Zigon ThaDin ဇီးကုန်းသတင်း

23/07/2025

"ဇီးကုန်းမြို့ထဲက စခနဲ့ရခ၆၀လောက်ပါတဲ့စစ်ကြောင်း ဒီလမ်းကြောင်းမှာ အမြဲသွားလာနေတယ် သတင်းရလို့ စောင့်တိုက်တာပါ။ တိုက်ပွဲကြာချိန် ၁နာရီ ၂၀မိနစ်အတွင်းမှာ စခ၁၃ကောင် ကျည်ထိပြီး ၇ကောင် နေရာတင်သေတာ နာရေးကားနဲ့တခါထဲ သယ်သွားပါတယ်။ ကျွန်တော်တို့ပူးပေါင်းတပ်ဖွဲ့က ရဲဘော်၂ယောက် လက်နက်ချို့ယွင်းမှုဖြစ်ပြီး ဒဏ်ရာရသွားလို့ ပြန်ဆုတ်လာခဲ့ရတာပါ"ဟု BTZM GBK PDF (ပဲခူးရိုးမအခြေပြုတပ်ဖွဲ့) တာ၀န်ခံ ရဲဘော်တေ‌ဇမင်းမှ Tharyarwaddy 8 City ကို ရှင်းပြပါသည်။

ဇီးကုန်းမှာ စစ်ကောင်စီတပ် စစ်ကြောင်းအား တော်လှန်ရေးပူးပေါင်းတပ်ဖွဲ့မှ စောင့်ကြိုပြီး တိုက်ခိုက်လို့ စစ်တပ်ဘက်က (၇)ဦးသေဆုံး

Tharyarwaddy 8 City / ဇူလိုင်၂၃ ၊၂၀၂‌၅

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက ဇီးကုန်းမြို့နယ်၊ ဘုရားပျိုအုပ်စုအတွင်းရှိ တမံကြီးရွာ၊ ဒေါကျော်ရွာ၊ ရေတာရှည်ရွာ အပါအဝင် အနီးအနား ကျေးရွာများကို စစ်ကြောင်းထိုးလာတဲ့ စစ်ကောင်စီတပ် စစ်ကြောင်းအား ဇူလိုင်လ ၂၂ ရက် ယမန်နေ့ နံနက် ၁၁ နာရီခန့် အချိန်တွင် ရေတာရှည်ရွာထိပ်၌ သာယာဝတီခရိုင် တပ်ရင်း ၃၈ဝ၁ တပ်ခွဲ၃ နတ်စစ်သည်တပ်ဖွဲ့ နှင့် BTZM GBK PDF (ပဲခူးရိုးမအခြေပြုတပ်ဖွဲ့) ရဲဘော်များမှ စောင့်ကြိုတိုက်ခိုက်ခဲ့ကြောင်း သတင်းရရှိပါသည်။

အဆိုပါ စောင့်ကြိုတိုက်ခိုက်မှုအတွင်း စစ်ကောင်စီဘက်မှ (၁၃)ဦး ကျည်ထိမှန်ပြီး (၇)ဦး နေရာတွင် သေဆုံးသွားကြောင်း၊ အထိနာနေသည့် စစ်ကောင်စီတပ်အား လက်လုပ်လက်နက်ကြီးဖြင့် ပစ်ခတ်တိုက်ခိုက်ရန် လုပ်ဆောင်နေစဥ် ချို့ယွင်းမှုဖြစ်ကာ တော်လှန်ရေးရဲဘော် (၂)ဦး ဒဏ်ရာများ ရရှိခဲ့တာကြောင့် ထိုနေ့ မွန်းလွဲ ၁၂ နာရီ ၂၀ မိနစ်တွင် ပြန်လည်ဆုတ်ခွာခဲ့ကြောင်း သိရသည်။

