20/02/2025
ИРГЭН: ӨНӨӨДӨР УЙЛЧИХЛАА БИ 😭
Сууж явсан такси маань нэг л эвгүй гэнэт хаазалж огцом хөдлөөд нэг л эвгүй яваад таагүй мэдрэмж төрөөд ажил дээр ирэв. Таксины жолооч ахаас дансны дугаарыг нь асуутал хазгай муруй хэллэгтэй ах эхний гурван орныг хэлээд гацчихав. Хэсэг байж байгаад “За ах нь дэвтэрнээсээ харъя” гээд энгэрээ ухаж ухаж нэг жижиг дэвтэр гаргаж ирээд моониг эв хавгүй гараараа хуудсыг нь эргүүлээд явчхав. Энгэр хармаагаа ухаж байгаа нь нэг л болхи удаан эв хавгүй. Би тэрүүхэндээ жоохон бухимдангүй алив ах би хайгаад өгөх үү гэтэл ашгүй данс бичсэн хуудас нь олдлоо.
Намайг дансанд нь таксины төлбөрөө хийж байх хугацаанд ах хүү санаа зовсон уу яасан: Ах нь саяхан харвасан юмаа харваснаас хойш юм тогтоохоо больж хэдхэн оронтой тоо цээжлэхгүй юм гар хуруу ч санасны зоргоор ажиллахгүй юм. Та чинь харвачихаад яагаад машин бариад яваа юм вэ? гэж асуутал өнөөх ах харин эмний мөнгөө олохгүй бол болдоггүй ээ гээд санаашрав. Машинаас буугаад зам гарахдаа уйлчихлаа.
