25/02/2020
ဒါရိုက်တာမင်းမင်းဟိန်း ၏ ကိုယ်ရေးအကျဉ်း
အခြေခံ နှင့် အဆင့်မြင့် ရုပ်ရှင်သရုပ်ဆောင်ပညာကို ၂၀၀၈ ခုနှစ် နှင့် ၂၀၁၂ ခုနှစ်တို့တွင် မြန်မာနိုင်ငံရုပ်ရှင်အစည်းအရုံး၌ သင်ယူခဲ့ပြီး။
၂၀၁၃ ခုနှစ်တွင် ရုပ်ရှင်ဒါရိုက်တာ နှင့် ထုတ်လုပ်သူအဖြစ် စတင်ခဲ့ကာ Monks အမည်ရ မှတ်တမ်းရုပ်ရှင်ကားတိုကို ရိုက်ကူးထုတ်လုပ်ခဲ့ပြီး ယင်းဇာတ်ကားဖြင့် ပိုလန်နိုင်ငံ ဝါဆောမြို့တွင်ကျင်းပသည့် “Solidarity Shorts International Film Contest 2013” တွင် အကောင်းဆုံးမှတ်တမ်းရုပ်ရှင်ဆုရရှိခဲ့ပါတယ်။ “A Treasure of Dry Zone” (2014), “At the Horizon” (2014), “Hope” (2015) and “Listen” (2017) စသော ဇာတ်လမ်း နှင့် မှတ်တမ်းရုပ်ရှင်ကားတိုများကိုလည်း ရိုက်ကူးထုပ်လုပ်ခဲ့ပြီး အဆိုပါရုပ်ရှင်များကို နိုင်ငံတကာရုပ်ရှင်ပွဲတော်များ နှင့် နိုင်ငံတကာတက္ကသိုလ်များတွင် ပြသပြီး၊ ပြသနေဆဲလည်းဖြစ်သည်။
MFA in Film ရုပ်ရှင်ပညာ မဟာဘွဲ့ကို The City University of New York ၏ The City College of New York မှရရှိထားပြီး။ ၂၀၁၄ ခုနှစ် တောင်ကိုရီးယားနိုင်ငံ ဘူဆန်နိုင်ငံတကာရုပ်ရှင်ပွဲတော်ရဲ့ အာရှရုပ်ရှင်အကယ်ဒမီတွင် ဒါရိုက်တာပညာကို လေ့လာခဲ့ပြီး၊ ဆွစ်ဇာလန်နိုင်ငံ ဇူးရစ်ချ် ရုပ်ရှင်ပွဲတော် မာစတာအတန်းဆင်းလည်းဖြစ်ပါတယ်။ သူရုပ်ရှင်ပညာ လေ့လာသင်ယူခဲ့သော ရုပ်ရှင်ဒါရိုက်တာ နှင့် ထုတ်လုပ်သူဆရာ များထဲမှတချို့ကတော့ Agnieszka Holland, Andrea Weiss, Béla Tarr, Frida Torresblanco, Greta Schiller, Song Il-gon, Nancy Gerstman နှင့် Piotr Stasik တို့ပဲဖြစ်ပါတယ်။
