Төв Телевиз

Төв Телевиз TV broadcast. postprodaction

08/09/2025

2025.09.01-ний өдрөөс 2025.09.07-ны өдрийн хооронд Цагдаагийн газарт бүртгэгдсэн гэмт хэрэг, зөрчлийн шинжтэй гомдол мэдээллийн талаарх нөхцөл байдлын мэдээ

06/09/2025

Төв аймгийн Дэлгэрхаан сумын нэрт судлаач Очирын Намнандоржийн нэрэмжит Ерөнхий боловсролын сургуулийн түүхт 100 жил

МОНГОЛ УЛСЫН ЗАСГИЙН ГАЗАР БОЛОН "ГАЗПРОМ" НХН-ТАЙ ХАМТРАН АЖИЛЛАХ ТУХАЙ САНАМЖ БИЧИГТ ГАРЫН ҮСЭГ ЗУРЛАА•Монгол Улсын Ер...
05/09/2025

МОНГОЛ УЛСЫН ЗАСГИЙН ГАЗАР БОЛОН "ГАЗПРОМ" НХН-ТАЙ ХАМТРАН АЖИЛЛАХ ТУХАЙ САНАМЖ БИЧИГТ ГАРЫН ҮСЭГ ЗУРЛАА

•Монгол Улсын Ерөнхий сайд Г.Занданшатар ОХУ-ын Владивосток хотноо зохион байгуулагдаж буй Дорнын эдийн засгийн чуулга уулзалтын хүрээнд “Газпром” НХН-ийн Удирдах зөвлөлийн дарга А.Б.Миллер тэргүүтэй төлөөлөгчдийг хүлээн авч уулзлаа.

•Уулзалтын үеэр “Газпром” НХН-ийн Удирдах зөвлөлийн дарга А.Б.Миллер БНХАУ-ын Бээжин хотноо болсон Орос, Монгол, Хятадын төрийн тэргүүн нарын ээлжит уулзалтын үеэр ОХУ-аас Монгол Улсын газар нутгаар дамжуулан БНХАУ-д байгалийн хий нийлүүлэх хоолойн төслийг хэрэгжүүлэхэд гурван тал тохиролцоонд хүрснийг тодотголоо.

•Ерөнхий сайд Г.Занданшатар энэхүү гурван улсын хооронд хийгдэх томоохон бүтээн байгуулалт болох байгалийн хийг Монгол Улсын нутаг дэвсгэрээр дамжуулан тээвэрлэх төслийг хэрэгжүүлэхээр талууд нэгэнт зарчмын тохиролцоонд хүрсэн учраас Монгол Улсын Засгийн газар энэхүү мега төслийг хэрэгжүүлэхэд бүхий л талын дэмжлэг үзүүлж ажиллахаа илэрхийллээ.

•Энэ хүрээнд Улаанбаатар хотыг хийжүүлэх төсөлд Монгол Улсын Засгийн газар болон “Газпром” НХН хоорондын хамтран ажиллах тухай санамж бичигт Монгол Улсын Засгийн газрыг төлөөлж Шадар сайд С.Амарсайхан “Газпром” НХН-ийн Удирдах зөвлөлийн орлогч дарга бөгөөд Удирдах газрын дарга В.А.Маркелов нар гарын үсэг зурлаа.

•Энэхүү байгалийн хийн хоолойн төсөл нь Монгол Улсыг Евразийн эрчим хүчний геополитикийн шинэ зангилаа болгон өргөжүүлэхээс гадна, олон тулгуурт гадаад бодлогыг бэхжүүлж, бүс нутгийн стратегийн тэнцвэрт онцгой байр суурь эзлэх боломжийг бүрдүүлж байгаа юм. Төслийн үр дүнд Оросын нийлүүлэлт, Хятадын хэрэглээг холбосон Евразийн стратегийн гүүр болон ажиллах, манай улсад тогтвортой орлого бий болгох, дэд бүтцийн хөгжил, технологийн нэвтрэлтийг түргэтгэх, эдийн засгийн төрөлжилтийг өргөжүүлэх зэрэг өргөн боломжийг нээж өгнө. Ингэснээр Монгол Улс зөвхөн дамжин өнгөрүүлэгч бус, бүс нутгийн интеграцийн идэвхтэй оролцогч болж төлөвшиж, Евразийн эрчим хүчний газрын зурагт шинэ байр суурьтайгаар тодрон гарч ирэх юм. Энэ нь Монгол Улсын гадаад бодлогын тэнцвэрт байдал, олон улсын геополитикт оруулах хувь нэмрийг нэмэгдүүлэх чухал алхам болох юм.

