http://thetrueoflifes.blogspot.com/

ေရးၿမိဳ႕နယ္ဟစ္တိုင္

28/06/2025

သားကြီးတို့ (တော်လှန်ရေးတပ်များသို့) နယ်မြေစိုးမိုးရေး လုပ်တဲ့အခါ #မှတ်ပုံတင် အသစ်တွေဆို အသေအခြားလေးစစ်ဆေးပါ အခုနောက်ပိုင်း စကစ ဝန်ထမ်း တွေအတော်များများက မှတ်ပုံတင် တွေကအလုပ်အကိုင်နေရာအစာထိုး အလုပ်တွေလုပ်တာများလို မှတ်ပုံတင် တွေအတော်တောက်ပြောင်နေ ဆိုပဲ 🤣🤣🤣🤣

27/06/2025

ရေးမြို့နယ် စံပြကျေးရွာမှာ စစ်မှုထမ်းဟောင်းတစ်ဦးကို စစ်ကောင်စီတပ်က ပစ်ခတ်

စာစဥ်၊ ဇွန်လ ၂၇

မွန်ပြည်နယ်၊ ရေးမြို့နယ်၊ စံပြကျေးရွာမှာ စစ်မှုထမ်းဟောင်း တစ်ဦးကို စစ်ကောင်စီတပ်သားတွေက ပစ်ခတ်လိုက်ကြောင်း ဒေသခံ သတင်းရင်းမြစ်က ပြောပါတယ်။

သေဆုံးသူဟာ ကျေးရွာနေသူတွေ ကိုအညာသားလို့ ခေါ်ဆိုနေကြတဲ့ အသက် ၆၀ ကျော်အရွယ် စစ်မှုထမ်းဟောင်း တစ်ဦးဖြစ်ကာ မနေ့ ဇွန်လ ၂၅ ရက်မှာ နေအိမ်တွင်း ရှိနေချိန် ဆိုင်ကယ်နဲ့ ရောက်လာတဲ့ စစ်ကောင်စီတပ်သားတွေက ပစ်ခတ်သွားတာကြောင့် သေဆုံးသွားရကြောင်း သတင်းရင်းမြစ်က ဆိုပါတယ်။

"ပစ်ခတ်သွားတဲ့သူက သူ့အိမ် အမြဲ အဝင်အထွက်ရှိနေတဲ့သူပဲ၊ အရင်ကတည်းက ဖုန်းအားလာသွင်းလာတာတွေ ရှိတယ်၊ ဖြစ်တဲ့နေ့က ဒူးရင်းသီးတောင်းစားတယ်လို့ ပြောတယ်၊ သေတဲ့သူကလည်း ကျွေးလို့မရဘူး၊ ရောင်းထားပြီးသားဖြစ်နေလို့ဆိုပြီး ပြောရာကနေ စကားများကြတာ” လို့ သတင်းရင်းမြစ်က လဂွန်းအိမ်ကို ပြောပါတယ်။

စကားများကြပြီးနောက် စစ်ကောင်စီတပ်သားဘက်က သေနတ်နဲ့ လေးချက်ပစ်ခတ်ပြီး ပြန်သွားတယ်လို့ ဆိုပါတယ်။

ပစ်ခတ်မှုဖြစ်ပြီးနောက်မှာ စစ်ကောင်စီနဲ့ ရဲအဖွဲ့ဝင်တွေ ရောက်လာပြီး ကျည်ခွံတွေကို ကောက်ယူသွားသလို အလောင်းကိုလည်း လူမှုကူညီရေးအသင်းတွေကို သယ်ဆောင်သွားခိုင်းခဲ့ပါတယ်။

သေဆုံးသွားသူ စစ်မှုထမ်းဟောင်းဟာ စစ်တပ်ကနေ အငြိမ်းစားယူပြီးနောက် ခမရ ၅၈၈ တပ်ရှေ့မှာ နေထိုင်ခဲ့သလို နောက်ပိုင်းမှာ စံပြကျေးရွာကို ပြောင်းလာတာ ဖြစ်ပါတယ်။

