TenGer TV

TenGer TV 🔵TenGer TV Нийгмийн итгэлцлийг сэргээнэ.

09/06/2026

Хичээл, сургалтын үйл ажиллагаа зогсож, зуны улирал эхлэхтэй зэрэгцэн эцэг эхчүүд хүүхдээ хэнд даатгах вэ гэсэн асуудалтай тулгардаг. Харах хүнгүйгээс шалтгаалан хүүхдүүдийг гэрт ганцааранг нь үлдээх, эсвэл ах, эгчээр нь харуулах зэрэг нөхцөл үүсдэг бөгөөд энэ нь ахуйн осол, гэмтэл нэмэгдэх эрсдэл дагуулдаг байна. Иймээс нийслэлийн хэмжээнд зуны цэцэрлэгийн хэрэгцээ өндөр байгаа тул нийслэлийн боловсролын газраас энэ зун ажиллах 93 цэцэрлэгийн нэрсийг гаргажээ.

#ДолооАрав #Мэдээ

09/06/2026

Энэ зуны цаг агаарын урьдчилсан төлвөөр Улаанбаатар хот долоо, наймдугаар сард олон жилийн дунджаас дулаан байх бөгөөд ихэнх нутгаар мөн агаарын температур дунджаас дулаарах төлөвтэй байна. Харин зүүн бүсийн аймгуудаар хур тунадас ахиу орох төлөвтэй байгааг цаг, уур, орчны шинжилгээний газраас мэдээллээ.

#ДолооАрав #Мэдээ

09/06/2026

Уур амьсгалын өөрчлөлт, бэлчээрийн доройтол, газар ашиглалтын дарамт нэмэгдэж буй энэ үед малчдын эрх, нүүдлийн уламжлалт тогтолцоог хамгаалах асуудал олон улсын анхаарлын төвд байна. Энэ хүрээнд 13 орны 100 гаруй төлөөлөгч малчдын эрх, нүүдэл, бэлчээрийн тогтвортой засаглалыг олон улсын бодлогод тусгах зорилготой “Бэлчээрийн мал аж ахуй, нүүдэл, бэлчээрийн талаарх дэлхийн бодлогын хэлэлцүүлэг” Улаанбаатар хотноо эхэллээ. 3 хоног үргэлжлэх уг уулзалтад 13 орны 100 гаруй төлөөлөгч оролцож, зөвлөмжөө ирэх наймдугаар сард болох COP17-д хүргүүлэхээр ажиллаж байна.

#ДолооАрав #Мэдээ

09/06/2026

Нийгмийн сүлжээнд хүүхдийн аюулгүй байдлыг хангах тухай хуулийн олон нийтийн хэлэлцүүлэг өнөөдөр боллоо. Энэхүү хууль нь үе тэнгийн дээрэлхэлтийг зогсоох суурь болох ач холбогдолтой гэж салбарын мэргэжилтнүүд үзэж байна. Мөн энэ хууль нь цахим орчинд хүүхдийн аюулгүй байдлыг хамгаалж гэмт хэргийн зөрчлөөс сэргийлэх, сөрөг агуулгатай контентоос ангид байлгах зохицуулалттай юм.

#ДолооАрав #Мэдээ

09/06/2026

Зуны гуравхан сар ажил хийж буй оюутнууд үндсэн ажилчидтай ижил хэмжээний шимтгэл, татвар суутгуулах нь хүндрэлтэй байдаг тухай хэлж байна. Иймд тэд НДШ, ХАОАТ зэргийг төлөхгүй ажил хийх хүсэлт гаргадаг байна.

#ДолооАрав #Мэдээ

09/06/2026

24 дэх жилдээ зохион байгуулагдаж байгаа “Playtime” наадмын зохион байгуулалтын тухай өнөөдөр мэдээлэл өглөө. Энэ жил наадмын түүхэн дэх хамгийн өндөр төсөвтэй олон улсын уран бүтээлчидтэй хөтөлбөр байх болно гэсэн юм. Мөн өмнө жилүүдээс илүү өргөн бүрэлдэхүүнтэй буюу дэлхийн олон орны хамтлаг, дуучид ирэхээс гадна олон улсын мэргэжлийн продакшн багууд тайз засалт, дизайн, арын багт ажиллаж байгаагаараа онцлогтой байна.

