06/08/2025
ခေတ်မီစားသုံးသူများအတွက်
ပြောင်းလဲလာသည့် လှောင်အိမ်မဲ့
သဘာဝကြက်ဥထုတ်လုပ်ရေး
=========================
ယနေ့ခေတ်တွင် စားသုံးသူများသည် လူသားဆန်သော မွေးမြူရေး အလေ့ အကျင့်များနှင့် တိရစ္ဆာန်တို့၏ သဘာဝအမူအကျင့်များကို တန်ဖိုးထားသည့် ရွေးချယ်စားသောက်မှုပုံစံများ ပြောင်းလဲလာသည့်အတွက်လှောင်အိမ်မဲ့ သဘာဝကြက်ဥများ ထုတ်လုပ်မှုသည် ဈေးကွက်တွင် ပိုမိုရေပန်းစားလာသည်။
မလေးရှားနိုင်ငံရှိ Liang Kee မွေးမြူရေးခြံသည် ခေတ်မီစားသုံးသူများ၏ လိုအပ် ချက်ကို ဖြည့်ဆည်းပေးရန် ရည်ရွယ်၍ Big Dutchman နည်းပညာသုံး မွေးမြူရေးခြံအသစ်တစ်ခုကို တည်ဆောက်လျက်ရှိသည်။ ခြံအသစ်သည် ၂၀၂၆ ခုနှစ်တွင် ပြီးစီးမည်ဖြစ်ပြီး မွေးမြူရေးတိရစ္ဆာန်များ သက်သောင့်သက်သာဖြစ်စေရေးအတွက် လေဝင်လေထွက်ကောင်းမှု၊ အပူချိန်ထိန်းချုပ်မှုနှင့် သဘာဝစွမ်းအင် တို့ကို အသုံးချသွားမည်ဖြစ်သည်။ စွမ်းအင်ကို
ထိရောက်စွာအသုံးချနိုင်ရန် အဆင့်မြင့်အပူလျှပ်ကာပစ္စည်းများဖြင့် ခြံအားကာရံထားပြီး သက်သောင့် သက်သာရှိသော အသိုက်အအုံများကြောင့် ကြက်ဥထွက်နှုန်းကို မြှင့်တင်ပေးသည်။ အလိုအလျောက်ကြက်ဥ ကောက်သည့်စနစ်ကြောင့် ကြက်ဥများ ကွဲအက်ပျက်စီးမှုကို ထိရောက်စွာ လျှော့ချပေးသည်။
“ကျန်းမာပြီး အရည်အသွေးမြင့်တဲ့ကြက်မကောင်ရေ ၂၀၀၀၀ ခန့်ကို သဘာဝအတိုင်း လွှတ်ကျောင်းစနစ်နဲ့မွေးမြူသွားမယ်၊ ခြံဒီဇိုင်းက ကြက်တွေကို သဘာဝအတိုင်း ခုန်ပျံသွားလာ နိုင်အောင် ပြုလုပ်ထားတယ်'' ဟု Liang Kee Farming ၏ မန်နေဂျင်းဒါရိုက်တာ Tan Leng Yee ကဆိုသည်။ လက်ရှိတွင် မွေးမြူရေးခြံ၏ ထုတ်လုပ်မှုသည် တစ်ရက်လျှင် ဥပေါင်း ၅၃၀၀၀၀ ရှိပြီး စက်ရုံအသစ်ပြီးစီးပါက တစ်ရက်လျှင် လှောင်အိမ်မဲ့ သဘာဝကြက်ဥအပါအဝင် ကြက်ဥပေါင်း ၆၀၀၀၀၀ ထိထွက်ရှိရန် မျှော်မှန်းထား သည်။ သဘာဝကြက်ဥများသည် စားသုံးသူများ၏ ကျန်းမာရေးကို ကောင်းစေပြီး ဗီတာမင် E ၊ Omega-3 နှင့် DHA ကဲ့သို့သော အာဟာရများပါဝင် ကာ အရသာကို ပိုမိုကောင်းမွန်စေမည်ဖြစ်သည်။ *ကျော်တင့်(ရွှေခရမ်း)*
ဒို့ကျေးရွာဂျာနယ် အတွဲ (၂၂) အမှတ် (၁၅)
#ဒို့ကျေးရွာဂျာနယ် #ကျေးလက်ဒေသဖွံ့ဖြိုးတိုးတက်ရေး #အသိပညာပေး #မွေးမြူရေး
