Myanmar Now

10/08/2026

လက်နက်ကိုင်ဆောင်မှုတင်းကျပ်မည့် ထိုင်းတွင်ပစ်ခတ်မှုထပ်ဖြစ်၊ တစ်ဦးသေဆုံး

ထိုင်းနိုင်ငံအတွင်း လက်နက်ကိုင်ဆောင်မှုကို ထိန်းချုပ်မယ်လို့ ထိုင်းအာဏာပိုင်တွေက ပြောဆိုအပြီး ရက်ပိုင်းအကြာ ဒီကနေ့ ဩဂုတ်လ ၁၀ ရက်နေ့ မနက်ပိုင်းမှာ ထိုင်းလွှတ်တော်အမတ်ဟောင်းတစ်ဦးက ဒေသန္တရ အစိုးရအရာရှိတစ်ဦးနဲ့ ယာဉ်မောင်းဖြစ်သူတို့ကို ပစ်ခတ်မှု ပေါ်ပေါက်ခဲ့ပါတယ်။

ပစ်ခတ်မှုဟာ ပြီးခဲ့တဲ့ သောကြာနေ့က စာသင်ကျောင်းတစ်ခုအတွင်း ပစ်ခတ်မှုဖြစ်ပွားခဲ့တဲ့ ဘန်ကောက်မြို့ မြောက်ဘက်ရှိ နွန်သဘူရီခရိုင်က ခရိုင်အုပ်ချုပ်ရေးမှူးရုံးမှာ ဖြစ်ပွားခဲ့တာဖြစ်ပြီး သေနတ်နဲ့ ပစ်ခတ်သူဟာ လွှတ်တော်အမတ်ဟောင်း ချက်လောင် ရီယော်ရန် ဆိုသူ ဖြစ်ပါတယ်။ အခုအခါမှာတော့ နွန်သဘူရီ ခရိုင်ရဲတပ်ဖွဲ့က သူ့ကို ထိန်းသိမ်းထားပါတယ်။
ဒီပစ်ခတ်မှုကြောင့် နွန်သဘူရီ ခရိုင်အုပ်ချုပ်ရေးမှူးဟာ သေဆုံးသွားခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။ အခြားတစ်ဦးရဲ့ အခြေအနေကိုတော့ မသိရသေးပါဘူး။

ထိုင်းနိုင်ငံဟာ ဒေသတွင်း သေနတ်ကိုင်ဆောင်မှု အမြင့်မားဆုံး စာရင်းတွင် ပါဝင်တဲ့ နိုင်ငံတစ်နိုင်ငံဖြစ်ပြီးတော့ ပြည်သူ ခုနစ်ဦးမှာ သေနတ်တစ်လက်နှုန်းနီးပါး ရှိနေပြီး ပျံ့နှံ့နေသည့် သေနတ်အရေအတွက် ၁၀ သန်းခန့် ရှိမယ်လို့ ခန့်မှန်းရတဲ့အကြောင်း AFP သတင်းမှာ ဖော်ပြထားပါတယ်။

10/08/2026

အကျဉ်းချခံ ဒေါ်အောင်ဆန်းစုကြည်ကို လွှတ်ပေးရန် အာဆီယံအလှည့်ကျ ဥက္ကဋ္ဌ၏ တောင်းဆိုချက်ကို ပယ်ချလိုက်သည့်အပြင် နောင်တွင် မြန်မာနိုင်ငံဆိုင်ရာ အာဆီယံ အထူးကိုယ်စားလှယ်ပင် မလိုအပ်တော့ဟု စစ်အုပ်စု၏နိုင်ငံခြားရေးဝန်ကြီးဌာနက ဩဂုတ်လ ၈ ရက် ညနှောင်းပိုင်းတွင် ထုတ်ပြန်ကာအာဆီယံကို ပြောင်ပြောင်တင်းတင်း အာခံလိုက်သည်။

---------------------------
ဆောင်းပါးအပြည့်အစုံကို အောက်ရှိကွန်မန့်ပါ လင့်တွင် ဖတ်ရှုနိုင်ပါသည်။

