Digital LAB

29/03/2022

📌 ရောင်းအားတိုးတက်

🔶 လက်ရှိမှာ 70% သော လုပ်ငန်းတွေဟာ page ရှိပေမယ့် Content plan ကောင်းကောင်းမရှိဘဲ လည်ပတ်နေကြပါတယ်

📌 ဒါကြောင့်ထိရောက်မှုမရှိဘဲ ရောင်းအားတွေကျဆင်းနေတာပါ။ဒီလိုအခက်အခဲကြားကနေရုန်းထွက်နိုင်ဖို့ Digital LAB မှ လူကြီးမင်း Page အတွက် တစ်လစာ အခမဲ့ Content plan ရေးဆွဲပေးမယ့်အပြင် Boosting $30 ဖိုးပါထပ်လုပ်ပေးပါမယ်။🆓

📌 ရောင်းအားတက်ဖို့ Facebook Marketing Service ကဘာတွေလုပ်ပေးမှာလဲ

👍 Customer တွေ ကိုယ့်လုပ်ငန်းကို စိတ်ဝင်စားမယ့် Content plan
👍 ဆွဲဆောင်မှုရှိပြီး သေသပ်လှပတဲ့ Graphic Design
👍 ကြည့်လိုက်တာနဲ့ ယုံကြည်စဖွယ်ကောင်းမယ့် page Management
👍 ရောင်းအားတက်စေမယ့် Boosting Service
👍 ကိုယ့်ရဲ့ Brand ကိုလူတွေကြားမှာထိုးဖောက်စေမယ့် Campaign Strategy

စတဲ့ Service တွေကို (14) ရက်တိတ်ိ အခမဲ့ ပြုလုပ်ပေးမှာဖြစ်ပါတယ်။

📣 (၁၄) ရက်အတွင်း အကြောင်းအမျိုးမျိုးကြောင့် စိတ်ကျေနပ်မှု မရှိရင် 100 % ငွေပြန်အမ်းပေးပါတယ်

🤝 ဘယ်လိုလုပ်ငန်းတွေသင့်တော်လဲ

✅ လက်ရှိမှာ page တော့ဖွင့်ထားပေမယ့် ဘာရောင်းအားမှမယ်မယ်ရရမရှိသေးတဲ့လုပ်ငန်းတွေ
✅ အွန်လိုင်းကနေ ကိုယ့်ရဲ့လုပ်ငန်းကို ထိုးဖောက်ပြီး မိတ်သစ်ရချင်တဲ့လုပ်ငန်းတွေ
✅ Online ပေါ်မှာ ကိုယ့်ရဲ့ Customer တွေနဲ့အမြဲမပြတ် ထိတွေမှုရှိစေချင်တဲ့လုပ်ငန်းတွေ

☎ ဘယ်လိုဆက်သွယ်ရမလဲ

အခုလက်ရှိမှာ page ရှိတယ်ဆိုရင် Page link လေးကို Chat box မှာပို့ပေးပြီး ဆက်သွယ်လို့ရသလို

အခုမှ စလုံးရေးစမယ့် လူကြီးမင်းများအတွက်လည်း 09 782821008 ကိုဆက်သွယ်မေးမြန်းနိုင်ပါတယ်ခင်ဗျာ

02/11/2021

🔐 Story ဆိုတာ ကိုယ်ပိုင် အမှတ်တရလေးတွေကို သူငယ်ချင်းတွေနဲ့ မျှဝေ ဆက်သွယ်ဖို့ အကောင်းဆုံး နည်းလမ်းတစ်ခုပါ

🔒 ကိုယ်ရဲ့ လုံခြုံမှုကို ကာကွယ်ထားပြီး ပျော်စရာကောင်းတဲ့ အခိုက်အတန့်လေးတွေ မျှဝေနိုင်ဖို့ စတိုရီမှာ ရွေးချယ်စရာ ဆက်တင်လုပ်ဆောင်ချက်တွေ များစွာပါရှိပါတယ်

၁။ စတိုရီကို ဘယ်သူတွေမြင်နိုင်မလဲဆိုတာ ထိန်းချုပ်ပြီး အကြောင်းအရာကို သီးသန့်ဖြစ်စေဖို့ လုံခြုံအောင် ထားနိုင်ပါတယ်။

၂။ ကိုယ်မမြင်တွေ့လိုတဲ့ အခြားသူရဲ့ Facebook စတိုရီတွေကိုလည်း မမြင်ရအောင် လုပ်ဆောင်နိုင်ပြီး ကိုယ်ရဲ့ Instagram စတိုရီကိုလည်း အခြားသူတွေ အကြောင်းမပြန်နိုင်အောင် လုပ်ဆောင်နိုင်ပါတယ်။

၃။ Facebook နဲ့ Instagram အကောင့်တွေကိုလည်း ချိတ်ဆက်ပြီး စတိုရီတွေကို အကောင့် ၂ ခုလုံးမှာ တစ်ပြိုင်တည်း လွယ်ကူစွာ မျှဝေနိုင်ပါတယ်။

ဒီအချက်လေးတွေသိရင် Facebook Story ရဲ့ feature လေးတွေကိုနားလည်သွားမယ်လို့မျှော်လင့်ပါတယ်

29/10/2021

သင်တို့ရော စကားဝှက်ပေးရင် ဘာတွေအရေးတကြီး ဂရုစိုက်ဖို့လိုတယ်လို့ထင်လဲ ?