04/09/2025

Төв аймгийн Цагдаагийн газрын жижүүрийн шуурхай албанд 2025 оны 08 дугаар сарын 23-ны өдрөөс 2025 оны 08 дугаар сарын 31-ний өдрийн хооронд иргэд, аж ахуй нэгж, байгууллагаас гэмт хэргийн болон зөрчлийн шинжтэй нийт 132 гомдол мэдээлэл хүлээн авсан нь өмнөх 7 хоногоос 31 нэгжээр буюу 30,6 хувиар өссөн. Нийт хүлээн авсан гомдол мэдээллийн 44 буюу 33,3 хувь нь гэмт хэргийн, 88 буюу 66,6 хувь нь зөрчлийн шинжтэй дуудлага мэдээлэл эзэлж байна.

ӨВӨЛЖИЛТИЙН БЭЛТГЭЛ АЖЛЫГ БҮСЧИЛЖ ЗОХИОН БАЙГУУЛАХЫГ ДААЛГАЛААМонгол Улсын Шадар сайд, УОК-ын дарга С.Амарсайхан болон Х...
03/09/2025

ӨВӨЛЖИЛТИЙН БЭЛТГЭЛ АЖЛЫГ БҮСЧИЛЖ ЗОХИОН БАЙГУУЛАХЫГ ДААЛГАЛАА

Монгол Улсын Шадар сайд, УОК-ын дарга С.Амарсайхан болон Хүнс, хөдөө аж ахуй, хөнгөн үйлдвэрийн сайд Ж.Энхбаяр нар өвөлжилтийн бэлтгэл ажлыг хангах хүрээнд 21 аймгийн Засаг дарга нар, УОК-ын холбогдох мэргэжилтнүүд, хөдөө аж ахуйн салбарын бусад албаныхантай цахимаар хуралдлаа.

Өнөөдрийн хуралдаанаар өвөлжилт хүндрэх эрсдэлтэй байгаа Баруун 5 аймаг, Төвийн бүсийн зарим аймаг болон хадлангийн бүс болох зүүн гурван аймгийн өвөлжилтийн бэлтгэл ажлын талаарх мэдээллийг сонсож, тодорхой үүрэг чиглэл өглөө. Баруун бүсийн нийт нутаг дэвсгэрийн 70-80 хувь нь гантай байгаа бөгөөд энэ жил 14.8 сая тоо толгой мал өвөлжих тооцоо гарсан. Баруун аймгууд өвс тэжээл импортоор худалдаж авах, хадлан тэжээл бэлтгэх тал дээр анхаарч шаардлагатай зохицуулалт хийж байгааг мэдээллээ.

Энэ жил улсын хэмжээнд 62.4 сая тоо толгой мал өвөлжих бол отрын 9 бүсэд 653 мянган мал өвөлжих тооцоо судалгааг ХХААХҮЯ-аас гаргажээ. 2025-2026 оны өвөл, хавар хүндрэх эрсдэлтэй учраас малчдыг малаа эдийн засгийн эргэлтэд оруулахыг анхааруулж байгаа бөгөөд урьдчилсан байдлаар 10 сая гаруй тоо толгой мал зах зээлд борлуулж дотоодын хэрэгцээг хангахаас гадна, экспортлох зохицуулалтыг хийж байгааг ХХААХҮ-ийн сайд мэдээллээ.

Ирэх өвөл олон жилийн дунджаас илүү хүйтэн, хур тунадас их орох төлөв ажиглагдаж байгаа учраас УОК-оос мэргэжлийн байгууллагуудтай хамтран ган зудын эрсдэлийн үнэлгээг гарган 6-р сараас эхлэн 2025-2026 оны өвөлжилт, хаваржилт хүндрэх эрсдэлтэй байгааг анхааруулж, 09 дүгээр сарын 15 гэхэд өвөлжилтийн бэлтгэл бэлэн байдлаа хангаж ажиллахыг аймаг орон нутгийн удирдлагуудад үүрэг болгосон.

Монгол Улсын Шадар сайд, УОК-ын дарга С.Амарсайхан өнөөдөр өмнө өгсөн үүрэг даалгаврын биелэлт, өвөлжилт хүндрэх эрсдэлтэй аймгуудын мэдээллийг сонсож цаашид бүс, орон нутагт авч хэрэгжүүлэх арга хэмжээний талаар дараах үүрэг чиглэлийг өглөө.

