http://www.facebook.com/yangonstocknews

Yangon Stock News, Yangon (2026)

10/06/2026

အသိပေးကြေညာချက်

09/06/2026

မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်း

၂ဝ၂၆-၂၀၂၈ ခုနှစ် အလုပ်အမှုဆောင်သက်တမ်းအတွက် ရွေးချယ်တင်မြှောက်ပွဲကျင်းပပြုလုပ်မည်ဖြစ်ကြောင်းအကြောင်းကြားခြင်း (အသင်းသူ/ အသင်းသားများ သိသာပါရန်)

09/06/2026

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန

ပြည်သူ့အတွက် ကြိုးပမ်းဆောင်ရွက်

09/06/2026

ရင်းနှီးမြုပ်နှံသူများနဲ့ စီးပွားရေးစိတ်ဝင်စားသူများအားလုံးအတွက် CB Securities မှ အထူးစီစဉ်တင်ဆက်လိုက်တဲ့ "Current Trend of Yangon Stock Exchange Listed Companies" Seminar ပွဲလေးကို လာမယ့် ဇွန်လ ၂၅ ရက်နေ့မှာ ကျင်းပပြုလုပ်သွားတော့မှာ ဖြစ်ပါတယ်။

ဒီ Event မှာဆိုရင်တော့ —

- လက်ရှိ YSX စျေးကွက်အတွင်းမှာ ရှိနေတဲ့ Listed Companies များရဲ့ စီးပွားရေးအခြေအနေ နဲ့ Market Trends များ

- ရှေ့ဆက်ဖြစ်ပေါ်လာနိုင်မယ့် စျေးကွက်သုံးသပ်ချက် (Market Analysis) များ

- မိမိတို့ရဲ့ Trading ပိုင်းကို ပိုမိုမြန်ဆန်ချောမွေ့စေမယ့် CB Trader 2.0 App အသုံးပြုပုံအား Sharing ပြုလုပ်ခြင်း

စတဲ့ စိတ်ဝင်စားစရာ အကြောင်းအရာတွေကို ဆွေးနွေးမျှဝေပေးသွားမှာ ဖြစ်ပါတယ်။

⚠️ မှတ်ချက်။ ။ လူဦးရေ အကန့်အသတ်ဖြင့်သာ လက်ခံသွားမည်ဖြစ်လို့ အောက်ပါ Google Form Link ကနေတစ်ဆင့် အမြန်ဆုံး စာရင်းပေးသွင်းနိုင်ပါပြီရှင့်။

🔗 Register ပြုလုပ်ရန် Link: https://forms.gle/R45MrJRDVc33ekfC8

🗓 ရက်စွဲ - ၂၅ ရက်၊ ဇွန်လ၊ ၂၀၂၆ ခုနှစ် (ကြာသပတေးနေ့)
🕐 အချိန် - နေ့လယ် ၁:၀၀ နာရီ မှ ၃:၀၀ နာရီအထိ
📍 နေရာ - CB Securities Office (Seminar Hall)