တစ်ခြားသူတွေနဲ့ ဘယ်တော့မှ မမျှဝေသင့်တဲ့အရာတွေ အများကြီးရှိတဲ့အထဲမှာ ကိုယ့်ရဲ့ စကားဝှက်လည်း တစ်ခုအပါအဝင်ပါပဲ။ ဒါ့ကြောင့် တစ်ခြားသူတွေအတွက် ခန့်မှန်းရခက်ပြီး ထူးခြားတဲ့ စကားဝှက်တစ်ခုကို အသုံးပြုဖို့ အရေးကြီးပါတယ်။ ကိုယ့်ရဲ့ အကောင့်ကို လုံခြုံစေဖို့အတွက် စိတ်ချရတဲ့ စကားဝှက်တစ်ခု ဘယ်လိုဖန်တီးနိုင်မလဲဆိုတာ ကြည့်ကြည့်လိုက်ရအောင်။

29/10/2021

က ဒီနေ့ သူ့ရဲ့ ကုမ္ပဏီနာမည်ကို ဆိုပြီး ပြောင်းလိုက်ပါပြီ။ ဒါပေမယ့် ဒါက Facebook app ကတော့ နဂိုအတိုင်းပဲ ဆက်ရှိနေမှာဖြစ်ပါတယ်။ ကုမ္ပဏီနာမည်သာ ပြောင်းသွားခြင်း ဖြစ်ပါတယ်။ ဒီကုမ္ပဏီအောက်မှာ Facebook, WhatsApp, Instagram တို့ ရှိနေမှာ ဖြစ်ပါတယ်။

တကယ်တော့ မာ့က်ဇူကာဘဂ်ဟာ အကြံကြီးစွာနဲ့
Metaverse စနစ်ကို သိမ်းသွင်းယူနေခြင်းဖြစ်ပါတယ်...
သူဘာတွေ ပြင်ဆင်ထားပြီးပြီလဲ မသိသေးပါဘူး....
ဒါပေမဲ့ ဆိုတာကို ဗဟုသုတလောက်တော့သိထားသင့်တယ်လို့ ထင်ပါတယ်....

နည်းပညာတော်လှန်ရေးဟာ အဆင့်တိုးတက်လာလေလေ metaverse ဟာ ပိုပြီးလွှမ်းမိုးလာလေလေဖြစ်လာပါလိမ့်မယ်....ကျွမ်းကျင်သူတွေကတော့ Metaverse ဆိုတာဟာ အင်တာနက်ရဲ့အနာဂတ်လို့ယုံကြည်ကြပါတယ်
ဒီတော့ Metaverse ဆိုတာ ဘာပါလိမ့်လို့ သိဖို့ လိုလာပါတယ်......

မက်တာဗာ့စ် ဆိုတာဟာ အစစ်နီးပါးဖြစ်တဲ့အွန်လိုင်းပေါ်က အနေအထားတွေကို စုပေါင်းထားတာပါ
Virtual meeting လုပ်ကြတဲ့အခါ လူကိုယ်တိုင်အစည်းအဝေးဖိတ်ကြားသူရဲ့နိုင်ငံကိုသွားစရာမလိုဘူးလေ အွန်လိုင်းကနေ လူတွေစုဝေးကြတယ်...

မက်တာဗာ့စ်ကျတော့ အဲ့သည်အစည်းအဝေးထဲကို အားလုံးစုထိုင်ပြီး ရောက်နေကြသလိုဖြစ်လာမယ် ဆိုတာမျိုးပါပဲ....

ဒစ်ဂျစ်တယ်ကမ္ဘာနဲ့ အွန်လိုင်းကြောင့်အစစ်နီးပါးဖြစ်စေတဲ့ Virtual နည်းပညာကမ္ဘာ၂ခုကို အလုံးစုံအကြွင်းမဲ့
ပေါင်းစပ်ထားတဲ့ နည်းပညာအခေါ်အဝေါ်လို့ပဲ
Metaverse ကိုခေါ်ရမှာပါ......

အခုလက်ရှိအချိန်မှာ ပရောဂျက်အတော်များများဟာ ဒစ်ဂျစ်တယ်ကမ္ဘာမှာ အပလီကေးရှင်းတွေအများအပြား ဖန်တီးပြီး အွန်လိုင်းပေါ်မှာ တွင်ကျယ်ဖို့ လုပ်ကြပါတယ်..

Metaverse နည်းပညာရဲ့ Virtual ကမ္ဘာ ကိုဖန်ဆင်းသူ တီထွင်သူတွေကတော့ Virtual ကမ္ဘာထဲကို
အားလုံးရောက်လာအောင် လုပ်မယ်ဆိုတဲ့ ရည်မှန်းချက်နဲ့ တကယ့်ကမ္ဘာလောကတခုလုံးကို ဒစ်ဂျစ်တယ် ပလက်ဖောင်းပေါ်တင်ခဲ့ကြပါတယ်....

တစ်ကမ္ဘာလုံးရဲ့ အချက်အလက်တွေအကုန်လုံးကို ဒစ်ဂျစ်တယ်အဖြစ်ပြောင်းလဲပြီး တကယ့်ကမ္ဘာအစစ်နောက်တခုကို ဒစ်ဂျစ်တယ်နည်းနဲ့ဖန်ဆင်းလိုက်ကြပါတယ်...

တကယ့်ကမ္ဘာကြီးကို Metaverse ကဘယ်လို ရိုက်ခတ်ပြီးအကျိုးသက်ရောက်မှုဖြစ်စေမှာလဲ?

ကျွန်တော်တို့ဟာ ဒစ်ဂျစ်တယ်ဆင့်ကဲတိုးတက်ပြောင်းလဲမှု စင်မြင့်ပေါ်ရောက်နေပါပြီ...လူတိုင်းမှာ Virtual world (အစစ်နီးပါးကမ္ဘာ) နဲ့ပတ်သက်ပြီး စိတ်ကူးအကြံအစည် ရှိကြပါတယ်....