"ဇီးကုန်းမြို့ထဲက စခနဲ့ရခ၆၀လောက်ပါတဲ့စစ်ကြောင်း ဒီလမ်းကြောင်းမှာ အမြဲသွားလာနေတယ် သတင်းရလို့ စောင့်တိုက်တာပါ။ တိုက်ပွဲကြာချိန် ၁နာရီ ၂၀မိနစ်အတွင်းမှာ စခ၁၃ကောင် ကျည်ထိပြီး ၇ကောင် နေရာတင်သေတာ နာရေးကားနဲ့တခါထဲ သယ်သွားပါတယ်။ ကျွန်တော်တို့ပူးပေါင်းတပ်ဖွဲ့က ရဲဘော်၂ယောက် လက်နက်ချို့ယွင်းမှုဖြစ်ပြီး ဒဏ်ရာရသွားလို့ ပြန်ဆုတ်လာခဲ့ရတာပါ"ဟု BTZM GBK PDF (ပဲခူးရိုးမအခြေပြုတပ်ဖွဲ့) တာ၀န်ခံ ရဲဘော်တေ‌ဇမင်းမှ Tharyarwaddy 8 City ကို ရှင်းပြပါသည်။

လက်ရှိအချိန်တွင် ဇီးကုန်းမြို့နယ် အပါအဝင် သာယာ၀တီခရိုင်အတွင်း စစ်ကောင်စီတပ်နဲ့ တော်လှန်ရေးတပ်ဖွဲ့များကြား ထိတွေ့တိုက်ပွဲများ နေရာအနှံ့မှာ ဖြစ်ပွားနေသလို စစ်ရေးအရှိန် မြှင့်တက်နေတာကြောင့် အရပ်သားပြည်သူများအနေဖြင့် သတိနဲ့နေထိုင်ကြရန်နှင့် လုံခြုံရေးကို အထူးဂရုစိုက်ဖို့လိုအပ်တယ်လို့လည်း တော်လှန်ရေးတပ်ဖွဲ့ အသီးသီးက အသိပေးထားသည်။

ဓာတ်ပုံ - BTZM GBK PDF (ပဲခူးရိုးမအခြေပြုတပ်ဖွဲ့) ရဲဘော်များ

သတင်း - ဇွန်ပန်း
စာတည်း - ရာမန်

#ဇီးကုန်းမြို့နယ်

22/06/2025

ဇီးကုန်းမှာ သေနတ်ကိုခါးကြားထိုး၍ ပြည်သူများထံမှ စစ်မှုထမ်းကြေးဆိုကာ အတင်းအကြပ်ငွေတောင်းနေတဲ့ ပျူစောထီးကုလားဆိုသူ သေနတ်နဲ့ပစ်ခတ်ရှင်းလင်းခံရ

Tharyarwaddy 8 City / ဇွန်၂၂ ၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက ဇီးကုန်းမြို့နယ်၊ ရွာဝိုင်းကြီးအုပ်စု၊ ရွှေဖလားရွာနေ စစ်တပ်ထောက်တိုင် ပျူစောထီး ကုလား (ခ) ဘသန်း ဆိုသူကို ဇွန်လ ၂၀ ရက်နေ့ ည ၇ နာရီ ၄ဝ မိနစ် အချိန်တွင် သာယာ၀တီခရိုင် တပ်ရင်း ၃၈၀၁ တပ်ခွဲ(၂) Phoenix D F ရဲဘော်များမှ ၎င်း၏နေအိမ်မှာ သွားရောက်ပစ်ခတ်ရှင်းလင်းခဲ့ကြောင်း သတင်းရရှိပါသည်။

သေဆုံးသွားသည့် ပျူစောထီး ကုလား (ခ) ဘသန်း သည် ပစ္စတိုကို သေနတ်ခါးကြားထိုးပြီး စစ်မှုထမ်းကြေးပေးရမည်ဟု ပြည်သူများထံ ခြိမ်းခြောက်‌၍ ငွေကြေးများတောင်းကြောင်း၊ ထို့အပြင် စစ်မှုထမ်းရမည်ဆိုကာ လူငယ်တစ်ဦးကို စစ်တပ်ထဲထည့်လိုက်သလို PDFများကိုလည်း သူ့အနေနဲ့ ဂရုမစိုက်ကြောင်း ရပ်ရွာထဲတွင် ကြွေးကြော်‌နေသူဟု သာယာဝတီခရိုင် တပ်ရင်း ၃၈၀၁ ၏ သတင်းထုတ်ပြန်ချက်အရ သိရသည်။