10/08/2026

AA က ထိုးစစ်ဆင်မှုများရှိနေသည့် ပြည်နယ်မြို့တော်တွင် စစ်တပ်က ရိုဟင်ဂျာများကို ခရီးသွားခွင့် ကန့်သတ်ထားပြီး ယခင်လမှစတင်၍ တစ်အိမ်တစ်ဦး စစ်မှုမထမ်းမနေရ ညွှန်ကြားထားသည်။

Myanmar Now က ရရှိခဲ့သည့် အကြောင်းကြားစာတွင် “ အောင်မင်္ဂလာရပ်ကွက်နှင့် ဆက်စပ်နေသည့် မူဆလင်ရပ်ကွက် (၅) ရပ်ကွက်တွင် အိမ်ထောင်စု တစ်စုလျှင် တစ်ဦးနှုန်းဖြင့် တစ်လတွင် ပြည်သူ့ စစ်မှုထမ်း ၂၀ ဦး ပေးသွင်းရန် လုံခြုံရေးနှင့် နယ်စပ်ရေးရာဝန်ကြီးက တာဝန်ပေးထားသည်”ဟု ပါရှိသည်။

၂၀၂၁ ခုနှစ် စစ်အာဏာသိမ်းပြီးနောက် စစ်တွေမြို့အနီးရှိ ကျေးရွာများနှင့် ဒုက္ခသည်စခန်းများမှ အဓမ္မ စစ်သား စုဆောင်းခံထားရသည့် ရိုဟင်ဂျာ ၃၀၀၀ ကျော်ရှိပြီး ယခု တစ်ကြိမ်မှာမူ တရားဝင် စာထုတ်ပြီး စစ်မှုထမ်း စုဆောင်းခြင်းဖြစ်သည်ဟု သိရသည်။ ထိုစဉ်က စစ်တွေသာမက ကျောက်ဖြူနှင့် ဘူးသီးတောင်မှ ရိုဟင်ဂျာများကိုပါ စစ်မှုထမ်းအဖြစ်စုဆောင်းခြင်းများ ပြုလုပ်ခဲ့သည်။

စစ်တွေမြို့အနီးရှိသော ရိုဟင်ဂျာဒုက္ခသည်စခန်းပေါင်း ၁၃ ခုတွင် နေထိုင်နေကြသူများမှာ ၂၀၁၂ ခုနှစ် ရိုဟင်ဂျာ အရေးအခင်း၌ ၎င်းတို့ နေထိုင်ရာနေအိမ်အဆောက်အအုံများ မီးရှို့ဖျက်ဆီးခံရမှုကြောင့် ထိုစခန်းများသို့ ပြောင်းရွှေ့နေထိုင်ခဲ့ရသူများဖြစ်သည်။

---------------------------
သတင်းအပြည့်အစုံကို အောက်ရှိကွန်မန့်ပါ လင့်တွင် ဖတ်ရှုနိုင်ပါသည်။

10/08/2026

မြန်မာနိုင်ငံမှာ ကုန်ဈေးနှုန်းတွေ ဆက်တိုက်မြင့်တက်နေပေမဲ့ အခြေခံလက်လုပ်လက်စား ပြည်သူတွေရဲ့ ဝင်ငွေကတော့ လိုက်ပြီးတိုးလာတာ မရှိပါဘူး။

ဒါကြောင့် အခုအချိန်မှာ မိသားစုတစ်စုရဲ့ ဝင်ငွေနဲ့ တစ်လတာအသုံးစရိတ် မမျှတော့ဘဲ နေ့စဉ်စားဝတ်နေရေး အခက်အခဲဖြစ်လာနေပါတယ်။

ဧည့်မထဆန် တစ်အိတ်ကို ကျပ် ၉ သောင်းဝန်းကျင်၊ စားအုန်းဆီ တစ်ပိဿာကို ကျပ် ၁ သောင်းခွဲနဲ့ ကြက်ဥတစ်လုံးကို ကျပ် ၇၀၀ အထိ ဈေးနှုန်းတွေ မြင့်တက်နေပါတယ်။

တစ်ဖက်မှာလည်း စစ်အုပ်စုရဲ့ ကုန်သွယ်ရေးနဲ့ တင်သွင်းမှုဆိုင်ရာ ကန့်သတ်ချက်တွေကြောင့် ပြည်ပက တင်သွင်းတဲ့ ကုန်ပစ္စည်းတွေ ရှားပါးလာပြီး၊ အရည်အသွေးမမီတဲ့ ပြည်တွင်းထုတ်ကုန်တွေကိုတောင် ဈေးကြီးပေးပြီး ဝယ်ယူသုံးစွဲနေရတဲ့ အခြေအနေတွေ ရှိနေပါတယ်။