ကျွန်တော်တို့အားလုံးဟာ Virtual world ရဲ့အကူအညီအားဖြင့် တကယ့်ကမ္ဘာကြီးမှာ တကယ်ရနေတဲ့ လက်ရှိဘဝတွေကနေ မတူညီတဲ့ဘဝတွေကို ပြောင်းလဲရယူ နေထိုင်နိုင်ပါတယ်.....

ကျွန်တော်တို့ ဟာ metaverse အယူအဆအားဖြင့် virtual world မှာ ကျွန်တော်တို့ရဲ့ လူနေမှုအဆင့်အတန်းကို မြှင့်တင်ယူလို့ရပါတယ်.....တားဆီးပိတ်ပင်နေတာတွေကို ဖယ်ရှားနိုင်လာပါမယ်....

Metaverse ရဲ့ အကျိုးတွေကတော့.....

၁။ Metaverse သုံးစွဲသူတွေဟာ ပစ္စည်းတစ်ခုကို မဝယ်ခင် စမ်းသပ်ကြည့်လို့ ရစေပါလိမ့်မယ်

Headset ကို သုံးပြီးတော့ တကယ့်အရောင်းပစ္စည်းတွေကို အိမ်ကနေမခွာပဲ မဝယ်ယူခင်မှာ စမ်းသပ်စစ်ဆေး နိုင်ပါမယ်.....ဝယ်မယ့်ပစ္စည်းရဲ့အကြောင်းကို မဝယ်ခင်တကယ်ကို သိသွားစေမှာပါ.....လက်လီအရောင်းသမားတွေဟာလည်း တကမ္ဘာလုံးက အဝယ်သမားတွေနဲ့ တိုက်ရိုက်ထိတွေ့နိုင်စေမယ်ဖြစ်ပြီး ကိုယ့်အရောင်းကုန်ကို ဘာအတားအဆီးမှမရှိပဲ ဝယ်သူကိုစမ်းသပ်ကိုင်တွယ်ကြည့်ခွင့်ရစေမှာဖြစ်ပါတယ်.....

၂။ လူနာတွေကို စမ်းသပ်စစ်ဆေးကုသရာမှာ ဆေးကုသပါရဂူတွေဟာ ပိုထိရောက်တဲ့ ကုသနည်းတွေ လုပ်လာနိုင်ပါမယ်

ဆေးပညာတွေ နည်းစနစ်တိုးတက်လာပေမဲ့ ဆေးတွေနဲ့ခွဲစိတ်ကရိယာတွေ ကိုစမ်းသပ်ဖို့ ကတော့ မိုင်ကုန်မလုပ်နိုင်သေးပါဘူး .....အစစ်နီးပါးနည်းပညာကမ္ဘာ Virtual reality ကြောင့် ပါရဂူတွေဟာ သူတို့ရဲ့သုတေသနဆိုင်ရာအချက်အလက်တွေကို ပိုမိုကောက်နှုတ်ထုတ်ယူလာနိုင်ခဲ့ပါတယ်.....ခေတ်မီတဲ့ virtual realityနည်းပညာတွေနဲ့ထုတ်လုပ်ထားတဲ့ ဆေးပစ္စည်းကရိယာတွေနဲ့ ပေါင်းစပ်ထားတဲ့ Metaverse နည်းပညာကတော့ ပိုလို့ တစ်ဆင့်ဆင့် မြင့်တက်လာနေပါတယ်.....ဆရာဝန်တွေဟာ ကျန်းမာရေးရောဂါပြဿနာတွေကို စစ်ဆေးရှာဖွေဖြေရှင်းခြင်း ( Diagnose ) လုပ်ရာမှာ အစောဆုံး နဲ့အမြန်ဆုံး အဖြေရှာနိုင်လာမှာဖြစ်ပါတယ်…..

၃။ ဂိမ်းတွေကစားရာမှာ ပိုပြီးအစစ်နဲ့တူလာပါမယ်

ဂိမ်းကစားနည်းတွေဟာကပ်ရောဂါကြောင့်အပြင်ထွက်ဖို့ ကန့်သတ်ချက်တွေ ရှိနေချိန်မှာ ပေါ်ပြူလာပိုဖြစ်လာပါတယ်.....လူတွေ အပျင်းဖြေဖို့က ဂိမ်းကစားတာပါ.....Metaverse နဲ့ ဂိမ်းကစားကြည့်ရင် သိသွားမှာပါ.....

၄။ အိမ်ကမခွာဘဲ နိုင်ငံခြားကိုသွားမယ်

ခရီးသွားလုပ်ငန်းတွေဟာ ကပ်ရောဂါနဲ့ ရပ်သွားခဲ့ရပါတယ်.....ကပ်ရောဂါအပြီးမှာ ခရီးပိုသွားကြပါလိမ့်မယ်.....တကယ်သွားကြမှာတွေရှိသလို Metaverse ကနေ headset နဲ့သွားလို့ရပါတယ်....တစ်ကမ္ဘာလုံးကို ဘယ်နေရာသွားချင်ပါသလဲ....VR headset ပဲလိုပါမယ်.....

ယနေ့ခေတ်မှာလူတွေဟာ သူတို့ သွားချင်တဲ့နေရာကို Metaverse နဲ့ အရင် မြည်းကြည့်ပြီးမှ လေယာဉ်လက်မှတ်နဲ့ ဟော်တယ် ဘွတ်ကင်လုပ်လာကြပါလိမ့်မယ်.....မယုံရင် စောင့်သာကြည့်ပါ.....