သာယာဝတီခရိုင် တပ်ရင်း ၃၈၀၁ အနေဖြင့် စစ်သား၊ ရဲ၊ ပျူစောထီးများနှင့် စစ်ကောင်စီထောက်တိုင်များအား အခါအခွင့် သင့်သလို တိုက်ခိုက်သွားမှာဖြစ်လို့ ပြည်သူများ ထိခိုက်မှုမရှိစေရန် ၎င်းတို့အနီး သွားလာနေထိုင်ခြင်း မပြုလုပ်ကြရန်လည်း အသိပေးထားပါသည်။

ဓာတ်ပုံ - ပစ်ခတ်ခံရပြီး သေဆုံးနေသည့် ပျူစောထီး ကုလား (ခ) ဘသန်း

သတင်း - ဇွန်ပန်း
စာတည်း - ရာမန်

#ဇီးကုန်းမြို့နယ်

22/06/2025

06/06/2025

"အုပ်ကြီး မြင့်ဦး က စစ်မှုထမ်းကြေး တစ်အိမ် ၅၀၀၀၀ပေးဖို့ အသံချဲ့စက်နဲ့ အော်တောင်းနေလို့ လစဉ်ပေးနေရတယ်။ အုပ်ကြီးကတော့ စစ်မှုထမ်းကြေးငွေတွေတောင်းပြီး တိုက်လည်းဆောက်ပြီးပြီ။ သူ့မိန်းမမှာဆိုလည်း တစ်ခါမှမဝတ်ဖူးတဲ့ လက်ဝတ်လက်စား ရွှေတွေပြည့်‌နေပါတယ်။ စစ်မှုထမ်းကြေးငွေတွေ အလွဲသုံးစားလုပ်တာ ရွာသားတွေသိပေမယ့် စစ်တပ်ခေါ်ဖမ်းမယ် ခြိမ်းခြောက်လို့ ကြောက်ပြီး မပြောရဲဖြစ်နေကြတာ။ အစစအရာရာ ခက်ခဲနေတဲ့အချိန်မှာ ကိုယ့်ဝမ်းစာထက် စစ်မှုထမ်းကြေးပေးဖို့ရုန်းကန်နေကြရပါတယ်။ တစ်လတစ်ခါ အသံချဲ့စက်အော်သံကြားတာနဲ့ လူတွေစိတ်ဆင်းရဲကြရပါတယ်"ဟု ဒေသခံတစ်ဦးမှ Tharyarwaddy 8 City ကို ​ပြောသည်။

လက်ပံတန်း၊ မင်းလှနဲ့ ဇီးကုန်းမှာ အုပ်ချုပ်ရေးမှူးများက စစ်မှုထမ်းထောက်ပံ့ကြေး လစဥ်မပေးတဲ့ နေအိမ်တွေကို စစ်တပ်ခေါ်ဖမ်းခိုင်းမည်ဆိုကာ ခြိမ်းခြောက်ငွေတောင်း

Tharyarwaddy 8 City / ဇွန် ၆၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက လက်ပံတန်းမြိုနယ်၊ ခမုံဆိပ်အုပ်စု အုပ်ချုပ်ရေးမှူး သိန်းဇော် သည် ဒေသခံပြည်သူများထံမှ စစ်မှုထမ်း ထောက်ပံ့ကြေးဆိုကာ တစ်အိမ်လျှင် နှစ်သောင်းကျပ်ပေးရန် လစဥ်ကောက်ခံနေပြီး ကောက်ခံငွေမပေးပါက စစ်တပ်ခေါ်ဖမ်းခိုင်းမည်ဟု ခြိမ်းခြောက်နေကြောင်း သတင်းရရှိပါသည်။

