https://www.facebook.com/117008914598226/

Sainaa Ider, Saynshand (2026)

05/09/2023

"Талархал бол орчин цагт мартагдсан урлаг юм" гэж нэгэн бизнесманы хэлсэн үгийг уншаад нээрээ л тийм дээ гэж тунгааж бодсон. Талархдаг хүн аз жаргалтай, сэтгэл дүүрэн байдаг. Талархаад л бодвол талархах зүйлс мундахгүй их. Би талархах дуртай. Өнөөдрийн цаг агаар ч талархмаар сайхан байлаа, хөх тэнгэр хөрст дэлхийдээ талархая. Байгаа бүхэндээ талархацгаая 🙏😇

Жич: Энэ удаад зургийг минь биш зурагчинг маань магтаарай 😜😊

11/04/2023

АТААРХАЛ гэдэг өвчний талаар..

Өчигдөр нэг хуурай дүү маань хол явах гэж байгаа тул хэдэн найзуудаараа өдрийн хоол идэнгээ ойрд уулзаагүй жаал хөөрөлдөв. Би ер нь нас насны ангиллын найзуудтай хүн, үе мултарсан дүү найз ч байна, үе тэнгийн найзууд ч байна, мөн надаас эгчмэд хэд хэдэн сайхан найз эгч нар ч байдаг. Бүгдэнгийнх нь үзэл бодол ялгаатай ч нэг юмаараа нэгддэг нь: бид нар чин сэтгэлээсээ бие биенээ дэмждэг, гоё сайхан, амжилттай байвал бахархаж ярьдаг, бусдын амжилтанд алгаа ташиж чаддаг хүмүүс юм байна. 👏👏👏

Ингээд нэг мэдэхэд атаархал гэсэн сэдвээр бид баахан ярьваа. Найзуудын дунд хүртэл атаархал явагддаг байх нь. Атаархсан хүн гаднаа хэлдэггүй ч үйлдлээрээ, харцаараа, биеийн хэлэмжээрээ харагддаг, нэг ёсондоо тухайн хүнээс үнэртддэг гэж бүгдээрээ дуу нэгтэйгээр зөвшөөрлөө.

Атаархал гэдэг бол маш харьцангуй зүйл гэж би боддог. Чамаас үргэлж хэзээд илүү ухаантай, илүү залуухан, илүү халуухан, илүү хөөрхөн, илүү мэдлэг туршлагатай, илүү баян, илүү амжилттай нэгэн байсаар байх болно. Тэгээд яах вэ? Үргэлж атаархсаар байх уу? Энэ үнэхээр утгагүй зүйл, үүнийг л ойлгочих юм бол тэр хэрэггүй энергийг харин өөртөө хэрэгтэйгээр эргүүлэх боломжтой гэж бодож байна. 👇

Би илүү амжилттай яваа нэгнийг харахдаа энэ хүн юу хийсэн юм бол? Яаж өдий зэрэгт хүрсэн юм болоо гэж боддог, тэгээд тухайн хүний хийж байгаа зүйлс, юманд хандаж буй хандлага, амьдралын хэв маяг, дадал зуршлыг сонирхож эхэлдэг, улмаар суралцдаг. Энэ нь надад ашигтай шүү дээ яаж ч бодсон кк.

Нэг ийм хөгжилтэй пост уншиж байсан юм байна; БУСДЫН САЙН САЙХАН ЯВААГ ХАРААД САЙН ДУРААРАА ЗОВООД БАЙГААГ АТААРХАЛ гэнээ гэж. Бид нар энергийн хуулинд захирагдаж амьдардаг гэдэгт би итгэдэг, хүн юу тарина тэрийгээ л хураана гэдэг шиг, та өөрөөсөө юу гаргана буцаад түүнийгээ л авдаг.. 😉