08/06/2026

ဘဏ်တိုးနှုန်းများတက်ရန်ပြင်ဆင်နေသည့် အာရှဗဟိုဘဏ်များ
ထွန်းသက်ထွန်း
==============================
#အာရှဒေသ သည် စွမ်းအင်အကျပ်အတည်းနှင့် AI စန်းပွင့်မှု တို့အကြားတွင် ပိတ်မိနေပြီး ငွေဖေါင်းပွမှုနှုန်းမြင့် တက်ရန် အရိပ်အယောင်များ ပေါ်ထွက်နေသဖြင့် အာရှဒေသ ဗဟိုဘဏ်များ အနေနှင့် တင်းကျပ်သည့် ငွေကြေးမူဝါဒ Hawkish policy ကို ကျင့်သုံးရန် ဖိအားများ ကျရောက်လျက်ရှိသည်။
#အာရှသည် ကမ္ဘာလုံးဆိုင်ရာ ထုတ်လုပ်ရေးနှင့် နည်းပညာထောက်ပံ့ရေးကွင်းဆက်များ၏ အလယ်ဗဟိုတွင် တည်ရှိ နေသော်လည်း စွမ်းအင် တင်သွင်းမှု အပေါ်များစွာမှီခိုနေရဆဲဖြစ်သောကြောင့် အထူးထိခိုက်လွယ်သည့်ဒေသဖြစ်သည်။ ယင်းကြောင့် မူဝါဒချမှတ်သူများအနေနှင့် ကုန်ကျစရိတ်တွန်းအားကြောင့် ဖြစ်ပေါ်သည့် ငွေဖေါင်းပွမှု cost-push inflation နှင့် ဝယ်လိုအားကြောင့်ဖြစ်သော ငွေကြေးဖောင်းပွမှု demand-driven inflation ဖိအား နှစ်ခု ကို ရင်ဆိုင်ရလေ့ရှိသည်။
#အဆိုပါ ဖိအားစုံတွဲ က အတိုးနှုန်းများ မြင့်မားလာရန် အခြေအနေကို ဖန်တီးနေသည်။ အိန္ဒိယနှင့် ဂျပန်တို့သည် ယခုလတွင် ချေးငွေအတိုးနှုန်း များကို မြှင့်တင်ဖွယ်ရှိ ပြီး တောင်ကိုရီးယားကလည်း ဇူလိုင်လတွင် တိုးမြှင့်ဖွယ်ရှိသည်။ အင်ဒိုနီးရှားနှင့် သီရိလင်္ကာတို့သည် ကြီးမားသော အတိုးနှုန်း မြှင့်တင်မှုများကို ပြုလုပ်ခဲ့ ပြီး ဩစတြေးလျသည် ယခုနှစ်တွင် အတိုးနှုန်းကို သုံးကြိမ် မြှင့်တင်ခဲ့ပြီးဖြစ်သည်။
#အီရန်စစ်ပွဲကြောင့် စီးပွားရေး ကျဆင်း မှု အတိုင်းအတာများကို အကဲဖြတ်ပြီးနောက် မူဝါဒချမှတ်သူများသည် မသေချာ မရေရာသည့် ဟော်မုဇ်ရေလက်ကြား ပဋိပက္ခဖြေရှင်းချက် များနှင့် လောင်စာဆီဈေးနှုန်းများ ဆက်လက်မြင့်မားနေမည့် အလားအလာကို တုန့်ပြန်နိုင်ရန် ပြည်တွင်း၌ ငွေဖောင်းပွမှုတိုက်ဖျက်ရေး ကို မည်သို့ ဆောင်ရွက်မည်ဆိုသည် ကို ပိုမိုဦးစား ပေးလာကြသည်။
#တစ်ချိန်တည်းမှာပင် AI အပေါ် ကမ္ဘာလုံးဆိုင်ရာ စိတ်ဝင်စားမှု ယခုနှစ်အတွင်း မြင့်တက်လာခဲ့ပြီး ဖွံ့ဖြိုးပြီးအာရှဒေသရှိ ချစ်ပ်ထုတ်လုပ်သည့် နိုင်ငံများတွင် စားသုံးကုန်စည်များဈေးမြင့်တက်မည့် အလားအလာများ မြင့်တွေ့နေရသည်။ AI က အပြုသဘောဆောင်သည့် ဝယ်လိုအား ရှော့ ကို ဖြစ်ပေါ်စေပြီး စွမ်းအင် က ကုန်ကျစရိတ်တွန်းအားပေးသည့် ငွေကြေးဖောင်းပွမှု ကို ဖန်တီးနေပါသည် ။ ရလဒ်အနေဖြင့် ငွေကြေးဖောင်းပွမှုက ယာယီမဟုတ်ဘဲ တည်မြဲနေနိုင်ပါသည် ။
