05/09/2020
Монголын кино театруудын киног авдаг формат бол DCP /Digital Cinema Package/ өргөтгөл юм.
Дэлгэц 2 төрөл байдаг. 1 Flat (1998x1080), 2 (Scope 2048x858)
2К дэлгэц түгээмэл байдаг тул рендер хийхдээ 2К хийвэл Scope, Flat 2 төрлөөр хийгээрэй. Мөн 4К дэлгэц хэд хэд байдаг тул та анхнаасаа киногоо 4К чанартай зураг авалтаа хийсэн бол дахин scope, flat гэсэн төрлүүдээр тус тусд нь рендер уншуулах ба нийт 4 төрлийн формат гарна. 2К 2 төрөл 4К 2 төрөл гэсэн үг.
Энэхүү DCP өргөтгөл нь кино театрын тоног төхөөрөмжүүдэд KDM (Key Delivery Message) буюу проектор тус бүрд таарсан тухайн дүрсийг задлан таних хугацаат тоглуулах эрхийн түлхүүр юм. Ингэснээр киног эх хувиар нь хулгайд алдагдах эрсдэлийг 100% бууруулдаг юм. Дэлхийн бүх кино театр энэ зарчмаар ажилладаг.
Эдгээрийг кино уран бүтээлчид зарим нь хангалттай гадарлаж байдаг хэдий ч өөрсдөө DCP өргөтгөл рүү хөрвүүлэн KDM боловсруулдаггүй.
Хэрэв тэд өөрсдөө энэ формат руу хөрвүүлдэг, өөрсдөө KDM боловсруулдаг, Дууны 5.1 дуугаралтаа хийгээд ирвэл хоорондоо өрсөлдөж илүү судалгаатай, илүү хичээсэн багийн киноны дуу дүрсний чанар сайжрах боломжтой. Энэ бол чөлөөт зах зээлийн цэвэр өрсөлдөөн юм. Тэгж байж л техник технологи талдаа Монгол кино урлаг Пост продакшн илүү хөгжих болно.
Гэвч энэ боломжийг яагаад ашиглаж чадахгүй байгааг өөрсдөөсөө асуугаад үзээрэй.
Жишээ болгоод интернетэд байдаг зааврыг видео орууллаа.
Ийм л энгийн зүйл дээр та нар гацна гэж үү?
Мэдээж энэ DCP формат руу хөрвүүлэхэд албан ёсны зөвшөөрөлтэй /license/ програм ашиглаж хийнэ. Худалдаж авах эсвэл түрээслэх гэсэн сонголтуудтай байгаа. Энэ бол энгийн нэг плагн юм. Харин үнэгүй хувилбарыг ашиглахгүй байхыг зөвлөж байна.
Урлаг урлагийн дээд Монгол кино урлаг мандан бадраг.