"ခမုံဆိပ်အုပ်စု အုပ်ကြီး သိန်းဇော်က စစ်မှုထမ်းကြေးဆိုပြီး မုဆိုးမအိမ်နဲ့ သက်ကြီးရွယ်အို အိမ်တွေပါမကျန် အိမ်တိုင်းကို ၂၀၀၀၀ တောင်းနေပါတယ်။ နောက်ပြီး ထောက်ခံစာ တစ်စောင်ကိုလည်း ၁၀၀၀၀တောင်းပါတယ်။ သူတောင်းတာမပေးရင် စစ်တပ်ခေါ်ဖမ်းမယ်ဆိုပြီး ခြိမ်းခြောက်နေလို့ မရှိရှိတာ ရောင်းချပေးနေရပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြသည်။

အလားတူ မင်းလှမြို့နယ်၊ ပန်းတောအုပ်စု၊ ပန်းတောကျေးရွာနေ ရာအိမ်မှူး အောင်မြင့်၊ ဇော်လေးနှင့် ဋ္ဌေးအောင် တို့သည် ဒေသခံပြည်သူများထံမှ စစ်မှုထမ်းထောက်ပံ့ကြေးဆိုကာ တစ်အိမ်လျှင် လေးသောင်းကျပ် လစဥ်ကောက်ခံနေပြီး ၄င်းတို့ကောက်ခံသော ငွေမပေးသည့် နေအိမ်များအား စစ်တပ်ခေါ်ဖမ်းခိုင်းမည်ဟု ခြိမ်းခြောက်နေကြောင်း သိရပါသည်။

"ရာအိမ်မှူး အောင်မြင့် ဇော်လေးနဲ့ ဋ္ဌေးအောင် တို့က စစ်မှုထမ်း​ထောက်ပံ့ဖို့ဆိုပြီး တစ်အိမ်ကို ၄၀၀၀၀ အတင်းအကြပ် ကောက်ခံနေပါတယ်။ တောင်းတဲ့ငွေမပေးနိုင်ရင် စစ်တပ်ခေါ်ပြီး စစ်မှုထမ်းဖို့ ဖမ်းခိုင်းမယ်လို့ ခြိမ်းခြောက်နေတယ်။ ပြီးခဲ့လကဆို ရွာကလူတွေ စားဝတ်နေရေး ကြပ်တည်းနေကြလို့ ခနစောင့်ဆိုင်းပေးပါ တောင်းပန်တာကို ရာအိမ်မှူး အောင်မြင့်က မပေးလို့မရဘူး မပေးရင် စစ်တပ်ထဲဝင်ကြဆိုပြီး ကြိမ်းပါတယ်"ဟု ဒေသခံတစ်ဦးမှ Tharyarwaddy 8 City ကို ​ရှင်းပြသည်။

ထို့အတူ ဇီးကုန်းမြို့နယ်၊ ဂွေပင်ကုန်းရွာနေ ဘုရားကြီးကုန်းအုပ်စု အုပ်ချုပ်ရေးမှူး မြင့်ဦး သည်လည်း ဒေသခံပြည်သူများထံမှ စစ်မှုထမ်းထောက်ပံ့ကြေးဆိုကာ တစ်အိမ်လျှင် ငါးသောင်းကျပ်ပေးရန် အသံချဲ့စက်ဖြင့်အော်၍ လစဥ်ကောက်ခံနေပြီး ၄င်းကောက်ခံသော ငွေမပေးသည့် နေအိမ်များအား စစ်တပ်ခေါ်ဖမ်းခိုင်းမည်ဟု ခြိမ်းခြောက်နေ​ကြောင်း သိရသည်။