#ဈေးကွက်များတွင် အဆိုပါ စိုးရိမ်မှုများ စတင် ရိုက်ခတ်နေပြီဖြစ်သည်။ ကုန်သည်များက ဘဏ်အတိုးနှုန်းများ မြင့်တက်မည့် အရေးကိုစိုးရိမ်နေကြပြီး အစိုးရငွေတိုက်စာချုပ်၏ Yield များ ဒေသအတွင်း၌ မြင့်တက်လာခဲ့သည်။ လောင်စာဆီဈေးနှုန်းများ မြင့်တက်လာခြင်းက ငွေကြေးဖောင်းပွမှုကို မြင့်တက် စေပြီး နိုင်ငံ ပြင်ပ ရှိ ငွေစာရင်း များကို ထိခိုက် စေမည့် စိုးရိမ်မှုများကြောင့် အဓိက စွမ်းအင်တင်သွင်းသည့် ဖိလစ်ပိုင်နှင့် အင်ဒိုနီးရှား တို့၏ငွေကြေးများအားပျော့ သွားခဲ့ရသည်။
#ဂျပန်ဗဟိုဘဏ် (BOJ) သည် ဇွန်လလယ်တွင် ကျင်းပမည့် ၎င်း၏အစည်းအဝေး၌ အခြေခံအတိုးနှုန်းကို ၁၉၉၅ ခုနှစ်နောက်ပိုင်း အမြင့်ဆုံးအဆင့်သို့ မြှင့်တင်ရန် မျှော်လင့်ထားကြသည်။ ယန်းငွေတန်ဖိုး ကျဆင်းခြင်းနှင့်အတူ ရေနံ ဈေးနှုန်းများ မြင့်တက်လာခြင်းက စားသုံးသူဈေးဆနှုန်းများ မြင့်တက်နိုင်သည့် အန္တရာယ်များကို ဖြစ်ပေါ်စေသည်။ သို့သော် လျှပ်စစ်နှင့် ဓာတ်ဆီအတွက် အစိုးရ၏ ထောက်ပံ့ကြေးများက ကုန်ကျစရိတ်မြင့်တက်မှုကိုခံနေရသည့် စားသုံး သူများကို ယာယီ ကာကွယ်ပေးနိုင်ခဲ့သည်။
ဘုတ်အဖွဲ့ဝင် ကိုးဦးအနက် ငါးဦးက မူဝါဒပုံမှန်ဖြစ်စေရေးအတွက် နောက်ထပ်ဆောင်ရွက်မည့် ကိစ္စများကို ထောက်ခံခဲ့ပြီး အဓိကစီးပွားရေးအင်အားကြီး နိုင်ငံများအကြားတွင် အနိမ့်ဆုံးအဆင့်တွင်ရှိနေသည့် ဂျပန်၏အတိုးနှုန်းများ မြှင့်တင်ရန် အတွက် ဘဏ်ဥက္ကဋ္ဌ Kazuo Ueda အား တာဝန်ပေးခဲ့သည်။
#ကိုရီးယားဗဟိုဘဏ် သည်လည်း ပြီးခဲ့သည့်အပတ်က မူဝါဒအတိုးနှုန်းကို ဆက်လက် ထိန်းသိမ်းထားရန်ဆုံးဖြတ်ထား သော်လည်း ယခုနှစ်အတွင်း အတိုးနှုန်းများ မြင့်တက်မည့်အလားအလာများမြင်တွေ့နေရသည်။ ဘဏ်ဒါရိုက်တာ အဖွဲ့ဝင် နှစ်ဦးက နှုန်းထားများကို တိုးမြှင့်ရန် မဲပေးခဲ့ကြသည်။ မူဝါဒချမှတ်သူများက ရေတိုအတိုး နှုန်းများသည် လာမည့် ခြောက်လအတွင်း ယခင်ကခန့်မှန်းထားသည်ထက် ပိုမိုမြင့်တက်လာမည်ဟု မျှော်လင့်ကြသည်။
