15/07/2024
■ရွှေပြည်သာမြို့နယ်တွင် ယာဉ်လေးစီးတိုက်မှုဖြစ်ပွားပြီး အမျိုးသမီးတစ်ဦးသေဆုံး
ရွှေပြည်သာမြို့နယ်တွင် ယာဉ်လေးစီးတိုက်မှုဖြစ်ပွားပြီး အမျိုးသမီးတစ်ဦးသေဆုံးမှု ဇူလိုင် ၁၅ ရက်က ဖြစ်ပွားခဲ့ကြောင်း ကနဦး သတင်းများအရသိရသည်။
"ယာဉ်တိုက်မှုဖြစ်စဉ်သတင်းရလို့ သွားရောက်ကူညီကယ်ဆယ်ရေး ဆောင်ရွက်ခဲ့ပါတယ်။ ဟိုက်ဂျက်ယာဉ်ပေါ်က အမျိုးသမီးတစ်ဦး သေဆုံးပါတယ်"ဟု We Love Care Burma(လူမှုဘဝစောင့်ရှောက်ရေးပရဟိတအသင်း)မှ တာဝန်ရှိသူတစ်ဦးက ပြောကြားသည်။
ဇူလိုင် ၁၅ ရက်၊ ညနေ ၃ နာရီခန့်တွင် ရွှေပြည်သာမြို့နယ်၊ ပုလဲလမ်းဆုံအနီးတွင် ယာဉ်တိုက်မှုဖြစ်ပွားကြောင်း သတင်းရသဖြင့် သက်ဆိုင်ရာတာဝန်ရှိသူများနှင့် ပရဟိတအဖွဲ့များသွားရောက်ခဲ့ကြောင်း သိရသည်။
"ယာဉ်တိုက်မှုဖြစ်စဉ်ကြောင့် အမျိုးသမီးတစ်ဦး သေဆုံးပါတယ်။ ကလေးနှစ်ယောက် ဒဏ်ရာရပါတယ်။ဟိုက်ဂျက်ယာဉ်ပေါ်က အမျိုးသမီးတစ်ဦး သေဆုံးတာပါ"ဟု အခင်းဖြစ်ပွားရာသို့ ရောက်ရှိခဲ့သည့် မီးသတ်တပ်ဖွဲ့မှ တာဝန်ရှိသူတစ်ဦးက ပြောကြားသည်။
အခင်းဖြစ်ပွားရာသို့ ရွှေပြည်သာမြို့နယ်မီးသတ်တပ်ဖွဲ့၊ကန္တာရမိုးစက်၊စေတနာသုခ၊ရွှေမေတ္တာ ၊ရန်ပိုင် ၄ ခ၊ကနောင်၊ဆန်ရေ၊We love care ၊ကြယ်စင်မေတ္တာစသည့် အဖွဲ့များလာရောက်ကူညီကယ်ဆယ်ရေး လုပ်ဆောင်ခဲ့ကြောင်း သိရသည်။
■ဓာတ်ပုံ - We Love Care Burma(လူမှုဘဝစောင့်ရှောက်ရေးပရဟိတအသင်း)