"အုပ်ကြီး မြင့်ဦး က စစ်မှုထမ်းကြေး တစ်အိမ် ၅၀၀၀၀ပေးဖို့ အသံချဲ့စက်နဲ့ အော်တောင်းနေလို့ လစဉ်ပေးနေရတယ်။ အုပ်ကြီးကတော့ စစ်မှုထမ်းကြေးငွေတွေတောင်းပြီး တိုက်လည်းဆောက်ပြီးပြီ။ သူ့မိန်းမမှာဆိုလည်း တစ်ခါမှမဝတ်ဖူးတဲ့ လက်ဝတ်လက်စား ရွှေတွေပြည့်‌နေပါတယ်။ စစ်မှုထမ်းကြေးငွေတွေ အလွဲသုံးစားလုပ်တာ ရွာသားတွေသိပေမယ့် စစ်တပ်ခေါ်ဖမ်းမယ် ခြိမ်းခြောက်လို့ ကြောက်ပြီး မပြောရဲဖြစ်နေကြတာ။ အစစအရာရာ ခက်ခဲနေတဲ့အချိန်မှာ ကိုယ့်ဝမ်းစာထက် စစ်မှုထမ်းကြေးပေးဖို့ရုန်းကန်နေကြရပါတယ်။ တစ်လတစ်ခါ အသံချဲ့စက်အော်သံကြားတာနဲ့ လူတွေစိတ်ဆင်းရဲကြရပါတယ်"ဟု ဒေသခံတစ်ဦးမှ Tharyarwaddy 8 City ကို ​ပြောသည်။

သတင်း - ဇေယျာလင်း၊ လော်ရှိန်းအောင်၊ ဇွန်ပန်း
စာတည်း - ရာမန်

#လက်ပံတန်းမြို့နယ်
#မင်းလှမြို့နယ်
#ဇီးကုန်းမြို့နယ်

07/05/2025

07/05/2025

သာယာဝတီခရိုင်ထဲမှာ အမျိုးသားတွေ ဆိုင်ကယ်နှစ်ယောက်စီးခြင်း မပြုလုပ်ရန် စစ်ကောင်စီမှ အသံချဲ့စက်နဲ့ကြေညာ

Tharyarwaddy 8 City / မေ၇၊ ၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက်၊ ဇီးကုန်းနှင့် နတ်တလင်းမြို့နယ်တို့တွင် အမျိုးသားတွေ ဆိုင်ကယ်နှစ်ယောက်စီးခြင်း မပြုလုပ်ကြရန် စစ်ကောင်စီမှ အသံချဲ့စက်နဲ့ လိုက်လံကြေညာနေကြောင်း သတင်းရရှိပါသည်။

မေလ ၆ရက် ယမန်နေ့တွင် သာယာဝတီခရိုင်အတွင်း ပြည်သူများ ဆိုင်ကယ်စီးပါက အမျိုးသား နှင့် အမျိုးသမီးများ မောင်းနှင်သော ဆိုင်ကယ်နောက်တွင် အမျိုးသားများ ဆိုင်ကယ်စီးခွင့် မပြုကြောင်း၊ အဆိုပါ တားမြစ်ချက်အား ဖောက်ဖျက်ပါက တည်ဆဲဥပဒေအရ ထိရောက်စွာ အရေးယူသွားမည်ဖြစ်ကြောင်း စစ်ကောင်စီလက်အောက်ခံ ရဲနှင့် ပျူစောထီးများမှ အသံချဲ့စက်ဖြင့် လိုက်လံကြေညာခဲ့ကြောင်း သိရသည်။

"ဇီးဖြူကုန်းစခန်းကရဲတွေ မနေ့က ပြည်သူတွေ ဆိုင်ကယ်စီးရင် အမျိုးသားနှစ်ယောက်စီးနင်းခွင့်မပြုကြောင်း အသံချဲ့စက်နဲ့ လိုက်ကြေငြာပါတယ်။ ဒီလိုစီးတာတွေ့ရင်ဥပဒေအရ အရေးယူခံရမယ်လို့ ပြောပါတယ်"ဟု လက်ပံတန်းမြို့ခံတစ်ဦးမှ Tharyarwaddy 8 City ကို ပြောပြပါသည်။

သာယာဝတီခရိုင်အတွင်းရှိ စစ်ကောင်စီဂိတ်စခန်းများနှင့် စစ်ကောင်စီထောက်တိုင်များအား တော်လှန်ရေးတပ်ဖွဲ့များမှ မကြာခဏဆိုသလို ပစ်ခတ်တိုက်ခိုက်ခြင်းများ လုပ်ဆောင်နေတာကြောင့် အဆိုပါတိုက်ခိုက်မှုများကို တားဆီးနိုင်ရန် ခုလိုထုတ်ပြန်ခြင်းဖြစ်နိုင်ကြောင်း ဒေသတွင်း စစ်ရေးလေ့လာသုံးသပ်သူများက ဆိုကြသည်။

