02/11/2025
Хүний нөөцийн том номын нэгэн алдартай ишлэлд “Culture is not what’s written on the wall; it’s what happens in the hall” гэж бий.
Энэ үг анх уншихад энгийн мэт боловч, маш чухал үг юм.
Бид “үнэт зүйл”, “алсын хараа”, “эрхэм зорилго”-оо хамгийн сайхан үгээр бичиж, оффисын ханыг чимдэг.
Гэхдээ тэр үгс ажилтнуудын өдөр тутмын ярианд, удирдлагын шийдвэр гаргалтад, хамт олны харилцаанд тусгагдаагүй бол тэр бол зураг төдий л юм.
Байгууллагын соёл бол бодит амьдрал дээр илэрдэг:
• Удирдлага багийнхаа гишүүний санааг анхааралтай сонсдог уу?
• Алдаа гаргасан ажилтныг шийтгэдэг үү, эсвэл суралцах боломж гэж үздэг үү?
• Хүмүүс нэгнийгээ амаараа л дэмждэг үү, эсвэл бүр үйлдлээрээ дэмжиж байна уу?
Соёлыг “хүн бүрийн өдөр тутмын зан төлөв” тодорхойлдог.
Байгууллагын соёл хүчтэй байвал шинэ хүн тэр соёлд уусдаг.
Харин соёл сул байвал шинэ хүн соёлыг өөрчилдөг.
Тиймээс HR-ийн жинхэнэ үүрэг бол “ханан дээр бичигдсэн үнэ цэнийг” бодит зан төлөв болгож хувиргах юм.
#Хүнийнөөцийнтомном