ဒါ့အပြင် လူတချို့ဟာ ကျန်းမာရေး အခြေအနေတွေအရ ဘယ်လိုနေရာတွေကိုဖြင့် သွားလို့မဖြစ်ဖူးဆိုတာတွေ ရှိပါတယ်.....သူတို့မသေခင် သူတို့သွားချင်တဲ့နေရာတွေကို
ဆေးရုံကုတင်ပေါ်ကနေ ပို့ပေးနိုင်တာ metaverse ဖြစ်လာပါမယ်......

Metaverse ဟာ အစစ်နီးပါး Virtual ကို ရုပ်ပိုင်းဆိုင်ရာ နေရာတွေနဲ့ပေါင်းစပ်ပေးထားမှာပါ....တကယ့်အပြင်လောကမှာကြုံရမယ့် ကန့်သတ်ချက်တွေကို metaverse ကကျော်လွှားပေးထားပါတယ်......

ဥပမာဆိုရရင်.....
ကိုဗစ်ကာကွယ်ဆေးအသစ်ကို စမ်းချင်တယ်....စမ်းလိုက်တဲ့အခါ လူ့ခန္ဓာကိုယ်မှာ ဘာတွေဖြစ်လာမလဲ ဆိုတာမျိုးမှာ ဆိုရင် အန္တရာယ်တွေဖြစ်လာနိုင်တာရှိပါတယ်.....

metaverse ရဲ့နည်းပညာ အကူအညီနဲ့ဆိုရင်လူတစ်ယောက်ကို Virtual world မှာဖန်တီးလိုက်မယ်....သူ့ကိုပဲ ဆေးစမ်းတော့မယ်ပေါ့

ဒါဟာ ဥပမာတစ်ခုသာပါ.....
Metaverse နည်းပညာ တကယ်ဖြစ်ထွန်းလာပြီဆိုရင်တော့ ကမ္ဘာပေါ်က လုပ်ငန်းရပ်တွေအားလုံးဟာ....နောက်တဆင့်ဆီကို ကူးကိုကူးပြောင်းကြရမှာဖြစ်ပါတယ်.....
Metaverse နဲ့ချိတ်ထားတဲ့ လုပ်ငန်းတွေချည်းပဲ ဖြစ်လာကြပါလိမ့်မယ် လို့ ခန့်မှန်းထားကြပါတယ်။

27/10/2021

Facebook ကို သုံးရင်း ကိုယ်တွေရဲ့ ပတ်ဝန်းကျင်အသိုင်းအဝိုင်းအတွက် ကူညီထောက်ပံ့နေတာတွေကို မြင်တွေ့နေရတာ စိတ်အားတက်ရင်း၊ အားကျစရာတစ်ခုပါ။ ဒီလို အားထုတ်မှုတွေ ပိုပြီးကျယ်ပြန့်နိုင်စေဖို ကိုယ်တွေရဲ့အနီးပတ်ဝန်းကျင်မှာ ကိုဗစ် ၁၉ ကြောင့် အကူအညီလိုနေတဲ့ အိမ်နီးချင်း မိတ်ဆွေတွေကို ကူညီဖို့ တည်နေရာကို အခြေခံပြီး အသုံးပြုနိုင်မယ့် အကူအညီရပ်ဝန်းကို မိတ်ဆက်လိုက်ပါတယ်။

အကူအညီရပ်ဝန်းမှာဆိုရင်တော့ လှူဒါန်းမှုတွေ ဒါမှမဟုတ် အိမ်နီးနားချင်းတွေအတွက် လိုအပ်တဲ့ ပစ္စည်းတွေ ပို့ပေးတာ စတဲ့ အကူအညီတွေ ဒါမှမဟုတ် အနီးအနားမှာ အကူအညီလိုအပ်နေသူရဲ့ ပိုစ့်တွေရှာဖွေတာတွေကို ပြုလုပ်နိုင်ပါတယ်။ ကိုယ်ရဲ့ ကြင်နာမှု အပြုအမူလေးတွေကနေ ပျော်ရွှင်မှုတွေ နဲ့ အပြုသဘောဆောင်တဲ့ လုပ်ဆောင်ချက်လေးတွေမျှဝေနိုင်ပါတယ်။ အကူအညီရပ်ဝန်းကို အသုံးပြုပြီး အကူအညီပေးရန်ကမ်းလှမ်းခြင်း ဒါမှမဟုတ် အကူအညီတောင်းခံခြင်းတွေကို ဘယ်လို လုပ်ဆောင်နိုင်တယ်ဆိုတာ ဗီဒီယိုလေးမှာ ကြည့်ကြည့်လိုက်ပါ။

13/10/2021

🚀 Online Sale ကိုရောင်းအားတက်အောင် ဘယ်လိုရောင်းကြမလဲ ?

Social Media မှာ ကိုယ့် Brand ကို ဝယ်ယူသူတိုင်းသဘောကျပြီး ရောင်းအားတက်တဲ့ကုန်ပစ္စည်းတစ်ခုဖြစ်စေဖို့ လုပ်သင့်တဲ့အချက် (၅) ချက်ကို Digital LAB ရဲ့ပရိသတ်တွေအတွက် မျှဝေပေးချင်ပါတယ်။