သေဆုံးသူက ဥယျာဥ်ခြံလုပ်ပြီး ခြံထွက်သီးနှံတွေ ရောင်းချသလို အမျိုးသမီးက ရွာတွေမှာ အဝတ်အထည်နဲ့ အသီးအနှံ လှည့်ပတ်ရောင်းသူဖြစ်တယ်လို့ ဒေသခံတွေရဲ့ ပြောပြချက်အရ သိရပါတယ်။

#ရေးမြို့

27/06/2025

ထိုင်းနိုင်ငံ၊ စမွတ်စခွန်ခရိုင် မဟာချိုင်ဒေသရှိ ကလေးအသုံးအဆောင်ပစ္စည်းများထုတ်လုပ်သည့် စက်ရုံက မြန်မာလုပ်သား ၄၀၀ နီးပါးကို အလုပ်ထုတ်ခံရကြောင်း ကာယကံရှင် အလုပ်သမားအချို့ထံမှ သိရသည်။

ထိုင်းယူနစ်ဒေသရှိ ZENITH INFANT PRODUCTS ကုမ္ပဏီပိုင် အထက်ပါစက်ရုံတွင် အလုပ်လုပ်နေသည့် မြန်မာလုပ်သား ၄၀၀ နီးပါးကို ဇွန်လ ၂၄ ရက်က အလုပ်ထုတ်ခဲ့ကြောင်း အလုပ်ထုတ်ခံရသည့် အလုပ်သမားအချို့က ဆိုသည်။

အလုပ်ထုတ်ခံရသည့် အလုပ်သမားတစ်ဦးလျှင် ဘတ်သုံးသောင်းစီ အလုပ်ထုတ်လျော်ကြေးပေးကာ အလုပ်ထုတ်ခဲ့ကြောင်း အလုပ်သမားတစ်ဦးက ဆိုသည်။

ထိုင်းနိုင်ငံအတွင်း ကိုဗစ်ကူးစက်မှုများလာခြင်းနှင့် ထိုင်း-ကမ္ဘောဒီယားနယ်စပ်တွင် အငြင်းပွားမှုပြဿနာများကြောင့် စက်ရုံတွင် အမှာအော်ဒါနည်းပါးလာသည်ဟုဆိုကာ စက်ရုံဘက်က အလုပ်ထုတ်ခဲ့သည်ဟုသိရကြောင်း ကာယကံရှင် အလုပ်သမတစ်ဦးက ပြောဆိုသည်။

“သူတို့ဘက်က အလုပ်ထုတ်တယ်ဆိုတော့ လျော်ကြေးရတယ်ဆိုပေမယ့် သူတို့ဆီမှာ အလုပ်စဝင်တုန်းက အလုပ်စမတ်ခက တစ်သောင်းကျော်တယ်။ အခုလည်း စက်ရုံက စာအုပ်သက်တမ်းတိုးပေးမယ်ဆိုပြီး အလုပ်မထုတ်ခင်တုန်းက တစ်သောင်းကျော် ပေးထားရတယ်။ ကုန်တာနဲ့ ပြန်ရတာ မကာမိပါဘူး” ဟု ၎င်းက ပြောသည်။

အဆိုပါစက်ရုံတွင်အလုပ်ရုံနှစ်ရုံရှိပြီး ထိုင်းနှင့် မြန်မာ အလုပ်သမားဦးရေ ထောင်ဂဏန်းအထိရှိသည့်အနက် မြန်မာလုပ်သား ၄၀၀ ခန့်ကို အလုပ်ထုတ်ခဲ့ခြင်းဖြစ်ကြောင်း အထက်ပါအလုပ်သမက ဆိုသည်။

