01/01/2022
ကမ္ဘာ့အန္တရာယ်အရှိဆုံးမြို့အဖြစ် သတ်မှတ်ခံလိုက်ရတဲ့ ရန်ကုန်
ရန်မကုန်သေးတဲ့ ရန်ကုန်ဟာ မြန်မာနိုင်ငံရဲ့ အကြီးဆုံး မြို့ပါ။ ဘယ်လောက်ပဲ ဆိုးတယ်ပြောပြော ရန်ကုန်နဲ့ ပတ်သက်ဆက်နွှယ်ဖူးသူတိုင်း ချစ်ရတဲ့ မြို့ကြီးပါပဲ။ ၂၀၂၀ မှာ ကိုဗစ်က မွှေလိုက် ၂၀၂၁ မှာ အာဏာသိမ်းမှုဖြစ်စဥ်ကမွှေလိုက်နဲ့ ရန်ကုန်ဟာ နာလန်ထူနိုင်ပါတော့မလား စဥ်းစားနေမိဆဲမှာပဲ ကမ္ဘာ့အန္တရာယ်အရှိဆုံးမြို့အဖြစ် သတ်မှတ်ခံလိုက်ရပါတော့တယ်။
ကမ္ဘာကျော် The Economist မဂ္ဂဇင်းရဲ့ ပညာရှင်တွေက ၁ နှစ်ကို ၂ ကြိမ် ပြုလုပ်တဲ့ မြို့ပြလုံခြုံမှု စစ်တမ်းအရ ဒီလို သတ်မှတ်ခံလိုက်ရတာပါ။ အဓိကကတော့ အဆောက်အဦများ ခိုင်ခံ့မှု မရှိတာ၊ ဆင်းရဲမွဲတေမှု များတာနဲ့ ကျန်းမာရေးစောင့်ရှောက်မှု ညံ့ဖျင်းတာတို့ကြောင့် ဖြစ်ပါတယ်။
မြို့ပြလုံခြုံမှု ရှိမရှိကို တိုင်းတာတဲ့ အချက် ၅ ချက် ကတော့ -
၁။ ဒစ်ဂျစ်တယ် လုံခြုံမှု
၂။ ကျန်းမာရေး လုံခြုံမှု
၃။ အဆောက်အဦ လုံခြုံမှု
၄။ ပုဂ္ဂိုလ်ရေး လုံခြုံမှု
၅။ ပတ်ဝန်းကျင် လုံခြုံမှု တို့ ဖြစ်ပါတယ်။
The Economist ရဲ့ တာဝန်ခံ ပညာရှင်တစ်ယောက်က ကိုဗစ်ကပ်ရောဂါဟာ မြို့ပြလုံခြုံမှုအပေါ် အများကြီး သက်ရောက်မှု ရှိတယ်လို့ ဆိုပါတယ်။ ဒီစစ်တမ်းမှာ မြို့ပေါင်း ၆၀ ကျော်ကို တိုင်းတာစစ်ဆေးခဲ့ပါတယ်။ စစ်ဆေးမှုအရ လုံခြုံမှုအရှိဆုံး မြို့တွေထဲမှာ ကိုပင်ဟေဂင်၊ တိုရွန်တို၊ စင်္ကာပူ၊ ဆစ်ဒနီ၊ တိုကျို၊ အမ်စတာဒမ် နဲ့ နယူးဇီလန်မြို့တော်တို့ ဖြစ်ပါတယ်။
Ref :
What goes into an evaluation of whether or not a city is safe? Crime? Personal liberty? Dangerously dirty air? Bad weather brought on by climate change? The Economist Intelligence Unit released its biennial Safe Cities Index, which attempts to answer the question. According to the index, the world.....