ကမ္ဘာ့စားနပ်ရိက္ခာအစီအစဉ် (WFP) ရဲ့ ဇွန်လထုတ်ပြန်ချက်အရ ဖေဖော်ဝါရီလနောက်ပိုင်း လေးလအတွင်း မြန်မာနိုင်ငံမှာ အခြေခံစားသောက်ကုန်ဈေးနှုန်းတွေ ၂၀ ရာခိုင်နှုန်းအထိ ထပ်မံမြင့်တက်ခဲ့ပါတယ်။

ဝင်ငွေက မတိုး၊ အခြေခံစားသောက်ကုန်တွေက တက်၊ သယ်ယူစရိတ်က မြင့်လာတဲ့အခါ ဝင်ငွေနည်းမိသားစုတွေအတွက် နေ့စဉ်ဘဝရှင်သန်ရပ်တည်ရေးတောင် အနိုင်နိုင် ဖြစ်လာပါတယ်။

နေ့စဉ်စားဝတ်နေရေးအတွက် ဘယ်လိုရုန်းကန်နေကြရသလဲ၊ ဈေးနှုန်းမြင့်တက်မှုဒဏ်ကို နိစ္စဓူဝ ကြုံတွေ့နေရတဲ့ မီးဖိုချောင်ထဲက ဒုက္ခတွေကို ဒီရုပ်သံမှာ ပြောပြထားကြပါတယ်။

https://youtu.be/Mg9zE7ist5E?si=RcT9KbAjRumTq8NG

သတင်း၊ တင်ဆက် - သဇင်လှိုင်
ရိုက်ကူး - မြတ်ကြီး

-------------------------------------------
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။

ဝင်ငွေက မတက်၊ ကုန်ဈေးနှုန်း ခေါင်ခိုက်မှုဒဏ်ကို ကျောကော့အောင် ခံနေရ...

10/08/2026

သတင်းဆောင်းပါး

၂၀၂၁ ခုနှစ်တွင် မင်းအောင်လှိုင်ဦးဆောင်သည့် စစ်အုပ်စုက ပြည်သူတင်မြှောက်သည့် အစိုးရကို ဖယ်ရှားပြီး အာဏာသိမ်းလိုက်သည့်အခါ သသူသည်ရွှေရောင်မင်းသားဘဝကို ကျောခိုင်းရန် ရဲရဲဝံ့ဝံ့ ဆုံးဖြတ်ခဲ့သည်။

ပြည်သူလက်မခံသည့် အယောင်ဆောင် ခေါင်းဆောင် ဖြစ်လာမည့်သူများ ပါဝင်တက်ရောက်မည့် နိုင်ငံအဆင့် အခမ်းအနားများတွင် သူ မဖျော်ဖြေလို၊ သွေးစွန်းထားသည့် လူသတ်လက်များဖြင့်တီးသည့် လက်ခုပ်သံများကိုလည်း မကြားလိုဟု သူကပြောသည်။ ဤသို့ဖြင့် သူသည် အကြမ်းမဖက် အာဏာဖီဆန်ရေးလှုပ်ရှားမှု (CDM) တွင် ပါဝင်လာခဲ့သည်။

-------------------------------------
ဆောင်းပါးအပြည့်အစုံကို အောက်ရှိကွန်မန့်ပါ လင့်တွင် ဖတ်ရှုနိုင်ပါသည်။

09/08/2026

နိုင်ငံတကာရောက် မြန်မာနောင်း စာဖတ်ပရိသတ်အား အလေးအနက် တိုက်တွန်းနှိုးဆော်ခြင်း
မြန်မာနောင်း ဆက်လက်လည်ပတ်ရေးအတွက် အမာခံ စာဖတ်ပရိသတ် ၅၀၀ ကို ပထမအဆင့်အနေဖြင့် ရှာဖွေနေပါတယ်။ အခုတော့ လူပုဂ္ဂိုလ် ၁၃၃ ယောက် က မြန်မာနောင်းရဲ့ အမာခံ စာဖတ်ပရိသတ်တွေ အဖြစ် ပါဝင်အားဖြည့်လာပါပြီ။