#ဉာဏ်ရည်တုနည်းပညာ AI တိုးတက်မှုကြောင့် တောင်ကိုရီးယား၏ စီးပွားရေးနှင့် ပို့ကုန်များသည် မျှော်မှန်း ထား သည်ထက် ပိုမိုတိုးတက်မြင့်မားနေဆဲဖြစ်သည်။ အမှန် ငွေကြေးဖောင်းပွမှုနှုန်းသည် စီးပွားရေးပညာရှင်များ၊ ရင်းနှီးမြှုပ်နှံသူများ သို့မဟုတ် ကိုရီးယားဗဟိုဘဏ်မှ ခန့်မှန်းထားသည်ထက် မြင့်မားနေခဲ့ပါသည် ။ AI နှင့်ဆက်စပ်သော ကုမ္ပဏီများ၊ အထူးသဖြင့် semiconductor ကုမ္ပဏီများက ကြီးမားသော ဆုကြေးများ ပေးဆောင်နေချိန်တွင် ရေနံဈေးကြီးခြင်းနှင့် ကိုရီးယားဝမ်ငွေတန်ဖိုး ကျဆင်းခြင်းတို့ကြောင့် ငွေကြေးဖောင်းပွမှုကို မြင့်တက်စေခဲ့ပြီး ယင်းကြောင့် သွင်းကုန်များနှင့် စွမ်းအင်ဈေးနှုန်းများ ပိုမို ကြီး မြင့်လာပါသည်။
#ဗဟိုဘဏ်များသည် ယုန်နှစ်ကောင် သို့မဟုတ် ယုန်သုံးကောင်ကိုပင် တစ်ပြိုင်နက်လိုက်ဖမ်း နေကြောင်း ဘဏ်ဉက္ကဋ္ဌ ရှင်ဟွန်ဆောင်းက ပြီးခဲ့သည့်အပတ်က ပြောကြားခဲ့သည်။ သို့သော် ယခုတစ်ကြိမ်တွင် ငွေကြေးဖောင်းပွမှု၊ တိုးတက်မှု၊ ငွေလဲနှုန်းနှင့် အိမ်ရာနှင့် သက်ဆိုင်သည့် ငွေကြေးအန္တရာယ်များအားလုံးသည် တူညီသောမူဝါဒဦးတည်ရာ တစ်ခုတည်းအောက်သို့ရောက်နေပါသည်။
သည် ရေရှည်တွင် ငွေကြေးဖောင်းပွမှုကို လျှော့ချပေးသည့်အရာဖြစ်သင့် သော်လည်း ရေတိုတွင် ကုန်ကျစရိတ်ဆိုင်ရာ စိုးရိမ်မှုများ ဖြစ်ပေါ်စေခဲ့ကြောင်း Amundi Investment Institute ၏ အာရှဆိုင်ရာ အကြီးတန်း ရင်းနှီးမြှုပ်နှံမှု မဟာဗျူဟာဌာနမှူး Aidan Yao က ပြောကြားခဲ့ပါသည်။ “AI ထောက်ပံ့ရေး ကွင်းဆက် တွင်ရှိသည့် အရာအားလုံး - ဥပမာ ချစ်ပြား၊ မှတ်ဉာဏ် ကဒ် ၊ ဆော့ဖ်ဝဲ၊ ပါဝါထောက်ပံ့မှု - တို့ ၏ ဈေးနှုန်းများ မြင့်တက်လာသည်ကို မြင်တွေ့ရကြောင်း” Yao က ထပ်လောင်းပြောကြားခဲ့ပါသည် ။
#မူဝါဒခန့်မှန်းမှုများ သည် ဖွံ့ဖြိုးဆဲအာရှအတွက် ပို၍ပင်ရှုပ်ထွေးပါသည်။ AI - ဝယ်လိုအား တိုးတက်မလာဘဲ စွမ်းအင်အကျပ်အတည်းကြောင့် တိုးတက်မှုနှင့် ငွေဖောင်းပွမှု တို့မှာ ဆန့်ကျင်ဘက် လားရာများကို မြင်တွေ့ ခဲ့ရသည်။ ယင်းကြောင့် အင်ဒိုနီးရှား၏ ရူပီးယားနှင့် အိန္ဒိယ၏ ရူပီးကဲ့သို့သော ငွေကြေးများသည် အနိမ့်ဆုံးအဆင့်သို့ မှတ်တမ်းတင် ကျဆင်းသွားပြီး ဗဟိုဘဏ်များအား အရေးယူဆောင်ရွက်ရန် ဖိအားများပိုမို ကျရောက် နေသည်။
#ချေးငွေကုန်ကျစရိတ်များ မြင့်တက် လာခြင်းက မူလကတည်းက တိုးတက်မှုနှေးကွေးနေသည့် စီးပွားရေးကို ပိုမို ထိခိုက်စေနိုင်သောကြောင့် အိန္ဒိယဗဟိုဘဏ်၏ လာမည့် အစည်း အဝေးအတွင်း မူဝါဒ တင်းကျပ်မည်၊ မတင်းကျပ် မည်နှင့် ပတ်သက်၍ သုတေသီများအကြား ထင်ကြေးအမျိုးမျိုး ကွဲပြားနေကြသည်။ လောင်စာဆီဈေးနှုန်းများ မြင့်တက် လာပြီးနောက် ငွေကြေးဖောင်းပွမှုကို ကြိုတင်ကာကွယ်ရန်နှင့် ယခုနှစ်တွင် ၅ ရာခိုင်နှုန်းကျော် ကျဆင်းနေသော ရူပီးငွေ ကို ကယ်တင် ရန်အတွက် တင်းကျပ်သော စည်းမျဉ်းများ လိုအပ်လျက်ရှိသည်။
