01/09/2025
Амьдралын минь гэгээн гэрэлтэй үйл явдлуудаас нэг нь ингээд алсарч байна даа
Жил бүр хүүхдүүдийнхээ хичээлийн хэрэгслийг бэлдэнэ гээд л догдолдог юм.
Энийг авна, авахгүй гэж маргалдаад л, эрэгтэй эмэгтэйнхээ ялгааг мэдрээд л…. 😝
Ээж байсгээд л ягаан юм аваад байх юм, би чинь эрэгтэй ш дээ гэж шулганаад л …
Гүй ээ мөн хөгжилтэй шүү дээ.
Том ИС-д ороод багатайгаа явдаг болоод жоохоон, жоохон шүү … уйтгартайдуу аялал болдог байлаа.
Гэтэл энэ жил яасан гээч….
За, хоёулаа хичээлийн хэрэгслээ хэзээ бэлдэх үү ? гэсэн чинь
Көк - Та яах гэж байгаа юм?...гэдэг юм даа.
…Шок…
Юу гэсэн үг юм. Хамт явъя гэсэн чинь
- Яах юм бээ, найзтайгаа явчихна… гэлээ.
За, хэдэн төгрөг авах юм гэсэн чинь
- Зүгээр ээ, ээж. Нээх их юм авахгүй. Агаа мөнгө өгчихсөн гэж авдаг юм даа…
- Намайг яагаа ч үгүй эрт тэтгэврийн хүн болгох гээд би бас дахиад 10 жил ээжийн ажлаа хиймээр л байна шүү - гэж үглэсэн чинь тоосон ч үгүй гараад явчихлаа...
Нээх сонин “гонсгор” мэдрэмж…
Хүүхдүүд томроод хамт юманд явахаа больж, хамт зургаа авахуулахаа больж… ер нь л хамт хийдэг хөгжилтэй сайхан үйл явдлууд нэг нэгээр алсарсаар…
Ээ дээ, хормойноос чинь чангаагаад л , ядарч байхад чинь элдвийг шалгаагаад л, юм л бол энгэрт зүүгдээд, яг сайхан унтах гэхээр ус нэхэж уйлагнаад л, элдвийн юм авна гэж дэлгүүрт хоргоох зэргээр жинхэнэ “ядаргаа” болдог үе л хамгийн сайхан нь юм байна шүү, ээжүүд минь.
Энэ л үед нь улам илүү тэвэрч, үнсч, анхаарч халамжилж байгаарай.
Удахгүй хүссэн цагтаа шүүрч аваад ханатлаа үнсдэг тансаг мэдрэмж ховор болно😝😝😝
Учир нь өндөр болчихоод үсрээд ч үнсч хүрэхгүй.
“За яах вэ, үнс дээ” гэж хааяадаа нэг тонгойход нь бүр бөөн баяр болно шүү дээ😝😝
Амьдрал сайхан юм аа 🥰🥰🥰
Жич: Бичвэр минь эмгэнэлт зохиол шиг эхэлчихсэн байгаа биз 🤣
Жүжигчин Д.Ганцэцэг