“အလုပ်သစ်ပြန်ရှာဖို့ဆိုတာကလည်း မလွယ်ဘူး။ စာအုပ်တွေကလည်း သက်တမ်းမတိုးရသေးဘူးလေ။ တခြားစက်ရုံတွေ ဝင်ဖို့ဆိုတာလည်း အဆင်မပြေဘူး။ ဘယ်လိုရှေ့ဆက်ရမယ် မသိသေးဘူး” ဟု အလုပ်ထုတ်ခံရသည့် အလုပ်သမအခြားတစ်ဦးက ပြောသည်။

လက်ရှိတွင် ထိုင်းနိုင်ငံရှိ စက်ရုံအလုပ်ရုံအချို့မှာ အလုပ်သမားလျှော့ချခြင်း၊ အလုပ်ရပ်နားခြင်းများ ခပ်စိပ်စိပ်ရှိနေပြီး မြန်မာလုပ်သားများ အလုပ်ထုတ်ခံနေရသည်။

ထိုင်းနိုင်ငံအရှေ့ပိုင်း၊ ချာချင်စောင်ခရိုင်ရှိ မီးကြိုးအဟောင်းစက်ရုံတွင် လုပ်ကိုင်နေသည့် မြန်မာအလုပ်သမား ၁၈၀ ဦးကိုလည်း စက်ရုံပိတ်တော့မည်ဆိုကာ ဇွန်လ ၁၅ရက်တွင် ရုတ်တရက် အလုပ်ထုတ်ခံရသည်။

စက်ရုံဘက်က နစ်နာကြေးပေးခြင်းမရှိခြင်း၊ လက်ကျန်လုပ်အားခများကို မထုတ်ပေးသည့်အပြင် ပန်းရောင်ကတ်အသစ်နှင့် ဗီဇာသက်တမ်းတိုး ကိစ္စကိုလည်း တာဝန်ယူပေးခြင်းမရှိသောကြောင် အခက်အခဲများစွာကြုံနေရကြောင်း အလုပ်သမားများထံမှ သိရသည်။

owner

26/06/2025

မွန်ပြည်နယ် ရေးမြို့
ထ ၁ ကျောင်းတွင် ကျောင်းသား ၂ ဦး ဓားထိုးမှုဖြစ်
26.6.2025

22/06/2025

အမေရိကန်က အီရန်ကို ဝင်ရောက်တိုက်ခိုက်ပြီ

အမေရိကန် စစ်လေယဥ်များက အီရန်နိုင်ငံရှိ နြူကလီးယားစီမံကိန်း စက်ရုံများရှိရာ သုံးနေရာအား ယနေ့မနက်က ဝင်ရောက်ဗုံးကြဲတိုက်ခိုက်ခဲ့ကြောင်း သမ္မတဒေါ်နယ်ထရမ့်က ကြေညာလိုက်သည်။

အီရန်ရှိ တောင်တစ်ခုအောက်တွင် ပေရာပေါင်းများစွာတူး၍ တည်ဆောက်ထားသည့် ဖော်ဒိုအမည်ရ နြူကလီးယားစီမံကိန်းနေရာကို အမေရိကန်ပိုင်ဆိုင်ထားသည့် ဗုံးကြဲလေယဥ်များဖြင့် ပေါင်သုံးသောင်းအ လေးချိန်ဗုံးများအသုံးပြုကာ တိုက်ခိုက်ခဲ့ခြင်းဖြစ်သည်။

“အခုတော့ အမေရိကန်လေယဥ်တွေဟာ အီရန်လေပိုက်နက်ကထွက်လာပါပြီ။ လေယဥ်တွေအားလုံးဘေးကင်းပါတယ်” ဟု ထရမ့်က လူမှုကွန်ယက်တွင် ရေးသားလိုက်သည်။

