Бямбадашийн Зоригтбаяр

Бямбадашийн Зоригтбаяр Орхон аймгийн Засаг дарга бөгөөд Эрдэнэт хотын захирагч

11/10/2025

Шинээр суурилуулж буй гэрэлтүүлэг нь хотын өнгө үзэмжийг сайжруулах, орон нутгийн онцлогийг шингээсэн хоёр төрлийн гэрэлтүүлэг юм.

Хөрөнгө оруулалт бүтээн байгуулалтын ажилд хүлээцтэй хандсан нийт Эрдэнэтчүүддээ баярлалаа.

ХОТЫН ГЭРЭЛТҮҮЛЭГ АСЛАА Энэ оны хөрөнгө оруулалтын нэг томоохон ажил нь авто зам болон явган замын гэрэлтүүлгийн шинэчлэ...
10/10/2025

ХОТЫН ГЭРЭЛТҮҮЛЭГ АСЛАА

Энэ оны хөрөнгө оруулалтын нэг томоохон ажил нь авто зам болон явган замын гэрэлтүүлгийн шинэчлэл байв.

Нийт 7 байршилд авто зам дагуух 275ш, явган зам дагуу 105ш нийтдээ 380 гэрэлтүүлгийг шинэчлэх ажлыг орон нутгийн төсвийн хөрөнгө оруулалтаар “Мөнх номгон” ХХК гүйцэтгэлээ.

Өмнөх жилүүдэд хэсэгчлэн болон урсгал засвар, шинэчлэл хийж байсан бол энэ жил 100 хувь шинэчилж буйгаараа онцлогтой.

Байршлаар нь авч үзвэл Сүмтэй уулзвараас Холбооны уулзвар, Барилгачингийн уулзвараас Холбооны уулзвар хүртэл, Зуун айлаас Хойд дугуй, 5-1р байрнаас Орос элчин, Жастын уулзвараас Булган гарах зам дагуу, Орхон молл худалдааны төвөөс Орос элчин хүртэл гэрэлтүүлгийг шинээр суурилууллаа.

Хотын гэрэлтүүлэг шинэчлэлийн үр дүнд орчны аюулгүй байдал, ялангуяа оройн болон шөнийн цагийн хөдөлгөөнд эерэг нөлөө үзүүлнэ гэж үзэж байна.

Мөн шинээр суурилуулсан гэрэлтүүлэг нь хотын өнгө үзэмжийг сайжруулах, орон нутгийн онцлогийг шингээсэн хоёр төрлийн гэрэлтүүлэг юм.

Хөрөнгө оруулалт бүтээн байгуулалтын ажилд хүлээцтэй хандсан нийт Эрдэнэтчүүддээ баярлалаа.

Монгол Улсад хүүхдийн байгууллага, хөдөлгөөн үүссэн түүхт 100 жилийн ой энэ жил тохиож буй. Орхон аймгийн Хүүхэд, гэр бү...
10/10/2025

Монгол Улсад хүүхдийн байгууллага, хөдөлгөөн үүссэн түүхт 100 жилийн ой энэ жил тохиож буй. Орхон аймгийн Хүүхэд, гэр бүлийн, хөгжил хамгааллын газар эдгээр өдрүүдэд түүхт ойн баяраа тэмдэглэж байна.

Өнөөдөр баярын хүндэтгэлийн хурлаа хийж, хүүхдийн байгууллагын үе үеийн төлөөлөл нэгэн дор чууллаа.

Эрдэнэт хотын Хүүхдийн байгууллагын түүх 1974 оноос эхтэй. Тухайн оны есдүгээр сарын 1-нд анхны 8 жилийн сургууль байгуулагдаж, 248 пионерын гишүүнтэй бүлгийн зөвлөл үйл ажиллагаагаа явуулж эхэлсэн гэдэг.

Хүүхдийн төлөөх үйлсэд төр, иргэний нийгэм, олон улсын түншүүд, эцэг эх, иргэд, олон нийт хамтдаа нэгдэн оролцож чадвал, Монголын ирээдүй улам гэрэлтэнэ.

Цаашид бид "Бүх хайраа гэр бүлдээ" төсөл, дөрвөн улирал ажиллах Янзага зуслан, Гэр бүлийн хөгжлийн төвъ, Хүүхэд хамгааллын түр хамгаалах байр зэрэг томоохон бүтээн байгуулалт, төсөл хөтөлбөрийг хэрэгжүүлэхээр зорьж байна.

Хүүхдийн хөгжил хамгааллын төлөө хоёргүй сэтгэлээр ажиллаж ирсэн үе үеийн ахмадууд, багш, сурган хүмүүжүүлэгчид Та бүхэнд түүхт ойн баярын мэнд хүргэе.