"မင်းလှတာဆုံစစ်ဆေးရေးဂိတ်မှာ မနေ့က ဆိုင်ကယ်ကို ယောက်ျားလေးနှစ်ယောက်တွဲ စီးခွင့်မပြု​တော့ဘူးလို့ ဂိတ်စောင့်စစ်သားတွေပြောပါတယ်။ မိန်းကလေးမောင်းတဲ့ ဆိုင်ကယ်နောက်မှာ ယောကျ်ားလေး စီးခွင့်မပြုဘူး။ ယောက်ျားလေးမောင်းတဲ့ ဆိုင်ကယ်နောက်မှာတော့ မိန်းကလေးစီးခွင့်ရှိတယ်။ ယောက်ျားလေးနှစ်ယောက်တွဲ စီးတာတွေ့ရင် ပစ်သတ်ဖို့ အမိန့်ရထားတယ်လို့လည်း ပြောပါတယ်"ဟု မင်းလှမြို့ခံတစ်ဦးမှ Tharyarwaddy 8 City ကို ပြောပြပါသည်။

သာယာဝတီခရိုင်အတွင်း၌ ယခုလို စစ်ကောင်စီ၏ အမျိုးသားများ ဆိုင်ကယ်နှစ်ယောက်စီးခွင့် ပိတ်ပင်မှုကြောင့် တော်လှန်ရေးတပ်ဖွဲ့များ၏ စစ်ရေးလှုပ်ရှားမှုများကို မထိခိုက်နိုင်သော်လည်း ပြည်သူများသာ အခက်တွေ့နိုင်ကြောင်း ဒေသတွင်း တက်ကြွလှုပ်ရှားသူများက ​သုံးသပ်ပြောဆိုကြသည်။

သတင်း - ဇေယျာလင်း၊ လော်ရှိန်းအောင်
စာတည်း - ရာမန်

#သာယာ၀တီခရိုင်

28/04/2025

"စခဘက်ကသေဆုံးမှုတော့ရှိနိုင်တယ်ဗျ။ ညအချိန်ဆိုတော့မမြင်ရဘူး အမှောင်ထဲရမ်းပစ်ရတာ မိုင်းဆွဲချိန်မှာတော့ ထိခိုက်သေဆုံးမှုရှိနိုင်ပါတယ် "ဟု ရဲဘော်တေဇမင်း မှ ဆက်လက်ရှင်းပြထားပါသည်။

ဇီးကုန်းမြို့နယ်မှာ စစ်တပ်ပတ်ကင်းကိုတိုက်ခိုက်မှု သေဆုံးမှုရှိနိုင်ဟုဆို

Tharyarwaddy 8 City / ဧပြီ ၂၈၊၂၀၂၅

ပဲခူးတိုင်းအနောက်ခြမ်း၊ သာယာဝတီခရိုင်ရှစ်မြို့နယ်ထဲက ဇီးကုန်းမြို့နယ် အရှေ့ဘက် ပဲခူးရိုးမအစပ်ရှိ ဘော်ဘင်ကျေးရွာ နှင့် မီးကောက်ပင် ကျေးရွာတွင် တပ်ဆွဲထားသည့် အကြမ်းဖက်စစ်ကောင်စီတပ်ဖွဲ့ ကင်းလှည့်နေစဥ် ယမန်နေ့ ဧပြီလ ၂၇ရက်နေ့၊ ည ၁၀ နာရီ ၃၀မိနစ် အချိန်တွင် တိုက်ခိုက်ခဲ့ကြောင်း BTZM GBK PDF ပဲခူးရိုးမအခြေပြုတပ်ဖွဲ့ထံမှ သိရပါသည်။