• УОК, ХХААХҮЯ, аймаг, сум, багийн гээд бүх мэдээллээ нэгтгэж, нэгдсэн зохион байгуулалттай ажиллах, малчид ард иргэдэд ган, зудын эрсдэлийн үнэлгээ, цаг агаарын мэдээллийг тогтмол өгч, өвөлдөө сайтар бэлдэхийг анхааруулах;

• Аймаг орон нутгууд, ОБЕГ, Хил Гаалийн байгууллага гэх мэт холбогдох бүх шатны байгууллагатай хамтран импортын өвс тэжээлийг хил гаалиар оруулж ирэх зохицуулалтыг хийх, малчид, иргэдэд хүндрэл чирэгдэл учруулахгүй байх;

• Өвөлжилтийн бэлтгэл ажлыг бүсчилсэн байдлаар зохион байгуулан, шаардлагатай нөөц, бололцоогоо сайтар тооцоолох;

• Өвс, тэжээлийн үнийн хөөргөдөл, зохиомол хомсдол үүсгэхээс сэргийлж, шаардлагатай зохион байгуулалтыг хийх;

• Цаг хүндрэх эрсдэлтэй бүс, аймаг, сумдын малыг эдийн засгийн эргэлтэд оруулах, дотоодын хэрэгцээг хангах, экспортыг нэмэгдүүлэхэд анхаарч, хувийн хэвшлүүдтэй хамтран ажиллах;

• Отор нүүдлийн малын тоог цахим бүртгэлийн системд оруулан хяналт тавих, малын гоц халдварт өвчин гарахаас урьдчилан сэргийлэх, отор нүүдэлтэй холбоотой ямар нэгэн маргаан гаргахгүй байх тал дээр анхаарч ажиллахыг даалгалаа.

Хичээлийн шинэ жил эхэлсэнтэй холбогдуулан иргэд та бүхэн өөрийн тэжээвэр нохойг нийтийн эзэмшлийн талбай, гудамжаар сул...
02/09/2025

Хичээлийн шинэ жил эхэлсэнтэй холбогдуулан иргэд та бүхэн өөрийн тэжээвэр нохойг нийтийн эзэмшлийн талбай, гудамжаар сул чөлөөтэй явуулахгүй байж бусдын аюулгүй байдлыг хангана уу!
Хэрэв таны тэжээвэр нохой бусдад хохирол учруулсан тохиолдолд "гэрийн тэжээвэр амьтны тухай хууль" "зөрчлийн тухай хууль"ийн дагуу арга хэмжээ авахыг анхаарна уу!

Өнөөдөр нутгийн хойд болон зүүн хэсгээр бороо, дуу цахилгаантай аадар бороо орох тул болзошгүй мөндөр, аянга цахилгаан, ...
02/09/2025

Өнөөдөр нутгийн хойд болон зүүн хэсгээр бороо, дуу цахилгаантай аадар бороо орох тул болзошгүй мөндөр, аянга цахилгаан, үер, усны аюулаас сэрэмжтэй байхыг анхааруулж байна‼️
Төв Онцгой Байдлын Газар

ГОВИЙН БҮСИЙГ ТОГТВОРТОЙ ХӨГЖҮҮЛЭХ ГУРВАН ТАЛТ ХАМТЫН АЖИЛЛАГАА ЭХЭЛЛЭЭ🔹Монгол Улсын Их Хурлын 2024 оны 64 дүгээр тогтоо...
27/08/2025

ГОВИЙН БҮСИЙГ ТОГТВОРТОЙ ХӨГЖҮҮЛЭХ ГУРВАН ТАЛТ ХАМТЫН АЖИЛЛАГАА ЭХЭЛЛЭЭ

🔹Монгол Улсын Их Хурлын 2024 оны 64 дүгээр тогтоолоор “Монгол Улсын бүсчилсэн хөгжлийн үзэл баримтлал”-ыг баталсан бөгөөд энэхүү бодлогын хүрээнд Хангай, Баруун, Хойд, Төв, Зүүн, Говь, Улаанбаатарын гэсэн 7 бүсээр хөгжүүлэх бодлого хэрэгжиж байна. Үүнээс Говийн бүсэд Говьсүмбэр, Дорноговь, Дундговь, Өмнөговь аймгууд багтаж, АЖ ҮЙЛДВЭР, НОГООН ЭРЧИМ ХҮЧНИЙ ТӨРӨЛЖСӨН БҮС болгон хөгжүүлэхээр тодорхойлсон.