10/10/2025

Урлагийн төрөлжсөн сургалттай “Уран эгшиг” сургуулийн үйл ажиллагаатай танилцаж, багш ажилчидтай уулзан санал солилцлоо.

2021 онд 90 сурагч, 8 багш, 3 ажилтантайгаар үйл ажиллагаагаа эхлүүлж байсан урлагийн төрөлжсөн сургалттай “Уран эгшиг” сургуульд үе үеийн аймгийн Засаг дарга нар онцгой анхаарч ирсэн билээ. Тэдгээрийн үр дүнд 5 дахь жилдээ 460 сурагч 62 багш, ажилтантай болж үйл ажиллагаа нь өргөжжээ.

Өдгөө 1-12 ангийн 390 гаруй сурагч урлагийн 14 төрлөөр хөгжмийн боловсрол эзэмшиж байна.
Энэ оронд орон нутгийн төсвийн хөрөнгө оруулалтаар сургуулийн дээврийг засварласан. Дотор дулааны шугамын шинэчлэлийн ажил ирэх 7 хоногт дуусна.

Мөн сургуулийн гадна ханын дулаалгын ажил ирэх долоо хоногт эхэлнэ. Сургуулийн цаашдын зорилго, зорилт хэрэгцээ шаардлагад нийцүүлэн дахин өргөтгөлийн барилга шаардлагатай байгаа талаар удирдлагууд хэлж байна.

Өргөтгөлийн зураг, ажлын даалгавар боловсруулахыг мэргэжлийн байгууллагуудад даалгаж, 2027 онд улс, орон нутгийн төсөвт тусгана.

Засаг даргын зөвлөлийн хурлаар орон нутгийн 2026 оны төсвийн хөрөнгө оруулалтаар хийх зарим төсөл арга хэмжээний саналыг...
09/10/2025

Засаг даргын зөвлөлийн хурлаар орон нутгийн 2026 оны төсвийн хөрөнгө оруулалтаар хийх зарим төсөл арга хэмжээний саналыг урьдчилан хэлэлцүүлж санал солилцлоо.

Ирэх онд орон нутгийн төсвийн хөрөнгө оруулалтаар хийгдэх ажлууд төсвийн бүрдэл буюу зураг төсөвтэй, техникийн тодорхойлолт иж бүрдэл хангасан байхаас гадна төсвийг үр дүнтэй зарцуулахад анхаарах шаардлагатайг мэргэжлийн байгууллагуудад анхааруулсаар байгаа.

Өнөөдрийн байдлаар зураг төсвийн шаардлага, техникийн тодорхойлолт иж бүрдэл хангасан 55 төсөл арга хэмжээ байна.

Мөн зайлшгүй тусгах шаардлагатай 59 төсөл арга хэмжээ зураг төсвийн шатандаа явж байгаа юм.

Ирэх онд Эрдэнэт хотын 50 жилийн ой тохиож буй бөгөөд бид томоохон хөрөнгө оруулалт, бүтээн байгуулалтын ажлуудыг хийхээр төлөвлөж байна.

Тухайлбал: ЕБС-ийн сурагчдын автобусанд парк шинэчлэлт хийх, 12 байршилд хотын доторх босоо, хэвтээ авто замуудад асфальтан хучилт хийж шинэчлэх, Эрдэнэт Арена буюу спорт цогцолбор барих, хүчдэлийн уналтыг сайжруулах хүрээнд “Булагт” дэд станц байгуулах, цахилгаан дамжуулах агаарын шугам босгох зэрэг нийгэм, дэд бүтцийн салбарт үр дүнтэй ажлууд хийгдэнэ.

06/10/2025

Монгол Улсад Хүүхдийн байгууллага, хөдөлгөөн үүсэж хөгжсөний түүхт 100 жилийн ойн баярын мэнд хүргэе.

Эмэгтэйчүүдийн хөгжлийн бодлого, шинэчлэлийн асуудлыг хэлэлцэх "Нийгмийн хөгжилд эмэгтэйчүүдийн дуу хоолой" сэдэвт хэлэл...
04/10/2025

Эмэгтэйчүүдийн хөгжлийн бодлого, шинэчлэлийн асуудлыг хэлэлцэх "Нийгмийн хөгжилд эмэгтэйчүүдийн дуу хоолой" сэдэвт хэлэлцүүлгийг УИХ-ын гишүүн Д.Үүрийнтуяагийн санаачилгаар зохион байгуулж байна.

Нийгмийн анхан шатны нэгж гэр бүлийн үнэт зүйлсийг хамгаалан, бэхжүүлэх зорилготой "Бүх хайраа гэр бүлдээ" төсөл хэрэгжиж буй энэ цаг мөчид салбар бүрийн төлөөлөл эмэгтэйчүүдийн дуу хоолойг сонсож буйд талархаж байна.

