29/07/2022
Ганцаараа хүн амьтан цочиж сэртэл нулимсаа гартал баахан инээлээ😂😂😂
БОЛСОН ЯВДАЛ
Өчигдөр орой бүр нэг хөгийн юм боллоо. Баасан гариг байсан болохоор манай зуслангийн энэ хавиар хөл ихтэй, дэлгүүр ч дараалал ихтэй байлаа. Тэгсхийгээд орой болоод харанхуй ч болов.
Би ч гэртээ сайхан хоол эргүүлсэн шиг сууж байсан чинь хаалга хүн нүдэж байна шүү. За байз хүн амьтан ирнэ гэж утсаар ярьсан юм лав байхгүй дээ, энэ харанхуй болсон хойно хэн байдаг юм болоо гэсэн юм бодоод, очоод хаалгаа нээтэл, нэг намхан пагдгар нөхөр, яг алмасны зулзага шиг юм зогсож байна шүү. Би ч үхтлээ цочив. Намайг цочсон чинь өнөөх нөхөр ч бас надаас цочив.
Тэрний тэр нүүр ам хувцас хунар үс зүс гэж авах юм алгаа. Зуухны таглаа шиг пад хар болчихсон юм байх юм. Нэг нэгнээсээ цочоод хэсэг бие биенээ харж зогсов оо. Таньдаг хүн юм болов уу, танихгүй хүн юм болов уу гэж би дотроо бодоод. Заза энэ угаасаа ээж нь танихааргүй болчихсон юмыг би яаж танихав гэж бодоод "Яах гэсэн юм бэ?" гэсэн чинь "Машин шаварт суучихлаа, татлага байна уу?" гэнэ. Ээ чааваас яг тийм байх аа гэж бодоод "Байгаа байгаа, татах машин байгаа юмуу?" гэсэн чинь "Байгаа" гэж байна.
За одоохон гээд хувцсаа өмсөөд трос олс аваад нөгөө нөхөртэй машин луу нь явлаа.
Яваад очсон чинь хоёр залуу, хоёр эмэгтэй байнаа. Нэг нь бас алмас шиг болчихож хөөрхий. Нөгөө нэг нь цэвэрхэн цэмбэгэр нөхөр зогсож байна шүү. Нөгөө алмас шиг нөхрийг харлаа, ямар ч байсан таних хүн биш юм. Тэгээд нөгөөдүүл чинь хойш нь татаж гаргахаар болоод тросоо холбоод татахад бэлэн боллоо. Би ч дэргэд нь хараад л зогсоод байв. Тэгсэн чинь шаварт суусан машин нь урагшаа зүтгээд, татаж гаргах гэж байгаа машин нь хойшоо зүтгээд хүүе гэхийн зуургүй татаж байгаа машин нь бас суучихдаг юм байна. Хөөх ийм тэнэг хүмүүс бас байдагаа гэж бодов.
Нөгөөдүүл чинь бууж ирээд л одоо яах уу л гэж байна. Тэгсэн нөгөө зулзага: Дөрвийн дөрвөн эр хүн байна даа, түрээд гаргачихъя гэсэн чинь нөгөө хоёр нь за тэгье гээд, нэг эмэгтэйгээ жолоон дээр суулгаад тэр гуравтай би нийлээд түрэхээр болов. Урагш нь түрнээ л гэж байна. За ямар ч байсан захад зогсвол ойлгомжтой алмас болно гэж бодоод би голоос нь түрье л гэлээ. За гээд нээг хоёрын гураваа гээд л түрээд байлаа. Тэгсэн чинь миний хажууд зогсож байсан цэвэрхэн царайт пад хийгээд л газар унаад шавар луу нүүрээ хийчихэв. Тэгээд босоод ирсэн чинь бас алмас болчихов. Тэгтэл нөгөө хоёр нь тэрнийгээ шоолоод л хөхрөөд байх юм. Нөгөө зулзага бүр явж инээгээд байна. Ёстой бүтэхгүй гарууд байна даа гэж дотроо бодоод зогсож байсан чинь нөгөө зулзага: Шавар дээр халтираад түрж болохгүй байнаа, тиймээс хэдүүлээ хуурай газар зогсож байгаад наад олсоор чинь татах уу гэж байна шүү. Тэгсэн нөгөө хоёр нь Яг зөв, тэгье л гэнэ.
Тэгээд нөгөө олсоо машиных нь урдаас бэхлээд нөгөө үзүүрээс нь татахаар болов. Урдаас машины гэрэл тусаад харагдах ч юм алгаа. Нээг хоёрын гураваа гээд л бид дөрөв хамаг чадлаараа л татаад байлаа. Нөгөө машин нь ч хаазлаад, ёнгиноод л, орилоод байхын.
Тэр чимээн дунд нэг хүн л ёоо ёоо гээд байх шиг сонсогдоод. Энэ хавьд ямар юм нь ёолоод байдаг юм бол гэсэн юм бодоод л татаад байлаа. Сүүлдээ ч бүр тамиргүй болоод ирсэн чинь л хамгийн урд зогсож байсан нөгөө зулзага унаад өгөв. Энэ яачихав гэсэн чинь нөгөө олсоо бүсэлхийгээрээ бүтэн ороочихсон байхад нь бид гурав араас нь татаад байж. Тэгсэн чинь нөгөө хоёр нь шоолоод л хөхрөөд байх юм. Гурвын гурван хүн хамаг чадлаараа зэрэг татаад бүсэлхийгээр нь таслаад алчих шахсан байна. Очоод харсан чинь нөгөө халтар нь царай нь ярвайж нус нулимстайгаа холилдчихсон юм шавар дээр атираад л байх юм. Түрүүн даанч их инээгээд байсан юмаа гэж бодоод байж байтал нөгөөх чинь босоод яваад өглөө.
Нэлээн цаана очоод өмдөө тайлаадахав. Тэгсэн чинь нэг нөхөр араас нь дөхөж очоод Яасан андаа, зүгээр үү гэсэн чинь Цаашаа зайл сда минь, би өмдөндөө баачихсан байна гэв.
За ёстой бүтэхгүй юм байна. Би оролцохоо байлаа. Машинаа гаргавал олс тросоо аваад ирээрэй гээд явлаа #гэнээ 😂😂😂
