရာယ်အဖွဲ့များသည် အကူအညီပေးရေး၊ ပို့ဆောင်ရေးများနှင့် ရေနစ်မြုတ်နေသောအိမ်များမှလူများကို ရွှေ့ပြောင်းရန် ဒရုန်းများအသုံးပြုခြင်းဖြင့် ပိုမိုထိရောက်စေ မည်ဖြစ်သည်။
ရေကြီးမှုကြောင့် ထိုင်းတောင်ပိုင်းပြည်နယ်ကိုးခုတွင် လူပေါင်း ၃ သန်းနီးပါး ထိခိုက်ခဲ့ရကြောင်း အာဏာပိုင်များက ပြောကြားခဲ့ပြီး အဆိုးရွားဆုံးထိခိုက်ခံရသည့် ဟတ်ယိုင်မြို့မှ လူ ၃၀၀၀ ကို ဘေးကင်းရာသို့ရွှေ့ပြောင်းပေးခဲ့ပြီး ဗုဒ္ဓဟူးနေ့တွင် ရေလွှမ်းမိုးမှုဒဏ်ကို အပြင်းအထန်ခံစားနေရသူအချို့ကို ဆေးရုံမှလေကြောင်းဖြင့် ကယ်ဆယ်ခဲ့သည်။
ထိုင်းစစ်တပ်သည် ဗုဒ္ဓဟူးနေ့တွင် အနည်းဆုံး ရဟတ်ယာဉ် ၂၀ စီး၊ လေယာဉ်များ၊ ထရပ်ကားများဖြင့် အစားအစာ၊ ဆေးဝါးနှင့် လှေငယ်များပို့ဆောင်ရန် စု ဆောင်းခဲ့ပြီး လှေများပိုမိုလိုအပ်ကြောင်း အများပြည်သူထံ တောင်းဆိုခဲ့သည်။
နိုင်ငံ၏တစ်ခုတည်းသော လေယာဉ်တင်သင်္ဘော HTMS Chakri Naruebet သည်လည်း လေကြောင်းအကူအညီ၊ အစားအစာနှင့် ဆေးဝါးများပေးအပ်လျက်ရှိသည်။
အင်ဒိုနီးရှားနိုင်ငံ မြောက်ဆူမားတြားပြည်နယ်တွင် အပူပိုင်းမုန်တိုင်းတစ်ခုကြောင့် ရေကြီးရေလျှံမှုနှင့် မြေပြိုမှုများ ဖြစ်ပွားခဲ့ပြီး အနည်းဆုံး ၂၈ ဦးသေ ဆုံးပြီး ၁၀ ဦးပျောက်ဆုံးခဲ့သည်။ လျှပ်စစ်ဓာတ်အားပြတ်တောက်မှု၊ တံတား များနှင့် အိမ်များပျက်စီးမှုကြောင့် ကယ်ဆယ်ရေးလုပ်ငန်းများကို အဟန့်အ တားဖြစ်စေခဲ့ကြောင်း သဘာဝဘေးအန္တရာယ်အေဂျင်စီက ပြောကြားသည်။
မြေများသည် တောင်စောင်းမှလျှောကျကာ အိမ်များရှေ့တွင်ပုံနေပြီး တစ်မီတာထက်ပိုမြင့်သော အပျက်အစီးများနှင့် သစ်ပင်များ၊ အကိုင်းအခက်များသည် ရေထဲတွင်မျောပါသွားသည်ကို Kompas TV တွင်ပြသခဲ့သည်။
အရှေ့တောင်အာရှတွင် လက်ရှိဖြစ်ပေါ်နေသော အစွန်းရောက်ရာသီဥတုများသည် ဖိလစ်ပိုင်နိုင်ငံရှိ တိုင်ဖွန်းကိုတိုနှင့် မလက္ကာရေလက်ကြားရှိ ဆိုင်ကလုန်းဆန်ယာတို့၏ ပုံမှန်မဟုတ်သောဖွဲ့စည်းမှုတို့ အပြန်အလှန်ဆက်စပ်မှုကြောင့် ဖြစ်ပေါ်လာနိုင်ကြောင်း မိုးလေဝသပညာရှင်များက ပြောကြားသည်။
ကမ္ဘာကြီးပူနွေးလာမှုသည် ပင်လယ်ရေမျက်နှာပြင်အပူချိန် မြင့်မားလာခြင်းကြောင့် အပူပိုင်းမုန်တိုင်းများကို ပိုမိုဖြစ်ပေါ်စေပြီး မကြာခဏ ပိုမိုပြင်းထန်သောဖြစ်ရပ်များကို ဖြစ်ပေါ်စေနိုင်သည်။
ဖိလစ်ပိုင်နှင့် ဗီယက်နမ်တို့တွင်တိုက်ခတ်ခဲ့သော အသက်အန္တရာယ်ရှိသော တိုင်ဖွန်းများနှင့် မုတ်သုံမိုး ပြင်းထန်စွာရွာသွန်းမှုများအပြီးတွင် မကြာသေးမီက ရေ ကြီးမှုများဖြစ်ပွားခဲ့ခြင်းဖြစ်သည်။
Ref: bangkokpost.com
#ယနေ့ခေတ်
https://t.me/yanaekhit/5155