အမေရိကန်က ဝင်ရောက်တိုက်ခတ်ခဲ့သည့် ပစ်မှတ်သုံးနေရာတွင် နှစ်ခုမှာ အီရန်နိုင်ငံ၏ ယူရေနီယံသန့်စင်ထုတ်လုပ်ရေး စခန်းကြီးများဖြစ်ပြီး ပထမတစ်ခုမှာ ဖော်ဒိုတောင်အောက်စခန်းဖြစ်ကာ၊ ဒုတိယတစ်ခုမှာ နတ်တန့်ဇ် ဒေသရှိ စခန်းဖြစ်သည်။ ဒုတိယမြောက်စခန်းသည် ပိုမိုကြီးမားသည့် ယူရေနီယံသန့်စင်စခန်းဖြစ်ပြီး ထိုနေရာအား အစ္စရေးတိုက်လေယဥ်များက လွန်ခဲ့သည့်ရက်ပိုင်းက ဗုံးကြဲတိုက်ခိုက်ခဲ့သေးသည်။

အမေရိကန်ဝင်ရောက်တိုက်ခဲ့သည့် တတိယစခန်းမှာ ရှေးဟောင်းမြို့တော် အစ္စဖာဟန်မြို့အနီးတည်ရှိကာ ထိုစခန်းတွင် နြူကလီးယားဗုံး ထုတ်လုပ်ရန်နီးပါးအသင့်ဖြစ်နေသည့် သန့်စင် ယူရေနီယံများ သိုမှီးထားသည်ဟု အစ္စရေးတို့ကဆိုထားသည်။
#ေရးၿမိဳ႕နယ္ဟစ္တိုင္

19/06/2025

လုပ်မနေနဲ့ ကိုယ်နိုင်ငံအကျိုးစီးပွားအတွက် ပြည်သူထောက်ခံတယ်ဆို မှားမှား မှန်မှန် ချသာချ စစ်ပွဲအောင်နိုင်ရင် ပြောတဲ့စကားမှန်သမျှ သမိုင်းတွင်း ကျန်နေမှာပဲ ဒါကြောင့် ဆော်သာဆော်

19/06/2025

ဝိုင်းဖွဲ့အရက်သောက်ပြီး၊ ပတ်ဝန်းကျင်နားမခံနိုင်‌အောင် ဆူညံနေတဲ့ မြန်မာအလုပ်သမားတွေကို၊ ထိုင်းနိုင်ငံသားတဦးမှ သေနတ်နဲ့ပစ်ခတ် (၁) ဦးသေဆုံး (၁) ဦးဒဏ်ရာရ

မဲဆောက်၊ ဇွန် ၁၉

ဝိုင်းဖွဲ့အရက်သောက်ကာ ပတ်ဝန်းကျင်နားမခံနိုင်‌အောင် ဆူညံနေတဲ့ မြန်မာအလုပ်သမားတွေကို ထိုင်းနိုင်ငံသားတစ်ဦးက သေနတ်နဲ့ပစ်ခတ်ခဲ့လို့

မြန်မာအလုပ်သမား (၁) ဦးသေဆုံးပြီး၊ (၁) ဦးဒဏ်ရာရရှိခဲ့တဲ့ဖြစ်စဉ်တစ်ခု ထိုင်းနိုင်ငံမှာ ဇွန်လ ၁၈ ရက်နေ့ ည ၁၀ နာရီခန့်က ဖြစ်ပွားခဲ့တယ်လို့ သိရပါတယ်။

ဒီဖြစ်စဉ်ဟာ ထိုင်းနိုင်ငံ၊ စမွတ်ပရာကန်ခရိုင်၊ ဖရပဒဲင်မြို့နယ်မှာ ဖြစ်ပွားခဲ့တာဖြစ်ပြီး မြန်မာရွှေ့ပြောင်းအလုပ်သမားတွေက အရက်သေစာသောက်စားပြီး၊

ပတ်ဝန်းကျင်နားမခံနိုင်အောင် ဆူညံနေတဲ့အတွက် အခင်းဖြစ်ပွားခဲ့တဲ့ နေရာအနီးမှာ နေထိုင်သူ အသက် ၅၂ နှစ်အရွယ်ရှိ ထိုင်းနိုင်ငံသားတစ်ဦးက သေနတ်နဲ့ပစ်ခတ်ခဲ့တာဖြစ်တယ်လို့ သိရပါတယ်။