"ငွေကြေးဖောင်းပွမှုဖိအားများ မြင့်တက်လာခြင်းကြောင့် မူဝါဒချမှတ်သူများအနေနှင့် ဘေးမှ ထိုင်ကြည့် နိုင် သည့် အခွင့်အလမ်းများ လျော့နည်းသွားသည်" ဟု Capital Economics ၏ ဒုတိယအကြီးအကဲ Shilan Shah က ပြောကြားခဲ့သည်။ " ငွေကြေးမူဝါဒ တင်းကျပ်ဖို့ အဓိက လှုံ့ဆော်မှုကတော့ အိန္ဒိယ ရူပီးရဲ့ အားနည်းမှုအပေါ် စိုးရိမ်မှုတွေ တိုးပွားလာခြင်းပါပဲ" ဟု ပြောကြားခဲ့သည်။
#ဒေသတွင်း အကြီးဆုံး စီးပွားရေးနိုင်ငံဖြစ်သည့် တရုတ်သည် နှစ်ပေါင်းများစွာ ငွေကျုံ့မှု deflation မှ ပြန်လည်နိုးထလာနေပြီး ပို့ကုန်ခိုင်မာမှုနှင့် နည်းပညာတိုးတက်မှုတို့က အဆိုပါ အလားအလာကို ပံ့ပိုးပေးနေသည်။ သို့သော် ပြည်တွင်းဝယ်လိုအား မှာ လျော့ကျ နေဆဲဖြစ်ခြင်းကြောင့် အာဏာပိုင်များသည် ပြီးခဲ့သည့်လက ဘဏ်များ၏ တစ်နှစ်တာ မူဝါဒ ချေးငွေ၏ အတိုးနှုန်းကို အနိမ့်ဆုံးသို့ စံချိန်တင် လျှော့ချ ခဲ့သည်။
#အာရှရှိ အခြားဗဟိုဘဏ် များကဲ့သို့ပင် အမေရိကန်ဗဟိုဘဏ် Federal Reserve နှင့် အင်္ဂလန်ဗဟိုဘဏ် (BOE) အပါအဝင် ဖွံ့ဖြိုးပြီးကမ္ဘာ့ဗဟိုဘဏ်ကြီးများသည် ယခုအချိန်အထိ စွမ်းအင်အကျပ်အတည်းကို သတိထားတုံ့ပြန်ခဲ့ပြီး ရေနံဈေးနှုန်းများ မြင့်တက်လာခြင်းက ပိုမိုကျယ်ပြန့်သော ငွေကြေးဖောင်းပွမှုဖိအားများကို ဖြစ်ပေါ်စေမည် လား ဆိုသည်ကို အကဲဖြတ် နေကြသည်။ သို့ရာတွင် မကြာသေးမီက ကျင်းပခဲ့သည့် အစည်းအဝေးများတွင် အတိုးနှုန်းများကို မပြောင်း လဲဘဲဆက်လက်ထားရှိရန် ဆုံးဖြတ်ခဲ့ကြသည်။
#အနာဂတ်ကြိုရောင်းကြိုဝယ် စာချုပ် future contracts များ၏ ဈေးနှုန်းများအရ အမေရိကန်ဗဟိုဘဏ် သည် လာမည့် နှစ်ကုန်တွင် အတိုးနှုန်းများ မြှင့်တင်ရန် ၂၅ ရာခိုင်နှုန်း အခွင့်အရေးရှိသည်ဟု ရင်းနှီးမြှုပ်နှံသူများ လောင်း ကြေးထပ်နေကြသည်။ အမေရိကန်ဗဟိုဘဏ် ၏ နောက်ထပ်မူဝါဒအစည်းအဝေးကို ဇွန်လ ၁၇ ရက်မှ ၁၈ ရက်အထိ ကျင်းပမည်ဖြစ်ပြီး ယင်းက ဥက္ကဋ္ဌသစ် Kevin Warsh ဦးဆောင်သည့် ပထမဆုံးအစည်းအဝေးဖြစ်သည်။
https://www.businesstimes.com.sg/