Манай аймгийн нийт хүн амын 50 гаруй хувийг эмэгтэйчүүд эзэлдэг. Орон нутагт эмэгтэйчүүдийн чиглэлээр үйл ажиллагаа явуулдаг иргэний нийгмийн байгууллагууд төр, иргэний гүүр болж, эмэгтэйчүүдийн өмнө тулгамддаг асуудлыг тодорхойлон , шийдвэр гаргах түвшинд дуу хоолойгоо хүргэж байна.

Тэр ч утгаараа орон нутгийн хөгжил, дэвшилд эмэгтэйчүүдийн оролцоо манлайллыг нэмэгдүүлж буйг онцлон хэлье.
Цаашид орон нутгийн хөгжил, нийгмийн тэнцвэрт өсөлтөд эмэгтэйчүүд Та бүхний дуу хоолой, манлайлал, оролцоо, үнэтэй хувь нэмэр оруулсаар байх болно.

Хэлэлцүүлгийн үйл ажиллагаанд амжилт хүсье.

Сайн багшийн гар дээр эх орны маргаашийн нар манддагЭрхэм хүндэт багш, сурган хүмүүжүүлэгчид, үе үеийн ахмад багш нар, б...
03/10/2025

Сайн багшийн гар дээр эх орны маргаашийн нар манддаг

Эрхэм хүндэт багш, сурган хүмүүжүүлэгчид, үе үеийн ахмад багш нар, боловсролын салбарын нийт ажилтан албан хаагчид Та бүхэндээ Монголын багш нарын 59 дэх өдрийн баярын мэндийг өргөн дэвшүүлье.

Багш сурган хүмүүжүүлэгчид Та бүхний эрдэм номыг түгээж, эх орныхоо хойч ирээдүйг бэлтгэх гэгээн үйлсэд их амжилтыг хүсэн ерөөе.

Орхон аймгаас төрөн гарсан гавьяат багш нарынхаа хамтаар Дэлхийн багш нарын 31, Монголын багш нарын 59 дэх өдрөөр Засгийн газрын шагналаар шагнуулсан багш нартаа шагналыг нь гардууллаа.

2025 он аймгийн Боловсролын салбарын хувьд тулгамдсан олон асуудлаа шийдвэрлэх гарц гаргалгаагаа тодорхойлсон онцлогтой жил болж байна.

Аймгийн хэмжээнд 40-49 жилийн насжилттай сургууль, цэцэрлэгийн 16 барилга, 30 гаруй жилийн насжилттай 14 барилга, 25-аас дээш жилийн насжилттай 14 барилга байна.

2025 онд дээрх сургууль, цэцэрлэгийн засвар, шинэчлэлд орон нутгийн төсвийн 20.9 тэрбум төгрөгийг зарцуулж ажиллах, сурах орчин нөхцөлийг сайжруулаад байна.

Эх орны ирээдүй болсон хүүхэд, багачуудын сурч хөгжих орчныг сайжруулахаар орон нутгийн зүгээс хийж буй хөрөнгө оруулалтын ажлыг ойлгож, дэмжин, хамтарч ажиллаж буй нийт багш, сурган хүмүүжүүлэгчид, эцэг эх, асран хамгаалагчид Та бүхэндээ талархал илэрхийлье.

03/10/2025



Гемодиализ буюу бөөр орлуулах эмчилгээний чанар хүртээмжийг нэмэгдүүлэх, сайжруулах асуудлаар БОЭТ-д ажиллаж нөхцөл байдалтай танилцсан. Холбогдох албаныханд өнөөгийн нөхцөл байдал, асуудлыг хэрхэн шийдэх талаар төлөвлөгөө танилцуулах үүрэг өгсний дагуу БОЭТ, Эрүүл мэндийн газраас хоёр санал боловсруулж Засаг даргын зөвлөлийн хурлаар хэлэлцүүлсэн.

Ирээдүйгээ харсан оновчтой шийдэл нь төр, хувийн хэвшлийн түншлэлээр эмчилгээ, үйлчилгээг үзүүлэх гэж харж байна.
Тиймээс БОЭТ-д Гемодиализийн нэгж байгуулна. Өрөө тасалгааг бэлдэх ажлын зураг төсвийг ойрын хугацаанд боловсруулж танилцуулахыг Хотын захирагчийн алба, Барилга захиалагчийн албанд үүрэг болголоо.

03/10/2025

Монголын багш нарын 59 дэх өдрийг тохиолдуулан "А" үсэг заасан багшаа зорин очиж мэнд хүргэлээ. Төрөлх сургуулиараа очлоо.
Алт мөнгийг уул мэт овоолсон ч
"А" үсэг заасантай тэнцэхгүй гэдэг! багшийн гавьяа алдар хэзээд мөнх оршдог билээ.

