03/09/2026
✅Түрээслээд өмчлөх орон сууцны 1 м² талбайн үнэ 2,890,000 төгрөг байна.
№ Өрөө Талбай
1. 2 өрөө 43.07 м²
2. 2 өрөө 46.02 м²
3. 2 өрөө 51.34 м²
4. 2 өрөө 54.41 м²
5. 3 өрөө 64.6 м²
Хүсэлт гаргагч нь сонгосон орон сууцны нийт үнийн 25 хувийн урьдчилгаа төлбөрийг төлөх боломжтой байх бөгөөд уг төлбөрийн эх үүсвэрээ холбогдох баримт бичгээр нотолно.
Үүнд:
-Цалингийн тодорхойлолт;
-Нийгмийн даатгалын шимтгэл төлөлтийн лавлагаа;
-Тэтгэвэр, тэтгэмжийн лавлагаа;
-Хувиараа хөдөлмөр эрхэлдэг бол татварын тайлан, лавлагаа;
-Орлого хүлээн авдаг банкны дансны хуулга;
-Гэрээт ажил, үйлчилгээ болон түрээсийн орлогыг нотлох гэрээ, төлбөрийн баримт;
-Тогтмол орлого олж байгааг нотлох бусад баримт бичиг.
Урьдчилгаа төлбөрийн эх үүсвэрийг хадгаламжийн болон харилцах дансны хуулга, хуримтлал болон хууль ёсны бусад орлогыг нотлох баримтаар баталгаажуулж болно.
Төлбөр төлөх нөхцөл
Орон сууцны нийт үнийн 25 хувийг урьдчилгаа төлбөрт төлж, үлдэгдэл төлбөрийг дараах нөхцөлөөр төлнө:
-Эхний 5 жилийн хугацаанд батлагдсан төлбөрийн хуваарийн дагуу түрээсийн төлбөрийг сар бүр тогтмол төлөх;
-Сүүлийн 5 жилийн хугацаанд үлдэгдэл төлбөрийг хуваарийн дагуу төлөх бөгөөд хугацаанаас өмнө хэсэгчлэн эсхүл бүрэн төлж барагдуулах эрхтэй.
Хүсэлт гаргагч нь түрээсийн төлбөрийг тогтоосон хуваарийн дагуу тогтмол төлөх өрхийн орлого, төлбөрийн чадвараа холбогдох баримт бичгээр нотолно.
Хүсэлт хүлээн авах, шийдвэрлэх
Сумдын иргэд түрээслээд өмчлөх орон сууцанд хамрагдах хүсэлт, холбогдох баримт бичгээ харьяа сумын Засаг даргын захирамжаар байгуулагдсан ажлын хэсэгт гаргана.
Сумын Засаг даргын захирамжаар байгуулагдсан ажлын хэсэг журмын дагуу сонгон шалгаруулалтыг зохион байгуулж, шийдвэрлэнэ.
Сайншанд сумын иргэдийн материалыг Сайншанд сумын Засаг даргын Тамгын газрын 116 тоот өрөөнд хүлээн авна.
Материал хүлээн авах хугацаа:
Хүсэлт, холбогдох материалыг бүх суманд 2026 оны 8 дугаар сарын 31-ний өдрийн 08:00 цагаас 9 дүгээр сарын 14-ний өдрийн 17:00 цаг хүртэл хүлээн авна.
Анхаарах: Тогтоосон хугацаанаас хойш ирүүлсэн хүсэлт, материалыг хүлээн авахгүй.