"ဘော်ဘင် မီးကောက်ပင်ရွာမှာရောက်နေတဲ့ စကစရွေ့လျားစစ်ကြောင်းက ညတိုင်းကင်းပတ်တယ်၊ မနေ့ကည ၁၀နာရီ ၃၀မိနစ်အချိန်ကျွန်တော်တို့ရှေ့ကင်းနယ်မြေထဲရောက်လာတဲ့အခါမှာ မိုင်းဆွဲတိုက်ခိုက်ပြီး ပစ်ခတ်မှုဖြစ်သွားတာပါ " ဟု BTZM GBK PDF ပဲခူးရိုးမအခြေပြုတပ်ဖွဲ့ မှ တာ၀န်ခံ ရဲဘော်တေဇမင်းမှ Tharyarwaddy 8 City ကိုပြောပါသည်။

အဆိုပါ စစ်တပ်လှည့်ကင်းကို MODလက်‌ အောက်ခံ ပဲခူးခရိုင် တပ်ရင်း ၃၇၀၁၊ တပ်ခွဲ၂ (BTZM GBK PDF ပဲခူးရိုးမအခြေပြုတပ်ဖွဲ့)မှ အသင့်စောင့်ကြို၍ မိုင်းဆွဲတိုက်ခိုက်ပြီးလက်နက်ငယ်များဖြင့် ပစ်ခတ်တိုက်ခိုက်ခဲ့ခြင်းဖြစ်ပါသည်။

" စခဘက်ကသေဆုံးမှုတော့ရှိနိုင်တယ်ဗျ။ ညအချိန်ဆိုတော့မမြင်ရဘူး အမှောင်ထဲရမ်းပစ်ရတာ မိုင်းဆွဲချိန်မှာတော့ ထိခိုက်သေဆုံးမှုရှိနိုင်ပါတယ် "ဟု ရဲဘော်တေဇမင်း မှ ဆက်လက်ရှင်းပြထားပါသည်။

ထိုတိုက်ခိုက်မှုတွင် တော်လှန်ရေးရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ပြီး အကြမ်းဖက်စစ်တပ်မှ ထိခိုက်သေဆုံးမှုရှိနိုင်ကြောင်း သိရှိရပါသည်။ ယခုလက်ရှိအချိန်တွင် စစ်ရေးတင်းမာလာမှုရှိသည့်အတွက် ပြည်သူများအနေဖြင့် သတိထား သွားလာလုပ်ကိုင်ကြရန် BTZM GBK PDF ပဲခူးရိုးမအခြေပြုတပ်ဖွဲ့မှ အသိပေးထားသည်။

ဓာတ်ပုံ - BTZM GBK PDF ပဲခူးရိုးမအခြေပြုတပ်ဖွဲ့ ရဲဘော်များ

သတင်း - ခန့်စိုး
စာတည်း - အနတ္တ

#ဇီးကုန်းမြို့နယ်

30/03/2025

သာယာဝတီခရိုင်က PDF၁၁ဖွဲ့အတွက် ပြုလုပ်တဲ့ ကျပ်သိန်း(၆၀၀)တန် ဆိုင်ခန်းကမ်ပိန်း ကံထူးရှင် ရွေးချယ်ပွဲအား ငလျင်ဘေးကြောင့် ရက်ရွေ့ဆိုင်း

Tharyarwaddy 8 City / မတ် ၃၀၊ ၂၀၂၅

ပဲခူးတိုင်းအ‌နောက်ခြမ်း၊ သာယာဝတီခရိုင်ရှစ်မြို့နယ်ထဲက ပဲခူးရိုးမထဲရှိ စစ်ရေးအရှိန်မြင့်တော့မယ့် တော်လှန်ရေးအဖွဲ့ ၁၁ ဖွဲ့ကို ထောက်ပို့နိုင်ရေးအတွက် ရည်ရွယ်ပြီးတော့ ပြုလုပ်တဲ့ "ဆိုင်ခန်းလည်းယူ ကျည်လည်းကူ" ကမ်ပိန်း၏ ကျပ်သိန်း-၆ဝဝတန် ဆိုင်ခန်း ကံထူးရှင် ရွေးချယ်ပွဲအား မတ်လ ၃၀ရက် ယနေ့တွင် ပြုလုပ်ရန် စီစဥ်ထားသော်လည်း ငလျင်ဘေးကြောင့် ဧပြီလ ၁၂ရက်နေ့သို့ ရွေ့ဆိုင်းလိုက်ကြောင်း သတင်းရရှိပါသည်။