Myanmar Now ရဲ့ နိုင်ငံတကာရောက် မြန်မာစာဖတ်ပရိသတ်တွေအနေနဲ့ လစဉ် ကော်ဖီတစ်ခွက်စာ ငွေကြေးပမာဏနဲ့ မြန်မာနောင်းရဲ့ သတင်းထုတ်လုပ်မှု လုပ်ငန်းစဉ် အဆက်မပြတ်ဖို့ ပါဝင်အားဖြည့်ပေးပါလို့ လေးလေးနက်နက် တိုက်တွန်းပါတယ်ခင်ဗျာ။

ဘယ်လိုပဲဖြစ်ဖြစ် မြန်မာနောင်းရဲ့ ပြည်တွင်း၊ ပြည်ပ မြန်မာစာဖတ်ပရိသတ်တွေ အခမဲ့ ဖတ်ရှုနိုင်ဖို့ သတင်းတွေကို ဆက်လက် ဖော်ပြပေးနေပါမယ်။

👉 Core Supporter အဖြစ် ပါဝင်ရန် - ပထမဆုံး ကွန်မန့်ပါ လင့်ခ် (Link) တွင် ဝင်ရောက်စာရင်း သွင်းနိုင်ပါပြီ။ 👇

09/08/2026

ဝင်ငွေက မတက်၊ ကုန်ဈေးနှုန်း ခေါင်ခိုက်မှုဒဏ်ကို ကျောကော့အောင် ခံနေရတဲ့ ပြည်သူတွေ
————
မြန်မာနိုင်ငံမှာ ကုန်ဈေးနှုန်းတွေ ဆက်တိုက်မြင့်တက်နေပေမဲ့ အခြေခံလက်လုပ်လက်စား ပြည်သူတွေရဲ့ ဝင်ငွေကတော့ လိုက်ပြီးတိုးလာတာ မရှိပါဘူး။

ဒါကြောင့် အခုအချိန်မှာ မိသားစုတစ်စုရဲ့ ဝင်ငွေနဲ့ တစ်လတာအသုံးစရိတ် မမျှတော့ဘဲ နေ့စဉ်စားဝတ်နေရေး အခက်အခဲဖြစ်လာနေပါတယ်။

ဧည့်မထဆန် တစ်အိတ်ကို ကျပ် ၉ သောင်းဝန်းကျင်၊ စားအုန်းဆီ တစ်ပိဿာကို ကျပ် ၁ သောင်းခွဲနဲ့ ကြက်ဥတစ်လုံးကို ကျပ် ၇၀၀ အထိ ဈေးနှုန်းတွေ မြင့်တက်နေပါတယ်။

တစ်ဖက်မှာလည်း စစ်အုပ်စုရဲ့ ကုန်သွယ်ရေးနဲ့ တင်သွင်းမှုဆိုင်ရာ ကန့်သတ်ချက်တွေကြောင့် ပြည်ပက တင်သွင်းတဲ့ ကုန်ပစ္စည်းတွေ ရှားပါးလာပြီး၊ အရည်အသွေးမမီတဲ့ ပြည်တွင်းထုတ်ကုန်တွေကိုတောင် ဈေးကြီးပေးပြီး ဝယ်ယူသုံးစွဲနေရတဲ့ အခြေအနေတွေ ရှိနေပါတယ်။

ကမ္ဘာ့စားနပ်ရိက္ခာအစီအစဉ် (WFP) ရဲ့ ဇွန်လထုတ်ပြန်ချက်အရ ဖေဖော်ဝါရီလနောက်ပိုင်း လေးလအတွင်း မြန်မာနိုင်ငံမှာ အခြေခံစားသောက်ကုန်ဈေးနှုန်းတွေ ၂၀ ရာခိုင်နှုန်းအထိ ထပ်မံမြင့်တက်ခဲ့ပါတယ်။

ဝင်ငွေက မတိုး၊ အခြေခံစားသောက်ကုန်တွေက တက်၊ သယ်ယူစရိတ်က မြင့်လာတဲ့အခါ ဝင်ငွေနည်းမိသားစုတွေအတွက် နေ့စဉ်ဘဝရှင်သန်ရပ်တည်ရေးတောင် အနိုင်နိုင် ဖြစ်လာပါတယ်။