Орхон аймаг Эрдэнэт хотын нийт багш сурган хүмүүжүүлэгч Та бүхэндээ баярын мэнд хүргэе. Та бүхний эрдэм номыг түгээж, эх орныхоо хойч ирээдүйг бэлтгэх гэгээн үйлсэд их амжилтыг хүсэн ерөөе.

“Эрдэнэт үйлдвэр” ТӨҮГ, ШУТИС-ийн харьяа, Шагдарын Отгонбилэгийн нэрэмжит “Эрдэнэт” цогцолбор дээд сургууль байгуулагдса...
02/10/2025

“Эрдэнэт үйлдвэр” ТӨҮГ, ШУТИС-ийн харьяа, Шагдарын Отгонбилэгийн нэрэмжит “Эрдэнэт” цогцолбор дээд сургууль байгуулагдсаны түүхт 50 жилийн ой тохиож байна.

Хагас зуун жилийн өмнө 7 багш, ажилтан, 41 сурагчтайгаар үйл ажиллагаагаа эхлүүлж байсан “Эрдэнэт” цогцолбор дээд сургууль өнөөдөр уул, уурхайн инженер техникийн боловсон хүчнүүдийг тасралтгүй бэлтгэж буй Орхон аймаг болон бүс нутгийн шилдэг сургуулиудын нэг болон өргөжжээ.

Засгийн газрын тогтоолын дагуу Орхон аймагт “Сургалт эрдэм шинжилгээ үйлдвэрлэлийн цогцолбор” байгуулж, хөгжүүлэх үйл ажиллагаанд бодлогын түвшинд бүхий л талын дэмжлэг үзүүлж хамтарч ажиллах болно.

Үе үеийн эрдэмтэн багш, ажилчид, төгсөгч нартаа түүхт ойн баярын мэндийг өргөн дэвшүүлье.

Дэлхийн багш нарын 31, Монголын багш нарын 59 дэх өдрийг тохиолдуулан Орхон аймаг, Эрдэнэт хотод ажиллаж, амьдархаар шил...
02/10/2025

Дэлхийн багш нарын 31, Монголын багш нарын 59 дэх өдрийг тохиолдуулан Орхон аймаг, Эрдэнэт хотод ажиллаж, амьдархаар шилжин ирж суурьшсан багш нартаа уламжлал ёсоор хүндэтгэл үзүүллээ.

✅2024-2025 онд манай аймагт Улаанбаатар, Архангай, Хөвсгөл, Завхан зэрэг аймгуудаас 50 багш шилжин ирснээс 15 нь шинэ төгсөгч байна.

✅Монгол Улсын урт хугацааны хөгжлийн бодлого “Алсын хараа -2050”, “Шинэ сэргэлтийн бодлого”, Хот хөдөөгийн сэргэлтийг эрчимжүүлэх, хэрэгжилтийг орон нутагтаа хангах зорилгоор 2023 оноос “Хамтдаа Эрдэнэтэд хөгжье” хөтөлбөрийг хэрэгжүүлж байгаа билээ.

✅Хөтөлбөрийн хүрээнд олон талт арга хэмжээг хэрэгжүүлсний үр дүнд сүүлийн 3 жилд Орхон аймагт 350 гаруй багш шилжин ирсэн нь аймгийн хэмжээнд дутагдалтай байсан багшлах боловсон хүчний асуудлыг шийдвэрлэхэд томоохон түлхэц болж байна.

✅Багш нарынхаа хөгжилд анхаарсан төсөл хөтөлбөр хэрэгжүүлдгээрээ, боловсролын салбарт хийж буй хөрөнгө оруулалтын хэмжээгээрээ Орхон аймаг ямагт түүчээлдэг билээ.

✅Тухайлбал, 2025 онд сургууль, цэцэрлэгийн засвар, шинэчлэлд орон нутгийн төсвийн 20,9 тэрбум төгрөгийг зарцуулж ажиллах, суралцах орчин нөхцөлийг нь сайжруулаад байна.

Орхон аймаг, Эрдэнэт хотын боловсролын салбарын хөгжилд үнэтэй хувь нэмрээ оруулахаар ирсэн багш нартаа аймгийн төр захиргааны байгууллагын нэрийн өмнөөс талархал илэрхийлье.

Address

Orkhon Province Governor's Office, Khurenbulag , Amar Squаre
Erdenet
61027

Website

Alerts

Be the first to know and let us send you an email when Бямбадашийн Зоригтбаяр posts news and promotions. Your email address will not be used for any other purpose, and you can unsubscribe at any time.

Shortcuts

Share

Category