Follow my instagram: 👉
https://instagram.com/sainaa_ider?igshid=YmMyMTA2M2Y=

10/04/2023

Би сургуулиа төгсөж ирээд ажлын гараагаа анх хүний нөөцийн ажилтнаар эхэлж байлаа. Мэргэжлээрээ 7 жил ажилласан, мэргэжилдээ дуртай хүмүүсийн нэг. Монгол улсын хүний нөөцийн салбарт багтаж өчүүхэн ч гэсэн хувь нэмрээ оруулж бас зөндөө зүйлсийг суралцаж явсандаа талархдаг 🙏

Нэг удаа эгчийнхээ урилгаар нэгэн мундаг хүний хувь хүний хөгжлийн лекцэнд суугаад анх удаа өөрөөсөө эдгээр асуултуудыг асууж билээ: Миний хүсэл мөрөөдөл яг юу билээ? Би яг юуны төлөө ажиллаад байгаа вэ? Миний амьдралын үнэт зүйлс юу вэ гээд өөрөөсөө асуугаад хариултаа олж чадаагүй юм, учир нь өөрөө яг юу хүсээд байгаагаа, юуг бүтээж бусдад ямар үнэ цэнэ өгөх вэ гэдгээ ойлгоогүй байсан юм. Ингээд асуултынхаа хариултыг олох гэж явсан, ямарч байсан удаан бодсоны эцэст ажлаасаа гарах шийдвэрээ маш их зориг гарган шийдээд Шууд худалдааны салбарлуу хөл тавьсан юм. Баян аав, ядуу аав номыг уншиж байсан болохоор тэнд нэг хонгилын үзүүрт гэрэл асаад, миний хайж байсан зүйл тэнд л байгаа гэдгийг битүүхэндээ мэдрээд байсан юм.

Монголчуудын хэлдэгээр өнөө муу сүлжээний бизнес хэхэ. Би шууд худалдааны салбарыг хүмүүст таниулдаг, нүднээ илхэн байдаг хэрнээ хүмүүс олж хардаггүй гайхалтай боломжуудын талаар хуваалцдаг. Хүмүүс энгийн юманд итгэдэггүй. Гэтэл боломж үргэлж маш энгийн, хайж яваа хүнд олддог шүү дээ.
Гэхдээ дэлхий ертөнц одоо өөрчлөгдөж байгаад би баярлаж байгаа, ялангуяа ковидоос хойш хүмүүсийн ажлын хандлага хэрэгцээ өөрчлөгдсөн, цагт баригдахгүй, өөрийн хүслээр ажиллаж нэмэлт орлого олохыг эрмэлздэг болсон, залуучуудын сэтгэлгээ шал ондоо болсон. Энд зөвхөн бизнес яригддаггүй, хувь хүний хөгжил, хүний эрүүл мэнд, амьдралын үнэт зүйлс гээд амьдралдаа хайж явсан гайхалтай зүйлсээ би олсон юм...

Би Амвэй компанид ажилладаггүй, харин түншилж бие даасан бизнес эрхлэгч гэсэн статустай байдаг. Хэдхээн хоногийн өмнө баг хамт олноороо компанийнхаа урилгаар Амвэйн төв азийн зах зээлийн лидерүүдийн уулзалт семинартаа явангаа сайхан амраад аялаад ирлээ. Нөхөр бид 2-ын энэ 4 дэх удаагийн Амвэйн ээлжит аялал байлаа. 🤩

Илүү олон мянган хүмүүст боломжийг хуваалцахдаа сэтгэл догдолж байна, бүх зүйлд талархаж байна 🙏🙏 🤗🤗

lifestyle

Follow my instagram: 👉
https://instagram.com/sainaa_ider?igshid=YmMyMTA2M2Y=

05/04/2023

Амьдралдаа тасралтгүй 60 хоног дасгал хийж, гурил сахараа хориод хагас мацаг барьж үзсэн. Өөрийгөө огт өлсөхгүй 36 цаг болж чадсаныг бодохоор үнэхээр гайхалтай, өөрөөрөө их бахархсан шүү 😂
Мацгийг орчин үед эмч, эрүүл мэндийн мэргэжилтэнгүүд их санал болгодог болжээ. Биед орсон чөлөөт радикалуудыг хүний бие өөрөө устгаж идэн эрүүлжүүлж, ужиг өвчнөөсөө салж, шинэ эсүүдийг үйлдвэрлэж тэр байтугай хүн бүр залуужих боломжтой. Мөн өөх шатаах хамгийн сайн процесс, жин хаяна гэх мэт маш их давуу талтай. 🤩