(၁) သင့် Brand အကြောင်း အရိုးသားဆုံးကြော်ငြာပါ

သင့်ရဲ့ကုန်ပစ္စည်းအကြောင်း Facebook မှာဖြစ်ဖြစ် အခြား Social Media မှာဖြစ်ဖြစ်ကြော်ငြာတဲ့အခါမှာ ကုန်ပစ္စည်းရဲ့ဝန်ဆောင်မှု၊ အားသာချက်၊ အားနည်းချက်တို့ကို ရိုးရိုးသားသားဖော်ပြပေးပါ။ ဥပမာ - သင်ကအသားဖြူဆေးရောင်းတယ်ဆိုရင် အချိန်အတိုင်းအတာတစ်ခုထိပဲ အသုံးပြုသင့်ကြောင်း၊ ရေရှည်အသုံးပြုပါက အသားအရေထိခိုက်နိုင်တဲ့ဆိုးကျိုးရှိကြောင်း ရိုးသားစွာဖော်ပြပေးသင့်ပါတယ်။ တော်တော်များများက ကိုယ့်ကုန်ပစ္စည်းရဲ့ကောင်းကျိုးတွေကိုသာဖော်ပြပြီး ဆိုးကျိုးတွေရှိတဲ့အခါဖော်ပြလေ့မရှိပါဘူး။ ဒါကြောင့် သင့်ကုန်ပစ္စည်းရဲ့ကောင်းကျိုး၊ ဆိုးကျိုး (၂) သွယ်ကို ရိုးရိုးသားသားပြောပြပြီး အရှိအတိုင်းရောင်းချပေးခြင်းဖြင့် ဝယ်ယူသူ‌တွေအပေါ်စေတနာထားမှုကိုလည်း သူတို့ဘက်ကပြန်ခံစားမိစေပါတယ်။ ဒီအချက်ကနောက်ပိုင်းမှာ သင့်ကုန်ပစ္စည်းရောင်းအားတက်စေဖို့သက်ရောက်မှုရှိပြီး အဲဒါက Online Sale များခြင်းရဲ့အကြီးမားဆုံးလျှို့ဝှက်ချက်တစ်ခုတောင်ဖြစ်လာနိုင်ပါတယ်။

(၂) ဝယ်ယူသူအများစုယုံကြည်မှုရဖို့ အစမ်းသုံးနိုင်ကြောင်းအသိပေးပါ

သင့် Brand ရောင်းအားတက်စေဖို့ နောက်ထပ်အရေးကြီးတဲ့အချက်က လူတွေဆီကယုံကြည်မှု ရဖို့ပါပဲ။ လူတွေက အချိန်တွေ၊ ငွေတွေရင်းနှီးပြီး ဝယ်ယူရတာကြောင့် သူတို့လိုအပ်တာ၊ လိုချင်တာတွေကို အမှန်တကယ်ဖြည့်ဆည်းပေးနိုင်မှသာ ယုံယုံကြည်ကြည်နဲ့ဝယ်ယူကြတာဖြစ်ပါတယ်။ ဒါကြောင့် သင့်ကုန်ပစ္စည်း၊ ဝန်ဆောင်မှုကို ယုံကြည်မှုရှိစေဖို့ သင့် Brand နဲ့ သူတို့မရင်းနှီးသေးခင်ပထမဆုံးအကြိမ်တွေမှာဖြစ်ဖြစ် အစမ်းသုံးခိုင်းပြီး Promote လုပ်ပေးသင့်ပါတယ်။ လူတွေကအမြည်းသဘောမျိုးစမ်းပြီးသုံးစွဲရတာကို တကယ်သဘောကျကြပါတယ်။ အဲဒီမှာသူတို့ အဆင်ပြေကြိုက်နှစ်သက်သွားရင်တော့ ရေရှည်အတွက်အခကြေးငွေပေးပြီးသုံးစွဲဖို့ ဝန်မလေးတော့ပါဘူး။

(၃) ရွေးချယ်ခွင့်နည်းနည်းသာပေးပါ

ဒီအချက်က Psychological နဲ့ ဆိုင်ပါတယ်။ စိတ်ပညာလေ့လာမှုတွေအရ လူတွေကဈေးဝယ်တဲ့အခါမှာ ရွေးချယ်စရာအများကြီးရှိတဲ့ကုန်ပစ္စည်း၊ ဝန်ဆောင်မှုတွေထက် ရွေးစရာနည်းနည်းပဲရှိတဲ့ ကုန်ပစ္စည်း၊ ဝန်ဆောင်မှုတွေကို ပိုဝယ်ယူလေ့ရှိတယ်ဆိုတဲ့အကြောင်းပါ။ ဥပမာ - မုန့် (၁၀) မျိုးခင်းပြထားပြီး ဈေးရောင်းတာနဲ့ မုန့် (၃) မျိုးလောက်ပဲရွေးစရာပေးပြီး ဈေးရောင်းတဲ့အခါ ရွေးစရာနည်းနည်းပဲပေးတဲ့အခြေအနေကပိုရောင်းရတယ်လို့ စမ်းသပ်ချက်တစ်ခုအရသိရပါတယ်။ လူတွေရဲ့မသိစိတ်ထဲမှာ ရွေးချယ်စရာအရမ်းများရင်ဟုန်သွားတတ်ပြီး ရွေးစရာသိပ်မရှိတော့ရင်တော့ အကြိုက်ဆုံးတစ်ခုကိုပဲရွေးပြီး မဖြစ်မနေဝယ်လေ့ရှိတဲ့စိတ်တစ်ခုကိန်း‌အောင်းနေပါတယ်။ ဒါကြောင့် သင့် Brand ရဲ့ Menu မှာရွေးစရာတွေအများကြီးပေးထားပြီး တစ်ခါထဲရောင်းချခြင်းကို ရှောင်ကြဉ်သင့်ပါတယ်။