နေ့စဉ်စားဝတ်နေရေးအတွက် ဘယ်လိုရုန်းကန်နေကြရသလဲ၊ ဈေးနှုန်းမြင့်တက်မှုဒဏ်ကို နိစ္စဓူဝ ကြုံတွေ့နေရတဲ့ မီးဖိုချောင်ထဲက ဒုက္ခတွေကို ဒီရုပ်သံမှာ ပြောပြထားကြပါတယ်၊

သတင်း၊ တင်ဆက် - သဇင်လှိုင်
ရိုက်ကူး - မြတ်ကြီး

-------------------------------------------
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။

09/08/2026

ငွေမည်းထုတ်လုပ်ရာ မူးယစ်ဆေးနှင့် ကျားဖြန့်လုပ်ငန်း ဆက်လက်ကြီးထွားနေချိန်တွင် နေ့စဉ် စစ်အသုံးစရိတ် မည်သည့်နေရာက ရနေသနည်းဟူသော မေးခွန်း ပေါ်ပေါက်လာသည်။

---------------------------
ဆောင်းပါးအပြည့်အစုံကို အောက်ရှိကွန်မန့်ပါ လင့်တွင် ဖတ်ရှုနိုင်ပါသည်။

07/08/2026

ထိုင်းနှင့် အပြန်အလှန်သဘောတူညီမှုများ ပြုလုပ်ခဲ့သည့် စစ်ခေါင်းဆောင်၏ ခရီးစဉ်ကြောင့် နယ်စပ်တွင် အခြေစိုက်သည့် တော်လှန်ရေးအဖွဲ့များကို ထိုင်းအာဏာပိုင်များက ဖိအားပေးလာနိုင်မှုနှင့်ပတ်သက်၍ အဖွဲ့အချို့က စိုးရိမ်သော်လည်း အချို့ကမူ မစိုးရိမ်ဟု နီးစပ်သူများက ဆိုကြသည်။

မြန်မာပြည်တောင်ပိုင်းအခြေစိုက် လက်နက်ကိုင်အဖွဲ့အများစုသည် ဒဏ်ရာရရဲဘော်များ ဆေးကုသခြင်း အပါအဝင် တော်လှန်ရေးရန်ပုံငွေရှာဖွေခြင်း၊ လက်နက်ခဲယမ်းအပါအဝင် လိုအပ်သည့် စစ်သုံးပစ္စည်းများ ရနိုင်ရေး ထိုင်းနိုင်ငံအတွင်း လျှို့ဝှက်လှုပ်ရှားနေပြီး နှစ်နိုင်ငံအကြား ကူးလူးသွားလာမှုများ ရှိနေသည်။

ရှမ်းနှင့်မွန် လက်နက်ကိုင်အဖွဲ့အချို့က စိုးရိမ်သော်လည်း ကရင်၊ ကရင်နီ၊ ပြည်သူ့ ကာကွယ်ရေးတပ်မတော်( PDF)နှင့် နီးစပ်သူများက စိုးရိမ်မှုမရှိသော်လည်း သတိထားရန်လိုသည်ဟု ပြောကြသည်။

ကီလိုမီတာ ၂၄၀၀ ကျော် ရှည်လျားသော ထိုင်း-မြန်မာ နယ်စပ်တလျှောက် မွန်ပြည်သစ်ပါတီ (NMSP) ၊ ကရင်အမျိုးသားအစည်းအရုံး (KNU)၊ ကရင်နီအမျိုးသားတိုးတက်ရေးပါတီ (KNPP) ၊ သျှမ်းပြည်ပြန်လည်ထူထောင်ရေးကောင်စီ (RCSS/SSA) ၊ "ဝ” ပြည်သွေးစည်းညီညွတ်ရေးတပ်မတော် (UWSA) အပါအဝင် အမျိုးသားညီညွတ်ရေးအစိုးရ (NUG)၏ ပြည်သူ့ကာကွယ်ရေးတပ်များ၊ နွေဦးတော်လှန်ရေးအဖွဲ့များလည်း အခြေစိုက်ကြသည်။

---------------------------
သတင်းအပြည့်အစုံကို အောက်ရှိကွန်မန့်ပါ လင့်တွင် ဖတ်ရှုနိုင်ပါသည်။