Ямар ч зовлонтой юм дээ гэж зарим нь бодож магад кк. Энэ махан биеийг багахаан зовоож байж эрүүл гоё болдог байгаа жүү, аз жаргалтайгаар турдаг бол энэ дэлхийн бүх хүн гоё сайхан биетэй эрүүл байх байсан биз. Гэхдээ миний хувьд энэ огт зовлон байгаагүй, харин эсрэгээрээ өдөр өдрөөр миний бие илүү хүчирхэг, илүү эрч хүчтэй, илүү бүтээмжтэй, илүү фокустай болж байгаагаа мэдрээд маш сэтгэл хангалуун байсан, энэ биендээ талархсан, бидний бие махбодь үнэхээр ухаалаг гайхалтай санагдсан. Даанч хүмүүс өөрийн биедээ үнэхээр гамгүй хандах юм даа.. 🥹

Дасгал хийхгүй нэг хоног өнжих төдийд миний бие одоо хөшиж нозоордог болчиж. Дасгалаа хийсний дараах мэдрэмж үнэхээр саак, бие хөнгөрөөд, эрч хүчээр дүүрэн болдог. Цэгцтэй иддэг болсондоо бас маш их талархаж байгаа 🙏
Шинэ амьдралдаа улам бүр дурласаар л...

"БИ УГИЙН ИЙМ гэж байдаггүй шүү" Танд амжилт хүсье 👍

Тайланд улс, Паттаяа хот 2023.04.05

29/03/2023

Зориг гаргаж нийтэд ийм зургаа постолж байгааг минь зөвөөр хүлээж аваарай 🤗 Зарим хүмүүст урам зориг өгөх байх гэж итгэж байна.
Хүүхэд гаргаад бусдын л адил би нилээдгүй жин нэмж өөртөө таалагдахгүй, стресстэй, өөрөө өөртөө итгэл багасаад бас их ядрангуй нэг л тийм эрч хүчгүй ууртай хүн байлаа.
Тэгээд өөртөө өөрчлөлт хийхээр шийдсэн. 55 хоногийн хугацаанд -9кг хаяж галбиржсан.
Хүн ер нь элдэв тураах бэлдмэл хэрэглэж, хоолоо огцом сойж, яаж бол яаж л жин хаяж болдог, гэхдээ ихэнх буруу турсан хүмүүсийн эргээд 90% нь буцаад хурдан жин нэмдэг гэдэг судалгааг уншиж байсан.

Миний хувьд амьдралд ч бай, бизнест ч бай, найз нөхдийн харилцаанд ч бай ер нь бүх зүйл дээр ^урт хугацаанд, чанартай^ байх гэсэн үзүүлэлтийг баримталдаг. Тийм болохоор "эрч хүч, шим тэжээлийн дутагдалд орохгүйгээр эрүүл зөв аргаар турж галбиржина", хамгийн гол нь буцаад хурдан нэмэхгүй байх тийм л аргыг би сонгосон юм.

55 хоногийн дараа эргээд харахад -9 кг бол зөвхөн бонусанд нь ирсэн, түүнээс илүү миний биеийн эрүүл мэндийн үзүүлэлтүүд сайжирч, эрч хүчтэй, зөв дадалтай, стрессгүй, бүтээмжтэй байх гэх мэт тоочоод байвал маш их үнэ цэнэтэй, эерэг өөрчлөлтүүдийг би олж авсан бөгөөд бүр миний үс, арьс хүртэл гэрэлтээд гялалзаад үнэхээр хаппи байгаа 😊

За тэгээд тууштай байгаарай, яг өөрийгөө өөрчлөхөөр шийдсэн бүсгүйчүүд байвал пм хандаарай, туршлагаа хуваалцахад нээлттэй шүү 🤗

20/03/2023

Япончууд гэдэстэй буюу илүүдэл жинтэй хүнийг ямар нэгэн өвчний суурьтай болж байна гэж үздэг. Хүн бүрийн биеийн даац гэж байна, таргалалттай болоод ирэхээр нуруу өвдөх, өвдөгөөр өвдөх, за тэгээд чихрийн шижин, зүрх судасны өвчин гэх мэт ар араасаа л удахгүй аюулын харанга дэлдэнэ.