ပစ်ခတ်မှုအတွင်း မြန်မာအလုပ်သမား အမျိုးသား ၁ ဦးနဲ့ အမျိုးသမီး ၁ ဦး သေနတ်ဒဏ်ရာရရှိခဲ့ပြီး ဒေသတွင်း လူမှုကူညီအသင်းတစ်ခုက ဆေးရုံကိုပို့ ဆောင်ပေးခဲ့ပေမဲ့ အသက် ၃၀ အရွယ် မြန်မာအလုပ်သမား အမျိုးသမီး မ........ဟာ ဆေးရုံမှာ ဆေးကုသမှုခံယူနေချိန် သွေးထွက်လွန်ပြီး သေဆုံးသွားတယ်လို့ သိရပါတယ်။

ထိုင်းရဲတပ်ဖွဲ့က တရားခံ ထိုင်းအမျိုးသားကို ပြစ်မှုကျူးလွန်ရာမှာ အသုံးပြုခဲ့တဲ့ သက်သေခံ သေန-တ်နဲ့အတူ အခင်းဖြစ်ပွားပြီး နာရီပိုင်းအကြာမှာ ဖမ်းဆီးရမိခဲ့ပြီး၊

သေနတ်သမားကို ထိုင်းဥပဒေအရ အရေးယူဆောင်ရွက်သွားမယ်လို့ သိရပါတယ်။

#သူများနိုင်ငံမှာ
#မြန်မာလိုမနေပါနဲ့

ขอบคุณรูปภาพ : ข่าวสารสมุทรปราการ

#မူ့ရင်းပို့စ်

18/06/2025

လေဖြတ်နေတဲ့ ရဟန်းတစ်ပါးကို ရဟန်းအချင်းချင်း လာရောက်စွန့်ပစ်
------
ပဲခူးတိုင်း တောင်ငူမြို့ ရွှေဆံတော်ဘုရားတောင်ဘက်စောင်းတန်းတွင် လေဖြတ်နေတဲ့ ရဟန်းတစ်ပါးကို ရဟန်းအချင်းချင်း လာရောက်စွန့်ပစ်ခဲ့ကြတယ်လို့ သိရပါတယ်။
ဇွန်လ ၁၆ရက်နေ့ ညနေပိုင်းက လေဖြတ်နေတဲ့ ရဟန်းတစ်ပါးကို ရဟန်းအချင်းချင်း လာရောက်စွန့်ပစ်မှု ဖြစ်ခဲ့တာဖြစ်ပြီး Save The Trees Rescue Team သွားရောက်ကူညီပေးခဲ့ပါတယ်။
စွန့်ပစ်ခံရတဲ့ ရဟန်းဟာ ဘွဲ့အမည် ဦးပညာစာရဖြစ်ပြီး သက်တော် ၆၂နှစ် အရွယ်ရှိပြီး လူအမည်မှာ ဦးမြဝင်းဖြစ်ပြီး ရေးမြို့နယ် ဓမင်းဆိပ်ကျေးရွာ ဇာတိဖြစ်တယ်လို Save The Trees Rescue Team ရဲ့ မေးမြန်းမှုအရ သိရပါတယ်။
တစ်ကိုယ်လုံး မစင်အညစ်ကြေးတွေနဲ့ပေနေလို ရေချိူးသန့်စင်ပြီး သင်္ကန်းအသစ်လှုပေး ဒိုက်ပါလဲပြီး ဆေးရုံတင်ဆေးကုပေးပါ့မယ် လို့ Save The Trees Rescue Team အဖွဲ့က ပြောထားပြီး စွန့်ပစ်ခံ ရဟန်းရဲ့ မိသားစုဝင်တွေအနေနဲ့ ဒီသတင်းကိုသိရှိပါက 09256666575 ကို ဆက်သွယ်ပေးဖို့ကိုလည်း အသိပေးထားပါတယ်။ #ေရးၿမိဳ႕နယ္ဟစ္တိုင္

