https://www.facebook.com/109068198757668/

DOMINAwe, Choibalsan (2025)

13/05/2024

Ахин дахин алдахгүй гэсээр...
Амьдархаа бид мартажээ...

05/11/2023

#Тэмдэглэл

Лолита
Ай Лолита.
Та хэрвээ #аливаад #амархан #автдаг, #тогтворгүй, #бүрэн #төлөвшөөгүй хүн бол энэ номыг битгий уншаарай.
Яршиг зүгээр. Ийм ном байдаг тухай дуулаад ч хэрэггүй.
Ноён Г. Г болон Лолита хоёр бүр үнэн тэнэг. Өрөвдөж хайрлах уу, үзэн ядах уу? Мэдэхгүй ээ хамаг уур унтуу хүргэв.
Ямар ч ирээдүйгүй, утга учиргүй санагдах уртаас урт гурван жил. Тэдний сэтгэл зүй, бяцхан охинд баймгүй хачин эрээ цээргүй байдал, нас тогтсон хүн тийм гажиг дур хүсэлтэйг нь бодоход аймшигтай. Лолитагийн дэргэд Зуун жилийн ганцаардал, Амьгүй албат нар, Инээмтгий хүн, Бовари хатагтай зэрэг бол гэв гэгээлэг, ав ариухан, хөв хөнгөхөн ном шиг санагдлаа.
Хавь ойрын 10-15 настай охидыг, тэднийхээ хөөрхөн хүүхэд төрх, гэнэн цагаахан занг бодох төдийд л хармын сэтгэл эрхгүй төрж байв.
Өөрийнхөө хүүхэд насыг цагаахан цаас мэт ариухан, танхилхан, хамгаалагдсан, хайрлагдсан байсанд талархаад баршгүй.
Урт юм бичмээргүй байна 😶
Охидоо нүдний цөцгий мэт хайрлан, хамгаалж, хөвгүүдээ жинхэнэ эр хүн, зөв хүн болгож өсгөөрэй... 🙏🙏🙏
Ч.Д

05/10/2023

Маргааш өглөө 9цагт аймгийн төв номын санд уулзацгаая 🥰.

18/09/2023

Номын баяр
Намрын бороо хоёрт догдолж яваад ирлээ 😍😍

18/04/2023

Уужимхан амьсгал аваад алсыг саравчлан зогсмоор.
Тэнгэр ширтэж хэсэгхэн хэвтмээр.
Нутгийн айлд орж аяга цай уунгаа айлын эгчид жигтэйхэн том болсноо гайхуулж үнсүүлмээр, тэнгэр хангайн байдал хийгээд мал төллөөд ажил ихтэй байна уу? Тэднийх хуучин өвөлжөөндөө юу? Хэн гуайн бие лагшин тунгалаг уу? гэхчлэн хэдэн үг сольж суумаар.
Тэгээд цааш нутгийнхаа ариухан замаар С.Жавхлангийн "Цэнхэр тэнгэрийн орон" дууг сонсон давхимаар...
Замд гармаар.
Нутгаа зоримоор 🧡

09/04/2023

Бид аливаад орчин нь хэр юм, уур амьсгал нь таатай юм уу гэхчлэн ханддаг даа. Бас бид хайртай дотны хүмүүсээ баярлуулахдаа хамгийн сайхан орчинд, хамгийн халуун дулаан сэтгэлээрээ угтдаг. Тэгвэл бидэнд ур чадвар, мэдрэмжээ сүлэн хуримын, төрсөн өдрийн, сэвлэг үргээх ёслол, янз бүрийн арга хэмжээний чимэглэл хийж өгдөг, арга хэмжээ зохион байгуулдаг ийм нандин газар бас байна Үзэсгэлэнт Еден Хуримын цогц үйлчилгээ
Хаана вэ гэвэл Сод төвийн 2 давхарт шүү. Бүү мартаарай.
Хамтдаа орцгооё

30/03/2023

Хавар.
Хавар ийм л байдаг даа. Бидний амьдардаг гэрэлт хотод навчисны улирал ирж байхуй. Басхүү болзооны улирал, хүүгээ хөтлөөд алхдаг улирал иржээ. Чойбалсангийн хөшөөний дэргэдүүр, төв талбайгаар хөндлөн алхаад Хэрлэн зочид буудлын урдуур гарч, төв номын сангийн урд хэсэг амсхийгээд буцаад Найрамдал цэцэрлэгт хүрээлэнг зорилоо. Чихэвчээр p3 радио, тагтаа паблишинг хамтран явуулдаг "Үлдэх үг" подкастын "Этгээд хүслийн цуглуулга" номын тухай дугаарыг сонссон шиг ээ.
Үлдэх үг, Үлдэх үг гэнэ шүү гэж санахад Найрамдал ороод хамгийн эхний таарсан сандалд сууж аваад дэвтрээ гаргаж энэ өдрийн тухай, энэ гэгэлгэн хаврын тухай бичиж үлдээх хүсэл төрнө. Энэ хүсэлдээ хөтлөгдөн алхаагаа түргэсэх авч Баясгалан гэх эмэгтэйн дуу хоолой, энд надтай найрсан байгаа хаврын нялх сэвшээ хоёр нэгэн цул аялгуу болох шиг. Тэр аялгуунд автахдаа яарч байсан сэтгэл эргээд тайван, хөнгөн болох шиг.
Сэтгэл хөнгөн, алхаа хөнгөн, магад нисэж үзмээр. Тийм гэгэлгэн.
Хаа сайгүй хүрмээ тайлж тохойноос өлгөсөн залуус, нялх үрээ салхилуулж яваа ээжүүд, гар гараасаа хөтөлсөн амраг хосууд, ээвэр газар бараадан юу ч юм хуучлах ахмадууд.
Хавар ийм л байдаг даа.
Тоосонд дарагдсан саравчнууд, модон сандалнууд, эзэнтэй үгүй нь үл мэдэгдэх шувууны үүрнүүд, шорлогны төмөр зуухнууд, зайрамгны түцнүүд, үүрдийн үнэнч хайр бэлгэдэн цоож зүүсэн зүрхэн хэлбэртэй сараалжин төмөр, тэгээд хөшөөнүүд, хөшөө бүрийн дэргэд хаашаа ч яараагүй хүмүүс...
Эд бүгд "хавар ийм л байдаг даа" гэж нэгэн зэрэг бодох шиг.
Алхах сайхан байна. Голын үнэр бороог санагдуулаад, тагтаанууд зөөлөн алхах, тэдний хүзүү наранд солонгорох, голын цаад руу ширтэхэд зэрэглээтэн, дуниар татаж харагдах нь үлгэрийн юм шиг. Энэ үлгэрийн нам гүмийг эвдэж цамцаа тайлж бүсэлхийгээрээ уясан хөвгүүд сагсны бөмбөг пид пидхийлгэх, ягаан рольктой охин үсээ намируулан, ухарч явж үзүүлэх нь цаг хугацааны урсгалыг сөрөөд буцаад алхмаар, буцаж алхаад болзоонд зогсдог байсан тэртээх хаварт очмоор санагдуулна.
Хавар ийм л байдаг даа.