(၄) လက်ရှိဝယ်ယူသူတွေနဲ့ဆင်တူတဲ့ Similar Customer တွေကိုထပ်မံရောင်းချပါ

Facebook မှာတော့ ဒီအချက်ကိုအလွယ်တကူပဲအသုံးပြုလို့ရပါတယ်။ ကိုယ့်ကြော်ငြာတွေကို Boost လုပ်ပြီး ကြော်ငြာတဲ့အခါ မိမိလက်ရှိဝယ်သူတွေနဲ့ အလားတူတဲ့ဝယ်သူတွေကို ရှာဖွေပြီး ရောင်းချနိုင်တဲ့ Tools ကို အခမဲ့အသုံးချလို့ရပါတယ်။ Similar Customer တွေဟာ တစ်ယောက်နဲ့တစ်ယောက်အကြိုက်လည်းတူနိုင်တာကြောင့် သင့်ကုန်ပစ္စည်းကိုတွေ့ပါများလာတဲ့အခါစိတ်ဝင်စားပြီး ကိုယ်တိုင်ဝယ်ယူသုံးစွဲဖို့အထိ စိတ်ကူးလာပါလိမ့်မယ်။

(၅) စုံစမ်းပြီးမှ မဝယ်ဖြစ်သေးတဲ့ Customer တွေကို ပြန်ရောင်းချပါ

Online Sale မှာ အသက်သွေးကြောတစ်ခုဖြစ်တဲ့ Follow up လုပ်ခြင်းကိုလည်းမမေ့လျော့ပါနဲ့။ သင့် Brand ကို စိတ်ဝင်တစားနဲ့ လာရောက်စုံစမ်းမေးမြန်းပြီးမှ အခြေအနေတစ်ခုခုကြောင့် မဝယ်ဖြစ်သေးတဲ့ Prospect (ဝယ်ယူဖို့အလားအလာရှိသူ) တွေကို ပြန်လည်ဆက်သွယ်ပြီး ရောင်းချဖို့ကြိုးစားပါ။ ယခင်တစ်ခေါက်က သင့်ဆီက မဝယ်ဖြစ်လိုက်ခြင်းဟာ သင့် Brand အပေါ် အဆိုးမြင်သွားတာမဟုတ်ပါဘူး။ သူ့အတွက် ငွေကြေးအခက်အခဲ၊ ချက်ချင်းလတ်တလောမလိုအပ်ခြင်း၊ ပိုကောင်းတဲ့ကမ်းလှမ်းမှုစတဲ့ အခြေအနေတစ်ခုခုနဲ့ကြုံသွားလို့သာသင့်ဆီကမဝယ်ဖြစ်လိုက်တာပါ။ ဒါကြောင့် အချိန်အတိုင်းအတာတစ်ခုကြာပြီးသွားရင် သူတို့ကို ပြန် Follow Up လုပ်ပြီး သင့်ကုန်ပစ္စည်းကိုထပ်မံဝယ်ယူဖို့ စကားကမ်းလှမ်းကြည့်နိုင်ပါတယ်။

ဒီအချက်(၅)ချက်ကို သေချာလိုက်လုပ်ကြည့်ပြီးသွားရင်တော့ သင့် Brand ရဲ့ Online Sale ရောင်းအားက အတိုင်းအတာတစ်ခုအထိတက်လာမယ်လို့ မျှော်လင့်ပါတယ်။ ဒါလေးကိုဖတ်ပြီး အကျိုးရှိသွားတယ်လို့ခံစားရရင် မသိသေးတဲ့တခြားသူတွေအတွက်ပါမျှဝေပေးဖို့ တိုက်တွန်းလိုက်ပါရစေဗျာ ..

ဒီလိုနည်းလမ်းလေးတွေကို စိတ်ဝင်စားလို့ ကိုယ်တိုင် Facebook မှာကြော်ငြာချင်ရင် ပညာဒါနသင်တန်းကိုလာရောက်လေ့လာဖို့ ဖိတ်ခေါ်ပါတယ်...

https://ab.gl/roa4K

We offer digial marketing services for businesses and help them grow by providing digital solutions.

02/10/2021

Facebook Marketing ရဲ့အကျိုးကျေးဇူး (၃) ချက်

Digital Lab သင်တန်းသားတွေအတွက် ဒီနေ့ခေတ်မှာလုပ်ငန်းရှင်‌တွေတွင်တွင်ကျယ်ကျယ်အသုံးပြုလာနေကြတဲ့ Facebook Marketing ရဲ့ မြင်လွယ်ထင်ရှားတဲ့အကျိုးကျေးဇူး (၃) ချက်ကို ပြန်လည်မျှဝေပေးချင်ပါတယ်။

နံပါတ် (၁) Brand Recognition ပေးစွမ်းနိုင်မှု

ရိုးရိုးရှင်းရှင်းပဲတွေးကြည့်ရအောင်ပါ။ ဈေးဝယ်တဲ့အခါမှာ လူအများစုကကိုယ်မြင်နေကျ ဒါမှမဟုတ် ကိုယ်ကြားဖူးနေကျ ပစ္စည်းအမှတ်တံဆိပ်တွေကိုပဲဝယ်လေ့ရှိပါတယ်။ ဥပမာ - သင်က အအေးဗူးဝယ်တော့မယ်ဆိုရင် Coca Cola နဲ့ တခြားမကြားဖူး၊ မမြင်ဖူးတဲ့ဗူး (၂) ဗူးကို ယှဉ်ထားထားတယ်ဆိုရင် ဘယ်ဟာကိုဝယ်ဖြစ်မလဲ ?များသောအားဖြင့်တော့ Coca Cola ပဲ ဝယ်ဖြစ်တယ်မလား။ ပါဝင်ပစ္စည်း၊ အရသာနဲ့ အရည်သွေးတွေ အတူတူဖြစ်နေရင်တောင်မှ ဘာလို့ Coca Cola ကိုပဲဝယ်ဖြစ်သလဲဆိုရင် သင်က ဒီ Coca Cola ဆိုတဲ့အမှတ်တံဆိပ်ကို နှစ်နဲ့ချီပြီးမြင်ဖူးရင်းနှီးနေလို့ဖြစ်ပါတယ်။ အဲဒါကို Brand Recognition လို့ခေါ်ပါတယ်။ Facebook Marketing ကိုသုံးတဲ့အခါ အဲလိုမျိုးဆယ်စုနှစ်နဲ့ချီပြီးတည်ဆောက်ခဲ့ရတဲ့ Brand Recognition မျိုး အချိန်တိုအတွင်းသင်ရရှိနိုင်ပါတယ်။