18/06/2025

ရေးပြောက်ကျားတပ်က သင်တန်းသား နှစ်ဦး သေဆုံးမှု ကျန်းမာရေးကြောင့်လို့ ဆို

ဇွန်လ ၁၈

မွန်အခြေစိုက် တော်လှန်ရေးတပ်တတပ်ဖြစ်တဲ့ ရေးပြောက်ကျားတပ် YGF က ပေးနေတဲ့ သင်တန်းမှာ သင်တန်းသား နှစ်ဦး သေဆုံးတဲ့ ကိစ္စ ကျန်းမာရေးကြောင့် သေဆုံးတာလို့ ဒေါနတပ်ရင်း ဗျူဟာ (၃၃) စစ်ဆင်ရေးမှူး စောဒါးကိုဆီကနေ သိရပါတယ်။

မေလကနေ လာမယ့် ဇူလိုင်လအထိ YGF ဦးစီးပြုလုပ်နေတဲ့ စစ်သင်တန်းအတွင်း သင်တန်းသားတွေ သေဆုံးမှုဟာ သင်တန်းဆရာတွေက ရိုက်နှက်လို့ သေဆုံးရတာ ဖြစ်ကြောင်း မနေ့ ဇွန်လ ၁၇ ရက်မှာ မဇ္စျိမ သတင်းဌာနမှာ ဖော်ပြရေးသားခဲ့အပြီး ဒီသတင်းအပေါ် ဒေါနတပ်ရင်း ဗျူဟာ (၃၃) စစ်ဆင်ရေးမှူး စောဒါးကိုက မဟုတ်မှန်ကြောင်း ငြင်းဆိုပါတယ်။

"အဓိက သင်တန်းမှာက Special Force သင်တန်းဖြစ်လို့ အဓိက ရာသီဥတုကြောင့်လည်း ပါတယ်၊ တုပ်ကွေးနဲ့ ဌက်ဖျားပေါင်းပြီး ဖြစ်တာ၊ တယောက်က ဦးနှောက်ထဲ ဌက်ဖျားပိုးဝင်ပြီး ဖြစ်တာ၊ တယောက်ကတော့ အသက်ရှုပ်ကြပ်ပြီး အဆုတ်ထဲ ပိုးဝင်ပြီး ဆုံးတာ" လို့ စောဒါးကိုက ပြောပါတယ်။

သတင်းတွေမှာ ပျံနှံ့နေသလို သေဆုံးသွားရတဲ့ သင်တန်းသားရဲဘော် ၂ ဦးဟာ သင်တန်းဆရာက ရိုက်နှက်တာကြောင့် သေဆုံးရတာ မဟုတ်ဘဲ မြေပြင်အခြေအနေကိုသိချင်ပါက သင်တန်းနေရာအထိ လာရောက်လေ့လာလို့ ရတယ်လို့လည်း စောဒါးကိုက ဆက်ပြောပါတယ်။

ဒါပေမယ့် သင်တန်းသားတွေ ရောဂါဖြစ်ပွားနေချိန် သင်တန်းဆရာတွေအနေနဲ့ ကျန်းမာရေးမကောင်းသူတွေကို ဆေးကုသပေးဖို့ ဆက်သွယ်မှု အားနည်းခဲ့တာကြောင့် အခုလို သေဆုံးရတာလို့ ဆိုပါတယ်။

သေဆုံးသူ သင်တန်းသား ၂ ဦးထဲက ရဲဘော် ဒိုင်နို ဆိုသူဟာ မေလမှာ သေဆုံးတာ ဖြစ်ပြီး ရဲဘော် ဘထစ်ကတော့ ဇွန်လ ပထမအပတ်အတွင်းမှာ သေဆုံးသွားကာ လတ်တလောမှာလည်း ကျန်းမာရေးမကောင်းတဲ့ သင်တန်းသား ၃၀ လောက် အနားပေးထားရသလို တာဝန်ပေါ့လျော့မှုနဲ့ သင်တန်းဆရာ ရဲဘော် ဂျော့ကိုလည်း YGF တပ်ဖွဲ့ရဲ့ အချုပ်ထောင်မှာ ချုပ်နှောင် စစ်ဆေးနေတယ်လို့ သိရပါတယ်။