Жин хаяахад үнэгүй бөгөөд үйлчилгээ сайтай хамгийн энгийн арга гэвэл: Та гурил, сахар, муу өөх тос буюу ургамлын тос (манайхан 9-н тос гэж нэрлэдэг)- оо 14 хоног хасаад орой 18 цагаас хойш аль болох битгий юм идээрэй, нэмэх зүйл нь гэвэл усаа сайн уугаарай. Ингэхэд л маш энгийнээр та 3кг ба түүнээс дээш хасаж чадна. Бие хөнгөрөөд ирнэ, өглөө асуудалгүй босно, сайн унтана гэх мэт зөндөө гоё эерэг үр дүнгүүдийг мэдэрнэ. Чадахаар бол цаашдаа энийгээ үргэлжлүүлээрэй. 🤗

Мөн орой аль болох тогтсон цагт эрт унтаж шөнийн нойроо сайн авах нь турахад маш тустай байдаг гэсэн судалгаа бий.
Мөн жин хаяахаар шийдсэн бол чанартай сайн бүтээгдэхүүнүүдийг судалж нэмэлтээр хэрэглээрэй. Заавал турахдаа биш, хүн өдөр тутам биедээ хэрэгтэй зөв шим тэжээлээ авч чадвал эрүүл бас хэвийн жинтэй байх боломжтой шүү 👍

17/03/2023

Дасгал хийдэггүй байсан Сайнгэрэл гэнэт цоороод гэдэг шиг, өдөр бүр дасгал хийдэг жимрүү явдаг хүн боллоо. Тасралтгүй 45 хоног хийсэн байна. Амьдралынхаа нэг хэсэг буюу дадал болгох гээд хичээж л явнаа. Тэгсэн эргэн тойрноос маань ийм асуулт их ирж байна:
ХЭРХЭН ДАСГАЛ ХИЙЖ СУРАХ ВЭ?

Эхлээд мэдээж амаргүй байсан, дургүйд хүчгүй гэгчээр аль болох хийхгүй байх санаатай, тойрж гүйгээд би завгүй шдээ өнөөдөр зөндөө ажилтай байна гээд өөртөө их шалтаг тоочсоон. Өөрийгөө хуурч байгаагаа битүүхэндээ мэдрээд дотроо гэмшээд л.. Тэгээд нэгэн нартай өглөө хэдэн жилийн өмнө уншиж байсан номоо гэнэт санав. Шинэ дадлыг суулгахын тулд хуучин дадалтайгаа хамт хийдэг аргын тухай.
Би витаминыг яг ингэж ууж дадал болгосон юм. Хоолоо идсэний дараа витаминаа уудаг. Хоол идэх нь бидний хувьд амьдралынхаа туршид хийсэн дадал шүү дээ. Ингээд хамтад нь зэрэгцүүлээд хийгээд байхаар нэг мэдэхэд дадал болсон юм.

Өглөө босоод хүн хамгийн түрүүнд нойл ороод өөрийн мэдэлгүй л нүүр амаа угаадаг биз дээ? Тиймээс шүдээ угаахаас өмнө босоод жаахан балга ус уучаад шууд дасгалаа хийдэг болсон юм. Эхлээд шууд орноосоо боссон хүн чинь жаахан нойрмог байх нь тодорхой, тэгээд дасгалаа шууд хийгээд эхлэхээр нойр сэргээд ирнэ, аажмаар бие халаад идэвхтэй хийж эхэлдэг, ингээд нэг мэдэхэд хийгээд дууссан байдаг. Ингэж л өдөр өдрөөр ахиулсан даа. Одоо яг 100% болоогүй ч дасгал биеэнд нэхэгддэг болсон, хиймээр санагддаг болсон шүү. Аливааг амьдралын хэв маяг болгоход 21/90-н дүрмээр 21 хоног хийвэл дадал болдог, 90 хоног хийвэл амьдралын хэв маяг болдог гэдэг.