#ДолооАрав #Мэдээ

09/06/2026

Урин дулаан цаг ирж, шил шилээ даран задгай тоглолт, арга хэмжээнүүд зохион байгуулагдаж байна. Харамсалтай нь зохион байгуулагчдын зүгээс тайзны засал, хөтөлбөр зэрэгтээ хэт анхааралаа хандуулдаг ч ҮЗЭГЧДИЙН АЮУЛГҮЙ БАЙДЛЫГ ОРХИГДУУЛЖ байгааг манай сэтгүүлч сурвалжиллаа.

#ДолооАрав #Мэдээ

09/06/2026

БИЗНЕС ОРЧИН
Бид энэ удаад Эрүүл мэндийн салбарт бизнес эрхлэхэд тулгамддаг асуудлыг салбарын төлөөллөөс тодрууллаа. Төрийн бодлого зөв, тогтвортой байхгүй бол бизнесүүд дампуурахад хүргэж байгаагаас гадна бизнесүүдэд ирдэг хамгийн том дарамт бол татвар, мөн төр бизнесүүдэд дэмжлэг үзүүлдэггүй юм аа гэхэд татварын дарамтаас хол байлгах хэрэгтэй гэдгийг Тод Эйч хүүхдийн өсөлтийн клиникийн захирал Д.Тодням хэллээ.

#ДолооАрав #Мэдээ

09/06/2026

Өнгөрсөн долоо хоногт Засгийн газраас УИХ-аар яаралтай хэлэлцүүлэхээр өргөн барьсан Бизнесийн эрх чөлөөний тухай хуулийн төсөлд тусгагдсан анхаарал татахуйц онцлох заалт бол зээлийн хүүг бууруулах, гаднаас хямд эх үүсвэр татах зорилгоор Банкны тухай хуулийг Хөрөнгө оруулалтын хуультай уялдуулсан байна. Ингэснээр гагцхүү гадаадын банк Монголд салбараа байгуулах эрх зүйн орчин бүрдэж, гаднаас татах эх үүсвэрийн суутган татварыг 5 хувь болгон бууруулна гэж Ерөнхий сайд мэдэгдсэн. Тэгвэл энэ асуудалд эдийн засагчдын төлөөлөл дараах байр суурийг илэрхийлж байна.

#ДолооАрав #Мэдээ

09/06/2026

Монголд бизнесийн эрх чөлөө бодитоор байхгүй байгаа учраас Засгийн газраас яаралтай горимоор УИХ-аар хэлэлцүүлэхээр "Бизнесийн эрх чөлөөний тухай хууль"-ийн төслийг өргөн барив уу гэж ёгтлох олон жишээ манай зах зээлийн орчинд бий. Нөгөө талаар Занданшатарын Засгийн газрын үед боловсруулсан Эдийн засгийн эрх чөлөөний хуулийн төслийг Учралын засгийн газар эргүүлж татаад, нэрийг нь Бизнесийн эрх чөлөөний хууль болгож өөрчлөөд яаралтай хэлэлцүүлэхээр өргөн барьсны цаадах улс төрийн тоглолт юу байв? Сөрөг хүчин Ардчилсан намын зүгээс өмнө нь өргөн бариад байсан Эдийн засгийн эрх чөлөөний тухай хуулийн төслийг тэгвэл одоо хэрхэх вэ гэдэг асуулт урган гарч ирж байна.

#ДолооАрав #Мэдээ

Address

Ерөнхий Сайд Амарын гудамж
Ulaanbaatar
14200

Website

Alerts

Be the first to know and let us send you an email when TenGer TV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category