Mizzima သတင်းဌာနရဲ့ ရေးသားချက်အပေါ်မှာတော့ ဒေါနတပ်ရင်း လက်အောက်ခံ ဒေါနစစ်ကြောင်း (၂) ရဲ့ စစ်ကြောင်းမှူးလည်း ဖြစ်၊ YGF တပ် တာဝန်ခံလည်း ဖြစ်သူ ဗိုလ်ကျန်ရစ်က သူ့ရဲ့ လူမှုကွန်ရက်စာမျက်နှာမှာ ငြင်းဆိုထားပါတယ်။

“ဒီကိစ္စနဲ့ ပတ်သက်ပြီး ဖြစ်ခဲ့တာတွေ အားလုံးကို ကျနော့ဆီ တိုက်ရိုက်လာမေးလို့ ရပါတယ်၊ ဖြစ်စဉ်အားလုံးကို ရှင်းပြပါ့မယ်၊ အကယ်၍ မဟုတ်မမှန် ဖြေဆိုခဲ့မိရင် သေဒဏ်ပေးရင်လည်း ခံပါမယ်၊ ထောင်ဒဏ်ပေးရင်လည်း ခံပါမယ်၊ အားလုံးကို ကျနော် တာဝန်ယူပါတယ်” လို့ သင်တန်းဦးစီးနေသူ ဗိုလ်ကျန်ရစ်က ဆိုထားပါတယ်။

လတ်တလောမှာ ဗျူဟာ (၃၃) တာဝန်ခံတွေနဲ့ ဆွေးနွေးပြီး သင်တန်းဆရာ ရဲဘော် ဂျော့ကိုတော့ ရာသက်ပန် သင်တန်းဆရာအဖြစ်မှ ထုတ်ပယ်ကာ အလုပ်ကြမ်းနဲ့ ထောင်ဒဏ် တနှစ် အပြစ်ပေးထားကြောင်း ဗိုလ်ကျန်ရစ်က သူ့ရဲ့ လူမှုကွန်ရက်စာမျက်နှာမှာ ရေးသားထားပေမယ့် လဂွန်းအိမ်အနေနဲ့ သီးခြားအတည်ပြုနိုင်ဖို့အတွက် ဗိုလ်ကျန်ရစ်ကို ဆက်သွယ်ထားဆဲ ဖြစ်ပါတယ်။

ရေးပြောက်ကျားတပ် (ဒေါနစစ်ကြောင်း - ၂) စစ်ကြောင်းမှူး ဗိုလ်ကျန်ရစ် ဦးဆောင်ဖွင့်လှစ်ထားတဲ့ အဆိုပါ သင်တန်းမှာ ရေးပြောက်ကျားတပ် အပြင် မဟာမိတ်အဖွဲ့က တပ်ဖွဲ့ဝင်တွေ ပါဝင်တဲ့ သင်တန်းသား ရဲဘော် ၉၀ ကျော် တက်ရောက်နေကြောင်း သိရပါတယ်။
#ေရးၿမိဳ႕နယ္ဟစ္တိုင္

18/06/2025

ရေးမှာ PDF တပ်ဖွဲ့ဝင်ဟောင်းတစ်ဦး ဖမ်းဆီးခံရ

ရေး၊ ဇွန် ၁၈

မွန်ပြည်နယ် ရေးမြို့နယ် မော့ကနင်ကျေးရွာမှာ ရေးပြည်သူ့ကာကွယ်ရေးအဖွဲ့ YPDF ကနေ ထုတ် ပယ်ထားတဲ့ တပ်ဖွဲ့ဝင်ဟောင်းတစ်ဦးကို စစ်ကောင်စီတပ် ဝင်ရောက်ဖမ်းဆီးသွားတယ်လို့ ဒေသခံတွေနဲ့ YPDF ထံကနေ သိရပါတယ်။

