10/07/2025
Та бүхэндээ "ТӨРИЙН ДАЛБАА"-ны өдрийн мэндийг дэвшүүлье.
Монгол төрийн бэлгэ тэмдэг болсон төрийн далбаандаа хүндэтгэлтэй хандаж, түүхт ёс, түүхэн уламжлалаа нандигнан өвлөх, үндэсний эв нэгдлийг бэхжүүлэх зорилгоор
2008 оноос жил бүрийн 7-р сарын 10-ны өдрийг "Төрийн далбаа" өдөр болгон тэмдэглэн өнгөрүүлдэг болсон.
Монгол Улс 1911, 1924, 1940, 1945, 1960, 1992 онд төрийн далбаагаа шинэчилж байсан түүхтэй. Харин 1992 оноос хэрэглэж буй Монгол Улсын төрийн далбаа улаан, хөх, улаан хосолсон өнгөтэй байдаг.
Энэ нь Монгол Улсын Үндсэн хуулийн 1 дүгээр бүлгийн 12 дугаар зүйлийн 5 дахь хэсэгт “Монгол Улсын төрийн далбаа нь улаан, хөх, улаан хосолсон өнгөтэй байна.
Далбааны гурав хуваасны нэгийн хэмжээтэй дундах хэсэг нь мөнх тэнгэрийн хөх, түүний хоёр тал нь мандан бадрахын бэлгэдэл улаан өнгөтэй байна. Далбааны ишин талын улаан дэвсгэрийн төв хэсэгт алтан соёмбо байрлуулна.Далбааны өргөн, урт нь 1:2-ын харьцаатай байна” хэмээн хуульчилсан байдаг.
Монгол Улс эгнэгт мандан бадарч, эв нэгдэл, шударга ёс бэхжин, батжих болтугай.