၂၀၂၄ခုနှစ် ဒီဇင်ဘာလ ၁ရက်နေ့မှ ၂၀၂၅ခုနှစ် မတ်လ ၁၀ရက်နေ့အထိ ရက်ပေါင်း ၁၀၀ သတ်မှတ်ပြီး ပြုလုပ်ခဲ့တဲ့ ကမ်ပိန်းပြီးဆုံးမယ့်ရက်က မတ်လ ၁၀ရက်နေ့ဖြစ်ပေမယ့် လက်မှတ်အစောင်ရေ ၃၀၀၀ ကျော် ကျန်ရှိသေးတဲ့အတွက် မတ်လ ၃၀ရက်နေ့မှ မဲဖွင့်ပွဲပြုလုပ်ဖို့ ရည်ရွယ်ထားခဲ့ကြောင်း သိရသည်။

မတ်လ ၂၈ရက်နေ့တွင် ဖြစ်ပွားခဲ့သော ငလျင်ဒဏ်ကြောင့် အသက် ၊အိုးအိမ် ပျက်စီးဆုံးရှုံးခဲ့ရသော မိသားစုများ၊
ထိုင်းနိုင်ငံရောက် မြန်မာပြည်သူ/သားများ အားလုံးနှင့်အတူ ကမ်ပိန်းအဖွဲ့သားများမှ ထပ်တူ၀မ်းနည်းပူဆွေး စိတ်မကောင်းဖြစ်ရပြီး ယခုလိုကပ်ဆိုးမှ အမြန်ဆုံးလွတ်မြောက်၍ ဘေးအန္တရာယ်ကင်းကြပါစေကြောင်း ၀မ်းနည်းစွာဖြင့် ဆုမွန်ကောင်းတောင်းအပ်ကြောင်း ကမ်ပိန်းတာဝန်ရှိသူများမှ ပြောပါသည်။

လက်တလော ဝမ်းနည်းဖွယ် ဖြစ်ရပ်များကြောင့် အရေးပေါ်ကူညီကယ်ဆယ်ရေး လုပ်ငန်းစဉ်များကို အလေးထား ဆောင်ရွက်သွားရမည်ကို ထောက်ရှု၍ ကမ်ပိန်း ပိတ်ပွဲ အခမ်းအနား ကို ဧပြီလ ၁၂ ရက်နေ့သို့ ရွေ့ပြောင်းလျက် ကံထူးရှင်ကို ရွေးချယ်ပေးသွားမည်ဖြစ်ပါကြောင်း "ဆိုင်ခန်းလည်းယူ ကျည်လည်းကူ" ကမ်ပိန်းမှ အသိပေးသည်။

မဲလက်မှတ်တွေ ဝယ်ယူအားပေးမယ်ဆိုရင် https://www.facebook.com/share/1CovSc3joP/ ကနေ ဝင်ရောက်ဝယ်ယူအားပေးနိုင်ပါတယ်။

ဓာတ်ပုံ - ဆိုင်ခန်းလည်းယူ ကျည်လည်းကူ" ကမ်ပိန်း ဖွင့်ပွဲလုပ်ရန် ပြင်ဆင်နေသည့် တော်လှန်ရေးရဲဘော်များ

သတင်း/စာတည်း - ရာမန်

#သာယာဝတီခရိုင်

29/03/2025

ငလျင်လှုပ်ခတ်မှုကြောင့် လျှပ်စစ်မီး ပြတ်တောက်နေချိန် ဇီးကုန်းမြို့ပေါ်တွင် အခမဲ့ဖုန်းအားသွင်းနိုင်သည့်နေရာများ

https://www.facebook.com/share/p/18mPkVowFP/

https://www.facebook.com/share/p/1TmFLzATU6/

နောက်ထပ်ရှိသေးလျှင်ထပ် ‌Comment (ကွန်းမန့်)မှာ မန့်ပေးကြပါအုံး။ထပ်ဖြည့်‌ပေးပါမယ်။