ပြီးခဲ့တဲ့ ဇွန် ၁၆ ရက်နေ့ ည ၉ နာရီအချိန်ခန့်မှာ အသက် ၄၀ အရွယ် YPDF တပ်ဖွဲ့ဝင်ဟောင်းဖြစ်တဲ့ ကိုဖိုးတုတ်ကို စစ်ကောင်စီတပ်က မော့ကနင်ကျေးရွာ အမှတ် ၂ ရပ်ကွက်ရှိ မိဘဖြစ်သူ နေအိမ်မှာ အင်အားအလုံးအရင်းနဲ့ ဝင်ရောက်ဖမ်းဆီးသွားတာပါ။

ဖမ်းဆီးခံလိုက်ရတဲ့ YPDF တပ်ဖွဲ့ဝင်ဟောင်းဖြစ်တဲ့ ကိုဖိုးတုတ်ကို မော့ကနင်ကျေးရွာအခြေစိုက် အမှတ် ၁၀၆ ခြေလျင်တပ်ရင်းထံ ဖမ်းဆီးခေါ်ဆောင်သွားပြီး မိသားစုနဲ့လည်း တွေ့ခွင့်မရဘူးလို့ ဒေသခံတွေက ပြောပါတယ်။

ကိုဖိုးတုတ်ဟာ အရင်က YPDF တပ်ဖွဲ့ဝင် တစ်ဦးဖြစ်ပြီး တပ်စည်းကမ်းမလိုက်နာတာကြောင့် တပ်က ထုတ်ပယ်ထားတာ နှစ်နှစ်လောက်ရှိပြီလို့ YPDF တာဝန်ခံ ဗိုလ်ရန်နိင်က သံလွင်တိုင်းမ်ကို ပြောပါတယ်။

ဒေသခံတွေရဲ့ ပြောပြချက်အရ ကိုဖိုးတုတ်ဟာ YPDF ကနေ ထုတ်ပယ်ထားပြီးနောက် သူပိုင် ရော် ဘာခြံထဲမှာ နေထိုင်ပြီး ရော်ဘာလုပ်ငန်းကိုသာ လုပ်ကိုင်နေတယ်လို့ သိရပါတယ်။
#ေရးၿမိဳ႕နယ္ဟစ္တိုင္
ဓာတ်ပုံ-CJ

15/06/2025

ကျောက်ဖြူတိုက်ပွဲမှာ စစ်တပ်ဗိုလ်မှူးတစ်ဦးနဲ့ အင်အားဆယ်ချီ AA နဲ့ ပူးပေါင်းလာတယ်လို့ဆို

ရခိုင်ပြည်နယ်၊ ကျောက်ဖြူမြို့နယ်က တိုက်ပွဲတွေအတွင်း မနေ့ တစ်နေ့တည်းမှာတင် စစ်တပ်က ဗိုလ်မှူးတစ်ဦးအပါအဝင် အင်အားဆယ်ချီဟာ အာရက္ခတပ်တော်(အေအေ)နဲ့ ပူးပေါင်းလာတယ်လို့ စစ်ရေးအရင်းအမြစ်က ပြောပါတယ်။

ကျောက်ဖြူတိုက်ပွဲတွေကို စစ်အင်အားတွေ ဖြည့်တင်းနေချိန်မှာပဲ အခုလို သတင်းတွေ ထွက်ပေါ်လာတာ ဖြစ်ပါတယ်။
#ေရးၿမိဳ႕နယ္ဟစ္တိုင္

ေရးၿမိဳ႕နယ္ဟစ္တိုင္ - ၂

28/06/2025

27/06/2025

27/06/2025

26/06/2025

22/06/2025

19/06/2025

19/06/2025

18/06/2025

18/06/2025

18/06/2025

15/06/2025

Address

Telephone

Website

Alerts

Contact The Business

Shortcuts

Share

Category