04/10/2025
ကစားသမားဘဝကို အနိုင်နဲ့နှုတ်ဆက်ခဲ့ပြီဖြစ်တဲ့ အောင်လအန်ဆန်း
*****************************************************************
ဆွီဒင်ဖိုက်တာ ဇဘက်ဇရှန် ကာဒက်စတမ် နဲ့ မြန်မာ့စပါးအုံး အောင်လအန်ဆန်းတို့ရဲ့ ပွဲစဥ်မှာအောင်လက ထပ်မံပြီးမြန်မာ့ဂုဏ်ဆောင်ပီပီအနိုင်ထိုးပြီးကစားသမားဘဝကို နှုတ်ဆက်ခဲ့ပြီပဲဖြစ်ပါတယ်။
အောင်လက ဒုတိယအချီ ၂ မိနစ် ၂၀ မှာအနိုင်ရခဲ့တာဖြစ်ပြီး၊ ယခုနောက်ဆုံးပွဲကိုအနိုင်ရဖို့ အောင်လက အကောင်းဆုံးပြင်ဆင်အားခဲထားခဲ့တာပဲဖြစ်ပါတယ်။
ယခုပွဲစဥ်မှာအနိုင်ရရှိခဲ့တဲ့ အောင်လအန်ဆန်းကို One Championship က ဆုငွေ ဒေါ်လာ ၅၀,၀၀၀ ကို ဘောနပ်ပေးခဲ့ပါတယ်။
ဒီပွဲမှာ အမှတ်တရအနေနဲ့ အောင်လရဲ့ ပွဲထွက်သီချင်းဖြစ်တဲ့ အမဲလိုက်အက သီချင်းကို အဆိုတော်လေးဖြူက ကြိုးဝိုင်းထဲအထိ ကိုယ်တိုင်လာရောက်သီဆိုခဲ့တယ်လို့သိရှိရပါတယ်။
အောင်လအန်ဆန်းက One Championship ကစားသမားဘဝ မှာ ပွဲ ၂၀ ကစားပြီး ၁၅ ပွဲအထိအနိုင်ရခဲ့သူလဲဖြစ်ပါတယ်။
သူ့ရဲ့ ချုပ်ကွက်ကြောင့် မြန်မာ့စပါးအုံးလို့ တင်စားခံခဲ့ရပါတယ်။ မြန်မာပရိသတ်တွေအတွက်တော့ အောင်လက MMA လောကကနေနှုတ်ဆက်သွားလဲ၊ ရင်ထဲအမြဲကျန်နေမယ့် ကစားသမားကောင်းပဲဖြစ်ပါတယ်။
Photo Crd:
#အောင်လ #ကြိုးဝိုင်း