ЧОЙБАЛСАН ХОТ ❤

15/02/2023

Гоё гараар гоё хаалга татаж, гоё хөлөөр гоё газар луу очдог гэдэг билүү. Энэ удаагийн аялалын пост E.MISS nail studio гэх хөөрхөн нэртэй, нэр шигээ хөөрхөн газраас хүрч байна.
Бидэнтэй хамт байгаарай 😂

За орцгөөөөе

03/02/2023

Эрт урьдын цагт гээд үлгэр эхэлдэг бол тэртээ 2017 онд нэгэн бяцхан охин "full" нэртэй кофе шоп үүрч дүүрч ирээд дөрвөн байшинд буудалласан гэдэг. Түүнээс хойш эдүгээ алдарт дөрвөн байшингийн арван хоёрдугаар байшинд төвхнөж гэнэ.

Ингээд Full coffee shop-оор нэг ороод гарах уу даа хэдүүлээ 😁

30/01/2023

Тагтаа.
Суурин газрын шувуу. Гандангийн шувуу. Энх тайвны билэгдэл. Дайны үед захидал дамжуулж ниссээр дарийн утаанд өнгө нь ийм болчихсон гэнэлээ. Уг нь цав цагаан өнгөтэй байсан юм байх гэлцэнэ.
Хот газрын цэвэрч цэмбэгэр улсын зарим нь "тагтаа бол нисдэг харх, сангаснаас нь болж үй түмэн өвчний халдвар тархана" гэлцэж жийрхэнэ.
Хааяа хүмүүс тагтаа хооллож буян хураах юм болж Гандангийн хэдэн тагтаанд будаа талххан цацаж хооллоно.
Зарим улс орон хотын өнгөлөг байшингуудынх нь дээвэр туурга сангасанд хучигдах нь хэмээн устгал явуулдаг ч гэнэ.
Гэхдээ эд юугаа мэдэх.
Цэнхэр, саарал пөөнийсөн амьтад л үй олноороо байхыг харж явсанаас ийм ойрхноос өрөвлөгнийх нь солонгон өнгө хийгээд өд сөднийх нь давалгаа мэт хээг, ээмэгний шигтгээ мэт ганган нүдийг анзаарч байсангүй.
Үзэсгэлэнтэй юм аа гэж хэсэг бодох зуур хаанаас ч билээ зарим шувууд хошуугаараа үрсээ хооллодог, хайраа илэрхийлдэг тухай уншсан санаанд орно. Бүр үнсэлцдэг ч гэлүү...

29/01/2023

Дэрсний толгой найгах, хэдэн тагтаа, бор шувуу үе үехэн дэрхийн нисэхээс өөр аниргүйд хөшөө, модон сандал, саравч, явган хүний зам, Хэрлэн гол бодлогоширох мэт дүнсийх авай.

Ирэх ёстой. Явах ёстой. Ийм л нэг өдөр, тийм л нэг хором. Гэвч хүний сэтгэл гэдэг аягахан халуун кофе байсан ч хаана, хэнтэй уух вэ гэдэгт хүртэл бодол болж явах юм.

Бид дэрсний найгахыг, хөшөө дүнсийн харагдахыг, бүүдгэр тэнгэр, үүлэн хөшиг, өвлийн илчгүй нарыг, хамт яваа халуун сэтгэлт нөхдийнхөө инээмсэглэлийг нүдээрээ харж, сэтгэлдээ зураглан, зүрхэндээ ямар нэгэн сайхан аялгуу болгон хөгжимдөж чадна. Энэ л бидний хүн байгаагийн мөн чанар ч юм шиг. Нэг тийм дулаахан.

🥰

DOMINAwe

13/05/2024

05/11/2023

05/10/2023

18/09/2023

18/04/2023

09/04/2023

30/03/2023

15/02/2023

03/02/2023

30/01/2023

29/01/2023

Address

Telephone

Website

Alerts

Contact The Business

Shortcuts

Share

Category