07/06/2026

နေရောင်ခြည်စွမ်းအင်အသုံးပြု၍ လျှပ်စစ်ဓာတ်အားထုတ်ယူအသုံးပြုခြင်းနှင့် စပ်လျဉ်းသည့် အလုပ်ရုံဆွေးနွေးပွဲသို့ တက်ရောက်ဆွေးနွေးနိုင်ကြပါရန် ဖိတ်ခေါ်ခြင်း

05/06/2026

ဂျီဘီအက်(စ်) လယ်ယာဝန်ဆောင်မှုလုပ်ငန်း အများနှင့်သက်ဆိုင်သော ကုမ္ပဏီ လီမိတက်

G.B.S AGRICULTURAL SERVICES PUBLIC CO., LTD.

နဝမအကြိမ်မြောက် နှစ်ပတ်လည်အထွေထွေအစည်းအဝေးကျင်းပမည့်ရက်၊ Record Date နှင့် အမြတ်ဝေစုခွဲဝေပေးမည့်နှုန်းထားတို့အား ကြေညာခြင်း

ရက်စွဲ၊ ၂၀၂၆ ခုနှစ်၊ ဇွန်လ( ၅) ရက်။

04/06/2026

ရန်ကုန်တိုင်းဒေသကြီးအစီရင်ခံစာ ကောက်နှုတ်ချက်

၂ဝ၂၄ ခုနှစ် လူဦးရေနှင့် အိမ်အကြောင်းအရာသန်းခေါင်စာရင်း

cd dop gov mm

03/06/2026

ယာဉ်မောင်းလိုင်စင်ဖြေဆိုခြင်းအား ထောက်ကြန့်တွင်ရုံးခွဲတိုးချဲ့ဖွင့်လှစ် ဆောင်ရွက်ပေးမည်

Yangon Stock News

10/06/2026

09/06/2026

09/06/2026

09/06/2026

08/06/2026

07/06/2026

05/06/2026

04/06/2026

03/06/2026

Address

Website

Alerts

Shortcuts

Share

Category