နံပါတ် (၂) စားသုံးသူတွေဆီ အချိန်တိုအတွင်း တိုက်ရိုက်ထိုးဖောက်နိုင်မှု

Facebook ကနေတဆင့် အချိန်တိုအတွင်းမှာ ဝယ်သူယူကို အဆက်မပြတ်ထိတွေ့နိုင်ပါတယ်။ Facebook မှာ သင်တင်လိုက်တဲ့ စာကြောင်းတိုင်း၊ စကားလုံးတိုင်း၊ ဓာတ်ပုံတိုင်းဟာ ဝယ်သူနဲ့ သင့်ရဲ့ Brand ကို ထိတွေ့ပေးနေတာဖြစ်ပါတယ်။ ကျယ်ကျယ်ပြန့်ပြန့်ပြောရရင်တော့ သင့်ဆီကဟိုအရင်ထဲကဝယ်ဖူးတဲ့သူတွေ၊ ခုမှဝယ်ဖို့စဉ်းစားနေတဲ့သူတွေ၊ သင့်ရဲ့ Brand ကို အခုမှစသိတဲ့သူတွေ အားလုံးကိုတိုက်ရိုက်ထိတွေ့နိုင်ပါတယ်။ ဒီအချက်ကိုအသုံးချပြီးတော့ သင့် Brand ရဲ့ ဝန်ဆောင်မှု၊ ပစ္စည်းအရည်အသွေး အစရှိတာတွေကို သူတို့နှလုံးသားထဲခံစားသိရှိမိ‌အောင်သွင်းပြီး သင့်ရဲ့ အမြဲတမ်းဖောက်သည်တွေအဖြစ်ကြိုးစားလို့ရပါတယ်။ တစ်ခုလေးပဲ သေချာစဉ်းစားကြည့်ပါ၊ ဒီလိုမျိုး ကိုယ့်ရဲ့ဖောက်သည်ဖြစ်လာနိုင်တဲ့ ဈေးဝယ်သူအသစ်တွေနဲ့ နီးနီးစပ်စပ်ရှိနေဖို့အတွက် တကယ့်လက်တွေ့ဘဝမှာဆိုရင် ကုန်လိုက်မယ့်ပိုက်ဆံ၊ သုံးလိုက်ရမယ့်လူအင်အားပါ။ ဒီလိုမဟုတ်ဘဲ Facebook ကတဆင့် ကိုယ့် Brand ကို မိတ်ဆက်လိုက်တဲ့အခါ အချိန်တွေ ငွေတွေသက်သာသွားပြီး မြန်ဆန်တဲ့ဈေးကွက်အခြေအနေတစ်ခုကိုလည်း ဖြစ်ပေါ်လာစေတာပါ။ ဒါက Facebook Marketing ရဲ့ သိသာထင်ရှားတဲ့အကျိုးကျေးဇူးတစ်ခုဆိုလည်းမမှားပါဘူး။

နံပါတ် (၃) ဝယ်မယ့်သူတွေဆီပဲရောက်အောင် သီးသန့်ကြော်ငြာနိုင်မှု

နည်းပညာပေါက်ကွဲမှုနဲ့အတူ မြန်မာနိုင်ငံမှာ ယခု Facebook ကို နှစ်နှစ်ခြိုက်ခြိုက်သုံးနေတဲ့သူ (၂၂) သန်းကျော်ရှိပါတယ်။ (၂၂) သန်းလုံးတော့ သင့်ဆီကပစ္စည်းကို မဝယ်နိုင်တာအမှန်တရားပါ။ ဒါပေမယ့် သင့်ရဲ့ Brand ကို ဝယ်နိုင်တဲ့သူ (၁) သန်းရှိတယ်ဆိုပါစို့။ Facebook ကနေ အဲဒီလူတွေဆီတန်းတန်းမတ်မတ်ရောက်အောင် လုပ်လို့ရပါတယ်။ ဒီလိုအရမ်းလန်းတဲ့လုပ်ဆောင်ချက်မျိုး Facebook လို တခြားဘယ် Chanel ကမှ မလုပ်နိုင်သေးပါဘူး။ ဥပမာ - ကလေးပစ္စည်းရောင်းတဲ့ကုမ္ပဏီိအနေနဲ့ တီဗွီကနေကြော်ငြာထည့်ပြီး “ကလေးအမေနဲ့ ကလေးအဖေတွေ အယောက်တစ်သောင်းကြည့်အောင် ငါ့ကြော်ငြာပြပေးကွာ၊ ကလေးအမေနဲ့ ကလေးအဖေမဟုတ်တဲ့သူတွေကိုတော့ ပြမပေးနဲ့၊ သူတို့လာကြည့်ရင် တီဗွီကိုပိတ်သွားအောင်လုပ်လိုက်” ဆိုပြီး ကြော်ငြာလို့မရပါဘူး။ ဒါပေမယ့် Facebook မှာတော့ ဒီလိုအဖြစ်မျိုးတကယ်ကြော်ငြာလို့ရပါတယ်။ကလေးအဖေ၊ ကလေးအမေ၊ အသက် (၂၅) နှစ်က (၄၅) နှစ်ကြား၊ တစ်နိုင်ငံလုံးမှာမှရန်ကုန်မှာနေတဲ့သူကို စသဖြင့်သင့်ရဲ့ရွေးချယ်မှုအတိုင်း တိတိကျကျပဲကြော်ငြာကိုမြင်ရအောင်ပြလို့ရပါတယ်။ ဒါကတကယ်ထိရောက်ပြီးတော့ တခြားကြော်ငြာဆိုက်တွေနဲ့ မတူကွဲပြားခြားနားနေတဲ့ Facebook ရဲ့ Amazing Feature တစ်ခုပါ။

