24/09/2025
Жиллиан гэж 7 настай, сургуульдаа хором ч тогтон сууж чаддаггүй охин байж. Байнга босож сууна, анхаарал нь тогтож өгөхгүй, бодолдоо хөтлөгдөн агаарт хөвнө, хүсэв ч хичээлдээ анхаарч ядна. Багш нар нь түүнд санаа зовж, шийтгэж нэг үзнэ, загнаж нэг үзнэ, арай гэж анхаарал нь хааяа нэг төвлөрөхөөр нь шагнана, гэвч юу ч тусыг үл олно. Жиллиан яаж ч хичээгээд тогтож суун, анхаарлаа төвлөрүүлж чаддаггүй байв.
Гэртээ харихад ээж нь түүнийг бас шийтгэнэ. Тийм болохоор Жиллиан сургуульдаа ч муу сурч шийтгүүлэх дээрээ гэртээ ч мөн үүнээсээ болж бас зовно.
Нэг өдөр Жиллианы ээжийг сургуульд дуудав. Нэг л туйлын таагүй, хүнд мэдээ дуулгах гэж байгаа аятай, гунигтай царайтай эмэгтэй түүнийг хөтлөөд ярилцлагын өрөөнд дагуулж орлоо. Тэнд байсан багш нар нэгэн өвчний, сонин эмгэгийн тухай ярьж эхэллээ. Магадгүй гипер идэвхитэй ч юм уу, эм уух ч шаардлагатай байж болзошгүй гэнэ.
Харин ярилцлагын үеэр тэр бяцхан охиныг мэддэг нэг хөгшин багш орж ирэв. Тэрээр бүх томчуудыг өөрийг нь дагаж явж, зэргэлдээ өрөөнд нөгөө охиныг сэм ажиглахыг хүслээ. Охиныг өрөөнд ганцаар нь орхихдоо удахгүй эргэж ирнэ гэж хэлээд хөгжим тоглуулж орхиод гарчээ.
Охин ганцаар үлдэнгүүтээ тэр даруй босоод л агаарт хөвөх хөгжмийн аяыг хөл болон зүрхээрээ дагаж хөөж эхэллээ. Хөгшин багшийг бусад нь гайхаж бас зөнөсөн хүнийг өрөвдөх мэт харав. Багш харин охины ээжид инээмсэглэлтэйгээр хэлжээ:
"Харав уу? Жиллиан ямар ч өвчингүй, Жиллиан бол бүжигчин байхгүй юу!"
Түүнийг бүжгийн сургуульд оруулж, бас найз нөхөддөө хэлээд охиноо гэнэ гэнэ бүжиглэж өгөхийг хүсэж байхыг захиарай гэж зөвлөжээ. Охин бүжгийн эхний хичээлдээ орчихоод гэртээ ирээд ээждээ хэлэв:
"Тэнд бүгдээрээ яг над шиг юм, хэн ч суугаад байж чаддаггүй!"
1981 онд Жиллиан Линн бүжигчний мэргэжлийн замналаа өндөрлөж, өөрийн бүжгийн академийг нээхэд, түүний авъяасыг олон улсын хэмжээнд хүлээн зөвшөөрч, тэрээр алдарт "Муужгайнууд" мюзиклыг дэглэсэн юм.
"Хачин" хүүхдүүдийг үл чадах, дутуугаар нь шоовдорлох биш байгаагаар нь хайрлаж байгаарай!
Олон өнгө, өвөрмөц бүхэн дэлгэрэг! Чухам тэд чинь л энэ хорвоод гоо сайхныг бүтээдэг юм шүү дээ! ❤️
