31/07/2025
Улсын аварга Г.Эрхэмбаярын эхнэр: 23 жил ханилж 3 хүүхдийг нь төрүүлсний хариуд гуйлгачин шиг нохой шиг хөөгдлөө…
Ийм зүйл бичих болсондоо харамсаж байна. Гэхдээ надад өөр арга үнэхээр үлдсэнгүй ээ. 23 жил ханилж 3 хүүхдийг нь төрүүлсний хариуд байгуулсан амралтын газраасаа гуйлгачин шиг нохой шиг хөөгдөж, 3 4 тансаг байрнаас нь ганцад нь ч ороод ч амьдрах эрхгүй гудамжинд гардаг юм байжээ.
Бөх хүний эхнэр болно гэдэг өндөр дээд хувь заяа, азтай хүн бэ чи гэж олон хүнээс олон жил сонсож явлаа. Гэхдээ тэр азыг нь би өөрөө тэр хүнд бүтээж өгсөн шүү дээ. Өндөр цолтой байхад нь гэрлэсэн бол сонгогдсон аз гэхсэн. Бүхнээ хаяад өөрийгөө бүтэн зориулж бүтээлцсэн болохоор азтай хүн гэж хэлүүлэх дургүй ээ. Бөх гэдэг жилд нэг болдог улсын наадмаар бүтэн жилийн хөлс хүч хөдөлмөрөө үнэлүүлдэг амаргүй ажил. Тамирчин хүнийх нь хувьд ярих юмгүй ээ сайн бөх. Тэр хүний хөдөлмөр амжилтын цаана мэдээж олон хүний сэтгэл зүтгэл мөнгө санхүү дэмжлэг байдаг. Гэхдээ хамгийн чухал хамгийн хэцүү хэрнээ нэг их үнэлэгддэггүй нэлээн хүнд ажил ар гэр эхнэрт нь л оногддог гэдгийг баргийн хүмүүс мэдэхгүй зөвхөн аз гэж л хардаг. Бөх хүн амжилт гаргахын тулд хажуудах хань нь ажлаа хойш тавьж ар гэртээ анхаарч хоол унд нойр бэлтгэлийг нь зохицууулж тайван байлгах үүрэгтэй. Нярай хүүхдээ уйлуулж болохгүй маргааш нь барилдаантай, гадуур хамт явж болохгүй маргааш нь барилдаантай, уурлаж гомдсон ч хэлж болохгүй бас л маргааш нь барилдаантай. Хүүхэд өвдсөн ч 2 3 аар нь ганцаараа сахиж эмнэлэгт хэвтэх, ус ч ууж чадахгүй жирэмсний хордлоготой ч өдөржин чанах адууны махны үнэрийг нь авч чадахгүй өдөржин бөөлжиж хэвтэх, тогоо шиг том гэдэстэй ч хүнсээ зөөж хүүхдээ сургуульд нь байнга хүргэх, тоглож наадах хүүхдүүдээ томоотой бай гэж дууг нь байнга хорих, үхдэггүй сэхдэггүйгээрээ дуудуулж ад үзэгдэн өвдөж хэвтэх. Үгээ тэвчсээр үнэндээ ганц бие мэт бүх зүйлээ өөрөө зохицуулна. Эхлээд ядрана шантрана гомдоно уйлна тэгсгээд аяндаа дасна чадна бүгдийг болгоно. Ажил карьер залуу нас мөрөөдөл бүгдийг нь мартана, зөвхөн тэр хүний мөрөөдлийн төлөө тэр хүний амжилтын төлөө өөрийгөө мартана хаяна хамтдаа зүтгэнэ. Арайхийж хүссэн оргилд нь хүргэлээ алдар нэр хөрөнгө мөнгө аажмаар хүнийг эвдэж эхлэнэ. Хаан болсон мэт санаж харц зарц шигээ харьцаж эхлэнэ хамаг зүйлээ нууж урд нь байдгаасаа ч илүү харамч нарийн болж өөрийнх нь гарын аясаар