🔹Энэ хүрээнд “Бүсчилсэн хөгжлийн үндэсний хүрээлэн”, “Оюу Толгой” ХХК, “Эрдэнэс Оюу Толгой” ХХК-тай гурван талт хамтын ажиллагааны санамж бичиг байгууллаа. Санамж бичгийн хүрээнд Говийн бүс болон орон нутгийн хөгжлийн төвүүдийг хөгжүүлэх ТЭЗҮ, хөгжлийн хөтөлбөр боловсруулах; Малчдын шинэ төрлийн хоршооны загварыг боловсруулж, туршилтаар хэрэгжүүлэх; Иргэд, оролцогч талуудад инновац, технологид суурилсан мэдээлэл, оролцооны системийг нэвтрүүлэх; Технологи, Big Data, хиймэл оюун ухаанд суурилсан удирдлага, шийдвэр гаргалтыг бэхжүүлэх; Аймгуудын мэргэжилтнүүдийг чадавхжуулах сургалт, мэдээллийн системийг бий болгох; Хууль, бодлогын уялдааг хангаж, бүсчилсэн хөгжлийн эрх зүйн орчныг сайжруулах юм. Санамж бичиг нь бүсийн томоохон аж ахуйн нэгжүүдийн ханган нийлүүлэлтийн сүлжээнд иргэд, хоршоологчдын оролцоог нэмэгдүүлж, ажлын байр бий болгох, малчдын орлогыг өсгөх, эдийн засгийн чадавхыг нэмэгдүүлэх зорилготой юм.

🔹Түүнчлэн Өмнийн говийн малчдын амьжиргааг сайжруулж, тэдний орлогыг нэмэгдүүлэх, малын гаралтай түүхий эдийн чанарыг сайжруулан нэмүү өртөг шингэсэн бүтээгдэхүүний үйлдвэрлэлийг дэмжихэд чиглэгдэж байна. Мөн бүс нутгийн хөгжлийн 20 жилийн төлөв байдлын судалгаанд тулгуурлан орон нутгийн нөөц, бололцоог бүрэн ашиглах, байгаль орчин, нийгэм эдийн засгийн хүчин зүйлсийг уялдуулсан хөгжлийн бодлого боловсруулах юм. Энэ нь бүс нутгийн уялдаа холбоог сайжруулж, эдийн засгийн тогтвортой өсөлтийг хангах чухал суурь болно. Үүнээс гадна, хууль эрх зүйн орчныг боловсронгуй болгож, шинэ хууль тогтоомжийг боловсруулах, олон нийтэд бодитой мэдээлэл хүргэх, оролцогч талуудын мэдээллийн урсгалыг сайжруулан ил тод байдлыг хангах замаар хөгжлийн үйл явцыг илүү үр дүнтэй болгоно. Төслийн үр дүн, орон нутгийн хөгжлийн түвшинг хэвлэл мэдээллээр үнэн зөв хүргэх нь иргэдийн ойлголтыг нэмэгдүүлж, оролцоог дэмжинэ. Эцэст нь, хөгжлийн явцыг нэгтгэсэн цахим платформыг нэвтрүүлснээр иргэд, оролцогч талууд мэдээлэлд суурилсан шийдвэр гаргах чадвартай болж, хууль эрх зүйн шинэчлэлд идэвхтэй оролцох боломжтой болох ба хиймэл оюун ухаан, Big Data зэрэг дэвшилтэт технологиудыг ашиглах замаар орон нутгийн хөгжлийн бодлого илүү үр дүнтэй хэрэгжих нөхцөл бүрдэх юм байна.

26/08/2025

Төв аймгийн Цагдаагийн газрын 7 хоногийн нөхцөл байдлын мэдээлэл

Address

Nomt
Dzuunmod
11000

Telephone

+97688109313

Website

Alerts

Be the first to know and let us send you an email when Төв Телевиз posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Төв Телевиз:

Shortcuts

Share

Category

ТӨВ ТЕЛЕВИЗ

Манай телевиз хамгийн сүүлийн үеийн дэвшилтэт тоног төхөөрөмжөөр таны реклам, сурталчилгаа, зар, мэдээ мэдээллийг бэлтгэн иргэдэд түргэн шуурхай хүргэн үйлчилж байна.

Төв аймгийн “Төв” ТВ нь анх 2017 оны 4 дүгээр сард байгуулагдсан. Нийт 6 хүний бүрэлдэхүүнтэй. ДиДиШ ТВ, Юнивишн ТВ, Аймгийнхаа КаТВ-ийн сувгуудаар аймгийн бүх сум, малчид нийт 20,000 өрхдөө өдөр бүр 16 цагийн хөтөлбөр бэлтгэн тогтмол хүргэж байна.

Манай ТВ нь өдөр тутмын мэдээ мэдээлэл бэлтгэхээс гадна 2018 онд “Гэр бүлийн цаг”, “Төлөөлөгчийн нэг өдөр”, “Хөдөөгийн хөгжлийн шийдэл”, Төв түмний өв соёл”, Монголоороо л үлдэх юмсан”, “Нэгэн жарны эзэд” зэрэг тогтмолжсон цуврал нэвтрүүлгүүд, “Төв аймгийн танилцуулга”, “Жаргалант 90 жил” “МДСХ 10 жил” баримтат кино, 4 клип зэрэг төсөл нэвтрүүлгийн ажлуудыг хийж гүйцэтгэлээ.

Эдгээрээс онцолбол: