02/08/2025
Баяжчихвал л сайхан амьдардаг.
Байртай болж өгвөл бүр томхон шиг байртай л болчихвол...
Бас нэг гайгүй машинтай болчихвол, банкиндаа нэлээд хадгаламжтай бол ... хачин сайхан амьдарчихна гэж эндүүрэгсэд их .
Хүний амьдралд асуудал огтоос дуусдаггүй. Бүр үхэж байж л тэр асуудлууд ард чинь нэг юм хоцорно гээд боддоо.
Үгүй ээ үхсэн хойно чинь ч хоцрохгүй юм байна, ялангуяа их хөрөнгө мөнгөтэй бол чинь .Үлдсэн хүмүүс чинь түүн дээр чинь булаацалдан ясыг чинь яйруулан хэрэлдэж зүхцгээнэ.
Байртай, машинтай, мөнгөтэй болчих гээд л гүйсээр, гүйсээр мөрөөдөж шаналсаар байхад чинь маш олон зүйлийг алдсанаа дараа нь л ойлгодог .
Харамсалтай нь ойлгосон ч нэгэнт суусан тогтсон хүүхдийн чинь хүмүүжил, эвдэрч гэмтсэн эрүүл мэнд чинь сэргэх бараг л боломжгүй болчихсон байх .
Тэр дотроос хамгийн их алдагддаг бас буцааж олж авах магадлал хамгийн бага зүйл эрүүл мэнд .
Мөн үр хүүхдийн тань хүмүүжил байдаг.
Тэгээд цаашилбал хосуудын үргэлж бие биенээ чамласан ,үгүйсгэсэн, ялангуяа эмэгтэйчүүд нөхрөө тэр, энэнтэй харьцуулах мөнгөний , хэн нэгнээ хардан хийх бөгс бөөрний хэрүүл, эсбөгөөс эр, эмийн архины хамаарал зэрэг гэр бүлийг , хүүхдийн ирээдүйг ямарч итгэл ,гэрэлгүй болгодог.
Одоо цагт заавал мөнгөтэй, байртай, машинтай байж л эр хүн юмаа бэлдэж ,охид үнэтэй байж л чухам сайхан амьдарна гэж үлгэр их ярьдаг болжээ.
Бүх зүйл нь бэлэн газар хүн тогтохдоо ,тогтоохдоо хэзээ ч бүр хэзээ ч амар хялбар байдаггүй ээ.
Бурхан хүнд амьдралын давс, чихрийн амтыг заавал хольж ,хослуулан амсуулдаг юм .
Ядуу тарчиг , ойгүй баян амьдралд ч аанай л өнөө бөгсний хэрүүл араар тавилт, архи дарс ,мөрийтэй тоглоом, хар тамхи ....бүгд сүүдрээ тусгаад л ав адилхан ялгахгүй оршиж л байдаг.
Өөгүй сайхан амьдрал үнэндээ ном зохиол кинонд ч байдаггүй шүү дээ.
Манай Монголчууд гадаадын одууд ,баячуудыг л алаад жаргаад байдаг гэж бодоцгоох.
Үгүй л дээ, тэр олон од , баячууд чинь дийлэнх нь, бүр 80, 90 хувь нь байнгын сэтгэл гутралын эмгэгтэй, нойргүйдэх өвчтэй, салж нийлсэн амьдралтай, архи хар тамхины хамааралтай, с**с ийн гаж зуршилтай гээд тоочоод барахгүй, хүсмээргүй хэцүүхэн амьдралыг туулцгааж, амиа хорлохыг удаа дараалан завдаж , үнэнч найз нөхөд ч олдохгүй гэх мэтээр амьдардаг гэдгийг уншаад , харчих огтоос хэцүү бишээ.
Яаж хурдан баяжих вэ, яавал баян амжилттай хүнтэй амьдрах вэ гэж биш , яаж тогтвортой, амар амгалан амьдрах вэ гэдэгт л сэтгэлээ чилээж амьдрах хэрэгтэй дээ.
Сэтгэлийн амар амгалан газар хүн ч цэцэглэж ,хүүхэд ч сайн сайхан өсөж хүмүүжиж, мөнгө төгрөг ч тогтдог юм.
ХУЛГАНАЙН ТЭРГЭЛ.2025он 8 сарын 1.