02/10/2021

🤔 Facebook က ကြော်ငြာတွေကို ဘယ်လိုပြလေ့ရှိလဲ ❓❓❓

ဒီနေ့မှာတော့ Facebook က ကျွန်တော်တို့ Boost လုပ်လိုက်တဲ့ကြော်ငြာတွေကို ပြတဲ့နည်းလမ်းလေးတွေအကြောင်းပြောပြပေးပါမယ်။

1️⃣ ကြော်ငြာချင်တဲ့ Post ကို ကိုယ့်ဘက်က Boost နှိပ်ပြီးတာနဲ့ Facebook က အရင်ဆုံး သူတို့ရဲ့ ads policy နဲ့ ကိုက်ညီမှုရှိ၊ မရှိ review လုပ်ပါတယ်။​​ ကြော်ငြာတဲ့နေရာမှာ မူးယစ်ဆေးဝါးရောင်းတာ၊ လက်နက်ရောင်းတာ၊ ညစ်ညမ်းတဲ့ Content တွေကြော်ငြာတာကို Facebook က ခွင့်မပြုပါဘူး။ နောက်ပြီး Covid 19 ကာလတုန်းက စျေးတင်ရောင်းတဲ့ Masks တွေ၊ Hand Sanitizer တွေကြော်ငြာလို့မရပါဘူး။ နာမည်ကြီး Brand တွေကို ယူသုံးပြီးကြော်ငြာတာမျိုးလည်း တားမြစ်ထားပါသေးတယ်။ Review လုပ်တဲ့အခါ ဒီတားမြစ်ချက်တွေနဲ့ လွတ်ကင်းရင်တော့ ads approved ပေးပါတယ်။

2️⃣ ပြီးတဲ့အခါ ကြော်ငြာဖို့ခွင့်ပြုလိုက်ပြီဆိုတာနဲ့ ကိုယ်​​ကြော်ငြာဖို့ target ရွေးထားတဲ့လူတွေကိုပြပေးပါတယ်။ ပုံမှန်အားဖြင့် Audience target နဲ့ ကိုယ့် Objective အပေါ်မူတည်ပြီး ပြပေးလေ့ရှိပါတယ်။ Engagement များများလိုချင်တဲ့အခါ Like, Comments, Share လုပ်တတ်တဲ့လူတွေကိုဦးစားပေးပြပေးသလို message များများ လိုချင်ရင်လည်း message ပို့မယ့်လူတွေဆီကို ပြသပေးပါတယ်။

3️⃣ အရေးကြီးတာကတော့ ကိုယ့်ကြော်ငြာနဲ့ ကိုယ်ရွေးတဲ့ Objective, Targeting ကိုက်ညီဖို့လိုပါတယ်။ ကိုယ့်ပစ္စည်းကိုအမှန်တကယ်စိတ်ဝင်စားတဲ့လူတွေ၊ သူတို့နေတဲ့နေရာ၊ အလုပ်အကိုင်နဲ့ စိတ်ဝင်စား​မှုတွေကို သေချာရွေးနိုင်မှ ကြော်ငြာကထိရောက်ပါတယ်။ နောက်ပြီး ကိုယ်ရေးတဲ့ Content ကလည်း ဆန်းသစ်ပြီးဆွဲဆောင်မှုရှိဖို့လိုပါတယ်။ ဒါမှ ကိုယ့်ကြော်ငြာကိုမြင်တဲ့အခါ လူတွေစိတ်ဝင်စားမှာဖြစ်ပါတယ်။ စိတ်ဝင်စားတဲ့လူများလေလေ၊ ကြော်ငြာခသက်သာလေလေလည်းဖြစ်ပါတယ်။

4️⃣ (Ads placements) ကြော်ငြာပြတဲ့နေရာလေးတွေကအများကြီးရှိပါတယ်။ News feed, Story, Marketplace, Messenger Inbox, Messenger Story, Instagram, In stream Video စသဖြင့် ကိုယ်ပြစေချင်တဲ့နေရာတွေကို Facebook ကပြပေးပါတယ်။ အနှစ်ချုပ်လိုက်ရင် Facebook ကကြော်ငြာပြတဲ့အခါ ကိုယ့်ရဲ့ targeting လုပ်ထားတဲ့အတိုင်း relevant အဖြစ်ဆုံးလူတွေကို ပြသပေးသွားတာပဲဖြစ်ပါတယ်။ ဒီအချက်ကိုသိပြီဆိုရင် ကိုယ့်ကြော်ငြာနဲ့လိုက်ဖက်မယ့်လူတွေကို​​​​ရွေးပြီး ကြော်ငြာတတ်အောင်လေ့လာထားဖို့လည်းလိုအပ်ပါတယ်။ ဒါမှသာထိရောက်ပြီးအကျိုးရှိတဲ့ Boosting တစ်ခုကိုဖန်တီးနိုင်မှာဖြစ်ပါတယ်။