байгаад бах нь ханаж өчүүхэн мөнгө хүртэл хармалдаг болно. Бүх зүйлийг чинь өөчилж муулж үргэлж доош нь хийж хэмлэх болно. Архи дарс авгай хүүхэн мөрийтэй тоглоом зугаа нь болно. Агсан согтуу тавьж амар тайван байлгахаа ч болино. Эд хөрөнгө байр сав мөнгө төгрөг бүгдийг нь ээж дүү нарынхаа нэр лүү шилжүүлж эхлэнэ. Хамт байхад хэний ч нэр дээр байсан яахав дээ гээд хэнэггүй байсных гор нь одоо гарч гурван хүүхэдтэйгээ гудамжинд гарах дээрээ тулж иржээ. Олон жил бүх муу муухай хортой занг нь түмнээс нууж тэвчсээр сүүлдээ амиа хорлохоос өөр бодолгүй болтлоо туйлдаж аргаа бараад салах шийдвэрт хүрсэн. Гэр бүлд амсаж болох бүх муухай зүйлийг амссан надад тэвчээр маань ихэдсэн үү гэхээс дутаагүй байхаа. Шүүхээрээ заргалдаад үз надад юу ч байхгүй гэх Хэн ч энэ хорвоод амьд үлдэхгүй. Тэр хүүхдүүдээсээ харамласан тансаг зэрэглэлийн 3 4 байр, өөрийн гараар бүтээлцсэн овоо хөөрхөн амралтын газрыг маань хүртэл ах дүү ээж хамаатан садныхаа нэр лүү бүгдийг нь шилжүүлсэн юм гэнээ. Би хэлснээр нь гуйлгачин болоод үлдэх нь тодорхой болжээ. Өнөөдөр хамгаалалтын алба хөлслөөд хөөж гаргаж байна. Гэхдээ зүгээрээ алдсан залуу нас ажил мэргэжил карьер цаг хугацаагаа бэрд шиг сэтгэлд чинь бэлэг болгоод хандивлчихья. Хэлснээр чинь гуйлгачин болчихгүй байхаа хэний охин билээ дээ😇 Хортой харилцаа хүний үнэргүй зангаас чинь хүүхдүүддээ үзүүлж сургамааргүй байна. Олон жил бодож тунгааж хүмүүн бусын их тэвчээр гаргаж байсан ч тэвчээр хүртэл дуусдаг юм билээ. Хуулийн цоорхойгоор би хохироод үлдэж байгаа ч дахиж өөр хүмүүс ийм байдалд битгий ороосой. Охидууд дүү нар минь өөрийгөө гээтлээ хүсэл мөрөөдлөө хаятлаа хүнд битгий тултал нь зориулаарай бүтнээр нь . Сайн муутай хорвоо шүү санаанд оромгүй зүйл их болдог юм байна. Эцэст нь өөртөө баяр хүргэж байна. Бүтэн амьсгалахын аргагүй хортой хөндүүр зовиуртай харилцаанаас гарахын тулд чамайг тэр хөгийн эд хөрөнгөнүүд хөөрхийлөлттэй зан авир өс хонзонтой чинь үлдээж байна. Нэлээн өндөр үнээр олдсон эрх чөлөөтэй амьдралдаа үлдсэн насаа зориулж харамсах зүйлгүй тайван туулах болноо. Гэгээрэх болтугай.
Жич: гэр бүлийн хэрүүл аахар шаахар зүйлийг дэлгэж булайгаа дэлгэмээргүй байна өө. Жичийн жич: банк санхүүгээр төгссөн гэхдээ зэвэрсэн боловч амралтын газар эсвэл ресторан зоогийн газарт зб сайн хийж чадах хүн байна шүү Ажил сонирхож байна ккк Пм бичээрэй маш сайн ажиллаж чадна шүү
