04/09/2026
Япон судлаач Д.ТӨМӨРБААТАР:
Нэг л их, хайрлуулж өрөвдүүлсэн, зүгээр л юм хүртээд байх хүсэлтэй, эсвэл, гадна дотноос хуучин шинэ хамаагүй, юм гуйж авч ирснийг баярлаж аваад л, “Манайд өгөөч” гэж уралдаад л байдаг “СУЛ ДОРОЙ, ГУЙЛГАЧИН СЭТГЭЛГЭЭ-г зогсооё оо!!!
1990-ээд он, 2000-гаад оны эхээр бол хэцүү байсан, энд тэндээс тус дэм “горьдохоос” өөр аргагүй байсан нь үнээн.
Харин өнөөдөр бол өөр шүү, өөрсдөө зүтгэх тэмцэх нөхцөл бололцоо бүрэн дүүрэн байна.
Улс төрчид дарга нар нь “жаргаана” гэж хорлодог, иргэд нь “жаргаагаад өгөөч” гэж хорлогддог явдлыг зогсооё!
Хуучны Хүүхэд залуусын цэцэрлэг хүрээлэнг Рио Тинто гоё болгожээ. Монголоос олсон ашгийнхаа багаахан хэсгээр залхуу монголчуудад зориулж цэцэрлэгт хүрээлэн байгуулж өгч.
Тэгсэн чинь юу вэ, “манай аймагт ийм юм хийгээд өгөөч” гэж гуйж. Энэ бол цэвэр ГУЙЛГАЧИН СЭТГЭЛГЭЭ. Найр наадам хийгээд байгаа мөнгөөрөө, харин Рио Тинтогийнхноор заалгаж байгаад, өөрсдөө аймагтаа цэцэрлэгт хүрээлэн байгуулж сур.
Одоо хоёр жил дараалж, хоёр сонгууль дараалан ард иргэдээ “хорлож”, “сул доройжуулах” ажлаа эхэлцгээж байна. Үнэ төлбөргүй эм горьдсон, сул дорой ахмадуудыг бүү төрүүл! Эрүүл мэндийн боловсролдоо анхаарсан, сэргэлэн цовоо ахмадуудыг бий болго!
Улс төрчид, дарга сайд нар гадна дотноос авч ирж байгаа компьютер, ай пад, үзэг харандаа ширээ сандлаа өгөх юм бол зүгээр чимээгүй өг, битгий сүр бадруулж рекламдаад бай! Хүний гар хардаггүй, хүчирхэг ард түмэн болгох бодлого явуул, чаддаг юм бол! Иргэд ч гэсэн зүгээр орж ирсэн юмнаас татгалзаж сур, өөрт байгаа юмаараа амьдарч сур!
Товчхондоо, муу сайн ч гэсэн, өөрсдөө юмаа хийдэг бүтээдэг, эрүүл мэнддээ өөрсдөө анхаардаг, хүнээс мөнгө зээлж найр наадам хийдэггүй, дэлхийн бренд мөрөөддөг ядуу монгол хүнийг биш өөртөө байгаа хувцсаа угааж цэвэрлээд өмсчихдөг, өөрөөрөө бахархдаг, эгэл жирийн хүчирхэг монгол хүнийг төрүүлж бий болгох бодлого явуул, дарга нар аа!!!
Гуйлгачин сэтгэлгээтэй, сул доройчуудыг төрүүлэх бодлогоо зогсоо!!!
