Saturn writing

08/07/2025

"Бид мийм харж инээлдэж байхдаа түүхээ мартаж байжээ. Бие, тархи, зүрх хүртэл биднийг ямар мэдээлэл уншихыг шийдэж, баримтаас илүү худал хуурмагийн тархалтыг дэмжлэг технологийн дайралтад өртсөн байна."

Мариа Ресса "Дарангуйлагчтай хэрхэн тэмцэх вэ?"

Эшлэл хуудас 340 дүгээр тал

Монголын баримт шалгах төв / Mongolian Fact Checking Center - MFCC
.............................

07/07/2025

30/06/2025

Номын тэмдэглэлээ чөлөөт сэтгүүлчдийн нэгдэл Pluma сайтад нийтэлдэг болсон шүү. Дагаад нэгдээрэй. 🫰

Энэ удаад монгол хэлнээ хэвлэгдсэн даруйгаас өдгөө хүртэл (2025.06.30-ны өдрийн байдлаар) Internom Bookstore-ийн "БЕСТСЕЛЛЕР-Уран зохиол" шилдэг борлуулалттай 10 номын жагсаалтад 47 дахь долоо хоногтоо нэрлэгдээд буй "Хөх тэнгэр сонсож бай" романы тухай бичвэр орлоо.

https://www.pluma.media/n/78
...................................

Nojo Publishing

28/06/2025

📖 Би аль болох олон зүйлийг суралцах боломжтой замыг сонгосон ч үүнээс илүүтэйгээр бусдад итгэж, өөрийгөө нээж, эмзэг байж сурсан. Бусдад итгэсэндээ харамссан тохиолдол надад ховор. Бусдад итгэх нь миний хүч бөгөөд хүний сайхан чанарт итгэл төгөлдөр болсон юм. Хүн өөрийгөө бусдад нээж чадсан үедээ хамгийн бат бөх харилцааг үүсгэж, шинэ боломжуудыг нээж байдаг.
.................................

Мариа Ресса "Дарангуйлагчтай хэрхэн тэмцэх вэ?"

Эшлэл хуудас 77 дугаар тал

25/06/2025

ДУРСАМЖ ХЭЗЭЭ Ч СААРАЛ БАЙДАГГҮЙ

Энх цаг гэж ямархан үнэ цэнийг бүтээдэг болохыг, эрүүл саруул, элэг бүтэн амьдрахын зол, аниргүйн аз жаргал, амгалан байхын сайхныг илүү ухаарах орон зай номын хуудас бүрд шингэжээ.

https://www.pluma.media/n/61..............................

Tagtaa Publishing

23/06/2025

📖Номын тэмдэглэлээ албан ёсоор сайтад нийтэлж эхэллээ.

Анхных нь аль нь байх вэ гэж бодон бодсоор "Нохойн зүрх"-ээр эхэллээ. Чөлөөт сэтгүүлчдийн нэгдэл бүхий монголын анхны сайт Pluma.media маань энэ сарын 26-нд нээлтээ хийх юм.
Сайтын хөгжүүлэлт үргэлжилж байгаа тул илүү гоё болоод явах байх аа. Хамт байгаарай.

https://www.pluma.media/n/49

ЭС МЭДЭХ Ч ЦЭЦЭРХЭХ, ҮЛ ЧАДАХ Ч БАРДАМНАХ
.......................................

Tagtaa Publishing

17/06/2025

Яая даа байз... Бурхан минь!
Зүүдээр цаг хугацааг илбэдэж болох уу?
Яг одоо нам унтаад
Парист сэрмээр байна.

Гудамжны дуучин хайж олоод,
Чимээгүй чагнаж чимээгүй алга ташаад,
Гунигтай дахилтыг нь дагаж аялахын тулд
Монмартрт очмоор байна...

Г.Аюурзана
"Шидийн барилдлага" шүлгийн түүврээс

17/06/2025

Ширээний номоо хуваалцъя📖

Ойрдоо эрүүл мэнддээ илүү анхаарах, стрессээс ангижрах хүсэлдээ автаад мэдээнээс нэлээн холдож байна. Тэглээ гээд хорвоо эргэдгээрээ эргэж, амьдрал хөвөрдгөөрөө хөвөрч, илүү таатай, өөрт тухтай бүхнийг мэдрэх орон зайтай болж байгаагаа ухаарч байна.

Ажлын байранд гарснаас хойш мэргэжлээсээ шалтгаалаад 10 гаруй жил ямар ч шүүлтүүргүйгээр мэдээ л уншсаар ирсэнээ энэ номын хуудсыг нээгээд эргэцүүлсэн. Мэдээж мэдээ, мэдээллээс хол байх тухай асуудал энд өөр хэрэг, зүгээр л өөрт хэрэгцээгүй, өрөөлийн амьдралд хэт хутгалдсан хэрэггүй мэдээллийг ангилж үлдээгээд илүү цэгцтэй мэдлэг олж авахад анхаарах тухай л уг номонд маш ойлгомжтой бөгөөд жишээ баримттай өгүүлжээ.

Одоо энэ номыг ширээн дээрээ тавьчихаад үе үе сөхөж хараад, өөрийгөө тайвшруулж, урт амьсгаа авч байна. Заримдаа хүнд өөрийгөө амраах цаг хэрэгтэй байдаг даа. Тийм үедээ бусад бүх зүйлийг хойш тавиад тархиа амрааж байгаарай.

"Мэдээ уншихаа боль" Рольф Добэлли

16/06/2025

♟️ШАТРЫН ТУУЖ♟️
/номын тэмдэглэл/

Хэт бардамнал сүйрэлд хүргэх эрсдлийг дагуулсаар байдгийг, хэт хөөрөлд автах нь оюун санааг бодит байдлаас төсөөрүүлэх аюултайг зохиолын үйл явдал харуулна.

"Шатрын тууж" нь ердөө гурван дүртэй, үйл явдал нь усан онгоц дээр өрнөсөөр дуусах бөгөөд хүүрнэгч би баатрын дурсамжаар хөвөрдөж, үүн дотроо зохиолын гол баатар доктор Б хэмээх эрийн дурсамжийг хүүрнэнэ.

Шатрын дэлхийн аварга Чентовичтой нэгэн усан онгоцонд ялж буйгаа мэдсэн би хүүрнэгч тухайн хүний тоглолтыг ойроос харах хүсэлд автсаар нэгэн арга заль хэрэглэнэ. Түүний заль мэх нь аваргын сонирхлыг хормын төдийд татаж чадах ч тоглолтыг нь удаан үргэлжлүүлэх хэмжээнд эн зэрэгцэх хүн хөлгийн тавцан дээр үгүй тул өгүүлэгчийн төлөвлөгөө талаар болох магадлал өндөр байлаа. Яг ийм эгзэгтэй үед хэн ч үл таних нэгэн шатрын мастер үзэгч олны дундаас гарч ирэх бөгөөд туужид түүнийг доктор Б хэмээн нэрлэнэ.

Бясалгал, гэгээрэл хийгээд гүн бодол, солиорлын тухай шатрын хар, цагаан нүднүүдээр төлөөлүүлэн хүүрнэсэн сэтгэхүйн тууж болохыг уг зохиолыг уншиж байхдаа эргэцүүлэв.

Номын тэмдэглэлийн дэлгэрэнгүйг 👉 https://borgotsoi.coo.mn/117159/shatryn-tuuj.html
...................................

Saturn Writing
2025.06.16

#номынтэмдэглэл