02/07/2023
သိထားသင့်တဲ့ ကြက်တူရွေးငါးလေးတွေအကြောင်း ⛔⛔
Parrotfish (ကြက်တူရွေးငါး)
ရေအောက်ဆီကို ရောက်လေ့ ရောက်ထရှိတဲ့ ရေငုပ်သမား တော်တော်များမျာဒီငါးမျိုးကိုကောင်းကောင်းသိကြတယ်။
မကြာမကြာဆိုသလိုပဲ အရောင်အသွေးစုံတဲ့သန္တာကျောက်တန်းတွေအကြားမှာ ကျင်လည်ကျက်စားတာကိုတွေ့ရတတ်တယ်။ သူ့နေတဲ့အိမ်ကိုပြပါလို့ဆိုရင်လဲ သန္တာကျောက်တန်းပဲ ဖြစ်မယ်ဆိုရမယ်။ သူ့ခေါင်းမှုရှိတဲ့ နှုတ်သီးမှာထူးဆန်းတဲ့ သွားပြားကြီးကြီးလေးတွေရှိတာ သတိထားမိလား။ အဲ့ဒီသွားပြားကြီးကြီးလေးတွေနဲ့ပဲသန္တာခင်းတွေဆီလှည့်ပတ်ပြီး သန္တာကောင် အသေတွေကို သူသွားတွေနဲ့ ကိုက်ခြစ်ကုန် အချောသတ်ပြီး နူးညံ့သဲမှုန်လေးတွေကိုလုပ်ပေးပြန်တယ်။
သူတို့လုပ်ပေးတဲ့အဲ့ဒီသဲမှုန်လေးတွေဟာ တစ်နှစ်ကို သဲ ၉၀ ကီလိုဂရမ်လောက်အထိကို ထုတ်လုပ်ပေးနိုင်တယ်လို့သိရတယ်။
ဒါ့အပြင်နောက်ထပ်အရေးကြီးတဲ့တာဝန်တစ်ခုလဲလုပ်ပေးသေးတယ်။ Coral Bleaching ဖြစ်လို့ဖြစ်စေ ၊အခြားသောအကြောင်းအမျိုးမျိုးဉပါဒ်တွေကြောင့် သန္တာကျောက်တန်းတွေ သေဆုံးသွားကြတဲ့အခါမှာ သန္တာကျောက်တန်းတွေအပေါ် ကိုစုပုံဖုံးလွှမ်းလာတတ်ကြတဲ့ရေညှိတွေကိုစားပေးတာပါပဲ။
အဲ့ဒီလို စားပေးနိုင်တဲ့ ဒီုလို ငါးမျိုးတွေ မရှိရင် ရေညှိတွေဟာ နောက်ထပ်မွေးဖွားလာတဲ့သန္တာကောင်သေးသေးလေးတွေထပ်ပေါက်နိုင်ခြေရှိနေတဲ့ ဧရိယာတစ်ခုလုံးကိုပါ ဖုံးလွှမ်းပြီး ပိုပျက်သွားစေလိမ့်မယ်ပေါ့။
သေသွားတဲ့ သန္တာကောင်အဟောင်းတွေနေရာဆီမှာ သားလောင်းအသစ်လေးတွေအနေနဲ့အစားထိုးနိုင်ဖို့လဲမဖြစ်လာတော့ဘူးပေါ့။
နောက်ထပ်ထူးခြားချက်လေးတစ်ခုရှိသေးတယ် ကျွန်တော်တို့လူသားတွေပဲ ညအိပ်ရင် အင်းဆက်တွေ/သွေးစုပ်တတ်တဲ့ပိုးမွေးတွေရန်ကအကိုက်မခံရအောင် ခြင်ထောင် ထောင်ပြီး ညအိပ်ကြမယ်ထင်ရင်မှားသွားလိမ့်မယ်တဲ့။
ဒီ Parrotfish လေးတွေမှာလဲ ကိုယ်ပိုင်ခြင်ထောင်ရှိပါသေးတယ်တဲ့ဗျာ။Parrotfish လေးတွေဟာ ညဘက်အိပ်ရင် သူတို့ ခန္ဓာကိုယ်တစ်ခုလုံးကို လွှမ်း ခြုံဖုံးလွှမ်းနိုင်ဖို့အတွက် သူ့ပါးဟက်မှာရှိတဲ့ ဂလင်း ထဲကနေ mucus လို့ခေါ်တဲ့အကျိအချွဲတစ်မျိုးကို စစ် ထုတ်ပြီး ပူစီပေါင်း အကြီးကြီးတစ်ခုကို မှုတ်ထုတ်ဖန်တီးလေ့ရှိကြတယ်။ အကျိအချွဲနဲ့ပြုလုပ် ထားတဲ့ အဲ့ဒီပူစီပေါင်းကြီးကိုလဲ မအိပ်ခင်မှာ အချိန် တစ်နာရီလောက် ပြင်ဆင်ယူပြီးမှ အိပ်စက်လေ့ရှိကြတယ်။
ခုနောက်ပိုင်းမှာတော့ လူတွေဖမ်းယူမှုကြောင့် ထိုင်းနိုင်ငံမှာ ရော ဗမာပြည်က ငါးဈေးကွက်တွေထဲမှာ တွေ့လာရတယ်။ ဒီငါးကိုစားသုံးမှုများလာ ရင် ဖမ်းယူမှုလဲ များလာလိမ့် မယ် ဒါကြောင့် ဒါဖြစ်စဉ်ကိုနားလည်ရင် ဒီငါးတွေကို ဖမ်း ယူ စားသောက်တာတွေ မလုပ်ဖို့ သတိပေးသင့်တယ်။
ကိုယ်တိုင်ကလဲ ဝယ်မစားသင့်သလို ဖမ်းတဲ့ လူတွေ့ရင်လဲ တားသင့်တယ် ပြောပြသင့်တယ်။ ဒီငါးတွေမရှိတော့ရင် သန္တာခင်းတွေကို စောင့် ရှောက်ပြီး သန့်ရှင်းရေးလုပ်ပေးမယ့် ငါးတွေမရှိတော့ဘူး။ သန္တာခင်းတွေလဲ ပျက်စီးနေတဲ့နေရာမှာအသစ်ထပ်မပေါက်နိုင်ဘူး။ ကမ်းခြေမှာရှိနေတဲ့ပေါင်ဒါမှုန့်လိုသဲနုနုလေးတွေလဲ ထပ်မဖြစ်လာတော့ဘူး။
ဒါက Parrotfish တွေရဲ့ Marine Ecology အပို
င်းမှာ တမူအရေးပါတဲ့ ကူညီလုပ်ဆောင်ချက်တွေဖြစ်ပါတယ်။
(Credit )