За тэгээд дасгал яагаад хийх хэрэгтэй вэ? Хийвэл ямар ач тустай вэ? гээд бүгдээрээ л надаар хэлүүлэлтгүй мэдэж байгаа бизээ.

Та бүхэндээ амжилт хүсье 👍 U can do it 💪

Жич: энэ 2 зурагны эхнийх нь би 62кг байсан, дараагийнх нь 56 кг болсон. Одоо 55кг болсон байгаа жүү 🤗

13/03/2023

Би хувьдаа гэр бүлийн хүмүүжлийг нэгт тавьдаг ээж бөгөөд аль болох гэр бүлдээ цаг зав, анхаарлаа хандуулахыг хичээдэг. Анх хүүхдээ төрөхөд бусдын адил “Түүнийхээ төлөө бүхнээ зориулнаа” гэж л боддог байсан. Гэтэл энэ бодол “Баян аав, Ядуу аав” номыг уншаад арай өөрчлөгдсөн. Уг номонд хувь хүний санхүүгийн боловсролыг олгоод зогсохгүй хүүхдээ хэрхэн хүмүүжүүлэх амьдралын нарийн ухааныг шингээсэн байдаг. Номын зохиолч нь Япон хүн байсан болоод ч тэр үү? Хүний амьдралд гай болохгүй шүү, хариуцлагатай хүн байгаарай гэсэн япон философи л мэдрэгдээд байсан.

Эх хүн үрээ хүүе хаая гэх нь зүйтэй боловч манайхан хэт их хүүхдүүдийнхээ асуудалд оролцож, өмнүүр нь орж сонголт, шийдвэр хийдэг ард түмэн мэт санагддаг.

Миний зүгээс хүүхдүүдээ багаас нь албаар хааяа таагүй байдалд оруулах, түүнд хэрхэн дасан зохицож байгааг нь ажиглах, жижигхэн асуудлыг өөрөөр нь шийдүүлэх, бие даах чадварыг нь сайжруулах, өрөвдүүлж хохирогчийн дүрд лав тоглодоггүй хүн болгоход л анхаарах хэрэгтэй юм байна гэдгийг ойлгосон. Ийм байж эрүүл сэтгэлзүйтэй эргэн тойрондоо хариуцлагатай хүн болох бизээ.

09/03/2023

Эдгээр кинонуудыг та энэ амьдралынхаа туршид ядаж нэгийг нь үзсэн нь лавтай. Миний хувьд холливууд гэлтгүй кино урлагт хайртай хүний хувьд таныг “Хүчирхэг, Зорилготой, Тууштай” болгох кинонуудыг хуваалцаж байна. Бүгдээрээ бүх насны аль ч хүн үзэхэд санаа зоволтгүй болохоор гэр бүлээрээ амралтын өдрүүдээр үзээрэй хэмээн санал болгож байна. Гэр бүлээрээ иймэрхүү сэдэвтэй эерэг кино үзэх нь таны хүүхдийн бага насны хүмүүжилд эерэгээр нөлөөлөх болно😄

08/03/2023

Эр эмгүй бүгд л эрхтэй гэж боддог доо.
Бүх гайхалтай бүсгүйчүүддээ олон улсын эмэгтэйчүүдийн эрхийг хамгаалах өдрийн мэндийг хүргэе! Эр хүн эр хүндээ хайртай гэдэг шиг эмэгтэйчүүд бид бие биенээ ойлгож дэмждэг, урамшуулдаг байгаасай гэж их хүсдэг шүү.

Sainaa Ider

05/09/2023

11/04/2023

10/04/2023

05/04/2023

29/03/2023

20/03/2023

17/03/2023

13/03/2023

09/03/2023

08/03/2023

Address

Website

Alerts

Shortcuts

Share

Category